- Status
Billi420
Well-Known Member
- 2,515
- 13,154
- 158
Ary nikamo phool barsaoo apny Professsor bhaiya aaya pta nhi apny Tony stark tun tun bahiya khaa gum hyn 
missing him
missing him
- 4,125
- 57,874
- 173
Update 170
Hangover (1)
"Bhai Bhole, tum Pushpak se kis baat pe bhadak rahe the? Ek toh wo khud he chal kar aaya tha aur wo bhi akela. Dusra usne toh tumhe hath jodd kar maan diya aur agar dhyaan diya ho toh mujhe dekh kar usne jaise najre niche ki thi uska saaf matlab tha ki wo khud ko hamara gunehgar maanta hai. Bewajah he tum bekaabu ho jaate ho bhai.", Ghar se jyada jawaab sawaal kiye bina Shankar ab Community center ki taraf nikal chala tha aur uske sath Daleep, Umed aur Narinder bhi car me maujood the.
"Wo baat nahi hai Gajju. Shankar ko us pariwaar se he samasya hai jabse wo ghatna hui thi waha haveli par. Pintu toh sabse jyada raha he Shankar ke sath hai jab bhi hum Punjab wale ghar jaate the. Bas 8 saal ka Pintu fir wapis na lauta aur apna Shankar hai thoda emotional. Lekin ab jaise papa log sabse alag hue toh hum bhi unke sath he aaye na. Waisa he Pintu ke sath hua.", Shankar Narinder ki bhi baat sunn raha tha aur Umed ki bhi. Bas Daleep he tha jo sunn kar aur waha Pushpak ko dekh kar abhi tak duvidha me tha.
"Daleep, tum batao jara in dono ko Pushpak ke baare me jo bhi tumhe pata laga hai. Yaha main kisi ko pariwar ke purane dushman ya uske rishtey ki wajah se nahi maap raha. Gajju apni jagah thik aur Inder tum apni jagah. Lekin ye sala Pintu ab Kunwar Pushpak hai jiski kundali Daleep leke aaya hai Rajasthan se.", Shankar ne ciggratte sulgate hue car ek taraf ghumai aur ye sadak ab thodi shaant thi.
"Aisa hai bhai logo ki main Nivedita case par tha aur wahi pata laga tha ki wo ladki Pushpak ke sath judi thi. Kapoor bhi usme shamil tha aur baad me Indraneel ne Nivedita ka rape karke usko maar diya. Pushpak ke baare me pata laga hai ki wo shaahi jiwan ki jagah apni alag he zindagi jeeta hai jisme sharaab, nashe, ladki aur maar-kaat bharpoor hai. Haan usne kabhi kisi ladki ki jaan nahi li hai aur sach kahu toh ab mujhe mehsoos ho raha hai ki mamla jaise kuch aur he hai. Indraneel ne 70 ke lagbhag kuwanri gareeb ladkiya gayab kar di hai pichle kuch saalo me. Aur jo dehshat hai inki waha usme Pushpak ki pakad samajik jyada hai aur Indraneel ki asamajik. Matlab bade wala haivaan hai aur chhote wala janta ke beech rehne wala. Ye toh mehal me bhi nahi rehta aur Indraneel ko uske baap ne videsh bhijwa diya. Fir se sabhi kadi milane padengi jaise kuch chhota sa hissa gayab ho gaya ho.", Daleep ne dimaag khujaate hue tafseel se har pehlu bataya jitna usko samajh aaya tha.
"Dekho Daleep bhai, main ek baat batata chalu aapko. Pintu balatkaar jaisa ghinona kaam nahi kar sakta kisi bhi surat me. Haan wo raaj-aadesh ka sammaan karte hue 10-15 laashe bade araam se gira sakta hai. Pali, Rajasthan me kuch arse pehle he ek ghatna hui thi jisme 18 vyakti buri tarah ksht-vishakt mrit mile the. Unke pas asla bhi tha aur afeem bhi. Dabe chipe bhi jo naam pata chala tha wo Kunwar Pushpak ka tha lekin BSF ne is maamle ko saaf karwa dia tha. Aur ab aate hai aapke Nivedita wale case par.", Narinder jaise Daleep se bhi kahi jyada jaankari rakhta tha aur tabhi batata tha jab jarurat ho.
"Tum Nivedita case me kya jaante ho?", Shankar ke aisa kehne par Umed muskuraya jisko Daleep ne ciggratte saunp di thi.
"Kyon Bhole? Main aur Inder bhi toh us din chhatt par he the sabke sath jab is case ki baat chal rahi thi. Ab Inder tumhe batayega jo jameen par chalne wale afsar dekh nahi paaye.", Umed bhi jaanta tha kuch hadd tak. Daleep bhochakka sa kabhi bagal me baithe Inder ki taraf dekhta toh kabh agli seat par baithe Umed ko.
"Haan toh baat aisi hai Daleep bhai ki Nivedita koyi raah chalti ladki toh thi nahi jo bas ya jyada se jyada car me Delhi se Haryana hoti hui Jaipur, Jodhpur aur Barmer tak chali jaaye. April mahine me he 3 baar wo havaai yatra se Jaipur gayi thi aur ek bar toh uski bagal me baithe the apne Pintu bhai urf Pushpak. Sanjiv ke paas ticket detail hongi, agar jarurat ho aapko toh. Ab aate hai Kapoor wale kisse par aur jis din Nivedita Haryana, Punjab tak dekhi gayi thi.", Narinder ke chehre par rehasyamayi muskaan thi baat ke dauraan.
"Haan bolo bhai.", Daleep jaise kuch jyada he teji me tha sach jaan ne ke liye.
"Us samay toh nahi pata chala tha is sabka lekin Sanjiv ke hath lagi thi Pushpak ki tasvir aur wo charcha karta he hai apne chhote bhai se. Ab wo photo dekh kar apne chote nawaab ne bataya ke wo is aadmi se kahi mila hai aur jyada sochne par usko dhyaan bhi aa gaya ki ek ladki ki help ki thi usne aur Pushpak uski car me so raha tha ya behosh tha. Matlab us samay tak Kapoor toh unke sath tha he nahi. Aur Nivedita ki tasvir dekh kar Arjun ne ye bhi confirm kar diya tha ke yahi yuvti thi jiski madad Arjun ne ki thi. Matlab toh saaf hai ki Haryana tak wo dono salamat the aur unke sath koyi na tha. Ab Kapoor sambhalta tha drugs ka karobar jiski dekhrekh karta hai Indraneel aur agar ladki Kapoor se mili hogi jaisa ki mera anumaan hai kyonki wo Pintu ke kareeb thi toh yaha se khel ho jata hai dotarfa. Forensic report kya bata rahi thi Daleep bhai? Matlab kitne logo ne uske sath dushkarma kiya? Veerya milaan hua ya nahi aur tumne jiski gawaahi darj ki hai kya wo vyakti bharose ke laayak hai?", Narinder ne poori jaanch ki dhajjiya uda kar rakh di thi apne samikaran aur jaankari dikha kar. Ab Daleep ke maathe par paseena saaf jhalak raha tha. Shankar bhi hairat me tha ki uska bhai bhi in sab lafdo par itni gehraai se soch vichar karta hai.
"Waise Arjun ko nahi pata Nivedita maamle ka. Main ye baat pehle he khol du. Beshak Sanjiv uske sath sabkuch sanjha karta hai lekin Nivedita ka na toh usne naam liya tha Arjun ke saamne aur na he durghatna bataai hai. Inder jo bhi keh raha hai usme mujhe vibhinn konn najar aa rahe hai, anumanit.", Umed ne bhi apni raaye saamne rakhi ye batane ke sath ki is maamle me Arjun dur dur tak nahi hai.
"Huhhh.. Maadarchod .. sala ajeeb he lafda hai re ye toh. Daleep bhai in dono ke kehne ke mutabik toh fir Pushpak ne ladki ke sath durachar ki jagah marji se sab kiya hoga agar sperm match bhi hota toh jo ki multiple involvement ki wajah se ab mumkin bhi nahi? Aur Nivedita kis se bhaag rahi thi jo Rajasthan gayi Pushpak ke sath? Kapoor toh sala dekh kar he hawasi lagta tha aur Indraneel ka hisaab waise he ladki ke maamle me bayaan karne laayak nahi. Pushpak nashe ka karobar nahi karta toh fir wo nasha kaise karta?", Shankar anjaane he is guthi me shamil ho gaya tha jabki charcha ka vishaya toh kuch aur he tha.
"Case toh band he ho chuka na Bhole aur Pintu ne kaha bhi tha na ke wo jaldi he chacha ji se milne aayega. Kya pata anjaane he wo koyi jaankari dede. Aur agar Daleep chahe toh ab case ko reverse tarike se dekhna shuru kar de. Delhi ki high-class ladki jo 21-22 saal ki aur 38-40 saal ka Pintu. Kareebi saheliyon aur dosto se pata kiya jaaye ke Nivedita ke shauk kya tha aur agar unhe bhi Pushpak ki koyi jaankari hai toh bahut kuch pata chal sakta hai. Mere hisaab se Delhi me ladki par dabaav hoga aur Pushpak shayad apne pita ki wajah se hichkihca raha hoga. Ye ladkiyan agar peeche padd jaye toh yamraaj ko bhi mana sakti hai. Is hisaab se wo surakshit rehne ke liye zidd karke Pushpak ke sath nikli hogi aur ... Daleep, ladki ki autopsy report me drugs mile the kya?", Umed ek dum se alag he disha me le chala tha is maamle ko.
"Haan bhai. Ye toh main batana he bhool gaya tha. Nivedita mehnge nasho ki addict thi aur uski kalaai par aakhiri samay bhi nishaan the. Uske gharwale bhi jaante the is baat ko lekin samaaj ka hawala de kar apni power ke dum se unhone report me drugs wali baat hatwa di thi. Wo pehli wali report bhi Walia ji ke pas mil sakti hai.", Daleep ne itni badi baat ko najarandaaj kiya tha.
"Agle mahine ki tankhwaah mere aur Gajju ke naam kar dene Daleep bhai. Case solve kar diya hai humne aapka. Aur ye apna Pintu ishq me tha aur taja nashedi bana hoga aisi sohbat me. Nahi toh car me behosh kyun hota jab dono nikal he rahe ho Delhi se Rajasthan?"
"Case toh band ho gaya bhai lekin dil kar raha hai ki ab iski jaanch apne dum par karu. Shukriya tum dono ka aur Sanjiv ka bhi. Bahot si najuk kaddiyan reh gayi thi mujhse.", Charo he log ab is aalishan se community center me aa chuke the jaha kal Sanjiv ki sharaab party thi aur 3 baad sangeet karyakram.
.
.
Raat 8 baje ke kareeb Annu ki aankh khuli toh abhi tak sharir me reh reh kar kaam-visphot mehsoos ho rahe the. Band kamre me wo chaadar ke andar purntaya nirvastra thi aur gadraaye jism ke har hisse par Arjun ki kaam-kala ke sparsh bhali bhanti mehsoos karti hui akele me muskurane lagi.
'Aah.. sabse jyada is pyaar ko he miss kiya tha maine.. Jitna bhi kahu ki jor se karo lekin kitni parwah hai usko jo nishaan na ho isliye sabkuch pyaar se karta hai... uff.. bas wo kuch jyada he bada hai jaalim.. nahi jaalim nahi mere pyaare Arjun ka... isshhh..', gore gubbaro ke gulabi nipple abhi tak akde the aur sharir jaise tootan me dooba hua. Jaise taise karke dheeli bra aur kameej pehan kar Annu bister se khadi hui toh apni sooji hui gulaab si choot ko dekh fir se muskura di.
'Panty nahi pehan sakti.', Almari se dheela pajama nikaal kar jaise taise pehna aur bister samet kar baal he bana rahi thi ki darwaje par dastak hui.
"Annu beta, kitna araam karegi. Ab uth ja fir raat ko araam se jee bhar ke so lena. Jaanti hui hawaai yatra ki thakaan abhi bhi hai.", Unki mata ji ke aisa kehte he Annu ne turant darwaja khol diya. Kamar se niche tak ke uske lambe baal ab ek rubber se joode me bandh chuke the. Mata ji kuch pal toh apni beti ki chamak ko he dekhti rahi.
"Mom, thodi he der toh soyi thi aur jab aap log aaye the tabhi aankh lagi thi meri. Waise papa ghar pe he hai?", Bedhyani me Annu unke sath he bahar nikal kar thoda aage chalne lagi toh uski mata ji ne anjaane he apni beti ko gor se dekha. Annu nihayati khoobsurat yuvti thi aur paune 6 feet ki ye sardaarni sharir se bhi utni he maansal aur gorvarn thi ki mata-pita ko jald he bade hone ka ehsaas karwa de.
"Wo tere papa toh Gupta ji ke udhar gaye hai kisi kaam se lekin main kya keh rahi thi Annu?", Dono maa-beti hall me aayi toh Annu ke liye doodh aur mata ji ki chai table par rakhi thi.
"Haan mom, kaho aap kya keh rahi thi?",Annu chaukdi maar kar sofe par pasar ke baithi thi jis se fir wahi khaas ehsaas hua apni jaangho ke beech lekin chehre par bhaav na aane diye. 'Arjun, kisi din marwa matt dena..'
"Wo Parul ki bhi shaadi ho rahi hai, Madhuri bhi teri he umar ki hai beta. Ab tu bhi kuch soch le, chahe shaadi degree ke baad kar lena par ladka dekh ke rok le toh sahi rahega.", Annu ne jyada hairat nahi dikhaai thi apni maa ke aisa kehne par bas nakhush dikhi.
"Aisa hai mom, Parul ka maamla hai love-shove ka aur Madhuri hamesha se introvert aur family me rehne wali ladki hai. Mera toh dekho in dono me se kuch bhi nahi. Baaki aap batao aapko mere abhi shaadi na karne se kuch pareshani hai?", Annu ne toh baat he apni maa ke sar par daal di thi.
"Har cheej ka sahi waqt hota hai beta aur umar bhi. Tu padhaai ke baad fir kuch aur dhoond legi ya naukri karne lagi toh, shaadi fir taal degi. Jawaan beti bojh nahi hoti lekin jimmewari toh hoti hai. Ab Parul ne agar khudse ladka dhoond liya toh tu bhi dhoond le agar hamari pasand se nahi karna toh. Bas Angrez na ho tere bhai ki tarah.", Ab Annu kya batati ki uske wala ek toh pehle se 5 saal chhota hai aur upar se uska toh rishta pehle he ho chuka hai.
"Thik hai dhoond lungi lekin abhi 2 saal toh bhool he jao ye sab. Waise aapne Parul-Charul ko bataya ke main aayi hui hu?", Annu ne baat he khatam kar di thi aur bholi mata ji ko toh samajh he nahi ye sab.
