Update 55
Kaun Kya Hai (2)
"Ye?", Arjun ne ek photo ki taraf ishara karte hue Akanksha se poocha. Ghar pe kuch karne ko khas nahi tha aur Arjun ne Akanksha ko uske ghar aane ka waada bhi kia tha isliye woh uske yaha aa gaya tha. Akanksha ki maa Sushma toh 6 baje ke baad he aati thi aur baap Vinay aur bhi deri se. Dono he ghar ke drawing room me baithe the aur Arjun uske shandar ghar ko bhi dekh raha tha. Wahi television ke pas ek lakdi ki choti almari par rakhi photo ki aur dekhte usne poocha tha.
"Ye mere papa aur mummy hai. Tum baitho main kuch leke aati hu hum dono ke liye.", Arjun ko wahi chodd woh titli si udti rasoighar me chali gai. Vinay Taneja ne atcha khasa paisa kharch kia hua tha ghar pe. Leather ke bade sofe, 29 inch ka rangeen television, kaanch ke design wali table aur duniya bhar ki cheejein sajawat ke sath rakhi gai thi. Neeche farsh par bhi ek aalishan kaleen bicha tha. Lekin in sabse adhik dhyaan Arjun ka us photo par tha jaha chasma lagaye muskurata hua Taneja apni haseen biwi Sushma ke sath frame me laga hua tha. Arjun kuch der tak usko dekhta gehri soch me tha aur idhar Akanksha kaanch ke do bade gilas Rasna ke banati tray me le aai thi.
"Sorry. Woh mujhe aur toh kuch banana nahi aata lekin Rasna me pani aur barf mila leti hu.", Pyaari muskaan ke sath usne table par tray rakhte kaha toh Arjun bhi waise he uski taraf muskurata dekhne laga. Kaale rang ke is laal phulo wale top aur safed half-pant me woh kamal ki lag rahi thi. Jhukne par uske chote kase ubhar kuch hadd tak dikh gaye the, jo andar bhi ek kaali bra me qaid the aur kulho par kasi pant Akanksha ka unhar atche se dikha rahi thi.
"Waise bhi main idhar aane se pehle khana khaa kar he aaya tha. Aur iske liye thank you, mango mera bhi favourite hai.", Arjun abhi bhi khada tha toh Akanksha pyaar se uska hath thaamti sofe par le aai aur judd kar baithte hue khud he ek gilas utha kar uski aur badhaya.
"Mere toh dono he favourite hai.", Arjun ko apni billori aankhon se dekhte usne kaha toh Arjun bhi uske aakarshak chehre me he kho gaya. Ye ladki bhi alag he thi bilkul. Har pal khili si rehti thi aur aadhunik hone ke sath he badi saleeke se rehne wale. Dost toh the he nahi shayad kuch iski itni khoobsurti ki wajah se aur kuch isliye ki ye khud unhe dur rakhti thi. Gardan se kuch neeche tak karine se kate hue seedhe reshmi bhure baal aur waisi he chamakti aankhen, gol pyara chehra jispar uske gulab se tarashe hue honth behad dilkash the, jitna sharir ujagar tha woh gora-sunehari aur baal-vihin. Halki gulabi nail-polish lage saaf lambe nakhun.
(
Akanksha Taneja)
"Aise kab tak dekhoge? Ye garam ho jayega.", Akanksha ko aaj Arjun ka usko aisa dekhna bada bhaa raha tha lekin woh chahti thi ki dono baatein bhi kare, jabtak woh uske pas hai. Pehli baar toh woh khud se aaya tha.
"Sorry. Tumhari aankhen sach me sundar hai Akanksha.", Thoda jhempte hue Arjun ne gilas ko mooh lagaya toh swaad atcha tha. Ek aur ghoont bharte hue usne gilas wapis tray me rakh dia.
"Sorry kyo bolte ho. Main toh chahti he yahi hu lekin bas tumhi hamesha mere se dur rehte ho. Dekho itne mahine maine school me intjaar kia. Aakhiri din agar main himmat nahi karti toh tumhe toh pata bhi nahi tha ke ye ladki tumhe kitna pyaar karti hai. Aur chuttiyan bhi aise he nikal di, bina mujhse mile ya baatein kare.", Bade pyaar se woh Arjun ki baah thaame uske sath lagi baithi thi. Arjun ko bhi iska sath atcha lag raha tha. Usne mehsoos kia tha ke kitna akeli hai ye ladki aur log kuch bhi kehte rehte hai.
"Sandeep ko kaise jaanti ho tum? School ki wajah se?", Arjun ne ab Akanksha ke kandhe se hath karte hue khud he apne se lagate pucha. Kuch sochne ke baad he usne ye kaha tha.
"Nahi toh. Aur tum aisa waisa kuch mat sochna please. Agar woh tumhara dost na hota toh maine kabhi baat nahi karni thi us se. Woh toh mere mummy-papa ka unke ghar thoda aana-jana hai toh kabhi kabhi Sandeep bhi hamare ghar aata hai. Tumhe bura laga ho toh main kabhi uska naam bhi nahi lungi.", Arjun ke sawaal se Akanksha jaise darr gai thi. Sach me he toh usko Sandeep se koi matlab nahi tha. Bas Arjun ki wajah aur dono pariwar me bolchal se usne uski madad li thi.
"Pagal ho tum bilkul. Mujhe bhi pata hai ke tum badi pyaari aur atchi ladki ho. In aankhon me maine sirf khudko he dekha hai.", Arjun ne uske gaal ko dusre hath se sehlate hue kaha. Akanksha bhi ab sofe pe pasri si uske seene par sar rakhe baithi thi. Arjun ka yu hath lagana dil me tarang si utha raha tha.
"Jab pata hai toh fir kya mujhe tang karne ke liye poocha tha?", Akanksha ne bholepan se ye kaha aur Arjun muskura dia.
"Nahi tumhe aise toh main tang nahi karunga. Bas waise he jaan-na chahta tha. Mere pariwar wale bhi jaante hai aur Sandeep mera atcha dost bhi hai. Maine socha tum Jyoti didi ki dost hogi.", Gilas ko utha kar Akanksha ko dene ke baad apne gilas se bhi ek ghoont lene ke baad usne ye kaha. Akanksha ne apna gilas wapis neeche rakhte hue Arjun wale se he apne honth lagaye toh patle kaanch par uske gulabi hontho ki pakad dekh kar Arjun ke chehre par alag si muskaan aa gai aur idhar Akanksha bhi palke jhukati sharmati-muskurati dheeme dheeme pee rahi thi. Fir gilas Arjun ke hanth me wapis dete hue boli.
"Woh mujhe kabhi thik nahi lagi. Pehle toh thik-thak baatein karti thi lekin fir jab bhi milti toh idhar-udhar touch karne lagti. Aur ek din toh gandi baat karne lagi toh maine unhe atche se suna dia ki aainda mujhe touch karne aur aisi baatein mere sath karne ki jarurat nahi. Mummy bhi nahi bulati unhe.", Akanksha se Arjun ko aisi he ummeed thi aur usko ab laga ke jyada he bahar walo ki baatein kar li hai usne Akanksha se. Toh Apne hath se woh gilas uske hontho se laga ke uski aankhon me dekhne laga toh is bar ek choti si ghoont lene ke baad Akanksha ne gilas Arjun ki taraf kia toh Arjun ne thik wahi apne honth rakhe jaha se Akanksha ne gilas ko chua tha.
