Update 166
Ehsaas-Ae-Mohabbatt (2)
"Yar Daleep, Rajasthan me itna sabkuch ho raha hai aur ye sab pata bhi nahi chal raha.?", Andar ki mehfil me jaha Sohanlal ji ke sath Kundanlal ji aur Ashok ji baithe the aur Tejpal ji madira ki jagha bas baaton me sath de rahe the wahi Shankar, Daleep aur Rajesh wahi nohre me bottle khol kar ye gehri charcha me vileen the. Mudda tha us laapta ladki ka aur Daleep ki khojbin.
"Sabkuch waisa nahi hai Shankar jaisa humko pata chalta hai ya kabhi kabhi koyi case thoda khul kar najar aa jata hai. Nivedita bade ghar ki beti thi isliye aisi jaanch bithaai gayi. Lekin Pali aur Barmer ke beech halaat itne bure hai ki agar kisi ko bhanak bhi lagti hai na karvaahi ya kisi afsar ki toh samjho sab gayab. Abhi haal he me 6 yuvtiyan apharan, balatkaar ka shikar hui jinme se 4 ki laash thkaane pahucha di gayi. Ek kisi tarah bach toh gayi lekin uske gharwalo ne he uska jiwan khatam kar diya. Ab khud he socho ki gaanv-dehat ke sath sath kuch bade shehar bhi hai udhar lekin gunaah karne wale hawa ki tarah adrishya.", Daleep ne ek kagaj kurte ki baayi jeb se nikaalne ke baad khol kar Shankar ki taraf badhaya toh Rajesh ne bhi torch ki roshni dikhate hue waha likhit report aur choti choti tasiviro par najar daali.
"Toh kya Daleep bhai waha koyi information hath nahi lagi?", Rajesh ke sawaal par Shankar ne thodi hairani se usko dekha.
"Isne kaha na ke 6 ladkiyan thi toh ek iske hath lagi hui hai. Lekin Daleep ye sab toh dehaat ki ladkiyan hai jinki umar 15 se 17 baras bataai gayi hai. Nivedita 22 varsh ki aadhunik ladki thi. Mamla dotarfa kyu lag raha hai.?", Shankar aise halaat me kitna sanjida ho sakta ye in dono ka atche se pata tha.
"Sahi keh rahe ho tum Shankar ki mamla do-tarfa lagta hai lekin gehraai me jao toh aapas me juda hai. Pali se aage patharo ki khaan hai aur waha is umar ki kayi ladkiyan kaam karti hai ya unke pariwar wale. Barmer me cement aur choona pathar ka bada karobar hai aur ye dono jaante ho kiske hai?", Daleep ke sawaal par baaki dono ne naa me gardan hila di.
"Kumar Saarang ke. Lekin wo naade ke kacha vyakti nahi hai, jara bhi nahi. Haan uska raub bhi hai aur ye sabhi pariwar chup bhi hai kyonki unhe keemat mili hai jubaan band rakhne ki."
"Ek bar kaha tha papa ne ki Saarang jaisa bhi vyakti ho lekin wo giri hui harkat ya aurat se abhadrata nahi karta lekin wo inhe chup kyun karwa raha hai? Aur kya sachmuch uska itna prabhaav hai us taraf?", Shankar ki baat sunn kar Rajesh bhi sar khujane laga tha.
"Prabhaav ki baat karte ho tum Saarang ke? Chacha (Pandit ji) ka toh network tumne dekha he hoga jo har bade vyakti ke sath sath nichle darje tak ko shamil rakhte hai. Saarang us se bhi 2 kadam aage hai Shankar. Waha ki siyasat toh kya local rangroot aur har chhota bada bahubali tak uske niche hai. 6 Policewale maar diye the bhai jo pehle Nivedita case me Delhi se gaye the udhar. Dikhaya jeep ka road accident aur driver pesh bhi ho gaya. Lekin mudde ki baat suno tum.", Daleep ab jaise koyi bade raaj se parda uthane wala tha.
"Ye sabhi balatkaar aur katla Kumar Indraneel ne kiye hai, Saarang ke bade bete ne. Aur Nivedita ki report me uske sath ek se adhik vyaktiyon dwara dushkarm bataya gaya tha lekin wo is taraf se udhar gayi ya le jaayi gayi thi. Jaante ho usko waha aakhiri baar zinda kiske sath dekha gaya tha?", Daleep thoda thoda khulasa karne ke sath he sawaal bhi daag raha tha. Shankar ne narajgi me alag se neat peg lagate hue naa me gardan hilaai toh Daleep ne dono hath jodd diye.
