As promised so I'm sharing it. Personally my favorite sketch till date. Hath se baal ko thik wo kar rahi thi aur tabiyat hamari na-saaj hone lagi.
Balloons baad me banaye the
Awesome update bhai....Update 192 (2)
Vivaah
"Toh aapko pehle se he pata tha ki waha ek khaas insaan milne wala hai, rani maa?", Andheri khamosh sadak par aage peeche gyspiyon ki suraksha me chalti ye car bhi 120 ki gati par thi lekin bheetar jaise mahol kisi baithak sa tha. Driver seat par maujood Kunwar Mahendra ki najar saamne aur kaan pichli seat par baithi apni maa aur behan ki baatchit par he the. Amrtia ki baat par Rani Saundarya ne bahot saleeke se naa me chehra hilate hue jawaab diya.
"Ye hamare liye bhi utna he aashcharya tha jitna Kunwar ke liye. Ye jaante the ki Shankar ke 2 betiyon ke baad ek beta hua tha jo paidaish par kuch kamjor aur baad me khatre ke mahol se dur padhne ke liye bhej diya gaya tha. Ummeed nahi thi ki Kunwar Arjun ko sabse dur rakhne ki aur bhi wajah hogi aur ye aaj he jana humne. Lekin lagta hai aapko jarur inke baare me kuch jaankari pehle se thi.", Rani sahiba ka sandeh sahi sabit karte hue Amrita muskurayi toh ye harkat aaine se Mahendra ne bhi dekhi aur wo kuch hairaan bhi hua.
"Maa aap toh sab jaanti he hai na ke na ab samay pehle jaisa raha aur na vichardhara. Samaaj ke saamne beshak sab barkarar he rakhna padta hai lekin utne he avsar ab swatantrata se jeene ke bhi milte hai. Bas aise he ek avsar par hum duniya dekh rahe thi ki najar in janab par thehar gayi. Aur aap yakeen kijiye ye yuvak bilkul waisa nahi hai jinke sath chehra milta hai.", Amrita toh itna kehne ke baad jis rehasyamayi tarike se muskurai thi wo rani sahiba ke sath sath car chalate hue Mahendra ko bhi hairaan kar raha tha.
"Charitra kabhi bhi chehro par nirbhar nahi karta Amrita lekin itna toh maanti hogi ki wo khaas hai?"
"Khaas toh fir Shankar bhaiya bhi hai maa aur Inder bhaiya unse bhi jyada kyonki wo raajniti ke sath rann-niti me bhi kahi behtar hai. Sabse badi baat hai ki wo charitra ke maamle me bilkul tauji jaise saaf aur majboot bhi hai. Arjun ke baare me humne bhi pata kiya tha aur aapki baat bhi uchit hai lekin wo tauji aur Shankar bhaiya ka mishran hai charitra ke hisab se. Baaki aap khud behtar jaan sakengi jab tafseel se milengi aur waqt bitayengi uski sath. Tau ji ne bataya hai ki Pintu bhaiya aaye the aur unhone Arjun se mulakaat ke baad apna waris ghoshit kar diya. Ye khabar dusri taraf se bhi sach hai kyonki bhaiya apne pita ko bhi bata chuke hai. Khaas toh ho he gaya na maa?", Is baat ka jikar Rameshwar ji ne kab kiya ye Rani Saundarya ko bhi nahi pata chala tha lekin ye jaan kar aashcharya ke sath sath wo kuch gehri soch me bhi doob gayi. Car ke bhitar ye khamoshi kuch pal barkarar rahi jisko swayam Kunwar Mahendra ne he toda.
"Maa, aap yahi soch rahi hai na ki is tarah toh phir se pichla dwar khul jayega? Lekin Pushpak bilkul bhi Indraneel ya Kumar jaisa nahi hai. Waha ki satta kabhi bhi is taraf ka rukh nahi kar sakti jabtak Pandit ji jiwit hai aur unke jaane ke baad wo aisa karne ki soch bhi nahi sakte kyonki tab bagdor kinke hath hogi aap jaanti he hai. Pareshan mat hoiye aap maa.", Mahendra ki baat se Rani sahiba ki chinta toh jarur kuch kam hui thi lekin chehre par bhaav ab khushi ke na the.
"Hum jaante hai beta ki jitne 'ye' hai itne hume kisi bhi tarah ka khatra nahi hai aur ye unki mahanta he hai ki agli peedhi me bhi unhone iski jimmewari sahi hatho me saunpi lekin kabhi kabhi khud par he hume taras aata hai. Swarth bhi lagta hai aur lobh bhi lekin ab kiya bhi kya ja sakta hai jab aap khud peedhi ko aage nahi badhana chahte.? Aap kya kehti ho Amrita, kya 'ye' hume Kunwar Arjun bhi saunpenge ya sirf wo daiytva tak he simit rakhenge unhe?"
"Maa, aap aisa nahi karengi? Hum nivedan he kar sakte hai lekin sach aapko bhi pata chal he gaya hoga kyun unhone Arjun ko abhi tak humse prithak rakha hai. Ye sachmuch swarth he hoga aur is sirf naam ki raajshahi se kahi jyada jarurat unhe hai Arjun ki. Tau ji beshak vafadari sabit kar de lekin unhe dard nahi diya ja sakta jab wo khud he Arjun se jude ho. Behtar hoga filhal aap kuch araam kare aur ye sab na soch kar bas itna dhyaan rakhe ki wo aapse milne aayega. Sabse jaruri baat ye bhi batani thi aapko ki wo swayam-chalit hai aur aapke ya tau ji ke niyam wo nahi maanega.", Arjun ke is swabhav ko bata kar Amrita ne thoda sarak kar kamar sahi karte hue aankhen moond li. Shayad safar bahot hua tha aur raat gehrane ki wajah se usko araam ki talab bhi thi.
'Haan ye swarth he kehlayega beti. Pehle he sirf hamari wajah se wo lagbhag apna sabkuch kho chuke hai aur ab unki aakhiri ummeed le kar hum paap ke bhogi nahi bann na chahte. Mahendra, aap he vivaah kar lete toh kuch aas badh jaati hamari jiwan ke prati.', Beti ko araam karte dekh unhone ye sab bahot dhimi awaaj me kaha tha aur Mahendra ne is baat ko tarjeeh na dete hue gambhir chehre ke sath bas saamne he najar barkaraar rakhi.
.
.
"Bhabhi, main ke kahu tha?", Yaha Sangwan pariwar vivaah me purn bhagidari pradarshit karte hue mehmano ki uchit dekhbhal kar raha tha lekin raat jyada hone par Manjeet khaane ke liye ek table par ja baitha. Ruchita apne devar ke sath thi is awsar par aur uski adhuri baat sunn kar muskura uthi.
"Bol itna kya soch raha?"
"Wo na bhaiya ne keha bhi tha ke meri ab shaadi ki umar ho chali hai. Aap baat chalao is taraf, jaan-pehchan toh aapki bhi bahot hai.", Ab Ruchita is baat par usko hairani se dekhne lagi lekin fir hanste hue boli.
"Dekh Manjeet, baat toh teri sahi hai lekin ek toh yaha pandato ke pariwar jyada hai aur dusra apni taraf thoda biradari ki pakad sakth bhi. Haan koyi sahi rishta dikha toh baat chalati hu teri.", Ruchita ne baaki sabhi ke tarah lehnga na pehan kar saree pehni hui thi aur uski patli kamar par bandhi hone ki wajah se gehri naabhi aur vilakshan bade stanno se niche tak ka sapat chikna peit saaf jahir tha. Rang swanla hone ke bawjood agar koyi is shyam-sundari ko gor se dekhne lagta toh yakeenan wo Ruchita ke jadoo se bahar na nikal pata. Aisa he haal kuch logo ka tha jo thodi duri par khade khana khaane ke sath chanchalta se bharpoor Ruchita aur uske husn ka bharpoor didar karte rahe. Arjun bhi har counter aur stall ki jaanch karne ke sath sath mehmano aur Bijender/Vikas aadi ke sath kuch samay bitane ke baad tehalta hua is taraf aaya toh Ruchita ne usko apne he kareeb baitha liya. Manjeet ko jaise atcha na laga tha aur uski baat bhi adhuri reh gayi Arjun ke baithne se.
"Ye mera bhatija hai Manjeet aur Arjun ye mere devar hai Manjit Singh.", Arjun ne parichaya hone par is baar hath aage badhaya toh Manjeet ne upari taur par milate hue aadatan kataaksh sa kiya jis par Ruchita muskura uthi.
"Hum barabar ke na hai toh ram-ram ya namastey thik thi. Waise atche ladke ho tum.", Manjeet ab table par rakhi ice-cream ko dekhta toh kabhi agal-bagal.
"Waise mere devar ki shaadi ki umar ho chuki hai Arjun aur agar tumhari najar me koyi atchi jaat family ho toh jarur salah dena.", Ab Ruchita ki baat sunn kar Arjun ke chehre par khushi dikhi aur Manjeet ko bhi atcha laga ke uski bhabhi ne baat failani bhi shuru kar di hai.
"Waise hai toh sahi bua agar aap papa se is baare me charcha kare toh sahi hoga. Wo Anupama bhabhi hai na Bijender bhaiya ki wife? Unki judwa behan Akshara master's karne lagi hai aur unki shaadi bhi nahi hui hai. Balbir bhaiya bhi jaat hai aur unki bhi badi behan shaadi ke yogya hai jis wajah se bhaiya ki shaadi me deri ho rahi hai. Haan filhal wo nayi nayi job par hai toh mujhe nahi lagta dahej waigairah jyada hoga par unke bade bhai Army me hai toh ghar-pariwar atcha hai unka. Akshara didi toh udhar khadi bhi hai Muskaan aur Anupama bhabhi ke sath.", Arjun ne najro se he Ruchita ka dhyaan unse kuch duri par he khadi ladkiyon ki tikdi par karwaya toh Manjeet bhi waha gor se dekhne laga.