"Jyada maje nahi le rahe tum?", Gilas ko hath se lekar tray par rakhti woh thoda aage sarak kar Arjun ko dekhne lagi aur Arjun ne waise he dekhte hue usko hontho par ek chota sa chumban jadd dia. Fir khud wapis sambhal kar baith gaya usko thoda hairan aur sharam dete hue.
"Dekho itne me he shaant ho gai tum.", Arjun ne maje lete hue Akanksha ko chedda toh is baar woh bhi masti se uski goad me he aa baithi.
"Main batau tumhe ki mai kitni shaant hu ya shararti?", Tshirt ko halka sa apni taraf kheenchte hue Akanksha ne apne woh surkh honth khud he Arjun ke labo se jodd diye. Is baar Arjun ne uske badan ki mehak li thi aur uske thos kulho ko bhi mehsoos kia tha. Apne seene par Akanksha ke thos ubhar mehsoos karte he Arjun ne ek baar usko bahon me lia aur fir 30 second ke is chumban ke baad he dono alag hue.
"Main chalta hu abhi kuch kaam se jana hai. Aur ab shayad school me he milenge kyonki kal mujhe apni maa ke sath nanihal jana hai.", Ek baar fir Arjun ne uske gore gaalo ko choo kar kaha. Usko Akanksha ki aankhon me fir se akelapan dikhne laga tha. "Jaldi aaunga aur is baar tumhe apne sath he school lekar chalunga.", Gaal choomte hue woh utha toh Akanksha ne fir ek baar gale se lagne ke baad muskurate hue kaha.
"Dekhte hain ki is baar sach me school me milte ho ya nahi. Sath toh jana mushkil hai mujhe pata hai. Aur apna dhyaan rakhna.", Wo fir usko gate tak choddne aai aur Arjun apni Rani ko start karta seedha ghar ho lia.
.
.
"Chal chote tu agar hath mooh dhona chahta hai toh jaldi farig ho ja. Main bhi naha ke neeche he milta hu. Market chalna hai tumhare sath mujhe bhi.", Sanjeev bhaiya andar wale aangan me he mil gaye the Arjun ko. Kaha toh woh soch raha tha ke market se samaan kaise lekar aayega Roopali ke sath aur kaha ab woh chintamukt ho chuka tha. Tabhi Rekha ji bhi rasoighar se ek bada doodh ka gilas aur wahi dawa wale laddu lekar chalti aai.
"Aur fir tujhe waha samay lag jayega na. Chal pehle ye khatam kar le aur main paise lekar aai teri kitabon ke aur school dress ke.", Woh sar par hath ferti jaane lagi toh 2 taraf se ek he awaaj aai. "Paise hain", seedhiyon par jaate Sanjeev bhaiya ne aur doodh ka gilas pakde Arjun ne ek sath yahi baat kahi toh Rekha ji dono ko bari se dekhti muskurati hui andar chal gai.
"Bhaiya daadi ne mujhe paise diye hue hai.", Arjun ne hanste hue kaha
"Chote mujhe bhi dadaji ne tum dono ke liye 10-10 hajar diye hai abhi toh tu tere wale apne pas he rakh aur jaldi se apna khana peena khatam kar.", Woh bhi hanste hue upar chale gaye. Lekin idhar Rekha ji bhi ek 100 ke noto ki gaddi haath me liye waha table par aai aur Arjun se boli.
"Ritu ke hath bheje the tere papa ne aur kaha tha ke Arjun ko dene hai. Ab ye sambhal aur agar waha se kuch pasand aaye toh fir le aana. Apne nana ji se milne bhi toh jana hai.", Jabrdasti he unhone woh paise Arjun ko pakda diye the. Arjun ne jaldi se apni maa ka gaal choom lia aur fir muskurate hue doodh ka gilas mooh se laga peene laga.
"Maa, ye nahi bada hone wala kabhi. Aap na isko sheeshi se he doodh laga dia karo jyada thik rahega.", Ritu didi Arjun ke dusri taraf aa kar baith gai aur uske baal kharab karti boli.
"Jaise mera beta kahe waise thik hai.", Rekha ji ne pehli baar kuch aisi baat kahi thi lekin Ritu ko toh kuch samajh nahi aaya. Fir Arjun ke saamne pade paise uthati hui boli.
"Ab ye itna bada ho gaya ki 500 se seedha hajaro me jebkharchi milne lagi? Mujhe college jaane ke liye 500 milte hain.", Ritu ko bhi pata tha ke woh paise kis liye hai. Kyonki wahi toh leke aai thi.
"Didi, aapko dene ke liye he toh rakhe the yaha maine. Mere pas pehle se he hai toh mujhe jarurat nahi. Apne liye he le lena aap bhi kuch.", Arjun ne ek hath se laddu uthate hue kaha aur dusre hath se Ritu ki ungliya noto ke upar band karte bola.
"Paagal hai kya? Ye tere he liye hain aur papa ne diye the.", Ritu muskurati hui wapis karne lagi aur idhar maa ke barabar he chai-coffee ki tray lekar Komal didi aa baithi
"Atcha fir aisa karte hai.", Arjun ne beech se gaddi ke 2 bhaag karte hue ek hath Komal didi aur dusra Ritu didi ki aur kar dia. "Aur aap dono ko agar mere se jara sa bhi pyaar hai toh fir ye pakad lengi. Maa aap keh dijiye didi se.", Arjun ki is harkat par dono behne he ek dusri ki taraf hairani se dekh rahi thi lekin Rekha ji ne Komal ke sar par hath fera aur Ritu ko bhi paise lene ke liye haan keh di.
"Par.. maa ye toh.." Ritu didi ne itna kaha toh Rekha ji ne he jawaab dia.
"Haan. Lekin isko apni daadi aur dadaji se itne he 2 baar mil chuke hai. Aur jaha tak mujhe pata hai iske purse me aur bhi honge. Pyaar se de raha hai toh rakh lo.", Ritu didi ka chehra shant hote he fir se kutil muskan se bhar gaya.
"Isko bolo ki 2000 aur de fir toh. Hum 8 log hai na toh 1500 harek ke. Maadhuri, Priyanka, Komal, Aarti, Tara, Alka, Main aur Roopali.", Ritu ki baat par Komal didi bhi muskurane lagi aur idhar daadi ke sath he Roopali bhi udhar he aa gai thi.
"Lao jara mujhe do ye.", Sanjeev bhaiya bhi shanti se chalte aaye aur Komal-Ritu se aadhi-aadhi gaddi lekar unhone ek taraf se badi lohe ki pin alag ki fir 100 ke 10 note nikal kar apni jeb me rakh liye. Daadi bhi dekh rahi thi ki unka bada pota kya kar raha hai lekin Arjun araam se laddu khaane me laga tha.
"8 nahi 10 log hai aur maine mere 1000 le liye. Ab tum 9 log apne barabar barabar 1000 baant lena.", Aur baaki 9000 Ritu ke hath me pakdate bahar chal diye un dono ko jaldi aane ka kehte hue.
"Hum 9 kaise hue aur ye bhaiya 1000 le gaye. Kitne chalak hain." Ritu nakhre se boli toh Kaushalya ji ne sath baithte hue kaha.