"Shaant bhai shaant. Ye kaafi bada naam tha isliye maine drama kiya. Nivedita ko udhar lekar jaane wala vyakti tha Vimal Kapoor jisko tumne khatam kar diya. Tumhe shayad pata bhi nahi hoga ki wo insaan kya hasti tha. Pate ki baat ye hai ki Indraneel hai ek Psycho ya pagal jaisa he samjho aur wo rape karne ke baad ladki ko maar deta hai. Nivedita ke sath Kapoor, Pushpak ne 2 din tak rape kiya tha aur jab wo Indraneel ke hath lagi toh wo akshat kunwari nahi thi isliye aprakritik dushkarm karne ke baad usne Nivedita ke sharir ko cheer-faad diya."
"Ye toh sachmuch koyi jaanwar aadmi hai Daleep bhai.", Rajesh ke chehre par ghrina ke bhaav ubhar aaye the.
"Haan yar sala iska toh ilaaj jaruri hai nahi toh jaane kitni zindagiyan barbaad karega ye pagal?"
"Shankar-Rajesh, kisso ke hisaab se wo jyada nahi toh 70-75 ladkiyan registaan me dafna chuka hai aur jo sehmati se apna kaumarya usko saunp deti hai Indraneel usko fir kabhi pareshan nahi karta. Haal-filhaal me he uski shaadi bhi hui thi January mahine me Utranchal ke purane shahi-raajneetik pariwar ki ekmatra ladki ke sath. Suna hai ki Indraneel ki dukhti ragg wahi yuvti hai aur uski har baat ko wo apne sar aankhon par rakhta hai.", Daleep baat aage badha raha tha lekin Shankar bade gor se un ladkiyon ko dekhne laga jo is duniya me nahi rahi thi.
"Wo chhati ladki kaha hai Daleep?", SHankar ne mudde ki he baat kahi.
"Surakshit hai aur usko maine sahi halaat me rakha hua hai Shankar. Usne he mujhe bataya tha ki Kunwar sa ne uska balakaar kiya aur buri tarah jakhmi kar diya. Wo ladki kismat se he mere hath lagi thi Shankar aur saansein kabhi bhi ruk sakti thi lekin shayad abhi zindagi likhi thi uski."
"Is Indraneel ko thikane lagana jaruri hai Daleep."
"Bhool kar bhi ye karne ki matt sochna Shankar. Uske kareeb jaane se pehle he hum tum jameen me dafan honge. Aur jaruri baat ye hai ki wo is desh se 3 din pehle he ja chuka hai apne baap ki wajah se. Ab us se bada shaitaan aur Saarang ka bhai Rajyavardhan aa gaya hai. Wo bhi shoshan karta hai ladkiyon ka lekin marta sirf purusho ko hai wo bhi darr baithane ke liye.", Daleep ne kandhe dhalkaaye toh Rajesh ko bahot bura laga.
"Daleep bhai, main kaatunga in sabki lulli. Dekh lena aap chahe wo Raja ho ya maharaja."
"Sach Daleep, kya tum ye baat mujhse keh rahe ho ki main unka kuch nahi bagaad sakta?", Shankar ki sooi atak gayi thi is baat par.
"Tum, main, Umed, Rajesh, Inder aur jo bhi log tum jaante ho unhe ikattha karo aur sab eksaath marte hai waha ja kar. Tum pe mujhe khud se jyada eitbaar hai Shankar aur jab tum tum nahi rehte toh fir saamne kitne hai wo bhi maayne nahi rakhta lekin khud he socho jab prashashan se lekar aam vyakti tak unke sath ho aur manager tak ke par 20 surakshakarmi ho toh Saarang ke laadle bete ki suraksha kaisi hogi? Aur ye bhi batata chalu ki Pushpak har lihaaj se tumhari takkar ka hai, Saarang ka dusra beta aur uske karobaar ko badhane wala. Indraneel aur Pushpak ki behas na hoti Nivedita ko le kar toh mujhe bhi is maamle ka pata na chalta. Information leke aaya hu main in sabki, kal dekh lena khaali samay me.", Shankar ne maathe par hath rakh liya tha kyonki usko pata tha Daleep kabhi bhi galat baat nahi kahega.