"Ek toh ghani chhoti lag rahi umar me aur dusri ne maang bhar rakhi. Teesri najar na aa rahi sahi se.", Manjeet toh chaav chaav me ye bhi bhool gaya ke wo ye sab mooh se bol raha hai mann me nahi. Ruchita ne tokna chaha toh Arjun ne he mana karte hue Muskaan ko ishare se kareeb bualya. Aisa karne par Akshara uski oat se bahar aa chuki thi jo ek khoobsurat se gulbi jaridar salwar kameej aur bina kisi adhik prasadhan ke sirf apne teekhe nain-naksh aur gulabi rangat ki wajah se bilkul chaand se najar aayi. Muskaan kareeb chali aayi thi aur Arjun ne bas itna he kaha.
"Akshara didi ko bhi sabse milwa deti toh atcha lagta."
"Haan bas abhi khana ho gaya hai unka toh main wahi karne wali thi. Waise yaha kuch chahiye toh nahi?", Baat karte hue Muskaan toh ek baar Ruchita bua ko dekh rahi thi lekin Arjun uske dhalak aaye baalo aur lubhavne chehre me he kho gaya. Itne kareeb khadi thi wo aur mann maar kar Arjun apni kursi se chipka raha. Ruchita ne uski taraf dekha toh Muskaan ne bhi aur ab wo sharmati hui yaha se chali gayi.
"Ghana chaalu hai tu ladke. Main toh shareef samajhti thi tujhe.", Ye baat kahi toh Ruchita ne Arjun se thi jo jhemp gaya lekin Manjeet bhi hadbada kar apni bhabi ki taraf palat gaya.
"Na bhabhi aisi baat na hai bas wo ladki agar pehchan ki hai toh fer baat chalao. Thank you hai Mister Arjun.", Manjeet toh hasrate he bana chuka tha bas itni he der Akshara ko dekhne se. Wo thi bhi kamal ki chahe sharir kuch dupla tha lekin Anupama se bhi kayi guna jyada chamakdar chehra aur samajhdar bhi.
"Jaldi na karte aise maamlo me Manjeet aur Arjun ne toh ek aur bhi ladki bataai hai jinke pariwar me fauji bhai aur dusra sarkari mulajim. Hisab se toh ghar bhi gaanv-jamindari wala hoga. Waha bhi dekh lenge aur iski bhi baat main taai (Kaushalya ji) aur Shankar se kar lungi itne. Tu koyi harkat na kariyo aisi waisi ki kal ne baat chale toh bigad je. Aur Arjun tu 12 feet jameen ke bheetar bhi hai. Batana padega dhyaan rakhiyo.", Arjun toh kaam dekhne ka bol kar yaha se khisakne he laga tha ki uthne ke baad seedha kisi se takra gaya. Takkar na toh tej thi aur na he takrane wale ki tarah hai Arjun ka dhyaan tha us taraf. Ek taraf kursi giri padi thi aur ek taraf wo pari jaise paridhan me saji hui najuk si khoobsurat yuvti. Arjun kursi ki wajah se gira tha aur wo bhi ghutno ke bhaar. Waise he ghutno ke bal chalta hua wo is ladki ke kareeb aaya aur uska niche gira hua purse utha kar bola.
"Aapko jyada toh nahi lagi? Sorry mujhe nahi pata tha ki kuch log yaha udd kar aaye hai.", Reshmi bhoore baal jo us ladki ke chehre ko dhakte hue jameen ki satah tak aa rahe the unke beech se he wo Arjun ko bas ektak dekhti rahi. Ghutno ke bhaar uska aise baithna aur wo purse uski aur badhata hath. Baalo ke peeche ek alag he muskaan thi is ladki ke chehre par aur ye sab koyi ghanto ka prasang na tha, bas palbhar me he itna kuch hua tha aur Arjun seedha khada ho chuka aur wo ladki furti se uske hath se purse liye us taraf daud gayi jaha se bahar jaane ka rasta tha. Arjun ko toh uska chehra tak sahi se na dikha.
"Hello.. Tumhare dimag par toh chot nahi lagi?", Ruchita ne pehle kursi utha kar sahi ki fir wo Arjun ke barabar aa gayi. Arjun jo abhi tak us jaati hui ladki ko he dekh raha tha wo chetna me lauta ye sunn kar.
"Bua aapne he dekha tha ke meri koyi galti he nahi thi. Sorry kehne ki jagah wo toh dekhe bina he purse le kar aise bhaagi jaise main koyi bhoot hu.", Arjun abhi bhi is ghatna se poori tarah nahi ubra tha aur Ruchita bua par najar padte he fir se hontho par tala jadd gaya. Aanchal kuch halka sa he dhalka tha lekin wo parvat toh itne vishal the ki aanchal bhi vyarth he tha unhe chhipane me. Halke paseene se wo gehri kasi hui khaai numaya thi aur Ruchita bua ka patla sharir jaise is bojh ko badi mushkil he uthata tha. Sanwle chamakdar uthaav wala maansal hissa adhbutt he tha aur Arjun ki najar ka peecha karte he is baar Ruchita ki he haalat kharaab hui. Wo bhi jaanti thi ki apne kalasho ki sachhai lekin Arjun ki aankhon me apne jism ke prati mardana najar dekh wo saamna he na kar paayi. Ab Arjun ko jawaab diye bina wo bhi is taraf se aise nikli jaise wo pehle wali ladki.
"Aadmi toh tum bhi ek number ho Mr Arjun. Kitni suthari ladki thi wo aur jaise wo tumse jaanboojh kar bhidi thi matlab saaf hai ki usko tum pasand ho. Dati kyu nahi phir jab itni modern thi?", Manjeet ne is dauraan hindi, bagdi aur angrezi ke bahot se shabd eksath he keh diye the aur uski baat sunn kar Arjun tajjub me padd gaya tha.
"Kya kaha aapne Manjeet ji? Wo mujhse jaanboojh kar takraai thi? Lekin main toh usko jaanta tak nahi tha aur na he maine pehle kabhi dekha hoga jitna mujhe yakeen hai.", Ab Arjun bahar jana chahta tha ye jaan ne ke liye ki aakhir wo ladki kaun thi aur agar usne aisa jaanboojh kar kiya toh kyun. Lekin Manjeet ko akela chhod kar aisa kaise kar sakta tha wo ab jabki Ruchita bua bhi jaane kyun ekdum se chali gayi thi.
"Mitra, waha aapke backside par ek elephant jaisa ladka tha aur ye lady jo abhi bhi khadi hai wo ladki inke he sath thi. Phir usne kuch suna aur aapki taraf dekhne lagi. Jaise he wo lady us mote ladke ko kuch batane ke liye ektaraf hui toh in madam ne aapko stand-up hote dekh kar kursi ko hilaya lekin wo bhi sath he gir gayi. Shayad wo isliye bhaag gayi kyonki maine dekh liya tha. But why? Ye bada sawal hai ki aisa kyun kiya usne.", Arjun andar he andar Manjeet ki aisi bhasha se sadme me he jaane wala tha lekin jaankari lena bhi utna he jaruri tha. Ab Manjeet ne jab ye bataya ki piche aurat abhi bhi hai toh Arjun ne gor kiya. Ye mahila aakarshak dehyashti ki hone ke sath sath kapdo se bhi atche khandan ki prateet hoti thi. Sharir kuch bhara hua, madhyam sa kad aur bhare bhare gaal. Gale me pehna heero ka ek kahi jyada he mehnga haar bata he raha tha ke ye jo bhi hai jarur khaas hai. Arjun kuch soch kar unke he pas chal diya. Thali rakhne ke liye wo idhar udhar dekh rahi thi jisko khud Arjun ne lene ke baad ek taraf rakhe steel ke koodedan me araam se rakh diya.
"Thank you so much beta. Main toh table dekh rahi thi jo khali ho. Jhukne me problem hoti hai na female hone ki wajah se.", Awaaj bhi mithaas se bhari aur utni he aakarshak muskaan chehre par.
"Ji thank you ki jarurat nahi hai aunty. Aap toh hamari mehmaan hai aur sewa karne ka adhikar bhi hamara he hai. Waise aap shayad Radhika bhabhi ki family ki taraf se hai. Hain na?", Arjun ki baat sunn kar wo aakarshak muskaan waise he barkarar thi inke chehre par. Nimbu ke rang ki wo saree jis par moti lage the, uska pallu sahi se seene aur kandhe par karte hue unhone naa me sar hilaya.
"Shankar bhai sahab aur Umed bhai sahab ki taraf se hai beta. Hum Delhi rehte hai aur mere husband Umed ji ke political friend hone ke sath business partner bhi hai. Sabse milne me he itna time lag gaya tha ki dinner ke liye late ho gaye aur ab bache apne papa ko bulane gaye hai toh hum wapis he jaane wale hai.", Arjun ko hairani hui ki ye kaunsa vyakti aa gaya jo usek pita aur chacha ka itna ghanisht bhi hai aur pehli baar pariwar samet yaha aaya hai. Ekdum he uske dimag me Gajendra Bhalla ki tasvir ubhar aayi.
"Gajendra uncle ki wife hai aap aunty? Sahil ki mummy?", Arjun ne jaise he ye 2 naam liye toh inhone bade he gor se usko dekha, phir kareeb hote hue uska ek hath apne dono hatho me le kar sirf itna he kaha.