"Har samay jiske sath rehti hai usko tu bhool gai? Lekin tera bada bhai yaad rakhta hai.", Unki baat par sunte hue Ritu wapis se khus ho uthi ki sabko pata hai ke Preeti bhi unme se he ek hai. Jaldi se 10 note Roopli ki taraf badhate hue Ritu ne kaha.
"Lo ji apne bhai ki taraf se pehli rishwat me aapka hissa.", Roopali Kaushalya ji ki taraf dekhne lagi toh peeche se aai Lalita ji ne usko apne sath lagate hue woh paise pakad kar Roopali ke hath me thama diye.
"Ye sabhi shaitan hai aur ab tum bhi inme se he ho toh jaldi aadat daal lo nahi toh ye hissa dena toh dur ulta le jarur lengi.", Unki baat par Kaushalya ji ke sath he Rekha ji bhi muskura di.
"Atcha ye akeli inke sath jaayegi toh thik nahi rahega. 2 minute ruk Roopali main bhi aai aur fir sath he chalte hai.", Ritu sare paise wahi rakh apne kamre me daud gai aur Arjun hairani se dekhne laga ke ye kya ho raha hai. Kaha toh pehle woh aur Roopali jaane wale the. Ab Sanjeev bhaiya ke sath he ye Ritu didi bhi tayaar ho gai. Woh sar pe hath rakhta bahar nikla toh Sajeev bhaiya car ke sheeshe par kapda laga rahe the.
"Roopali nahi aai?"
"Aa rahi hai sath me Ritu didi bhi.", Arjun ne mooh banate hue kaha toh Sanjeev bhaiya ne kapda lagana band kia aur badi gaadi ki taraf badh gaye.
"Ab aapko kya hua? Dusri gaadi kyon saaf karne lage?", Arjun bhi unke peeche safari tak aa gaya.
"Tara ke sath Alka pehle se bahar khadi hai. Tu mere khayal se apni motorcycle par bhi kapda maar he le.", Gaadi ke andar se ek aur kapda Arjun ko thamate hue uhone kaha toh wo wahi khada sochne laga ke bhaiya ko kya ho gaya. Lekin jab galiyare se aati Roopali ke sath Ritu didi, Priyanka, Aarti aur Maadhuri didi ko dekha toh chupchap motorcycle ki taraf badh chala. 'Kya musibat hai ye?'
"Main aage baitungi." Tara chehakti si agli seat par baith gai aur Priyanka, Aarti, Maadhuri didi ek sath beech wali seat par. Alka ne Preeti ka haath bhi kheencha lekin woh pichli seat par nahi chadhi lekin andar Ritu aur Roopali ek sath baith chuki thi.
"Atcha toh fir yahi reh tu.", Alka ne thode gusse se kaha aur darwaja band karne lagi lekin Preeti ne woh pakad lia.
"Ruko toh didi, itni jaldi kya hai.", Aur uske peeche se Renuka bua andar aa baithi toh Preeti hanste hue darwaja band karti hath hilane lagi.
"Bua aap peeche comfortable ho?", Sanjeev bhaiya bhi thoda hairan the ke ye bhi sath chalengi.
"Haan Sanjeev mai bilkul thik hu yaha aur seat bhi bilkul sahi hai. Waise tumhe bata du ki ye sara plan Alka aur Ritu ne banaya tha thodi der pehle.", Unki is baat par Ritu aur Alka bhi hans di.
"Atchi baat hai na bua ji. Is bahane aap log ek sath ghoom loge nahi toh Roopali bhi kya pata comfortable hoti ya nahi. Waise Arjun ne aaj sabhi ko jeb-kharchi di hai", Sanjeev bhaiya ne apni jeb se woh 1000 nikal kar Tara ko diye toh usne woh peeche Priyanka didi ko thamaye aur unhone woh Renuka bua ko.
"Lekin main kyon jeb kharchi lene lagi Arjun se?"
"Rakh ko bua, sabko diye hai usne ye market me kharchne ke liye.", Ritu ne shararat se kaha aur unko aankh maar di.
.
.
"Aaj tum suit me?", Motorcycle par Preeti ko liye Arjun dheemi gati se shehar ki aur badh raha tha. Safed kurti aur laal salwar me woh pari si ladki Arjun ke peeche baithi muskaan bikher rahi thi.
"Woh kya hai ki suit me tum jyada shararat nahi kar sakte iske liye maine yahi pehan lia.", Honth chabati Preeti bol rahi thi aur Arjun gol sheeshe me uska damakta chehra dekh raha tha.
"Waise ye kya maamla tha jo tum sabhi log ek sath vaanar-sena ki tarah chal diye.?", Arjun ne majaak karte kaha toh ek baar toh Preeti ne gaal phulaye lekin fir Arjun ko hansta dekh woh bhi adaa se bol padi.
"Roopali didi Ritu didi se bola ke woh akeli nahi jayegi market. Unhone Alka didi ke sath mujeh aur Renuka bua ko ready kia. Tumhare ghar jab main aai thi toh tum nahi the lekin Alka didi ne Sanjeev bhaiya se jidd ki humko lekar jaane ki aur unhone kaha ke woh fir sabhi ko he lekar jaayenge aise aadhe log jaayenge toh woh nahi jayenge. Toh ab reh gaye the tum toh humne tumhe suprise dena he thik samjha. Waise bua ne mana kar dia tha lekin fir woh aakhir me tayaar ho he gai.", Arjun ko ab pata chala tha ke aaj usko he ullu banaya gaya aur is sabme Sanjeev bhaiya bhi in sabke sath the. Aur toh aur aaj fir woh badi gaadi me nahi baith paya tha. lekin Preeti sath thi aur woh is baat se he jyada khush tha.
"Waise tum log karne kya wali ho ab yahan? Mai toh school dress, books he lene aaya hu."
"Aaj jhulon ka aakhiri din hai, kapdo par bhi discount hai aur garmi ke naye kapde bhi aa gaye honge. Toh sabne yahi kuch lena hai. Haan woh tikki-golgappe jaisa bhi kuch bol rahi thi bua aur Ritu didi.", Arjun soch raha tha ke usko ye toh ye bhi nahi pata ke woh kya lega aur yaha ye sab 2 ghante pehle he sab tayaari kare baithe the. Fir woh halki masti-majaak karta Preeti ke sath he badi market pahuch gaya. Bhaiya ki gaadi bahar nahi thi toh apni motorcycle ko seedha gol chowk he le chala aur yahi gaadi ke bahar Sajeev bhaiya akele khade the.
"Preeti woh saamne he gai hai wo sab aur bol kar gai hai tumhe bhi waha bhejne ke liye." Bhaiya ki baat sunkar Preeti bhi udhar he chal di jaha sadak ke paar dukaane saji thi.
"Matlab aapne bhi in sabke sath milkar mera ullu banaya?", Arjun waise he baitha tha abhi tak motorcycle par. Sanjeev bhaiya ne hanste hue uski taraf dekha aur fir peeche baith gaye.