"Ek baar Raghuvir chacha ji aur Papa baat kar rahe the tab suna tha ke Saarang bahut ziddi aur taqatvar vyakti hai. Wo hamesha papa ke pas chacha wali jagah lena chahta tha lekin unke jitna saksham na bann saka aur ulat chacha ka dost bann ne ke usne bair kar liya unke sath. Ye Indraneel naam Saarang ke bete ko Krishan dada ne diya tha, apne Inder ki tarah lagne ke liye. Sala kahi se bhi Inder jaisa nahi hai aur ulta Pushpak jaan padta hai ke thoda sahi vyakti hai."
"Haan wo insaan samajhdar hai lekin Kapoor ke sath ne usko charas aur naari-deh ka nashedi jarur bana diya hai. Lekin hamesha hosh me rehta hai, ye khaas baat hai. Aise vyakti ka saamne ya toh hamari jameen par ho sakta hai ya fir jo kisi ki bhi na ho. Nivedita case ki report maine jab Sardar ji ko di toh aage se usko band karwa diya gaya hai. Matlab, jaha the wahi rahe aur agar Rajesh waha jata toh pakka tha ki itna jungleraaj dekh ye kuch na kuch aisa waisa jarur karta."
"Isliye isko yahi rakha gaya nahi toh saale sahab pata nahi kitno ka sar kaat kar lash hone ki actinge karke unke beech pade rehte. Hahaha.."
"Jija tum kabhi aisa kyun nahi kehte ki main marr jata?", Rajesh thoda sanjida ho gaya tha ye sunn kar.
"Tumhe maine kabi apne chhote bhai se alag nahi samjha Rajesh aur agar kabi hum dono pagalpan me kuch aisa waisa kar bhi gaye toh tumhari taraf aane wali maut ko main apne upar jhel lunga. Apni bhi mohabbat hai yaar kuch?"
"Hahaha.. ye sahi baat kahi tumne Shankar. Tumhara ye sala bhi na kuch aisa he jaise tum ho. Ye kabhi tumse muqabla nahi karta lekin pehal jarur kar deta hai jis se tumhare tak virodhi kam he pahuch paaye. Kabhi sirf tum dono he ek sath kisi chakravyuh me ghir gaye toh dushman ki khair nahi. Planning ke bina bas tum toh khoon bahate rahoge.", Daleep bhi langotiya he tha inka aur atche se maloom tha ki jija saale ki aapsi mohbbatt alag he misaal thi jisme Shankar jitni Rajesh ki parwah karta tha utna he aadar aur suraksha Rajesh deta tha.
"Chal yaar roti khaate hai Daleep, daaru jyada nahi peeni idhar. Rajesh ne toh duty bhi jana hai kal, naye case par.", Iske sath he teeno vyakti aakhiri ciggratte ke kash lagate hue ghar ki taraf chal diye. Aaj dher saari jaankari hath lagi thi lekin is raste par Shankar ko na chalne ki sahi hidayat di thi Daleep ne.
.
.
"Chacha ji aap na aise khade nahi rahoge. Chalo udhar hamare sath aur jab market me aaye ho toh sabke sath rehna he padega.", Itni saari aafat ke sath bhala Umed kaha bach sakta tha aur jaha Ritu-Vinni ne Rajkumar ji ko bhi gogappe tikki ke thele par apne sath laga liya tha wahi Alka aur Aarti ne Umed ko bhi lapak liya.
"Beta, main ye sab nahi khata aur jara dekho toh sahi is rehdi waale ki haalat. Pehle he fansa hua hai toh hamari kaha sewa kar sakega."
"Atcha toh aapka kehne ka matlab hai agar aap golgappe khaane lage toh ye thak jayega?", Aarti ka dimaag jaha chal raha tha wo dekh najdeek khadi Gurdeep bhi hansne lagi. Umed lagbhag fans he chuka tha apni bhatiji ki chaal me.
"Chalo main dikhata hu tumhe ki main golgappe kyun nahi khata.", Aur ab baaki sabhi ek taraf ho gaye apni apni bhalle-paapdi aur tikki ki plate le kar. Rajkumar ji bhi khaane ke sath sath muskura rahe the.
"Aarti beta ye Umed agar khaane par aaya toh 40-50 se pehle nahi rukega."
