Incest Pyaar - 100 Baar

[Raj]

Update 206
Jaanch Padtaal


Narinder ji ki gaadi ghar ke bahar jab pahuchi toh din lagbhag dhal chuka tha. Saamne he saleeke se khadi us dusri cielo ko dekh kar Shankar ji ke chehre par halki si muskaan aa gayi thi kyonki wo unke sabse priya saale ki gaadi thi, Rajesh ki. Matlab wo har maamle me ek jimmewar vyakti tha aur apne jija ke ghar aise samay me suraksha aur pariwar ka khayaal uski bhi prathmikta tha. Col sahab darwaja khol kar bahar nikalte he chasme par aayi dhund saaf karte hue dono se baad me milne ka bol kar apne ghar ki taraf badh gaye.

"Ye aadmi mujhe isliye sabse jyada pasand hai Shankar. Tu na fir se moti daan kar de thode, kismat se bhi aisa bhakt nahi milta kisi jija ko. Ritu bitiya, uth jao. Kabtak apne baap ko takiya bana ke soyi rahogi?", Shankar ko hilte na dekh Narinder ne he peeche mudd kar haal dekha toh uska bada bhai toh kone me daba hua tha aur Komal ke bhi ghutno ke upar paanv pasare lambi soyi Ritu ko jaise khabar tak nahi thi ki wo ghar pahuch chuke hai.

"Komal beta tum araam se niklo. Neend kachi hai iski.", Shankar ji apni is beti ke saamne khud he jaise maa bann jaate the lekin kunmunati si wo ladki angdaai lene lagi toh hath khule he nahi aur chehra malti wo uthi toh kuch pal samajh he nahi aaya fir apne chacha ko hanste dekha toh sorry bolti hui uth kar seedhi baith gayi.

"Mera sher beta toh khana khaate he neend me chala gaya. Chal atchi baat hai ab tum araam se padhna. Dekh tere nanihaal se gaadi aayi hui hai aur kya pata mama ke sath maami bhi aayi ho.", Narinder ji ne Ritu ko dhyaan dilwaya toh wo furti se Komal ke sath he bahar nikal khadi hui.

"Maami se jyada atcha hoga ki naani aayi ho. Mujhe unse bahot jaruri kaam tha aur thank you papa, for thi nanny care. Chalo didi, samaan papa he le aayenge.", Ritu unka hath pakad kar andar he daud gayi jabki Komal apna bag lena chahti thi.

"Sahi me tujhe toh Aarti aur Ritu he thikane lagati hai bhai aur unke saamne tere mooh se bhi kuch nahi nikalta.", Narinder ne subah se ab kahi pehli cigrattee jalaai thi aur car ko thoda ek taraf ghuma kar bagal wale khali plot me laga liya tha.

"Tu in dono ke paas jyada raha hai lekin inke rang tujhe bhi nahi pata Inder. Jis din inke tewar dekh lega us din tere bhi hath judd jayenge. Sala aaj toh yar mera packet bhi poora band pada hai sutte ka.", Shankar agli seat par he aa gaya tha apne bhai ki bagal me. Pichle shishe se usne Romela aur Vivaan ko apne ghar dakhil hote dekha jo inke he ghar se aaye the.

"College ke bahar ek baar kuch manchalo ne Aarti se badtamiji karni chahi thi, bataya tha na tujhe. Wo ghabra gayi thi aur thik waisi he Ritu hai, chanchal hai lekin utni he bhavuk bhi. Akhaade me he dekh liya tha ke wo apne chote bhai ko jara bhi dard ya dukh me nahi dekh sakti. Atcha hai na wo hamari chhaya me mehfooj samajhti hai khud ko aur inki duniya kahi hai bhi toh kitabo aur apne bhai ke sath. Masoom aur career par dhyaan dene wali isliye tujhe dono jyada pasand hai. Meri pyari gudiya toh hamesha se he Pinki aur Komal rahi hai. Kuch kehti he nahi aur sara kaam karti rehti hai.", Narinder ne cigrattee Shankar ki taraf badha di jo aadhi reh gayi thi. Shankar ke chehre par kutil muskaan dekh Narinder thoda tajjub se jaan ne ki koshish karne laga ki uska bhai sehmat kyun nahi hai.

"Wo Aarti masoom hai? 8-9 inch lamba pechkas highway par ek manchale ki jaangh me ghop diya tha usne toh samajh le ki uske kandhe me kitni jaan hogi, beshak haddi ke paar na bhi hua ho lekin wo poora andar karne me taqat bahot lagti hai aur jigra tere mere jaisa hona chahiye. Aur tu Ritu ki baat karta hai ki wo rone lagi thi toh haan wo kya inme se koyi bhi hamari beti waha hoti toh waisa he karti siwaye Pinki aur Komal ke. Ritu MBBS kar rahi hai aur uska sabse favourite kaam hai kaat-peet, jara sa bhi hath nahi hilta uska. Ye naajuk si ladkiyan 10 killo wajan se sirf kalaai ki kasrat karti hai Inder, Vinni bitiya ne bataya tha mujhe apne ghar ki ladkiyon wali gym ke baare me. Tu aur main bhi toh kabhi masoom he the, haan tu jyada utpaati tha Ajju ke jaise lekin ek waqt tak hum bas nasamjh shararte karte the lekin ye bache bahot se maamlo me humse behtar prashikshit hai jiska bhaan tak ye hume hone nahi dete.", Narinder ka toh chehre he shunyabhaav me chala gaya jab ye pechkas wali aur Ritu ke pasandida karya ka pata chala.

"Tu pagal hai Shankar?"

"Apni maa ko he dekh le jo Ritu ke peeche bullet par baith kar market jaane lagi hai. Silencer ke upar socket me kassi ka danda rehta hai jab bullet Ritu leke jaati hai, Arjun ne lagwaya hoga jo kabhi prayog nahi hua par saaf matlab hai ki wo sabhi ladkiyan masoom dikhti hai aur hain bhi lekin unka ster hamari ummeed se kahi badhkar hai. Shayad Arjun apni behno ko aatmraksha sikha raha hai kyonki unhone padhne ke liye ghar se bahar bhi jana hai. Aarti ne mujhse bola tha ke wo ye degree karke 2 saal baad IIM ya America se MBA karna chahti hai. Uski padhaai ka samay bhi Ritu aur Alka ke barabar hai, kitabe maine he la kar di thi Delhi se. Hum itne kendrit nahi the Inder apne jiwan ke us samay me beshak college me padhaai ke waqt padhaai ki par bhavishya ke baare me kabhi nahi socha. Teri shaadi he dekh le kaise achanak he ho gayi thi mere sath ek he mandap me? Hum chutiye the bahot se maamle me lekin ye bache apni kamar kase hue hai sab tayaariyon ke sath.", Ab Narinder bhi sab bas khamoshi se sunnta hua sar hila raha tha.

"Alka bitiya ne wo Sanjiv wala boxing kit lagwaya tha mujhse abhi 3-4 din pehle upar wali us gym me he. Uske panjo par garam patti bandhi bhi dekhi thi jiska usne bataya tha ke wo bas dance aur balance practice karti hai fit rehne ke liye. Sanjiv pichle ghar me kick-boxing karta tha thik aise he. Matlab band kamro me bache padhne ke sath he khud ko khaas bana rahe hai? Maa isliye inhe alag khurak aur rang-birange juice deti rehti hai? Beda-garak ho hamara jo bahar duniya me jaane kya kya dhoondte rehte hai lekin apne he bacho ka pata nahi."

"Atchi baat hai bhai ke wo isko jaahir nahi karte aur sabke saamne wahi masoom se gharelu bache hai Inder. Aur wo bade ho rahe hai toh hume unke vyaktigat samay ki kadar karte hue taak-jhaank nahi karni chahiye. Main ab upar jata he nahi siwaye sidha chhatt ke. Waise tu is sabse alag bhi bahot kuch batana chahta tha.", Cigrattee ka tukda bahar fenkte hue Shankar car se utar gaya tha aur Narinder bhi.

"Haan lekin baat lambi chaudi hai aur bottle kharch ho jaani hai poori. Saale sahab se mil lete hai fir nahane ke baad baithte hai araam se khuli chhatt par.", Dono ghar ki aur badhe the jaha Rajkumar ji ke sath he Kundanlal ji aur Rajesh unhe mil gaye. Sasur ka aashirwad lene ke baad Rajesh bhi dono gale lag kar mile.

"Hum abhi ghar me dakhil bhi nahi hue aur aap log jaane bhi lage.", Shankar ki baat sunn kar Rajesh ke chehre par toh sehmati ke bhaav aaye lekin Kundanlal ji ne apni asmarthata darsha di.

"Tum sath chalo beta, hum toh ruk nahi sakte. Komal bitiya bhitar aayi toh hum samajh gaye ki aap log aa chuke ho. Sohan bhai sahab kuch araam par hai filhaal toh mera ghar aur dukaan sambhalna jaruri hai. Bittu bhi kaam se bahar hai isliye Pooja bahu aur dono pauti jaate hue hume sath leke jaani hai. Rajesh aa jayega kal tumhare pas agar tum aaj ghar he rehna chahte ho.", Kundanlal ki baat Narinder bhali bhanti samajh raha tha.

"Kal aate hai hum dono aapke pas. Waise bhi kaafi samay se waqt nahi bitaya apne nohre me toh shaam aapke he sath. Maa ji (Sunanda ji) bhi aayi hai bau ji?"

"Unhe toh Ritu bitiya ne daboch liya hai bhai aur ab naani-naatin ke bech hum kuch nahi kar sakte. Subah aana chahe toh bhijwa dena ya hum gaadi bhej denge."

"Nahi, hum he lete aayenge maa ji ko apne sath. Shankar 5 baje hospital se fursat lega toh main isko wahi se le lunga. Rajesh yar, Daleep bhai ko bol dena ki kal uplabdh rahe.", Rajesh haami bharta hua khush tha ke ye log kar uske sath honge. Kaali cielo me baith kar baap beta nikal chale toh ab Shankar ne apne bade bhai sahab ko lapak liya.

"Raju bhai, roti matt khana. Thoda fresh ho jaaye fir market chalte hai samaan lene. Baaki kuch kaam ki baat ho toh batana fir."

"Haan yar ye Sanjiv ki shaadi se pehle he pee thi aur ab sharir bhi thoda sukoon maangta hai. Main toh Dharampal ke ghar jaane ka soch raha tha kyonki Walia ne usko aur mujhe phone kiya tha kal shaam baithne ke liye. Fir ghar pe tum dono he na raho toh main bhi nikal nahi sakta. Vivaan bolke gaya ki eitwaar ko wo ja raha hai aur kal shaam ko baithte hai lekin ab jawaab kaise du kyonki kal toh pehle he Walia mood banaye baitha hai. Haan aaj hum teeno he baithte hai aur tum dono jitne taro-taja hote ho itne main le aata hu sab samaan.", Narinder ne chabi apne bade bhai ke saamne kar di car ki.

"ye bhi thik hai lekin chhatt par nahi baithte. Pichle ghar chalenge, AC laga hua hai udhar aur biwi bacho se ye sab dur he rahe toh badhiya. Laut aayenge 11 tak, abhi 7 bhi nahi baje.", Rajkumar ji haan kehte hue nikal gaye raat ka vishisht samaan lene. Ghar me sabse milne ke baad ye dono chai pee kar nahane lage aur udhar Ritu apni maa ke kamre me unki na sunti hui apni naani se lipti hui thi. Kapde badal kar ab apne aramdayak vastro me kaapi-kitab aur chasme ke sath.

"Dekh rahi ho naani maa ko aap? Inhe na aajkal bas Komal didi aur Rupali he bhali lagti hai, mujhe toh bandh ke rakhti hai kitabo se aur raat ko 12 baje sone milega fir 4 baje utha bhi dengi. Aaj chutti li thi maine lekin ab fir se kitaabe pakda di.", Alka aur Rupali abhi abhi gayi thi idhar se aur kamre me ab bas ye 3 peedhiya he thi jo jitni umar-daraaj hui utni he behtar. Beshak Sunanda ji aur Ritu ke beech wali Rekha roopi kadi asadharan khoobsurat thi lekin unka ansh aur khud unhe janam dene wali, dono bhi kamtar nahi thi, sharir Rekha se kuch halka jarur tha. Ab apni beti ki nautanki dekhte hue Rekha ji ne he uski kitaabe utha kar bister ke sirhaane rakh di. Jis par Ritu apni naani ko aankh maarne ke baad maa se gale lag gayi.

"Tu kab badi hogi ye meri samajh se toh bahar hai Ritu aur aaj teri naani hai yaha isliye main ye dheel de rahi hu. Maa subah aap bhi iska bachaav nahi karengi. Pehle he subah ki padhaai isne apne bhai se milne ke liye ganwa di.", Rekha ji uth kar khud he kamre thoda thik karne lagi thi. Alka unki chai de kar gayi thi jo unhone ek cup apni maa ko aur dusra khud lete hue kursi par baithna he behtar samjha. Ritu ki coffee abhi wo log bana rahi thi rasoi me.

"Toh Arjun kya kar raha hai udhar? Suna hai dangal jeeta aaj usne aur gaanv me kuch kaam karwa raha hai. Chuttiyon me bhi bhaag liya ghar se wo, mere paas nahi aaya."

"Oh naani wo toh aapki he baat kar raha tha aur aapne toh nahi bataya ki wo aapko bhi phone karta rehta hai. Dekh lo maa, ye naani naati hume nahi batate kuch bhi."

"Kya keh raha tha wo? Baat ek he baar hui thi wo bhi 4 din pehle lekin ghar me pata laga ki phone Arjun ka hai toh bheed jama kar di us Swati ki bachi ne. Haalchal se alag kuch baat na ho saki meri. Phir kal uska phone aaya toh main ghar thi he nahi, Anita bata rahi thi ki mujhse baat karne ke liye phone aaya tha. Raat me milaya toh janaab bahar. Pata nahi kya chor-sipahi chal raha hai. Rekha, tujhse toh baat karta hai na?"

"Maa ne he nahi ki Aaru se baat 2 din ho gaye. Aaj bhi subah usne phone milaya tha lekin kal jaisa bahana aaj bhi bana diya maa ne jaisa usne bataya. Waise naani agar main aapse kuch puchu toh aap batayengi mujhe?", Ritu ne jis andaaj me ye kaha tha aur darwaje par dastak hote he usne Aarti se coffee ka gilaas lene ke baad thodi der me milne ka bolte hue darwaje ki chitakni he chadha di jo Rekha ji bade dhyaan se dekh rahi thi.

"Meri bachi tu kabse ijajat lene lagi? Arjun se juda hua hai kuch?", Sunanda ji ne saree ka pallu thoda dhila karne ke baad Ritu ko apne he kareeb le liya. Rekha ji wise he shaant-bhav se wo drishya dekhti rahi aur kaapi par kalam chalane lagi, kamaal ki pakad thi unki jo wo bina dekhe he eksaar likh rahi thi.

"Wo itna serious toh nahi tha lekin pooch raha tha ke naani apne pariwar me akeli he thi kya jo unhone vasiyat maa ke naam kar di? Waise maa, aapne apni naani ko dekha hai matlab naani ki mummy ko?", Ritu ke is sawaal par Sunanda ji toh badi khush hui lekin Rekha ji lagatar apni beti ko he padh rahi thi. Kaagaj par ab dabbe bane the jaise koyi vanshavali ho aur Rekha ka dimaag jaise swayam Arjun ki kshamta se bhi bahar tha aur yaha wo alag he sutra laga raha thi.

"Ab maine apni naani ko kaise nahi dekha hoga? Aur nana ji akele nahi the, unke bhai matlab chote nana ji toh aakhiri samay pradesh sarkaar ke sachiv the. Naani bahot jyada khoobsurat thi, Mahima naam tha unka aur maa bilkul unke jaisi nahi dikhti. Ab vasiyat isliye mere naam ho gayi kyonki chote nana Pishorilal ji ke sath unke bete yani mere mama Anant Kumar ji ne apna vansh aage nahi badhaya. Mama toh abhi bhi hai lekin wo raajniti se vimukt ho kar ekanatvas me chale gaye. Kyun maa, sahi bata rahi hu na main?", Rekha ji ab un chokor khano me kuch na kuch likhne lagi thi aur 2-3 jagah prashanchinh laga tha.

"Haan beti, meri maa Mahima devi badi khoobsurat mahila thi aur pita ji ka toh punjab raajniti me bhi bada dakhal tha. Main eklauti thi lekin tumhare ya tumhari maa jitni pooch-taach nahi karti thi. hahaha.. majaak kar rahi thi bitiya aur main sachmuch kisi rajkumari se kam nahi thi. Pita ji, bade jaane maane zamindaar aur siyastdaan the jinke vyapaar aur bahari jiwan ke baare me meri jyada dakhal nahi thi lekin mehal jaise ghar me hum par koyi rok-tok nahi thi. Har saal garmiyon me hum sapariwar hamare Himachal wale ghar jaate the, kabhi dekhne chalna aur us waqt wo bhi punjab he tha. Pita ji hume samajhte the aur mujhe rajniti ya udhyog-gharane khaas pasand nahi thi bas pariwar atcha ho aur pati jo hume samkaksh samjhe. Us samay ke mutabik toh hamari shaadi prem-vivaah jaisi he hui. Dur-daraaj ke rishteydar toh nakhush the kyonki main eklauti thi aur unke paas meri shaadi ke liye behtar aur bade rishtey the. Tumhare nana unke har anumaan se 100 guna behtar insaan aur utne he sache vyakti. Jameen jaayedad toh idhar bhi tumne dekhi hai jo baantne ke bawjood sambhalne ke liye 2 darjan logo ko dekhni padti hai. Hamari maa ko behtar pariwar mila aur pati toh thik waise he hume bhi aur main Rekha ke liye bhi khush hu kyonki Kaushalya behan jaisi maa iske pas hai aur tere jaisi pyaari gudiya jo isko chain nahi lene deti. Is baar nanihaal aaogi toh dikhaungi tumhe main meri maa, daadi aur naani tak ki tasvire. Jyadatar toh mere peehar ya un haweliyon me he hai lekin kuch mere pas bhi hai. Waisa dil kare toh apni maa ko mili vasiyat bhi dekh aana, humne toh khud thik se nahi dekhi.", Sunanda ji ka wo khush hona is kamre ko kahi jyada he urjawaan bana raha tha aur Ritu haami bharne ke baad coffee ka cup khali karke maa ki aur badhati ye agla sawaal kar gayi.

"Matlab aapne apni daadi aur naani tak ki tasvire sambhali hui hai? Waah naani ji ye toh vintage jaisa ho gaya. Aap 66 ki aur us time ko dekha jaaye toh aapki mummy hui 80 plus aur unki mummy toh 100+. Tab camera thodi na hote the.", Ritu kya khel rahi thi iska anumaan uski soch se aage Rekha ji laga chuki thi thoda bahot aur ab us kaagaj par kuch aur dibbe bann chuke the. Lekin unki bholi mata ji toh apni naatin ke sath bhooli bisri yaadein sanjha karti hui gadgad ho rahi thi.

"Itne gareeb ghar se toh nahi the beta hamare purvaj. Camera.. janti ho hamare paida hone se pehle se wo khaas camera tha ghar me jisko sirf hamare pita ji chalana jaante the aur usme tasvir lene ke liye bahot der tak baithna padta tha bina hile dule. Haan behtar lagta tha bade chitra chitrakaro se banwana jo tasvir se kahi adhik tikaau rehte aur unchi diwaro par janchte bhi the. Hamari daadi toh kuch khadoos thi jaise Devaki behan, tokataki bahot karti thi par dada ji nahi sunte the unke aur mere liye toh bilkul bhi nahi. Hamari naani.. unka shayad he sahi varnan kar sake hum kyonki wo waqt se aage thi aur hamari maa se toh bilkul he alag. Hamari unke sath yaadein utni saaf toh nahi hai lekin unki ek painting hamare nanihal me humne dekhi thi jisme wo videshi saheli ke sath tennis khel rahi thi. Hamari maa unki eklauti santaan thi aur fir jab hum koyi 10 baras ke the, desh ajaad hone me bahot samay baaki tha ki wo Himachal wali aadhi sampatti Punjab ke kisi mitra raja ko bech kar England ja basi. Ajaadi se pehle he wo bhagwaan ke paas ja chuki thi. Hamare nana ke baare me hume kuch yaad nahi bas unki koyi tasvir ya chitra dekha hoga lekin chehra yaad nahi beti.", Idhar Rekha ji ne ek aur dibba bana kar usme prashanchinh laga diya tha. Ritu ka chehra khush tha lekin wo bhitar se santusht na dikhi.