"Arjun. Tum Arjun he ho na beta? Mujhe Sahil ne bataya tha tumhare baare me aur main mil kar tumhe thank you kehna chahti thi aur jaanti bhi hu ki thank you se kuch nahi hoga lekin tumne mujhe aur mere pariwar ko tootne se bacha liya.", Arjun ne naa me sar hilate hue unhe mahol ka sangyaan diya.
"Maine kuch bhi nahi kiya aunty ji aur agar aapko lagta hai ki maine kuch kiya hai toh samajh lijiye wo maine apne liye kiya tha. Is bahane aap Delhi se bahar toh aayi. Waise aapse mil kar atcha laga aur Sahil bahot he pyara ladka hai."
"Bolta bahot hai wo lekin jabse ghar wapis aaya hai tabse tum uske hero ho. Tumse milwati hu aur mere husband bhi pooch rahe the tumhe lekin shayad tum kahi busy the jab Umed ji ne pata kiya tha.", Arjun ab ek aas se unke he sath ho liya. Idhar udhar ki baatein karte hue ye dono he bahar wale pandal ke kareeb pahuche toh Gajendra Bhalla Umed, Shankar, Rajkumar ji se hath milane ke baad is taraf he dekh raha tha. Arjun ko dekh kar bade josh se pehle hath milaya aur fir apne sath laga ke khada ho gaya.
"Shankar bhai, pehle humne in janaab ka johar dekha lekin ab aap sabhi ke baare me jaan kar itna he kahunga ki poot ke paanv paalne me. Bahot bahot shukriya aap sabhi ka itna maan dene ke liye aur itni badhi khatirdari ke liye. Ab ijajat dijiye, agli mulakaat mere he bangle pe hogi aur aasha hai bahot jaldi aap hamari begam ke hatho ke chai-nashta karte hue aage ki charcha karenge. Arjun, tum bhi jarur aana beta. Jab bhi tumhara dil kare.", Gajendra Bhalla ne hath jod kar vida li toh Arjun uski lambi gaadi ki taraf dhyaan se dekh raha tha. Kaale shishe the aur pichli seat ka kuch bhi najar na aaya. Dono miya biwi aage wali seat par ja baithe the lekin pichli seat par baithi hui wo ladki muskurati hui ektak Arjun ko dekh rahi thi jo usko dekhne me asafal tha.
'Ab dekhti hu mujhe dhoondte ho ya nahi.', Is ladki ne toh jaise kuch aur he thaan liya tha lekin jis chhupan-chhipaai ke khel ko banane lagi thi usme Arjun kitna maahir hai ye abhi usko pata na tha.
.
.
Sadhu Singh ke ghar me aaj raat kuch alag thi kyonki itna samay bitne ke bawjood ghar ke kuch sadasya jaage hue the. Sadhu Singh toh apne kamre me ja chuke the Pandit ji ke karyakram se aane ke baad lekin waha se lauti Kaajal apne kamre me band Savita ke sath thi aur pichle aangan me Bimla apni devrani Darshana ke sath. Minder vivah me na gaya tha peeche ghar ki dekhbhal aur is ekaant ka upyog Savita ke sath karne ki wajah se. Lekin jaise usko bhi jyada safalta na mili thi jo wo akela he chhat par cooler ki hawa me so chuka tha.
"Kya he batau tujhe Savita ke aaj maine kaisa byaah dekha? Main toh aur bhi rukna chahti thi lekin bapu ne toh ghadi me 10 bajte he maa aur mujhe sath le liya. Film jaisa hisaab tha ri waha pe. Ye badi jagah jo jaane kitni dur dur tak faili thi. Sab taraf hajaro lattu jo pedo aur tent pe lage the. 50 se jyada toh khaane ke he adde bane hue the waha aur ek se badh kar ek log. Sahi kiya jo main shehar se ye suit le aayi thi nahi toh jara na janchti waha unke beech.", Kaajal ab ek dheele se kameej aur salwar me thi bina kisi angwastra ke aur uski baat sunti hui Savita bagal me leti hui bas apni saheli ke chehre par chhayi khushi dekhti rahi.
"Sach me itna bada program tha kya?"
"Tujhe bhi toh kaha tha ke sath chal lekin tu maani kaha? Card toh tujhe bhi aaya tha lekin tu bas apne hisab se he chalti hai. Aur main jhooth kyun bolne lagi ri? Ladkiyan toh ladkiyan aurate bhi itni chamak uda rahi thi ki dekhne wala heroin bhool jaaye. Bapu bata rahe the ki unhone khud aisa byaah pehli baar dekha hai aur jis jagah program rakha tha sirf uska kharach 15-20 lakh hoga. Waise jitna badhiya taamjham tha utne he log bhi badhiya tha Savita. Maine toh suna tha ke ye shehri log ghamandi hote hai par aisa na hua. Bapu se toh mukhyamantri bhi milwaya tha doctor uncle ne."
"Tune usko dekha waha? Ek din baad aane ka bol ke gaya tha aur dekh le aaj ho raha uska ek din.", Savita ke lafzo me Arjun se milne ki tadap saaf jhalak rahi thi aur usko jaise koyi lena dena he na tha ke shaadi ke intjaam kaise the aur waha kaun kaun aaya tha. Kaajal bhi uski baat sunn kar thoda gambhir ho gayi aur karwat le kar uske gaal pe hath rakhte hue kehne lagi.
"Kaise aa sakta tha bhala wo Savita? Jab main tujhe intjaam bata rahi hu ki kitna bada tha aur hajaar log honge kam se kam toh wo bhi toh ghar ke byaah me juta hoga? Uski behan ka byaah tha aur wo akela ladka us ghar ka kyonki bade bhai ki bhi shaadi aaj he thi. Maine saaf dekha hai uski najro me tere liye sirf pyaar he hota hai. Meri tarah nahi ki kabaddi kheli aur wo apne raste, main apne raste. Jyada na soch abhi aur jab time aayega toh wo bhi milne jarur aayega tujhse."
"Dil toh kehta hai ke wo aayega lekin jaane kyun aisa bhi lagta hai ki shayad ab wo is taraf kabhi naa aaye. Maine jaldbaji toh na kar di usko seedha seedha keh kar? Chahti toh nahi thi main wo kehna lekin aisa laga ke keh dungi toh wo aa jayega. Par teri baat bhi sahi hai ki wo mere sharir se pyaar nahi karta. Maine ye baat us raat mehsoos ki thi jab savere usne meri pappi li thi. Wo jabardasti wala nahi tha Kajal jaise aaj Minder ne karne ki koshish ki.", Savita ke mooh se apne bhai ka naam sunn kar Kajal kuch chonk sa gayi.
"Minder ne tere sath kuch ulat sulat kiya kya hamare peeche se.?"
"Nahi nahi.. Main khana le kar aayi thi uska aur usne mera hath pakad kar darewaja band kar liya. Pappi lene laga toh main dhakka de kar bhaag gayi thi. Baad me abhi sorry bol kar upar chala gaya tha. Iske baad toh mujhe Arjun aur yaad aane laga. Wo toh hath bhi pakadta hai toh jhurjhri si hoti hai aur dil karta hai ke hath na chhudau par sharam bhi aati hai kyonki lagta hai hadd paar na ho jaye jaise tu karti hai uske sath.", Savita ke gaal andhere me laal ho chuke the aur uski aankhon me saaf sharam chamak rahi thi.
"Aaj wo lag bhi aisa raha tha Savita ke dekhte he khaa jau par milna bhi na ho paya us nigode se. Soch ke dekh jab wo dhaani ka khaagad (saand) tere upar chadega toh teri kya haalat hogi? Jhel na sakegi aur agar jhel gayi toh fir Minder se kabhi khush na ho paayegi. Hahaha.. Waise kya kaha tere bapu ne shaadi ke baare me?", Kajal ne baat palat di thi apni saheli ki aankhen sharam se band hote dekh. Savita us se viprit mooh karne lagi thi jisko rok diya tha kajal ne.
"Bapu keh rahe the ki kal baat karenge uncle se is baare me. Unka irada hai ke jis din tera byaah hona hai us din he wo mera kare ya us se pehle lekin abhi garmi me na karne wale. Waise ek baat suni hai maine bhabhi se.", Savita ka kehne ka andaaj aisa tha ke Kajal thoda chaukanna ho gayi.
"Gambhir baat hai?"
"Bhabhi ko toh tu jaanti he hai yar. Uske toh kitno se he sambandh hai lekin kal se pehle toh unke mooh se maine kisi aur ke liye aisi baat nahi suni thi. Lekin tujhse toh main waise kuch na chipati isliye bata rahi hu jo unhone bataya ya pata laga. Ye Darshana kaaki teri maa ke liye unse baat kar rahi thi. Arjun hamari najar se bach ke teri maa se milne aaya tha ek bar ghar. Aur teri maa ne Dashana kaaki ko bataya tha ke wo poora mard hai. Ab bhabhi ne bhi yahi baat boli aur poora marad hone ka matlab tha ke teri maa ne uska wo dekh liya hai. Ab pata nahi Darshana kaaki ke mann me kya tha aur wo shayad bhabhi se he kuch ugalwana chahti hongi par bhabhi ne bhi usko ghar ke pichle hisse me teri maa ke sath khaat pe baithe jarur dekha tha.", Savita ke mooh se Arjun ka sambandh apni maa ke sath sunn kar Kajal ko bhi hairat hui lekin wo abhi kuch na keh saki.
