Update 195 (B)
Pehla Panna
"Tu bhi baat kar le, Arjun he hai line pe.", Phone Umed Singh ki haweli par milaya tha Arjun ne aur apni daadi se dher sari baatein karne ke baad wo phone rakhne he wala tha ki khud Kaushalya ji ne usko rok kar Ritu ko bulwa liya. Wo waha aayi toh kuch sakucha si gayi apni daadi ki baat par. Unhone sirf usko he bulwaya wo bhi Arjun se phone par baat karne ke liye?
"Main baad me kar lungi na daadi. Waise bhi aaj he toh gaya hai aur kya baat karungi main is bhondu se.?", Arjun line ke dusri taraf ye awaaj sunn kar he khush ho raha tha aur Ritu dwara diye gaye har naam se usko khushi he milti thi.
"Main kya jaanu ke tujhe kya baat karni hai? Haan tu araam se baat kar main jara dekhu Purnima kaha uljhi hai.", Kaushalya ji ne jis andaaj me ye kaha tha Ritu ka kaleja he mooh ko aa gaya. Phone ka handle pakadte hue uske hath halke se kaanpe jo uski daadi ne bhi dekhe par wo mand mand muskurati hui yaha se bahar chali gayi.
"Hee.. Hellooo.", Ritu ne jis tarah se kaha tha Arjun ne adrishya chumban kar diya us awaaj par.
"Kya kar rahi ho? Aur bhondu bula rahi thi mujhe?", Arjun ne thodi gambhir awaaj me bola.
"Ho nahi kya tum? Waise tayaar he hui hu abhi aur yaha bahot saare log aaye hai. Haweli se bhi sabhi log hai aur kuch gaanv ke bhi. Tum motorcycle kyun le kar gaye?", Ritu baat karte hue idhar udhar bhi dekh rahi thi jaise koyi usko dekh na raha ho.
"Wahi gulabi dress pehni hai na jo maine di thi? Tum usme sachmuch pyaari lagti ho. Aur idhar mere paas bhi tumhari tarah aur koyi nahi hai.", Arjun ne sirf apni kahi thi aur sawal ka jawab diye bina. Ritu dusri taraf thik usi paridhan me thi jaisa Arjun ne kaha tha. Uski baat sunn kar gaalo par alag he gulabipan ubhar aaya Ritu ke. Ek bar fir darwaje ki taraf kisi ke na hone ki pushti karte hue usne dhime se hontho se awaaj ki jagah chumban kiya.
"Mujhe dekhne ke siwa koyi aur kaam bhi kar liya karo. Yaha sabhi hai Arjun aur tum kal din me phone karna Preeti ke ghar wale number par. Udhar PCO hai koyi?", Arjun ye sunn kar muskurane laga ki Ritu ko ghabrahat hoti hai aise premika ki tarah baat karne me.
"Tumhe motorcycle kyun chahiye tha?",Arjun ne dusri baat he kar di.
"Wo Babita didi pooch rahi thi tumhare baare me. Unse baat karwau kya?", Ritu ne galiyare se aati Babita ko dekh kar kaha lekin fir Babita kisi ki awaaj se palat kar wapis chali gayi toh Ritu ne thandi si aah bhari.
"Matlab wo chali gayi? Haan toh Preeti ke ghar reh kar padhne wali ho?"
"Huh. Ab rakhti hu aur ye daadi kaise baat kar rahi thi?", Ritu ne jikar kiya toh Arjun ko bhi thaska laga yaad karte he.
"Unka wahi jaane aur maa ka khayaal rakhna. Kal dopehar me baat karte hai Preeti ke ghar."
"Thodi der so jana Aaru aur maa ghar jaane ke baad baat kar lengi.", Ritu ne aage koyi jawab sune bina line kaat di. Arjun bhi uth kar wapis bahar chala aaya jaha Anamika chachi ne uske liye toliya nikaal rakha tha. Ab unka ghoongat chehre tak nahi tha, sirf sar dhaka tha.
"Matlab aangan me chehra dhakna padta hai aapko? Aur chacha kaha gaye?", Arjun ne dekha ki Krishneshwar ji ek taraf us aam ke vriksh ki chhaav me kisi khaas vyakti ke sath baithe hukka gudguda rahe the aur Devaki ji viprit disha me bane baade me apni dekhrekh me Meena se pashuo ko chara khilwa rahi thi. Wo darwaje par rehne wala vyakti idhar nahi tha. Anamika chachi ka saral aur khoobsurat chehra Arjun ki baat par damak utha.
"Najar utarte samay meri najar bhi lag sakti hai. Bahar ki hu na isliye chehra dhaka hua tha.", Kitni saralta se unhone aisa keh diya ki wo is ghar ko vansh dene ke bawjood bahar ki hai. Arjun ki peshani par lakire ubhar aayi ye sunn kar.
"Aainda aisa mat kehna chachi ki aap bahar ki ho. Is ghar ki asli lakshmi ho aap jiski wajah se ye ghar ek pariwar hai, khandhar nahi. Aap bhi jaanti hai ki hamara ankaha rishta devar bhabhi jaisa hai aur jis din aapka lagan hua usi din aap pariwar ka chehra ban gayi thi. Ab Niketan bhi bahar ka hoga fir is hisaab se?", Arjun ke aise tunakne par Anamaika ki hansi chhoot gayi aur wo hansi dekh Arjun bas unke chehre me he kho gaya. Iska bhaan hote he Anamika ne toliya khinch kar usko hosh dilaya.
"Naha lo ja kar aur tum sachmuch bahot he bhole ho jo majaak nahi samajhte. Ghoongat ke liye toh badi maa (Kaushalya ji) ne wahi par maa ji ko samjha diya tha. Lekin shagun ke samay toh itna kar he sakte hai. Idhar wale kamre me tumhara samaan rakhwa diya hai aur nahane ke baad khana jab kaho laga dungi. Ab jao, mere chehre par kuch nahi laga jo dekhe ja rahe ho.", Anamaika sachmuch jeena seekh gayi thi Pandit ji ke sansaar me rehne ke baad. Arjun bhi unke dwara dhakele jaane par hansta hua sa pichle hisse ki aur chal diya. Anamika ko jaise he kuch yaad aaya toh wo Arjun ko tokne he wali thi lekin idhar wo ja chuka tha aur udhar Devaki ne awaaj laga di.