"Chal lemon peete hai waha fir baat karenge. Main bhi toh dekhu is par baith ke kaisa lagta hai.", Unki baat par Arjun bhi hansta sa market se aage badh chala unke bataye gali-sadak se hota. Kuch he der baad dono idhar market se pare ek panwadi ki dukaan par the jahan Arjun jeera-lemon ki bottle mooh se lagaye tha aur uske bhaiya cigrette.
"Ab gaanv se aane ke baad thoda dhyaan rakhna ghar pe. Roopali ko bhi utna he pyaar dena jitna sabhi behno se karta hai. Rishte ke hisab se toh woh hamari bua he lagti hai lekin daadi ne unhe goad le lia hai tere papa ki teesri beti ke taur par. Jaldi he naam aa jayega ration card par.", Arjun thoda hairaan hua unki ye baat sunkar.
"Bua? kaise"
"Woh daadi ke bhai ki beti hai. Toh unke bhai hamare lage dada aur unki beti?"
"Haan bua lagi fir. Lekin goad kyon?", Arjun dhyaan se bhaiya ko dekh raha tha.
"Kyonki ab unke maa-baap toh rahe nahi. Upar se 19 saal ki choti si ladki toh hai Roopali. Yaha usko ye poora pariwar milega aur Shankar chacha bhi apne mama ko bahot pyaar karte the. Ye samajh le ki jaise tu mujhse aur main tujhse karta hu. Aur main jaanta hu ke Roopali ko wahi izzatt aur pyaar dega jo Alka-Ritu ya baaki sabhi ko deta hai.", Cigrette ko paanv se bhujate hue uhone ek chewing-gum mooh me daalte hue kaha. Arjun ne bhi bottle khatam karke bahar lage lakdi ke carat me rakh di. Paise dene ke baad dono he wapis us aur chal diye.
"Thoda aage le, Manchanda Book Store hain waha. Pehle ye kaam nipta lete hain.", Gaadi se thoda aur aage motorcycle badhane ke baad ek bahut he badi dukan ke saamne Arjun ne roka toh woh ye dekh ke hairaan tha ki itni badi dukaan aur kitne saare log the udhar.
"Jyada soch mat aur ye bheed abhi badhegi. Chal jaldi se ek taraf laga is haathi ko aur andar aaja.", Bhaiya toh seedha he andar chale gaye aur lohe ki grill ke pas motorcycle lagate hue woh bhi andar chal dia. Andar toh jaise alag he duniya thi. Har taraf kitaabe, stationary ka samaan aur kitne he counter par 20 se jyada dukaan par kaam karne wale log.
"******* School ki medical aur non-medical ka ek set, kaksha gyarah ka.", Sanjeev bhaiya ki awaaj sunkar woh aage badha jahan aur bhi log the. Dukan ka maalik ek adhed sa beech se ganja vyakti tha. Halka motapa lekin chamakdar chehre wala. Yaha toh bill ke liye bhi machine lagi thi jispar woh badi vyastata me laga tha.
"Bhaiya, poore shehar me ek he dukaan hai kya?", Arjun ne dheemi awaaj me kaha lekin Sanjeev bhaiya ke jawab dene se pehle he peeche khade ek uncle ne kaha.
"Beta, dukaan toh bahot hai poore shehar me. Lekin bas ek ye he jagah hai jiski chatt ke neeche sabhi school ki harek kitab uchit daam me milti hai. Har school ke notice board par naam likha hoga 'Manchanda Book Store'., Arjun unki baat par sar hilata fir counter par dekhne laga jahan motti-motti kitaabo ke 2 set woh ladka rakhne ke baad unhe ek baar dekh raha tha.
"Haanji bhaiya. Ye toh ho gaye 2 set aapke. Aur ye rahi ******* school register kaapiyan.", Ek dozen uske school ka naam likhe register bhi usne sath he rakh diye.
"Bill karwa do aur fir dress ka bhi pata batao jara." Bhaiya ne itna kaha toh is ladke ne dusre wale ko ishare se kitaabe mukhya counter par le jaane ko kaha aur ek parchi par kuch likhne laga.
"Gol chowk ke thik saamne hai ye 'All Season' naam ki dukaan. Waise toh ready made bhi mil jayengi lekin iske naap ki toh banwani he padegi.", Us darmayane kadd ke ladke ki baat par bhaiya hans diye aur Arjun jhemp gaya. Sach me he woh is samay is bheed bhari dukaan me sabse alag he dikh raha tha.
"Dhanyawad bhai." Sanjeev bhaiya itna bolkar pravesh dwar wale counter par aa gaye. Arjun bhi unke thik peeche he tha aur unki kitaabe bhi wahi rakhi thi jinke bill woh uncle banane me lage the.
"Kitna hua inka Manchanda ji.", Sanjeev bhaiya ne unke aakhiri naam se bulaya toh najar upar karke woh uncle unhe dekhne lage. Yaha waise toh atchi khaasi kataar thi logo ki aur ye vyakti bhi vyast the lekin Sanjeev bhaiya ko dekhte he woh khade ho gaye apni kursi se.
"Arre Sanjeev bhai. Kaise ho yar tum toh dikhte bhi nahi ab?", Unki jagah ab shayad unka he jawaan bhai aa kar baith gaya tha kursi par aur ye mahashaya ek ladke ko pas bulate khud bahar aa gaye.
"Main bilkul thik hu aur aajkal kaam shehar ke bahar he rehta hai toh aana nahi ho pata. Aap batao, ghar aur dhanda kaise hain?", Manchanda ji toh hath pakad ke bhaiya ka bahar aa gaye idhar Arjun aur woh ladka bhi peeche aaye. Ladke ke haatho me kitabe thi jinhe sambhale woh bas pratiksha kar raha tha ke kab maalik hukum de ki inka kya karna hai.
"Chotu ye sahab ki gaadi me rakhwa de aur fir daraaj se checkbook leta aaio. Bhai Sanjeev ye kaam toh tumhe bhi pata hai ke bahut atcha hai aur ghar pariwar bhi kushal hai. Lekin uska kuch karo yar, pehle toh mahine me ek baar he tha lekin aajkal har hafte demand aa jati hai. Garg ke liye itna kuch kar dia jara apne purane logo ki madad bhi kar do.", Sanjeev bhaiya ne unki baat sunkar Arjun ki taraf dekha. Woh bas kuch he kadam dur khada tha.
"Chote, tu is bhai ko gaadi tak le ja. Peeche rakhwa dena sab samaan aur main wahi aa raha hu. Motorcycle aakhiri me utha lenge. Ye chota bhai hai Manchanda ji.", Sanjeev bhaiya ne itna kaha toh dono ne ek dusre ka abhivadan kia aur Arjun kuch sochta sa waha se chal dia.
'Garg kahi Sudhir ke chacha toh nahi?', itna dhyaan me aate he woh aage khadi safari ka pichla darwaja kholta kitaabe seat ke neeche rakhwa kar wahi khada ho gaya.
.
.
"Manchanda ji, dekhiye mujhe kuch nahi chahiye. Aapka kaam samjho kanooni kaam ke sath he ho gaya hai. Aadha toh aaj main kar aaya hu aur baaki kal ho jayega. Woh kisi se ab hafta-mahina kuch nahi lega. Garg se toh len-den tha ek jameen ka aur usne keemat adaa kar di thi jameen uske naam karwane ki. Aap apne ho aur apno ke sath vyapaar nahi hota. Kal ke baad koi phone nahi aayega is Lok-dal ka.", Sanjeev ki baat par in vyakti ke chehre par shaanti si aa gai thi. Woh Sanjeev ke kandhe par hath rakhte hue saamne lagi grill tak aa khade hue aur idhar woh chotu ek checkbook aur pen lekar unke pas aa khada hau. Manchanda ji ne pen se rakam likhte hue dastkhat kiye aur Sanjeev bhaiya ke hath me jabardasti rakh dia.
"Bhai le lo yar. Meri taraf se gaushala me daan samajh kar rakh lo.", Sanjeev bhaiya hairani se unhe dekhne lage. Ye baat abhi ghar tak he toh thi.
"Jyada socho mat Sanjeev bhai. Woh thekedar aaya tha dopahar ko apne bacho ke sath aur usne he bataya ke Shankar ji ne jald kaam shuru karne ko kaha hai kisi Gaushala ka ##### gaanv wali jameen par. Bas choti si bhent samajh lo yar. Mujhe pata hai tum paise kaam ke toh loge nahi. Aur jara humko bhi milao Pandit ji ke chote nawaab se.", Sanjeev bhaiya ne muskurate hue woh check apne batue me rakha aur ishare se Arjun ko apni aur bulaya.
"Arjun, ye hain apne Manchanda ji. Rajender Manchanda model town wale. Pariwar ke purane hiteshi aur Narender chacha ke bachpan ke dost. Aur Manchanda ji Arjun pehle hostel me he tha aur ek saal se he ghar par hai. Iske liye he kitabe li gai hai.", Chacha ke dost hai sochkar Arjun ne unke paanv ki hath lagane ki koshish ki toh inhone khud he Arjun ko rok dia.
"Jeete raho beta lekin paanv choone ka paap na karo. Pandit ji ke ghar ka khoon hamare peiro ke hath nahi laga sakta. Aur school-college ka koi kaisa bhi kaam ho toh tum he khud aa jana, bina hichak ke. Apni he dukan samajhna." Arjun ne bas gardan haan me hila di. Itne me he dukan ke bahar se ek ladke ki awaaj aai toh Sanjeev bhaiya ne hath jodd kar jaane ki ijajat li. Dono ne ek baar hath milaye aur ye vyakti khushi ke sath andar chal diye.
.
.
"Shehar me aisa koi hai jo nahi jaanta ho apne pariwar ko bhaiya?", Arjun ko hairani thi ke aakhir uska pariwar kaisa hai.
"Bhai dekh jyadatar jo purane log hai na apne shehar me, wohi bas dadaji ki wajah se jaante hai. Aur mera kaam bhi hai corporate insurance dene ka toh ye bade log hai jinki aamdani atchi hai isliye kabhi kabhi thode jyada paise ke lalach me insurance claim karwa lete hai, apni jagah ya property ko nuksan pahuncha kar. Abhi ye Garg, jiske baare me baat ho rahi thi, iski gatte ki factory me aag lag gai thi toh uska 3 crore dilwaya tha usko. Kaam hai toh log pehchaan lete hai aur thodi bahot izzat karte hai.", Arjun ne unki baat se sehmati jata di aur fir dono apne behno ki taraf chal diye.
"Roopali, gudiya jara hamare sath saamne tak chalo. Tumhari school dress bhi leni hai.", Sabhi ladkiyan golgappe aur bhelpuri wale 2 thelo ko ghere khadi thi. Bua aaj bhi teekhe pani wale golgappe khaane me vyast thi aur baaki sab bhi. Kuch ladke aaspas se gujarte hue dekh bhi rahe the unko. Koi motorcycle par toh koi scooter wale. Arjun ko un logo ka aisa ghoorna atcha nahi lag raha tha lekin woh shant tha bhaiya ki wajah se. Roopali ka chehra bhi bata raha tha ki usko bhi idhar aa kar atcha laga tha. Fir ye dono baaki sabko bolkar wahi park ke saamne stith 'All Seasons' naam ki us dukaan par chale gaye. Yaha par Roopali ke naap ki toh dress turant mil gai thi lekin Arjun ka maap lia gaya. Shariwar ke liye lagne wali safed vardi ki ek jodi aur baaki dino par lagne wali neeli-safed kameej/Neeli pant aur skirt ki 2-2 jodi ka bhaiya ne bhugtan kar dia. Pata likhwane ke baad 2 din baad aa kar lene ka bol kar teeno he wapis gaadi ki taraf aa pahuche.
"Aap sabhi ka ho gaya ho toh chale kya?", Arjun ne jaise he ye baat kahi toh sabhi usko dekhne lagi.
"Jhoole nahi liye hai abhi. Aur hum jhulo ke liye he toh aaye hai.", Alka didi ki baat par Arjun ne apne sar par hath rakh lia. 7 baj chuke the aur inhe abhi jhule bhi lene the.
"Mujhe nahi lene aur maine sabhi samaan le lia hai.", Roopali ne bataya toh Arjun ko kuch yaad aa gaya.
"Bhaiya aap in sabhi ko jhule dilwa ke jaldi faarig karo main Roopali didi ke sath jara maa ka samaan lekar aaya.", Bina Roopali se ijajat liye Arjun ne kaha toh ek pal ke liye woh bhi usko dekhne lagi. Fir yaad aaya ke woh uska chota bhai hai toh sehaj ho gai. 'Didi, ek minute aap yahi rukiye main motorcycle lekar aaya."
Sanjeev bhaiya sabhi ladkiyon aur bua ke sath park me chale gaye aur idhar Arjun motorcycle par Roopali ko lekar apne dost Sudhir ki dukan par aa gaya.
.
.
"Andar aa jaiye didi. Hume thoda samay lag sakta hai yahan par.", Darwaja kholkar usne Roopali ko andar bula lia aur fir apne dost se hath milate hue mila.
"Bhai, aisa hai kal main maa ke sath gaanv jaa raha hu. Dono me se koi bhi cheej tayaar hui kya? Mujhe maloom hai tune kal ke liye bola tha lekin mujhe laga ke agar suit nahi bhi hua hoga toh blouse toh mil he jayega.", Arjun ne counter par jhukte hue Sudhir se kaha toh woh muskurane laga.
"Aisa hai bhai. Tu na kismat wala hai. Tailor aunty kal se chutti par jaa rahi hai toh unhone kal raat bhi overtime kia aur aaj subah se bhi woh grahako ka order poora kar rahi hai. Main dekh kar aaya ke tera kitna baaki hai. Unke sath 3 aur log bhi silaai karte hai toh shayad ek kaam toh ho he gaya hoga.", Itna bolkar woh andar ki taraf chala gaya aur Meena waha aa khadi hui.
"Hello sir. Madam ke liye kuch lene aaye hai aaj?", Usne shishtachar se ye baat kahi toh Arjun ne haan me sar hila dia aur Roopali jo pehle yaha itne atche kapde lage dekh rahi thi uski baat aur Arjun ka jawaab sunkar hairat me padd gai.
"Didi, Ritu didi logo ke sath aapne shayad kuch kapde liye honge ghar ke liye. Aap yaha se bhi apni pasand ke suit le lijiye. Daadi ne kaha tha isliye main aapko le aaya. Jo bhi aapko atcha lagta ho.", Ab Roopali ko baat samajh aai thi ki bua/daadi ne Arjun ko bola hoga. Fir thoda sakuchati si woh Meena ke sath chali gai. Idhar Sudhir bhi muskurata hua aa gaya aur uske sath he tray me paani lekar chotu bhi.