"Darshana kaaki kaunsa doodh ki dhuli hai aur wo bhabhi toh tu bhi jaanti hai. Arjun aaya hoga kisi kaam se ghar pe toh maa ne peeche jameen dikhaai hogi usko. Baaki maa ne samaan jarur dekh rakha hai Arjun ka ye mujhe bhi pata hai. Wo jaanti hai mere aur uske chakkar me. Unhone toh chhoot bhi de rakhi bina mooh se kahe.", Yaha kajal ye baat gol kar gayi thi ki usko apni maa ka wo sach pata hai jo Savita ko poori tarah nahi pata. Wahi dusri taraf aise he shaadi ke kisse Bimla Devi bhi apni devrani Darshana ko suna rahi thi. Is sabke beech ek baat samaan thi ki jaha Kajal aur uski maa ko Arjun ke sath fir se sansarg ki aas thi wahi Savita ka dil bechain tha bas usko dekhne ke liye. Sabki najro ke beech nahi, sirf waise he pal me jaise usne nadi kinare bitaye the. Aaj usko apni aakhiri baar wali mulakaat ka dukh jarur tha jisme wo kuch besharam si hui thi lekin ab wo fir se pehle ki tarah uske bas samipya ki itchhuk thi. Arjun in sabse dur waha vivah me vyast tha khaane ki badi mej tyaar karwane me.
.
.
"Taai, jyada der ho gayi hai. Aap log yaha bhi ruk sakte hai bas raat ki toh baat hai.", Chandro Devi khaane ke baad sabse mil kar ab Shankar ke sath khadi thi. Unke kareeb he Richa, Malti, Madhulata bhi thi kyonki Sushila ne pehle he yaha rehne ke baare me bata diya tha. Ghar ke baaki log toh waise he vyast the aur ab toh Sanjiv-Gorav ke dosto ne dono jodo ko naachne me laga liya tha apne sath stage par. Ghar ke log aur mehmaan in lamho ka poora maja le rahe the. Purvavath Rameshwar ji abhi tak guest house me he the pichle ek ghante se. Shankar ki baat sunn kar bhi Chandro Devi ne apni majboor bata di.
"Na beta haveli aaj tak biyabaan na rahi aur aise awasar pe toh bilkul bhi nahi jab ghar pariwar me byaah ho. Sushila yahi hai aur jara main Babita ke sasuraliyo se mil lo, ye log bhi nikal rahe.", Chandro Devi ke sath sath Malti aur Richa bhi aage badhe aur ye jagah wahi thi jaha gaadiyan khadi ki gayi thi. Inhe pahuchane ke liye bhi Shankar ne he intjaam karwaya tha car-driver ka. Bijender toh apni biwi ke sath filhal idhar he tha aur ab Anupama ko bhi pehli baar DJ par apne pati ke sath naachne me maja mil raha tha. Ye sab rango se wo parichit na thi aur Bijender soch chuka tha ki wo apne dampatya jiwan ko kabhi neeras na hone dega. Unse itar ab Shankar ke kareeb Madhulata thi aur uske dhime kadam saaf chugli karte the ki wo baat karna chahti hai.
"Tumhe atcha toh laga na Lata yaha aa kar? Jaanta hu main utna samay nahi de paya aur ye baat toh pehle he taye thi hamare beech. Pariwar me pariwar ke sath."
"Haan toh main shikayat na kar rahi tumse. Badhiya intjaam karwaya hai tumne toh fir chahe bhatiji-bhatija ka he byaah ho. Kal ko jab beti ka hoga toh lagta hai desh ko nyota doge. Ek beti aur bhi hai yaad rakhna.", Kitni he der se bhari baithi thi Madhulata jo ab vivah karyakram se kuch dur aate he kehne se ruk na saki. Shankar ke chehre par bhatije wali baat par gusse ki jagah muskaan thi.
"Jaldi he gussa shaant kar dunga tumhara. Aur jo tum keh rahi ho usko khud bhi samajhna thoda. Ye intjaam papa aur bhaiya ne kiye hai Lata. Rahi baat bhavya aur mehnge hone ki toh jagah ke paise na lage, catering wale Bhalla ji ne bhijwaye the aur ye tent-light sab mil jul kar kiya gaya hai. Jis beti ke liye tum ulahana de rahi ho wo sabse badi beti hai aur main uska jitna karna chahta hu utna tum hone nahi dogi. Chacha jo hu main uska lekin fir bhi shikayat ka mauka nahi milega jab Richa ki baari hogi.", Shankar ka dhyaan udhar bhi tha jaha Chandro Devi Golu aur uske pariwar se baatchit me lagi thi. Filhal toh wo log baatein kar rahe the aur andar sabhi vyast the.
"Wo sab main nahi jaanti lekin uske byaah me bhi mantri-santri aane chahiye. Tumhari biwi ko bhi jarur bulana us mauke par. Anubhav ho jaayega usko bhi aage 2-2 usne bhi byahni hai. Waise maan na padega Dr Shankar ki tum Rekha ko mujhse adhik he chahte ho. Ek baar bhi aisa na hua jab tumhara koyi mehmaan aaya ho aur usko tumne Rekha se na milwaya.", Baat ko ab galat disha me jaate dekh Shankar ke maathe par paseena aane laga tha. Atche bhale din ka antt wo avsaad ya dukh se nahi karna chahta tha isliye baat sambhalne ki ek koshish jarur ki.
"Pariwar me Rekha he wo chehra hai Lata jo meri bagal me rahega. Ye tum mere se behtar jaanti ho aur samajhti bhi ho. Yaha uske maa-baap aur bhai-bhabhi sabhi log aaye hue hai jo mujhe bhi utna he sammaan aur pyaar dete hai jitna Rekha ko. Shayad us se bhi jyada. Ghar me toh mera farz hai na ki main usko barabar khada karu? Betiyan Rekha ki 3 hai, 2 nahi. Rahi baat Richa ki shaadi me mehmano ki toh waha wo bhi aayenge jo idhar na aa sake. Rekha ghar ki bahu hai aur tum mera pyaar. Baaki is jagah main ye sab baatein nahi karna chahta.", Shankar ne bahot he dhimi awaaj me ye sab kaha tha jo sunn kar Madhulata ki chehre par halki si kutil muskaan jarur aa gayi.
"Tumhari biwi ko ye bhi samjha dena ki betiyan badhane ki koshish chhod de. Richa ka jarurat se jyada he dhyan rakhti hai wo aur aisi saajishe mujhe bahot atche se pata hai.", Abhi ye baat Madhulata ne poori he ki thi ki Richa bhi idhar aati hui ye bol kar andar chali gayi.
"Maa, main ek baar Rekha aunty ko bye bol aaun. Phir nikalte hai.", Aag me ghee he daal diya tha Richa ne toh. Ab Shankar ke chehre par dayniya se bhaav the.
"Wo toh sabko he aisa pyaar karti hai Lata. Ritu ko he dekh leti agar tumhe ye sab saajish lagta hai toh. Wo bhi toh Richa ko asli badi behan ki tarah he maanti hai aur dono kitna sath bhi rehti hai. Ye sab pariwar aur ek dusre ki ijjatt bhar hai Lata. Rekha aisi nahi hai. Usko bhala saajish ki kya jarurat jab uske paas hum sabse kahi jyada hai. Maa ne bhi Lalita bhabhi ki jagah ghar Rekha ko saunp rakha hai aur wo ghar se bahar tak nahi nikalti. Bache usne he bade kiye, unhe ab tak padhati rahi hai aur usne aajtak mujhse kuch manga tak nahi. Tum sabkuch jaanti ho fir bhi aisa keh rahi ho?", Ye pehli baar ho raha tha jab Shankar apni biwi ka paksh le raha tha aur wo bhi itna khul kar.
"Haan bahot sampatti hai uske peehar walo ke paas aur tumhare paas bhi. Sari uski he toh hai aur tumhari maa ne waisa kyun kiya ye main samajhti bhi hu. Ab rehne do ye sab baatein aur agar samay lage toh aa jana. Baat wahi par hogi.", Madhulata ne iske baad ek baar bhi Shankar ki taraf na dekha tha aur wo apni saas ke pas pahuch gayi. Log mehmaan jaa rahe the aur Shankar is jagah khade ho kar unse milte hue dhanyawad karta raha. Madhulata ki baatein jhakjhor rahi thi lekin wo ye kis se kehta.
"Papa, aapki jarurat hai. First aid box rakha hai na aapki car me?", Komal Shankar ji ko dhoondti hui aakhir me idhar aa pahuchi thi aur apni beti ke mooh se first aid box ka sunn kar Shankar ji ki saari soch he dhuaan ho gayi. Uttejit hote hue unhone sabse pehle yahi poocha.
"Kya baat hui beta? First aid box ki kya jarurat padd gayi yaha shaadi me?", Aur is beech wo apni car ki taraf bhi chal diye the jisme hamesha he paryapt samaan maujood rehta tha.
"Maa ki hatheli pe cut lag gaya hai papa. Mehul uncle ne waha kapda bandh rakha hai lekin wo keh rahe hai ki kam se kam bandage karni he padegi unhe clinic le jaane se pehle.", Ab Shankar ji ki furti dekhne wali thi ye sunn kar. Aage sawaal na karte hue unhone car ke glovebox se rooi ka wo lamba bundle aur pattiyon ka packet uthate hue apni raftaar tej kar li. Komal bhi utni he tej apni pita ke sath chal rahi thi.
"Is taraf nahi papa. Maa left side wale cottage ke bahar baithi hai.", Komal dwara disha samjhate he Shankar ji pandal se ek taraf mudd kar is jagah aa gaye jaha ye chhota sa jhopdi numa makaan sa bana tha. Mehul ki biwi Rekha ka hath kapde se dabaye chinta me dikh rahi thi aur kuch waisa he haal Ritu ka bhi tha jisne apni maa ke kandhe par hath rakhe hue the. Lekin Rekha ka chehra kahi se bhi peeda me na tha aur leshmatra bhi chinta tak nahi. Shankar ji ne kareeb pahuchte he farsh dekha jaha atcha khasa lahu tapak kar gir chuka tha.