"Tau ji, Aarti ka toh itna sirf starter he hai samajh lo.", Yaha ye pump diya tha Priyanka ne jo apni behan ko atche se jaanti thi.
"Toh jo hara wo dusre ka koyi bhi ek manchaha kaam karega.", Ritu ne jaane kyun ye shart jodd di aur Umed ji tehre bhole haathi jo maan bhi gaye.
"Manjoor hai. Chal bhai tu de jara 2 plate idhar aur samajh le tu sholay ki basanti hai aur main gabbar. Bas tere hath nahi rukne chahiye.", Yaha kuch log aur bhi aaye the khaane ke liye lekin ab wo bhi is khel ko dekhne lage the. Rehdi wala bhi hasmukh vyakti tha aur turant he ho gaya shuru golgappe khaane ka muqabla.
"Bhaiya thoda teekha rakhna.. isss..", Aarti ki raftaar se Afsana aur Jasleen bhi hairat me thi, khomoshi se he. Aur Umed bhi jaise golgappo ka shaukeen raha hoga apne samay par jo gapa-gap har puchke ko nigalne laga.
"Haan.. bhai.. karo thoda chatpata aur jyada chote mat do.", yaha rehdi wale ke hath sachmuch basanti ke paanv ban chuke the. Rukne ka koyi naam he nahi. Ek katori me golgappa rakha nahi ki dusri me bhi aur utni he teji se ye dono log hadap bhi rahe the.
"Mera vote Umed uncle ki taraf.", Preeti ne khel ko aage badha diya vote de kar.
"Mera Aarti pe. Aur Aarti tum lagi raho chahe mushkil ho jaaye, main dawa de dungi.", Ritu ne apni khaali plate ek taraf rakhte hue awaaj di toh bacho ke sath Rajkumar ji bhi maidaan me utar gaye.
"Mera vote bhi Umed ki taraf.", Unke sath sath Keerti, Vinni aur Jasleen bhi Umed ji ki aur ho gaye lekin Komal ne jab Aarti kaha toh Tara, Alka ke sath Gurdeep bhi Aarti ke paksh me chillai. Ab toh rehdi wala bhi hairaan ho raha tha kyonki Aarti sachmuch Umed ji se aadhi thi lekin khaane me tej.
"Bhai thoda araam se khilao ab. Aisa nahi hai ke main thak gaya hu bas araam se khilao.", Ab tak shayad 30-30 golagappe dono hajam kar chuke the aur Umed ji ko lagne laga tha ki speed kam karni jaruri hai.
"Haan araam se khilao bhaiya ji, mujhe bhi koyi jaldi nahi hai. Beech beech me ek do papadi bhi dete rehna.", Ab Aarti maje le rahi thi apne chacha ke shayad jeet sunishchit maan kar.
"Umed uncle aap bas lage raho.", Preeti ki meethi awaaj sunn kar ek baar Umed ji ne is pyaari gudiya ko dekha aur sar hila kar haa ka ishara diya. Afsana bade dhyaan se mukabla dekh rahi thi aur gujarte samay ke sath sath Umed ne dahi-vada bhi beech me shamil kar liya. Rehdi ke ird-gird poora jhurmut lag chuka tha.
"Kitne ho gaye bhai?", Rajkumar ji ne jaise he toka rehdi wale ne sankshipt sa jawaab diya.
"Uncle ginti bhulwaoge kya? 83 aur ye 84.", Dono plate me ek ek daalte hue wo bhi jaise is mukable ka maja le raha tha. Aarti ke mooh me jaise ab aur khaane ki himmat na rahi aur puchke ka paani katori me he rehne laga toh Umed ji ne naa me ungli dikhai.
"Aah.. bas chacha ji ab aur nahi.", Aarti ne kul 90 hote he katori rakh kar hath khade kar diye. Uski halat se lag raha tha ke jaise aaj ke baad wo kabhi golgappe nahi khayegi.
"ye... Winner hai chacha ji.", Preeti ne Ritu ki taraf aankh maari toh wo bhi hansne lagi.
"Uncle ji, bas karu kya?", Rehdi wala lachari se poochne laga tha.
"100 toh poore kar bhai. 5 meri beti ke naam ke aur 5 mere.", Umed ji ki taraf ab baaki sabhi hairaani se dekh rahe the aur is beech Rajkumar ji ne kissa sunaya.