"Wow. Matlab aapki naani toh us time par modern thi jab British raaj karte the aur hindustani aurate ghoongat ke bina toh chulhe tak nahi jaati thi kamre se. Unka pariwar sidha raja jaise bade logo se sambandh rakht tha. Lekin aadhi sampatti bechi matlab baaki aadhi naani?", Ab Sunanda ji ne thoda apni beti ki taraf dekha aur fir Ritu ke masoom chehre ko jiska sawaal bholepan sa laga unhe.

"Tilotamma.. yahi naam tha unse badi wali naani ka jo baaki sampatti ki maalkin thi lekin wo 14-15 ki umar me chal basi thi jitna hume bataya gaya kyonki naam ke siwa unke baare me hume kuch nahi pata. Hume kya hamari maa ko bhi nahi pata tha unke baare me toh kyonki jab maa paida hui tab badi naani ko gujre hue bhi 7 baras ho chuke the. Atcha yaad dilwaya tumne Ritu bitiya. Hamari badi naani ki sampatti ka toh hamare pita ji tak ko nahi pata tha lekin naani ne Himachal wala ek pushtaini ghar dharohar swaroop maa ko aur unse hume mila tha. Wo aaj bhi waisa he hai aur hume lagta hai ki ek baar tumhe wo jarur dekhna chahiye. Hum khud bhi dekhna chahte hai kyonki us taraf jana he nahi hua shaadi ke baad sirf ek baar gaye the jab kagaj banwaye gaye. Us dharohar ko aaj bhi saaf-suthra aur sahi nigrani me rakha gaya hai toh jyada jehmat nahi karni padegi. Tumhari daadi wapis aati hai toh main unse baat karungi. Tum aur Rekha mere sath chalna, hum bh dekhna chahte hai hamari pichli aur agli 2-2 peedhiyon ke darmiyaan khudko.", Ritu is baat par unke gale lag gayi thi lekin Rekha ji ne rang me thoda sa bhang daal he diya.

"Iske imtihaan se pehle toh maa ji bhi nahi jaane dengi aur mera jana jaruri nahi maa."

"Daadi toh khud bol rahi thi ki main maa ke sath kahi ghoomne chali jaau. Tayaari toh waha reh kar aur bhi atchi hogi na naani jab prakriti ke beech kisi khoobsurat aur shaant cottage me rahenge? Aap bolo nana ji ko ya main he keh deti hu aur maa khud apni dharohar dekhne ja rahi hai. Unka haq main dilwa kar rahungi, haa nahi toh. Kal he chalte hai meri maano toh."

"Teri koyi nahi maan raha haq ki bachi. Aaj poora din tune apne nalayak bhai ki wajah se kharaab kar diya aur ab tujhe kal utni dur jana hai jis se ek aur din kharaab ho? Koyi kahi nahi jaa raha aur main khaane ka dekhne ja rahi hu. 8 baj gaye hai, maa aap bhi andar store ya bathroom se kapde badal lo. Ye aapki laadli 10 baje apne kamre me chali jaayegi."

"Aap jao chachi ke kamre me maa. Main toh yahi naani ke pas sone wali hu aur dekho subah hote he pehle daadi ko phone jaayega aur fir nana ji ko. Daadi sunday wapis aa rahi hai matlab hum log monday jayenge aur fir friday se pehle nahi wapis aane wale. Padhaai me kami hui toh fir jo saja de mujhe manjoor lekin naani ka sapna main poora karke rahungi. Naani aap thoda sa bhi meri tarafdari nahi karti apni beti ke maamle me. Aaru hota toh aap ek minute nahi lagati, ladki hu na main.?", Ab toh Sunanda ji bhi samajh gayi thi is tej khopdi ko. Aur wo uske gaal ko khinchte hue hans rahi rahi.

"Tu ladki hai na isliye ziddi hai aur wo ullu hai jo har baat maan leta hai. Monday matlab pakka monday. Ye bhi kuch nahi bolegi aur tere papa bhi. Apni baaki behno se bhi pooch lena jo sath jana chahe. Alka aur Aarti jarur chalna chahengi, Rupali ka kuch nahi keh sakti aur Komal-Priyanka nahi jaane wali jitna main unhe samajhti hu. Rekha tu baith beti, main he thoda Krishna aur Lalita sang rasoi dekh leti hu. Tera bister lag jaayega is kamre me he aur main meri is natkhat doctorni ke sath he rahungi aaj.", Rekha ke mana karne ke bawjood Sunanda ji unhe wahi baitha kar khud bahar chali gayi. Ab Ritu aur uski maa dono akele me ek dusre ko dekh rahi thi aur apni maa ke mook sawaal par Ritu ko aakhir jawaab dena he pada.

"Aaru ne kaha ki usne aapko dekha waha mehal me aur fir mujhe bhi ek pratima dikhaai maa jo 65-70 baras jitni purani hogi jaisa wo keh raha tha lekin bina jyada barikiyan banaye hue bhi wo marbel statue thik aapke jaisa he tha. Mujhe jyada nahi pata wo kya dhoond raha hai lekin ek baat toh saaf ho gayi na ki jinhe wo dhoond raha hai wo naani ki history se nahi hai. Maa uske kehne par beshak maine ye sab poocha lekin main naani aur aapke sath alag se waqt bitana chahti hu. Aap is ghar se bahar hoti ho na toh aapki khoobsurti kahi jyada badh jaati hai. Thoda sa time nahi nikaal sakti mere sath?", Ritu baat karti karti apne maa ke kareeb aa kar unke gale he lag gayi jabki Rekha ne wo kaapi band kar di thi usko ek hath se apne aagosh me lete hue.

"Jaisa tumhe thik lage waisa he karte hai. Mujhe bhi lagta hai ki, 'mother and daughter deserve some quality time together, away from this hustle and bustle. But I am sure your questions will increase once we reach there. If Arjun is after something and knowingliy he planted you at his place, he is already sure about that terrible resemblance. He is just adding some more witnesses to his research before making the final dent. And I am curious too.", Rekha ji dwara Ritu ko angrezi me Arjun ka khel samjhana he unki durdrishti ka ek chota sa namuna bhar tha. Wo jaan gayi thi ki Arjun ne khud aage na aa kar Ritu ko he isme saamne kar diya hai aur Ritu thik uske jaisi he thi khojbin me, lekin jyada daksh jab baat choti choti kadiyan joddne ki ho.

"Aap na sachmuch mujhe har bar hairaan kar deti ho maa. And I feel bad for myself along with you. You are simply most skilled and perfect observer, I ever came across. Toh Aaru aapse sawaal karta isliye aap us se baat nahi kar rahi ho? Aur kya jaisa wo soch raha hai aisa ho sakta hai?"

"Main baat karti hu us se lekin tab jab wo pareshan ho. Aur wo baat tab karna chahta hai jab main pareshan hou jo ki tum mujhe karti rehti ho. Waise kya sachmuch jo tumne dekha wo mujh jaisa tha Ritu? Aur kya naam tha unka?", Ritu ne pehle toh shararat se unka gaal he halke se kaat liya jaisa wo bachpan me karti thi aur uske baad wo apni maa ki he goad me araam se baith gayi unke jakhmi hath ko apne hath me lete hue.

"Wo kaun thi isme toh khud Aaru uljha hua hai maa kyonki wo 2 aurato ki baat kar raha tha. Jo painting usne dekhi uske baare me rani maa tak ne yahi kaha ke wo Devi thi aur is se jyada kisi ko kuch nahi pata lekin us painting me aapke chehre ke sath Aaru ne jo alag samanta dekhi wo ye thi. Aapke gale se niche ye til jaisa mere aur Aaru ke bhi hai. Mera thoda jyada right side hai lekin aapka aur Aaru ka toh center me hai. Naani thodi aapke jaisi lagti hai jaisa possible hai par itna bhi nahi milte. Mera matlab hair alag hai aap dono ke aur wo thodi mere jaisi hai, dubli. Aur jo statue maine dekhi uske chehre ke feture toh jyada spasht nahi thi carving matlab .."

"Main samajhti hu carving ka matlab doctor sahiba, nakkashi ya utkirnan."

"What utkirnan? Atcha chodo isko haan.. Wo jo lady thi na aap thoda unke jaisi he ho figure se ya veham hoga lekin laga ke aapke upar he white paint kar diya jaaye toh same lagogi. Unka naam Anuradha bataya tha Arjun ne jo hamare dada ji ki daadi thi lekin unhe khud dada ji ke papa ne bhi jyada nahi dekha tha kyonki jab wo 3-4 baras ke the tabhi unki maa ka dehant ho gaya tha. Fir unhone he apni yaad aur kuch paintings ki madad se wo moorat banwai lekin Arjun ke hath wo paintings bhi nahi lagi. Wo yahi sab ulta seedha kaam karne gaya hai kya udhar maa? Aur wo Princess Amrita, bahot poochtach kar rahi thi. Aaru ko bol dena ke dur rahe us se. Ye raja-rani jitne samaaj me shokhi maarte hai inke ghar utne he jyada thande.. Sorry.. mera matlab wo atchi hai lekin Aaru dur rahe toh jyada atcha hoga. Main aati hu jara Alka se mil kar.", Jaane se pehle usne ek baar aur apni maa ka gaal chooma, fir nikal gayi. Rekha ne us sutra ke sabse upari khali bakse me likhe Tilotamma ke barabar he waisa he khana bana kar waha Anuradha likh diya. iske niche jaise poori vanshavali thi aur kuch prashan.

'Arjun ne pratham prem ke samay kaha tha main Tilotamma hu aur uska varnan dil se nikla tha. Aur is Tilotamma ko toh main bhi nahi jaanti, koyi wajah he nahi thi. Ye ab kisko dhoond raha hai Devi? Tilotamma? Anuradha?.. Shayad inme se kisi ko bhi nahi, unse judi kisi ghatna ko.', Rekha ne ek baar atche se us panne ko dimaag me baithane ke baad najdeek rakhe rubber se saaf kar diya tha. Lekin iske baad uske thik pichle panne ko faad kar wo halke se muskuraai.. 'Inki pencil adrishya sandesh padhne me maahir hai.'
.
.
8 baj chuke the jab gaanv me haweli ke bahar Umed ki car ruki. Unke peeche he scooter ki pichli seat par sawaar Rameshwar ji bhi pahuch gaye the, chaalak swayam Jugraaj ji the jinke ghar Pandit ji Kirparam, Lala Haqiqat ji aur S. Suchha Singh ji ke sath mehfil lagaye baithe the pichle 2 ghante se. Apni pati ko aise scooter se utarte dekh kaushalya ji wahi ruk gayi. Jugraaj ji ne unke charan sparsh kiye toh aashirwaad dene ke baad unka jaruri tanz bhi mila.

"Tu iski jaan leke rahega Juggi? Tere pita ji chalate the isko jab tu school jata tha aur aaj tere bete ko bhi dekha tha maine iski sawaari karte savere. Aur aap kaha se dillagi karke padhaar rahe ho pradhaan ji? Ghar pe bache akele honge.", Jugraaj toh hansta hua unhe pranaam karke subah apne ghar ka nyota deta nikal gaya lekin Pandit ji ab Purnima ji aur Umed se bhi ghir gaye the. Sambhav wahi utar gaya tha jab rani maa ko mehal chhoda gaya.

"Bhaagwan, ghar pe bahot log hai. Bahu, bitiya, nurse aur 2-3 sewak bhi. Pehle andar toh chalo aur tu gaadi bahar kyun khadi kare hue hai? Laga isko andar chupchap. Savere bakhat se nikal liyo, kahi na teri haweli par income tax wale raid maar rahe. Wo Pandit ji ka lagta kaha reh gaya jo tum logo ke sath gaya tha kriya karne?", Rameshwar ji Umed ke hath se thaila lete hue ghar me daakhil hue toh sewak ne aangan me ek aur charpaayi laga di. Paani se bhara cooler thandi hawa de raha tha aur Aanchal yahi paalne me Niketan ko litaye uske sath khel rahi thi. In logo ke aane par wo sabko namastey karte hue uthne lagi toh Rameshwar ji ne he usko baithe rehne ka ishara kiya. Laali he sabke liye paani le kar aayi thi jiske pariwar ko yahi haweli par he pichli taraf vyavasthit karwa diya tha Rameshwar ji ne. Laali ke pita Sheebu kaka inke he khet ke chowkidar the aur maa Shobha ab yaha pakki ho gayi thi jo aaj se pehle sirf ghar sambhalti thi siwaye fasal kataai ke samay saal me 20 dihadi karne ke.

"Devaki ka bataya mujhe Aanchal bitiya ne phone par lekin tab samajh na aaya. Beti tu school jaati hai?", kaushalya ji ne Laali ko gilas wapis dene ke sath he usko wahi saamne baitha liya jaha Aanchal thi. Umed haudi par he mooh hath dhone laga tha aur Purnima ji ko Anamika bhitar wale bathroom le gayi thi.

"Ji badi maalkin ab nahi jaati lekin 8 tak padhaai ki hai aur uske baad wo Minakshi didi hai na Bank wale babu ki beti, wo hume 10 kaksha tak ki tayaari karwa chuki hai. Keh rahi thi ki mukt vidhyalya se is baar wo hamara pravesh karwa dengi. Main unke he ghar kaam karti hu kyunki unki amma ji se hota nahi aur didi ki maa bhi dusre bank me kaam par jaati hai. Aap mukhiya ji ki daadi hai?", Uske chehre ki chamak aur bholepan ko dekh Kaushalya ji ne gaal ko sehlaya jaise unhe ye bachi pasand aa gayi thi.

"Wo bas Arjun hai aur tum bhaiya keh ke bulana. Mukhiya koyi nahi hai idhar aur ye Minakshi Lala ji ki pauti hai na ji, jiska naamkaran aapne kiya tha? Samajhdar ladki hai uske maa baap bhi bhale shikshit log. Paise ke liye waha kaam karti hai toh kal se matt jana aur agar yahi prem-pyaar hai jiske sath Minakshi tujhe padhati bhi hai toh jana band matt karna. Tu koyi kaam kar rahi thi abhi?", Rameshwar ji ne toh hanste hue haan keh diya tha us ladki ka naam sunn kar lekin Laali ab thoda sa seham gayi thi.

"Jhopdi se baba samaan laaye the na badi maalkin, main wahi laga rahi thi. Hath dho kar abhi bartan he karne lagi thi fir maa ne paani pakda diya."

"Chal ab tujhe chitrahaar dekhna hai toh wo dekh ya padhna hai toh padh lekin 8 baje ke baad rasoi me nahi dikhegi. Itne atche salwar kameej par ye aadhi tedhi lakire samaan uthane se he bani hai isliye pooch rahi thi. Aur badi maalkin nahi tu daadi he bula liya kar. Hath mooh dho ke jo karna hai kar lekin.."

"Rasoi me kaam nahi karna."

"Haan. Naam kya hai tera?"

"ji Laali.", Usne thoda muskura kar kaha tha, bholepan ke sath. Ungliyan aapas me uljhi aur nange paanv nakhun se jameen kuredti hui.

"Ye toh wo naam hua jo sabne bigaad diya. Poora naam bata bitiya apna."

"Ji Vaishaali Sahu daughter of Shri Shivlal Sahu, village xxxx, district XXXX, Punjab. I am 18 years old.."

"Bas bas akaashvaani thoda saans le le. Itna atcha naam hai Vaishaali aur bigaad ke Laali kar diya. Koyi Laali bole ghar se bahar toh samjha dena ke sahi naam le. Naam isliye poocha ki idhar 1 baje bhi kaksha lagti hai na 4 baje tak chalne wali? Waha tera naam likhwana hai. Garmi ki chuttiyon ke baad jana shuru kar diyo. Chal ab kar jo tera dil kare.", Khush hoti hui Laali jaane lagi toh thoda aage ja kar thithak gayi.

"Badi maalkin.. sorry daadi ji wo peeche jaha humko 2 kamre diye hai udhar ek me toh lattu he nahi laga hua. Waise toh main maa ke sath he soti hu kyonki baba toh raat khet me rehte hai lekin udhar andhera bahot hai."

"Sahi kehti hai ye bachi Kaushalya. Galiyare ke us taraf ye bagicha he najar nahi aata aur iska toh kamra bhi uske aage hai.", Purnima ji toliye se chehra aur hath paunchne ke baad usko taar par daalne ke baad Aanchal ke pas rakhi kursi par he baith gayi. Stool par rakha pani ka saaf gilas le kar wo kaafi der se nirjala rahi ab pyaas shaant karne lagi.

"Pata nahi ye kaise rehte aaye hai jo bijli galat jagah bahate rahenge aur jaha jaruri hai waha lagwani nahi. Aap bhi khamosh baithe ho jabki ye baat main pichli baar bhi bol ke gayi thi ki idhar roshni ho na ho lekin jaha peid paudhe lage hai udhar jaruri hai. Wo daraja thik hua ya abhi bhi fansta hai Purnima?", Is baar jawaab Aanchal ne diya.

"Badi naani wo toh Arjun ne he thok peet ke sudhaar diya tha jis din aaya tha idhar. Pichli taraf usne taar toh daal di thi lekin holder purana tha jo bulb lagate he chatak gaya. Keh toh raha tha ke aaj kar dega thik. Udhar wali motor bhi chalu karwa di lekin abhi chalaai nahi hai, tanki saaf nahi thi."

"Ye aaj ka aaya hua ladka sab thok peet raha hai batao. Chal ab mukhiya he dekhe sab kaam, mujhe kya. Ja beta, light lag jaayegi kal savere aur bathroom bhi naya karwa dete hai. Tu madad kar dena Arjun ki jab wo bagicha thik kare aur haudi me utre toh.", Laali pranaam karti hui daud gayi thi jisko Umed ne 4 laddu ka packet pakda diya tha. Ab sirf yahi log reh gaye the idhar kyonki Aanchal bhi apni maami ki madad ke liye chali gayi thi munne ke sote he.

"Ab batao ji kya masla hai idhar aur Devaki band kyun kar rakhi? Chot aayi toh nurse main samajh sakti hu lekin ye bandookdhari tainaat hai aur aapke mukhiya ji nadarad hai. Devaki par humla hua toh usko he band kar diya?", Ek baar toh Rameshwar ji ne aangan ki taraf dekha jaha koyi na tha kyonki bahu, naatin aur Shobha rasoighar me juti thi. Nurse bhi tehalne ke liye chhat par chali gayi thi, bata kar.

"Hamare mukhiya ji toh nahi hai koyi aapke siwa. Aur jo gayab hai ye sab uska he kiya dhara hai chahe wo prehri ho ya ye naya sewak pariwar is ghar ki sewa me. Maine baat karne chahi toh chup karwa diya ye keh kar ki uski daadi he fainsla karegi aur wo sirf tumse baat karega is sab me. Ab retired aadmi hai isliye pooch khatam ho gayi hamari. Kyun Umed beta galat kaha kya maine?", Rameshwar ji ka majaak Kaushalya ji ko jara na pasand aaya aur Purnima ji muskurati hui us charpaayi par takiya sahi karti hui leit gayi. Safar ki thakaan bhi thi aur badhti umar ka asar bhi.

"Mere bete ko toh beech me mat he ghasito apni pairvi karne ke liye aur Arjun ne fainsla mere jimme kiya hoga lekin ghatna ki rooprekha toh denge retired kautwaal sahab?", Ab Rameshwar ji ke paas koyi chara nahi tha jab Arjun he gayab ho.

"Wo.. Wo keh raha tha ke tum jaanti ho thoda bahot Devaki ke kaarnaame aur ab toh baat dehleej se bahar nikal chuki hai jisme hamari dakhal usko pasand nahi. Tum abhi toh dhiraj rakhna Kaushalya.", Ab toh Kaushalya ji ka dhiraj he jawaab de gaya jo uth kar rasoighar me gayi aur waha maujood teeno se keh diya ke wo bhitar he rahe. Darwaja laga kar wo ab Rameshwar ji ke saamne kursi par baithi unhe ghoor rahi thi. Surakshakarmi khud he bahar chala gaya tha tehalne, bidi peene.