"Ye sab kaise hua? Aur Gulati yar tu gaadi he nikaal leta agar jakhm gehra hai toh.", Kehne ke baad Shankar ji khud he apni biwi ki bagal me kursi par baith kar wo kapda hatate hue ghaav dekhne lage. Pehli baar unke chehre par aise bhaav the jaise unhe dukh ho raha ho ye dekh. Hatheli par aayu-rekha ke samaan ek gehra cheera tha aur usme se abhi tak rakht rista hua niche tapkak raha tha. Aanan faanan me poori rooyi ka bundle us hatheli par lapet kar kasne ke baad furti se patti baandhte hue Shankar ji ne apne dost se kaha.
"Stitches lagane padenge bhai. Yaha paas he Kamboj ka clinic hai na?", Gulati toh uth khada hua tha car nikalne ke liye.
"Wo band ho chuka hoga Shankar. Sangwan ke farmhouse par sabkuch hai aur wo Kamboj ke clinic se kahi jyada paas hai. Main aur teri bhabhi sath he chalte hai bas humko thoda savdhani se nikalna hoga. Function par iska asar nahi hona chahiye.", Mehul Gulati ne jo kaha tha wo asliyat me Rekha ke he shabd the jo unhone Mehul se bolne ko kahe the Shankar ji ke saamne.
"Ritu tum is baare me abhi kuch matt kehna aur Komal beta sambhal lena agar koyi pooche toh. Waise kisi ne ye nahi bataya ke ye sab hua kaise? Yaha shaadi me aisi kya cheej lag gayi jo hatheli itni gehri kati hai?", Komal is ka jawaab jaanti thi lekin uski maa ki najro ne jawaab dene se saaf mana kar diya.
"Ji itna pareshan hone wali baat nahi hai. Aluminium ki patti nikli hui thi waha pillar ke pas se toh peeche hote waqt bedhyaani me hath us par rakha gaya. Waise toh stitches ki bhi jarurat nahi hai. Hamara yaha hona jaruri hai filhal."
"Tumhe main 20-25 minute me wapis le aaunga aur idhar ki fikar mat karo. Ghaav kahi jyada gehra hai kinare se. Beta tum dono manage kar lena, hum log abhi aate hai kuch samay me.", Shankar ji ne Mehul ki biwi ko Rekha ka hath pakadne ka kaha aur ye charo he log pichli taraf se car ki aur chal diye. Shankar ji abhi tak apni biwi ke jawab se sehmat na the kyonki kisi bhi khambe ya pipe par aluminium ki chaadar na chadhi hui thi. Ye samay sawaal jawab ka nahi tha aur waise bhi samay tha bhi kam.
"Didi, sach batao ye sab kaise hu? Aur maa ke chot shayad kaafi der se lagi hui thi."
"Arjun ya kisi ko bhi matt kehna Ritu. Maa ki hatheli ko kisi ne kata tha jab wo bathroom se bahar aane lagi toh. Aur uske baad jisne bhi ye kiya usne maa ko bathroom me he bahar se band bhi kar diya. Papa ko pata lagta toh wo bhool he jaate ki yaha shaadi hai. Aur mujhe lagta hai ki maa jaan gayi hai us insaan ko. Bathoom me sachmuch bahot khoon faila hua tha jab maine khola toh.", Ritu ka para apne pita ki tarah he chadh chuka tha ye baat sunn kar lekin wo ye bhi jaanti thi ki is samay kuch bhi khojbin karna vyarth he rahega. Aur agar maa us insaan ko pehchaan gayi hai toh kaise bhi pata toh kar he legi wo. Vivaah jaha itne samay tak bharpoor sakratmak gujra tha, is pal me kuch bhang padd chuki thi jisko Rekha ke sath sath Komal ne samajhdari se sambhalne ki bharpoor koshish ki. Ab kitna sambhal sakta tha ye toh filhal apne aap me ek sawaal tha.
"Arjun shayad humko he dhoond raha hai didi. Bina maa-papa ke hum log waha sabke sath table par kaise baithenge?"
"Isliye toh waha baithna aur bhi jaruri hai ab. Pooche toh bata dena ki wo log kisi mehman ke sath hai aur aate he honge."
"Haan maa ke hath me bandhi patti toh invisible hogi na. Chalo is se pehle wo yaha chala aaye hum he uske pas chalte hai didi.", Khoon abhi tak maujood tha jiska darr Ritu ko tha aur ab wo dono he Arjun ki aur chal di thi jo apni behno ko dekh kuch jyada he khush tha.
Bahut hi Kamaal ka update hai bhai maza aa gayaUpdate 179
Fer-Badal (2)
Mausam koyi bhi ho lekin har subah kuch thandak jarur samete rehti hai. 4 baje har taraf andhkaar he tha aur yaha khuli chhat par soya Arjun kisi chote bache ki tarah apni behan ke seene me dubka cooler ki thandi hawa se bachne ki athak koshish karta laga. Ritu ke chehre par ek alokik muskaan gehraai thi jaise wo bas apne he sansaar me ho. Neend me bhi uski Arjun ke prati parwaah kaabil-e-taarif thi jo wo uski taraf chaadar sahi karti hui araam pauchane lagi.
Kunmunata sa Arjun thoda aur aage hua toh Ritu ka kamar se niche ka bhaag uske upar aa gaya. Chaadar ab poori tarah se Arjun ke sharir par bich chuki thi aur wo prem ki tapish bahari thandak se bachaav karti ab araam de rahi thi.
"Ritu, sava 4 baj rahe hai. Komal didi ya koyi aur bhi uth sakta hai.", Alka seedhi ki taraf wale band darwaje ko jaanchne ke baad ab bahar aangan wali taraf se idhar aayi. Pichle 10 minute wo bas in dono ki supt-krida niharti rahi aur jab Arjun kuch shaant hua tabhi usne haule se Ritu ko hilaya
Alsaai si Ritu ke chehre par alag he chamak thi jo is andhkaar me bhi Alka ne dekhi.
"Ye 3-4 thapkiyan dete he so gaya tha aur dekh abhi bhi iske haal. Cooler band kar jara aur isko abhi sone he dete hai.", Ritu ne takiya aahista se Arjun ki baah ke niche rakha tha aur udhar Alka ne cooler ka button band kiya. Arjun fir thoda kasmasaya jisko dekh Ritu uska sar sehlane lagi. Ek baar fir se uske upar thik tarah se chaadar deti wo gadde ke niche se bra nikaal kar bina tshirt nikale kushalta se pehan kar khadi ho gayi.
"Matlab raat koyi dhama-chaukdi nahi ki tum dono ne?", Alka ne ek rubber Ritu ki taraf badhate hue masti se kaha aur Ritu ne bhi apne khule baalo ko baandh kar badi maadak si angdaai bhari. Seena kuch pal ke liye youvan ubhaar kar fir se sahi ho gaya.
"Dhama chaukdi karne ke baad main iske thodi na soyi hoti. Isko aaj bhi wahi dulaar chahiye hota hai jo ye bachpan me chahta tha. Tere saamne he hai Alka ki hum sab toh fir bhi time milne par araam aur baaki chote mote kaam he karte rehte hai. Iska routine aur life jyada he complex hai. Khudse toh ye maa ke pas bhi nahi ja sakta araam karne aur filhal bechare ki idhar duty bhi hum sabki wajah se hai toh mujhse jitna ho sakega koshish karungi Aaru neend toh sahi le.", Dono seedhiyon se dabe paanv niche utar rahi thi aur Alka ne bharpoor sneh se ek baar Ritu ko gale laga liya. Arjun ko najar karke wo uske peeche he chal padi.
"Bas ek yahi toh farak hai tujhme aur baaki sabhi me. Sach kahu toh main bhi shayad ek baar toh iske sath karti he. Lekin teri baat bilkul thik hai yar. Raat bhi ye 11 ke baad he aaya tha aur tum dono soye toh 12 ke baad he hoge. Kyonki sawaal jawaab toh tu kiye bina usko thapki bhi nahi dene wali.", Alka ne bahar wale kamre ke pas laga nal chalaya toh Ritu muskurati hui chehra dhone lagi. Damakta chehra bheegne ke baad abhi kahi jyada dilkash dikh raha tha.
"Wahi bata raha tha ke aajkal kya chal raha hai. Fir maine thoda bahot uske result, gaanv aur shaadi wale din ki baatein ki. Jab laga ki uska dhyaan bhatakne wala hai toh apne sath laga kar sula diya. Waise aaj mujhe Aanchal didi ko market leke jana hai. Daadi ne kaha tha raat me ki beti ki beti hai aur jo sabke liye liya hai wo usko bhi milna chahiye. Tu dekh lena parlour wali ko aur main Alisha aunty ko bhi le jaungi.", Ritu bhi bahar wale raste he andar chali aayi Alka se baat karti hui. In dono ki ummeed se alag rasoighar me Gurdeep aur Komal didi aa chuki thi. Gurdeep jaise abhi chehra dho ke aayi thi lekin Komal didi ke kapde bata rahe the ki wo naha chuki hai.
"Kyun, Arjun le jayega in sabko?", Alka ne rasoig ki taraf dekhne ke baad paani ki bottle khol kar ek ghoont piya aur fir Ritu ko pakda di. Fridge se doodh ka bartan is taraf aati Komal didi ko dene ke baad wo Ritu se jawab ki pratiksha karne lagi. Gurdeep andar tray me biscuit aur feeki matthi rakh rahi thi, usko khaali chai ki aadat jo na thi.