"Haan, thodi der pehle he baat hui thi meri behan ji se. Fir Parul ne tujhse baat karne ke liye kaha toh maine bata diya tha ki tu thaki hui hai aur araam kar rahi hai abhi. Kal aayegi wo dono Pandit ji ke he function pe toh mil lengi aur wahi se idhar aa jayengi. Waise tujhe Arjun kaisa lagta hai?", Ye toh ekdum se uski mata ji ne jaise dhamaka kar dia Arjun ka jikar karke. Lekin Annu ke chehre par halki muskaan he aayi jaise wo bhi ab bhaap chipana seekh chuki thi.
"Kaisa lagta hai se kya matlab hai maa.? Mera sabse khaas dost hai Arjun aur dil ka utna bura bhi nahi hai. Main study se le kar har topic pe us se baat kar sakti ho jis par main shayad Parul ya aapse bhi na kar saku. Chhota hai lekin sach kahu toh uska life ke liye jo vision hai wo shayad mujhse ya aapse bhi kahi jyada gehra hai aur saaf hai. Aapko toh wo mujhse bhi jyada pasand hai. Kyo nahi hai kya?", Annu ne bakhaan karne ke baad fir se ball apni maa ke paale me dal di. Aunty ji bhi swabhavik taur par muskurane lage the.
"Mera biba bacha hai wo Annu. Pata nahi kya rishta hai uske sath lekin jab wo ghar me hota hai na toh mujhe ek pal bhi tumhari ya tere papa ki yaad tak nahi aati. Ghar ke kaam karte hue meri baatein sunta rehta hai, koyi aa jaye mujhse milne toh samajhdar beti ki tarah mujhe mehmaan ke pas baitha kar khud rasoi sambhal leta hai. Kuch karne ko na ho toh ludo, shatranj me laga leta hai. Tere peeche se usne tere kamre ki har cheej ko utne he dhyaan se rakha jaise tu rakhti hai. Main kehti thi ki main saaf kar deti hu toh hamesha yahi bol dena ki main apne ghutno ka dhyaan rakhu. Tere kamre ko wo atche se jaanta hai. Kam-umar hai lekin jo bhi karta hai sache mann se poore dil ke sath. Sochti hu ki ya toh wo meri kokh se paida hota ya agar teri umar ka hota toh damaad bana leti. Hahaha..", Annu ke gaal par gadde ubhar aaye the apni maa ke vichaar sunn kar.
"Itna bhi na socho mom. Aapke sath uski bonding atchi hai toh fir kya farak padta hai ki aapse paida hua hai ya nahi.? Rahi damaad wali baat toh fir ghar-jamaai toh wo banta nahi. Waise ek baat bataani thi aapko?", Annu thoda gambhir lehje me boli toh mata ji ne cup wapis table par rakh diya.
"Haan beta, koyi pareshani wali baat hai kya?"
"Nahi baat itni bhi badi nahi hai lekin mujhe lagta hai ki aapko pata honi chahiye. Wo ab main bhai ke ghar nahi rehti. 2 hafte pehle hostel shift ho gayi hu.", Annu bas itna keh kar chup ho gayi thi.
"Wo sudhra nahi na Annu? Tujhe meri kasam hai poori baat bata. Aur tu aise ekdum kaise aayi thi iski wajah bhi?", Uski mata ji ne mauka dekh kar apne mann ka sawaal bhi kar diya.
"Bhai sachmuch badal gaya hai mom ya shayad main pehle usko utna jaanti he nahi ti. Behan hu na toh bachpan ke baad hamari baatchit hamesha thodi bahot he hoti thi jisme kuch khaas hota he nahi tha. Haan main bhai ko pyaar karti thi kyonki hum dono he toh the bas. Lekin jab main waha gayi toh pehle din he samajh aa gaya tha ke wo aapka kehna sahi tha jo bhi aap majaak ya serious ho kar kehti thi. Usko bas apne in-laws aur biwi ki he fikar hai. Mujhse mila bhi toh aise jaise kal he mile ho. Koyi wo choti behan se milne wali khushi nahi aur ghar jaane ke baad niyam-kanoon ka paath. Mujhe laga chalo family hai aur waise bhi main toh khud he time-table aur discipline me yakeen rakhti hu lekin next day he samajh aa gaya ki apne bhai ke ghar rehna hai toh cooking, cleaning, washing mujhe karni hogi.", Annu ki mata ji ke toh chehre ke rang he udd gaye ye sunn kar. Aaj tak unhone Annu se kabhi chai ka cup tak rasoi me rakhne ko na kaha tha aur waha unki nauk bachi ko poore ghar ke kaam karne pade.
"Uski biwi? Wo tere sath kaam nahi karti thi?", Fir bhi unhone ne soch kar ye poocha shayad bhabhi nanand mil kar he karti ho.
"Hahaha.. Wo 10 baje uthne par coffee bhi khud nahi banati mom. Bhai har raat kaam ke baad uske sath full sharaab ke nashe me ghar aata hai. Main ye sab bhi sehan kar leti kyonki ye unki apni life hai lekin..."
"Kya lekin Annu beta?"
"Wo bhai-behan ke rishtey ko nahi samajhta ma.. Sunday ko Arjun se main baat kar rahi thi jaisa har weekend karti hu lekin unke ghar wo main dusri he baar kar rahi thi aur bhai mere peeche khada kuch der dekhta raha aur uske baad .. Uske baad usne mujh par wo sabhi iljaam lagaaye jo koyi bhi bada bhai sirf sochne bhar se doob mare. Tab bhi maine kaha tha ke wo khud he dekh le ki main kya baat kar rahi hu lekin wo bas jo bhi dil kiya kehta raha. Us raat main so na saki, raat bhar main royi aur fir university me hostel ke liye apply kar diya agle din. Maine toh pehle he aapse kaha tha ki hostel thik rahega.", Annu ki aankhon me aansu aa chuke the ye sab batate hue.
"Meri bachi.. wo sach me kapoot hai aur yaha tha tab bhi wo ghunna he tha jisko ghar-pariwar ki ijjatt ki jara kadar nahi thi. Toh agle din se he tu hostel chali gayi thi?"
"2 Din baad mom.. Lekin us monday he aapke bete ne dikha diya tha ke wo insaan ke roop me bhediya hai. Main toh ye soch kar he raat waha ruki thi ki bhai ke kaam se aane ke baad usko bata kar subah he kisi hotel me 5-6 din ruk jaungi. Samaan pack tha mera lekin bhai waise he nashe ki halat me aaya aadhi raat ko aur apni he behan.. chhii.. wo toh agar main kamjor padd jaati toh jaane kya hota.. Uski biwi bhi aas-pados ke darr ki wajah se beech-bachaav me aayi aur maine bhi aapka aur papa ka soch kar chupchap waha se nikalna he thik samjha. Sabkuch aise time hua tha ke main akeli waha sunsaan sadak par raat ke 1 baje apni halat ke baare me sochti rahi.", Annu ki aap-beeti sunn kar jaha maa ka dil fatt raha tha wahi unhe apni pariwarish ke 2 bilkul he viprit pehlu najar aaye the. Ab wo bhi aansu liye apni beti ki bagal me aa baithi thi.
"Meri bachi ke sath itna sabkuch ho gaya aur hume khabar bhi nahi? Tu waha akeli kaise rahi meri bachi? Kaise saamna kiya tune us anjaan desh me in halaat ka.?", Rote hue Annu ke chehre par ekaek muskaan aa gayi thi ye sunn kar.
"Wahi aapka dusra beta maa. Himmatt karke maine sabse pehle usko he phone kiya tha aur shayad meri kismat itni buri bhi nahi hai. Arjun ne he phone uthaya tha aur aadhe ghante baad main uske he ek parichit ke ghar thi jisne na mujhse koyi sawaal kiya na zindagi ki baare me poocha. Fir hostel bhi mujhe samay se 3 din pehle mil gaya aur ab waha kuch log hai jo mera dhyaan rakhte hai, Arjun ki wajah se. Ek toh Miss Mirza hai jinke papa trustee bhi hai university ke. Narak se swarg me he pahucha diya mujhe aapke is Arjun bete ne.", Aaj Annu ki mata ji ko jaise Arjun ne anchahe he khareed liya tha. Wo bhi geele nayano ke sath halka muskura di.
"Main itna toh mehsoos karti he hu beta ki Arjun khaas hai aur wo mere liye mera beta he hai. Lekin usne saabit kar diya ki parwaah aur pyaar ke liye khoon ka rishta he hona jaruri nahi. Haan khoon ke rishtey beshak kalankit kar dete hai. Tere bhai ka hisaab bhi main ab atche se karungi."
"Aapko meri kasam hai mom jo aapne is sabka jikar bhi papa se kiya. Aur rahi baat bhai ki toh wo khud he maafi maangne aaya tha university me. Pata nahi waha usko kisne majboor kiya lekin yaha se toh connection Arjun he hai. Gidgida raha tha wo mere saamne ki uska restaurant band ho jayega aur wo apne biwi bache ke sath sadak par aa jayega. Maamle ko wahi khatam karna he mujhe sahi laga. Bas fir kuch waqt laga mujhe apna mann sambhalne me lekin ab main bahot araam se apni padhaai aur life jee rahi hu.", Annu ne khud he apni maa ke chehre ko saaf karke gale se laga liya. Uski mata ji bhi beti ke gale se lag kar ab sukoon me thi.
"Toh tu waha se idhar Arjun ke ghar ki shaadi attend karne aa gayi? Ab ye bhi bata de ki koyi aur khaas kaam toh nahi? Kasam nahi deti lekin sach sach batana.", Maa beti ki dost bann na chahti thi aur in dono ka rishta pehle bhi kuch khulapan liye he tha.
"Shaadi ka toh mujhe bataya tha Arjun ne, mom. 4 din pehle waise he Arjun se phone par baat ho rahi thi ki line cut ho gayi. Fir internet se message kiya toh usne waise he bol diya ki agar baat karni hai toh ab dinner pe he karenge, wo bhi aapke aur papa ke sath. Wo majaak kar raha tha lekin jaane kya hua mujhe ki maine ticket karwa li. Mom, usne khaane ka bhi poocha toh aapke aur papa ke sath. Mujhe sachmuch feel hua ki main pehli baar life me ghar se bahar nikli hu aur waha aap aur papa mere sath nahi ho. Jo bhi tha lekin apne ghar se best kuch bhi nahi. Mahine bhar me he mujhe poori life samajh aa gayi.", Annu abhi bhi thodi bhavuk aur soch me leen thi. Kabhi chehre par muskaan aati toh gabhi dard.
"Toh yahi reh le na Annu, nahi karwati teri shaadi jabtak tu nahi kehti."
"2 Saal ki he toh baat hai maa aur ab mere liye ye ek lakshya hai jaise khud ko saabit karna. Arjun ne mujhe himmat di hai aur ab fir se kaayar bann kar nahi rehna. Mera fainsla liya hua he agar main barkaraar nahi rakh sakti toh apni he life se insaaf kaisa.? Haan ye bhi us ullu ne he kaha tha mujhe. But trust me, I am strong now. Baaki aapke waheguru ji waha bhi hai aur ab toh main gurughar bhi jaane lagi hu udhar.", Annu ne thodi masti se kaha tha.
"Is Arjun ko mere hath lagne toh de jara. Main batati hu isko jo itne bade bade kaam karne laga hai aur dekh ke toh ye bhi nahi lagta ke isko apne he shehar ka kuch pata hoga. Jaane ye ehsaan maanu ya ek sache bete ka kartavya?"
"Oh mom, itna bhi serious mat lo haan. Uski duty hai ye sab aur aapke ya papa ke liye wo hoga aap logo ka beta lekin mere liye toh mere aisa dost hai jiske bina shayad he main apne aap se mil paati. Waise taam-jhaam toh tagda kiya hai uske dada ji ne shaadi ke liye.", Annu ne ek baar fir charcha Arjun puraan se hata kar alag jikar shuru kar diya tha. Dil ka ankaha dard jab kisi apne ko bayaan kar diya jaaye toh insaan behtar mehsoos karta hai. Annu ne bhi kuch soch kar apni maa se ye sabhi raaj saanjhe kiye the aur apni beti ko halaat se ladd kar majboot hota dekh uski mata ji bhi khush thi.
.
.
"Sunn Aaru, jara idhar side me aa.", Arjun ki toh Komal didi ke aisa kehte he fatt gayi thi. Abhi wo apne dada ji se fursat le kar bahar nikla he tha ki gambhir chehra liye saamne Komal didi aa khadi hui. Unhone usko bagiche ki taraf bulwaya toh sehma hua wo chupchap he sath ho liya.
"Ji didi.", Arjun bagle jhaank raha tha jaise didi ne uski Annu wali chori pakad li ho. Lekin Komal didi jaise us mudde par baat nahi karne aayi thi.
"Dekh main jo bhi keh rahi hu usko dhyaan se samajhna aur ye kaam tu he kar sakta hai.", Ab Arjun ne ek gehri saans li aur chehre par se pareshani chhuu mantar ho chuki thi.
"haan haan didi, bas aap bolo toh kya karna hai? Sab kar sakta hu aapke liye."
"Shaant ho kar dhyaan se sunn. Ghar ki sabhi ladkiyan aur jo bahar se aayi hai wo sabhi pichle ghar rukne wali hai aaj raat.", Komal didi abhi batana shuru he kiya tha aur Arjun tapaak se beech me he bol pada.
"Haan toh main wahi rahunga na didi sabki safety ke liye. Aur sach kehta hu kuch bhi aisa waisa nahi hoga."
"Aaru, sunn toh le pehle. Ab chup reh bas. Haan toh main keh rahi hu ki sabhi waha jaayengi ab se 15-20 minute baad. Aur tujhe daadi ko manana hai ke aaj raat Madhuri didi bhi sabke sath waha jaaye.", Ab thoda jhatka laga tha Arjun ko didi ki ye baat sunn kar. Madhuri didi ki toh shaadi hai aur aaj he unki najar bandhi hai. Chalo najar chhod bhi do toh raat ke liye dusre ghar unka rehna daadi kaise maanegi.
"Kaha fanswa rahi ho didi? Aapse mera hansna khelna sehan nahi hota toh bol do bas. Lekin..", Arjun kuch kehta us se pehle he didi ne fir se tok diya.
"Dekh, unka bhi dil hai aur baaki sabhi ka bhi. Ek choti si party rakhi hai waha didi ki shaadi hone ki khushi me. Sabhi bahot khush hai ke wo life me ek naya experience lene ke liye. Sabke sath ghul-mil kar masti karne ka yahi ek avsar hai aur kal se toh fir kisi ko mauka bhi nahi milega. Choti si beer party aur dance jaisa he kuch hai, Madhuri didi ka dil hai ye karne ka. Aaru, didi fir shaadi karke apne sasural chali jaayegi aur waha ye sab toh nahi ho sakta. Kitne he log aaye hai aur Himani, Preeti, Marina, Vinni didi ne toh sab tayaari bhi kar rakhi hai. Daadi se request karke unse permission le le na bhai. Mere liye please....", Komal didi ne bina laag lapet ke sab kuch bata diya tha aur jaise he unhone Arjun ka hath pakad kar please kaha Arjun ke dimaag se beer party shabd toh nikal he gaya. Bas anumati leni thi ab toh har haal me, apni Komal didi ke liye.
"Main kar lunga didi aur daadi mana bhi nahi karegi dekh lena. Life me aise moments aate he kitne hai aur is shaadi ke baad toh fir se aap logo ki wahi life shuru ho jaayegi. Main daadi se abhi baat karta hu.", Arjun ko itna gambhir dekh khud Komal didi bhi hairaan thi lekin wo jaanti thi ki Arjun ab kaise bhi karke daadi ko mana he lega.
"Uske baad Madhuri didi wale kamre me aa jana.", Komal didi ne uska gaal sehla kar kaha aur turant galiyare se hoti hui andar chali gayi. Arjun bhi apni daadi ke kamre me aa ghusa jaha wo bister par he baithi Purnima ji ke sath sath Barkha maami aur Lalita ji ke sath kuch charcha me lagi thi. Menaka abhi abhi Renuka ke sath andar gayi thi.
"Daadi aapse ke jaruri baat karni thi maine. Lekin pehle aap poori baat sunn lena, please.", Arjun ne andar aate he bina kisi ki taraf dhyaan diye Kaushalya ji se kaha.
"Haan, tu poochne kabse laga kuch kehne se pehle? Baith idhar aur tu mila kya Barkha maami se apni?", Kuashalya ji apne he raag suna rahi thi aur Arjun ka dimaag jaise apni Komal didi ke chehre ko he yaad kiye ja raha tha.
"Haan, maami ji se main mila hu daadi aur mere liye ye dress bhi badi atchi leke aayi hai. Waise aap meri baat toh suno."
"Tu mujhe he bata de beta, Kaushalya se kya pooch raha hai?", Purnima ji ne Arjun ko dularte hue kaha jis se Kaushalya ji muskurate hue naa me gardan hilane lagi.
"Wo na aapse permission chahiye thi.", Arjun fir se ulajhne laga tha aur uske chehre ke badalte bhaav dekh ab Kaushalya ji ne ye majaak chhod uski peeth sehlaayi.
"Haan toh jis kaam ke liye tu aaya hai wo shayad in ladkiyon ki party wala hai. Maine toh Ritu ko dopehar me he keh diya tha ke ab ghar band karke tum log jitna dil kare naach-gana karo, hanso-majaak masti karo. Wo tujhe bhej kar tera majaak udwa rahi hai mere bailbuddhi.", Arjun ne jaise he ye suna wo hairaan hua lekin fir Komal didi toh majaak bhi nahi karti.
"Kya unhone bataya ke Madhuri didi bhi unke sath rehna chahti hai?"
"Tera dimaag thikane hai beta? Kal se Madhuri ke batna lagega, aur uski shaadi hai toh byaah se 3 din pehle main usko ghar se bahar kaise bhej du?", Kaushalya ji ke swar me gussa tanik bhi na tha lekin wo kuch sakhti se keh rahi thi.
"Toh matlab agar Madhuri didi ki shaadi ho aur usme wo na jaaye toh shaadi ho jaayegi daadi?", Arjun bhi apni daadi se aise he bola jaise unhone kaha tha lekin dono ke vyang me shabdo ka antar tha. Arjun ne utne he pyaar se kaha tha jitni sakthi se Kaushlya ji ne.
"Ye kya keh raha hai tu?"
"Toh yahi toh baat hai daadi. Ab Madhuri didi ki shaadi ki khushi sabhi behne mil kar manana chahti hai jisme Himani didi, Marina, Vinni didi ke sath sath jo log chacha ji ke shehar se aaye hai wo bhi honge. Aur jiski shaadi ho rahi hai wahi party me na ho toh fir ye kaise party? Didi ke batna toh kal se lagna hai, baat toh aaj raat ki hai na.", Ab Kaushalya ji kuch sochne lagi thi kyonki baat bacho ki khushi ki thi aur Purnima ji ne bhi najro se sehmati di lekin is beech Devki ji bol uthi, jinki raaye Arjun lena he nahi chahta tha.
"Ye sab shobha nahi deta fir chahe wo ghar bhi apna he kyun na ho. Ladkiyan koyi gawayye ya banjaro ki nahi hai beta, rasookh wale khandaan ki hai. Jiji ne bina Madhuri ke bhi kaise ijajat de di ye toh wahi jaane. Ye sab shauk mardo ko he thik lagte hai.", Arjun ka dil toh kiya ki wo apna he sar fodd le lekin usne badi aas se apni daadi ki taraf fir se dekh.
"Daadi, fir toh Madhuri didi apne sasural chali jaayegi. Samajh lo ye unki pehli aur aakhiri itcha hai jaane se pehle. Unhe maine bharosa dilwaya hai daadi, wo jaayengi nahi jabtak aap anumati nahi deti.", Abhi Arjun ye sab keh he raha tha ki Rameshwar ji mehmaan kamre se is taraf chale aaye. Devki ji ne toh ghoongat he gira liya.
"Munde nu jado haan he kehni hai thaanedarni ji taah ehna vichaar kaahde layi? Pados vich oh apna he ghar hai, bache saare khushi khushi ralan-milange teh Madhuri ne eh sab kehna he nahi chahida si. Tussi aap kehna si ke dholi bulwao, rola paau teh gharo jaan toh pehla yaadan changi leke jaao. Main hunn vi salaah he ditti hai, maalik tussi ho.", Rameshwar ji itna keh kar Arjun ke sar pe hath ferte hue apne chhote bhai ke sath bahar ki taraf chal diye sair par. Kaushalya ji ke chehre par chamak he aa gayi thi jaise wo jo chahti ho waisa he hua ho.
"Isko bolte hai permission, Arjun beta. Main toh haan keh bhi deti lekin jab unchi awaaj me kaha tha toh tere he dada ji ko sunane ke liye kaha tha. Meri bachhiyan chahe toh har roj halla kare, unke baap ka ghar hai. Main aayi Purnima in sabki class laga kar.", Kaushalya ji hansti hui bister se khadi he hui thi aur bahar ki taraf se Alka-Aarti ne unhe apni baahon me bhar liya.
"Oh daadi, thank you so much.. aap sabse best ho.", Arjun hairaan tha ke daadi ko inka bhi pata tha jo bahar khadi sab sunn rahi thi.
"Chal ab Madhuri ko bhi keh de ki apne kapde bhi sath lele, sone ke time ke. Arjun, koyi ladki waha paidal nahi jaayegi. Tara ke sath gaadi me inhe dhyaan se leke jana hai inke samaan ke sath. Aur Alka, beta shikayat ka mauka nahi milna chahiye aas-pados se ki shor kahi jyada he ho tumhare speaker ka.", Iske baad kaushalya ji ne khud he pichle kamre me jaa kar sabhi ko anumati de di thi ki wo atche se khaaye-peeye, naach gana kare aur ghar ko band rakhe. Arjun aangan me he tha jab Ritu uske pas aayi.
"Bahar Preeti tujhe music system degi, 2 bag aur ek ye bag bhi leta ja. Haan, Umed chacha wali car ki dikki me ek beer ki peti bhi hai dikki me. Kisi ko pata nahi lagna chahiye itne dhyaan se usko apni car me rakh. Jab sabkuch ho jaaye toh mujhe bata dena, fir chalte hai pichle ghar.", Arjun toh ye bhool he gaya tha ke uski behne kaisi party karne wali hai. Bag me bhi bottle he thi jo Himani laayi thi aur ab itna samaan leke jana tha. Marta kya na karta aur agle 10 minute me he uski car me itni sharaab aur beer thi jisko rakhna gairkanuni he kaha jaaye.
"Madam, dusri maalkin ko bhi bol do ki sab samaan fit ho gaya hai.", Arjun ne yaachika karte hue Preeti se kaha tha jis par wo hansne lagi.
"Bachu, abhi toh ye wo samaan hai jo hamare pas tha. Ye list me jo likha hai wo aap humko sector ki marke se la dena, busy the isliye khud nahi la sake. Main bula ki laayi didi ko, aap jara AC on rakho car ka.", Preeti ne bhi Arjun ko uski he bhasha ne nehle par seedha begum he maari.
'Dhanya ho prabhu. Yaha baat hui thi permission dilane ki lekin ye kaha pata tha ke hum he orchestra dhoyenge aur hum he driveri bhi.', Arjun kismat ko kos raha tha lekin usko ummeed bhi thi ki uski behno ka dil itna naram toh hoga he jo usko party dekhne dengi. Abhi toh baaki rang dekhne baaki the. Jald he uski car me Alka, Preeti, Afsana aur Himani sawaar ho gayi aur safari me Tara ne apne sath Ritu, Komal, Aarti, Priyanka, Madhuri didi ke sath sath Rupali aur Vinni didi ko baitha liya. Jasleen apni car me Keerti, Gurdeep aur Marina ko liye unke sath he chal padi. Komal didi ne Manju se bhi aagrah kiya tha lekin usne ghar pe he Rekha ji ke sath rukne aur garbh ka hawala de kar mana kar diya tha. Ab pichle ghar me 16 ladkiyon ki mehfil lagne wali thi jiska khayaal karke he baaki sabke sath sath Arjun bhi utsahit tha.
"Waise tum ye samaan jaldi le aana, confectionary par he mil jayega. Baaki dekh lena aaspas se he.", Ghar pahuchte he sabse pehle toh ek baar fir se Arjun coolie ke avtaar me aa gaya tha. Kisi bhi ladki ne ek thaila tak uthane ki jehmat na kari. Kamro me rakhe 4 bed ke alawa 8 atirikt gadde unhone ghar ke bheetar wale bade aangan me Arjun se set karwane ke baad music system bhi sahi se lagwaya. Preeti ke sath anubhavi Marina, Jasleen aur Himani ne rasoi sambhaal li thi, baraf, gilaas-plate ke sath sath baaki samaan lagane ke liye.
"Aur samaan laane ke baad bhi kuch kaam hoga kya?", Arjun vichaar kar raha tha ke wo kahengi ki nahi bas samaan le aao fir party karte hai.
"Haan bas yahi samaan la kar de do fir tumse koyi aur kaam nahi. Chhatt par ya bahar wale kamre me so jana, udhar cooler bhi laga hai.", Bas doodh me giri makkhi ki tarah nikalna kya hota hai ye Arjun ko aaj he pata chala tha. Ye saaf tha ki is ladkiyon ki mehfil me sakhtaai se uska pravesh mana tha.
"Samjha karo Aaru, kal Sanjiv bhaiya ki party me sirf ladke he honge waise he yaha hum sirf ladkiyan he hai. Thank you so much bhai.", Komal didi ne apne bhai ke mann ki jaan kar usko sachaai se avgat karwaya toh Arjun bhi unhe ghar ke ye darwaja band karne ka bol kar bahar ka gate band karke market nikal chala.
"Yar ye gilaas hai? Aise toh wo candle wala hota.", Yaha toh turant he ek badi tray me chote aur bade alag alag tarah ke gilaas, jo inme se he koyi market se laya tha tray me saje gaddo ke beech wale khaali farsh par saje the. Vinni ne toh desi kaam karte hue steel ki balti me he ghar se laayi 4-5 tray baraf ki khaali karne ke baad 6 bottle beer udel di thi thandi hone ke liye. Aarti un chhote chhote kaanch ke gilaaso ko dekh hairaan thi.
"Ye tequila shot ke gilaas hai Aarti, par hum isme Vodka shot lagayenge. Waise music toh bas filhal background ke liye hai.", Himani ne Aarti ko samjhane ke sath he Wine ki sabhi bottle fridge me laga di. Ladkiyan waise bhi ghar ke kaam aur khana lagane me daksh hoti hai aur idhar sabne mil kar jhatpat he mehfil saja di thi. Unhe kya pata tha ke inke baap-chacha bhi aise he jameen par gadde laga kar program jamate hai, khoon ka he asar tha shayad.
"Main pehle he bata deti hu ki jiska first experience hai wo sirf beer ya wine he le. Vodka kaam kharaab kar sakti hai toh jisne risk lena ho wahi le, nahi toh baad me shikayat nahi.", Vinni ne ek gadde par chuakdi lagate hue apni bagal me Madhuri didi ko baitha liya. Sabhi ladkiyan filhaal 4 gaddo par 4-4 ke jode me thi aur Preeti ek aur tray me madhyam akaar ka cake liye prakat hui.
"Ye cake?", Madhuri didi ne thoda hairaani se dekha. Thodi ghabrahat unhe bhi ho rahi thi aise kaam me lekin sabhi ko utsaahit dekho wo bhi sehaj he rahi. Cake dekh kar jarur wo hairaan hui jis par likha tha 'Queen - Madhuri Didi'
"Aapki party hai toh cake katega he didi. Tara, pehle ye 15 gilaas me beer bhar de yar aur Ritu help kar jara iski.", Alka ne apni badi behan ko chehakte hue kaha aur dusri taraf mug se beer bhar bhar ke Ritu-Tara sabhi gilaas tayaar karne lagi. Bahar gate ki awaaj sunn kar Komal didi ne turant dupatta sahi karte hue darwaja khola aur saamne Arjun ko dekh khaane -peene ka samaan le kar is baar chitakni he laga di.
'Kamaal hai inka toh. Thank you tak nahi kaha. Chal bhai Arjun yaha se toh waise he kuch najar nahi aana, upar he chalte hai. Araam karne.', Arjun pichle raste se un seedhiyon se hota khuli chhatt par chadh gaya jaha uska bister laga tha. Is ghar ki sabse khaas baat thi har taraf unchi diware aur imaraat ke charo taraf khaali jagah.
"Agar kisi ko kapde badalne hai toh fir abhi badal lo, kamre aur bathroom khaali hai. Baad me party ke beech idhar udhar gayab nahi hona.", Priyanka ne apni jagah se khade ho kar ek kamre ka rukh kiya toh 3 aur bhi alag kamre me chali gayi. Afsana bade gor se sabkuch dekh rahi thi aur uske liye 16ve gilaas me Alka ne thanda juice bhar diya.
"Ye toh thik rahega na Afsana? Sath baithi ho toh kam se kam juice he pee lo."
"Ji, aapi. Shukriya.", Wo abhi bhi gale aur sar pe dupatta liye thi lekin jaise he apne se badi yuvtion ko ab pajame tshirt me dekha toh jhijhakte hue dupatta sirf gale me rehne diya. Jasleen aur Tara toh aadatan jaangh tak ki nikkar me he kamro se bahar prakat hui aur kuch waisa he Vinni ne kiya. Ab lagbhag har ladki tshirt-pajame me thi ya waise he dheele vastro me.
"Chalo pehle Madhuri didi cake kaato aur uske baad sabhi ek sath cheers karenge.", Marina ne ye kamaan sambhalte hue ek saaf chhuri didi ki taraf badhai aur gaane ke awaaj badha di Alka ne. Taaliyo ke sath he cake bhi kata aur sabne chahe thoda he sahi lekin Madhuri didi ko apne hatho se khilaya.
"Toast karo didi, pehla gilas aap he uthaogi.", Rupali ke aisa kehte he Madhuri didi ne khushi aur kaampte hatho se beer se bhara ek gilaas utha kar thoda aage kiya tha ki sabhi ne baari baari se apne gilas unke sath dhime se bhidaaye.
"Aapki shaadi ki khushi me. Aapke atche jiwan ke liye aur aane wale har pal ke liye. Khushi me.", Ye nara apni apni tarah sabhi ne diya tha. Sabse aakhir me Afsana ne bhi aage khisak kar najakat se gilaas lagaya.
"Aapki khushi me hume shaamil karne ke liye shukriya aapi.", Aur iske saath he kayi chehro par aise bhaav aaye jaise jehar chakh liya ho.
'Yuck.'
'Uff...'
'Chhiii.. kaisa swaad hai iska? Kadwa..'
"Isko kaise pee sakta hai koyi?"
Ye kehne wali thi Ritu, Alka, Rupali, Aarti, Gurdeep aur Priyanka. Komal, Madhuri ko bhi ye swaad jara na bhaya tha lekin unhone awaaj na ki.
"Ek kaam karo tum log. Smell kiye bina bas poora gilaas gale se niche utaar lo. Dawaai samajh ke aur waise iska taste itna bura bhi nahi hai. Baaki beer thandi ho jaane do fir jyada atcha lagega.", Vinni ne toh 2 he ghoont me gilaas khali rakh kar aise mooh saaf kiya jaise billi doodh peene ke baad. Kisi ka dhyaan Preeti ki taraf na gaya jo sabse pehle he khali gilaas rakhe inki taraf dekh rahi thi.
"Waah.. jara is Preeti ko toh dekho yar. Madam ne sabse pehle gilaas saaf kar diya.", Himani ke aisa batate he Ritu-Alka badi hairaani se Preeti ko dekh rahi thi aur udhar Komal ne bhi apna gilaas nibta kar farsh par tika diya. Jasleen-Keerti bhi unke sath he faarig hui aur ab toh Ritu-Alka ne ek dusre ko dekh kar bina samay gawaye aise beer khatam ki jaise ye unka roj ka kaam ho. Seene me uthiti jalan kisi ko dikhti kaise.
"Yaar kuch do mujhe swaad badalne ke liye.", Rupali ki aankhon me paani aa chuka tha aur usko aisa lag raha tha jaise mooh me jehar aur dimag me hathoda lag raha ho. Vinni ne turant tale hue kaaju uski taraf badha diye. Sabhi ab jaayke ke liye kuch na kuch khaane lage the. Vinni-Marina aur Himani ne aapas me ek ishara kiya aur saaf paani jaisi vodka un chhote gilaso me upar tak bhar di. Jasleen ne bhi haan bhari.
"Ab ye kya karne lagi ho aap log?", Alka toh abhi se thoda ajeeb mehsoos kar rahi thi aur vodka ke peg bante dekh bas yahi pucha.
"Vodka kaun lega? Dekho, shot lagane ki jarurat nahi hai. Agar pehle drink ki hai kabhi toh juice ya cola me mila kar le sakti ho.", Himani ne sabki taraf dekh kar kaha.
"Main cola me lungi.", Komal ne ek baar fir sabko hairat me daal diya. Aur uski himmat dekh Preeti aur Keerti ne bhi haa kaha. Tara baaki gilaas fir se beer ke banane lagi thi jisko dekh Rupali ne thodi der baad ka kaha apne liye.
"Cheers everyone. Aur iske baad shuru hoga spin tha bottle. Jiski taraf bottle ka dhakkan ruka, usko bottle ki back side wala task dega. Aur sabko pata hai na ke limit cross nahi karni.?", Vinni ne wo tequila gilas utha kar dusre hath me namak laga nimbu ka tukda uthate hue kaha aur Marina, Himani, Jasleen ne ek baari me he wo garam vodka gale ne niche utaar li. Ritu toh hairat se dekh rahi thi ki ye chakkar kya hai. Nimbu kyu chaat rahi ye sab ye paani pee kar. Baaki sabhi ab araam se beer pee rahi thi.
"Tumhe ye try karna chahiye Pinki aur Alka beer se atcha taste hai iska. Cola he lag rahi hai bas.", Komal didi ne aisa kaha tha aur unka anusaran karti Preeti aur keerti ne bhi yahi kaha ke vodka-cola beer jitni buri bhi nahi.
"Mera bana do ye wala. Beer se toh sar ghoom raha hai, cola se thik ho jayega.", Rupali ne itcha toh jata di lekin Marina ne sar pe hath rakh lia
"You know, don't mix your alcohol Rupali. Agar vodka peeyo toh fir agla bhi vodka he lena."
"Thik hai main vodka he lungi. Meethi toh lagegi jaisa Komal didi ki shakal se lag raha hai.", Is beech Ritu ne toh beer ke hath bhi na lagaya tha aur sabke gilaas agle 5-10 minute me farsh par khaali rakhe the. Marina ne fir se tequial gilaas uthaye aur fir Himani, Vinni aur Jasleen ne hami bhari.
"Ritu, khatam karo apni beer.", Aarti ne Ritu ko yaad dilaya toh usne naa me gardan hila di.
"Wine ki bottle he dedo mujhe toh. Na vodka na beer. Romela aunty yahi peeti hai na? bas main wahi lungi.", Ritu ko pata nahi kya soojhi aur Alka jaise he apni jagah se khadi hui kadam hil gaye.
"Dekh ke darling dekh ke.. Salamat fridge tak chali jaogi na?", Vinni ne maje lete hue kaha toh Alka bhi hansne lagi.
"Paanv so gaya tha didi, nashe nahi hue.", Wapis wo thik aayi thi aur iske sath he Himani ne ek khaali bottle pehle khud ghuma kar Madhuri didi ko dikhai aur fir unhe ghumane ko kaha.
"Sab ready ho na?", Jasleen ne nara buland kiya tha aur sabhi tayaar. Bottle sangmarmar ke farsh par ghoomi toh 16 jodi aankhen bas usko he dekhti rahi.
"Ohhhh.. shitt..", Ye ruki thi Marina ki taraf aur uski dusri aur thi Vinni.
"Aao thakur. Pehli he baar me hamari pakad me aa gaye aap toh. Meri Russian friend ke liye ek punjabi gana laga diya jaaye jara.", Vinni didi ka vichar sunn kar Marina mayoos si hui lekin ab naachna toh tha he jiske liye aage 4 gadde jodd kar unhone manch banaya hua tha.
"Didi, wo punjabi CD shayad ghar he reh gayi. Sataya movie ka us type ka he gana hai ek.", Preeti ke kadam abhi se hilne lage the jo CD dekh rhai thi.
"Laga do yar, bas naachte hue dekhna hai maine is mom ki gudiya ko.", Vinni ne Marina ko aankh maarte hue kaha aur jald he gana shuru ho gaya. 'Sapne me milti hai..' Marina naach chahe jaisa marji rahi thi lekin uski kamare se le kar vaksho se kuch niche tak ka fakk gora patla badan saaf jhalak raha tha. 1 minute me he paseene se naha gayi toh Vinni ne gana band karwa diya.
"Waah yaar tumhe toh naachna bhi aata hai.", Rupali bhi itne me he hil chuki thi jo Marina ke nirvastra patt par hath rakhti hui boli.
"By chance yahi ek song suna hai maine. Thank you Preeti. Now I badly need another drink, no more shots Vinni.", Marina vatanukulan ke bawjood paseene me tar batar thi. Ek baar fir bottle ghoomi aur is baar ruki Afsana par jiski aankhon me darr saaf dikhne laga tha. Uske saamne thi Komal didi. Yaha fir se beer, vodka ke gilaas bann rahe the aur Ritu wo ajeeb si wine seedha bottle mooh ke lagaye pee rahi thi.
"Ghabrao nahi Afsana ji, didi tumse kuch bhi aisa waisa nahi karwane wali."
"Aapi kahengi toh hum naach sakte hai par aise gaane par mushkil hoga.", Afsana ne Ritu ko jawab dete hue Komal didi ki taraf bhi nigaah rakhi.
"Aisa karo Afsana, tum Ritu ke kapde pehan kar dikha do ek baar.",Masti me ye baat Alka ne kahi thi aur baaki sabhi muskurane lage.
"Shhh.. main keh sakti hui jo kehna hai Alka. Afsana, tum bahot pyaari bachi ho lekin maine tumhare mooh se hindi ya english bilkul bhi nahi suni. Hindi me tum batao ki tumhe yaha sabse jyada kya atcha laga aur english me batao kya bura.", Komal ne khud ko atche se sambhala hua tha. Afsana bhi is karya ko sunn kar kuch sehaj hui.
"Komal didi, hume sabse jyada pasand aaya aapka pariwar. Yaha sabhi eksath rehte hai aur sabka khayaal rakhte hai. I do not like people who just look at us as sex object. I faced such incident just after leaving my city. Thank you.", Afsana ne har shabd bade dhyaan se aur ruk ruk kar kaha tha lekin bilkul sahi. Aur jo sandesh usne angrezi me diya tha usko sunn kar bagal me baithi Ritu ne uska gaal he choom liya.
"Beautiful. Aur tum apne sath rakha karo ek knife. Jo aisa waisa kare, uski aankh me he daal dena. Ab ho he itni sundar.", Ritu ke andaaj par sabhi hansne lage the aur is beech sabke hath unke jaam-gilaas numaya tha.
"Aapi,aapke mooh sharaab lagi hai.",Afsana ne jhempte hue jawaab diya jab sabhi uski tareef bhi kar rahe the.
"Aaye haaye meri Afsu. Matlab tum Ritu ko apna gaal choomne de sakti ho agar ye normal ho toh? Main toh bachpan se tere sath rahi hu yar. Fir itni na-insaafi.", Aarti ke is dialogue ne ek baar fir sabko hansne par majboor kar diya tha aur Afsana ka chehra sharam se gulabi hone laga.
"Humne aisa toh nahi kaha. Ritu aapi bhi aapke he jaisi hai Aarti.", Afsana ke dhime se awaaj dene ke lehje me ab jhijhak kam thi aur Ritu ne usko apni bagal me le liya. Bottle fir ek baar ghoomi thi aur mahol me itni jaldi he nasha haavi hone laga. Marina ne switch board dekh 4 me se 2 tube bujha kar mahol thoda khushnuma kiya. Bottle ka rukh is baar Alka par tha aur usko karya dene ka jimma mila Tara ko. Dono ke chehre par jaise alag si chamak aa gayi thi.
"Alka darling, aisa hai ki pehle toh apni beer khatam karo aur fir jara Ritu ko lip to lip.", Yaha baithe jyadatar ke chehre hairat se bhar uthe Tara ki baat sunn kar lekin Preeti, Aarti muskura rahi thi.
"Ye limit se bahar hai Tara.", Madhuri didi ko bhi suroor tha lekin itna bhi nahi ki sahi galat ki pehchaan na ho.
"Alright alright. Madhuri didi, limit ka matlab saamne wale ko bura nahi lagna chahiye.", Alka ne aankh daba kar kaha aur apni taraf dekhti hui Ritu ko aise lapka jaise Dayavaan ka Vinod Khanna Madhuri Dixit ko pakadta hai. Dono ki najre bade gor se ek dusre ko kuch pal dekhti rahi aur fir surkh hontho ke 2 jode ek dusre se aahista se judd gaye. Vinni kuch pal dekhti rahi aur jaise he Alka Ritu ka chumban gehraane laga unka hath khud apni jaango ke beech sehlane laga. Marina bhi aise kho gayi jaise jaadu chal raha ho. Komal ne toh najre he dusri taraf kar li thi ek muskaan ke sath. Alke ke seene par Ritu ke hath pahuche he the ki Tara ne rukne ki awaaj laga di.
"Oh tum dono bas bhi karo. Dekho jara baaki sabki haalat kharaab kar di. Mujhe toh laga tha touch kar ke alag ho jaogi.", Tara ne jhootha gussa dikhaya tha aur Afsana ke toh roye khade ho chuke the is beech.
"Yaar main kya kehti hu, thoda dance karke khana khaate hai. Nahi toh fir pakka kuch unch neech ho jaani nashe me.", Priyanka ko andesha ho chuka tha ke ab kya hoga. Sabhi ne apne apne jaam khatam karte hue ye baat maan li thi lekin Vinni ne saaf keh diya tha ke dance ke baad wo toh abhi drink legi.
"Haan, main aur Keerti bhi. Marina tum?", Jasleen ne bhi iraade jata diye the ke wo abhi masti me rahegi.
"Aisa hai ki Madhuri didi ke sath main aur Komal toh araam karenge. Rupali tumhari haalat bhi thik nahi hai.", Priyanka didi ne khade hote hue apne iraade bata diye.
"Jiska dil kare wo peena aur jisne araam karna hai wo kare. Lekin dance ke baad truth & Dare jarur hoga. Aur Madhuri didi bhi khelengi, aisa pehle he kaha tha.", Alka ne khade hote hue Vengaboys ki CD system me daalte hue ek aur tubelight band kar di. Is beech kisi ne gor nahi kiya tha ke Marina ab pajame aur ek sports bra me naachne ko tayaar khadi thi. Saaf tha ke ye raat ab waisi hone wali thi jiski ummeed yaha kisi ko nahi thi. Sirf 11 he baje the aur aadhe se jyada apne jiwan ke pehle nashe me choor bas thirakne shuru he hue the. Inhe jara bhi bhaan na tha ke daaru utarne ke baad agle din kya hota hai.
Hangover (1)
"Bhai Bhole, tum Pushpak se kis baat pe bhadak rahe the? Ek toh wo khud he chal kar aaya tha aur wo bhi akela. Dusra usne toh tumhe hath jodd kar maan diya aur agar dhyaan diya ho toh mujhe dekh kar usne jaise najre niche ki thi uska saaf matlab tha ki wo khud ko hamara gunehgar maanta hai. Bewajah he tum bekaabu ho jaate ho bhai.", Ghar se jyada jawaab sawaal kiye bina Shankar ab Community center ki taraf nikal chala tha aur uske sath Daleep, Umed aur Narinder bhi car me maujood the.