"Wo.. Rekha par Devaki ne humla karwaya tha aur Arjun ko akhaade me tantrik se marwane ki koshish bhi iski he thi. Meena Netram ki he koyi sage wali thi, wahi Netram jo bada bhai hai Devaki ka. Jo naya thekedar bana tha basti se, Mukandi.. wo kisi maksad ke liye Devaki ke kehne par kishoriyon ka apharan karke..", Itne me he Kaushalya ji ke jabde bhinch uthe the aur ye pehli baar tha ki Rameshwar ji apni biwi se najre chura rahe the aur Umed ne apni chachi ko bagal se baahon me lete hue sambhalne ki koshish ki. Wo sachmuch he Kaushalya ji ka beta tha jaise Inder Purnima ji ka. Lekin gusse ke kam hone ke bawjood unki aankhon ke bhitar he aansu ruke rahe.

"Main.. main ye us waqt se keh rahi hu jis din.. isko aapki maa ne mere peeche grah-pravesh karwaya tha. Us din bhi pehla kadam rakhne ki iski chahat ne saaf bata diya tha ke 15 umar me ye 50 ki thi, lekin kapti samajhdar nahi. Rekha.. wo bechari is se ulat sab jaante hue bhi isko bacha rahi thi? Kya bola aapka piddi ab? Aur ab aapki kanoon ki kitaab me masoom ladkiyon ke apharan ki kya saja hai SSP sahab?"

"Tumhari narajgi jayaz hai Kaushalya lekin tumhare saamne hai ki hum pariwar ke maslo me pehle bhi shamil nahi hote the aur aaj bhi sab tumhare hath hai. Saja ke haqdar toh bahot se hai lekin wo tumhare apne hai, mere bhi lekin tumne unke liye toh saja ki maang nahi rakhi. Aaj bhi fainsla tumhare he hath hai, hum is kache aangan se us aur nahi ja rahe.", Rameshwar ji ka aise kadam peeche khinchna Kaushalya ji ko aur bhadka gaya tha jabki ab toh Purnima ji ne bhi unka hath pakad kar naa me sar hila kar unhe rokne ki koshish ki.

"Dekh Purnima tere se mera rumaal tak na chhipa aur tu jaanti hai meri aulaad galat nahi jinhe ye doshi bata rahe hai. Hath mere nahi inke bandhe rahe aur jisko maa ki jimmewari ki aad me dularte rahe na uska he chulha jungle jalata raha lekin dosh meri parwarish ka. Wo ladka bhi jaanta hai ke ye peeche hatt jayenge isliye ye usne mere jimme lagaya. Wo samajhdar hai jo apne baap-chacha ki tarah garam dimaag nahi. Ab tak toh wo dono mundi utaar ke chaupal par latka chuke hote aur jism inke baap ki jeep tale kuchla hota. Haalat samajhte ho aap Arjun ki thodi? Usko wahi pata lag chuka tha ke ye kaand kisne kiya hai aur usko idhar aane ka pakka maksad mila. Rishtey aur umar ka lihaaj rakhte hue usne iski sewa me log laga rakhe hai jabki main ...", Ab jaise Kaushalya ji ka gala he sookh gaya tha jinhe 3-4 bar koshish karne ke baad Umed ne ek ghoont paani pila he diya.

"Hum jaante hai Kaushalya ki hum behtar vyakti nahi hai, kam se kam pariwar ke sadasyo ke beech toh nahi. Hum saja nahi de sakte aur yahi wajah thi ki hamare pita ki antim itcha tak unki chauthi peedhi ne poori ki Arjun ke roop me. Na main, na tumhari koyi aulaad aur mera bhai toh waise bhi dhor (khachhar) hai jisko pariwar kya patni tak ka nahi pata. Bahar main bhi Shankar Inder ya Umed ki tarah 50 gira sakta hu, is umar me bhi hath nahi kaanpne wale lekin tum sahi keh rahi ho ki bhitar hamare hath bandhe hai. Maa ne toh yahi kaha tha na ke isko sambhal ke rakhna, ye saral hai. Humne bas dur reh kar bhi sirf apne bhai par dhyaan diya. Uski aulaade aaj tumhara he pauta thok baja kar sidhi kar raha hai pyaar se. Wo na mujhse thik hue the aur na Shankar ke gusse, Umed ki samajh se. Pooch lo Binodiye ke kaarname bagal me baitha hai ye tumhara beta jo jaanta hai lekin thik karne wala koyi bahar se nahi aaya, usko hum sabne seencha hai Kaushalya aur Arjun ne us ganwaar ko is laayak banaya hai ki wo ghar aur kaam sambhalne laga hai. Uski biwi ab haweli ki dehleej se antim chhor tak vyavasthit karne lagi hai, jinhone aaj subah tumhare bete ko aashirwad diya tha. Wo Devaki ko daadi bula chuka hai isliye saja nahi de sakta, lekin saboot jama kiye hai usne aur jo bekasoor beech me piss rahe the unhe alag kiya. Genhu ke sath jara sa bhi ghunn nahi pisne deta wo. Kya wo galat hai? Aur us par sandeh hai toh fir tumhari jooti aur hamara sar.", Ab kahi jaa kar Kaushalya ji ke dimaag ki garmi kuch kam hui lekin khij toh wo chuki he thi.

"Wo tantrik iska saga tha kya?"

"Nahi uske baare me hamare pita ne Arjun ko bataya tha. Ye jo tumse lipta baitha hai na tumhara laal, iske bade bhai ne he us jaanwar ko parlok pahucha diya aur Arjun ne chita jala di uski. Devaki ka toh wo hai jo idhar haweli par aaya tha iske bhai ke sath. Jaane kya leke gaya hai yaha se par wo Meena Arjun ne apne kabje me le rakhi hai. 4 ladkiyan gaayab karwai thi Devaki ne Mukandi ki madad se us tantrik ke liye jo unhe bhi lene aaya tha par Arjun ne bachhiyon ko unke ghar surakshit bhijwa diya. Shankar aur Inder ne Devaki ko hospital pahuchane se pehle peecha kiya tha un logo ka lekin jeep utar gayi thi unki talaab me aur 2 ko maar giraya Shankar ne. Arjun sambhaal raha tha sabkuch lekin uska mukhya maksad toh bas un ladkiyon ko bachana tha aur ek-aadh bande ko zinda pakadna. Ab nikal gaye hath se aur ye khud chot kha kar bister par soyi padi hai.", Kaushalya ji itna sab sunn kar chinta se Umed ko dekhne lagi thi jo unke sar ko sehla raha tha.

"Chachi, samjho aap chacha ji ki haalat bhi. Wo apni jagah thik hai aur Arjun aapke, hamare sammaan ko bachane ke liye khud ko kaabu kiye hai. Usne akele itna sab kar diya jiski bhanak tak nahi lagne di. Sambhav khud keh raha tha ke wo mahabharat wala Arjun nahi hai, kuch aur he praani hai jiski kshamta sirf wo swayam he jaanta hai. Aapka aur maa ka doodh bhi feeka hai thoda uske saamne. Chacha ji jo keh rahe hai main thik waisa he karta kyonki meri goli aurat aadmi me farak nahi karti aise awsar par, Sheela kaaki saboot hai aur waisa he Inder aur Shankar ka hai. Baaki aapka he sawaal mera hai chacha ji se ki wo bade dada ji ko kaise jaanta hai? Unhe gujre hue toh 35 baras hone ko aaye aur jaha tak yaad hai wo anitm samay toh sabse he vimukh ho gaye the.", Umed ki samajhdari bhari baat ne thoda aur malham lagaya tha Kaushalya ji ke aahit mann par.

"Hum Arjun se sawaal nahi kar sakte is maamle me kyonki usne hume pukhta saboot diya hai ki wo kis kadar hamare pita se juda hua hai. Ye Kalpatre, Sreedhar ya aur bahot se log jo tumhare paida hone se bhi purane hai wo sab pita ji tak simit the aur unhe ye ladka bahar nikaal laya. Yaad hai na Sambhav ne kya kaha tha? Us hisse ki rakhsa he Sambhav ke jimme hai jabki Arjun ne asli vasiyat swayam hamare pita se haansil ki jiska Sambhav ko bhi kuch pata nahi bas Arjun uske liye ek jimmewari hai hamare pita ji dwara nirdharit. Unhone he kaha tha ki bhavishya se unka he koyi aayega jo har paheli hal karega, humse bhi jyada saksham. Filhaal toh wo tumhe dharamsankat me daal gaya hai Kaushalya ji, hum toh daayre se tab bhi bahar the aur aaj bhi.", Rameshwar ji ne jitna jana tha wo bata diya tha aur ab sachmuch Kaushalya ji kuch duvidha me thi.

"Hain kaha aapka ye naya mukhiya? Ab Devaki ke baare me fainsla lene se pehle mujhe uski 2 betiyon aur bete ke baare me sochne ke sath gaanv ka bhi khayaal rakhna hoga. Kayi baar lagta hai ki ye Umed aur Shankar wala hisaab sabse badhiya hai lekin Arjun sabko jiwan ke laayak samajhta hai, ek aad apvaad chhod kar. Aur kya kukarm hai haweli ki choti bahu ke kautwaal sahab?"

"Filhaal toh wo manje wale ke ghar daawat par shamil hoga, kabaddi cup jeeta hai aaj 3 baras baad gaanv ki team ne. Major ka pauta uske sath he jata dikha tha mujhe motorcycle par jaha Arjun bata kar gaya tha ke 10 baj jayenge usko. Aur kukarmo ka toh aisa hai ki jitni parat kholte jao utne gehre aur purane milte jaayenge. 4 bacchiyon ka apharan aur unhe bandi rakhna, raj-mehal se vanchit apradhi Kalpatru ka sath dena, hamari bahu aur paute par jaanleva humla. 363-307 he bahot hai 10 saal bhitar rakhne ke liye lekin us se pehle raaj-darbar ki saja aur us se bhi pehle tumhari. Baaki is beech log bhi maare gaye hai toh bahot si dharaye baith sakti hai. Arjun tumhe jyada khul kar bata dega kyonki usne subah tumhare sath he hona hai. Filhal jara apne bete aur behan ki taraf bhi dekho. Udhar kiwaad lagaye hue ho jaha bhitar garmi se unka bura haal ho raha hoga. Naha le Umed agar dil hai toh, saamne he motor lagi hai.", Kaushalya ji shaant hoti hui rasoighar me he chali gayi thi aur Rameshwar ji thodi bahot jaankari Raghuvir ji ki kriya ki lene lage.
.
.

LAJAWAAB MIND BLOWING AWESOME AND INTERESTING UPDATE BHAI

 

[Raj]

Jasleen himmat wali nikli thi jisne dard-niwarak goli na kha kar dard sehna behtar samjha tha. Kuch gharelu upaye karne me swayam Sukhjeet ne uski madad ki thi jab Dipa bhabhi gurughar gayi subah. Apne ghar bhi uska nass khinchne ka bahana kaam kar gaya tha aur sara din vatanukulit kamre me araam karne ke sath yoni ka khayaal rakhne me bitaya gaya. Atchi baat thi ki Dipa bhabhi ne toh sawaal tak na kiya tha us se aur fir shaam ko Arjun ke sath thodi halki fulki masti majaak, jab Jaggi tayaar hone gaya tha. Dil uska bhi tha Renam ke ghar jaane ka par khud ko samjha liya tha Jasleen ne thoda aur araam karne ke liye. Swargiya Major sahab ka ghar jitna shaant tha utna he viprti najara tha us bade aangan wale khule dule ghar ka jiska parichaya 'manje aale di kothi' ke naam se diya jata tha. Ek taraf yuva warg apni baaton me laga tha aur pichle hisse me 5-6 log madira mehfil jamaye baithe the, jinki sewa me khet ka he ek mulajim laga tha. Gaanv ke mahol aur apni dincharya ke mutabik khana bhi jaldi lagwaya gaya tha lekin Jaggi ne pehle he keh diya tha ke wo log sabse baad me khayenge. Murge bakre ki daawat me Arjun bas naam ke liye he shamil tha jo Nihaal ke sath hum-umar aur bado ko khana parosne me jutt gaya.

"Puttar ji, tumhare vaste Dipa ne paneer aur pakode wali kadhi banaai hai. Ye bhi shakahaari hai aur Jaggi ka pariwar bhi. Waise tumhe ye sab karne ki jarurat nahi hai.", Nihaal ki mata ji ne Arjun ko baaton baaton me tokna chaha jo Nihaal ke pita ji wali taraf khana khilane me laga tha. Nihaal apne dosto aur khel mandali ki sewa me juta tha jiske sath Jaggi bhi hansta bolta hua ghoom raha tha. Jyadatar wo Shahid bhai se kisi na kisi mudde par baat kar raha tha aur beech beech me Arjun ko bhi dekh leta.

"Aunty ji, main toh mehmaan hu nahi aur udhar uncle ji wali taraf mera jana he sahi hai. Waise bhi roti ka samay toh mera 9 baje tak he rehta hai aur aap 4 log itne logo ka khana is garmi me bana rahi hai toh main aur Nihaal toh kuch bhi nahi kar rahe.", Arjun ne baat ke dauraan he Dipa bhabhi ko najro se shukriya keh diya tha shakahari bhojan ke liye. Haan Jaggi bhi aisa he bhojan karta hai ye usko aaj he pata chala tha. Is beech khaane ki plate lagati Renam ka chehra buri tarah paseena me bheega dekh Arjun ne thaaliyan uthane se pehle taar par tanga wo chota toliya uski taraf badha diya. Dupatta ek kandhe se tircha kamar ki taraf bandha tha seene ko chupata hua. Jhuk kar Arjun ne 2 thaaliyan uthaai toh Renam chehra saaf karne se pehle bade he aakarshak andaaj me usko niharti lagi. Arjun chala gaya tha aur chehra saaf karti Renam ko Dipa bhabhi se pehle uski mata ji ne he toka.

"Vekh le samajhdari munde di. Tu os din ki keh rahi c es de baare aur ajj eh munda tera pasina vi ni jhall sakeya. Beta ji, maanas de vichaar jaane bagair osde layi raaye nahi banauni chahidi. Mehmaan de taur te bulaya c par bete vaang lageya hoya. Dipa, sabji ki kadaai utaar de aur bas roti sekti ja. Ek baar me he 20 baithe hai.", Tandoor par Shahid bhai ki begam lagi thi lekin akele unse bhi nahi ho raha tha. Nihaal rotiyan lene aaya toh intjaar karna pada aur waisa he haal Arjun ka tha.

"Jaggi bhaiya, aap aao mere sath idhar. Aur bhabhi aap is table par baith ke bas pede todd ke deti jao.", Roti pahuchane wali paraat Jaggi ko dete hue Arjun ne kameej utaar kar ek taraf taang di thi aur hath dho kar wo lag gaya aate ke pede bhige haatho se failane. Shahid bhai ki begam toh pehle dekhti rahi aur fir thode josh se unhone bhi gol pede Arjun ki taraf badhane shuru kar diye.

"Ae hai munda Delhi dhaabhe wala bhabhi. Haan vi Arjun, tu toh yaar aaj Shahid bhai ki maar padwaane wala hai.", Jaggi maje lene laga tha ab apni bhabhi ke sath aur Shahid hansta hua inke paas aa gaya salaakh utha kar. Arjun ab jitni teji se rotiyan tandoor me laga raha tha Shahid bhai waise he paki hui rotiyan bahan nikalne lage jin par Jaggi makhan lagata hua Nihaal ke sath sabko pahuchane laga. 2 mahilaye aur ek yuvti toh bas dekhti he reh gayi inhe. Agle aadhe ghante me toh rotiyan jama hone lagi thi paraat me. Renam he uth kar idhar chali aayi aur Arjun ko baniyaan samet paseene me bhiga dekh wahi toliya uski aur badha diya.

"Saaf kar leya jaaye pandit ji. Pata nahi c tussi tandooriye vi reh chuke ho.", Uske majaak se jaha Shahid bhai thoda hairan hue wahi Jaggi ki hansi he na ruki. Arjun bhi ab hath dhone ke baad hansta hua chehre ka paseena panchne laga tha.

"Renam, bataya tha na maine ki iska aur Shahid bhai ka dhaba tha. Matlab dhaba mera tha aur ye dono waha tandoor sambhalte the. Chacha ji se payment leke jaunga apne bando ki. Hahaha.."

"Haan puttar ji, payment vi milegi pehle jara khudko toh dekh jo khada khada he kilo kakdi gatak gaya. Ve Shahid, hath mooh dho le putt. Kudi ne vi tere naal khana hai. Bache tah tv dekhde he so chale kamre vich.", Rotiyon ko garam rakhne wale dabbe me sahi se band karti hui Nihaal ki mata ji ne ab sewak se saaf dhuli plate mangwane ke baad in sabhi ka khana parosna shuru kar diya tha. Log khaa pee kar jaa chuke the aur ab bache the toh bas yahi sab. Cooler ke saamne he aangan me 7-8 logo ki plate lagwa kar ye sabhi baith gaye the aur yaha bhi Nihal, Shahid, Jaggi aur Arjun ke baad gol ghere me Renam aa baithi. Saamne Dipa bhabhi, Shahid bhai ki biwi aur Nihaal ki mata ji the jo hansi majaak me in yuva logo se kahi bhi 19 na thi.

"Bebe, Arjun murga nahi khata fer bhi tagda hai aur Jaggi bhaiya bhi dekho.", Nihaal ki baat ka jawaab Jaggi ne he diya tha jabki Arjun toh itne din baad mili pakode wali kadhi aur tandoori rotiyon me he laga raha. Renam ne jarur 2 chammach ghee upar se uski sabji me dala tha jo Dipa bhabhi ki najro se na bacha.

"Neele, khana apni pasand ka hona chahiye. Ab tu yar mehnat karta hai aur khuraak itni yaha uplabdh nahi isliye tere liye yahi thik hai. Kaam toh Dipa bhabhi bhi sabse jyada karti hai jinke paas Renam ya Jasleen, Jeeti jaisa sath dene wala koyi nahi. Khali hoti hai 2 ghadi toh khud he chara kaat deti hai jabki khaali maine inhe dekha nahi jabse hosh sambhala hai. Inki khuraak toh mere aur Arjun se bhi kahi kam hai. Bas insaan khush rahe na toh wo 2 sookhi roti khaa ke bhi chamakta rehta hai. Shahid bhai non-veg khaate hai lekin tumne dekha inke dono bete doodh aur makhan jyada pasand karte hai. Aur jo pasand ho wahi khaao. Galat kaha kya Arjun tandoriye ji?", Is baar fir se sabki hansi nikal gayi thi aur saamne se Nihaal ki mata ji ne he Jaggi ke patt par thappad jadd diya.

"Kuch vi bolta rehta hai. Sach me tum bacho ne toh thodi he der me samasya nibta di. Aur ye atchi baat kahi Jaggi puttar ki insaan khush rahe aur pasand ka khaaye toh us se badhiya kuch nahi, mehnat karta rahe bas. Waise tere papa aur chacha ko mere hath ka mutton bahot pasand hai Arjun beta. Is baar unka rukna nahi hua lekin rukte toh wo peeche wali mehfil raat 11 se pehle na khatam hone wali thi. Haan fir wo peeche nahi baithte, upar chaubara unhe pasand hai. Chal Shahid tu niwala todd nahi toh teri Safina ne aise he baithe rehna hai.", Ab toh Shahid bhabhi ki begam simatne lagi thi jisko dekh bhai hansne lage aur Arjun ne apni baat keh di.

"Aunty ji, Safina bhabhi yaha sharma rahi hai lekin aap na hoti toh fir ye eekh utha leti agar bhaiya roti khaane me aanakani karte. Kuch bhi kaho pyaar ho toh fir aisa he ho.", Ab Shaahid bhai ki sittipitti gum ho gayi thi kyonki unki begam sharmaane ki jagah hairat se Arjun ko dekhti hui sawaaliyan aankhen apne shauhar par tika chuki thi. Baaki kisi ke toh samajh na aaya lekin wo pyaar wali baat par khush hue toh Arjun ne khamoshi se kaan pakad kar bhabhi se guhaar lagaai ki wo khana shuru kare.