"Aarti beta, tumne atchi takkar di lekin jisne bhi tumhe Umed se mukable ke liye kaha tha na usko shayad ye nahi pata ki hamare Gajju ji golgappe aur dahi bhalle sirf isliye nahi khaate kyonki fir ye janaab ruk nahi paate. College me Dharampaal ke dost ne shart lagaai thi iske sath ki kaun jyada golgappe khaayega. Wo bechara rehdi wale ke pas apni cycle girwi rakh ke gaya tha uske baad.", Is kisse ko sunn kar Aarti ab thodi narajgi se Vinni didi ko dekh rahi thi jo kaan pakad ke khamoshi se sorry kehti najar aayi.
"Pata hota toh main panga leti he nahi tau ji. Lekin chacha ji aap sachmuch itne golgappe kaise kha lete ho.?", Rehdi wale ko jab Umed ji paise dene lage toh unka hath rok kar Rajkumar ji ne payment ki. Ek vyakti jo apni biwi ke sath ye sab dekh raha tha wo toh Umed se hath bhi mila kar gaya.
"Beta isme hai he kya? bareek si paapdi aur baaki majedar paani. Isliye toh thode bhalle bhi khaye jis se peit me kuch toh jaaye.", Umed ji ki hansi dekh baaki sab bhi thahaka laga diye aur Aarti haar kar bhi khush thi.
"Aapne bhi kuch kamaal nahi dikhaya Aarti. Maan gaye ki aap petu toh hai chahe lagti nahi.", Afsana ne dheemi awaaj me ye sargoshi ki thi Aarti ke kaan me.
"Haan Afsana, ye toh sach kaha tumne. Waise Pinki ko sath dena chahiye tha Aarti ka.", Jasleen ne Priyanka ka jikar kiya toh wo pehle he hath khade karne lagi.
"Na baba.. Dekha nahi chacha ji ko? Abhi bhi shayad chacha ji 10 aur khaa le.", Priyanka ki baat par baaki sabhi hans diye aur ab ghar jaane ka waqt ho chala tha itni masti maje ke baad.
"20 beta ji 20 toh kha he lunga main.", Ek gaadi Umed ji ne kholi toh dusri wali Rajkumar ji ne. Tara bhi Arjun ki car liye thi jisme Alka, Ritu, Afsana aur Preeti baith gayi. Raat ke 9 baj chuke the isliye ab seedha ghar he jana he tha sabne. Aur udhar purane ghar me ghanta bhar pehle bahot kuch ghatit ho chuka tha.
.
.
Koyi he din shayad aisa gujra ho jab Arjun ko iski yaad na aayi ho aur jab bhi kabhi fursat milti thi toh sabse pehla kaam hota tha computer se isko sandesh dena. Itni duriyan hone par bhi hamesha ek dusre ke kareeb he rahe the lekin aisi umeed Arjun ko sapne me bhi na thi ki 6 mahine baad hone wali mulakaat itni jaldi hogi aur wo bhi aise he.
"Aise he khade rehna hai kya?", Annu ki aankhon me aansu aur chehre par jamaane bhar ki chamak dekh Arjun kho sa gaya tha ki kahi ye khwaab toh nahi. Uski awaaj sunte he jaan gaya ki ye hakikat hai. Na aas-pados ki fikar aur na lena dena tha ab Arjun ko. Ek kadam dono he aage aaye aur Arjun ne apne chaude seene me is maansal naram sardarni ko joro se kass liya. Dil me jo thandak padi thi iska andaja toh badhi hui dhadkano ke kuch shaant hone se lagaya ja sakta tha. Annu ne bhi apne ijhaar aur prem-pradarshan me koyi kautaahi na dikhai. Utne he prem se wo Arjun ki baahon me samaai jitna in dono me tha.
"Oh Annu, tum sachmuch aa gayi? Bas mere aisa kehne bhar se ki main tumhe saamne dekhna chahta hu?", Jabse Annu England gayi thi in dono ke beech kabhi aisa vartalaap na hua tha jisme dukh, kami ya yaad aane ka jikar hua ho siwaye 5 din pehle ke.
"Tum agar ye baat mere jaate he keh dete toh main agle din laut aati Arjun. I love you soooo much and badly missed you.", Bolne ke sath he is lambi lachili sardarni ne apne surkh honth Arjun ke hontho se mila diye. Is halke se chumban me tapish thi usko Arjun bakhubi mehsoos kar sakta tha.
