aka3829
Prime
- 3,369
- 12,320
- 159
"Indradhanush sa ye ladka kab dil me utar gaya mujhe khud he pata na chala. 20 minute me he mere chehre par itni muskaan le aaya tha jitni 20 saal me na aai thi. Jaise mere paanv par se mitti jhaad raha tha toh aisa lag raha tha ke saalo se dhool me lipta dil saaf kar raha ho. Mujhe toh ehsaas bhi na tha ke main ek ladki, yuvti ya zindagi me koi astitva bhi hai. Meri kalaai ko thaame woh chalne laga toh pehli baar mujhe khud laga ke ye haq bas iska he hona chahiye, mujhe thaamne ke aur sanvarne ka. Mere liye ek kadwa bol na sehte hue kaise ye anjaan sa ladka khatre se ja bhida. Us kshann me mere dil ne pehli baar kaha tha ke ye ek taraf sari duniya hai aur ek taraf bas ye akela. Agar waise he hath thaame dhadkan ruk bhi jaati toh pichli badhaal zindagi ka koi dukh na tha. Bhool gai thi ki maang me sindoor hai, paanv me samaaj ki janjeer bas ye pal he hai jo kisi vardaan sa mila hai."
"Baaghi ho gai thi us pal me. Shayad uparwala mere imtihaan le raha tha. Dusri baar is chehre ne khushiyan di thi. Fir tumhe pal bhar dekhne ke liye kitne din gujaare aur kaisi ghatnaye ek ke baad ek hoti rahi. Laga ke upar wala bas ek anmol yaad de kar baaki zindagi waisi he rakhne wala hai, tanha aur akelepan se bhari hui. Lekin shayad dil pighal gaya ho thoda jo tumhe itne toh kareeb le aaya ke roj dekh saku, apni hadd banaye hue.", Bhaavshunya si Menaka halke halke apne nakhun ke agle hisse se Arjun ki tshirt kurdti keh rahi thi.
Ye wali meri jalti lomdi. Itani achhi rachna tumhari najaro se kaise bach gayi
Last edited:
