eternity bhai sarpratham aapko pranaam. Jaise maine pehle bhi kaha hai ki kirdaar ghadhna koyi mushkil kaarya nahi hai, wo kahi na kahi hamare kareeb he hote hai bas wo drishty jaruri hai jo inhe samajh sake ya gehraai me utar sake. Yaha aam samaaj, jo ki sabse kam hai 97% usko wo bada varg apni khaas mehnat se chalata hai jinki sankhya 3% jitni badi hai. Saubhagya se ye bada varg hum jaise nimn sadharan log he banate hai. Raaj shahi khatam karne ke peeche sabse badi wajah kya rahi hogi? Maan Liya ki usme kuch kamiyan hongi par wo ek saral aur nishpaksh prajatantra tha chote chote praant sucharu vyavastha se chalane ke. Udhyogpati galat hai toh wo pehle dandit hota tha aur jamakhori karne wala bhi. Jaat-paat jis tarah se aaj darshaai jaati hai wo toh hargiz he nahi thi. Shashak khud saamne upasthit rehta tha darbaar me aur apne praant par aane wali vipda ke samay bhi wahi sabse aage rehta tha. Satt-yug se dwapar yug tak ke udaharan dekh lijiyega aur 200 saal purane bhi. Sone ki chidiya kehne ka sandarbh yahi tha ki log sukhi aur sampann the. Vyapaar tab bhi desh videsh tak kiya jata tha aur bhukhmari, prakritik aapada me har naagrik apna praant bhula kar dusre tak ki sewa me tayaar milta tha. Rishwat, jamakhori, par-nari gaman ya durachaar, shadyantra, chori, hatya jaise apradho par tatkaal prabhaav se dand aur saja ka pravdhan rehta tha. Ab aisa hoga toh kapti aur vishaile log sar kaha uthayenge? Inko jyada samajhdar logo ne badal diya aur badlaav atcha bhi hota hai kabhi kabhi lekin hum nischint ho gaye ki naye raja toh aayenge, wahi karenge bhalai. Naya raajtantra bas yahi vaar kar gaya jo naam ke liye prajatantra tha. Isme raja chunn ne ki ajaadi thi praja ko. Gutt bann gaye, dharam alag ho gaye aur aage unme bhi 4 jaat se 4000 jamaat nikal aayi. Humne toh raja chunn na tha aur hum padhe likhe ganwaar toh is beech apne aap ko he chunn ne lage. Ye mere dharam wala, ye us dharam me swarn, ye hamara vyapari dost, ye taqatvar mukhiya, falana dhimkana .. natija aapke saamne hai ki aaj paristhiti kya hai.
Motilal ji jab is baat se he ghutan mehsoos kar sakte hai ki unhe ye awaajen har waqt sunaai deti hai jinme se jyadatar unho ne suni he nahi. Sirf 2 bachhiyon ki he suni thi. Lekin naitik jimmewari le kar poora shadyantra aur ghatnakram khola toh 57 nikal ke aayi. Seene ka bojh jyada badh gaya toh jimmewari bhi khud uthaai. Har shashak aur pramukh ko yahi toh karna chahiye ki wo durghatna ki jimmewari le aur aise insaan apne atche karyo ka shreya khud lete bhi nahi. Aaj ulta ho raha hai prajatantra me. Jaha insaan ke durgam jiwan me pehle 4 log hothe the sahare ki, gaav dehaat me bahar se aaye musafir ke liye kisi bhi ghar ke aangan me charpaayi bhojan milna saral tha. Aaj wahi ek dukhi insaan guhaar laga de ki mujhe taklif hai aur prashashan uski sahayata nahi kar raha, falane mukhiya, MLA, adhikari uski arzi thukra rahe hai kyonki uske paas rishwat ko paise nahi hai, uske dost bade auhdo par nahi hai, wo falani haat se hai. . toh uski pareshani ki jagah usko jiwan se he nijaat dila di jaati hai. Har ghatna me pehla konn yahi dhoonda jata hai ki isko anjaam dene wala vyakti kis jaat se tha, kis samudaye se, kis party ka shashan hai uske praant me aur thik baja kar aam aadmi ki awaaj samjhe jaane chauthe stambh ko bhi samjha diya jata hai ki jab tak masala nahi lagaoge, boti nahi paoge. Lekin hum kar he kya kar sakte hai? 97% jitne kamjor jo hai. 50 ki vaccine black me 50000 ki bhi le lenge kyonki yahi toh samadhaan hai hamare paas. Wo polio vaccine ki tarah muft me lagni chahiye par raajkosh bhi toh khaali ho raha hai. Ab paise nahi hai toh gadi, janwar ya beti bahu toh hogi. Giddh hai sabhi ke sabhi wo 3% shasak jinhe 97% ne chuna. Abe 10vi ke baad subject chunn na sake sahi jis se apna jiwan banana tha aur raja chunoge?
'bhai wo mera dost bol raha tha badhia aadmi hai aur uski pehchaan bhi hai andar tak. Isliye maine bhi usko he vote de diya. Sahi hai na kaam toh padta he rehta hai?'
Le lo pehchan pichwade me bhai jab wahi aadmi us vote ke badle tumhare ehsaan ko aise chukayega
'apna he bacha, wo 50000 wali iske liye 45000 me.. haan . Apna he hai toh hume fir kehna na pade. "
Mil gayi pehchaan bacha kar 5000? Abe wo 50 ki thi jo 45000 me le kar itra rahe ho. Jiske paas paise nahi the wo shamshan he le gaya apne baapu ko ye bol kar ki waha oxygen na mili toh lakdi toh Hain he. Udhar bhi wo 2000 ke 10000 dega. Ye hai prajatantra
eternity bhai aur dekho 2 minute me hamara comment report fir delete.
Sadhuvad
Pehle he maafi chahte hai aap sabhi se apne vichar prakat karne ke liye. Bhai vichlit the thoda toh hum bhi ho gaye. Subah gaanv se sandesh mila tha ke rishtey ke bhai kal raat poore ho gaye. Batao paisewale bhi ja rahe hai ab.
#Seperrrr
