Iron Man
Try and fail. But never give up trying
- 40,529
- 102,943
- 304
Awesome Super Fantastic Mind Blowing Dhanshu UpdateUpdate 138
Krishna (1)
Aaj stadium me sirf kasrat karne ke baad Arjun badi market nikal gaya tha. Uska dost Sandeep khaas wajah se sath aaya tha aur dono ne he bharpoor khirdari ki thi Arjun ki banai list ke anusar. Shukar tha waha Charul araam karne ke wajah se nahi aayi thi aur samay ka sadupyog karte hue Arjun ne Sudhir ki batayi sabhi dukano se wo samaan liya tha jiski jarurat thi. 40-45 minute baad dono jab wapis ghar ki taraf nikle toh Sandeep bas jaise taise itna bojha uthaye the.
"Bhai, tu is liye mujhe leke aaya tha apne sath?", Sandeep jhoothi narajgi dikha raha tha. Usko bhi stadium dekhna tha aur Arjun ke sath aaj atcha samay nikla tha uska.
"Haan bhai isliye he laya tha tujhe sath kyonki car nahi hai na mere pas. Bada nakhre dikha raha hai ab lekin waha mere se jyada tujhe maja aa raha tha. Har aurat ko ghoor raha tha aur ab ye 5 thaile bojh lag rahe hai.", Arjun bhi apne dost ke maje lete hue apni Rani dauda raha tha.
"Hahaha.. sachmuch yar har taraf bas maal he maal tha. Apni taraf toh sadke bhi khaali aur market me log bhi jaan-pehchaan wale hote hai. Udhar koyi chinta nahi thi aur waise bhi tujhe pata hai ke main aisi waisi harkat nahi karta bhai. Dekh kar he khush ho jata hu. Waise stadium me teri badi pehchaan hai yar aur jitni ladkiya main taad raha tha wo tujhe nihar rahi thi.", Sandeep ko ajeeb bhi laga tha ke kaha uska ye dost sharmila sa hota tha aur aaj chalne me bhi vyaktitva nikhar ke aata tha.
"Tabhi toh tujhe sath leke aaya tha bhai. Stadium bhi dikha diya aur teri itcha bhi poori ho gayi. Mujhe pata hai ke tu aisi waisi harkat nahi karta aur sach kahu toh kabhi kabhi lagta hai ke roj tere sath thoda samay raha karu.", Dono he laal-batti tak aa gaye the.
"Toh aa jaya kar bhai mere yaha. Waise bhi ab toh video game ki collection bhi bahot ho gayi hai aur maa bhi poochti rehti hai ke ab tera aana kam kyu ho gaya? Papa bata rahe the ke tu university ki library me bhi padhta hai, stadium jaana aur fir ghar me shaadi ke kaam hai toh life mushkil chal rahi hai. Lekin kabhi kabhi toh aa he sakta hai.", Arjun ab kya kehta ke wo ghar uski badi behan Jyoti ke sath hue kaand ki wajah se nahi aata. Aisa mana bhi nahi kar sakta tha aur dost se toh mil he sakta tha.
"Aaya karunga bhai aur ghar na bhi aa saka toh hum bahar chal pada karenge. Waise teri game wali ke kya haal hai?", Abhi wo light se aage he badhe the ki barabar chalti scooty par sawaar ladki unhe he dekh rahi thi. Arjun ka dhyaan saamne tha lekin Sandeep tirchi najro se dekh raha tha us ladki ki harkat.
"Game wali nahi bhai uska naam Chaaru hai aur hamara sahi chal raha hai. Dusre teesre din laga he lete trip chupke se. Ab toh practice bhi ho gayi hai aur usko bhi maja aata hai. Lekin ye sath me jo chal rahi hai wo kahi kisi se bhid na jaye.", Sandeep ne dheemi he awaaj me bataya tha aur Arjun ne ek najar apne baaye taraf ki toh thoda jhemp gaya. Ye Parul thi aur bar bar wo Arjun ko dekh rahi thi.
"Sorry bhabhi, dekh he rahi ho na busy chal raha hu. Kal pakka aata hu aapke ghar aur wo shaadi ka card bhi dena tha.", Parul ne sar haan me hilaya lekin chehre par narajgi thi.
"Kal matlab kal.", Itna keh kar wo ek taraf gali me mudd gayi aur Arjun ne chain ki saans li.
"Bhai ye teri kaunsi bhabhi hai? Apni teacher thi ye sports ki lekin item bann gayi ye toh.", Sandeep ke aisa kehne par Arjun ke ek baar toh mann me aaya ke 2-3 meethi baatein suna de fir araam se jawaab diya.