"Jaante ho beta, Safina aur Shahid ki jodi sabke liye udaharan hai. Ameena behan Shahid se jyada apni is pyaari bitiya se jyada laad rakhti thi jisne unhe kabhi fir se khet na jaane diya. Aur Shahid ne apni biwi ko khet sambhalte dekh sarkaari naukri chhod di. Miya biwi ko aisa he hona chahiye jo apne prem ko chupate nahi. Main toh yahi dua karti hu ki meri beti ko pati mile toh ya Shahid jaisa ya Dilbaag jaisa. Bina bado ki chhaya ke ye dono he bade ho gaye. Mehnati bhi bahot hai aur bacho se le kar bado ke beech atcha pyaar banaya hua.", Ek pal ke liye Dipa bhabhi ke hath ruke jinhe Arjun ne sar naa me hilate hue sanyam rakhne ka ishara diya.

"Waise agar Shahid bhai jaisa na mile toh toh tandooriya dhoond lena chachi. Renam se garmi bardasht na hoti chulhe ki. Abhi tak chehre laal hai dekho.", Ab toh sachmuch Jaggi ne yaha Renam ke Arjun ko he lapet liya tha aur Safina bhabhi ke mooh ki taraf jata niwala hansi ki wajah se wapis thali me aa gira. Renam ka ghutna Arjun ke paanv se ja mila ghabrahat me.

"Arjun baai di umar ghatt hai Jaggi bhai ji. Nahi toh didi ke liye meri toh pasand yahi tha.", Ab bhole Nihaal ne toh uski maa ko bhi hansne par majboor kar diya tha aur Dipa bhabhi jo khamosh thi unki bhi hansi goonj uthi. Sabka khana dhara reh gaya lekin Arjun ko sakuchate dekh Jaggi ne he baat sambhali.

"Oh bhai wo bhi mumkin nahi tha Neele agar ye barabar ka bhi hota toh. Arjun ka toh rishta tabhi pakka ho gaya tha jab ye nikkar pehanta tha. Apne pandit ji aise nagine ko khula chhodne ki galti kar sakte hai kya? Aaj dekha tha na waha kaise pehle isne Rangi ke dono hath tode aur baad me us rakshas jaise tantrik ko pachada? Isko jodidar bhi iske he mutabik chahiye aur wo ladki bahot jyada alag hai jiske sath ye bachpan se he bandha hai. Roshni se toh rang badalta hai chachi uski aankhon ka aur Safina bhabhi aap bhi na theharti sundarta me uske aage. Shahid bhai baad me chahe koot lene. Jass ne jab aaj tasvir dikhaai na toh ek baar toh laga ke bas Kirti ko mana kar du. Fir dhyaan aaya ke jo khud itni vilakshan hai uska jodidaar toh khud khaas he hoga. Waise Dipa bhabhi aapko toh Jass ne dikhaai hogi na wo album?", Ab yaha Jaggi ne alag he bomb fodd dia tha lekin Arjun ke chehre par aayi muskurahat uski baat ko sahi thehrata tha.

"Aisi bhi koyi ladki ho sakti hai jiski aankhon ka rang badalta ho?", Ye sawaal Safina bhabhi ka tha lekin Renam ke chehre par ab kuch alag he khamoshi thi.

"Aisa nahi hai ki Preeti ki aankhon ka rang badalta hai bhabhi. Uski aankhen hari-neeli hai jo mand roshni me paani si lagti hai aur sawere unki aabha saaf aasmaan si hoti hai. Saamne baitho toh lagta hai ki aap ek duniya dekh rahe ho, jiwan se bhari hui duniya. Aur jab wo naraaj hoti hai toh wo hara rang neele me kho jata hai jaise bahar oxygen he khatam ho gayi ho. Aur wo muskurati hai toh.. Wo aksar muskurati he hai tab saaf lagta hai ki aap is duniya me nahi ho. Kab wo saamne wale ko apne jaadu me lapet le ye pata he nahi chalta. Indradhanush ke har rang ko jaise us se lagaav hai lekin wo toh unhe bhi kaale-safed ke ghere me qaid karke rakhti hai. Preet ho jaati hai bhabhi har nashwar aur anashwar ko uske pehlu me.", Arjun toh khaane ko he bhool baitha tha jab jubaan par Preeti ka naam chadh gaya. Har vyakti bas usko he dekh raha tha aur Shahid bhai ki taaliyon ne ye tandra bhang ki jisme Dipa bhabhi kho chuki thi sabse adhik.

"Nyaye kar paate ho aise vilakshan prem ke sath mukhiya ji?", Unka ye sawaal kahi se bhi pariwarik nahi tha aur ho bhi kaise sakta hai kyonki uska Jasleen se milan khud unhone dekha tha. Unke paksh me he Renam dikhi par vipaksh me bhabhi aur Nihaal ki mata ji.

"Prem kisi ek se simit ho toh fir nyaye nahi ho sakta bhabhi ji. Nadi bhi ant me laut us saagar ke he paas jaati hai jo uski niyati me likha ho lekin kya uski dharayen bant nahi jaati, pyaasi jameen dekh kar? Prem agar ek simit insaan tak simit ho toh wo sampatti jyada kehlata hai. Shahid bhai ko prem hai dharti se, aunty ji ke sapno se, sabhi chahne walo se aur apne khel se. Kya Safina bhabhi ne unhe roka ki apna prem bas mujh tak he rakho? Aisa hota toh main is gaanv me kadam bhi nai rakhta aur mujhe jarurat he kya hoti fir Jaggi bhai ke itne aseem pyaar ki, Shahid bhai ke roop me ek sache bade bhai ki, aapke roop me dekhbhal karne wali bhabhi aur Nihal ke ghar par apne ghar jaise mahol ki? Renam ne waise he meri thaali me dhyaan diya jaisa mujhe mere ghar pe milta hai. Kya ye prem nahi hai? Jass jawaab behtar de sakti hai ki prem ka sahi swaroop kya hai? Un tasviro se Preeti nikaal bhi doge toh prem jarur milega. Subah aunty ji ne mere sar pe hath rakh kar jab dua di thi toh mujhe meri maa ki kami mehsoos nahi hui aur ab bhi mere saamne ye hai. Kya main galat keh raha hu?", Arjun ne har lafz kuch ruk ruk kar kaha tha jisko har insaan sunn raha tha aur thoda ladkhadate hue bhitar kamre me jaate hue Nihaal Singh ke pita ji ne bhi.

"Arjun putt, inhe tera badhiya chehra aur pariwar dikh raha hai filhaal. Ye sab nahi jaante ki aisa bhi ho sakta tha ki aaj tum shamshaan me hote. Prem ya ishq yahi toh hota jisme sharto ke bina khud ko vaar dena jaise tune aaj savere waha akhaade me apni Dipa bhabhi ke liye Rangi ki baahen todd di, us tantrik se maar khaane ke baad bhi ghutne na tek kar maidaan fateh kiya, kabaddi walo ko gur sikhaye jis se wo jeet sake aur Neele ne tujhe araam na karne diya jiski khaatir tu idhar aa ke bhi kaam me jutt gaya. Pyaar mere jaisa amli manje wala samajh sakta hai, par duniya ki aankhen sirf sawaal poonchti hai. Shahid badhiya banda hai aur ye Jaggi na thoda tere jaisa hai bas iski duniya iski bebe hai. Baaki mera puttar bhola bahot hai aur meri laado ziddi. Chalda ha daarni ji, time naal soyan jaaye. Bhua (Darwaja) la leyo bacheya de jaaye baad.", Manje wale daar ji toh sachmuch kisi fakeer se he the jo itni samajh rakhte the ki sadharan insaan sharminda ho jaaye. Isliye wo prakhyaat bhi the aur unki mehfil me log bhi simit aate the. Sabhi khamosh the lekin Arjun ne furti se uth kar pehle unke liye darwaja khola aur fir paani ka jug utha kar andar haal me biche unke manje ke paas rakh diya.

"Tu thodi mooch rakh le puttar. Baapu ji na mooch rakhte the aur iske liye shukriya. Daaru ke baad raat me pyaas lag jaati hai lekin fir aalas ki wajah se uthta nahi."

"Main daadhi bhi rakhunga jab aayegi toh. Aap na thoda meetha kam khaya karo drink karte samay. Mooh jyada sookhta hai fir. Papa ni khaate bilkul bhi.", Arjun unke mude hue chehre ke niche takiya sahi se rakhta hua fir cooler chaalu karke wapis bahar aa baitha jaha ab sabhi log khudko doshi maan rahe the.

"Itna sannatta kyun ho gaya? Meri daadi toh idhar nahi aayi?", Arjun ne baithne ke waqt Renam ke kandhe ka thoda sahara liya tha aur boiye se garam roti khud Renam ne uski thaali me rakh di. uski aankhon me ab jo bhi tha wo nischhal prem tha.

"Sorry yaar. Main toh tere sath tha fir bhi teri chot ke baare me nahi poocha.", Jaggi ne pehli koshish ki thi jis par Arjun ne hath utha kar mana kar diya.

"Maa ka darja de diya fir bhi sawaal kar rahi thi thodi jhalli hu beta."

"Bebe, aap na thik meri maa jaisi he ho. Jaruart ke waqt bolti he nahi. Ye kadhi itni swaad hai jaise meri daadi ne banai ho aur paneer ghar ka kyonki niwale me ghul raha hai. Main ye sab isliye keh raha hu kyonki agar samay se ghar nahi pahuncha toh meri daadi ulta taang degi mujhe. Uncle ji ki baat ko jyada matt sochna, main khatre me nahi tha. Mere papa aur bauji the waha chacha ke sath. Thoda bhi idhar udhar hota na toh unhone seedha goli maar deni thi saamne wale ko fir sorry bol dete.", Hanste hue Arjun ne he sabki thaali me roti rakhi thi jo khud par khed jata rahe the lekin ab unke chehre par bhi muskaan thi.

"Waise tumhari Preeti se jyada sundar bhi kuch ladkiyan thi waha album me?", Dipa bhabhi ne ye charcha majaak me shuru ki thi.

"Haan toh maine kab kaha ki main ya Preeti shersth hai bhabhi? Sundar toh Jass-Renam-Safina bhabhi Nihaal bhi hai aur Jaggi bhai bhi. Waise he Preeti se bhi kahi behtar log hai pariwar me.", Arjun ne aakhiri niwala khatam karne ke baad roti daalne ki koshish karti Renam ka hath pakad liya tha jo is sparsh se he seham si gayi thi lekin usne khud uska hath pakde rakha.

"Komal ko main jaan gayi thi leki 3-4 ladkiyan aur thi waha jinme ek videshi bhi thi. Khair tumhare jaisi jo thi wo tumse bhi atchi dikhti thi. Waise toh Arjun ki maa sa bhi sundar koyi nahi didi. Galat keh rahi hu.?", Dipa bhabhi ne ye alag humla kiya tha jab Ritu ka jikar karne ke sath Rekha ji ko bhi shamil kar liya. Jaane wo kya jugat bhida rahi thi.

"Chalta hu aunty ji 10 bajne wale hai. Bau ji toh ek pal ke liye maan bhi jaayenge lekin daadi ne agar meri maa ko phone kar diya toh unse sawaal jawaab nahi kar sakta. Ritu didi toh saamne se kuch sunti bhi nahi. Aaj bhi maa se jyada bacha hu na unke liye. Jo waha tha wo unhe jaanta he hoga ki main unke liye kya kar sakta hu. Jaanch padtaal mere dada ji ki aadat hai jinse mujhe bachna padta hai. Shaahid bhaiya subah milta hu aapse aur Jaggi bhaiya, rani aap he le jana.", Arjun kisi ka jawaab sune bina he uth kar nikal chuka tha waha se. Ab Dipa bhabhi chaah kar bhi apni aansu na rok saki jo dikhane ke liye hath dhone wali taraf chali gayi.

"Isko ye ekdum kya hua?", Safina bhabhi ne sawaal kiya tha.

"Arjun ke saamne galti se bhi aisi baatein nahi karni jo pariwar se judi ho bhabhi. Wo badal jata hai jaise aaj maine aur Shaahid bhai ne dekha tha. Khair karo ki wo khushi khushi gaya nahi toh wo jo udhar akhaade me tha usko dekh ke 2 baaki pehalwan bhaag nikle. Dipa bhabhi ne galat he raag chhed diya chahe unhe pata nahi tha aur Jasleen ne mujhe bataya bhi tha ke ghar pe Arjun ki mummy aur dono behno ke saamne ye ladka sawaal jawaab nahi karta. Main bhi chalta hu. Dekhna padega ki thanda ghar pahuchta hai ya garam."

"Dipa ko lete ja Jaggi.", Dipa bhabhi wapis aa chuki thi jo khud ab swayam par gussa thi.

"Chalo bhabhi, Arjun ki he rani hai. Chhod deta hu aapko bhi is par. Baaki dhyaan rakhna ke majaak jitna marji lekin maa aur behan par wo nahi sunega. Mere saamne he Suchha Singh ke ladko ki mandeer khinda di thi usne university me. Rangi ka toh jikar daar ji ne aapke liye kar diya. Socho uska aapke liye pyaar kitna hoga jo kal he idhar aaya hai?", Jaggi rani ko idhar se liye chal nikla lekin Arjun seedhe raste kaha milne wala tha. Uski jaanch-padtaal alag thi aur ghar pe Kaushalya ji apne hisab se lagi thi. Haan Narinder ke paas jarur padtaal ke baad bahot se jawaab the lekin wo khatam Arjun par he ho rahe the. Wo kya the wo toh bas charcha se pata lag sakte the.

SUPERB AWESOME FABULOUS KHOOBSURAT AUR INTERESTING UPDATE BHAI

 

[Anil23265]

Jaise pandit motilal ji ko heart attak dikhaya devki ne waise hi iske sar par lagi chot ko koma dikhana chahiye aur Sankar k hospital me admit karke bijli ka sok dete rahe

Devaki ko kya saja milegi aur kya wo samaaj ki najro me aayegi?

 

[christopher1234]

hum tou dushman ko bhi pakiza saza detay hain
hath uthatay nhi bus nazron se gira daitay hain

 

[Tahirtahir111]

Zabardast update

 

[Raj]

Update 207
Saja (A)

"Tu awaara bail ki tarah kidhar ghoom raha hai itni raat ko?", Idhar haweli par bhi sab log khaane se faarig ho chuke the. Purnima ji toh sone bhi chali gayi thi jinhe waise he nimn raktchaap ki pareshani thi. Umed ne kurta toh Arjun ka pehan liya tha lekin pajame ki lambai thodi kam hone ki wajah se wo dhoti baandh kar yahi aangan me alag charpayi par pasra hua tha. Cooler ki thandi hawa ke saamne usko bhi araam tha aur Rameshwar ji bhi nahane ke baad waise he sahuliyat wale kapdo me sone ki tyaari kar rahe the. Bas Kaushalya ji he thi jinhe filhaal neend nahi thi aur aati bhi kaise jab pauta ghar se bahar ho.

"Bau ji aapne bataya nahi tha daadi ko?", Daadi aur Umed ke charan saprsh karta hua wo baaki kapde utaar sirf nikkar me he pump ke niche baith gaya. Kaushalya ji uski he taraf khaat par baithi thi aur karwat liye Pandit ji bhi apne paute ko dekhne lage jo ab pehle se kahi jyada unmukt aur jiwant lagta tha.

"Arre tere chot aayi thi aur fir bhi tu ghar pe nahi tik raha. Mujhe bata diya tha tere bua ji ne ki tu manje wale ke ghar hai lekin beta jab sharir thik na ho toh vishraam karna jyada uchit hai. Aur tu iski aadat atchi bigaad rahi hai Anamika. Sahab toh seedha motor ke niche aur chachi raat me apna bacha chhod teri khidmat me.", Anamika chachi toh sachmuch jhemp gayi kyonki aisa wo har roj he toh karti thi bas aaj Kaushalya ji ke saamne ho raha tha aur wo bhi jab ghoongat naam maatra rehne laga.

"Chot vot na aayi koyi mujhe aur aapne itna kamjor toh nahi banaya mujhe daadi ki thodi bahot ragad lagi nahi aur main bister pakad lu. Waise bhi baba ne tabhi upchaar kar diya tha jab hum jungle ki taraf gaye the. Ye dekho idhar pasli par kharoch tak nahi hai. Waise aap bhi daadi dono taraf chalti ho. Ek toh meri chachi ko khud he keh ke bheja tha mujhe koyi pareshani na ho aur kapde se le kar khaane sone tak ka dhyaan ye rakhe. Aur ab chachi aisa karti hai toh fir bomb mere sar fodna aapne, inhe suna kar?", Arjun gamcha kamar par lapet kar dusre toliye se jism paunchne laga tha. Chachi toh muh jhukaaye muskurati hui gayi lekin ab Rameshwar ji ke sath Kaushalya ji bhi hans rahe the apne paute ki hajir-jawaabi par.

"Waise tujhe pata tha ke wo mere bhai hai?", Umed ke sawaal par Arjun sar paunchte hue naa me sar hilane laga.

"Bas ye pata tha ke wo koyi sidhh yogi hai jinhe aatmik aur yudhkala ka gyaan hai. Raghuvir dada ji ne he milwaya tha mujhe unse aur tab wo har saal ek mahina rukte the udhar. Main sawaal he nahi kar pata tha kabhi kyonki wo saamne hote he kaam par laga dete the. Waise Raghuvir dada ji bhi unhe Yogi he keh kar bulate the chacha. Main khud hairaan hu ki wo aapke he bade bhai nikle lekin atchi baat hai na ke pehle unhone shiksha di aur fir aapne. 8th ke baad toh unse yahi mila tha abhi kuch din pehle. Waise ab aapse bhi koyi lamba hai ghar me. Hahaha.", Umed bhi Arjun ke kathan par hans diya jo pehle thoda gambhir tha.

"Lamba he nahi poore 4 mann ka hai wo daitya. Car ki speed se darr lagta hai usko.. Hahaha.. Shankar ko bataunga ye main, fir maja aane wala hai.", Umed ka bachpana dekh Kaushalya ji ne he jhidki di.

"Bas kar usko satana. Bada bhai hai aur jab usko is bahari duniya ka pata he nahi itna toh ajeeb toh lagega he. Waise tu ruk ja parso tak Umed.", Kaushalya ji ne Arjun se dhyaan hata kar Umed se baatchit shuru ki. Anamika chachi ne Arjun ko pajama tshirt thamaya aur wo rasoighar sametne lagi. Haan Umed aur Rameshwar ji ke liye doodh dena unhe yaad tha.

"Chachi main toh raat bhi nahi rukne wala tha aur subah 4 baje niklunga tab kahi 7 baje ghar aur fir 10 baje kaam par. Pichle ek mahine me apni betiyon tak se nahi milna hua, vypaar toh chalo manager dekh lete hai. Aap laut aaogi toh agla eitwaar aapke aur chacha ji ke sath pakka. Waise aap pareshan hai lekin Arjun hai aapke sath toh jyada sochna band kijiye.", Laali ki maa ne pashuon ka paani chara dekhne ke baad haweli ke kiwaad laga diye the aur bagal wale galiyare se he wo sone chali gayi thi.

"Oh bail, idhar toh baith jara.", Kaushalya ji ne Arjun ko charpaayi par baithne ka ishara diya lekin Umed ke paas baithne ki jagah wo ughde seene he kursi par daadi ke saamne he aa baitha.

"Ab ye tune kaunsi mahabharat khol ke mere mathe maand di beta? Main toh pehle na padti thi is taraf ke lafde me aur ab tu dhakel bhi raha hai toh jaane kitno ke dil bura-bhala kahenge. Tantra-mantra me padd kar isne khud ka he satyanash kiya hai. Aaj sar utha kar chalne laayak nahi hai Devaki apne bacho ke he saamne. Tu chahta hai ke isko aur badi saja mile?", Ye thi thaanedarni ji jo insaan ka mann kayi tarah se tatol sakti thi. Rameshwar ji toh sar ke niche baah maude in dono ki he charcha sunn rahe the.