"Alisha aunty se toh jitna ho sake isko (Arjun) dur he rakhna hai. Sarkari gaadi mili hui hai toh koyi dikkat nahi aane wali aur tujhe main isliye ye sab bata rahi hu ki yaha bhi us bewkoof ko bin-bulaai aafat se dur he rakhna hai. Mehmaan jyada ho gaye hai aur halki si bhi galti najar na aa jaye." , Ritu ki baat sunn kar is taraf wapis doodh rakhne aayi Komal didi bhi muskurai jaise unhe bhi pata ho ke charcha ka vishya kya hai.
"Wo toh 11 se 2 ke show me ja raha hai. Kahe toh fer-badal kar de?", Alka ki baat hamesha he khaas andaaj me hoti thi.
"Jaruri hai badalna. Saroj mausi aur Pooja maami udhar he ruke hai raat me. Somya, Swati aur Kanchan hamare kamre me hai. Aaj baaki dono maami bhi aane wali hai aur Shalini bua bhi aa jayengi.", Ritu ne vistaar se bayaan kar diya tha ghar aur mehmano ki rooprekha. Alka aashankit thi ki Vinni is par kya pratikriya degi.
"Wo toh mehandi se dur he rahega. Waise bhi geet he chalne hai aaj aur baaki ladies ki mandali lagegi. Didi ki mehandi ke sath baaki ladies bhi wahi sab karwayengi. Kaam papa log dekh rahe hai jiske liye kaafi log bhi laga diye hai. Isko kaise vyast kar sakte hai?", Alka ko bhi bhaan tha ke Arjun ko Vinni didi ke sath jana pada toh wo koyi na koyi toh hal nikaal he lega.
"Jaane he do toh behtar hai. Mujhe jyada pareshani wali baat uska idhar rehna lagti hai. Chandro daadi ji bhi aayengi aur jaane kyun mujhe Aaru ka unke saamne jana thik nahi lagta. Ab tum dono chai pee kar fresh ho jao baaki jo socha hai waise he karna. Alisha aunty ke sath Ritu, Romela aunty ko maa ke siwa kuch dikhta nahi aur Preeti apne aap kar legi baaki sabkuch.", Komal didi ke aise spasht se jawaab se ye dono he niruttar ho gayi. Ab wo jawaab bhi nahi maang sakti thi kyonki Komal didi kabhi galat bhi nahi kehti thi.
"Main aur Afsana bhi chal sakte hai kya Ritu tumhare sath?", Gurdeep ne bade he sneh se gujarish ki thi. Chai ki jagah wo garam doodh ka gilaas liye thi aur dusre hath me biscuit.
"Afsana mehandi lagwayegi Gurdeep, kal he bata chuki hai wo. Aur aaj uske ammi-abbu bhi aa rahe hai tumhare mummy papa ke sath he. Jasleen-Keerti ko le chalenge tumhare sath sath. Bheed bhaag se atcha waha market me he masti karenge.", Ritu ne paani ki bottle rakhne ke baad chai ka cup utha liya tha. Komal didi ab Priyanka, Rupali, Richa, Vinni ko uthane chali gayi thi.
"Haan ye bhi thik hai. Wo Afsana toh gayi na gayi ek he barabar hai. Usko rehne denge yahi lekin mujhe na waha fir se dosa khana hai.", Gurdeep ki baat sunn kar Alka ne sar pe hath rakh liya aur kuch aisa he kiya Priyanka ne bahar aate he.
"Oh sardaarni, tujhe na sapne bhi khaane peene ke he aate honge. Kha liyo dosa bhi aur bhature bhi. Ab doodh pee kar tayaar bhi ho ja. 5 baj he gaye hai aur tu raat 10 baje se soyi hui thi.", Priyanka didi ne kapde durust karte kaha aur Grudeep naak sikodti hui wapis kamre me chal di, doodh ka gilaas aur biscuit ki tray liye.
"Kuch bhi kaho Pinki didi, ye bandi kamaal he hai. Insaan na itna he khush aur befikar rahe toh best hai.", Ritu ne hanste hue kaha aur fir shishe ki khidki se dekha toh Arjun bhi seedhiya utar chuka tha.
"Chalo main toh chali Arjun ke sath ghar pe aur aap log aa jana yaha sab samet kar.", Alka ne hath hilaya toh Ritu hairat se dekhne lagi.
"Kapde badal le pehle naha kar. Aise he jaayegi?"
"Mere kapde waha bhi hai aur mera mood nahi idhar nahane ka. Tu aa jaiyo naha ke kapde badal ke. Chalti hu Pinki darling.", Alka ne Priyanka ko aankh maarte hue hath bhi hilaya aur hirni si falaang maarti nikal chali. Jaane ab usne Arjun se kya baat karni thi.
.
.
Krishneshwar ji ki badi beti Damini ghar ke bahar wale bathroom se abhi naha kar he nikli thi kyonki andar aur upar wale bathroom vyast the. Geele baal toliye me baandhe wo ek saaf salwar kameej me apne maansal jism ko dhakne ke bawjood har kataav ko dikhati hui dusra toliya taar par daal kar jaise he mudi toh ghar me daakhil hote Shankar se najre 4 ho gayi. Umed aur Inder pehle he andar ja chuke the aur idhar sirf Shankar aur Damini he the.
"Kaise ho Shankar bhaiya?", Kajrare naino ne hontho se adhik awaaj ki thi aur ek chamak Shankar ki aankhon me bhi ubhri.
"Ab shayad thik nahi hu.", Shankar ne upar jaati seedhi ki aut me khade hote hue nalke se paani peene ka upkram kiya toh jhuk kar handle chalati Damini ke wo ubharo ki ghaati dekh paani anjuli se behne laga. Damini bahot atche se waakif thi apne is bhai aur uski najro se. Aur ye sab katai ektarfa na tha.
"Mujhe toh laga tha ke doctor ho aap jo mujhe thik kar sakta hai. Pata hota ki aap he bimaar ho toh fir kahi aur ilaaj dekhti."
"Mujhse behtar ilaaj karne wala mil gaya hai kya koyi?", Ab Shankar ne chullu se paani peene ke baad Damini ke kareeb hote hue usi toliye se hath saaf kiye toh Damini ke jism me jhurjhuri si daud gayi. Dono bahar khule aangan me the isliye harkat toh mumkin na thi.
"Jis doctor se ek baar rishta bana liya na Damini ne fir kisi aur ki dehleej par na gayi. Aanchal saboot hai iska jeeta jaagta. Baaki mujhe lagta hai ke doctor raqeeb ho gaya ho toh fir meri kismat he kharaab.", Damini himmat karti hui sabtaraf dekh kar bilkul satt he chuki thi is majboot jism se. Shankar agar honhar doctor aur khatarnaak haivaan tha toh utna he aakarshak vyaktitva ka dhani bhi. Shayad he koyi stree/mahila jo Shankar ke najdeek aayi ho wo uske vyaktitva ke sammohan se bachi ho. Damini toh vivaah se pehle se he apna sabkuch saunp chuki thi is bhai ko.
"Shaadi ki jagah dikha kar lata hu tumhe nashte ke baad. Bol dena ki kapde aur samaan lena hai.", Shankar ne bhi aut se nikalte hue Damini ki gol naabhi par hath fira he diya tha. Raat bhar atchi khaasi sharaab ne kuch jyada he garmi badha di badan me aur hospital se dur hone ki wajah se ab kisi ko toh dhoonda he tha. Subah savere Damini se ye meethi mulakaat ne aadha kaam toh kar he diya tha.
"Damaad aur Vinod ko phone laga diyo Damini, time se aa jayenge. Kal batna aur Sanjiv ke mehandi bhi lagni hai aur fir parso shaadi.", Kaushalya ji ne tulsi me argh dete hue Damini se kaha toh apni haalat durust karti wo bas muskurati hui boli.
"Ji taai ji, main 9 baje baat kar lungi. Waise ye aaj shaam tak aane ka he keh rahe the kal jab baat hui toh. Vinod ka kuch hotle me masla tha nahi toh kal he wo log yaha hote.", Damini ne ek najar bagiche se bahar dekha jaha Rameshwar ji kuch logo ke sath tehal rahe the, charcha karte hue. Arjun aur Alka bhi apne dada ji se mil rahe the aur fir wo dono ghar me daakhil hue.
"Atchi baat hai agar jaruri kaam tha toh. Oh bail, tu kaha gaayab rehta hai re? Tere dono chacha toh abhi fir se bister todd rahe hai aur Shankar Rajkumar baaki kaam dekhne me lage hai. Tayaar ho kar Shalini ko lene chala ja. Bitiya bhi rasmo me baithegi aur baaki toh mujhe koyi dikh nahi raha jo kaam ka ho.", Kaushalya ji ne toh Arjun ko aate ke sath kaam pe laga diya tha. Arjun ne gardan hilane ke baad apni Damini bua ko bhi namastey ki aur daadi ke kareeb he khada ho gaya.
"Wo agar haveli aayi hongi toh fufa ji bhi toh saath he aaye honge na daadi.", Arjun ka jawaab sunn kar unhone apne sar pe hath rakh liya.
"Tabhi tujhe bail kehti hu re main. Ghar me bitiya ko khud leke aaya jata hai jab wo pati ke sath na aayi ho. Tere fufa shaadi wale din he aayenge aur Shalini 6:30 pe aane wali express se leke aana hai.", Ab Arjun ko samajh aaya tha ki haveli ki jagah usko apne he shehar wale station se leke aana hai.
"Jama budhuram hai re tu toh. Bhala wo haveli aati toh idhar aane me kya sankat tha usko? Time dekh le aur doodh-khuraak leke chale jana time se. Baaki ab fir tere laayak koyi kaam nahi. Pataake le liyo bhai ki ghodi ke aage chalane ke liye shaadi me.", Kaushalya ji ne laad se aisa kaha tha aur Arjun bhi khush hua ke ab wo sabse alag apni marji se wo sab karega jo usne shaadi ke liye soch rakha tha.