"Bahu, tere pita ji ke liye chai rakh de. Damini ne sabji kaat di hogi, wo bhi chadha diyo.", Aur Anamika ke dimag se Arjun ek pal me he nikal gaya jisko wo kuch kehne wali thi. Apni saas ko ji maa ji kehti hui wo us bade se rasoighar me ghus gayi jaha paat par baith ke Damini karelo par chira laga rahi thi. Ek taraf taja kati loki rakhi thi aur uske barabar paani me kaat kar bhigoye aalu. Anamika dakshta se chulhe ke dono taraf bartan rakhti hui kaam me jutt gayi. Udhar Arjun us lambe galiyare me gungunata hua ja raha tha aur us se nikal kar wo pichle hisse me aaya toh jaise us drishya me kho he gaya. Sachmuch chota sa hara-bhara jungle he tha wo aur unse aage bhi kuch imarat bani hui thi jo thodi bahot dikhti thi in vriksho ki wajah se. Farsh par kadam sthir the aur fir usko snaanghar ka dhyaan aaya toh agal bagal me dono taraf he kamre jaise bane the lekin ek me sookha chara bhara tha aur dusre ka kiwad laga tha.
'Yahi bathroom hoga.', Aur wo daayi taraf badhta hua darwaje tak aaya aur befikri se usko thelta hua andar aane se pehle he tshirt utaar kar hath me le chuka tha. Lekin yahi anhoni ho gayi jiske liye shayad Anamika usko tokna chah rahi thi.
Paani ki fisalti hui lakire us tamra(Bronze) jism se farsh par ja rahi thi. Bheege hue kamar se kuch upar tak aate kesh jism ki harkat se idhar udhar hil rahe the. Sudol kulho ko dhake wo geela ekmatra vastra buri tarah chipak kar kulho ki darar tak dikha raha tha. Jhukne ki wajah se wo bade narangi se thoda bada ek he stann dikh raha tha jiska kathai chuchak shayad paani ki wajah se ubhar kar kabuli chane se kuch chota he tha. bathroom me achanak hui is bahari roshni se wo jism bhi harkat me aata hua palta toh Arjun ki tarah bas apni jagah pattha sa reh gaya. Dono ki najre bas ek dusre se ek kshann ke liye he takraai thi aur Arjun turant sorry bolta hua bahar ke liye mudd gaya. Aanchal ke paas toh apna jism dhakne ke liye koyi aanchal tak kareeb na tha. Uske vastra bhi darwaje ke peeche tange the aur ab Arjun uske jism ko dekh kar ja bhi chuka tha.
'Nana ji ko bola bhi tha ki ye darwaja fansta hai aur kadi mushkil se lagti hai. Arjun kya soch raha hoga mujhe aise dekh kar? Kahi galat na soch baithe ki main jaanboojh kar darwaje ki kundi lagaye naha rahi thi! Upar se wo sabkuch dekh bhi gaya.', Aanchal geele badan ko jaldi jaldi me saaf karti hui jaise taise kapde pehan rahi thi. Ab usko Arjun ka saamna karne ka darr alag sata raha tha. Wahi Arjun is ghatna ko bhulane ki nakaam koshish karta us taraf chal diya jaha betartib bagiche aur jagah jagah sookhe patte jameen par biche the. Uske chalne se patto ka charmarane ke alag he shor ho raha tha lekin us jyada hulchal uske dilo-dimaag me thi. Abhi tak wo Aanchal se jyada mila he kaha tha aur ekaant me saamna hua bhi toh jagah snaanghar aur dono log upar se nirvastra. Darwaje se nikal kar bahar aati Aanchal ki payal ki awaaj se is bar dono ki najre khule me mili jaha Arjun mook maafi maang raha tha aur waisa he haal ghabraai hui Aanchal ka tha.
"Anjaane me ho gaya. Koyi awaaj bhi nahi aa rahi thi aur aapka darwaja bhi andar se laga hua nahi tha. Sorry."
"Sorry mujhe kehna chahiye aur darwaje me problem hai. Wo fansta hai aur kadi nahi lagti sahi se. Galat mat samajhna.", Aanchal ne abhi bhi kameej ke upar se toliya seene par dala hua tha aur uski baat sunn ne ke baad jaise he Arjun ka dhyaan udhar gaya toh is baar Aanchal ke chehre par sharam kahi jyada he badh gayi. Najre fir se ek hui toh wo ek pal bhi waha thehar na saki lekin uska bhaagne se pehle sharmana aur muskurana bahot kuch keh gaya.
'Pandit ji ye aapne kaha fansa diya? Main kaand karna nahi chahta lekin ab hote bhi kaha meri marji se hai. Koshish karunga jitna bach saku utna bachu.', Arjun apne aap ko samjhata hua ek baar fir se bathroom me dakhil ho chuka tha. Tshirt taangte hue uski najar kaali bra par padi toh fir se mann ashaant hone laga. Jaldbaaji me Aanchal jaise apni utaari hui bra bhool gayi thi. Arjun ne turant najar hata kar darwaje par dhyaan diya. Paani lagne ki wajah se wo nichli taraf se phool gaya tha thoda aur poori tarah band karne par kaafi jor lagta tha jo shayad he mahilaon ke bas ki baat nahi thi aur band hone pe kholne me jyada mashakkat.
'Sala ye he gadbad ki wajah hai aur sabse pehle isko he sudharta hu.', Arjun usi haalat me chara rakhne wale kamre ke bahar padi lakdi ki peti tak aaya aur usko khol kar aujaaro ko tatolne laga. Is tarah ka baksa uske dada ji ke bhi paas tha lekin isme jyada aujaar the waha wale se. Bagiche ke sath kheti baadi aur gaaye bhainso ki wajah se. Hathodi aur chowksi milte he wo wapis apni jagah chala aaya.
'Ab dekhta hu ke ye kaise araam se band nahi hota.', Arjun ne chowksi ka paina bhaag darwaje ke adhik ubhre hisse par rakh kar hathodi ke vaar se usko halka halka chhilna shuru kiya tha thak-thak ki awaaj hona lajmi tha. Lekin jyada mehnat nahi lagi thode se bhaag ko samtal ek-samaan karne me. Chhili hui lakdi ko bator kar wo bagiche ki taraf fenk kar wapis aaya toh ab bra farsh par giri hui thi.