"Usko saja nahi apne raste rehna kehte hai daadi. Chor ka sach uske gharwalo ko pata chal jaaye toh wo usko police me na de kar bas najar andaaj kar de. Matlab bhai tum jo marji karo, bas humse nahi bolo. Chor bhi bechara sadme me rahega. Nai? Ulta uske paanv fir ghar se bahar jaane lagte hai daadi kyonki usko lagta hai baaki sab bhi yahi karenge. Par wo na chor hai aur na masoom. Ab aap dhyaan se suniye jo main batane ja raha hu.", Arjun ne ek baar apne dada ki taraf dekha aur fir rasog ko band karti Anamika chachi ko, jinhe usne bas ishare se he kamre me rehne ka kaha Aanchal ke paas. Nurse Devaki wale kamre me he araam kar rahi thi aur prehri dusri manzil par aangan me soya hua tha.

"Kya batane laga hai jo mujhe nahi pata ya tune dada ji ko nahi bataya?"

"Sabse pehle he bomb fodd deta hu. Bau ji ne bata diya hoga ki Chandro daadi inke tau ki beti hai jinhone inke pita ko bedakhal kar diya tha aur wo fir apni dono biwiyon ke sath rajasthan bas gaye? Pehli biwi se Netram aur dusri se Devaki daadi aur inka bhai jo narkwasi ho gaya. Inhone chhal se shaadi ki chote dada ji se jiska sach bau ji ko bhi nahi pata. Jaante hai jab wo Anamika daadi se milne gaye the waha unki jagah ye mohtarma chali aayi aur samaaj me bade pandit ji ki ijatt-sammaan ko unke he khilaaf prayog karke ye shaadi jabran ho gayi. Bau ji toh aapse shaadi ko bhi tyaar nahi the kyonki ye training se he toh laute the. Lekin fir ek he mandap me bade aur chote bhai ki shaadi kar di gayi. Swargiya Motilal ji jaante the ki bau ji yaha rahe toh kuch na kuch aafat ho sakti hai aur wo vachan aapko bhi pata hai jis wajah se ye aur Raghuvir dada ji yaha se gaye. Chalo ab haweli me aaye toh aaye lekin sammaan mila aapko aur mere paas likhit me bhi hai ki unhone is haweli ka mukhiya aapko ghoshit kiya hua hai. Ye baat antim samay me wo khol na sake. Waise bau ji aapke pita ji ka dehaant kaise hua tha?", Arjun ne sachmuch he bomb fodd diya tha apne dada daadi par lekin ab uska jo sawaal tha wo bhi jaise kuch paheli liye the.

"Dil ka daura, umar aur shayad jyada jimmedariyo ke bojh ki wajah se. Prakritik maut thi unki aur main idhar se 2 ghante dur he tainaat tha thaane me us samay. 4 baje tadke unhone aakhiri saans li thi jab wo ghar laut kar chai peene lage the aur Krishan ne mehal se hume soochna di thi thik aadhe ghante baad.", Rameshwar ji bade gor se Arjun ko dekhte hue bol rahe the jaise ab koyi naya dhamaka na kar de.

"Hmmm.. Matlab usi saal pehle aapki mata ji ka nidhan hua aur fir aapke pita ji ka.? 1966 me wo 58-59 baras ke he the ya hadd 60 ke honge aur itna majboot kaleje wala aadmi hridya-aghaat se dum todd gaya? Shayad gumgeen mahol ki wajah se aur vyaktigat nuksaan me jaanch nahi kar paya koyi. Khair, me usko chhod bhi du toh papa ko bachpan me wo jehar dene wala kaun saadhu tha? Mujhe maloom hai ki waisa hua tha aur kisne mujhe bataya is se farak nahi padta. Aap ghar akeli thi aur Raghuvir dada ji he papa ko hospital le kar gaye the tab. Uske baad aap Naitik wale maamle me bahar chhaan-bin karte rahe lekin kuch hath laga? Ajju chacha, jo 50 ke saamne ghutne na tekte wo aise he maare gaye? Ye 2 baatein sirf mere kyaas hai lekin papa wala nahi. Uske liye main sunischit hu aur abhi 4 bachiyon ko uthwa kar qaid karwaya gaya taaki wo Kalpatrue koyi anushthaan kar sake. Shamil kaun kaun the usme? Inke bhai sahab Netram, Mukandi aur ye swayam. Maa.. maa ke doshi ko bas aise he jaane diya jaaye daadi? Wo Raman Singh sirf mohra tha kehne ko Rajyvardhan ka lekin khel toh wo Devaki daadi ke ishare par raha tha. Apne he sage bhai ki hatya inhone us Raman dwara karwaayi kyonki wo alag hona chahta tha, pooch lena Damini bua se aap jo khud inke atyacharo ko jaane kabse sehti aayi hai. Aur dada ji, bade he saral dimaag hai na aapke chote bhai sahab? Kya unhe kuch bhi nahi pata hoga is sabke baare me? Rukiye aap log main kuch dikhata hu aapko.", Sabko sakte me chhod kar wo kursi se uth Anamika chachi ke kamre me chala gaya. Ab toh Umed ki bhi neend udd chuki thi ye sab sunn kar. kaushalya ji jaha pehle sadme me thi ab unki aankhon me paani aa gaya tha wo bhi is apni he devraani ke kritya sunn kar.

"Wo baba wali baat sahi hogi chachi. Shankar se abhi jab baat hui thi meri toh wo Inder ke sath baitha tha aur usne sirf yahi kaha ke usne aaj wo baba dekha jisne usko bachpan me zehar wala laddu diya tha. Arjun bhi jis Kalpatru ki baat kar raha hai wo Devaki chachi ke sath in kukarmo me shamil hai. Main ruk nahi paaunga yaha ab."

"Tu baith beta, inse jyada saga mera tu hai. Agar teri chachi aadesh karti hai toh main saja deta hu inhe. Pehle ye bhi dekh le ki Arjun kya dikhana chahta hai. Aur uski pita ji wali baat bhi kahi na kahi thik hai. Wo thode akele jarur rehne lage the maa ke baad par itne kamjor nahi the. 2 mahine ke antraal me unka chala jana vivaadspad baat hai.", Abhi wo aage kuch bolte Arjun safed panne liye udhar aa baitha.

"Ye call detail hai is ghar ke number ki 3 din pehle tak ki. Ye pen se maine ghere banaye hai jaha jaha wo number trunk call ka hai rajasthan me aur samay hamesha he thik 3 baje ka. 2 alag alag number hai jin par baatein hui hai. Ladkiyon ko bhi 35 din pehle he jama karna shuru kiya gaya. Ek number toh XXXX jagah ka hai kisi dhaabe ka aur dusra jis pe jyada baat hui hai wo Meena ke ghar ka number hai. Maine khud raat 12 baje Meena ke darwaje par rang daal kar 4 baje fir uske kadmo ke nishaan Devaki daadi ke darwaje par dekhe. Maine he unhe kal raat neend ki dawa dilwaayi thi jis se baat na ho sake aur main inhe pakad saku.", Arjun ke is khulase aur un telephone ke number ko dekhne ke baad Rameshwar ji ne ek alag he sawaal kiya.

"Phone toh waha saamne wale kamre me hai toh Meena waha se bhi kar sakti thi."

"Kar sakti thi lekin waha wale par STD ki suvidha nahi hai. Aapne sabse pehle ye nahi dekha ki is report me number he kitne hai jabki ye 30 din ki hai. Udhar alag phone hai jiski ghanti nahi bajti aur ye mujhe bas phushphusahat se pata chala jo 3 baje ke kareeb sunaai di thi mujhe. Matlab choti daadi toh phone lagwa nahi sakti alag se aur Vinod chacha ne lagwa kar nahi diya. Bahar khambe se he dono taar itni safaai se bhitar ki gayi hai ki najar nahi padti. Toh sawaal aapke chote bhai sahab se bhi pooche ja sakte hai dada ji lekin us maamle me toh daadi bhi kuch nahi kar sakti kyonki wo aapki jimmewari hai. Rahi baat aap jo saja dilwane ki baat kar rahe the Umed chacha se toh kayi 302 bhi jodd lijiyega usme. Lekin maut.. maut saja nahi saja se chhutkara kehna behtar hai.", Ab jarur Rameshwar ji ke haath-paanv phule the aur unki jhukti najro ka dard samajh kar Kaushalya ji ne he unka hath thaam liya

"Sahi kaha tumne beta aur main tere bau ji ko bhi jhukta nahi dekh sakti. Filhaal Krishan ki poochtach se pehle Devaki ko uske bacho ke saamne karna hoga. Wo bhi jaan le ki uska sach kya hai aur fir saja bhi waisi he milegi jisme chhutkara na mile aur na kabhi chain. Raat bahot ho chuki hai beta aur kal ki subah thodi mushkil rehne wali hai. Main teri Purnima daadi ke paas ja rahi hu, tu bhi araam kar le. Haan is beech tera kamra dhyaan nahi raha tayaar karna."

"Main chachi ke kamre me he so jaunga daadi nahi toh Aanchal didi wale me 2 alag bister hai. Waise chhat bhi khuli aur hawadaar hai lekin filhaal thoda Niketan ke sath khel lu kyonki chachi so jaati hai aur wo 2 baje tak jaag kar unhe pareshan karta hai.", Arjun apne dada ke paanv dabane laga tha aur Umed ne bhi aankhen band kar li. Kareeb 20 minute baad wo apne dada ko sula kar he Anamika ke kamre se takiya gadda le kar chhat par chala gaya sone par aaj Kaushalya ji neend ki dawa lene ke bawjood karwate badal rahi thi.
.
.
"Toh tera kehna hai ke maamla bahot purana hai aur hamare paida hone se bhi pehle ka.?", Rajkumar ji toh quota poora karne par niche ja chuke the lekin Narinder aur Shankar jaise abhi shuru he hue the aur inki charcha pichle ek ghante se jaari thi.

"Haan Shankar aur ye Ramakaant Ajju ke waqt shamil tha. Rana ne marne se pehle bataya ki Ajju mehal gaya tha jaha se usne Ajju ka peecha shuru kiya. Ab ye Rana Veer Singh Rana ka kaunsa rishteydar hai toh main itna he kahunga ki Himachal me he in sabka pariwar fala-phula tha aur baad me iska he baap suraksha pramukh bana tha raja ke darbar me hamare dada ji ke waqt. Prabha devi ki hatya me uska hath hone se inkaar nahi kiya ja sakta lekin saala ye toh hawa me gayab he ho gaya, chahe uska beta he hamare kabje me kyun na ho. Main dhoondne Himmat Singh ko nikla tha lekin 8 laashe sirf Himachal me dafan ki hai maine. Santosh Rana mehal se faraar hai jisko aakhiri bar usi din dekha gaya tha kuch mistry driver type ke gundo ke sath. Arjun bhi us din mehal me he tha jiska matlab Arjun uska sach jaan gaya hoga aur wo Arjun ka saamna nahi kar saka. Lekin Yadhuvanshi ne mujhe ek badi anokhi khabar di hai bhai.", Shankar ke pehle toh sabkuch upar se he jata raha lekin ye anokhi khabar wali baat sunn kar usne jaam ek baar me he nibhta diya.

"Ab aisi khabar kaunsi hui jo anokhi ho? Ramakant toh samajh le gaya mere hath se, behanchod randi ka beej mere bhai ..", Shankar ko gussa karte dekh Narinder ne uska hath daba kar shaant kiya.

"Khabar ye hai ki Ajju jis din mara us din Krishan chacha gaanv me nahi the. Aur 3 din pehle Ajju unse mila bhi tha kisi vishaya me jo maine waise he taal diya tha us waqt kyonki wo pagal kahi na kahi ghoomta he rehta tha aur chacha se milna toh koyi nayi baat nahi thi lekin chacha gaanv me aaye ye nayi baat aur us samay ke hisaab se dekha jaaye toh wo raat me udhar pahuche kaise? Matlab wo din se he udhar kahi honge. Lekin hum unse sawaal nahi kar sakte toh ye kadi kisi sahi bande ko deni hogi. Aur haan galti se bhi Rajasthan ka rukh nahi karna hume Shankar. Ghamasaan ho jaayega bina baat aur idhar Bhalla ka prayog toh bilkul nahi hoga.", Narinder ne us alag sach se vaasta karwa diya tha jo Shankar kuch samay ke liye bhoola tha gusse me.

"Haan.. Lekin yar Ajju ghutne tekne walo me se nahi tha isliye mera mann hamesha he kehta hai ki koyi apna he tha jisne uski hatya ki. Saarang bhale he gusse me us se garma garmi kar le lekin wo papa par he hath daalna hua isliye hatya toh wo nahi karne wala uski. Ramakant ghaagh hai aur kahi na kahi wo aadmi chacha aur Saarang se jawani ke samay se juda hai. Tera us Vardhan wale maamle ka kya bana bhai?"

"Haan wahi baat main karne wala tha Shankar. Vardhan ki soochna hai mere paas aur wo Uttar Pradesh me dabish dene wala hai kisi bahubali par parso. Wo mastermind aadmi hai aur pehle se kahi jyada khatarnak aur nirmam. Thodi bahot maar khaani padegi lekin main usko mana he lunga. Ramakant ka game wahi bajayega mere bhai kyonki Vishnu Vardhan ke pariwar ka khatma usne he karwaya tha. Aur jaanta hai Saarang ka khaas sipesahlhaar kaun hai?"

"Rajyavardhan, Indraneel toh desh se bahar hai."

"Naa.. Balwan. Hamara param mitra Balwan ab uska senapati hai jo ab insaan nahi raha, aatma marr chuki hai uski. Pintu thoda khatra bann sakta hai kyonki wo diler hai aur suraksha ke waqt wo pariwar ka sath dega. Kaise bhi karke Pintu ko ghumwana hai thoda waqt ke liye aur Arjun he aisa kar sakta hai. Ramakaant hath aa gaya toh baaki log bhi aa jaayenge.", Narinder ki yojna jarur majboot thi lekin usme prashan adhik the.

"Waise wo daanav jo ab apna bada bhai hai, usko bhi Rajasthan me bheja ja sakta hai. Sala insaan toh wo bhi nahi aur yakeen maan wo mere pagal swaroop se bhi kahi char paanch guna upar hoga. Kandha abhi tak dukh raha tha daru peene se pehle. Vishnu bhai jaisa dost hai yar apna aur usko daanv par nahi lagana. Balwan ki nabz dhoondte hai aur Ramakaant ki bhi jarur koyi toh kamjori usko pradesh se bahar nikalegi. Main cahlu tere sath Vishnu se milne?"

"Rehne de bhai. Main he maar kha lu toh thik rahega. Aaj tak hum dono ne ek sath pitaai sirf maa se he khaai hai aur us pagal ko mujhe akele he jhelne de. Bharat bhai khiladi aadmi nikle yar Shankar jo unhone CBI fail kar di. Waise tu Devaki chachi ke baare me kuch nahi sochta? Unhe unki kaamwali agwa kar rahi thi aur unke sath wo tantrik tha. Chachi ka bada bhai unhe kyun uthwane laga aur jo manjar Dilbaag ke waha dekha wo thoda sa racha hua lag raha tha jaise hume dikhane ke liye kiya gaya ho? Wo khel pehle he koyi behtar khel raha tha lekin hum usme anjaane shamil ho gaye.", Narinder jis tarah se haadse ko yaad karke bata raha tha Shankar bhi thoda soch me padd gaya.

"Veham hoga yaar tera. Unke aadmi ne dekh liya hoga aur awaaj laga kar sabko ekathha kar liya."

"Aur chachi salamat hath lag gayi? Shankar waha mujhe kisi ne jawaab nahi diya sirf ek ne poori raamkatha aise sunaai jaise wo ratwaai gayi ho. Uske bhosdi wale ke ulte hath par aisa cut tha jaisa hum khud bachpan me maar lete the school na jana pade isliye. Aur Dilbaag ke goli choo kar nikli jabki wo Bhishma tha uske jaangh me udhar jaha maans jyada rehta hai. Aisa nahi hai ki unhone muthbhed nahi ki hogi. Saamne walo ne sirf bhaagna tha aur 2 waha mare pade the, 2 ko tune maar diya. Ek driver, ek tantrik, wo Meena aur Netram. 8 log toh pehle he jeep me rahe honge toh wo log chachi ko kyun le jaane lage.? Matlab wo gaadi me thi he nahi bhai aur inhone bewkoofi ki hogi jeep se ulajhne ki toh dono kinare wale log hath chadh gaye jinhe khud jeep walo ne maar diya jabki Dilbag aur ye log thode he chotil hue. Aisa ho sakta hai ki bas Bhishma ke goli lagi ho aur Dilbaag ke wo bhi nahi par mera dil keh raha hai ke chachi jeep me nahi thi aur hoti toh wo unke sath he jaati. Jeep toh tere jaane par bhi dikhi aur saamna bhi hua wo bhi 500 kadam ki duri se tune un par goliyan chalayi. Matlab wo chachi ko le jana chahte the ya sakushal dekhna chahte the? Dimaag ki band baja ke rakh di hai Arjun ne bhai.", Narinder ki jubaan par aakhir naam aa he gaya tha apne bete ka.

"Arjun? Ab wo kaha se isme aa gaya?"

"Jaggi tak ko usne jaane ka kaha tha haweli par jo chacha ke sath hume lene aa pahucha. Dilbag ko saja ke bahane usne he is suraksha me lagaya hua tha toh khel uska he tha ye sab bas uske paas mauke par utne log nahi the jo saamna kar sakte un sabka. Wo jungle na jata toh pakka udhar he jata. Mujhe kuch ajeeb si feeling aa rahi hai bhai jaise kuch bada hone wala hai aur jitna shaant Arjun utna tej uska dimaag. Ladaai ki toh usko parwaah he nahi thi waha akhaade me aur taqat toh tune bhi dekh li na uski? Wo bhi is Sambhav bhai se kamtar nahi hai kisi bhi tarah bas dimaag thoda jyada tej hai. Ab ye pehle Vinod ke peeche tha jo thanda ho chuka fir pada ye gaanv ke peeche toh matlab sab gul yahi khila raha hai aur jimme lagaya hoga aadarniya thaanedar ji ne.", Narinder ko uljhan me dekh Shankar ne ye aakhiri jaam bina paani ke he bana diya sirf baraf ke tukde gira kar.

"Mera bhi maan yahi kehta hai ki Arjun Devaki chachi ke he peeche hai. Tujhe dhyaan hai na Raman ke sath rishta khud chachi ne taye kiya tha Roshni ka? Aur unhe Roshni ke vidhwa hone se jyada dukh us sapole ke marne pe hua wo bhi papa ke saamne toh unki najar se ye bacha nahi. Haan wo saamne nahi aane wale kyonki unke bhai ka maamla hai aur Arjun pariwarik maamlo me maa pe jyada nirbhar karta hai, papa ki jagah. Tabhi maa jo ki pehle aaj he wapis aane wali thi unka karyakram college ke dikhawe par kahi is wajah se he na badha diya gaya ho. Agar chachi kisi bade kaand me shamil hui toh?"

"Wo pehle se he hai bhai. Tujhe ye bhi nahi bataya lekin Bindu se baat hui thi meri.", Narinder khamosh ho gaya tha ekdum ye naam lete he.

"Bhai tu usko Naitik ka kaatil samajhta tha aur bhool gaya ke usne.. Koyi aur lafda hai na Inder?"

"Shabnam mera khoon hai Shankar... Mera aur Bindiya ka bas ek raat ka sach. Thoda jajbaati ho gaya tha jo maine he phone mila diya apni beti se baat karne ke liye. Dil Shabnam ko gale lagane ka tha lekin Muskaan ko he maan kar mana liya dil.", Ye baat sirf Umed jaanta tha kyonki aaj Shankar ke hath se gilaas jis tarah fisla tha waisa kaanpna pehle kabhi na hua tha. Shankar ko ek he pal me wo sab yaad aa gaya jo usne Shabnam se yaatna dete hue kaha tha. Wo sachmuch uski sagi bhatiji thi, Inder ka khoon matlab uska bhi khoon thi wo. Apne bhai ki haalat dekh Narinder ne uske dono hath paas rakhi kameej se saaf kiye.

"Tujhe kya hua be? Jhatka toh mere liye tha na tere toh anginat ghoom rahe hai gali mohallo me.", Uski wahi hansi me baat udaane wali adaa bhi Shankar ke dard ko kamm na kar saki.

"Galti ho gayi bhai mere se jo maine us ladki par julm dhaya jiske sath mera bhi khoon ka rishta tha. Umed ne kaha bhi tha ke wo hamari bhatiji hai lekin main bas haweli wajah samajhta raha. Maaf kar de yar Inder bahot bhaari galti ho gayi be mere se."