"Missed you too and I love you Annu, I love you a lot. Bas hum galat jagah khade hai.", Arjun ne chehra hath me lete hue maathe ko chooma aur dono ne khud ko thoda sahi kiya. Annu lagatar Arjun ko nihare ja rahi thi jaise barso baad dekh rahi ho.
"Waise din me toh aunty se baat hui thi meri aur tumhara toh koyi jikar na kiya unhone. Main yaha hu ye kaise pata chala?"
"10 minute pehle toh aayi hu Delhi se papa ke sath. Aur aate he unhone tumhare ghar phone kiya tha kaam se lekin maine unse phone le kar daadi ji se poocha toh unhone bataya ki tum idhar aaye hue ho. Waise ghar nahi dikhaoge mujhe?", Annu kehne ke sath sath bade gate se andar dakhil hui toh Arjun bhi mudd gaya. Is baar Annu ne gate ki saankal lagane ke sath he Arjun ka jakad liya tha.
"Bachu, is ek hafte me ab har roj tum mujhe pyaar karoge aur ye shuru hota hai abse.. ummmm", Ghutne se kuch lambi frock jaisi poshaak me qaid wo jannat sa jism Arjun par haavi ho raha tha. Bina aasteen ke paridhaan se numaya hoti uski khoobsurat baahon ka sparsh adhbhut sukh se bhara tha.
"Aaj araam kar lo thoda aur jab abhi he pahuchi ho toh humko thoda sa control toh karna he hai. Chalo, main bhi tumhare ghar he chalta hu.", Arjun ne kamar ko pakadne ke baad ek gehra chumban jaddte hue pyaar jataya. Annu khush thi aur Arjun ki baat maan kar alag bhi hui. Dono ek baar fir ghar se bahar nikle lekin ab hath thaamne ki jagah halki fulki baatein karte hue ek dusre par najar karte Walia ji ke ghar ki taraf badh chale.
"Jyada yaad nahi aayi meri shayad?", Arjun ne ye tanj kiya tha masti se.
"Haan, jab soyi rehti thi tabhi tumhare sapne aate the baaki toh college se utna waqt nahi mila. Waise tumne aisa kyun kaha?", Aadatan Annu abhi bhi utna dimaag nahi chalati thi.
"Khoobsurat jyada ho gayi ho na isliye kaha ki meri yaad nahi aati hogi. Chalo sapno me sahi, jaan kar atcha laga."
"Ghar chalo fir kuch dikhati hu aur ye khoobsurati isliye dikh rahi hai kyun ki main abhi tumhare sath hu.", Idhar se gujarte hue ek najar Arjun ne Akanksha ke ghar ko dekha jaha khamoshi he thi aur car bhi nadarad. Shayad Taneja pariwar market ya kaam se bahar hoga. Is sadak par he toh Annu aur Arjun ke sahi se mulakaat hui thi jab wo Akanksha ke ghar se nikla tha.
"Yaad hai hum yahi mile the aur tum tab meri teacher thi."
"Aur main chahti thi ki us din tum mere sath kuch aur der rehte aur ye chahat fir itni badhi ki ab diwangi bann chuki hai. Waise mummy se toh tum har roj he milte rahe ho, thank you.", Ghar ka gate Arjun ko kholte dekh Annu ki muskaan gehri ho gayi. Bade adhikaar se wo andar jaane ke baad aunty ji se gale lag kar mila tha aur Walia ji ne bhi Arjun ko waise he pyaar diya.
"England se main aayi hu lekin pyaar aap dono isko jata rahe hai jo idhar he rehta hai.", Annu ne bhola sa chehra banate hue narajgi jataai thi aur aunty ji ne uske sar par thapki dene ke baad usko bhi apni bagal me laga liya.
"Ye mera atcha beta hai aur bina kahe he haalchaal lene ke sath kaam bhi karke jata hai. Sach kahu toh tum dono ki yahi shararte pasand thi mujhe aur Arjun nahi aata toh .."
"Oho Aunty ji, chhodo ye sab baatein ab. Aur uncle ji abhi tak tayaar baithe hai?", Arjun ne unhe shaant karwane ke sath Walia ji ki taraf prashan kiya.