"Kamine ye Charul Singh ki judwa hai Parul aur bhabhi is wajah se kyonki Vikas bhaiya hai mere unke sath inki shaadi pakki ho chuki hai. Coach sahab ki beti bhi hai ye aur wo papa ke dost bhi hai. Ab shaanti se baith aur sochne de thoda."
"Isme sochna kya hai? Kal card dene he toh jana hai. De aa lekin madam naraaj thi shakal se toh aur jaise dekh rahi thi mujhe ek baar toh laga kahi tune inka dil toh nahi toda hua.", Sandeep ki baat par hansi aa gai thi ab Arjun ko.
"Haan bhai mujhe inhone kaam bola tha aur wo main bhool gaya. Ab naraaj hai aur kal class lagegi pakka.", Baaton baaton me dono he Arjun ke ghar tak pahuche toh motorcycle bahar he ek taraf khadi karte hue Arjun ne sara samaan apne hatho me le liya. Abhi bhi 3 dabbe baaki the jo motorcyle par dono ke beech dukaan wale he rakhwaye the.
"Main le chalta hu andar agar tu kahe toh.", Sandeep ne madad karni chahi lekin Arjun ne mana kar diya.
"Ye meri kalai par rakh de bhai bas.", Ab Arjun ke thuddi tak wo dabbe ek ke upar ke rakhe gaye aur wo dhimi chaal se andar galiyare me chal diya. Snadeep paidal he ghar ki aur. Abhi Arjun pichle aangan me pravesh kar he raha tha ke koyi seedha he aa takraya.
"Ouch. Aise kaun chalta hai?", Ye Romela thi jo us taraf se mudte he Arjun ke ja lagi thi. Teeno dabbe ab jameen par the aur Arjun ke bahar ko nikli hatheliyo se apne ubhaar takrane par Romela ko alag he dard hua.
"Sorry aunty. Wo samaan itna jyada tha na aur ye modd ki wajah se dikhai bhi nahi diya."
"Itne bade bina dekhe he daba diye.?", Romela itna bol kar samaan uthane me Arjun ki madad karne lagi wahi Arjun ke paseene nikal gaye the ye 'itne bade' wali baat sunn kar. Wo ek baar aur sorry bolne ke baad sara samaan aise he liye aage chalne laga.
"Arjun, jab free ho tab milne ke liye aana. Main yaha tumhe he bulane aayi thi lekin pata nahi tha ke tum stadium ki jagah shopping gaye ho."
"Aunty, stadium ke baad he gaya tha ye sab lene. Thodi der tak aata hu main milne.", Arjun ke pas ab Komal didi aur Aarti bhi aa chuki thi. Unhe bhi hairat thi itna samaan Arjun ke pas dekh kar lekin Romela rehasyamayi muskaan deti bye bol kar bahar chali gayi.
"Ye sab kya le aaya tu Aaru?", Didi ne poocha toh Arjun idhar udhar dekhne laga.
"Chachi-maa kaha hai?"
"Ye mere wale kamre me. Aaja mere sath he.", Idhar wo aage aage aur Arjun unke peeche kamre me. Sara samaan bister ke dusri taraf rakhta wo apni Krishna chachi ke upar he jhukte hue gale lag gaya. Wo bhi uth chukti thi aur Arjun ke aise milne par us se bhi jyada khush thi.
"Mera bacha ab aa raha hai mere pas? 2 ghante se intjaar tha tera aur tujhe jara bhi parwah nahi.", Yaha baatein shuru he hui thi ki Aarti ne tubelight jalane ke baad sabhi samaan khangalna shuru kar diya. Narinder ji bhi mooh hath dhone ke baad yaha chale aaye the. Arjun apne chacha se bhi gale lag kar mila.
"Tu yar meri janani mat leke bhaag jaiyo kahi. Maan liya ke main boodha ho gaya par budhape ka yahi sahara hai le de ke.", Majaak toh sabse jyada Narinder ji he karte the aur abhi bhi wo jaari tha.
"Bhaagna kyu hai chacha ji jab chachi-maa hain he meri. Waise pyaar aapse jyada karti hai ye aur aap bhi toh is chakkar me inhe yaha nahi aane dete the.", Arjun aur Narinder ji hans-bol rahe the wahi Aarti aur Tara ne chehakte hue shor macha diya.
"Itni soft chappal aur ye sab kapde. Wow. Aur ye sab kya hai?", Aarti ke kehne par Arjun aur baaki sabka bhi dhyaan gaya.
"Ye sab meri pyaari chachi-maa ke liye hai. Ye air-pillow, arm rest, olives ki bottle. Ye wale 2 bag kapdo ka hai aur is wale me walk karne ke liye lightweight shoes. Ye inki khaas bedsheets jaisi waha Punjab wale bedroom me thi, ekdum safed linen. Aur ye dono bag me chacha ji ke kapde. Haan kuch chhota mota samaan bhi hai jaise photo-frame, diary, pen.", Arjun ne filhal ke liye sabhi kuch ektaraf rakhne ki koshish ki lekin usko aisa karne na diya gaya.