'Hath lagaye bina toh ye bhi nahi uthne wali.', Arjun apni kismat ko kosta hua us bra ko abhi utha kar seedha he hua tha ki Anamika chachi se takra gaya. Ab wo yaha kyun aayi thi.? Shayad shor sunn kar.
"Ye.. ye meri hai.. Yahi lene aayi thi. Socha tum naha chuke hoge ab tak. Tum kyun isko..", Wo toh bechari khud ghighiya rahi thi aur Arjun paseene me tar-batar khada hua unke jism ko apne sath lagbhag takrane par alag sadme me tha. Chachi ne himmat karke bra ke niche latakte hisse ko pakda toh unki najar Arjun se ek bar fir mili. Arjun toh bhool he gaya tha ke usne bra ko kas kar pakda hua hai aur ye Aanchal ki nahi chachi ki bra hai.
"Wo.. wo shayad ye Aanchal yahi bhool gayi chachi aur main toh darwaja he thik kar raha tha jis se ye hilne ki wajah se niche gir gayi. Mere thodi na kisi kaam ki hai ye.", Arjun ki dasha dekh kar na chahte hue bhi Anamika chachi ke chehre par hansi aa gayi. Unhone jhatka diya toh Arjun ne bhi bra chhod di.
"Sachmuch badi maa tumhe sahi bulati hai bailbuddhi. Main keh rahi hu na ke ye meri hai jo main bhool gayi thi. Aur tum iska kya kar rahe the ye mujhe kaise pata hoga. Naha lo ab agar thodi apni haalat pata hai toh.", Anamika chachi ki baat sunn kar Arjun ne khudko dekha toh hatho par mitti, jism par pasina aur jeans me wo tagda ubhaar. Arjun ki najro ke sath chachi ki bhi najar ubhar par gayi toh wo palat kar sidha galiyare me nikal li. Arjun sar khujata hua darwaja band karke fuhare ke he niche khada ho gaya.
"Jhand.. ab dimag kaha se kaam karega jab pehle he itna kuch jaldi jaldi ho gaya. Jeans bhi bheeg gayi..", Arjun ne jaldi se apni jeans utaar kar usko jancha toh wo geeli ho chuki thi. Jaise taise nahane ke baad wo kamar par toliya baandh kar bahar nikla toh seene par purani tshirt he pehan na behtar samjha. Sakuchate hue wo us kamre tak aaya jo chachi ne bataya tha aur khushkismati se is beech kisi se bhi takraav na hua. Kapde badal kar apne baal aur chehra thik karne ke baad Arjun seedhiyan chadhta hua dusri manzil par chala aaya. Geela toliya aur apni dhoyi hui jeans ko taar par daalne ke baad kuch der wo yahi se bahar ka najara leta raha. Haweli ki is manzil se he lagbhag aadha gaanv dikh raha tha. Dur dur tak ghar base the aur kahi kahi log-baag bhi chalte najar aate.
"Ye wala kamra Shankar bhaiya ka hai Arjun. Aur udhar thik saamne wala Raju bhaiya ka. Pehle Madhu jab aati thi toh wo is wale me rukti thi lekin ab toh wo log aate bhi hai toh upar nahi aate. Main bhi jab yaha aayi hoti hu toh kuch samay idhar baith kar gaanv dekhti rehti hu. Shaam ko toh aur bhi atcha lagta hai. Waise chhat se toh poora he gaanv dikhai padta hai dur khet bhi aur dargaah bhi.", Ye Damini thi jo shayad rasoi ka kaam karne ke baad yahi upar wale bathroom se naha kar idhar aayi thi. Taar par kapde usne bhi sukhaye the jinki taraf Arjun ne dhyaan nahi diya. Lekin Damini ke bhare hue jism ko jarur ek bharpoor najar di thi.
"Haan bua keh toh aap sahi rahi ho. Bada khoobsurat gaanv hai aur bahot bada bhi. Kaise har dharmik sthaan ek dusre ke sath jude hue hai. Waise bua aap toh aksar aati jaati hongi na yaha aur sab jagah dekhi bhi hongi aapne?", Arjun wahi chhaya me rakhi niwar wali kursi par baith gaya aur Damini bhi toliye se baal suljhati hui uske saamne wali kursi par. Is dauraan gulabi-safed sooti kameej me qaid wo bade bade ubhar thirakte hue apna akaar bhali-bhaanti dikha rahe the lekin Arjun unse bachta hua dur sthit ek unchi imarat par fehrati pataka dekhne laga.
"Haan mera ghar dur he kitna hai yaha se? Mushkil se aadha ghanta lagta hoga aur ab toh Madhuri bhi udhar he aa gayi hai toh tum chaho toh mere sath chal sakte ho. Shaniwar-eitwar ko main Aanchal ke sath yaha aa jati hu. Papa aur maa ko bhi atcha lagta hai jab ghar me kuch log rehte hai nahi toh peeche se yaha itne bade virane me hote he kitne log hai. Papa gaanv-dehat aur khet me samay bitate hai toh maa ghar ya aas-pados me. Anamika bhi mehanati hai lekin wo bechari jyada bolti nahi. Aur main toh is gaanv kya aaspas ki sabhi jagah par aniginat ghoomi hu. Bachpan se kheto par papa ka khana leke jaati rahi hu aur itna rasookh toh hai ki befikar ghoom saku. Kal subah tumhe leke chalungi khet aur bagiche dikhane. Shaam ko kuch dikhega nahi aur dopehar me garmi se bhagwan he bachaye. Waise tum pehle yaha kyun nahi aaye?", Arjun kitna sannyam wala tha ye is baat se saaf pata chalta tha ki wo us Damini ke saamne khushi se baitha hua tha jisne uski maa ko kshat pahuchai thi. Uski har baat sunn kar wo muskurata ya haami bharta.
"Subah ka matlab 5-6 baje bua? Yaha toh din bhi jaldi nikal jata hoga."
"Itni bhi jaldi nahi baba. 5 baje toh sirf Papa he uthte hai ya Meena aur Bhale Singh. Meena gaaye duhti hai na aur Bhale Singh bahar andar ke sabhi kaam karne ke sath sath papa ke sath he rehta hai. Hum 7 baje tak chalenge aur araam se ghoom fir ke 2-3 ghante me laut aayenge. Tumhe gaanv wale bahot pasand karenge jab jaanenge ki tum kaun ho. Bade bujurg araam se pehchan lenge kyonki tum ho he khaas."
"Khaas toh sabhi hai bua. Aap bhi toh ho. Aur aapne naukri kyun chhod di?", Naukri wali baat sunn kar Damini ko hairani hui. Aur khud ko khaas sunn kar khushi bhi.
"Tumhe kaisa pata ke main nukri karti thi?"
"Kyun aap kya pariwar me nahi ho? Aap teacher thi na? Itna badhiya pesha chhodna nahi chahiye tha bua.", Arjun ke jawaab se Damini damak uthi.
"Sahi kehte ho tum aur samajhdar bhi bahot ho. Pehle toh yahi gaanv ke school me padhati thi main fir shehar me kuch samay sarkari school me aur uske baad B.Ed. poori karke college me bhi 2 saal. Aanchal badi hone lagi toh uska dhyaan rakhna bhi jaruri ho gaya aur tumhare fufa ne bhi kaam badha liya toh kurbani mujhe he deni padi. Hahaha.. Apni marji se band kiya tha padhana maine lekin ghar jyada jaruri hai meri naukri se.", Damini ne baal sukha liye the aur ab wo unhe joode ki tarah bandhne lagi toh Arjun ki najar un kahi jyada ubhar aaye kharbujo par kuch pal ke liye ruki reh gayi. Damini ne ye dekh kar bhi andekha kiya jaise usko isme alag he maja mil raha ho.
"Haan ye bhi sahi kaha aapne. Toh yaha aane ke baad aap ab ghar me he rehti hai aaspas aana-jana hota hai aapka? Aanchal didi toh lagta hai apne me he rehti hai. Unhe maine shaadi me bhi jyada ghulte milte nahi dekha."
"Wo aisi he hai bilkul boring. Samjha samjha ke thak gayi main usko lekin wo bas kitabo aur apne me he rehti hai. Yaha aane par bhi jyada se jyada wo apne nana ya fir Anamika se batchit karti hai. Shuru se he antarmukhi hai par Komal aur Pinki ke sath toh uski atchi jamti hai. Main uske jaisi nahi hu. Yaha gaanv me he meri darjano saheliyan hai aur idhar aati hu toh din me ghar pe toh khana hota he nahi mera. Waise tumne jawaab nahi diya ke tum yaha pehle kyun nahi aaye?", Damini ne kuch aisa kiya jis se Arjun ka kanth sookh gaya. Juda banane ke baad usne kameej ke upar se he pehle toh dono ubharo se bra ko sahi kiya aur fir ek hath gale me daal kar bra ki tani khinchi. Kuch samay ke liye toh daya ubhar kuch kuch bahar he nikal aaya tha.
"Main udhar bhi kitna he ghar me raha tha bua jo yaha aata? 8 saal se thoda jyada he boarding me aur fir board ki class thi. Bachpan me shayad jyada ziddi aur jaldi jaldi bimar padne ki wajah se mujhe idhar nahi laaye honge. Ab dekho main free hua toh akela he bhaag aaya aur wo bhi jab tak chhuttiyan rahengi tab tak ke liye. Iska matlab ye bhi hai ki kam se kam 4 shaniwar toh aapse milna hoga.", Arjun yaha se uthna chahta tha kyonki Damini ka dohra roop usko pareshan kar raha tha. Chehra swabhik aur anjaan bann kar jism se lubhana alag. Parantu baat karna bhi jauri tha jis se wo uske kareeb ho sake.
"Jyada bhi ho sakta hai agar tum shehar mujhse milne aao. Bua ke ghar aane ki manahi toh nahi hai na?", Jaanboojh kar is baar Damini ne toliya niche giraya aur fir jhuk kar usko uthane ka abhinaya karti hui wo Arjun ko apne vishal chuche aur unki gehraai ka jalwa parosne lagi. Ab Arjun ne thaan he liya ki wo aise khelna chahti hai toh yahi thik. Apni taange failate hue Arjun ne bhi lambi tshirt ko jeans ke ubhaar par se utha kar chehra saaf karte hue aisa darshya ki usko pasina aaya ho lekin tarkib kaargar rahi jab Damini ki aankhon ne uske patt tak jata wo golakar ubhar dekha. Ek bilaant bhi kam he padta uske naajuk hath ka is moosal ubhar ko maapne me.
"Mana kaun karega bua aur main toh jab idhar tak aa gaya toh aapka ghar bhi atche se dekh kar wapis jaunga. Didi se milne toh jana he hai hafte dus din me aur din waha gujaar kar shaam aapke ghar. Waise aapko bhi garmi lag rahi hai kya? Mujhe toh lag rahi hai aur idhar ki taraf hawa bhi nahi chal rahi. Niche he chalte hai. Phir khana khaane ke baad kuch der so kar time kharab karta hu.", Arjun ne lagatar dusra vaar kiya jab wo angdaai leta hua khada hua aur uska ubhar Damini ke chehre ke saamne aaya. Damini ne turant najre utha kar jhooti garmi ka ijhaar karte hue toliye se chehra saaf kiya aur ab uski najre Arjun ki adhbhut bhujaon aur seene par thi jo angdaai ki mudra me bakhubi saamne the.
"Garmi hai bhi idhar aur dopehar hai na toh chahe 3 baar naha lu, araam bas AC ya cooler ke samne he aayega. Waise tumne body atchi banaai hai aur maine dekha tha ki udhar wale ghar me tumne choti si gym bhi bana rakhi hai.", Damini khadi hoti hui Arjun se aage chalne ka dikhawa karne ke bahane uski baaju se apna ubhar ragad kar jism ki narmi darsha di. Arjun peeth piche muskurane laga tha ye tevar dekh kar. Damini seedhiya utarne ke bahane pristh bhaag bhi nachati hui tej kadmo se gayi jaise usko Arjun ek nausikhiya aur kaamkala ka anadi dikhai diya ho. Wo kaha jaanti thi ki usne is Arjun naamak granth ka pehla panna tak sahi se nahi padha. Aur khel Damini ka nahi Arjun ka tha jisme Damini khud-ba-khud fansne lagi thi.