"Bhai blouse toh subah he ho gaya tha aur suit ke gale ki turpaai ho rahi hai fir 10 minute me woh bhi mil jayega. Aur chotu, ye hamre dost hai. Inke liye juice le aao aur didi ke liye bhi. Arjun bhai bas 5 minute baith main aaya.", Arjun ne muskurate hue sar hila dia aur wahi ek taraf wale sofe par baith gaya jahan se Meena aur Roopali didi dikh rahi thi. Roopali ek peele-safed suit ko dhyaan se dekh rahi thi lekin fir usko ek taraf rakhte hue sadharan sa halka saaf sa suit ek taraf rakh lia. Aise he woh kuch suit dhyaan se dekhti lekin fir kisi sadharan se feeke rang ke suit ko apni taraf rakh leti. 3 suit pasand karne ke baad woh Meena ko bolkar Arjun ke paas chali aai.
"Bhai maine woh 3 pasand kiye hai aur aap bhi unhe dekh lo jara.", Gaanv ke parivesh se thi toh usme bhi jijhak thi ki shayad usko aise he suit lene chahiye.
"Atcha toh aapne ye pasand kiye hai?", Arjun ne woh teeno he suit neeche daraaj ki aur rakhte hue ek taraf ke dher se 5 suit nikaal liye aur Meena ki taraf dekha jo Arjun ko he dekh rahi thi. Uski peni najar par Meena bhi khush ho rahi thi.
"Meena ji, ye 5 silwa dijiye aur main Sudhir se baat kar leta hu. Haan inke sath agar aur kuch bhi aata ho toh aap didi ko sath leja kar apni marji se de dijiyega. Parchi Sudhir ke pas le aana.", Arjun itna bolkar waha se apne dost ki pas chal dia aur Roopali hairaan si usko dekhti rahi. Ye ladka hai kya cheej jo uski pasand ko itne bade dher me bhi safaai se nikal laya.
"Madam, Ye Sir hamare chote maalik ke atche dost aur regular customer hai. Aapki didi aur maa ko bhi leke aaye hai pehle aur kuch rishtedaro ko bhi. Fashin ki atch samajh hai inhe.", Mahilao ke antarvastro ke us chote se counter, jaha purusho ki manahi thi woh Roopali ko udhar le aai. Roopali abhi tak chup he thi.
"Aapka size madam?", Meena ki baat par jab Roopali ne naa me gardan hilai toh woh chehre ko sadharan rakhte hue he inchitape se Roopali ka maap lene lagi. Roopali ko is sabme badi sharam aa rahi thi. Uske sharir ko ek parai ladki hath laga rahi hai jo usne socha bhi nahi tha.
"32-B aapka seena hai meri samajh se aur 34 hips hai. 26 waist hai toh cotton elastic ki panty aur upar aap safed bra pehan sakti hai in jyadatar suit ke sath. Ye jo black-red wala hai iske sath mere hisab se black bra he thik rahegi.", Bina Roopali ki rajamandi liye Meena Arjun ki baat ka he anusaran karti 2 safed bra aur ek kaali ke sath 3 ke packet wali badhiya gunnvatta ki panty bhi ek kaale bag me daal kar counter se bahar aa gai.
"Ye sab yaha sabke saamne he log kharid lete hai yaha?", Roopali ne apni jigyasa jahir ki. Najar jameen par he gadi thi.
"Mam, showroom me sara samaan jurur hai lekin ye ladies section hai toh yaha sirf mahilaye he aa sakti hai. Aur fir ek ladki ka dusri ladki se sharmana kis baat ka? Aap apne kapde le rahi hai aur main woh dikha kar aapki pasand ke aapko bech rahi hu. Chaliye ab aap apna maap de dijiye.", Roopali sar halke se hilati andar aa gai thi udhar Sudhir ke sath Arjun dukaan se bahar ek kone me baatein kar raha tha.
"Bhai ye bata ke tumhari koi Gatte ki factory bhi thi kya?" Arjun ki baat par Sudhir ne haan me jawaab dia.
"Lekin bhai tujhe ye kaise pata? Woh toh kab ki band ho chuki hai, aag lagne ki wajah se.", Sudhir ki baat par Arjun ab muskura dia tha.
"Bhai woh jo tu keh raha tha na tere chacha wali baat. Unhe factory ka insurance ka claim mila tha. Aur fir jaha tak mujhe lag raha hai tumhare chacha ne woh paisa fir kahi lagaya hai. Kisi jameen ya karobar me. Aur jinko tune dekha tha unke office me woh mere bade bhai hai. Mujhe shak tha thoda unpe lekin aaj pata chala ke woh ye sab kaam karte hai.", Arjun ko bade dhyaan se Sudhir dekh raha tha aur uski baat par vichar kar raha tha.
"Lekin itna paisa 3-4 baar kahi bhejna aur fir mere poochne par sahi se jawaab nahi dena toh alag baat hui na bhai. Baaki main bhi pata lagata hu aur tu bhi ho sake toh meri baat ki gehrai ko samajhna. Ho sakta hai ye aadha he sach ho.", Sheeshe se andar ki taraf najar daali toh Roopali shayad Arjun ko he dhoond rahi thi. Dono he ab andar aa gaye lekin Arjun ko bhi uska aise Sudhir ko ye sab batana jaldbaaji he laga. Uski baat bilkul thik thi ki claim hua toh paise aane chahiye the lekin idhar toh woh paise gaye the.
"5 cotton ke suit aur innerwear. Silwai samet hue bhai 5500. 900 ke hisab se suit aur baaki 1000 rupaye ka samaan alag.", Roopali ko sofe par baithane ke baad Arjun counter par hisab karwane laga toh Sudhir ne sab bataya. "Aur bhai ye suit milenge 4 din ke baad."
"Didi, 4 din ke baad milenge ye sab. Thik hai na?", Arjun ne thodi duri par he baithi Roopali se araam se he poocha tha.
"Haan. Thik hai.", Itna bolkar Roopali wahi khadi Meena se kuch pooch bhi rahi thi, lekin dheemi aur gambhir awaaj me.
"Atcha fir bhai milte hai. Abhi toh main bhi 4 din ke liye apne nanihal jaa raha hu. Aane ke baad main he le jaunga ye suit.", Sudhir ne Rekha ji ke blouse aur suit ko atche se pack karwa dia tha. Arjun ne bhi 10000 ki gaddi se 55 note gin kar Sudhir ko thamaye aur fir Meena ko bhi 200 rupaye pakdate hue dhanyawad kia. Sudhir ne bhi le lene ka ishara kia toh Meena khud thank you bolti muskura di.
"Chalo didi aur ye bhi aapko pakadna hoga. Maa ke kapde hai.", Arjun ne woh packet Roopali ko pakdate hue motorcycle start ki toh kuch pal ruk kar Roopali bhi baith gai.
"Bhai, araam se chalana. Mujhe baithna nahi aata atche se.", Ek hath se motorcycle ka carier pakadti woh baithi toh Arjun ne waise he peeche mudkar dekha.