"Maa ye photo isne badi karwa di hai dekho. Aap, papa aur ye. Isme bhi main aur Priyanka didi nahi hai. Aur itne samaan me mere liye kuch bhi nahi.", Aarti ne nautanki ke sath wo 18x12 inch ki frame wali tasvir dikhai toh Narinder ji ne bade dhyaan se usko pakad kar dekha. Arjun lagbhar wo har cheej le aaya tha jiski ya tu unhe jarurat thi ya waisa he kuch unke waha kamre me rehta tha. Apne liye kharide jeans-shirt aur kurta pajama dekh kar wo Arjun ko ek taraf se laga kar khade ho gaye.
"Meri janani sahi kehti hai aur mujhe bhi pata hai ke na sabse samajhdar bacha hai mera. Waise tere kehne par maan leta hu ke budha nahi hua. Pasand atchi hai teri aur sach kahu toh teri chachi ke liye ye sab mujhe lena chahiye tha."
"Aapne he toh liya hai chacha ji. Aur inhe keh dijiye ki bister par sirf raat 10 se subah 6 tak rehna hai. Bagicha yaha par bhi hai aur ab band kamre me nahi rehna. Didi, aap sab samaan chachi-maa ki almari me laga dijiye main naha kar aata hu.", Jaane se pehle Arjun ne apni chachi ka gaal chooma aur upar chala gaya.
"Lo madam ji sunn lo apne bete ka farmaan. Waise sachmuch tumhari parwah kahi jyada he karta tumhara laadla. Dekho toh jara jitna bata ke gaya hai yaha us se kahi jyada he samaan rakha hai.", Narinder ji ke chehre par ek garvit pita wale bhaav the Arjun ke liye aur utni he khush Krishna ji ke sath sath Aarti, Komal aur Tara bhi thi.
"Ye isliye itni deri se aaya hai aur uski baat mujhe bhi pasand aayi. Aapke kapde bhi bilkul waise he laya hai jaise in tasviro me hain.", Ye alag frame the jisme 5 photo lagi thi. Unhe dekhte hue Narinder ji bhi apni biwi ke kareeb he baith gaye. Ye sabhi drishya bacho ke bachpan ke the unke sath.
"Maa, ye dekho wo toh aapke liye maxi, salwar kameej aur naye towels bhi leke aaya hai. Isme bhi kapde he hai aur ye wale me sirf dry-fruits. Aapki khair nahi agar Arjun itna soch kar he sabkuch leke aaya hai.", Aarti ne sab samaan nikal nikaal kar Komal ko pakdate hue kaha. 4 packet toh sirf araamdayak kapdo ke he the aur kuch kitabe bhi.
"Atcha atcha sab baad me dekh lena pehle apne bhai ke liye doodh bana do. Ji aap ye frame us keel par taang do aur ye kitabe idhar he rehne dijiye.", Krishna ji ke liye toh Arjun ki laayi har vastu khaas thi jo apnepan aur pyaar se laya tha. Narinder ji ne bhi 5 photo wala frame saamne tang diya aur badi tasvir ko filhal table par rakhte hue bahar chale gaye.
"Sahi kehti ho chachi ke wo aapke pas nahi sone dene wala kisi ko. Lijiye ye takiya laga lijiye peeth ke peeche, aapka beta takiya bhi alag se leke aaya hai batao.", Komal didi ne plastic se jaise he wo lihaf jaisa kapda bahar nikala, apne aap he wo phool kar naram takiya ban gaya tha. Kuch he der me wo kamra ab Krishna ji ko apne shayan-kaksh jaisa lagne laga tha.
"Haan wo abhi tak kahaniyan jo sunta hai. Waise ab ye kamra bhi waisa he lagne laga hai."
"Kal tak bilkul aapke kamre jaisa he hoga chachi ji. Arjun ne mujhse kaha tha ki jis kamre me aap rehne wali ho waha kitabo ki rack lagwa du aur gehre parde bhi. Din me khaati naap le gaya tha aur kal wo laga jayega. Lamp ye lijiye aur kursi table pehle he rakh diya tha maine.", Sanjiv bhaiya andar aate ke sath he us choko table par ye uncha study lamp rakhte hue bole.
"Matlab ki wo har cheej pehle he soch kar baitha hai? Tumhe itna sab nahi karna chahiye tha beta."