"Wo baat nahi hai Gajju. Shankar ko us pariwaar se he samasya hai jabse wo ghatna hui thi waha haveli par. Pintu toh sabse jyada raha he Shankar ke sath hai jab bhi hum Punjab wale ghar jaate the. Bas 8 saal ka Pintu fir wapis na lauta aur apna Shankar hai thoda emotional. Lekin ab jaise papa log sabse alag hue toh hum bhi unke sath he aaye na. Waisa he Pintu ke sath hua.", Shankar Narinder ki bhi baat sunn raha tha aur Umed ki bhi. Bas Daleep he tha jo sunn kar aur waha Pushpak ko dekh kar abhi tak duvidha me tha.
"Daleep, tum batao jara in dono ko Pushpak ke baare me jo bhi tumhe pata laga hai. Yaha main kisi ko pariwar ke purane dushman ya uske rishtey ki wajah se nahi maap raha. Gajju apni jagah thik aur Inder tum apni jagah. Lekin ye sala Pintu ab Kunwar Pushpak hai jiski kundali Daleep leke aaya hai Rajasthan se.", Shankar ne ciggratte sulgate hue car ek taraf ghumai aur ye sadak ab thodi shaant thi.
"Aisa hai bhai logo ki main Nivedita case par tha aur wahi pata laga tha ki wo ladki Pushpak ke sath judi thi. Kapoor bhi usme shamil tha aur baad me Indraneel ne Nivedita ka rape karke usko maar diya. Pushpak ke baare me pata laga hai ki wo shaahi jiwan ki jagah apni alag he zindagi jeeta hai jisme sharaab, nashe, ladki aur maar-kaat bharpoor hai. Haan usne kabhi kisi ladki ki jaan nahi li hai aur sach kahu toh ab mujhe mehsoos ho raha hai ki mamla jaise kuch aur he hai. Indraneel ne 70 ke lagbhag kuwanri gareeb ladkiya gayab kar di hai pichle kuch saalo me. Aur jo dehshat hai inki waha usme Pushpak ki pakad samajik jyada hai aur Indraneel ki asamajik. Matlab bade wala haivaan hai aur chhote wala janta ke beech rehne wala. Ye toh mehal me bhi nahi rehta aur Indraneel ko uske baap ne videsh bhijwa diya. Fir se sabhi kadi milane padengi jaise kuch chhota sa hissa gayab ho gaya ho.", Daleep ne dimaag khujaate hue tafseel se har pehlu bataya jitna usko samajh aaya tha.
"Dekho Daleep bhai, main ek baat batata chalu aapko. Pintu balatkaar jaisa ghinona kaam nahi kar sakta kisi bhi surat me. Haan wo raaj-aadesh ka sammaan karte hue 10-15 laashe bade araam se gira sakta hai. Pali, Rajasthan me kuch arse pehle he ek ghatna hui thi jisme 18 vyakti buri tarah ksht-vishakt mrit mile the. Unke pas asla bhi tha aur afeem bhi. Dabe chipe bhi jo naam pata chala tha wo Kunwar Pushpak ka tha lekin BSF ne is maamle ko saaf karwa dia tha. Aur ab aate hai aapke Nivedita wale case par.", Narinder jaise Daleep se bhi kahi jyada jaankari rakhta tha aur tabhi batata tha jab jarurat ho.
"Tum Nivedita case me kya jaante ho?", Shankar ke aisa kehne par Umed muskuraya jisko Daleep ne ciggratte saunp di thi.
"Kyon Bhole? Main aur Inder bhi toh us din chhatt par he the sabke sath jab is case ki baat chal rahi thi. Ab Inder tumhe batayega jo jameen par chalne wale afsar dekh nahi paaye.", Umed bhi jaanta tha kuch hadd tak. Daleep bhochakka sa kabhi bagal me baithe Inder ki taraf dekhta toh kabh agli seat par baithe Umed ko.
"Haan toh baat aisi hai Daleep bhai ki Nivedita koyi raah chalti ladki toh thi nahi jo bas ya jyada se jyada car me Delhi se Haryana hoti hui Jaipur, Jodhpur aur Barmer tak chali jaaye. April mahine me he 3 baar wo havaai yatra se Jaipur gayi thi aur ek bar toh uski bagal me baithe the apne Pintu bhai urf Pushpak. Sanjiv ke paas ticket detail hongi, agar jarurat ho aapko toh. Ab aate hai Kapoor wale kisse par aur jis din Nivedita Haryana, Punjab tak dekhi gayi thi.", Narinder ke chehre par rehasyamayi muskaan thi baat ke dauraan.
"Haan bolo bhai.", Daleep jaise kuch jyada he teji me tha sach jaan ne ke liye.
"Us samay toh nahi pata chala tha is sabka lekin Sanjiv ke hath lagi thi Pushpak ki tasvir aur wo charcha karta he hai apne chhote bhai se. Ab wo photo dekh kar apne chote nawaab ne bataya ke wo is aadmi se kahi mila hai aur jyada sochne par usko dhyaan bhi aa gaya ki ek ladki ki help ki thi usne aur Pushpak uski car me so raha tha ya behosh tha. Matlab us samay tak Kapoor toh unke sath tha he nahi. Aur Nivedita ki tasvir dekh kar Arjun ne ye bhi confirm kar diya tha ke yahi yuvti thi jiski madad Arjun ne ki thi. Matlab toh saaf hai ki Haryana tak wo dono salamat the aur unke sath koyi na tha. Ab Kapoor sambhalta tha drugs ka karobar jiski dekhrekh karta hai Indraneel aur agar ladki Kapoor se mili hogi jaisa ki mera anumaan hai kyonki wo Pintu ke kareeb thi toh yaha se khel ho jata hai dotarfa. Forensic report kya bata rahi thi Daleep bhai? Matlab kitne logo ne uske sath dushkarma kiya? Veerya milaan hua ya nahi aur tumne jiski gawaahi darj ki hai kya wo vyakti bharose ke laayak hai?", Narinder ne poori jaanch ki dhajjiya uda kar rakh di thi apne samikaran aur jaankari dikha kar. Ab Daleep ke maathe par paseena saaf jhalak raha tha. Shankar bhi hairat me tha ki uska bhai bhi in sab lafdo par itni gehraai se soch vichar karta hai.
"Waise Arjun ko nahi pata Nivedita maamle ka. Main ye baat pehle he khol du. Beshak Sanjiv uske sath sabkuch sanjha karta hai lekin Nivedita ka na toh usne naam liya tha Arjun ke saamne aur na he durghatna bataai hai. Inder jo bhi keh raha hai usme mujhe vibhinn konn najar aa rahe hai, anumanit.", Umed ne bhi apni raaye saamne rakhi ye batane ke sath ki is maamle me Arjun dur dur tak nahi hai.
"Huhhh.. Maadarchod .. sala ajeeb he lafda hai re ye toh. Daleep bhai in dono ke kehne ke mutabik toh fir Pushpak ne ladki ke sath durachar ki jagah marji se sab kiya hoga agar sperm match bhi hota toh jo ki multiple involvement ki wajah se ab mumkin bhi nahi? Aur Nivedita kis se bhaag rahi thi jo Rajasthan gayi Pushpak ke sath? Kapoor toh sala dekh kar he hawasi lagta tha aur Indraneel ka hisaab waise he ladki ke maamle me bayaan karne laayak nahi. Pushpak nashe ka karobar nahi karta toh fir wo nasha kaise karta?", Shankar anjaane he is guthi me shamil ho gaya tha jabki charcha ka vishaya toh kuch aur he tha.
"Case toh band he ho chuka na Bhole aur Pintu ne kaha bhi tha na ke wo jaldi he chacha ji se milne aayega. Kya pata anjaane he wo koyi jaankari dede. Aur agar Daleep chahe toh ab case ko reverse tarike se dekhna shuru kar de. Delhi ki high-class ladki jo 21-22 saal ki aur 38-40 saal ka Pintu. Kareebi saheliyon aur dosto se pata kiya jaaye ke Nivedita ke shauk kya tha aur agar unhe bhi Pushpak ki koyi jaankari hai toh bahut kuch pata chal sakta hai. Mere hisaab se Delhi me ladki par dabaav hoga aur Pushpak shayad apne pita ki wajah se hichkihca raha hoga. Ye ladkiyan agar peeche padd jaye toh yamraaj ko bhi mana sakti hai. Is hisaab se wo surakshit rehne ke liye zidd karke Pushpak ke sath nikli hogi aur ... Daleep, ladki ki autopsy report me drugs mile the kya?", Umed ek dum se alag he disha me le chala tha is maamle ko.
"Haan bhai. Ye toh main batana he bhool gaya tha. Nivedita mehnge nasho ki addict thi aur uski kalaai par aakhiri samay bhi nishaan the. Uske gharwale bhi jaante the is baat ko lekin samaaj ka hawala de kar apni power ke dum se unhone report me drugs wali baat hatwa di thi. Wo pehli wali report bhi Walia ji ke pas mil sakti hai.", Daleep ne itni badi baat ko najarandaaj kiya tha.
"Agle mahine ki tankhwaah mere aur Gajju ke naam kar dene Daleep bhai. Case solve kar diya hai humne aapka. Aur ye apna Pintu ishq me tha aur taja nashedi bana hoga aisi sohbat me. Nahi toh car me behosh kyun hota jab dono nikal he rahe ho Delhi se Rajasthan?"
"Case toh band ho gaya bhai lekin dil kar raha hai ki ab iski jaanch apne dum par karu. Shukriya tum dono ka aur Sanjiv ka bhi. Bahot si najuk kaddiyan reh gayi thi mujhse.", Charo he log ab is aalishan se community center me aa chuke the jaha kal Sanjiv ki sharaab party thi aur 3 baad sangeet karyakram.
.
.
Raat 8 baje ke kareeb Annu ki aankh khuli toh abhi tak sharir me reh reh kar kaam-visphot mehsoos ho rahe the. Band kamre me wo chaadar ke andar purntaya nirvastra thi aur gadraaye jism ke har hisse par Arjun ki kaam-kala ke sparsh bhali bhanti mehsoos karti hui akele me muskurane lagi.
'Aah.. sabse jyada is pyaar ko he miss kiya tha maine.. Jitna bhi kahu ki jor se karo lekin kitni parwah hai usko jo nishaan na ho isliye sabkuch pyaar se karta hai... uff.. bas wo kuch jyada he bada hai jaalim.. nahi jaalim nahi mere pyaare Arjun ka... isshhh..', gore gubbaro ke gulabi nipple abhi tak akde the aur sharir jaise tootan me dooba hua. Jaise taise karke dheeli bra aur kameej pehan kar Annu bister se khadi hui toh apni sooji hui gulaab si choot ko dekh fir se muskura di.
'Panty nahi pehan sakti.', Almari se dheela pajama nikaal kar jaise taise pehna aur bister samet kar baal he bana rahi thi ki darwaje par dastak hui.
"Annu beta, kitna araam karegi. Ab uth ja fir raat ko araam se jee bhar ke so lena. Jaanti hui hawaai yatra ki thakaan abhi bhi hai.", Unki mata ji ke aisa kehte he Annu ne turant darwaja khol diya. Kamar se niche tak ke uske lambe baal ab ek rubber se joode me bandh chuke the. Mata ji kuch pal toh apni beti ki chamak ko he dekhti rahi.
"Mom, thodi he der toh soyi thi aur jab aap log aaye the tabhi aankh lagi thi meri. Waise papa ghar pe he hai?", Bedhyani me Annu unke sath he bahar nikal kar thoda aage chalne lagi toh uski mata ji ne anjaane he apni beti ko gor se dekha. Annu nihayati khoobsurat yuvti thi aur paune 6 feet ki ye sardaarni sharir se bhi utni he maansal aur gorvarn thi ki mata-pita ko jald he bade hone ka ehsaas karwa de.
"Wo tere papa toh Gupta ji ke udhar gaye hai kisi kaam se lekin main kya keh rahi thi Annu?", Dono maa-beti hall me aayi toh Annu ke liye doodh aur mata ji ki chai table par rakhi thi.
"Haan mom, kaho aap kya keh rahi thi?",Annu chaukdi maar kar sofe par pasar ke baithi thi jis se fir wahi khaas ehsaas hua apni jaangho ke beech lekin chehre par bhaav na aane diye. 'Arjun, kisi din marwa matt dena..'
"Wo Parul ki bhi shaadi ho rahi hai, Madhuri bhi teri he umar ki hai beta. Ab tu bhi kuch soch le, chahe shaadi degree ke baad kar lena par ladka dekh ke rok le toh sahi rahega.", Annu ne jyada hairat nahi dikhaai thi apni maa ke aisa kehne par bas nakhush dikhi.
"Aisa hai mom, Parul ka maamla hai love-shove ka aur Madhuri hamesha se introvert aur family me rehne wali ladki hai. Mera toh dekho in dono me se kuch bhi nahi. Baaki aap batao aapko mere abhi shaadi na karne se kuch pareshani hai?", Annu ne toh baat he apni maa ke sar par daal di thi.
"Har cheej ka sahi waqt hota hai beta aur umar bhi. Tu padhaai ke baad fir kuch aur dhoond legi ya naukri karne lagi toh, shaadi fir taal degi. Jawaan beti bojh nahi hoti lekin jimmewari toh hoti hai. Ab Parul ne agar khudse ladka dhoond liya toh tu bhi dhoond le agar hamari pasand se nahi karna toh. Bas Angrez na ho tere bhai ki tarah.", Ab Annu kya batati ki uske wala ek toh pehle se 5 saal chhota hai aur upar se uska toh rishta pehle he ho chuka hai.
"Thik hai dhoond lungi lekin abhi 2 saal toh bhool he jao ye sab. Waise aapne Parul-Charul ko bataya ke main aayi hui hu?", Annu ne baat he khatam kar di thi aur bholi mata ji ko toh samajh he nahi ye sab.
"Haan, thodi der pehle he baat hui thi meri behan ji se. Fir Parul ne tujhse baat karne ke liye kaha toh maine bata diya tha ki tu thaki hui hai aur araam kar rahi hai abhi. Kal aayegi wo dono Pandit ji ke he function pe toh mil lengi aur wahi se idhar aa jayengi. Waise tujhe Arjun kaisa lagta hai?", Ye toh ekdum se uski mata ji ne jaise dhamaka kar dia Arjun ka jikar karke. Lekin Annu ke chehre par halki muskaan he aayi jaise wo bhi ab bhaap chipana seekh chuki thi.
"Kaisa lagta hai se kya matlab hai maa.? Mera sabse khaas dost hai Arjun aur dil ka utna bura bhi nahi hai. Main study se le kar har topic pe us se baat kar sakti ho jis par main shayad Parul ya aapse bhi na kar saku. Chhota hai lekin sach kahu toh uska life ke liye jo vision hai wo shayad mujhse ya aapse bhi kahi jyada gehra hai aur saaf hai. Aapko toh wo mujhse bhi jyada pasand hai. Kyo nahi hai kya?", Annu ne bakhaan karne ke baad fir se ball apni maa ke paale me dal di. Aunty ji bhi swabhavik taur par muskurane lage the.