"Shhhh.. Wo galti nahi thi bhai anjaan tha tu. Raat gayi baat gayi. Toh main bata raha tha ke phone Shabnam se baat karne ke liye milaya par baat hui Mirza sahab se aur fir Bindiya se. Kuch idhar udhar ki hone ke baad jab Mirza sahab dur hue honge toh Bindiya ne gajab he dha diya behanchod. Batate hue toh ab bura lag raha hai."

"Aisa kya bata diya be?"

"Wo.. Krishan chacha ki aulaad hai Shankar. Anamika urf Damyanti kaaki jinke paas Ajju aata jata tha wo mehal ki rajkumari thi jo tujhe sirf Saarang ki behan tak ka pata tha lekin ye nahi ki hamare chacha ne he unhe peit se kar diya tha. Devaki chachi se toh shaadi kabhi honi he nahi thi aur wahi thi jinhone Kumari Anamika ko gayab karwaya Laajo kaaki ke sath mil kar. Tujhe meri kasam hai Shankar tu Lata se is maamle me baat nahi karega kyonki usko kuch nahi pata, kuch bhi nahi. Aur uski maa, Laajo gayab hai apni behan Resham ke sath. Reshma, sarpanch ki biwi jis sarpanch ko Chandro taai ne thok diya tha jaisa tune bataya tha. Matlab unhe bhi nahi pata tha ke khel ek alag tikdi khel rahi thi jisme Reshma, Laajwanti aur teesri hui Devaki chachi. Jo chachi ateet me waisa kaand kar sakti hai toh vartmaan me utni shareef kaise ho gayi? Chachi ke kaam ke badle kya saamne wale ne apne kaam nahi karwaye honge unhe munshi ji ke ghar ki bahu aur haweli ki maalkin banwane ke badle? Laajo kaaki bhi rajasthan he chhipi hai. Matlab waha asli khiladi hai aur wo Saarang toh katai nahi kyonki papa usko chikna ghada bolte the. Ab tujhe tagda jhatka laga na bhai Shabnam se bhi bada wala? Ek tarah se toh dekha jaaye main behanchod he bann gaya us sach ko sunn ne ke baad lekin koyi baat nahi kyonki rishta mera Bindiya ka pata tha mujhe. Chacha aur Damyanti kaaki ka nahi. Arjun ne faans liya hai Devaki chachi ko aur ab sachmuch afra tafri machne wali hai bahot si jagah. Chal roti khaate hai fir main kal nikalta hu Vishnu ko lene.", Shankar ka toh dimaag he tight kar diya tha aaj Narinder ne jo bechara khud pehle se bhara baitha tha itna sabkuch jaankar.

"Yaar 2 logo ka jiwan nahi kayion ka kharaab hua is hisaab se toh. Wo toh bechari saari umar vidhwa bann ke rahi aur fir maut bhi mili toh vidhwa ki jiske paas pati ka naam tak nahi. Aur ye mujhe Lata ne bhi kaha tha ke uski maa ne shaadi me taang adaai thi jab papa rishta le kar gaye the mera. Wo bholi hai na aur fir maa uski bhi vidhwa. Bechari ne bahot samjhaute kiye honge aur main uske suhaag ko khatam karke bhi uska pyaar hu. Laajwanti kaaki ko toh saja milni chahiye aur ab ye Devaki chachi fans gayi hai isliye pehle isko dandit karegi maa. Chacha bechare isliye khoye khoye rehte aaye hai aajtak."

"Khoye khoye rehte hue bhi 3 baar kheti ugaa gaye wo usi chachi par. Abe mard jo bhi ho Shankar byaah hone ke baad wo dushman biwi ka bhi bhog karta hai. Humne jo cheej itne barso se na pata lagi wo Arjun Bindiya se jaan chuka tha mujhse he pehle. Aur wo gaanv ki bhi jaankari ikatha kiye baitha hai matlab unke ghar me ghus kar wo unhe benaqaab kar chuka. Ab toh bas fainsla hona baaki hai jo apne se nahi chupne wala kyonki Gajju bhi udhar he hai."

"Haan, aur Binodiya bhi ab tameej se rehne laga hai. Aaj wo hospital ye dekhne na gaya tha ke uski maa ko chot aayi hai. Wo toh sala ye pooch raha tha ke ye kitne din behosh rahengi aur sar pe chot se yaad-dast jaane ke kitne chance hai? Lodu hai poora aur lagta hai uski nayya bhi chachi ne he paar lagaai hogi pehle."

"Hahaha.. chal sudhar toh raha hai ab. Mujhe lagta hai ab kachra saaf karne ke baad koode ka dher jala diya jaayega. Apni maa ko bada maja aata hai us kaam me.", dono itni gambhir baaton ke bawjood hanste hue niche chal diye the aur aaj inhe bhook bhi nahi thi. Inder apni uljhano se bhitar se jhoojh raha tha aur Shankar vyathit tha kuch aise sach jaan kar jo nahi jaanta toh behtar rehta. Ye raat inke liye bhi karwat badalne wali he thi.
.
.
"Aksar hum apni neend khud udwa lete hai anjaane ya jaanboojh kar.", Subah hone me abhi ek ghanta tha aur raat ke 3 baje Arjun ko yu apne saamne he gate faand kar aaya dekh Dipa bhabhi chakit reh gayi. Wo Raano ko soya dekh rahi thi khule aanang me charpaayi par baithi. Jabki ab unke saamne unki he neend udane wala insaan be-samay khada tha.

"Tum.. tum idhar aur wo bhi is tarah chor raste se?", Dipa bhabhi ab kehti bhi kya.

"Upar se dekh raha tha aapko pichle ek ghante se idhar udhar tehalte hue. Wo chhat hamari he hai jaha se aapka aangan poora dikhta hai. Ab ghar me aur toh koyi hai nahi jo yu tehalta rahe. Sone ki koshish main bhi kar raha tha lekin fir paani peene utha toh neend bhi uchat gayi. Chaand dekhte dekhte saya dikh gaya toh chala aaya wajah poochne.", Arjun wahi kache aangan me he kulhe tikata baith gaya tha. Hawa sachmuch ruki hui thi jis wajah se cooler chaalu tha Dipa bhabhi aur Rano ke liye.

"Bijli 12 baje gayi thi aur ab aayi hai jab tum aaye. Battery se sirf pankha chalta hai aur ye aangan ka lattu. Ab so jaungi main."

"Thik hai fir chalta hu main. Mujhe laga koyi aur pareshani hogi kyonki gaanv me log bijli aane jaane se jyada pareshan nahi hote aur aapke yaha toh pankha bhi chalta hai battery se.", Arjun wapis uthne laga toh Dipa bhabhi ne uske kandhe par hath rakh diya. Ye mudra aisi thi ki wo kulhe khaat par tikaye hue Arjun ke chehre ki taraf jhuki thi aur aise jhukne se unka bhaari seena Arjun ke ghutno ke thik upar tik gaya. Kuch pal ye khamoshi rahi aur fir Dipa bhabhi apni awastha dekh wapis sahi ho gayi.

"Mujhe laga tha ke tum is ghar me sirf Jasleen ke liye he aa sakte ho. Meri neend uchatna tumse aisa karwayega toh main kuch din pehle se he jaagna shuru kar deti.", Dipa bhabhi ka kataaksh bata raha tha ke ab wo Jasleen wali baat ka bhi jikar khulkar kar sakti hai uske sath.

"Aap kabhi seedhe tarike se apna mudda bayaan nahi kar sakti kya jo kabhi Nimrat, kabhi meri maa-behan toh kabhi Dilbaag bhaiya aur aaj Jasleen ka bahana kar rahi ho? Anaath thi pehle jisko pariwar mila aur shaadi ke baad pati-beti ke sath khud ka alag pariwar. Har samay khud ko anaath he samajhti rahogi toh fir bhagwan 50 aulaad bhi de de aapne apni he soch me fanse rehna. Insaan aisi ghutan se til til kar marta hai bhabhi chahe fir aap is ghar ki dehleej se bahar kitna bhi chehre par hansi ka naqaab odh lo. Samasya nahi bataogi toh na Dilbaag bhaiya uska hal kar sakte na koyi aur. Ab is tarah unse baatein karti hongi aur wo jatt dimaag waise he paidal hai jo jakhm tak aise deta hai jo kapde me dhake rahe.", Ab jaise ye teer anjaane me he sateek nishaane ja laga tha jisne Dipa bhabhi ka sar jhuka diya. Bahot der tak unki khamoshi Arjun se sehan na hui toh wo uthne laga jis par geele chehre wali Dipa bhabhi ne gujarish andaaj se uska hath thaam kar badhte kadam wahi rok liye.

"Tumhare Dilbaag bhaiya? Wo dekh kar isliye maarte hai ki bahar unka naam aur naqaab na kharaab ho. Nimmo hui toh main bahot khush thi ki ab mera sachmuch he ek pariwar bann gaya hai jisme kam se kam ye pari sath hai chahe tumhare Dilbaag bhaiya bas apne matlab se he mere paas aate ho jo aana band ho gaya tha uske hone par. Jaha main khush hui thi wahi ghar se bahar khushi ka dikhawa karne wale tumhare bhaiya ne mujhe sirf pratadna di ladki paida karne par. Fir bhi sab thik tha aur meethi jubaan dikha kar inhone fir se koshish ki lekin is baar garbh teharne ke baad shehar me paise de kar jaanch karwa li ki ladka hai ya ladki. Ladki thi jisko 20 hafte baad inhone girwa diya. Haalat kya hui thi meri jo dil se bhi tooti aur jism se bhi? Aur sunn na chahte ho? Nimmo school jaane lagi thi aur ek baar fir unhone wahi sab dohraya, vaada kiya ki jo hoga manjoor lekin bache 2 hone chahiye. Kuch ka kuch bata kar fir se jaanch karwa di lekin mujhe bataya nahi. Taqat ki dawa bata kar fir se garbh girwa diya mera aur 10 saal se maine unhe apne kareeb na aane diya Arjun. Ab jaane kiski baaton me aa kar ye badchalan tak batane lage mujhe, tumhare Dilbaag bhaiya. Kitno ke sath mere naam jodd diye kyonki ye khud dusri basti ki ladkiyan paise se khet laane lage. Tumhe lagta hai tumne unhe khet me band kar rakha hai, aisa wo khud chahte the aur mahine me 25 raat pehle bhi wo wahi toh rehte the. Arre mera hath hai kya isme ki mujhe ladka paida na hua? Khoon mera baha 2-2 baar aur apne adhure bache ke tukde maine dekhe. Jism ka dard toh saal 6 mahine me chala jaaye par aatma par jo 2 nirdosh maut ka dukh hai wo tum dur kar sakte ho? Ab kitna ghiri raho main yaadon me aur is shamshaan me? Isliye bahar khadi rehti hu ya hans bol leti hu jaan pehchaan me. Tumne toh bahuto ke dukh dur kiye aur mera itna maan karte ho, kar sakte ho ateet saaf? Badal sakte ho us jaanwar ko jo sabki najro me gaanv ka sammaan aur mehnati hai lekin us hatyaare aur ayyaash insaan ka sach koyi nahi jaanta. Sabke dukh dard dur kar sako, bhagwan nahi ho tum.", Dabi awaaj me apna haal sunati hui wo nirantar aansu baha rahi thi jabki Arjun toh kisi moorat sa bas apni jagah he jamm chuka tha. Usko aise jadd dekh kar Dipa bhabhi ne he khade hote hue uska sar sehlaya.

"Kaanch ke ghar aksar bhitar se khaali hote hai Arjun, duniya ko dikhane ke liye unhe aisa banaya jata hai. Dilbaag aur main thik waise he hai, dono kahi na kahi ek jaise jinka sach ab sirf tum jaante ho. Aur main atche se jaanti thi ki tum ek naram dil insaan ho jo sabke sath khushi me shamil na bhi ho lekin dukh.. tumhe dukh dur karne ki ek bahot galat bimari hai. Ya tumhe khud dard pasand hai jaise abhi tum dard me ho sirf mera sach jaan ne ke baad. Bas isliye he wo tanj ya baatein keh rahi thi jis se tum khud mujhse dur raho."

"Ab judd gaya hu bhabhi aur waise toh main pehli baar aapko dekhte he judd gaya tha aapse lekin Dilbaag bhaiya ne thik nahi kiya, bahot galat kiya hai unhone aur ..."

"Aur tum koyi saja nahi de sakte aise maamle me jiski gawaah aur bhugatne wali he usko maan ne se inkaar kar de. Kuch kar sakte ho toh mujhse dur rehna hai baaki mukhiya ho toh us taur par apne bhaiya ya mujhe kaise bhi dandit kar dena.", Ab ye baan Arjun par asar nahi karne wale the jinhe chala kar wo usko apne se dur karna chahti thi.

"Jakhmo par malham lagane ke sath unhe dene wala jab tak khud aapse maafi na maang le, tab tak Arjun gaanv se toh kya aapse bhi dur na hoga. Dur aap kinhi aur kaarano se bhi rehna chahti hai lekin wo utna gambhir mudda nahi bhabhi. Itchaye aur prem he insaan ko insaan banate hai. Kal dil me aapka Arjun aayega roti par aur sirf hath se nahi goad me baitha kar khilana hoga. Savera hone wala hai, apne teero par atcha zehar lagana lekin vyarth he jaane wala hai wo. Abhi tak hath thaame ho na mera toh dur kaise ja sakta tha.", Dipa bhai ke gaal ko dusre hath se saaf karta hua wo ab unke saamne he tha bilkul kareeb aur uski baat sahi thi ki bhabhi ka pehle wala hath uske hath ko pakde tha aur dusra uske kandhe par. Arjun ki itni gehri baatein aur ghar aane ka aisa nyota khudse dene me he wo uljhi thi ki Arjun ne unka matha choom liya.

"Kaanch ke gharo wali kahawat badal lijiye. Aksar gharonde mitti ke bhi khoobsurat hote hai lekin unhe dekhne ke liye bhitar jana padta hai jaise main aaya.", Ye baat Arjun ne itne dhime kahi thi ki Dipa bhabhi ne uske hontho ka ehsaas apne chehre ke kareeb paya. Chehra uthati hui usko apalak dekh rahi thi lekin dil ki ankahi hasrat kaabu se bahar jaati hui antt me uske hontho se honth jodd baithi. Sab itna jaldi hui ki Arjun ke jawaab dene se pehle he wo alag ho kar bhitar ki taraf kadam badha chuki thi.

"Bhaag lijiye, apne he ghar ke ek aur kone me lekin mere jaane ke baad mujhe jyada kareeb paayengi bhabhi. Dopehar ka intjaar rahega fir saja soch lijiyega apni gustakhi ya chahat ki.", Arjun jaise aaya tha waise he dabe paanv yaha se nikal kar haweli chal diya. Jaane ab kiski aur kitni saja mukarar thi din chadhte he.

JABARDUST EXCELLENT MARVELLOUS LOVELY AND INTERESTING UPDATE BHAI

 

[Raj]

WAITING FOR NEXT UPDATE BHAI

 

[Sam star 7]

Update 207
Saja (A)

"Tu awaara bail ki tarah kidhar ghoom raha hai itni raat ko?", Idhar haweli par bhi sab log khaane se faarig ho chuke the. Purnima ji toh sone bhi chali gayi thi jinhe waise he nimn raktchaap ki pareshani thi. Umed ne kurta toh Arjun ka pehan liya tha lekin pajame ki lambai thodi kam hone ki wajah se wo dhoti baandh kar yahi aangan me alag charpayi par pasra hua tha. Cooler ki thandi hawa ke saamne usko bhi araam tha aur Rameshwar ji bhi nahane ke baad waise he sahuliyat wale kapdo me sone ki tyaari kar rahe the. Bas Kaushalya ji he thi jinhe filhaal neend nahi thi aur aati bhi kaise jab pauta ghar se bahar ho.

"Bau ji aapne bataya nahi tha daadi ko?", Daadi aur Umed ke charan saprsh karta hua wo baaki kapde utaar sirf nikkar me he pump ke niche baith gaya. Kaushalya ji uski he taraf khaat par baithi thi aur karwat liye Pandit ji bhi apne paute ko dekhne lage jo ab pehle se kahi jyada unmukt aur jiwant lagta tha.

"Arre tere chot aayi thi aur fir bhi tu ghar pe nahi tik raha. Mujhe bata diya tha tere bua ji ne ki tu manje wale ke ghar hai lekin beta jab sharir thik na ho toh vishraam karna jyada uchit hai. Aur tu iski aadat atchi bigaad rahi hai Anamika. Sahab toh seedha motor ke niche aur chachi raat me apna bacha chhod teri khidmat me.", Anamika chachi toh sachmuch jhemp gayi kyonki aisa wo har roj he toh karti thi bas aaj Kaushalya ji ke saamne ho raha tha aur wo bhi jab ghoongat naam maatra rehne laga.

"Chot vot na aayi koyi mujhe aur aapne itna kamjor toh nahi banaya mujhe daadi ki thodi bahot ragad lagi nahi aur main bister pakad lu. Waise bhi baba ne tabhi upchaar kar diya tha jab hum jungle ki taraf gaye the. Ye dekho idhar pasli par kharoch tak nahi hai. Waise aap bhi daadi dono taraf chalti ho. Ek toh meri chachi ko khud he keh ke bheja tha mujhe koyi pareshani na ho aur kapde se le kar khaane sone tak ka dhyaan ye rakhe. Aur ab chachi aisa karti hai toh fir bomb mere sar fodna aapne, inhe suna kar?", Arjun gamcha kamar par lapet kar dusre toliye se jism paunchne laga tha. Chachi toh muh jhukaaye muskurati hui gayi lekin ab Rameshwar ji ke sath Kaushalya ji bhi hans rahe the apne paute ki hajir-jawaabi par.

"Waise tujhe pata tha ke wo mere bhai hai?", Umed ke sawaal par Arjun sar paunchte hue naa me sar hilane laga.

"Bas ye pata tha ke wo koyi sidhh yogi hai jinhe aatmik aur yudhkala ka gyaan hai. Raghuvir dada ji ne he milwaya tha mujhe unse aur tab wo har saal ek mahina rukte the udhar. Main sawaal he nahi kar pata tha kabhi kyonki wo saamne hote he kaam par laga dete the. Waise Raghuvir dada ji bhi unhe Yogi he keh kar bulate the chacha. Main khud hairaan hu ki wo aapke he bade bhai nikle lekin atchi baat hai na ke pehle unhone shiksha di aur fir aapne. 8th ke baad toh unse yahi mila tha abhi kuch din pehle. Waise ab aapse bhi koyi lamba hai ghar me. Hahaha.", Umed bhi Arjun ke kathan par hans diya jo pehle thoda gambhir tha.

"Lamba he nahi poore 4 mann ka hai wo daitya. Car ki speed se darr lagta hai usko.. Hahaha.. Shankar ko bataunga ye main, fir maja aane wala hai.", Umed ka bachpana dekh Kaushalya ji ne he jhidki di.

"Bas kar usko satana. Bada bhai hai aur jab usko is bahari duniya ka pata he nahi itna toh ajeeb toh lagega he. Waise tu ruk ja parso tak Umed.", Kaushalya ji ne Arjun se dhyaan hata kar Umed se baatchit shuru ki. Anamika chachi ne Arjun ko pajama tshirt thamaya aur wo rasoighar sametne lagi. Haan Umed aur Rameshwar ji ke liye doodh dena unhe yaad tha.

"Chachi main toh raat bhi nahi rukne wala tha aur subah 4 baje niklunga tab kahi 7 baje ghar aur fir 10 baje kaam par. Pichle ek mahine me apni betiyon tak se nahi milna hua, vypaar toh chalo manager dekh lete hai. Aap laut aaogi toh agla eitwaar aapke aur chacha ji ke sath pakka. Waise aap pareshan hai lekin Arjun hai aapke sath toh jyada sochna band kijiye.", Laali ki maa ne pashuon ka paani chara dekhne ke baad haweli ke kiwaad laga diye the aur bagal wale galiyare se he wo sone chali gayi thi.

"Oh bail, idhar toh baith jara.", Kaushalya ji ne Arjun ko charpaayi par baithne ka ishara diya lekin Umed ke paas baithne ki jagah wo ughde seene he kursi par daadi ke saamne he aa baitha.