"Aap na ek hath se mujhe pakad lo aur samaan goad me rakh ke ulte hath waha rakh lo.", Muskura kar usne kaha toh Roopali uski baat sunkar sankoch ke sath bas halke se uski kamar par hath rakh ke baith gai. Ye uske liye bilkul alag tha. Subah se woh mushkil me thi ki jaane kaisa pariwar hoga lekin idhar toh sab uska aise khayaal rakh rahe the jaise woh choti bachi ho. Ritu toh usko alag he nahi karti thi aur Preeti ne toh aaj usko jaane kya kya dila dia tha. Gaanv me woh padhai aur chulhe ke sath he thi aur jyada se jyada kabhi woh aas-pados me apni saheli se batiya leti thi.
"Didi, dekho ghar pe toh ab aap sabse mil he chuki ho lekin aapko jo bhi chahiye ho ya kahi jana ho toh hamari maa, Komal didi aur Daadi se keh dena. Main toh saamne he rahunga lekin shayad aap mujhse jhijhakt ho toh shayad na kaho. Ab hamari maa bhi ek he hai toh fir farak mat samajhna.", Arjun araam se motorcycle chala raha tha lekin peeche baithi Roopali ki aankhon se jhar-jhar aansu tapak rahe the jinhe woh rok nahi paa rahi thi. Woh gali khatam hone he wali thi ki Arjun ko hichki ki awaaj aai. Motorcycle ekdum rokte hue woh saamne se paanv ghumata utra aur side stand par lagi motorcyle par baithi Roopali ka chehra dekhne laga.
"Pata hai daadi kehti hai ke rona tabhi chahiye jab dard sehan na ho. Aur hume dard hone se pehle he uska hal khoj lena chahiye. Aapka ye bhai ek din purana jarur hai lekin ye bhi aapki aankhon me ye aansu nahi dekh sakta. Please aap khud ko shaant kariye aur hum ghar chal kar baat karenge. Aaj se aapki aankhon me aansu nahi aane chahiye. Is se ye mehsoos hota rahega ke aapne abhi tak humko pariwar nahi mana.", Khud he badi aatmiyata se woh unke gaal saaf karta bola toh khamosh si Roopali ke chehre par bhi choti si muskaan tair gai.
"Ab lagti ho aap bandariya. Jaise Ritu didi lagti hai rone ke sath he hansti hui.", Unke sar par hath ferta woh bhi khud ki kahi baat par hansta hua wapis udhar aa gaya jaha gaadi khadi thi. Lekin abhi bhi waha koi nahi aaya tha.
"Chalo dekhe inke jhule khatam kyo nahi hue.", Unka hath pakad ke apnepan ke sath woh park ke andar aaya toh khud Sanjeev bhaiya bhi hawa me jhoolti Naav me sawaar hue jhulo ka maja le rahe the. Ye toh shayad kisi ne nahi dekha tha. Arjun bas muskurata unhe dekh he raha tha ke sath me aa khadi hui Ritu didi boli.
"Shart haar gaye the lekin dekho kaise maje le rahe hai ab bhaiya bhi. Camere wale se humne photo utarwa li hai unki.", Arjun hairani se unki taraf dekhne laga.
"Shart? Kaisi shart?"
"Preeti ke sath ice-cream ki shart thi bhaiya ki. Bhaiya ne kaha tha ke 'gudiya kya keedi ki tarah khaa rahi hai, tere se jaldi yaha koi bhi kha lega.' Preeti ne shart lagai thi ki agar woh us se pehle 5 cup khaa jayenge toh woh kabhi ice-cream nahi khaayegi." Ritu didi ne hanste hue kaha aur pas khadi Renuka bua ne bhi haami bhar di. Udhar Sanjeev bhaiya jhule wale ko aur tej karne ko bolte hue is tej gati se hawa me jhoolti badi naav par baaki sabke sath maje le rahe the. Priyanka aur Maadhuri didi toh darr ke cheekh rahi thi wahi Alka, Preeti aur Tara halla macha rahi thi chote bacho ki tarah.
"Matlab Preeti ne 5 cup kha liye the?", Arjun ne dono ki taraf dekha.
"Bhaiya ne 8 aur Preeti ne 11 cup. 5 cup tak toh dono he barabar the lekin uske baad Preeti double speed se shuru ho gai thi. Bhaiya bhool gaye the ki uska aadha khoon bahar ka hai.", Ritu didi ki baat par Renuka bua ne hanste hue Ritu ki baah par chunti kaat di thi bahar ke khoon wali baat par.
"11? Sach me? Ye toh aadhi plate pulav bhi aadhe ghante me khaati hai aur itni tej? Bhaiya 10 minute me 5 roti khatam kar lete hai. Fir Preeti ne jhule ki saja di?", Arjun ki utsukta badh gai thi aur udhar jhule ki raftaar bhi.
"Nahi. Saja toh thi ki jaise woh school me jhoola jhulte hue maje lete the waise he lena hoga. Aur ye unka chautha jhoola hai.", Ritu didi ki baat khatam hone ke baad bas woh sabhi jhule ke taraf he dekhne lage the. Koi 5-6 minute ke baad woh log neeche utre toh Arjun ne bhaag kar agle counter par jaate Sanjeev bhaiya ko pakda.
"Ruko ruko. 8 se upar time ho gaya hai aur aapne abhi bhi jhule lene hai.?", Arjun ki baat par woh toh ruk gaye lekin Preeti ne 12 ticket le liye lambe dragon wale jhule ke.
"Abhi ye aakhiri hai toh is par sabhi chalenge. Aur jiska dil kamjor hai woh neeche reh jaaye yahi.", Uski baat sunkar Ritu didi aur Renuka bua bhi un sabke sath ho liye. Aur Sanjeev bhaiya ne toh jana he tha jinhe aaj itna maja aa raha tha apni behno ke sath aise hansne khelne me. Waha reh gaye bas Arjun aur Roopali toh Arjun bhi unka hath pakad kar us bade jhule ki taraf aa gaya jaha sab katar me the aur Preeti ticket dikhati Ritu didi ke sath sabse pehle upar chal di.
"Mujhe darr lagta hai aur main pehle kabhi nahi baithi hu.", Roopali ne dheemi awaaj me ye baat kahi thi. Woh sach me he ek saaf-dil aur bholi si ladki thi. Duniya se bilkul anjaan aur apne jiwan ke 19 saal bas apne gaanv me bitane wali.
"Daro mat didi. Main aapke sath he hu aur waise bhi ye bas ek jhula hai.", Unhe himmat deta woh pehle unhe upar chadhane ke baad khud bhi aa gaya. 2-2 ke kram se sabhi log baith gaye the seat par aur fir ek gol patri, jo hawa me 6-7 feet unchi thi uspar woh dragon railgadi ki tarah gol chalne laga. Abhi tak toh sabhi thik he the lekin 2 minute ke baad he Maadhuri didi ki cheekhne ki awaaj aai jo Aarti se chipki hui thi. Unke sath he aur log jo kamjor dil ke the woh shuru ho gaye the. Lekin Sanjeev bhaiya apni jagah se uth kar beech ki khali jagah me khade ho kar Tara, Alka ke sath halla karne lage the. Ye shayad 100 ki raftaar se ghoomne laga tha aur gol chakkar ki wajah se jyadatar logo ke sar ghoomne lage the. Roopali toh darr ke maare Arjun ki baah se chipak gai thi lekin himmat karke woh cheekh nahi rahi thi.