"Mera biba bacha hai wo Annu. Pata nahi kya rishta hai uske sath lekin jab wo ghar me hota hai na toh mujhe ek pal bhi tumhari ya tere papa ki yaad tak nahi aati. Ghar ke kaam karte hue meri baatein sunta rehta hai, koyi aa jaye mujhse milne toh samajhdar beti ki tarah mujhe mehmaan ke pas baitha kar khud rasoi sambhal leta hai. Kuch karne ko na ho toh ludo, shatranj me laga leta hai. Tere peeche se usne tere kamre ki har cheej ko utne he dhyaan se rakha jaise tu rakhti hai. Main kehti thi ki main saaf kar deti hu toh hamesha yahi bol dena ki main apne ghutno ka dhyaan rakhu. Tere kamre ko wo atche se jaanta hai. Kam-umar hai lekin jo bhi karta hai sache mann se poore dil ke sath. Sochti hu ki ya toh wo meri kokh se paida hota ya agar teri umar ka hota toh damaad bana leti. Hahaha..", Annu ke gaal par gadde ubhar aaye the apni maa ke vichaar sunn kar.
"Itna bhi na socho mom. Aapke sath uski bonding atchi hai toh fir kya farak padta hai ki aapse paida hua hai ya nahi.? Rahi damaad wali baat toh fir ghar-jamaai toh wo banta nahi. Waise ek baat bataani thi aapko?", Annu thoda gambhir lehje me boli toh mata ji ne cup wapis table par rakh diya.
"Haan beta, koyi pareshani wali baat hai kya?"
"Nahi baat itni bhi badi nahi hai lekin mujhe lagta hai ki aapko pata honi chahiye. Wo ab main bhai ke ghar nahi rehti. 2 hafte pehle hostel shift ho gayi hu.", Annu bas itna keh kar chup ho gayi thi.
"Wo sudhra nahi na Annu? Tujhe meri kasam hai poori baat bata. Aur tu aise ekdum kaise aayi thi iski wajah bhi?", Uski mata ji ne mauka dekh kar apne mann ka sawaal bhi kar diya.
"Bhai sachmuch badal gaya hai mom ya shayad main pehle usko utna jaanti he nahi ti. Behan hu na toh bachpan ke baad hamari baatchit hamesha thodi bahot he hoti thi jisme kuch khaas hota he nahi tha. Haan main bhai ko pyaar karti thi kyonki hum dono he toh the bas. Lekin jab main waha gayi toh pehle din he samajh aa gaya tha ke wo aapka kehna sahi tha jo bhi aap majaak ya serious ho kar kehti thi. Usko bas apne in-laws aur biwi ki he fikar hai. Mujhse mila bhi toh aise jaise kal he mile ho. Koyi wo choti behan se milne wali khushi nahi aur ghar jaane ke baad niyam-kanoon ka paath. Mujhe laga chalo family hai aur waise bhi main toh khud he time-table aur discipline me yakeen rakhti hu lekin next day he samajh aa gaya ki apne bhai ke ghar rehna hai toh cooking, cleaning, washing mujhe karni hogi.", Annu ki mata ji ke toh chehre ke rang he udd gaye ye sunn kar. Aaj tak unhone Annu se kabhi chai ka cup tak rasoi me rakhne ko na kaha tha aur waha unki nauk bachi ko poore ghar ke kaam karne pade.
"Uski biwi? Wo tere sath kaam nahi karti thi?", Fir bhi unhone ne soch kar ye poocha shayad bhabhi nanand mil kar he karti ho.
"Hahaha.. Wo 10 baje uthne par coffee bhi khud nahi banati mom. Bhai har raat kaam ke baad uske sath full sharaab ke nashe me ghar aata hai. Main ye sab bhi sehan kar leti kyonki ye unki apni life hai lekin..."
"Kya lekin Annu beta?"
"Wo bhai-behan ke rishtey ko nahi samajhta ma.. Sunday ko Arjun se main baat kar rahi thi jaisa har weekend karti hu lekin unke ghar wo main dusri he baar kar rahi thi aur bhai mere peeche khada kuch der dekhta raha aur uske baad .. Uske baad usne mujh par wo sabhi iljaam lagaaye jo koyi bhi bada bhai sirf sochne bhar se doob mare. Tab bhi maine kaha tha ke wo khud he dekh le ki main kya baat kar rahi hu lekin wo bas jo bhi dil kiya kehta raha. Us raat main so na saki, raat bhar main royi aur fir university me hostel ke liye apply kar diya agle din. Maine toh pehle he aapse kaha tha ki hostel thik rahega.", Annu ki aankhon me aansu aa chuke the ye sab batate hue.
"Meri bachi.. wo sach me kapoot hai aur yaha tha tab bhi wo ghunna he tha jisko ghar-pariwar ki ijjatt ki jara kadar nahi thi. Toh agle din se he tu hostel chali gayi thi?"
"2 Din baad mom.. Lekin us monday he aapke bete ne dikha diya tha ke wo insaan ke roop me bhediya hai. Main toh ye soch kar he raat waha ruki thi ki bhai ke kaam se aane ke baad usko bata kar subah he kisi hotel me 5-6 din ruk jaungi. Samaan pack tha mera lekin bhai waise he nashe ki halat me aaya aadhi raat ko aur apni he behan.. chhii.. wo toh agar main kamjor padd jaati toh jaane kya hota.. Uski biwi bhi aas-pados ke darr ki wajah se beech-bachaav me aayi aur maine bhi aapka aur papa ka soch kar chupchap waha se nikalna he thik samjha. Sabkuch aise time hua tha ke main akeli waha sunsaan sadak par raat ke 1 baje apni halat ke baare me sochti rahi.", Annu ki aap-beeti sunn kar jaha maa ka dil fatt raha tha wahi unhe apni pariwarish ke 2 bilkul he viprit pehlu najar aaye the. Ab wo bhi aansu liye apni beti ki bagal me aa baithi thi.
"Meri bachi ke sath itna sabkuch ho gaya aur hume khabar bhi nahi? Tu waha akeli kaise rahi meri bachi? Kaise saamna kiya tune us anjaan desh me in halaat ka.?", Rote hue Annu ke chehre par ekaek muskaan aa gayi thi ye sunn kar.
"Wahi aapka dusra beta maa. Himmatt karke maine sabse pehle usko he phone kiya tha aur shayad meri kismat itni buri bhi nahi hai. Arjun ne he phone uthaya tha aur aadhe ghante baad main uske he ek parichit ke ghar thi jisne na mujhse koyi sawaal kiya na zindagi ki baare me poocha. Fir hostel bhi mujhe samay se 3 din pehle mil gaya aur ab waha kuch log hai jo mera dhyaan rakhte hai, Arjun ki wajah se. Ek toh Miss Mirza hai jinke papa trustee bhi hai university ke. Narak se swarg me he pahucha diya mujhe aapke is Arjun bete ne.", Aaj Annu ki mata ji ko jaise Arjun ne anchahe he khareed liya tha. Wo bhi geele nayano ke sath halka muskura di.
"Main itna toh mehsoos karti he hu beta ki Arjun khaas hai aur wo mere liye mera beta he hai. Lekin usne saabit kar diya ki parwaah aur pyaar ke liye khoon ka rishta he hona jaruri nahi. Haan khoon ke rishtey beshak kalankit kar dete hai. Tere bhai ka hisaab bhi main ab atche se karungi."
"Aapko meri kasam hai mom jo aapne is sabka jikar bhi papa se kiya. Aur rahi baat bhai ki toh wo khud he maafi maangne aaya tha university me. Pata nahi waha usko kisne majboor kiya lekin yaha se toh connection Arjun he hai. Gidgida raha tha wo mere saamne ki uska restaurant band ho jayega aur wo apne biwi bache ke sath sadak par aa jayega. Maamle ko wahi khatam karna he mujhe sahi laga. Bas fir kuch waqt laga mujhe apna mann sambhalne me lekin ab main bahot araam se apni padhaai aur life jee rahi hu.", Annu ne khud he apni maa ke chehre ko saaf karke gale se laga liya. Uski mata ji bhi beti ke gale se lag kar ab sukoon me thi.
"Toh tu waha se idhar Arjun ke ghar ki shaadi attend karne aa gayi? Ab ye bhi bata de ki koyi aur khaas kaam toh nahi? Kasam nahi deti lekin sach sach batana.", Maa beti ki dost bann na chahti thi aur in dono ka rishta pehle bhi kuch khulapan liye he tha.
"Shaadi ka toh mujhe bataya tha Arjun ne, mom. 4 din pehle waise he Arjun se phone par baat ho rahi thi ki line cut ho gayi. Fir internet se message kiya toh usne waise he bol diya ki agar baat karni hai toh ab dinner pe he karenge, wo bhi aapke aur papa ke sath. Wo majaak kar raha tha lekin jaane kya hua mujhe ki maine ticket karwa li. Mom, usne khaane ka bhi poocha toh aapke aur papa ke sath. Mujhe sachmuch feel hua ki main pehli baar life me ghar se bahar nikli hu aur waha aap aur papa mere sath nahi ho. Jo bhi tha lekin apne ghar se best kuch bhi nahi. Mahine bhar me he mujhe poori life samajh aa gayi.", Annu abhi bhi thodi bhavuk aur soch me leen thi. Kabhi chehre par muskaan aati toh gabhi dard.
"Toh yahi reh le na Annu, nahi karwati teri shaadi jabtak tu nahi kehti."
"2 Saal ki he toh baat hai maa aur ab mere liye ye ek lakshya hai jaise khud ko saabit karna. Arjun ne mujhe himmat di hai aur ab fir se kaayar bann kar nahi rehna. Mera fainsla liya hua he agar main barkaraar nahi rakh sakti toh apni he life se insaaf kaisa.? Haan ye bhi us ullu ne he kaha tha mujhe. But trust me, I am strong now. Baaki aapke waheguru ji waha bhi hai aur ab toh main gurughar bhi jaane lagi hu udhar.", Annu ne thodi masti se kaha tha.
"Is Arjun ko mere hath lagne toh de jara. Main batati hu isko jo itne bade bade kaam karne laga hai aur dekh ke toh ye bhi nahi lagta ke isko apne he shehar ka kuch pata hoga. Jaane ye ehsaan maanu ya ek sache bete ka kartavya?"
"Oh mom, itna bhi serious mat lo haan. Uski duty hai ye sab aur aapke ya papa ke liye wo hoga aap logo ka beta lekin mere liye toh mere aisa dost hai jiske bina shayad he main apne aap se mil paati. Waise taam-jhaam toh tagda kiya hai uske dada ji ne shaadi ke liye.", Annu ne ek baar fir charcha Arjun puraan se hata kar alag jikar shuru kar diya tha. Dil ka ankaha dard jab kisi apne ko bayaan kar diya jaaye toh insaan behtar mehsoos karta hai. Annu ne bhi kuch soch kar apni maa se ye sabhi raaj saanjhe kiye the aur apni beti ko halaat se ladd kar majboot hota dekh uski mata ji bhi khush thi.
.
.
"Sunn Aaru, jara idhar side me aa.", Arjun ki toh Komal didi ke aisa kehte he fatt gayi thi. Abhi wo apne dada ji se fursat le kar bahar nikla he tha ki gambhir chehra liye saamne Komal didi aa khadi hui. Unhone usko bagiche ki taraf bulwaya toh sehma hua wo chupchap he sath ho liya.
"Ji didi.", Arjun bagle jhaank raha tha jaise didi ne uski Annu wali chori pakad li ho. Lekin Komal didi jaise us mudde par baat nahi karne aayi thi.
"Dekh main jo bhi keh rahi hu usko dhyaan se samajhna aur ye kaam tu he kar sakta hai.", Ab Arjun ne ek gehri saans li aur chehre par se pareshani chhuu mantar ho chuki thi.
"haan haan didi, bas aap bolo toh kya karna hai? Sab kar sakta hu aapke liye."
"Shaant ho kar dhyaan se sunn. Ghar ki sabhi ladkiyan aur jo bahar se aayi hai wo sabhi pichle ghar rukne wali hai aaj raat.", Komal didi abhi batana shuru he kiya tha aur Arjun tapaak se beech me he bol pada.
"Haan toh main wahi rahunga na didi sabki safety ke liye. Aur sach kehta hu kuch bhi aisa waisa nahi hoga."
"Aaru, sunn toh le pehle. Ab chup reh bas. Haan toh main keh rahi hu ki sabhi waha jaayengi ab se 15-20 minute baad. Aur tujhe daadi ko manana hai ke aaj raat Madhuri didi bhi sabke sath waha jaaye.", Ab thoda jhatka laga tha Arjun ko didi ki ye baat sunn kar. Madhuri didi ki toh shaadi hai aur aaj he unki najar bandhi hai. Chalo najar chhod bhi do toh raat ke liye dusre ghar unka rehna daadi kaise maanegi.
"Kaha fanswa rahi ho didi? Aapse mera hansna khelna sehan nahi hota toh bol do bas. Lekin..", Arjun kuch kehta us se pehle he didi ne fir se tok diya.
"Dekh, unka bhi dil hai aur baaki sabhi ka bhi. Ek choti si party rakhi hai waha didi ki shaadi hone ki khushi me. Sabhi bahot khush hai ke wo life me ek naya experience lene ke liye. Sabke sath ghul-mil kar masti karne ka yahi ek avsar hai aur kal se toh fir kisi ko mauka bhi nahi milega. Choti si beer party aur dance jaisa he kuch hai, Madhuri didi ka dil hai ye karne ka. Aaru, didi fir shaadi karke apne sasural chali jaayegi aur waha ye sab toh nahi ho sakta. Kitne he log aaye hai aur Himani, Preeti, Marina, Vinni didi ne toh sab tayaari bhi kar rakhi hai. Daadi se request karke unse permission le le na bhai. Mere liye please....", Komal didi ne bina laag lapet ke sab kuch bata diya tha aur jaise he unhone Arjun ka hath pakad kar please kaha Arjun ke dimaag se beer party shabd toh nikal he gaya. Bas anumati leni thi ab toh har haal me, apni Komal didi ke liye.
"Main kar lunga didi aur daadi mana bhi nahi karegi dekh lena. Life me aise moments aate he kitne hai aur is shaadi ke baad toh fir se aap logo ki wahi life shuru ho jaayegi. Main daadi se abhi baat karta hu.", Arjun ko itna gambhir dekh khud Komal didi bhi hairaan thi lekin wo jaanti thi ki Arjun ab kaise bhi karke daadi ko mana he lega.