"Ab ye tune kaunsi mahabharat khol ke mere mathe maand di beta? Main toh pehle na padti thi is taraf ke lafde me aur ab tu dhakel bhi raha hai toh jaane kitno ke dil bura-bhala kahenge. Tantra-mantra me padd kar isne khud ka he satyanash kiya hai. Aaj sar utha kar chalne laayak nahi hai Devaki apne bacho ke he saamne. Tu chahta hai ke isko aur badi saja mile?", Ye thi thaanedarni ji jo insaan ka mann kayi tarah se tatol sakti thi. Rameshwar ji toh sar ke niche baah maude in dono ki he charcha sunn rahe the.

"Usko saja nahi apne raste rehna kehte hai daadi. Chor ka sach uske gharwalo ko pata chal jaaye toh wo usko police me na de kar bas najar andaaj kar de. Matlab bhai tum jo marji karo, bas humse nahi bolo. Chor bhi bechara sadme me rahega. Nai? Ulta uske paanv fir ghar se bahar jaane lagte hai daadi kyonki usko lagta hai baaki sab bhi yahi karenge. Par wo na chor hai aur na masoom. Ab aap dhyaan se suniye jo main batane ja raha hu.", Arjun ne ek baar apne dada ki taraf dekha aur fir rasog ko band karti Anamika chachi ko, jinhe usne bas ishare se he kamre me rehne ka kaha Aanchal ke paas. Nurse Devaki wale kamre me he araam kar rahi thi aur prehri dusri manzil par aangan me soya hua tha.

"Kya batane laga hai jo mujhe nahi pata ya tune dada ji ko nahi bataya?"

"Sabse pehle he bomb fodd deta hu. Bau ji ne bata diya hoga ki Chandro daadi inke tau ki beti hai jinhone inke pita ko bedakhal kar diya tha aur wo fir apni dono biwiyon ke sath rajasthan bas gaye? Pehli biwi se Netram aur dusri se Devaki daadi aur inka bhai jo narkwasi ho gaya. Inhone chhal se shaadi ki chote dada ji se jiska sach bau ji ko bhi nahi pata. Jaante hai jab wo Anamika daadi se milne gaye the waha unki jagah ye mohtarma chali aayi aur samaaj me bade pandit ji ki ijatt-sammaan ko unke he khilaaf prayog karke ye shaadi jabran ho gayi. Bau ji toh aapse shaadi ko bhi tyaar nahi the kyonki ye training se he toh laute the. Lekin fir ek he mandap me bade aur chote bhai ki shaadi kar di gayi. Swargiya Motilal ji jaante the ki bau ji yaha rahe toh kuch na kuch aafat ho sakti hai aur wo vachan aapko bhi pata hai jis wajah se ye aur Raghuvir dada ji yaha se gaye. Chalo ab haweli me aaye toh aaye lekin sammaan mila aapko aur mere paas likhit me bhi hai ki unhone is haweli ka mukhiya aapko ghoshit kiya hua hai. Ye baat antim samay me wo khol na sake. Waise bau ji aapke pita ji ka dehaant kaise hua tha?", Arjun ne sachmuch he bomb fodd diya tha apne dada daadi par lekin ab uska jo sawaal tha wo bhi jaise kuch paheli liye the.

"Dil ka daura, umar aur shayad jyada jimmedariyo ke bojh ki wajah se. Prakritik maut thi unki aur main idhar se 2 ghante dur he tainaat tha thaane me us samay. 4 baje tadke unhone aakhiri saans li thi jab wo ghar laut kar chai peene lage the aur Krishan ne mehal se hume soochna di thi thik aadhe ghante baad.", Rameshwar ji bade gor se Arjun ko dekhte hue bol rahe the jaise ab koyi naya dhamaka na kar de.

"Hmmm.. Matlab usi saal pehle aapki mata ji ka nidhan hua aur fir aapke pita ji ka.? 1966 me wo 58-59 baras ke he the ya hadd 60 ke honge aur itna majboot kaleje wala aadmi hridya-aghaat se dum todd gaya? Shayad gumgeen mahol ki wajah se aur vyaktigat nuksaan me jaanch nahi kar paya koyi. Khair, me usko chhod bhi du toh papa ko bachpan me wo jehar dene wala kaun saadhu tha? Mujhe maloom hai ki waisa hua tha aur kisne mujhe bataya is se farak nahi padta. Aap ghar akeli thi aur Raghuvir dada ji he papa ko hospital le kar gaye the tab. Uske baad aap Naitik wale maamle me bahar chhaan-bin karte rahe lekin kuch hath laga? Ajju chacha, jo 50 ke saamne ghutne na tekte wo aise he maare gaye? Ye 2 baatein sirf mere kyaas hai lekin papa wala nahi. Uske liye main sunischit hu aur abhi 4 bachiyon ko uthwa kar qaid karwaya gaya taaki wo Kalpatrue koyi anushthaan kar sake. Shamil kaun kaun the usme? Inke bhai sahab Netram, Mukandi aur ye swayam. Maa.. maa ke doshi ko bas aise he jaane diya jaaye daadi? Wo Raman Singh sirf mohra tha kehne ko Rajyvardhan ka lekin khel toh wo Devaki daadi ke ishare par raha tha. Apne he sage bhai ki hatya inhone us Raman dwara karwaayi kyonki wo alag hona chahta tha, pooch lena Damini bua se aap jo khud inke atyacharo ko jaane kabse sehti aayi hai. Aur dada ji, bade he saral dimaag hai na aapke chote bhai sahab? Kya unhe kuch bhi nahi pata hoga is sabke baare me? Rukiye aap log main kuch dikhata hu aapko.", Sabko sakte me chhod kar wo kursi se uth Anamika chachi ke kamre me chala gaya. Ab toh Umed ki bhi neend udd chuki thi ye sab sunn kar. kaushalya ji jaha pehle sadme me thi ab unki aankhon me paani aa gaya tha wo bhi is apni he devraani ke kritya sunn kar.

"Wo baba wali baat sahi hogi chachi. Shankar se abhi jab baat hui thi meri toh wo Inder ke sath baitha tha aur usne sirf yahi kaha ke usne aaj wo baba dekha jisne usko bachpan me zehar wala laddu diya tha. Arjun bhi jis Kalpatru ki baat kar raha hai wo Devaki chachi ke sath in kukarmo me shamil hai. Main ruk nahi paaunga yaha ab."

"Tu baith beta, inse jyada saga mera tu hai. Agar teri chachi aadesh karti hai toh main saja deta hu inhe. Pehle ye bhi dekh le ki Arjun kya dikhana chahta hai. Aur uski pita ji wali baat bhi kahi na kahi thik hai. Wo thode akele jarur rehne lage the maa ke baad par itne kamjor nahi the. 2 mahine ke antraal me unka chala jana vivaadspad baat hai.", Abhi wo aage kuch bolte Arjun safed panne liye udhar aa baitha.

"Ye call detail hai is ghar ke number ki 3 din pehle tak ki. Ye pen se maine ghere banaye hai jaha jaha wo number trunk call ka hai rajasthan me aur samay hamesha he thik 3 baje ka. 2 alag alag number hai jin par baatein hui hai. Ladkiyon ko bhi 35 din pehle he jama karna shuru kiya gaya. Ek number toh XXXX jagah ka hai kisi dhaabe ka aur dusra jis pe jyada baat hui hai wo Meena ke ghar ka number hai. Maine khud raat 12 baje Meena ke darwaje par rang daal kar 4 baje fir uske kadmo ke nishaan Devaki daadi ke darwaje par dekhe. Maine he unhe kal raat neend ki dawa dilwaayi thi jis se baat na ho sake aur main inhe pakad saku.", Arjun ke is khulase aur un telephone ke number ko dekhne ke baad Rameshwar ji ne ek alag he sawaal kiya.

"Phone toh waha saamne wale kamre me hai toh Meena waha se bhi kar sakti thi."

"Kar sakti thi lekin waha wale par STD ki suvidha nahi hai. Aapne sabse pehle ye nahi dekha ki is report me number he kitne hai jabki ye 30 din ki hai. Udhar alag phone hai jiski ghanti nahi bajti aur ye mujhe bas phushphusahat se pata chala jo 3 baje ke kareeb sunaai di thi mujhe. Matlab choti daadi toh phone lagwa nahi sakti alag se aur Vinod chacha ne lagwa kar nahi diya. Bahar khambe se he dono taar itni safaai se bhitar ki gayi hai ki najar nahi padti. Toh sawaal aapke chote bhai sahab se bhi pooche ja sakte hai dada ji lekin us maamle me toh daadi bhi kuch nahi kar sakti kyonki wo aapki jimmewari hai. Rahi baat aap jo saja dilwane ki baat kar rahe the Umed chacha se toh kayi 302 bhi jodd lijiyega usme. Lekin maut.. maut saja nahi saja se chhutkara kehna behtar hai.", Ab jarur Rameshwar ji ke haath-paanv phule the aur unki jhukti najro ka dard samajh kar Kaushalya ji ne he unka hath thaam liya

"Sahi kaha tumne beta aur main tere bau ji ko bhi jhukta nahi dekh sakti. Filhaal Krishan ki poochtach se pehle Devaki ko uske bacho ke saamne karna hoga. Wo bhi jaan le ki uska sach kya hai aur fir saja bhi waisi he milegi jisme chhutkara na mile aur na kabhi chain. Raat bahot ho chuki hai beta aur kal ki subah thodi mushkil rehne wali hai. Main teri Purnima daadi ke paas ja rahi hu, tu bhi araam kar le. Haan is beech tera kamra dhyaan nahi raha tayaar karna."

"Main chachi ke kamre me he so jaunga daadi nahi toh Aanchal didi wale me 2 alag bister hai. Waise chhat bhi khuli aur hawadaar hai lekin filhaal thoda Niketan ke sath khel lu kyonki chachi so jaati hai aur wo 2 baje tak jaag kar unhe pareshan karta hai.", Arjun apne dada ke paanv dabane laga tha aur Umed ne bhi aankhen band kar li. Kareeb 20 minute baad wo apne dada ko sula kar he Anamika ke kamre se takiya gadda le kar chhat par chala gaya sone par aaj Kaushalya ji neend ki dawa lene ke bawjood karwate badal rahi thi.
.
.
"Toh tera kehna hai ke maamla bahot purana hai aur hamare paida hone se bhi pehle ka.?", Rajkumar ji toh quota poora karne par niche ja chuke the lekin Narinder aur Shankar jaise abhi shuru he hue the aur inki charcha pichle ek ghante se jaari thi.

"Haan Shankar aur ye Ramakaant Ajju ke waqt shamil tha. Rana ne marne se pehle bataya ki Ajju mehal gaya tha jaha se usne Ajju ka peecha shuru kiya. Ab ye Rana Veer Singh Rana ka kaunsa rishteydar hai toh main itna he kahunga ki Himachal me he in sabka pariwar fala-phula tha aur baad me iska he baap suraksha pramukh bana tha raja ke darbar me hamare dada ji ke waqt. Prabha devi ki hatya me uska hath hone se inkaar nahi kiya ja sakta lekin saala ye toh hawa me gayab he ho gaya, chahe uska beta he hamare kabje me kyun na ho. Main dhoondne Himmat Singh ko nikla tha lekin 8 laashe sirf Himachal me dafan ki hai maine. Santosh Rana mehal se faraar hai jisko aakhiri bar usi din dekha gaya tha kuch mistry driver type ke gundo ke sath. Arjun bhi us din mehal me he tha jiska matlab Arjun uska sach jaan gaya hoga aur wo Arjun ka saamna nahi kar saka. Lekin Yadhuvanshi ne mujhe ek badi anokhi khabar di hai bhai.", Shankar ke pehle toh sabkuch upar se he jata raha lekin ye anokhi khabar wali baat sunn kar usne jaam ek baar me he nibhta diya.

"Ab aisi khabar kaunsi hui jo anokhi ho? Ramakant toh samajh le gaya mere hath se, behanchod randi ka beej mere bhai ..", Shankar ko gussa karte dekh Narinder ne uska hath daba kar shaant kiya.

"Khabar ye hai ki Ajju jis din mara us din Krishan chacha gaanv me nahi the. Aur 3 din pehle Ajju unse mila bhi tha kisi vishaya me jo maine waise he taal diya tha us waqt kyonki wo pagal kahi na kahi ghoomta he rehta tha aur chacha se milna toh koyi nayi baat nahi thi lekin chacha gaanv me aaye ye nayi baat aur us samay ke hisaab se dekha jaaye toh wo raat me udhar pahuche kaise? Matlab wo din se he udhar kahi honge. Lekin hum unse sawaal nahi kar sakte toh ye kadi kisi sahi bande ko deni hogi. Aur haan galti se bhi Rajasthan ka rukh nahi karna hume Shankar. Ghamasaan ho jaayega bina baat aur idhar Bhalla ka prayog toh bilkul nahi hoga.", Narinder ne us alag sach se vaasta karwa diya tha jo Shankar kuch samay ke liye bhoola tha gusse me.

"Haan.. Lekin yar Ajju ghutne tekne walo me se nahi tha isliye mera mann hamesha he kehta hai ki koyi apna he tha jisne uski hatya ki. Saarang bhale he gusse me us se garma garmi kar le lekin wo papa par he hath daalna hua isliye hatya toh wo nahi karne wala uski. Ramakant ghaagh hai aur kahi na kahi wo aadmi chacha aur Saarang se jawani ke samay se juda hai. Tera us Vardhan wale maamle ka kya bana bhai?"

"Haan wahi baat main karne wala tha Shankar. Vardhan ki soochna hai mere paas aur wo Uttar Pradesh me dabish dene wala hai kisi bahubali par parso. Wo mastermind aadmi hai aur pehle se kahi jyada khatarnak aur nirmam. Thodi bahot maar khaani padegi lekin main usko mana he lunga. Ramakant ka game wahi bajayega mere bhai kyonki Vishnu Vardhan ke pariwar ka khatma usne he karwaya tha. Aur jaanta hai Saarang ka khaas sipesahlhaar kaun hai?"

"Rajyavardhan, Indraneel toh desh se bahar hai."

"Naa.. Balwan. Hamara param mitra Balwan ab uska senapati hai jo ab insaan nahi raha, aatma marr chuki hai uski. Pintu thoda khatra bann sakta hai kyonki wo diler hai aur suraksha ke waqt wo pariwar ka sath dega. Kaise bhi karke Pintu ko ghumwana hai thoda waqt ke liye aur Arjun he aisa kar sakta hai. Ramakaant hath aa gaya toh baaki log bhi aa jaayenge.", Narinder ki yojna jarur majboot thi lekin usme prashan adhik the.

"Waise wo daanav jo ab apna bada bhai hai, usko bhi Rajasthan me bheja ja sakta hai. Sala insaan toh wo bhi nahi aur yakeen maan wo mere pagal swaroop se bhi kahi char paanch guna upar hoga. Kandha abhi tak dukh raha tha daru peene se pehle. Vishnu bhai jaisa dost hai yar apna aur usko daanv par nahi lagana. Balwan ki nabz dhoondte hai aur Ramakaant ki bhi jarur koyi toh kamjori usko pradesh se bahar nikalegi. Main cahlu tere sath Vishnu se milne?"

"Rehne de bhai. Main he maar kha lu toh thik rahega. Aaj tak hum dono ne ek sath pitaai sirf maa se he khaai hai aur us pagal ko mujhe akele he jhelne de. Bharat bhai khiladi aadmi nikle yar Shankar jo unhone CBI fail kar di. Waise tu Devaki chachi ke baare me kuch nahi sochta? Unhe unki kaamwali agwa kar rahi thi aur unke sath wo tantrik tha. Chachi ka bada bhai unhe kyun uthwane laga aur jo manjar Dilbaag ke waha dekha wo thoda sa racha hua lag raha tha jaise hume dikhane ke liye kiya gaya ho? Wo khel pehle he koyi behtar khel raha tha lekin hum usme anjaane shamil ho gaye.", Narinder jis tarah se haadse ko yaad karke bata raha tha Shankar bhi thoda soch me padd gaya.

"Veham hoga yaar tera. Unke aadmi ne dekh liya hoga aur awaaj laga kar sabko ekathha kar liya."

"Aur chachi salamat hath lag gayi? Shankar waha mujhe kisi ne jawaab nahi diya sirf ek ne poori raamkatha aise sunaai jaise wo ratwaai gayi ho. Uske bhosdi wale ke ulte hath par aisa cut tha jaisa hum khud bachpan me maar lete the school na jana pade isliye. Aur Dilbaag ke goli choo kar nikli jabki wo Bhishma tha uske jaangh me udhar jaha maans jyada rehta hai. Aisa nahi hai ki unhone muthbhed nahi ki hogi. Saamne walo ne sirf bhaagna tha aur 2 waha mare pade the, 2 ko tune maar diya. Ek driver, ek tantrik, wo Meena aur Netram. 8 log toh pehle he jeep me rahe honge toh wo log chachi ko kyun le jaane lage.? Matlab wo gaadi me thi he nahi bhai aur inhone bewkoofi ki hogi jeep se ulajhne ki toh dono kinare wale log hath chadh gaye jinhe khud jeep walo ne maar diya jabki Dilbag aur ye log thode he chotil hue. Aisa ho sakta hai ki bas Bhishma ke goli lagi ho aur Dilbaag ke wo bhi nahi par mera dil keh raha hai ke chachi jeep me nahi thi aur hoti toh wo unke sath he jaati. Jeep toh tere jaane par bhi dikhi aur saamna bhi hua wo bhi 500 kadam ki duri se tune un par goliyan chalayi. Matlab wo chachi ko le jana chahte the ya sakushal dekhna chahte the? Dimaag ki band baja ke rakh di hai Arjun ne bhai.", Narinder ki jubaan par aakhir naam aa he gaya tha apne bete ka.

"Arjun? Ab wo kaha se isme aa gaya?"

"Jaggi tak ko usne jaane ka kaha tha haweli par jo chacha ke sath hume lene aa pahucha. Dilbag ko saja ke bahane usne he is suraksha me lagaya hua tha toh khel uska he tha ye sab bas uske paas mauke par utne log nahi the jo saamna kar sakte un sabka. Wo jungle na jata toh pakka udhar he jata. Mujhe kuch ajeeb si feeling aa rahi hai bhai jaise kuch bada hone wala hai aur jitna shaant Arjun utna tej uska dimaag. Ladaai ki toh usko parwaah he nahi thi waha akhaade me aur taqat toh tune bhi dekh li na uski? Wo bhi is Sambhav bhai se kamtar nahi hai kisi bhi tarah bas dimaag thoda jyada tej hai. Ab ye pehle Vinod ke peeche tha jo thanda ho chuka fir pada ye gaanv ke peeche toh matlab sab gul yahi khila raha hai aur jimme lagaya hoga aadarniya thaanedar ji ne.", Narinder ko uljhan me dekh Shankar ne ye aakhiri jaam bina paani ke he bana diya sirf baraf ke tukde gira kar.

"Mera bhi maan yahi kehta hai ki Arjun Devaki chachi ke he peeche hai. Tujhe dhyaan hai na Raman ke sath rishta khud chachi ne taye kiya tha Roshni ka? Aur unhe Roshni ke vidhwa hone se jyada dukh us sapole ke marne pe hua wo bhi papa ke saamne toh unki najar se ye bacha nahi. Haan wo saamne nahi aane wale kyonki unke bhai ka maamla hai aur Arjun pariwarik maamlo me maa pe jyada nirbhar karta hai, papa ki jagah. Tabhi maa jo ki pehle aaj he wapis aane wali thi unka karyakram college ke dikhawe par kahi is wajah se he na badha diya gaya ho. Agar chachi kisi bade kaand me shamil hui toh?"

"Wo pehle se he hai bhai. Tujhe ye bhi nahi bataya lekin Bindu se baat hui thi meri.", Narinder khamosh ho gaya tha ekdum ye naam lete he.

"Bhai tu usko Naitik ka kaatil samajhta tha aur bhool gaya ke usne.. Koyi aur lafda hai na Inder?"