"Aa gaya beta. Chal tu bhi Aanchal ke sath baith ja aur garma garam khaane ka swaad le. Tera chacha aur fufa pata nahi kaha nikal gaye. Dada ji toh khet nikal gaye aur saanjh se pehle unka lautna nahi hoga.", Devaki ji ne aangan me he Arjun ko pukaar liya tha aur cooler ki thandi hawa ke saamne rakhi charpaai par baitha kar khud uske liye khana lagane chali gayi. Aanchal bahot dhime dhime kha rahi thi jo Arjun ko kareeb dekh kuch jyada he dhima ho gaya.
"Pareshan matt hoiye didi. Aap aise feel karwayengi toh aniginat baar main khudko dosh deta rahunga. Kisi ki bhi galti nahi thi aur maine darwaja bhi thik kar diya.", Abhi wo darwaja he bola tha ki thaali aur lassi ka gilas liye uski choti daadi wapis aa gayi. Arjun ke saamne khana aur mej par wo lassi ka bada gilas rakh kar wo bhi unke kareeb he kursi par baith gayi.
"Toh waha ka darwaja tumne thik kiya hai? Thodi khat-pat toh suni thi lekin mujhe laga waise he shor hoga kisi cheej ka. Lekin kya jarurat thi beta khudse ye sab karne ki? Tumhe kharoch bhi aayi toh badi jiji ne meri halat kharab kar deni hai.", Devaki ke sehaj vyavahar se Arjun bhi khush tha.
"Daadi ji ye chote mote kaam toh karne he chahiye ghar pe. Aur aap daadi ji ki taraf se fika na kijiye, wo toh mujhe kyaari me kassi tak chalwa deti hai. Ek baar dada ji ne gutter me he utaar diya tha jab pichli baarish me road bhar gayi thi. School me ye sab sikhate the aur waqt be-waqt jarurat padd he jaati hai. Didi se darwaja nahi lag raha tha aur inhe pareshani ho toh bhai hone ke naate mujhe madad karni chahiye na?", Arjun ne jab baat ko is taraf ghumaya toh Aanchal najre jhukati sharam se muskurane lagi thi.
"Haan toh ye bahut atcha kiya beta tumne. Kaam ki aadat toh honi chaiye lekin sansadhan ho toh unka bhi prayog kar lena galat nahi. Aanchal ki pareshani dur ki toh fir main kuch na kahungi. Beta, mujhe pata nahi ke tujhe kya pasand hai khaane me isliye lassi jeere namak wali hai. Meethi chahiye toh badal deti hu."
"Nahi nahi daadi mujhe meetha kam he pasnad hai. Aur khana toh jo bhi ho bas ghar me paka hai aur shakahari hai toh mujhe pasand he aayega. Waise didi dekho kitna kam khaati hai. Meri ye teesri roti hai aur ye pehli ko he kutar kutar ka kha rahi hai.", Damini ne taja roti Arjun ko parosi toh is samay uske seene par dupatta aa chuka tha. Matlab wo sabke saamne kuch jyada he sharif thi. Aanchal apna naam sunn kar fir se jhemp gayi lekin is baar wo bhi boli.
"Mujhe choori khaani thi lekin naani ne mana kar diya. Aur roti ka size dekho jara, tawe jitna bada hai.", Aanchal ne apni naani ki shikayat ki toh Devaki mooh par hath rakh kar usko hairani se dekhne lagi.
"Maine choori ke liye mana kiya tha? Ek katori shakkar dalwati hai tu beta jo galat hai ladki ke liye. Galat toh khair sabke liye he hai par ye toh sarasar galat aadat. 2 roti me ek katori shakkar. Tujhe meethi choori nahi milegi matlab nahi milegi. Roti nahi khai ja rahi toh main tere liye chawal banwa dungi shaam ko aur bhi namkeen. Gudd wale nahi.", Ab Arjun ko pata chala ki Aanchal meethe ki jyada shaukeen hai jo uske swaad se bilkul viprti gunn tha.
"Hahaha.. didi aap pichle janam me chinti thi kya? Shakkar toh wahi khati hai itni.", Ab Devaki bhi hansi aur Arjun ko roti dene aayi Damini bhi lekin is baar Arjun ne roti lene se mana kar diya. Udhar Aanchal ne mooh bana liya tha Arjun ki baat sunn kar.
"Ye kya Arjun sirf 3 roti? Tumhari umar me Inder bhaiya toh 10 se kam nahi khaate the."
"Bua, anaaj matlab sirf sharir ki jarurat. Ye jitni marji badha lo lekin jyada se nuksaan he hoga. Ab lassi bhi hai mere pas aur fir shaam ko main doodh bhi peeta hu laddu ke sath. Raat me fir khana hai jabki kaam ye sharir utna karta he nahi. Jab varjish karta hu toh jyada khuraak leta hu lekin tab bhi bhigoye chane, kuch badaam, mausmi phal lekin anaaj kam se kam.", Arjun ne lassi ka gilaas utha kar tagda ghoont bhara aur Damini uski baat sunn kar tauba karti hui wapis rasoi me chali gayi.
"Beta mansahaar toh nahi karte tum? Dekho tumhare pita-chacha karte hai ye main jaanti hu. Lekin ghar pe nahi banta aur gaanv me dukaan bhi nahi hai.", Devki ne jab ye baat kahi toh Aanchal bhi jaan na chahti thi ki Arjun kya jawaab deta hai.
"Daadi, maans khaane se maans nahi badhta aur main jeev hatya ke khilaaf hu. Baaki khana ek aisi jarurat hai jo sabki niji hai. Jisko jo pasand wo khaaye lekin main pasand nahi karta.", Aanchal ne pehli baar usko prashansha bhari najro se dekha tha aur is baar dono ne bina sharmaye ek dusre ko muskura kar dekha.
"Bhali baat hai beta aur vichar bhi uttam. Lekin agar tum khaate toh tumhe khet jana padta ya Dilbag ke ghar se ban kar aata jo tumhe alag bartan me khana padta. Vinod aur uske jija bhi shaukeen hai lekin tumhare dada aur unke pita bhi is sabse sada dur rahe. Doodh bata dena kaisa peete ho. Badaam main abhi bhigne rakhwa deti hu aur subah ka niyam badi jiji mujhe bata chuki hai toh wo yaha bhi rahega.", Devaki uth kar bhojan karne chal di. Wo rasoighar ke farsh par he khana khaati thi chataai bicha kar.