"Waise mehandi sirf ladki ke he lagti hai kya daadi?", Arjun ek baar fir chalte chalte thithak gaya tha aur apne paute ki aisi baat par daadi bhi hansne lagi.
"Tere bhai ke bhi lagegi re. Bas wo banna hai toh pehle uske kal batna lagega, fir uske mehandi lagaayi jaayegi. Madhuri ke aaj karenge ye mehandi ka shagan kyonki jab ghar me ek sath 2 vivaah ho toh ek he din dono bacho ke mehandi ki rasam nahi karte. Atcha, wo Vinita ka jo lehnga Delhi se laaye the na uska bhi kuch kaam karwana hai toh time lage fir usko market le jaaiyo.", Kaushalya ji ne toh swayam se he sab karyakram bana diya tha. Arjun mann he mann kuch gungunata hua andar chal diya.
Ghar me abhi se rishteydar aur pariwar ke log najar aane lage the aur bheetar wale aangan me toh usko dhero chehre dikhe. Abhi wo apni khoobsurat taai ji aur chachi Krishna ji ko he nihaar raha tha ki uchalti koodti Swati uske saamne aa ruki. Dono ek pal tak bas sthir rahe aur fir Swati uske gale ja lagi.
"Tu na bahot ganda hai kaalu.", Swati ne aisa bade sneh aur majaak se kaha tha aur Arjun ne bhi utne he pyaar se apni is mameri behan kam dost ko baahon me bharte hue seene se laga liya.
"Tu khud he dekh le hum dono ka rang. Fir bata dena kaun kala hai. Waise atcha hua tu aa gayi, ab tayaar ho ja fir aadhe ghante baad mere sath he chalna.", Arjun ne Swati ke sar pe haule se hath firate hue kaha. Swati ki saaf badi badi aankhen bahot se sawaal liye thi, pyaar aur tadap ke sath. Par aisa toh kuch mumkin bhi nahi tha.
"Chal lalla tera doodh le aur Swati bitiya, tumhara bhi maltova tayaar hai.", Lalita ji ne itne vyast samay bhi dono ke liye doodh ke gilaas table par rakhne ke sath khaane ka bhi samaan lagate hue kaha. Krishna ji bhi tab tak chai ke 2 cup liye Rekha ke kamre me ja chuki thi. Arjun aur Swati abhi baithe he the ki Anamika chachi, Aanchal aur Damini bua bhi unke saamne wali taraf aa baithi. Lalita ji ne unhe bhi chai aur biscuit parose par teeno ke chehro par bhinn bhinn bhaav the. Anamika toh hamesha ki tarah Arjun ko dekh muskura rahi thi wahi Aanchal apne is bhai se abhi tak thik se mili bhi na thi aur antarmukhi hone ki wajah se wo baat karne se hichak bhi rahi thi. Damini ne he charcha shuru ki, jo Arjun ko jaan ne ki itchuk dikhi. Shayad uske pita ki wajah se.
"Tum mujhe pehchante ho beta?",Swati bhi is awaaj par dono taraf dekhne lagi kyonki uske liye toh ye ajeeb he tha.
"Ji bua. XXXX aap waha rehte hai na aur Krishneshwar dada ji ke sabse badi beti hai. Ye Aanchal didi bhi aapki beti hai. Bas is se jyada nahi maloom aur mahol ki wajah se baat bhi nahi ho saki aap logo se.", Arjun kya kehta ki wo toh unke pita tak ki janamkundli dabaaye baitha hai. Par inse koyi man-mutaav toh tha nahi.
"Bahot atche lekin sach kahu toh main tumhare baare me sirf naam he jaanti hu. Kuch Shankar aur Inder bhaiya jaise he lagte ho lekin jinhone mere dada ji ko dekha hai wo bata sakta hai ki tum jyada unke jaise ho.",Damini ne chai ka ek halka sa ghoont liya aur Anamika ki taraf bhi najar ki jiske chehre par is baat se aashcharya aaya hua tha.
"Family me bache bado par he jaate hai na bua ji? Ab papa-chacha dada ji jaise dikhte hai aur thode features daadi jaise hai unke. Lekin kuch cases me generation skip ho kar feautres dada-nana ya pad-dada par bhi ja sakte hai. Waise Aanchal didi itni chup he rehti hai kya hamesha?", Aanchal thoda sakpaka gayi thi kyonki wo apni maa ke kareeb toh kabhi thi he nahi aur pita ke sath kuch lagaav tha lekin wo bhi simit. Apne aap me rehne wali is ladki ne bas ek pal ke liye Arjun ko dekha aur apni maami Anamika ki taraf sarak gayi.
"Ye baat tumne thik kahi. Aisa ho jata hai jaisa tum keh rahe ho aur meri beti kuch introvert ho gayi hai badi hone ke sath sath. Aur ye pyaar ladki kaun hai?", Damini ka lehja milansaar tha abhi aur Arjun ne bhi Swati ko ishare se baat karne ko kaha. Wo apni khuraak thodi thodi chabate hue idhar udhar bhi dekh raha tha. Aaj toh baaki sabhi bas nahane aur kaam me he lage najar aa rahe the inke siwa. Swati ki bagal me he Rajeshwari chachi ji bhi aa baithi, Arjun ke sar ko sehlati hui. Hamesha ki taraf khile hue gulaab si aur ek aakarshak saree me.
"Ji main Swati Sharma hu, Arjun ke mama ji ki beti. Yahi bade papa (Tejpal) ke pas reh kar college kar rahi hu aunty ji.", Swati ne jaruri jawaab he diya aur fir khaali cup utha kar waha se chal di. Arjun ke bataye anusaar usko ab tayaar bhi hona tha.
"Aapse toh hamari purani pehchan hai he bhabhi. Waise pata laga ke ye janaab toh aapke bhi bete hai.", Damini jaane kyun aaj itne sawaal kar rahi thi lekin uske aisa kehne par Rajeshwari ji ne ek baar fir Arjun ke sar ko sehlate hue uske kaan ke peeche kajal ka tika lagaya aur muskura kar bolne lagi.
"Sabka he toh hai ye didi. Iske chacha (Umed) ne jab ye khushkhabri di thi ki Arjun ke wo bhi dattak pita hai uske baad humne dusre bache ki koshish he nahi ki. Mili jarur main is se 9 saal baad thi fir. Jaisi mere liye Vinni hai waisa he ye lekin ab itne haqdaar hai mere is bete ke ki meri mamta ka number jara dur ho gaya hai.", Rajeshwari ji ki itne apnepan se bhari baat sunn kar Arjun ko bhi ehsaas hua tha ke wo jyada bolti nahi thi par unhone hamesha he usko khaas darja diya tha. Hamesha he apne ekaant me rehne wali wo thoda bahot kisi se bolti bhi thi toh usme ek naam Arjun ka bhi tha.
"Matlab toh fir ye is ghar ka Vinod hua.? Hahaha..", Damini ne toh jaise ye baat upari taur par kahi thi lekin Anamika ko jhatka laga aisi tulna sunn kar aur agle he pal sabhi khamosh ho gaye jab ye sakht aur hidayat se bhari awaaj sunaai di.
"Tulna karna toh atchi baat hai Damini lekin bas vyaktitva me kuch samanta honi chahiye. Is ghar me do bete hai aur wo dono apne liye nahi, pariwar ke maan-ijjatt ko prathmikta dene wale hai, niswarth samarpan ke sath. Vinod tumhara eklauta saga hai lekin is ghar me tum bhi iski bua ho, Madhu bhi aur baaki jo lagti hai so lagti hai. Yaha eklauta jaisa kuch nahi hota jaise Rajeshwari bahu ne kaha na ki Arjun unka bhi beta hai.", Ye the Rajkumar ji, jo kuch kaam se apni maa ke kamre se ho kar idhar aaye the.
"Sorry Raju bhaiya, mera wo matlab nahi tha. Vinod bas waha ghar me akela ladka hai na aur bedhyani me mujhe yaad nahi raha Sanjiv bete ka.", Hamesha khamosh tabiyat Rajkumar ji ki baat sunn kar ek pal ko toh Damini ke sath sath Aanchal bhi sihar gayi thi. Lekin Anamaika ko jaise ye atcha laga tha.
"Mere pyaare tauji, bua toh majaak he kar rahi thi. Ab mil jul kar baithe hai toh aise he baat karke pehchaan banaate hai na? Aapko na taai ji bula rahi thi waise.", Arjun apni jagah se uth kar apne tau ji ke kareeb aa gaya. Wo bhi uske hanste chehre ko dekh muskuraye aur fir Damini ke baalo ko halka se hila kar chalte hue bole.
"Majaak main bhi kar leta hu beta bas ye andaaj kuch samay ke liye band kiya hua tha. Damini ko bhi pata hai ki main gussa majaak me he hota hu.", Ab Damini toh muskuraai he lekin apne pati ko aise dekh aaj Lalita ji ke chehre par jamane bhar ki khushi aa gayi thi. Barso he beet gaye the jaise Rajkumar ji ko aise dekhe.
"Aap toh chalo jara mere sath. Yaha 2-2 bacho ki shaadi hone lagi hai aapke aur aapka majaak shuru ho gaya. Samdhan se karna ye sab baatein.", Muhfatt Lalita ji ne nakel daal di thi aisa bol kar par Rajkumar ji ke iraade jaise kuch aur he the.