"Uske baad Madhuri didi wale kamre me aa jana.", Komal didi ne uska gaal sehla kar kaha aur turant galiyare se hoti hui andar chali gayi. Arjun bhi apni daadi ke kamre me aa ghusa jaha wo bister par he baithi Purnima ji ke sath sath Barkha maami aur Lalita ji ke sath kuch charcha me lagi thi. Menaka abhi abhi Renuka ke sath andar gayi thi.
"Daadi aapse ke jaruri baat karni thi maine. Lekin pehle aap poori baat sunn lena, please.", Arjun ne andar aate he bina kisi ki taraf dhyaan diye Kaushalya ji se kaha.
"Haan, tu poochne kabse laga kuch kehne se pehle? Baith idhar aur tu mila kya Barkha maami se apni?", Kuashalya ji apne he raag suna rahi thi aur Arjun ka dimaag jaise apni Komal didi ke chehre ko he yaad kiye ja raha tha.
"Haan, maami ji se main mila hu daadi aur mere liye ye dress bhi badi atchi leke aayi hai. Waise aap meri baat toh suno."
"Tu mujhe he bata de beta, Kaushalya se kya pooch raha hai?", Purnima ji ne Arjun ko dularte hue kaha jis se Kaushalya ji muskurate hue naa me gardan hilane lagi.
"Wo na aapse permission chahiye thi.", Arjun fir se ulajhne laga tha aur uske chehre ke badalte bhaav dekh ab Kaushalya ji ne ye majaak chhod uski peeth sehlaayi.
"Haan toh jis kaam ke liye tu aaya hai wo shayad in ladkiyon ki party wala hai. Maine toh Ritu ko dopehar me he keh diya tha ke ab ghar band karke tum log jitna dil kare naach-gana karo, hanso-majaak masti karo. Wo tujhe bhej kar tera majaak udwa rahi hai mere bailbuddhi.", Arjun ne jaise he ye suna wo hairaan hua lekin fir Komal didi toh majaak bhi nahi karti.
"Kya unhone bataya ke Madhuri didi bhi unke sath rehna chahti hai?"
"Tera dimaag thikane hai beta? Kal se Madhuri ke batna lagega, aur uski shaadi hai toh byaah se 3 din pehle main usko ghar se bahar kaise bhej du?", Kaushalya ji ke swar me gussa tanik bhi na tha lekin wo kuch sakhti se keh rahi thi.
"Toh matlab agar Madhuri didi ki shaadi ho aur usme wo na jaaye toh shaadi ho jaayegi daadi?", Arjun bhi apni daadi se aise he bola jaise unhone kaha tha lekin dono ke vyang me shabdo ka antar tha. Arjun ne utne he pyaar se kaha tha jitni sakthi se Kaushlya ji ne.
"Ye kya keh raha hai tu?"
"Toh yahi toh baat hai daadi. Ab Madhuri didi ki shaadi ki khushi sabhi behne mil kar manana chahti hai jisme Himani didi, Marina, Vinni didi ke sath sath jo log chacha ji ke shehar se aaye hai wo bhi honge. Aur jiski shaadi ho rahi hai wahi party me na ho toh fir ye kaise party? Didi ke batna toh kal se lagna hai, baat toh aaj raat ki hai na.", Ab Kaushalya ji kuch sochne lagi thi kyonki baat bacho ki khushi ki thi aur Purnima ji ne bhi najro se sehmati di lekin is beech Devki ji bol uthi, jinki raaye Arjun lena he nahi chahta tha.
"Ye sab shobha nahi deta fir chahe wo ghar bhi apna he kyun na ho. Ladkiyan koyi gawayye ya banjaro ki nahi hai beta, rasookh wale khandaan ki hai. Jiji ne bina Madhuri ke bhi kaise ijajat de di ye toh wahi jaane. Ye sab shauk mardo ko he thik lagte hai.", Arjun ka dil toh kiya ki wo apna he sar fodd le lekin usne badi aas se apni daadi ki taraf fir se dekh.
"Daadi, fir toh Madhuri didi apne sasural chali jaayegi. Samajh lo ye unki pehli aur aakhiri itcha hai jaane se pehle. Unhe maine bharosa dilwaya hai daadi, wo jaayengi nahi jabtak aap anumati nahi deti.", Abhi Arjun ye sab keh he raha tha ki Rameshwar ji mehmaan kamre se is taraf chale aaye. Devki ji ne toh ghoongat he gira liya.
"Munde nu jado haan he kehni hai thaanedarni ji taah ehna vichaar kaahde layi? Pados vich oh apna he ghar hai, bache saare khushi khushi ralan-milange teh Madhuri ne eh sab kehna he nahi chahida si. Tussi aap kehna si ke dholi bulwao, rola paau teh gharo jaan toh pehla yaadan changi leke jaao. Main hunn vi salaah he ditti hai, maalik tussi ho.", Rameshwar ji itna keh kar Arjun ke sar pe hath ferte hue apne chhote bhai ke sath bahar ki taraf chal diye sair par. Kaushalya ji ke chehre par chamak he aa gayi thi jaise wo jo chahti ho waisa he hua ho.
"Isko bolte hai permission, Arjun beta. Main toh haan keh bhi deti lekin jab unchi awaaj me kaha tha toh tere he dada ji ko sunane ke liye kaha tha. Meri bachhiyan chahe toh har roj halla kare, unke baap ka ghar hai. Main aayi Purnima in sabki class laga kar.", Kaushalya ji hansti hui bister se khadi he hui thi aur bahar ki taraf se Alka-Aarti ne unhe apni baahon me bhar liya.
"Oh daadi, thank you so much.. aap sabse best ho.", Arjun hairaan tha ke daadi ko inka bhi pata tha jo bahar khadi sab sunn rahi thi.
"Chal ab Madhuri ko bhi keh de ki apne kapde bhi sath lele, sone ke time ke. Arjun, koyi ladki waha paidal nahi jaayegi. Tara ke sath gaadi me inhe dhyaan se leke jana hai inke samaan ke sath. Aur Alka, beta shikayat ka mauka nahi milna chahiye aas-pados se ki shor kahi jyada he ho tumhare speaker ka.", Iske baad kaushalya ji ne khud he pichle kamre me jaa kar sabhi ko anumati de di thi ki wo atche se khaaye-peeye, naach gana kare aur ghar ko band rakhe. Arjun aangan me he tha jab Ritu uske pas aayi.
"Bahar Preeti tujhe music system degi, 2 bag aur ek ye bag bhi leta ja. Haan, Umed chacha wali car ki dikki me ek beer ki peti bhi hai dikki me. Kisi ko pata nahi lagna chahiye itne dhyaan se usko apni car me rakh. Jab sabkuch ho jaaye toh mujhe bata dena, fir chalte hai pichle ghar.", Arjun toh ye bhool he gaya tha ke uski behne kaisi party karne wali hai. Bag me bhi bottle he thi jo Himani laayi thi aur ab itna samaan leke jana tha. Marta kya na karta aur agle 10 minute me he uski car me itni sharaab aur beer thi jisko rakhna gairkanuni he kaha jaaye.
"Madam, dusri maalkin ko bhi bol do ki sab samaan fit ho gaya hai.", Arjun ne yaachika karte hue Preeti se kaha tha jis par wo hansne lagi.
"Bachu, abhi toh ye wo samaan hai jo hamare pas tha. Ye list me jo likha hai wo aap humko sector ki marke se la dena, busy the isliye khud nahi la sake. Main bula ki laayi didi ko, aap jara AC on rakho car ka.", Preeti ne bhi Arjun ko uski he bhasha ne nehle par seedha begum he maari.
'Dhanya ho prabhu. Yaha baat hui thi permission dilane ki lekin ye kaha pata tha ke hum he orchestra dhoyenge aur hum he driveri bhi.', Arjun kismat ko kos raha tha lekin usko ummeed bhi thi ki uski behno ka dil itna naram toh hoga he jo usko party dekhne dengi. Abhi toh baaki rang dekhne baaki the. Jald he uski car me Alka, Preeti, Afsana aur Himani sawaar ho gayi aur safari me Tara ne apne sath Ritu, Komal, Aarti, Priyanka, Madhuri didi ke sath sath Rupali aur Vinni didi ko baitha liya. Jasleen apni car me Keerti, Gurdeep aur Marina ko liye unke sath he chal padi. Komal didi ne Manju se bhi aagrah kiya tha lekin usne ghar pe he Rekha ji ke sath rukne aur garbh ka hawala de kar mana kar diya tha. Ab pichle ghar me 16 ladkiyon ki mehfil lagne wali thi jiska khayaal karke he baaki sabke sath sath Arjun bhi utsahit tha.
"Waise tum ye samaan jaldi le aana, confectionary par he mil jayega. Baaki dekh lena aaspas se he.", Ghar pahuchte he sabse pehle toh ek baar fir se Arjun coolie ke avtaar me aa gaya tha. Kisi bhi ladki ne ek thaila tak uthane ki jehmat na kari. Kamro me rakhe 4 bed ke alawa 8 atirikt gadde unhone ghar ke bheetar wale bade aangan me Arjun se set karwane ke baad music system bhi sahi se lagwaya. Preeti ke sath anubhavi Marina, Jasleen aur Himani ne rasoi sambhaal li thi, baraf, gilaas-plate ke sath sath baaki samaan lagane ke liye.
"Aur samaan laane ke baad bhi kuch kaam hoga kya?", Arjun vichaar kar raha tha ke wo kahengi ki nahi bas samaan le aao fir party karte hai.
"Haan bas yahi samaan la kar de do fir tumse koyi aur kaam nahi. Chhatt par ya bahar wale kamre me so jana, udhar cooler bhi laga hai.", Bas doodh me giri makkhi ki tarah nikalna kya hota hai ye Arjun ko aaj he pata chala tha. Ye saaf tha ki is ladkiyon ki mehfil me sakhtaai se uska pravesh mana tha.
"Samjha karo Aaru, kal Sanjiv bhaiya ki party me sirf ladke he honge waise he yaha hum sirf ladkiyan he hai. Thank you so much bhai.", Komal didi ne apne bhai ke mann ki jaan kar usko sachaai se avgat karwaya toh Arjun bhi unhe ghar ke ye darwaja band karne ka bol kar bahar ka gate band karke market nikal chala.
"Yar ye gilaas hai? Aise toh wo candle wala hota.", Yaha toh turant he ek badi tray me chote aur bade alag alag tarah ke gilaas, jo inme se he koyi market se laya tha tray me saje gaddo ke beech wale khaali farsh par saje the. Vinni ne toh desi kaam karte hue steel ki balti me he ghar se laayi 4-5 tray baraf ki khaali karne ke baad 6 bottle beer udel di thi thandi hone ke liye. Aarti un chhote chhote kaanch ke gilaaso ko dekh hairaan thi.
"Ye tequila shot ke gilaas hai Aarti, par hum isme Vodka shot lagayenge. Waise music toh bas filhal background ke liye hai.", Himani ne Aarti ko samjhane ke sath he Wine ki sabhi bottle fridge me laga di. Ladkiyan waise bhi ghar ke kaam aur khana lagane me daksh hoti hai aur idhar sabne mil kar jhatpat he mehfil saja di thi. Unhe kya pata tha ke inke baap-chacha bhi aise he jameen par gadde laga kar program jamate hai, khoon ka he asar tha shayad.
"Main pehle he bata deti hu ki jiska first experience hai wo sirf beer ya wine he le. Vodka kaam kharaab kar sakti hai toh jisne risk lena ho wahi le, nahi toh baad me shikayat nahi.", Vinni ne ek gadde par chuakdi lagate hue apni bagal me Madhuri didi ko baitha liya. Sabhi ladkiyan filhaal 4 gaddo par 4-4 ke jode me thi aur Preeti ek aur tray me madhyam akaar ka cake liye prakat hui.
"Ye cake?", Madhuri didi ne thoda hairaani se dekha. Thodi ghabrahat unhe bhi ho rahi thi aise kaam me lekin sabhi ko utsaahit dekho wo bhi sehaj he rahi. Cake dekh kar jarur wo hairaan hui jis par likha tha 'Queen - Madhuri Didi'
"Aapki party hai toh cake katega he didi. Tara, pehle ye 15 gilaas me beer bhar de yar aur Ritu help kar jara iski.", Alka ne apni badi behan ko chehakte hue kaha aur dusri taraf mug se beer bhar bhar ke Ritu-Tara sabhi gilaas tayaar karne lagi. Bahar gate ki awaaj sunn kar Komal didi ne turant dupatta sahi karte hue darwaja khola aur saamne Arjun ko dekh khaane -peene ka samaan le kar is baar chitakni he laga di.
'Kamaal hai inka toh. Thank you tak nahi kaha. Chal bhai Arjun yaha se toh waise he kuch najar nahi aana, upar he chalte hai. Araam karne.', Arjun pichle raste se un seedhiyon se hota khuli chhatt par chadh gaya jaha uska bister laga tha. Is ghar ki sabse khaas baat thi har taraf unchi diware aur imaraat ke charo taraf khaali jagah.
"Agar kisi ko kapde badalne hai toh fir abhi badal lo, kamre aur bathroom khaali hai. Baad me party ke beech idhar udhar gayab nahi hona.", Priyanka ne apni jagah se khade ho kar ek kamre ka rukh kiya toh 3 aur bhi alag kamre me chali gayi. Afsana bade gor se sabkuch dekh rahi thi aur uske liye 16ve gilaas me Alka ne thanda juice bhar diya.
"Ye toh thik rahega na Afsana? Sath baithi ho toh kam se kam juice he pee lo."
"Ji, aapi. Shukriya.", Wo abhi bhi gale aur sar pe dupatta liye thi lekin jaise he apne se badi yuvtion ko ab pajame tshirt me dekha toh jhijhakte hue dupatta sirf gale me rehne diya. Jasleen aur Tara toh aadatan jaangh tak ki nikkar me he kamro se bahar prakat hui aur kuch waisa he Vinni ne kiya. Ab lagbhag har ladki tshirt-pajame me thi ya waise he dheele vastro me.
"Chalo pehle Madhuri didi cake kaato aur uske baad sabhi ek sath cheers karenge.", Marina ne ye kamaan sambhalte hue ek saaf chhuri didi ki taraf badhai aur gaane ke awaaj badha di Alka ne. Taaliyo ke sath he cake bhi kata aur sabne chahe thoda he sahi lekin Madhuri didi ko apne hatho se khilaya.
"Toast karo didi, pehla gilas aap he uthaogi.", Rupali ke aisa kehte he Madhuri didi ne khushi aur kaampte hatho se beer se bhara ek gilaas utha kar thoda aage kiya tha ki sabhi ne baari baari se apne gilas unke sath dhime se bhidaaye.
"Aapki shaadi ki khushi me. Aapke atche jiwan ke liye aur aane wale har pal ke liye. Khushi me.", Ye nara apni apni tarah sabhi ne diya tha. Sabse aakhir me Afsana ne bhi aage khisak kar najakat se gilaas lagaya.