"Main kabhi bahar ghoomne nahi gayi siwaye mandir ke.", Aanchal ne dhimi awaaj me ye kaha tha aur Arjun se.
"Aap toh aksar aati rehti hai na yaha? Aur aap udhar bhi apne me he rehti thi."
"Koyi poochta bhi kaha hai aur waha toh mujhe kuch pata he nahi tha. Komal ke sath market gayi thi aur atcha bhi laga tha lekin yaha kiske sath jau? Maa toh jaha jaati hai wahi jamm jaati hai. Mama ke sath toh jaane ka koyi sawaal he nahi aur yaha aane ke baad papa toh rehte he unke sath hai. Naani maa se alag nahi aur maami toh haweli se bahar jaati he kaha hai? Jaane kaise wo tumhari taraf chali gayi ya unhe le gaye. Dargaah toh dekhi thi lekin tab 20 log the sath. Mujhe faluda bhi bahot pasand hai lekin agar khaane ki baat karo toh pack karwa ke ghar mangwa lenge. Wo kisko atcha lagta hai. Hamari taraf papa le jaate hai mujhe ya college se meri saheli ke sath main chali jaati hu mahine me ek ya do bar. Ab idhar tum ho aur tumne bhi gaanv dekhna hai jitna mujhe pata hai. Tumhare sath jaane se naani tokengi bhi nahi.", Aanchal ne jis masoomiyat se apni dasha bataai thi Arjun samajh gaya ki wo antarmukhi nahi hai balki usko sahi mahol he nahi diya gaya. Milta kaha se jab Damini ko sirf apne maje ki padi ho aur PP Sharma toh jaise alag duniya me rehta tha.
"Maine akhada dekhne toh jana he hai toh aap bhi chalna sath. Lekin mujhe bhi nahi pata ke faluda kaha milega."
"Mujhe pata hai bas tum itna keh dena ki tum mujhe le kar ja rahe ho."
"Vinod chacha ne kaha ki main unke sath jau toh?"
"Fir unko bol dena ke tum araam karna chahte ho ghar pe he. Wo toh waise bhi raat ko he lautenge ladkhadate hue. Kab se dekh rahi hu aur ek din aisa nahi gujra ke wo hosh me aaye ho.", Aanchal jaise sabko atche se jaanti thi isliye uska ekakipan jyada ho gaya tha.
"Thik hai fir jab chalna ho toh mujhe utha dena. Main chala sone apne kamre me. Aur us baat ko dimaag se nikaal dena.", Arjun ne aisa keh kar fir se yaad dilwa diya.
"Bhoolne do pehle. Aise baat karoge toh fir rehne he do."
"Majaak kar raha tha aap se. Sorry. Thik 5 baje utha dena ya chachi ko bol dena agar mere kamre me aane me aapko pareshani ho.", Arjun wahi usko hairat me chhod kamre me chal diya. Andar jaate he kapde badal kar sirf nikkar pehan wo bister par aise gira jaise kaafi samay se soya na ho.
.
.
"Fir aapne bhej he diya apne jigar ke tukde ko naye safar par Pandit ji?", Haweli me Sombir Singh ke pariwar ke sath sath aur vishisht jo aamantrit the unme Shastri ji bhi ek mehtavpurn vyakti the. Ye pariwar ka wo atoot hissa ban chuke the jinka waqt Rameshwar ji ke sath aksar gujarne laga tha. Apne sab kaam prithak karte hue wo bhi bas ek bar kehne par he unke sammukh upasthit rehte the aur aaj bhi yaha wo is kaksh me Pandit ji aur Col sahab ke sath maujood the jaha band darwaje ke bitar yahi teen log the. Bahar Sanjiv-Radhika ko sabse milwaya ja raha tha aur lagbhag shaadi jitna taamjham tha. Rasam thi idhar bhi grahpravesh ki aur mandir darshan ki.
"Jaruri ho gaya tha Shastri ji aur Satish bhi jaanta hai ki ye karte hue mujhe kya kuch nahi sehna pada. Aapki bhabhi ne toh abhi se jeena muhaal kiya hua lekin kartavya aur pariwar ke uchit sammaan ke aage main bhi toh adna sa sadasya hu. Aapki manzil bhi is se judi hai bas kisi tarah Arjun khud pehla panna khol le.", Rameshwar ji ki baatein aisi he goodh hoti thi aur unke rehnuma ye jald samajh jaate the kyonki wo khud waise jo the.
"Bhai sahab ne ye kaise kiya ye toh main bhi nahi jaanta Shastri ji. Lekin itni badi keemat shayad he inhone kabhi daanv par lagaai ho. Arjun toh aapse kuch mahino se he juda hai tab bhi aap uske liye apna vyaktigat jiwan tyaag kar uski har uchit anuchit baat me sath hote ho toh bhai sahab ke liye aaj agar unki duniya hai bhi toh sirf uske swaroop me. Lekin aur koyi hal bhi toh nahi tha jitni samajh mujhe hai. Arjun ko jitni baar bhi ajmaya gaya wo ummeed se bhi pare nikla. Khud aap, mai ya bhai sahab bhi abhi tak uski asli kshamta nahi jaan sake.", Col Sahab ke jawaab par Shastri ji ne sehmati jataai wahi Pandit ji gambhir khamoshi se bas dekhte rahe.
"Maine samajhne ki koshish ki thi us uljhe hue naujawaan ko jo raftaar me yakeen rakhta hai Satish bhai lekin wo aapse aapka he gunn chura leta hai bina pata lage. Ek baar usne kuch aisa kaha tha ke wo dimak lage us bade jungle ko fir se abaad karna chahta hai jiska hissa tha wo kabhi. Shatru bhitar bhi hai aur bahar bhi lekin koshish toh karni he hogi. Main nahi samjha tha ki wo nadaan isko kis ghatna se jodd kar keh raha hai. Sachmuch Pandit ji apne jiwankaal me maine bahut kuch dekha hai aur mujhe Narinder, Ajju ya swayam Raghuvir ji tak ko jaan ne ka mauka mila lekin isko jaan ne ke liye swayam mere kadam iski taraf badhe aur isne mujhe he shagird bana liya. Aap kuch bade manch par toh nahi ajmaane wale usko aur mujhe lagta hai ki wo us jungle me utar chuka hai jiski baat nasamjhi se wo kar raha tha.", Shastri ji ki baat sach bhi thi aur spasht sawaal bhi.
"Wahi toh us jungle ka maalik hai Shastri ji. Main sanrakshak maatra hu aur ek tha jo paane ki chahat toh nahi rakhta tha lekin anjaane me he usne wo jungle saaf karne ki thaan li. Har bambi foddne laga lekin ant me kahi koyi naag tha ghaat lagaya jisne dhokhe se humla karke us anmol aatma ke praan har liye. Wo seekh raha tha hume bina bataye isliye Abhimanyu raha lekin ye wala toh pehle se seekh kar paida hua hai. Isko usne shiksha di hai jo ab nahi raha hamare beech. Main rokna chahu bhi toh nahi rok sakta kyonki Raghuvir ne 3 varsh iske sath bitaye the apne jiwan ke ant samay me.Mere bhai ne isko kya kahaniya sunaai hai ya kaun kaun se raaj khole, ye ya toh wo he jaanta tha ya Arjun ke dil me wo gehraai me dabe hai. Itna jarur hai ki us samay me bhi Raghu ko main yaad tha toh baatein pariwar aur ateet ki hui hongi. Satish ne thik kaha ki main bhi iski kshamta nahi jaanta.", Rameshwar ji ne is sanvaad se he bahot se raaj khol kar rakh diye the ki wo kitna behtar Arjun se waakif hai. Hairaan Col sahab bhi the Raghuvir ji wali baat sunn kar.
"Kahi koyi ateet ka vachan toh adhura nahi reh gaya Pandit ji? Aur humne suna hai ki aapke pita se Arjun ki tulna hone lagi hai. Unhe humne nahi dekha lekin kya kuch samaanta hai?", Ye sawaal uthna laajmi bhi tha jab vivaah me shamil hone par unhone bhi kuch bade bujurgo se Arjun ke baare me suna hoga.
"Poori samaanta na he ho toh behtar hai Shastri ji. Unka sach toh main bhi nahi jaanta lekin wo naam ke he munshi the. Honge bhi kyonki dimaag toh sachumuch itna tej tha ki aajkal ke calculator bhi vifal rahe unke saamne. Bhoolte nahi the kuch bhi. Kis din, kis waqt aur falane saal me kya kisne kiya ye sab unhe moojbaani rehta tha. Wo chalchitra wale Jiwan jaise munshi kadapi nahi the. Dekh ke he dehshat bhar uthti thi unhe kyonki sachmuch wo Arjun se ek ungli upar he honge jo wo bhi jald barabar hone wala hai. Maa chutney banane lagti toh mutthi se pyaaj naram karke pakda deta the. Kundal wale baal, koyle ki istree se kadak kiya kurta aur baayi taraf jhuki safed fakk dhoti pehan kar wo 365 din ek niyam me he chalte. Unke siwa raaj-kaksh me koyi nahi ja sakta tha shahi khaandan se prithak. Pata nahi unhe munshi he kyon kaha jata tha jabki wo kaam toh saare he dekhte the? Mujhe aur Raghu ko toh manahi thi unke peshe par jaane ki aur wo sakth bhi the lekin aap he socho ki hamara gathbandhan shahi khoon se hua tha. Hum aajtak anbhigya hai apne pita ke poore wajood se, agar unke sabhi pehlu ki baat kare. Lekin the bade hansmukh insaan pariwarik maamle me. Sabki haan me haan aur sabke dukh me dukhi. Satish se jab pehli baar mile the toh iska gaal khinch kar kaha tha ke fauj me mauj nahi hoti lalla. Karni padti hai. Aur main us baat ko aaj tak nahi samajh paya.", Rameshwar ji jis tarah se muskuraye unki baat sunn kar baaki dono bhi.
"Matlab kaam ki jagah pariwar varjit aur pariwar ke samay pariwar.? Bahot khoob bhai sahab. Atcha laga jaan kar ki wo ek itne behtareen pita aur peshevar the. Lekin samanta Arjun me aayi unke jaisi toh matlab niyati bhi kuch toh kehna chahti hai.", Shastri ji ne itni si baat par he dimaag ghuma kar rakh diya tha Pandit ji ka.
"Ho sakta hai. Yakeenan. Wo kabhi kabhi gambhir hota hai toh unke jaise he bolta hai. Aur jaisa maine bataya ki main bhi sabkuch nahi jaanta aur jab jaan ne ki umar hui toh unhone khud he swayam ko humse dur kar liya. Main aapki bhabhi ke sath yaha chala aaya aur Krishan maa ke pas udhar raha. Antim samay me thoda samay gujara tha unke sath aur wahi mere kandho par aisa bojh daal diya gaya jo aajtak mujhe jhukaye hue hai. Mehsoos hota hai ke unke vachan na hue khud ki arthi thi aur main aaj tak usko liye hue hu. Kaushalya chahti thi ki main koshish karu lekin Raghu udhar jana nahi chahta tha aur uske moh me Kaushalya ne ulta mujhe he saugandh uthwa di. Sab kehte hai ki main bada haunhaar aur kabil police adhikari raha hu lekin koyi nahi jaanta ki is Rameshwar ne toh apne jiwan ka pehla case he aajtak nahi suljhaya. Rani maa ki hatya hui aur jinhone ki unki gardan tak hath pahuchne he wale the ki pita ji ne hume naye jiwansathi ke sath bandh diya aur duty shuru. Phir shadyantro se ladte bhidte aapke saamne aaj retire hue 10 saal ho gaye. Ab ajaad bhi kiya us saugandh se toh meri haalat dekho aap. Kya kar sakta hu? In murkho ki toli se ummeed bhi nahi kar sakta kyonki kuch gehra dard juda hai us daur se.", Rameshwar ji ne apni haalat bayaan ki toh Shastri ji ne saaf mehsoos kiya ki hamesha majboot dikhne wale ye vyakti sachmuch bahot jagah se khud ko sanjoye hai kisi tarah. Itna tootne ke bawjood wo halaat se jhuke nahi chahe kamjor ho gaye.