"Daro mat. Dekho ye ek sirf golai me ghoomti gaadi he hai. Aap sirf idhar mujhe dekhne ki koshish karo aur najre mat hatana.", Roopali koshish karne lagi thi uski baat sunkar. Pehle logo ki awaaj aur dragon ke ghoomne ki taraf dhyaan tha lekin ab woh khud ko kaabu me rakhte hue Arjun ko dekhne me lag gai thi. Kuch he pal me jab jhoola ruk gaya toh Roopali ka dhyaan alag hua. Sach me uska darr khatam ho chuka tha. Sabhi neeche utar aaye toh ghar jaane ki jaldi me seedha gaadi ki aur bhaag liye. Arjun peeche Sanjeev bhaiya aur Roopali ke sath aa raha tha.
"Aaj fir kaisa laga aapko?", Arjun ne ye baat kahi toh Sanjeev bhaiya hans diye.
"Laga ke shayad main bhi zinda hu. 10 saal baad maine ye sab kia hai. Pehle main, Maadhuri, Priyanka, Ritu aur Alka aaye the aakhri baar. Us samay tujhe ghar he chodd ke aaye the. Khoob maje liye the humne un jhulo ke aur woh shayad mela tha diwali se pehle bade ground me.", Sanjeev bhaiya ki baat sunkar Arjun bhi kuch sochta sa bola.
"Aap pariwar me reh kar bhi aise jee rahe the aur main pariwar se dur rehkar. Shayad hamari haalat ek he jaisi thi bhaiya. Lekin pariwar se jyada khushi kahi mil nahi sakti. Khud he dekhiye in sabko, sara din ghar ke kaam. Koi college koi roti-khaane me he din nikal leti hain. Aaj hum sab yaha hai toh waisa he lag raha hai jaise ek sath park me jaate the gol chote jhule ko aap tej ghumate the aur Alka-Ritu didi halla karti, Maadhuri didi rokne ke liye gidgidati thi. Samay nahi badalta bhaiya bas jimmedariyan aane ke sath hum khud me chupe us bachpan ko maar lete hai. Iska zinda rehna he zindagi hai.", Arjun ne motorcycle par chabi lagai toh Sanjeev bhaiya ektuk apne is chote bhai ko dekhne lag gaye the jo itni badi baat araam se kehta aage chal dia tha.
"Sach keh raha hai tu bhai. Maine kya soch kar aisa kia tha woh toh pata nahi lekin ab waise he rahunga jaise tu keh raha hai. Zimmedariyon se samay nikaal kar akela bahar rehne se atcha wahi karunga jisme mujhe maja aata tha bachpan se. Thank you.", Gaadi ke andar baith kar unhone khud he CD player ka button daba dia tha.
"Aap bhi baith jao yaha mere peeche. Woh sab poore ho gaye hain.", Arjun ne Roopali didi ko baithne ko bola kyonki Preeti ne usko hath hila kar bata dia tha ke woh gaadi me baith gai hai. Roopali is baar waise he baithi jaise Arjun ne pehle bataya tha.
"mera samaan gaadi me he hai jo pehle kharida tha."
"Gaadi hamare ghar he jaayegi didi. Aap befikar raho aur ghar jaane ke baad aapka dil kare toh aap mera kamra le sakti hain. Main Sanjeev bhaiya ke ya pichle 3 kamore me se kisi me bhi chala jaunga.", Dono he market se bahar aaye toh sadak par beech me roshni jagmag thi. Street light ki kataar se dono taraf ki sadak santri roshni se bhari hui thi, jaha abhi tak atcha khasa traffic tha.
"Neeche kamro me kon kon rehta hai?", Roopali ne ye baat poochi toh Arjun ne saare ghar ka naksha bata dia. Ye bhi ki baithak kisi ka bhi kamra nahi hai aur dada-dadi ke bagal wala kamra mehmano ke liye ya fir jab bua aati hai toh unke liye rehta hai. Upar 3 kamre peeche aur ab 3 aage the. Drawing room ko Tara ke liye kamra he bana dia tha.
"Waise mera kamra jarur hai lekin main poore ghar me jaha dil karta hai wahi so jata hu. Waha sirf mere kapde aur samaan he rehta hai.", Arjun baat kar raha tha aur Roopali unke sath he chal rahe scooter par aage khadi ek choti ladki aur apni pati ke peeche baithi aurat ko dekh rahi thi. Is drishya se uski aankh se halka sa paani aa gaya tha jisko Arjun ne sheeshe se dekh lia tha. Naye shehar ko jaate pull par se gujarte hue Arjun ne raftar halki karte hue kehna shuru kia.
"Didi, mujhe nahi pata ke kisi insaan ko khone ka dard kya hota hai. Aur andar se kya mehsoos hota hai ye bhi nahi pata. Hum apne pariwar se pyaar karte hai aur har sadasya sabki parwah karta hai. Lekin hum sab jaante hai ke ye jiwan anant nahi hai aur kabhi bhi saans ruk sakti hai. Aapke pita he aapke liye aapki duniya the. Un ka aapki duniya se chale jana ek tarah se asehaniya he hai. Lekin ye bhi utna he sach hai ke agar aap unse pyaar karte ho toh woh hamesha aapke dil me he rahenge aur jab tak aapki saansein hai woh jinda rahenge. Aapke rone se ya dard mehsoos karne se kya unhe atcha lagta hoga? Main aapko nahi rokunga rone se kyonki aapne bahot kuch khoya hai lekin bas is baat par vichar karna ke duniya aapke saamne hai. Unka naam roshan karna chahti ho aap ya fir khud ko kasht deti rehkar unhe dukh dena.", Pull se neeche utar kar Arjun ne motorcycle rokte hue apna rumaal unke saamne kar dia. Roopali ke gaalo se aansu tapak rahe the lekin fir khud he woh unhe pochti hui Arjun ke gale se lag gai. Ek sahara har toote insaan ki jarurat hoti hai aur Roopali ko woh mil chuka tha is chote samajhdar bhai ke roop me. Unhe chup karane ke baad Arjun ne ek baar fir atche se unka chehra saaf kia aur sab samaan sahi se unhe pakdane ke baad fir se ghar ki aur chal dia.
"Waha bhi bapu se sirf raat ko he toh baat hoti thi. Sach kahu toh mujhe yaad bhi nahi ke kabhi unke pas bhi main soi houngi. Fasal ke samay toh woh khet par he sote the aur meri Taai ya unke bache hamari taraf aate he kaha the. Moti tha ek hamara kutta usko bhi kisi ne maar dia tha 2 saal pehle toh fir apne bapu ke liye khana banane aur kitabe padhne me he samay nikal gaya. Woh pyaar bahot karte the lekin kehte nahi the. Aur maa jaane ka gum aur mere khud ko sambhaal lene ke kaaran unhone ek tarah se ghar se duri bana li thi. Mujhe pyaar bhi bahot karte the lekin..", Roopali itna bolti bas Arjun ki peeth se lag ke shaant ho gai thi. Ab usko darr nahi lag raha tha aur usne soch lia tha ke zindagi kaise jeeni hai.