"Aapki khushi me hume shaamil karne ke liye shukriya aapi.", Aur iske saath he kayi chehro par aise bhaav aaye jaise jehar chakh liya ho.
'Yuck.'
'Uff...'
'Chhiii.. kaisa swaad hai iska? Kadwa..'
"Isko kaise pee sakta hai koyi?"
Ye kehne wali thi Ritu, Alka, Rupali, Aarti, Gurdeep aur Priyanka. Komal, Madhuri ko bhi ye swaad jara na bhaya tha lekin unhone awaaj na ki.
"Ek kaam karo tum log. Smell kiye bina bas poora gilaas gale se niche utaar lo. Dawaai samajh ke aur waise iska taste itna bura bhi nahi hai. Baaki beer thandi ho jaane do fir jyada atcha lagega.", Vinni ne toh 2 he ghoont me gilaas khali rakh kar aise mooh saaf kiya jaise billi doodh peene ke baad. Kisi ka dhyaan Preeti ki taraf na gaya jo sabse pehle he khali gilaas rakhe inki taraf dekh rahi thi.
"Waah.. jara is Preeti ko toh dekho yar. Madam ne sabse pehle gilaas saaf kar diya.", Himani ke aisa batate he Ritu-Alka badi hairaani se Preeti ko dekh rahi thi aur udhar Komal ne bhi apna gilaas nibta kar farsh par tika diya. Jasleen-Keerti bhi unke sath he faarig hui aur ab toh Ritu-Alka ne ek dusre ko dekh kar bina samay gawaye aise beer khatam ki jaise ye unka roj ka kaam ho. Seene me uthiti jalan kisi ko dikhti kaise.
"Yaar kuch do mujhe swaad badalne ke liye.", Rupali ki aankhon me paani aa chuka tha aur usko aisa lag raha tha jaise mooh me jehar aur dimag me hathoda lag raha ho. Vinni ne turant tale hue kaaju uski taraf badha diye. Sabhi ab jaayke ke liye kuch na kuch khaane lage the. Vinni-Marina aur Himani ne aapas me ek ishara kiya aur saaf paani jaisi vodka un chhote gilaso me upar tak bhar di. Jasleen ne bhi haan bhari.
"Ab ye kya karne lagi ho aap log?", Alka toh abhi se thoda ajeeb mehsoos kar rahi thi aur vodka ke peg bante dekh bas yahi pucha.
"Vodka kaun lega? Dekho, shot lagane ki jarurat nahi hai. Agar pehle drink ki hai kabhi toh juice ya cola me mila kar le sakti ho.", Himani ne sabki taraf dekh kar kaha.
"Main cola me lungi.", Komal ne ek baar fir sabko hairat me daal diya. Aur uski himmat dekh Preeti aur Keerti ne bhi haa kaha. Tara baaki gilaas fir se beer ke banane lagi thi jisko dekh Rupali ne thodi der baad ka kaha apne liye.
"Cheers everyone. Aur iske baad shuru hoga spin tha bottle. Jiski taraf bottle ka dhakkan ruka, usko bottle ki back side wala task dega. Aur sabko pata hai na ke limit cross nahi karni.?", Vinni ne wo tequila gilas utha kar dusre hath me namak laga nimbu ka tukda uthate hue kaha aur Marina, Himani, Jasleen ne ek baari me he wo garam vodka gale ne niche utaar li. Ritu toh hairat se dekh rahi thi ki ye chakkar kya hai. Nimbu kyu chaat rahi ye sab ye paani pee kar. Baaki sabhi ab araam se beer pee rahi thi.
"Tumhe ye try karna chahiye Pinki aur Alka beer se atcha taste hai iska. Cola he lag rahi hai bas.", Komal didi ne aisa kaha tha aur unka anusaran karti Preeti aur keerti ne bhi yahi kaha ke vodka-cola beer jitni buri bhi nahi.
"Mera bana do ye wala. Beer se toh sar ghoom raha hai, cola se thik ho jayega.", Rupali ne itcha toh jata di lekin Marina ne sar pe hath rakh lia
"You know, don't mix your alcohol Rupali. Agar vodka peeyo toh fir agla bhi vodka he lena."
"Thik hai main vodka he lungi. Meethi toh lagegi jaisa Komal didi ki shakal se lag raha hai.", Is beech Ritu ne toh beer ke hath bhi na lagaya tha aur sabke gilaas agle 5-10 minute me farsh par khaali rakhe the. Marina ne fir se tequial gilaas uthaye aur fir Himani, Vinni aur Jasleen ne hami bhari.
"Ritu, khatam karo apni beer.", Aarti ne Ritu ko yaad dilaya toh usne naa me gardan hila di.
"Wine ki bottle he dedo mujhe toh. Na vodka na beer. Romela aunty yahi peeti hai na? bas main wahi lungi.", Ritu ko pata nahi kya soojhi aur Alka jaise he apni jagah se khadi hui kadam hil gaye.
"Dekh ke darling dekh ke.. Salamat fridge tak chali jaogi na?", Vinni ne maje lete hue kaha toh Alka bhi hansne lagi.
"Paanv so gaya tha didi, nashe nahi hue.", Wapis wo thik aayi thi aur iske sath he Himani ne ek khaali bottle pehle khud ghuma kar Madhuri didi ko dikhai aur fir unhe ghumane ko kaha.
"Sab ready ho na?", Jasleen ne nara buland kiya tha aur sabhi tayaar. Bottle sangmarmar ke farsh par ghoomi toh 16 jodi aankhen bas usko he dekhti rahi.
"Ohhhh.. shitt..", Ye ruki thi Marina ki taraf aur uski dusri aur thi Vinni.
"Aao thakur. Pehli he baar me hamari pakad me aa gaye aap toh. Meri Russian friend ke liye ek punjabi gana laga diya jaaye jara.", Vinni didi ka vichar sunn kar Marina mayoos si hui lekin ab naachna toh tha he jiske liye aage 4 gadde jodd kar unhone manch banaya hua tha.
"Didi, wo punjabi CD shayad ghar he reh gayi. Sataya movie ka us type ka he gana hai ek.", Preeti ke kadam abhi se hilne lage the jo CD dekh rhai thi.
"Laga do yar, bas naachte hue dekhna hai maine is mom ki gudiya ko.", Vinni ne Marina ko aankh maarte hue kaha aur jald he gana shuru ho gaya. 'Sapne me milti hai..' Marina naach chahe jaisa marji rahi thi lekin uski kamare se le kar vaksho se kuch niche tak ka fakk gora patla badan saaf jhalak raha tha. 1 minute me he paseene se naha gayi toh Vinni ne gana band karwa diya.
"Waah yaar tumhe toh naachna bhi aata hai.", Rupali bhi itne me he hil chuki thi jo Marina ke nirvastra patt par hath rakhti hui boli.
"By chance yahi ek song suna hai maine. Thank you Preeti. Now I badly need another drink, no more shots Vinni.", Marina vatanukulan ke bawjood paseene me tar batar thi. Ek baar fir bottle ghoomi aur is baar ruki Afsana par jiski aankhon me darr saaf dikhne laga tha. Uske saamne thi Komal didi. Yaha fir se beer, vodka ke gilaas bann rahe the aur Ritu wo ajeeb si wine seedha bottle mooh ke lagaye pee rahi thi.
"Ghabrao nahi Afsana ji, didi tumse kuch bhi aisa waisa nahi karwane wali."
"Aapi kahengi toh hum naach sakte hai par aise gaane par mushkil hoga.", Afsana ne Ritu ko jawab dete hue Komal didi ki taraf bhi nigaah rakhi.
"Aisa karo Afsana, tum Ritu ke kapde pehan kar dikha do ek baar.",Masti me ye baat Alka ne kahi thi aur baaki sabhi muskurane lage.
"Shhh.. main keh sakti hui jo kehna hai Alka. Afsana, tum bahot pyaari bachi ho lekin maine tumhare mooh se hindi ya english bilkul bhi nahi suni. Hindi me tum batao ki tumhe yaha sabse jyada kya atcha laga aur english me batao kya bura.", Komal ne khud ko atche se sambhala hua tha. Afsana bhi is karya ko sunn kar kuch sehaj hui.
"Komal didi, hume sabse jyada pasand aaya aapka pariwar. Yaha sabhi eksath rehte hai aur sabka khayaal rakhte hai. I do not like people who just look at us as sex object. I faced such incident just after leaving my city. Thank you.", Afsana ne har shabd bade dhyaan se aur ruk ruk kar kaha tha lekin bilkul sahi. Aur jo sandesh usne angrezi me diya tha usko sunn kar bagal me baithi Ritu ne uska gaal he choom liya.
"Beautiful. Aur tum apne sath rakha karo ek knife. Jo aisa waisa kare, uski aankh me he daal dena. Ab ho he itni sundar.", Ritu ke andaaj par sabhi hansne lage the aur is beech sabke hath unke jaam-gilaas numaya tha.
"Aapi,aapke mooh sharaab lagi hai.",Afsana ne jhempte hue jawaab diya jab sabhi uski tareef bhi kar rahe the.
"Aaye haaye meri Afsu. Matlab tum Ritu ko apna gaal choomne de sakti ho agar ye normal ho toh? Main toh bachpan se tere sath rahi hu yar. Fir itni na-insaafi.", Aarti ke is dialogue ne ek baar fir sabko hansne par majboor kar diya tha aur Afsana ka chehra sharam se gulabi hone laga.
"Humne aisa toh nahi kaha. Ritu aapi bhi aapke he jaisi hai Aarti.", Afsana ke dhime se awaaj dene ke lehje me ab jhijhak kam thi aur Ritu ne usko apni bagal me le liya. Bottle fir ek baar ghoomi thi aur mahol me itni jaldi he nasha haavi hone laga. Marina ne switch board dekh 4 me se 2 tube bujha kar mahol thoda khushnuma kiya. Bottle ka rukh is baar Alka par tha aur usko karya dene ka jimma mila Tara ko. Dono ke chehre par jaise alag si chamak aa gayi thi.
"Alka darling, aisa hai ki pehle toh apni beer khatam karo aur fir jara Ritu ko lip to lip.", Yaha baithe jyadatar ke chehre hairat se bhar uthe Tara ki baat sunn kar lekin Preeti, Aarti muskura rahi thi.
"Ye limit se bahar hai Tara.", Madhuri didi ko bhi suroor tha lekin itna bhi nahi ki sahi galat ki pehchaan na ho.
"Alright alright. Madhuri didi, limit ka matlab saamne wale ko bura nahi lagna chahiye.", Alka ne aankh daba kar kaha aur apni taraf dekhti hui Ritu ko aise lapka jaise Dayavaan ka Vinod Khanna Madhuri Dixit ko pakadta hai. Dono ki najre bade gor se ek dusre ko kuch pal dekhti rahi aur fir surkh hontho ke 2 jode ek dusre se aahista se judd gaye. Vinni kuch pal dekhti rahi aur jaise he Alka Ritu ka chumban gehraane laga unka hath khud apni jaango ke beech sehlane laga. Marina bhi aise kho gayi jaise jaadu chal raha ho. Komal ne toh najre he dusri taraf kar li thi ek muskaan ke sath. Alke ke seene par Ritu ke hath pahuche he the ki Tara ne rukne ki awaaj laga di.
"Oh tum dono bas bhi karo. Dekho jara baaki sabki haalat kharaab kar di. Mujhe toh laga tha touch kar ke alag ho jaogi.", Tara ne jhootha gussa dikhaya tha aur Afsana ke toh roye khade ho chuke the is beech.
"Yaar main kya kehti hu, thoda dance karke khana khaate hai. Nahi toh fir pakka kuch unch neech ho jaani nashe me.", Priyanka ko andesha ho chuka tha ke ab kya hoga. Sabhi ne apne apne jaam khatam karte hue ye baat maan li thi lekin Vinni ne saaf keh diya tha ke dance ke baad wo toh abhi drink legi.
"Haan, main aur Keerti bhi. Marina tum?", Jasleen ne bhi iraade jata diye the ke wo abhi masti me rahegi.
"Aisa hai ki Madhuri didi ke sath main aur Komal toh araam karenge. Rupali tumhari haalat bhi thik nahi hai.", Priyanka didi ne khade hote hue apne iraade bata diye.
"Jiska dil kare wo peena aur jisne araam karna hai wo kare. Lekin dance ke baad truth & Dare jarur hoga. Aur Madhuri didi bhi khelengi, aisa pehle he kaha tha.", Alka ne khade hote hue Vengaboys ki CD system me daalte hue ek aur tubelight band kar di. Is beech kisi ne gor nahi kiya tha ke Marina ab pajame aur ek sports bra me naachne ko tayaar khadi thi. Saaf tha ke ye raat ab waisi hone wali thi jiski ummeed yaha kisi ko nahi thi. Sirf 11 he baje the aur aadhe se jyada apne jiwan ke pehle nashe me choor bas thirakne shuru he hue the. Inhe jara bhi bhaan na tha ke daaru utarne ke baad agle din kya hota hai.
Arey toh reply toh kiya nhi Professsor sahab ne uper se tin tin bhaiya ki missing complaint kroAry nikamo phool barsaoo apny Professsor bhaiya aaya pta nhi apny Tony stark tun tun bahiya khaa gum hyn
Pta chle babita ke doodh ke chkr me chup chap bethe ho
Anil23265
SADASYA PYAR 100 BAR KA
- 573
- 2,395
- 123
Jalibi bhi Enigma Bhai se sidhi hai kyuki lakire to dikhtee hai par Enigma Bhai to guruo ke guru hai gurughantalAapne enigma Bhai jalebi jaise sidhe hai
Billi420
Well-Known Member
- 2,515
- 13,154
- 158
- 4,125
- 57,874
- 173
Mereko Ritu Preeti aur Afsana ki t-shirt chahiye Bhai
Is class ke sincere students and dedicated teacher mein se Jo bhi Jawab dena chahe wo de Sakta hai.
Aaj update ayega if yes to kitne baje.
This question strictly for sincere students and teacher only.
Aapne bhi pakad liya unglimal ji ko
10 ka Matlab 10 hi hy na guru ji yaa 11
Ek halka fulka sa update page number 1973 par post kar diya hai dosto. Kuch jaankari milegi aur kuch wahi saral baatein jo ghar me hoti rehti hai. Lekin iske baad raat jawaan hogi toh kuch khatarnaak lekin majedar kisse hone wale hai. Agla update bhi koshish rahegi parso dene ki. Shubhratri aur apna dhyaan rakhiyega.Ary nikamo phool barsaoo apny Professsor bhaiya aaya pta nhi apny Tony stark tun tun bahiya khaa gum hyn
Iron Man
Try and fail. But never give up trying
- 40,723
- 103,441
- 304
Professsor
Banned
- 174
- 1,178
- 123
- Status