"Bhai sahab ne ankahe mauke diye the sabhi ladko ko lekin inki baat sahi hai ki wo maa-baap ka jaha jikar ho jaaye udhar sawaal karne se pehle gaanv ujaad denge. Narinder kuch hadd tak kabil hai lekin wo bhi mauka milte he belagaam ho jata hai. Main toh fauj me raha hu bhai sahab aur mujhe toh pehle order milte he goli chalani aati thi aur baad me main he order dene lag gaya. Is se jyada kabiliyat mujhme bhi nahi.", Col sahab ka aisa kehna Rameshwar jo ko hansne par vivash kar gaya.
"Saarang kya is ateet se juda hai Pandit ji?"
"Sabhi jude Shastri ji, sabhi jude hai aur tabhi toh dimag kehta hai ki dur he raho is sabse. Dil kehta hai ki dur toh kabse reh raha hu lekin kya kuch faayda hua? Apne pariwar ki tehkikaat karo toh koyi kadi mehal me jaayegi toh koyi kisi dusre shamshaan. Jab udhar jao toh fir 4 naye aur thikane jinme se 3 aise honge jaha sandhi ki wajah se paanv ruk jaate hai. Pita ji ne us dauran bhi agar 2 saal ka waqt diya hota toh main bahot kuch rok sakta tha lekin kya kar sakte hai. Kuch thikane hai jaha main chah kar bhi ja nahi paya lekin ab Arjun jayega aur wo dhool hatayega waha se bina ek bhi patta hilaye. Shankar ke hath me torch de do toh wo uske shishe se ek ka gala kaatega, ispaat wala hissa kahi mooh me thok dega aur yaha tak ki battery bhi jism me bhar dega. Toh mere pas bacha he kaun kyonki uske bhai us se alag toh hai nahi. Sanjiv samajhdar beta hai ghar ka aur Arjun us se salah karta hai. Aise he log toh manjil pa sakte hai na Shastri ji jo dil ki tapish jahir na hone de aur andhere me bhi roshni bina dekh sake? Wo jab sab dhoond lega fir morcha aakhiri baar hum apne hath lenge, usko sabse dur mehfooj rakh kar.", Rameshwar ji ne apne iraade jahir kar diye the aur sath he baap bete ke kaam karne ka tarika bhi bata diya ki kyon wo itne alag hai.
"Aapne sab pehlu shayad barso se he soch rakhe hai Pandit ji toh itna jaante hai ki aap chook nahi sakte. Hamari bhi madad karke aapne humko waise he karjdaar bana dia hai. Bas aap hukum kar dijiyega aur aapka ye bewkoof bhai jyada shikayat ka mauka diye bina rann me sath hoga. Main bhi intjaar kar raha hu ki kab Rajyavardhan se ek mulakaat ho. Wo samay jab aayega toh bas wahi pal hoga jab hum shiksha aur mulyo ko ek taraf rakh denge.", Shastri ji bhi barso se ek aag dil me liye the chahe wo the ek yog-guru lekin armaan aur dard unhe bhi tha.
"Rajyavardhan pehle se he raajdrohi hai Shastri ji lekin sandhi ki wajah se hum usko udhar se la nahi sakte aur wo ghaag aadmi apne bade bhai ki chaya se agar dur bhi hota hai toh videsh nikal jata hai wahi apne thikane se he. Delhi-Bombay se udaan bharta toh daboch bhi lete lekin jabtak sandhi khatam karne ki bahot badi wajah hamare pas na ho tab tak hum waha kadam nahi rakh sakte. Maut-afsos alag baat hai lekin aise hargij nahi. Is ka bhi hal nikaal chuke hai par samay aane par he amal kiya jaayega. Abhi toh bas Arjun apne dil ke kar le aur wapis laut kar mujhse sawaal. Bakke panne tabhi khulenge.", Rameshwar ji ki baat is se aage badthi us se pehle he darwaje par dastak ho gayi.
"Bhai sahab, aap bhi inki tarah ho gaye? Yaha riwaj-rasam ho rahe hai aur aap inke sath band kamre me. Chalo ji aapko alag se kehna padega? Mandir leke jana hai bacho ko aur Chandro behan ji kabse pooch rahi hai aapko. Kundan bhai sahab bhi aaye hai sarpanch ji ke sath. Abhi Rekha ka haal le rahe hai wo toh mil lo sabhi se. Pata nahi kaunsi panchayat hai jo 10 saal se khatam nahi hone aayi?", Kaushalya ji ka ye avtaar dekh kar toh pehli baar Shastri ji khisiyate dikhe lekin baaki dono ko hanste dekh unhone bas ek najar Kaushalya ji ko dekha bahar aane se pehle.
"Bura na maan lena bhai sahab, devar ho toh kaan bhi khinch sakti hu. Bas lambe thode jyada ho. Inke sath jyada na baitha karo aise akele me. Kisi din aapka he beda paar karwa denge.", Ab Shastri ji ne he hanste hue hath jodd diye the.
"Bhaagwan bas bhi karo. Bahar sabhi bache aur jawaan the isliye 2 pal hum log idhar aa gaye. Chalo mandir chalte hai."
"Pehle mil toh lo ji sabse. Mandir chalte hai!", Kaushalya ji ke jaate he Shastri ji ne apne kaano ke hath laga liya.
"Aaadat ho chuki hai shastri ji hum dono ko he ek dusre ki. Bas rishta ek aur bhi hai jisme ye thaanedarni hai aur hum bina koyi jurm kiye lekin inke mujrim."
"Hahaha... main bhi majaak he kar raha tha bhai sahab. Bhabhi ji ne toh pehle he cheta diya tha ke wo sirf aapko sunane wali hai. Waise mandir se he mujhe wapis nikalna hoga. Aapse milne ki itcha thi jaane se pehle. 5 baje Delhi ke liye nikal raha hu aur waha ka kaam poore karke 2 hafte ke liye desh se bahar.", Shastri ji ke aise apnepan se Pandit ji bhi gadgad ho uthe. Ab sabhi se milne ke baad ye log mandir jaane lage the jaisa riwaaj tha.
.
.
lekin haan hawas ko poori krne ki chahat me jarur kuch kr jaegi