"Shabnam mera khoon hai Shankar... Mera aur Bindiya ka bas ek raat ka sach. Thoda jajbaati ho gaya tha jo maine he phone mila diya apni beti se baat karne ke liye. Dil Shabnam ko gale lagane ka tha lekin Muskaan ko he maan kar mana liya dil.", Ye baat sirf Umed jaanta tha kyonki aaj Shankar ke hath se gilaas jis tarah fisla tha waisa kaanpna pehle kabhi na hua tha. Shankar ko ek he pal me wo sab yaad aa gaya jo usne Shabnam se yaatna dete hue kaha tha. Wo sachmuch uski sagi bhatiji thi, Inder ka khoon matlab uska bhi khoon thi wo. Apne bhai ki haalat dekh Narinder ne uske dono hath paas rakhi kameej se saaf kiye.

"Tujhe kya hua be? Jhatka toh mere liye tha na tere toh anginat ghoom rahe hai gali mohallo me.", Uski wahi hansi me baat udaane wali adaa bhi Shankar ke dard ko kamm na kar saki.

"Galti ho gayi bhai mere se jo maine us ladki par julm dhaya jiske sath mera bhi khoon ka rishta tha. Umed ne kaha bhi tha ke wo hamari bhatiji hai lekin main bas haweli wajah samajhta raha. Maaf kar de yar Inder bahot bhaari galti ho gayi be mere se."

"Shhhh.. Wo galti nahi thi bhai anjaan tha tu. Raat gayi baat gayi. Toh main bata raha tha ke phone Shabnam se baat karne ke liye milaya par baat hui Mirza sahab se aur fir Bindiya se. Kuch idhar udhar ki hone ke baad jab Mirza sahab dur hue honge toh Bindiya ne gajab he dha diya behanchod. Batate hue toh ab bura lag raha hai."

"Aisa kya bata diya be?"

"Wo.. Krishan chacha ki aulaad hai Shankar. Anamika urf Damyanti kaaki jinke paas Ajju aata jata tha wo mehal ki rajkumari thi jo tujhe sirf Saarang ki behan tak ka pata tha lekin ye nahi ki hamare chacha ne he unhe peit se kar diya tha. Devaki chachi se toh shaadi kabhi honi he nahi thi aur wahi thi jinhone Kumari Anamika ko gayab karwaya Laajo kaaki ke sath mil kar. Tujhe meri kasam hai Shankar tu Lata se is maamle me baat nahi karega kyonki usko kuch nahi pata, kuch bhi nahi. Aur uski maa, Laajo gayab hai apni behan Resham ke sath. Reshma, sarpanch ki biwi jis sarpanch ko Chandro taai ne thok diya tha jaisa tune bataya tha. Matlab unhe bhi nahi pata tha ke khel ek alag tikdi khel rahi thi jisme Reshma, Laajwanti aur teesri hui Devaki chachi. Jo chachi ateet me waisa kaand kar sakti hai toh vartmaan me utni shareef kaise ho gayi? Chachi ke kaam ke badle kya saamne wale ne apne kaam nahi karwaye honge unhe munshi ji ke ghar ki bahu aur haweli ki maalkin banwane ke badle? Laajo kaaki bhi rajasthan he chhipi hai. Matlab waha asli khiladi hai aur wo Saarang toh katai nahi kyonki papa usko chikna ghada bolte the. Ab tujhe tagda jhatka laga na bhai Shabnam se bhi bada wala? Ek tarah se toh dekha jaaye main behanchod he bann gaya us sach ko sunn ne ke baad lekin koyi baat nahi kyonki rishta mera Bindiya ka pata tha mujhe. Chacha aur Damyanti kaaki ka nahi. Arjun ne faans liya hai Devaki chachi ko aur ab sachmuch afra tafri machne wali hai bahot si jagah. Chal roti khaate hai fir main kal nikalta hu Vishnu ko lene.", Shankar ka toh dimaag he tight kar diya tha aaj Narinder ne jo bechara khud pehle se bhara baitha tha itna sabkuch jaankar.

"Yaar 2 logo ka jiwan nahi kayion ka kharaab hua is hisaab se toh. Wo toh bechari saari umar vidhwa bann ke rahi aur fir maut bhi mili toh vidhwa ki jiske paas pati ka naam tak nahi. Aur ye mujhe Lata ne bhi kaha tha ke uski maa ne shaadi me taang adaai thi jab papa rishta le kar gaye the mera. Wo bholi hai na aur fir maa uski bhi vidhwa. Bechari ne bahot samjhaute kiye honge aur main uske suhaag ko khatam karke bhi uska pyaar hu. Laajwanti kaaki ko toh saja milni chahiye aur ab ye Devaki chachi fans gayi hai isliye pehle isko dandit karegi maa. Chacha bechare isliye khoye khoye rehte aaye hai aajtak."

"Khoye khoye rehte hue bhi 3 baar kheti ugaa gaye wo usi chachi par. Abe mard jo bhi ho Shankar byaah hone ke baad wo dushman biwi ka bhi bhog karta hai. Humne jo cheej itne barso se na pata lagi wo Arjun Bindiya se jaan chuka tha mujhse he pehle. Aur wo gaanv ki bhi jaankari ikatha kiye baitha hai matlab unke ghar me ghus kar wo unhe benaqaab kar chuka. Ab toh bas fainsla hona baaki hai jo apne se nahi chupne wala kyonki Gajju bhi udhar he hai."

"Haan, aur Binodiya bhi ab tameej se rehne laga hai. Aaj wo hospital ye dekhne na gaya tha ke uski maa ko chot aayi hai. Wo toh sala ye pooch raha tha ke ye kitne din behosh rahengi aur sar pe chot se yaad-dast jaane ke kitne chance hai? Lodu hai poora aur lagta hai uski nayya bhi chachi ne he paar lagaai hogi pehle."

"Hahaha.. chal sudhar toh raha hai ab. Mujhe lagta hai ab kachra saaf karne ke baad koode ka dher jala diya jaayega. Apni maa ko bada maja aata hai us kaam me.", dono itni gambhir baaton ke bawjood hanste hue niche chal diye the aur aaj inhe bhook bhi nahi thi. Inder apni uljhano se bhitar se jhoojh raha tha aur Shankar vyathit tha kuch aise sach jaan kar jo nahi jaanta toh behtar rehta. Ye raat inke liye bhi karwat badalne wali he thi.
.
.
"Aksar hum apni neend khud udwa lete hai anjaane ya jaanboojh kar.", Subah hone me abhi ek ghanta tha aur raat ke 3 baje Arjun ko yu apne saamne he gate faand kar aaya dekh Dipa bhabhi chakit reh gayi. Wo Raano ko soya dekh rahi thi khule aanang me charpaayi par baithi. Jabki ab unke saamne unki he neend udane wala insaan be-samay khada tha.

"Tum.. tum idhar aur wo bhi is tarah chor raste se?", Dipa bhabhi ab kehti bhi kya.

"Upar se dekh raha tha aapko pichle ek ghante se idhar udhar tehalte hue. Wo chhat hamari he hai jaha se aapka aangan poora dikhta hai. Ab ghar me aur toh koyi hai nahi jo yu tehalta rahe. Sone ki koshish main bhi kar raha tha lekin fir paani peene utha toh neend bhi uchat gayi. Chaand dekhte dekhte saya dikh gaya toh chala aaya wajah poochne.", Arjun wahi kache aangan me he kulhe tikata baith gaya tha. Hawa sachmuch ruki hui thi jis wajah se cooler chaalu tha Dipa bhabhi aur Rano ke liye.

"Bijli 12 baje gayi thi aur ab aayi hai jab tum aaye. Battery se sirf pankha chalta hai aur ye aangan ka lattu. Ab so jaungi main."

"Thik hai fir chalta hu main. Mujhe laga koyi aur pareshani hogi kyonki gaanv me log bijli aane jaane se jyada pareshan nahi hote aur aapke yaha toh pankha bhi chalta hai battery se.", Arjun wapis uthne laga toh Dipa bhabhi ne uske kandhe par hath rakh diya. Ye mudra aisi thi ki wo kulhe khaat par tikaye hue Arjun ke chehre ki taraf jhuki thi aur aise jhukne se unka bhaari seena Arjun ke ghutno ke thik upar tik gaya. Kuch pal ye khamoshi rahi aur fir Dipa bhabhi apni awastha dekh wapis sahi ho gayi.

"Mujhe laga tha ke tum is ghar me sirf Jasleen ke liye he aa sakte ho. Meri neend uchatna tumse aisa karwayega toh main kuch din pehle se he jaagna shuru kar deti.", Dipa bhabhi ka kataaksh bata raha tha ke ab wo Jasleen wali baat ka bhi jikar khulkar kar sakti hai uske sath.

"Aap kabhi seedhe tarike se apna mudda bayaan nahi kar sakti kya jo kabhi Nimrat, kabhi meri maa-behan toh kabhi Dilbaag bhaiya aur aaj Jasleen ka bahana kar rahi ho? Anaath thi pehle jisko pariwar mila aur shaadi ke baad pati-beti ke sath khud ka alag pariwar. Har samay khud ko anaath he samajhti rahogi toh fir bhagwan 50 aulaad bhi de de aapne apni he soch me fanse rehna. Insaan aisi ghutan se til til kar marta hai bhabhi chahe fir aap is ghar ki dehleej se bahar kitna bhi chehre par hansi ka naqaab odh lo. Samasya nahi bataogi toh na Dilbaag bhaiya uska hal kar sakte na koyi aur. Ab is tarah unse baatein karti hongi aur wo jatt dimaag waise he paidal hai jo jakhm tak aise deta hai jo kapde me dhake rahe.", Ab jaise ye teer anjaane me he sateek nishaane ja laga tha jisne Dipa bhabhi ka sar jhuka diya. Bahot der tak unki khamoshi Arjun se sehan na hui toh wo uthne laga jis par geele chehre wali Dipa bhabhi ne gujarish andaaj se uska hath thaam kar badhte kadam wahi rok liye.

"Tumhare Dilbaag bhaiya? Wo dekh kar isliye maarte hai ki bahar unka naam aur naqaab na kharaab ho. Nimmo hui toh main bahot khush thi ki ab mera sachmuch he ek pariwar bann gaya hai jisme kam se kam ye pari sath hai chahe tumhare Dilbaag bhaiya bas apne matlab se he mere paas aate ho jo aana band ho gaya tha uske hone par. Jaha main khush hui thi wahi ghar se bahar khushi ka dikhawa karne wale tumhare bhaiya ne mujhe sirf pratadna di ladki paida karne par. Fir bhi sab thik tha aur meethi jubaan dikha kar inhone fir se koshish ki lekin is baar garbh teharne ke baad shehar me paise de kar jaanch karwa li ki ladka hai ya ladki. Ladki thi jisko 20 hafte baad inhone girwa diya. Haalat kya hui thi meri jo dil se bhi tooti aur jism se bhi? Aur sunn na chahte ho? Nimmo school jaane lagi thi aur ek baar fir unhone wahi sab dohraya, vaada kiya ki jo hoga manjoor lekin bache 2 hone chahiye. Kuch ka kuch bata kar fir se jaanch karwa di lekin mujhe bataya nahi. Taqat ki dawa bata kar fir se garbh girwa diya mera aur 10 saal se maine unhe apne kareeb na aane diya Arjun. Ab jaane kiski baaton me aa kar ye badchalan tak batane lage mujhe, tumhare Dilbaag bhaiya. Kitno ke sath mere naam jodd diye kyonki ye khud dusri basti ki ladkiyan paise se khet laane lage. Tumhe lagta hai tumne unhe khet me band kar rakha hai, aisa wo khud chahte the aur mahine me 25 raat pehle bhi wo wahi toh rehte the. Arre mera hath hai kya isme ki mujhe ladka paida na hua? Khoon mera baha 2-2 baar aur apne adhure bache ke tukde maine dekhe. Jism ka dard toh saal 6 mahine me chala jaaye par aatma par jo 2 nirdosh maut ka dukh hai wo tum dur kar sakte ho? Ab kitna ghiri raho main yaadon me aur is shamshaan me? Isliye bahar khadi rehti hu ya hans bol leti hu jaan pehchaan me. Tumne toh bahuto ke dukh dur kiye aur mera itna maan karte ho, kar sakte ho ateet saaf? Badal sakte ho us jaanwar ko jo sabki najro me gaanv ka sammaan aur mehnati hai lekin us hatyaare aur ayyaash insaan ka sach koyi nahi jaanta. Sabke dukh dard dur kar sako, bhagwan nahi ho tum.", Dabi awaaj me apna haal sunati hui wo nirantar aansu baha rahi thi jabki Arjun toh kisi moorat sa bas apni jagah he jamm chuka tha. Usko aise jadd dekh kar Dipa bhabhi ne he khade hote hue uska sar sehlaya.

"Kaanch ke ghar aksar bhitar se khaali hote hai Arjun, duniya ko dikhane ke liye unhe aisa banaya jata hai. Dilbaag aur main thik waise he hai, dono kahi na kahi ek jaise jinka sach ab sirf tum jaante ho. Aur main atche se jaanti thi ki tum ek naram dil insaan ho jo sabke sath khushi me shamil na bhi ho lekin dukh.. tumhe dukh dur karne ki ek bahot galat bimari hai. Ya tumhe khud dard pasand hai jaise abhi tum dard me ho sirf mera sach jaan ne ke baad. Bas isliye he wo tanj ya baatein keh rahi thi jis se tum khud mujhse dur raho."

"Ab judd gaya hu bhabhi aur waise toh main pehli baar aapko dekhte he judd gaya tha aapse lekin Dilbaag bhaiya ne thik nahi kiya, bahot galat kiya hai unhone aur ..."

"Aur tum koyi saja nahi de sakte aise maamle me jiski gawaah aur bhugatne wali he usko maan ne se inkaar kar de. Kuch kar sakte ho toh mujhse dur rehna hai baaki mukhiya ho toh us taur par apne bhaiya ya mujhe kaise bhi dandit kar dena.", Ab ye baan Arjun par asar nahi karne wale the jinhe chala kar wo usko apne se dur karna chahti thi.

"Jakhmo par malham lagane ke sath unhe dene wala jab tak khud aapse maafi na maang le, tab tak Arjun gaanv se toh kya aapse bhi dur na hoga. Dur aap kinhi aur kaarano se bhi rehna chahti hai lekin wo utna gambhir mudda nahi bhabhi. Itchaye aur prem he insaan ko insaan banate hai. Kal dil me aapka Arjun aayega roti par aur sirf hath se nahi goad me baitha kar khilana hoga. Savera hone wala hai, apne teero par atcha zehar lagana lekin vyarth he jaane wala hai wo. Abhi tak hath thaame ho na mera toh dur kaise ja sakta tha.", Dipa bhai ke gaal ko dusre hath se saaf karta hua wo ab unke saamne he tha bilkul kareeb aur uski baat sahi thi ki bhabhi ka pehle wala hath uske hath ko pakde tha aur dusra uske kandhe par. Arjun ki itni gehri baatein aur ghar aane ka aisa nyota khudse dene me he wo uljhi thi ki Arjun ne unka matha choom liya.

"Kaanch ke gharo wali kahawat badal lijiye. Aksar gharonde mitti ke bhi khoobsurat hote hai lekin unhe dekhne ke liye bhitar jana padta hai jaise main aaya.", Ye baat Arjun ne itne dhime kahi thi ki Dipa bhabhi ne uske hontho ka ehsaas apne chehre ke kareeb paya. Chehra uthati hui usko apalak dekh rahi thi lekin dil ki ankahi hasrat kaabu se bahar jaati hui antt me uske hontho se honth jodd baithi. Sab itna jaldi hui ki Arjun ke jawaab dene se pehle he wo alag ho kar bhitar ki taraf kadam badha chuki thi.

"Bhaag lijiye, apne he ghar ke ek aur kone me lekin mere jaane ke baad mujhe jyada kareeb paayengi bhabhi. Dopehar ka intjaar rahega fir saja soch lijiyega apni gustakhi ya chahat ki.", Arjun jaise aaya tha waise he dabe paanv yaha se nikal kar haweli chal diya. Jaane ab kiski aur kitni saja mukarar thi din chadhte he.

Devali ki saza kaisi hogi pata nhi lekin dipa bhabhi ki saza mast hone wali he

 

[firefox420]

abhi tak janch partal hi chal raha hain inka.... aur koi bhi apne haath gande nahin karna chahta chahe wo kaushalya jee ho ya pandit jee... devaki ko saja dene toh yeh chale the lekin uske sabhi jurm abhi tak sahi tarike se samne nahin aaye hain... na arjun ko maloom hain na hi kisi aur ko....

aur yeh krishan jee wakai mein piddi hee hain ya phir unka alag pehlu bhi hain jo kisi ko na maloom... wo lagatar sarang kumar se sampark mein rahte hain... toh jo chot wo iss pariwar pe kar raha hain itne saalo se kya krishan jee ko maloom na parta hoga.... pratyaksh ya apratyaksh roop se toh lagta hain yeh bhi shamil rahe honge....

yehan pe toh ab motilal jee aur panditjee kee mata jee ke bhi maut pe sandeh hone laga hain... lekin baat hain ki puktha shuboot na hain.. aur jawab sirf ek hi insan janta hain jo kabhi kuboolega nahin.. aur yeh pariwar waale kabhi kosis bhi na karenge... ab toh ajju kee maut mein bhi inke haath hone se koi sandeh na lagta hain.... arjun ne naitik wala mamla bhi uchhala... kya isme bhi devki ka haath tha.... agar tha toh kya kumar saarang se devki sampark mein thee ya phir krishan jee ke through.... matlab bewi rajyawardhan ke sampark mein rahti hain aur pati kumar sarang ke.... rajasthan wala dhaba toh wahee hain jahan pe lajjo gayee thee...

kya pandit jee apne ladle bhai se puchhtachh karenge.... na karenge toh unhe toh yahee lagega kee wo bach ke nikal gaye..... dar toh hona chahiye,, itne saalo se jo khulla sand ban ke ghum rahe the uska hissab bhi hona chahiye....

sabji bhai

baat aisi hai ki us khule saand bane ghoom rahe bhai ko ramme to kucch kehne se rahe .. maa ko vachan diya tha aur pita ne bhi piddi ka dhyaan rakhne ki baat kahi thi ...

rahi baat devki ki .. to ye mohtarma full khurafaati hai .. isiliye to hospital mein bed par pasri hui hai taake apni jethani ka saamna na karna pade .. magar ab ghir chuki hai thodi si .. kyonki jaise plan kiya tha .. sab kucch waise nahi hua ...

devki chandro tai ki chacheri behen hai .. ye baat unhone kabhi kyon nahi batai .. kaushalya ji ko .. aaj bhi meri sooi chandro daadi par atki hui hai .. inki neeyat aaj bhi poorntya shuddh nahi hai 'sansar' ke prati ...

waise tillotama mo lekar .. rakha ji ki bhi jigyasa badh gayi hai .. magar arjun ke saamne wo apne patte na kholne waali jaldi se .. jab tak ke arjun khud apne hatyaar nahi giraata apni maa ke saamne ...

waise un bakso mein sabse upar tillotama thi .. magar beech mein aur pehle ki kayi kadiya abhi judni baaki hai .. joki mere khyaal se aagle 20 ya 22 update tak youn hi ulzhi rahegi .. tab tak mahadev jaroor kucch na kucch kaand kar baithenge .. kyonki chingaari to Inder dev ne laga di hai .. magar uski aag thandi inn dada-pauto ko he karni padegi ...

aut ajju ke kate haath mein wo kangan kautwaal sanhab ke bakse mein itne saalo tak pade rehne ka kya yahi kaaran tha ki us-se kumari diya ji ke pyaar par ungli uth jaati .. shayad wo kangan uss bagh mein raghu ne diya ho ek raajkumari ko apne bhai/dost ramme ki nigraani/chowksi ke dauraan .. ab agar Sambhav ka vajood in dono ke pyaar ki wajah se hai .. to kya ramme-latika ka bhi ...

ajju sirf kisi ek do chhote mote kaarno ke kaaran to nahi mara .. jo sambhaavnaaye abhi tak saamne nokal kar aayi hai .. ve to koi khas nahi ...

dekhte hai ye tillotama ka raj gharane se aur motilal 'anuradha' sharma ji ke taar iss gutthi mein kaha tak uljhe hue hai ...

 

[Anil23265]

hum tou dushman ko bhi pakiza saza detay hain
hath uthatay nhi bus nazron se gira daitay hain

Aapko to border par fauji bhayion k sath khada karna chahiye goli barud k bhi paise bachenge aur dusman bhi dher