"2-2 bacho ke byaah ki mujhe tumse jyada khushi hai Lalita Devi. 2-2 Samdhan bhi toh milengi is bahane aur suna hai Devika toh aaj bhi tumhari takkar ki hai.", Yaha jordaar thahaka aangan me aati Saroj mausi ne lagaya aru jhempti hui Krishna ji bhi hans rahi thi. Hansi ki awaaje sunn kar Kaushalya ji bhi chali aayi aur ekaek apne bete ke kareeb jaa kar unhone uska maatha choom kar duayen di.
"Arre mere bache, tu ghar me ye aaj barso baad pata laga. Lagta hai tere papa ke sath kal raat rehna kaam kar gaya. Lalita, mere bete ki mojariya nikaal ke de aaj. Pata lagna chahiye ke Raju ghar ka bada rajkumar hai. Aur tu beta ye kapde ki HMT utaar de kalaai se, chal mere sath andar.", Kaushalya ji utne he adhikaar aur pyaar se apne bade bete ko liye andar chal di, Rajkumar ko rajkumar banane. Lalita ji ki aankhon me Arjun ke prati ab kahi jyada he vatsalya aur abhaar tha.
"Waise na taai ji, samdhan vamdhan kuch nahi hogi aapke saamne. Shart laga sakta hu ke aapki takkar bas aap he ho.", Arjun masti karta unke gaal choom kar upar daud gaya aur jaate hue mausi ke gaal bhi sehla gaya. Baaki sabhi hans rahe the ya hairaani se bas uski kaarastani dekh rahe the.
"Ae Rekha, Sanjiv se pehle is lalla ko chadha re ghodi. Nigoda apni taai aur mausi ko bhabhi maan raha hai. Pakki ghodi na mil rahi toh koyi kaam chalau he dekh le.", Lalita ji ke aise majaak par toh sabka hans hans ke bura haal ho chuka tha. Aanchal ko bhi ye sab bada atcha laga tha. Itna khush-haal pariwar bhi ho sakta hai usne kalpana tak na ki thi kabhi.
"Beta, isliye mujhe idhar aana aur rehna atcha lagta hai. Yaha koyi bhi kisi ko najarandaaj nahi karta. Apni Anamaika maami ko he dekh lo, ye pehle se jyada he khush dikh rahi hai na?", Rajeshwari ji ne uth kar Rekha ke kamre ki taraf jaane se pehle ye baat Aanchal se kahi thi jo ab thoda jhemp gayi thi lekin uski maa ke chehre par bharpoor khushi thi.
.
.
"Toh jija, ab aap he batao ke kya karna hai? Shankar ka saamna karne ki himmat nahi hai mujhme.", Subah ke is waqt aadat se viprit Vinod jaldi uth kar hotel ke aalishan kamre me 2 cup me chai bharta hua apne jija PP Sharma se baat kar raha tha. Sharma ke ulthe hath ki poori hatheli par patti bandhi thi, Rajesh dwara diye gehre jakham ki wajah se. Raat inhone atchi khaasi sharaab pee thi lekin shayad uska bhi utna asar na hua tha.
"Shankar ghar se bahar ke haadse kabhi pariwar ke beech nahi leke jata saale sahab. Ek tarah se toh dekha jaaye toh wo maamla andhere me bas mission jaisa tha. Unhone wo kiya jo wo karne aaye the lekin hum toh zinda hai na? Parda unhone bhi rakha hai Vindo toh yahi humne karna hai. Jana toh hoga he aur nahi gaye toh shayad wo maksad bhi kabhi poora na ho paaye jiski kasam tumne uthaai thi.", Sharma ne chai ka cup uthane se pehle kapde sahi se pehne aur Vinod ke saamne wali kursi par aa baitha.
"Waise mere jitna ya jyada nuksan toh un sabne aapka bhi kiya hai. Khaas kar Shankar bhai aur Rajesh ne. Dekha jaaye toh aap Shankar ke bhi jija lagte ho aur Rajesh toh aage uska bhi sala hai.", Vinod ke kamjor dimaag me jaane kya he khichdi pakk rahi thi aur Sharma ki aankhe kuch chhoti ho gayi.
"Kehna kya chahte ho is 'jyada' nuksaan se.? Bhagidar toh hum barabar he hai na har cheej me?", Chai ka cup waise he rakha tha kyunki Vinod ne baat jo is tarah shuru ki thi. Wo nautanki karta thoda gambhir chehra banate hue apne jija ko dekhne laga.
"Kehna toh nahi chahiye kyonki ijatt toh meri bhi kharaab hogi ye baat batane se.", Vinod ne agli paheli bujhai toh Sharma se sehan na hua.
"Tu seedha bol na Vinod, aise adhuri baatein karni hai toh fir rehne de."
"Jija, Shankar bhai aur Damini ka sambandh hai. Shaadi se pehle se hai jo mujhe bas us din he pata chala jab aap Aanchal ko uske computer center chhodne gaye the. Aur aisa he kuch Rajesh ka bhi hai.", Vinod ne ye dhamaka he kar diya tha, chahe aadha jhooth he sahi. Lekin wo jaise thaan chuka tha ki ab agar barbaad hona hai toh fir saam, daam, dand aur bhed ke sath kalankit bhi karna pade toh wo karega he. Sharma ki toh aankhon me khoon he utar aaya tha ye sunn kar. Usne gusse me Vinod ka girebaan pakda toh apne saale ke chehre par dukh dekhte hue jabde bheench kar hath hata liya.
"Tu hosh me nahi hai Vinod. Ye bahot gandi baat kahi hai tumne aur agar iske peeche tumhari koyi alag he mansha hai toh saaf he keh dete. Damini ka charitra giraane ki jarurat nahi thi."
"Main saabit kar dunga jija aur khud he chupke sunn lena jab Damini kabool karegi mere saamne. Main ye isliye keh raha hu kyonki ye sirf bas paise ki ladaai nahi rahi, ijatt aur mardaangi ka bhi sawaal bann chuki hai. Thande dimaag se he chalna hoga kyonki aamne saamne ki jung me toh hum ek minute na tik sakenge. Main Shankar ki jadd pakadta hu aap Rajesh ki. Lekin pehle main saabit karunga jis se aapko apne saale par thoda vishwas toh ho.", Vinod ne ab chai ka cup khud he Sharma ke saamne kar diya jo sadme me baitha tha.
"Jija, us pariwar ki ek kamjori meri samajh me aayi hai aur shayad usne meri aurat ko bhi apavitra kar diya hai. Kaise bhi karke sirf wo insaan gaayab ho jaaye toh unke bade bade 2 pariwar aadhe khatam ho jaayenge. Arjun jaha Shankar ka beta hai wahi wo Rajesh ki taraf bhi waaris hai, koyi aur ladka unke khaandaan me na hone se. Chahe jitna bhi samay lage, humko bas is naam ko badi safaai se hatana hai.", Vinod ne apne iraade ab khul kar jaahir kar diye the jis par Sharma ne sehmati jataai.
"Agar aisi baat hai toh wo shamshaan (Country Farm) jameen bech kar aadmi laga Vinod. Is ladke ki har choti se choti baat aur samay ki khabar jama karke Shankar ki nasal he khatam karte hai. Bas dhyaan rakhna ki is baar ye is tarah hona chahiye ki koyi kadi humse na judi mile. Badle ke liye ab 1 crore ka 10 bhi lag jaaye toh gum nahi. Ye ladka ab raakh banega chahe isme 10 din lage ya fir 10 mahine.", Vinod ko shayad aise he jawaab ki ummeed thi aur wo andar he andar khush ho raha tha. Jaise usne thaan liya tha ke ab wo kuch aisa karega ki nuksaan kisi ka bhi ho par wo saaf bana rahe.
"Bas fir hum aaj yaha se nikalte he khamoshi se is par lag jaate hai jija. Lekin pehle main saboot dunga aur fir he aap mera sath dena.", Kutilta me jaise Vinod ekdum he uchaai par jaane laga tha.
"Nahi, Damini ka jo bhi hai mujhe ab parwah nahi. Nuksaan ke badle bada nuksaan karke he rahenge. Tum karo tayaari chalne ki aur tohfe aise lena ki sab dekhte reh jaaye. Chahe 5 lakh lage ya 10 lekin unhe lagna chahiye ki hum pariwar me he hai.", Sharma cigratte sulga kar bathroom ki taraf chal diya. Aur Vinod bas baitha andar he andar hans raha tha.
'Jija, teri biwi bhi jaayegi, tu bhi aur wo Shankar ka pilla bhi. Lekin Vinod ka dil itne se nahi bharne wala. Aanchal ko randi bana ke rakhunga apni aur ab toh jab tak jinda hu Shankar ka poora pariwar aisi durghatnaye dekhta rahega, saal dar saal.', Vinod ne khade ho kar almaari se 500-500 ke noto ki gaddiyan nikaal kar bister par fenki aur kapde bag me bharne laga. Wo ek he haadse ke baad jaise puri tarah badal chuka tha aur uska tarika bhi. Pariwaro ke beech kuch toh bada hona he tha chahe Vinod ko he haani ho aur iska matlab tha Rameshwar aur Krishneshwar ke beech pakki daraar. Bas Vinod ko jo gyaat na tha toh wo ye ki shaadi ke baad khud Arjun he uske ghar aane wala tha. Aise fer-badal ki dur dur tak usko aashanka na thi.
.
.
Yaha aaj bahot kuch ghatne ja raha tha. Arjun apne sath swaati ko liye nikal chuka tha Shalini bua ke lene, Shankar apna karyakram bana chuka tha Damini ke sath, kuch bade mehmaan pahuchne wale the Pandit ji ke niwaas par aur ek taraf Saarang ke pariwar me bhi kuch uthal puthal ho chuki thi. Aane wale samay me bahot kuch hone wala tha jiski pratiksha thi ya fir koyi ummeed bhi nahi.