"Oh yar Arjun, main jara jaruri kaam se ghante bhar ke liye bahar ja raha hu. Waise toh daftar ka kaam ghar aane ke baad main kabhi nahi karta lekin ye thoda urgent hai. Bhaagwan aap jara bacho ke liye doodh-shoodh bana do phir aa kar dinner sath he karenge. Arjun, tum dinner ke baad he jaoge aur koyi bahana nahi.", Ye aadesh tha pyaar se bhara aur Arjun ne ummeed se aunty ji ki taraf dekha.
"Kar deti ho main phone tumhare ghar aur Annu, kapde badal lo tum bhi itne fir doodh peena.", Phone ka handle utha kar aunty ji 5 number dabane ke baad dusri taraf ka phone uthne ki pratiksha karti rahi. Walia ji bhi nikal chale aur Annu apne kamre me.
"Sat Shri Akaal beeji. Main kehna si ke Arjun raat da khana itthe he karega. Annu aayi hai na es karke uske papa ne Arjun ne sadeya hai.", Badi shalinta se unhone apni baat kahi thi aur dusri taraf se bhi Kaushalya ji ne utne he pyaar se manjuri di thi, hidayat ke sath ki Arjun 10 baje tak ghar laut aaye.
"Le ho gayi teri problem dur?", Aunty ji ne Arjun ko aankhen uchka kar bataya toh wo ladki sa sharmane laga tha. Itni he der me hamesha ki tarah inki pados wali bhabhi ji prakat hui.
"Namastey aunty ji.", Arjun ne jhatt hath jodd diye.
"Haan namastey beta. Simmi wo bhai sahab is waqt bahar gaye hai?", ye aunty ji bhi kamaal he thi jo pehle baithi aur fir sawaal kiya. Matlab wo chai pee kar he jaayengi.
"Ji bharjaai ji ehna nu kuch kamm c office da. Tussi baitho main chaa rakh ke aundi aa. Arjun puttar tu andar wale kamre vich araam toh beh. Beeji (Kaushalya) ne dasya si ki tu sara din toh kamm vich lageya hai.", Aunty ji ne Arjun ko bhi pakne se bachate hue andar bheja jaha Annu gayi thi. Ab wo kamra toh Annu ka he tha.
"Sorry.", Darwaja kholte he andar Annu sirf ek dheele pajame me najar aayi jaha seene par sirf ek bra ne aadhe kabootar jakde hue the. Us dudhiya jism ko dekh Arjun ne fir se darwaja laga diya. Annu ke chehre par muskaan aur sharam thi is pal.
"Aa jao andar aur sorry main bhool gayi thi ki aajkal ye kamra tumhara jyada hai.", Ek dheeli aur lambi safed tshirt pehan kar Annu turant darwaja khol Arjun ko andar le aayi.
"Sorry dono he bol rahe hai? Yaad hai na humne sorry nahi kehna tha.", Arjun takiya utha kar dhamm se bister par ja baitha aur pados wali aunty ki awaaj sunn kar Annu ne shararat se chehra gol kiya.
"Mauka milta nahi toh bhi upar wala bana deta hai.", Jhatt se wo uski goad me aa baithi aur naak se naak lada kar wahi harkat karne lagi jo aksar is kamre me in dono ke beech chalti thi. Bahot alag aur anootha tha in dono ka prem sambandh bhi.
"Waise tum jyada stress lene lagi ho na? Chasma naya leke aate hai kal kyonki nishaan dikhne lage hai aankhon par." Itne kareeb hone par Arjun ne jo baat gor se dekhi thi usko sunn kar Annu snehwash uske gale se lag gayi. Ye bhi inke beech ek sach tha, ek dusre ki parwaah chahe baat choti si he kyu na ho.
"Pata hai waha mujhe bilkul atcha nahi lagta. Shuru me bhaiya ke pas 3-4 din rahi thi lekin fir hostel he chali gayi. Tumhe aadat daal di thi na har baat aur jarurat ka dhyaan rakhne ki. Yaha papa aur mumma bhi itne laad se rakhte the toh waha mujhe bilkul atcha nahi laga.", Annu waise he sukoon se Arjun ke gale me baahen dale bas usko dekhti rahi.Ehsaas-Ae-Mohabbatt (1)
dada ji too karny nhi waly shankar ji ko koi karny nhi dy ga
shadi k doran Haa lata ki wjah sy kardyn baad too kuch keh nhi sakty