"Chachi ji, main toh Arjun ka kaha he kar raha hu. Aur sach kahu toh aapko in sabki jarurat ho ya na ho lekin filhal aapki jarurat usko hai. Chaliye Aarti ne aapke liye bhi doodh bana diya hai aur Arjun ke sath sath mera bhi.", Sanjiv bhaiya chachi ko bhi apne sath bahar le aaye. Arjun ne unse bhi vachan liya tha ke ab wo bhi dono waqt uske sath doodh peeya karenge aur Sanjiv bhaiya ne swikaar kar liya tha.
"Dekhte hai kya jarurat hai. Filhal toh bas usko apna ye samay jeena chahiye jitna ho sake.", Krishna ji ko chalna firna bhi atcha lagne laga tha baatein karne ke sath. Yaha Arjun naha dho kar wapis aaya toh agle aadhe ghante tak wo sab halki fulki baatein karte rahe. Krishna ji America ki baatein bata rahi thi aur Priyanka didi unhe Punjab wale kisse. Kaise Ricki ko sudhara, Resham Singh uncle ne kitna maan diya Arjun ko aur Aarti ne bhi apne kisse sunaye. Sabse khaas baat thi ki Sanjiv bhaiya bhi bol rahe the aur Arjun bas sunn kar muskurata ya jarurat par kuch pooch leta. Shankar ji ke sath Narinder ji bahar chale gaye toh ye mehfil bhi alag hui.
"Aapke liye soup, khichdi aur saald thik 8 baje chachi ji. Uske baad baaki sabka khana laga denge.", Komal ne uthne ke sath he rasoi ka rukh kiya aur Arjun bhi Romela ji se mil kar aane ka bol nikal gaya. Tara aur Aarti ne ab Krishna ji ke sath television dekhne ka irada banaya aur unhe liye wo baithak me aa gayi.
.
.
"Andar mere kamre me chalo Arjun. Yaha atche se baat nahi ho paayegi.", Romela ji ne ab raat ko pehne jaane wala gown dharan kar liya tha. Renuka ko vitamin aur juice dene ke baad wo khud ek kaanch ke gilas me red-wine ka lutf le rahi thi. Us lagbhag paardarshi kapde ke bheetar se hahakari youvan ki sanrachna numaya toh atche se ho rahi thi lekin Arjun ne tanik bhi dhyan na diya. Dono he is ekant me chale aaye toh Romela ne kursi ki taraf ishara karte hue Arjun ko baithne ko kaha. Kamre me parde band the aur ek taraf latki light se thik-thaak sa ujaal tha.
"Aapko kuch jaruri kaam tha mujhse?"
"Haan bahot he jaruri kaam tha. Wine toh nahi peete tum ye mujhe pata hai. Kuch loge?"
"Ji abhi doodh pee kar he aaya hu. Waise bada he khoobsurat chitra banaya hai aapne ye wala.", Ye ek Rajkumari ki painting thi jisme kirdaar hu-ba-hu Vinni jaisi thi. Ye drishyawali batati thi ki Romela kis kadar maahir thi apne kaam me.
"Thank you so much aur subject Vinita he hai. Maine tumhe yaha aise he kaam se bulaya hai Arjun aur aasha hai ke tum samjhoge."
"Ji bilkul karunga agar mere vash me hoga.",Arjun abhi bhi aas-pas diwar ke sahare rakhi painting dekh raha tha. Kuch drishya toh jaise gaanv ke he the jaha wo dono gaye the.
"Ye photograph dekho jara. Ye bas ek ancient art ki tasvir hai. Main aisa he kuch karna chahti hu.", Arjun ne thik upar jagti roshni me ye photo dekha toh bas dekhta he reh gaya. Safed saree jaisa kapra us apsra ke sharir par aise lipta tha ke khaas ang numaya tha nirvastra. Hath badhata wo majboot yodha bhi belibaas tha. Rachna beshak bahot he khaas aur umda thi lekin Romela aisi tasvir usko kyu dikha rahi hai.
"Ye khoobsurat hai lekin main samjha nahi ke isme meri jarurat kya padi aapko?", Arjun ki aisi nadaani aur bholepan par pas khadi Romela muskura di. Thoda niche jhukte hue jab Romela ne bhi us tasvir par hath rakha toh unka ek motta ubhar Arjun ke kandhe par aa tika.
"Kuch kahaniya tasviro se he aage badhti hai Arjun. Mujhe is male subject ki jagah tumhari jarurat hai. Mujhe maloom hai tum is awastha me 5-6 ghante nahi reh sakte aur isliye bas 8-10 tasvire chahiye jo poori kahani bayan kar sake.", Itna sunn kar Arjun ke kaan garam ho gaye the. Ek taraf wo maansal motta stann jaha tika tha uski uttejana, Romela ke sharir ki ye anokhi mehak aur fir aisi tasviro ki maang jaha Arjun balyaavastha me ho. Gala sookhne laga tha ye dekh kar ki Romela us tasvir wale yuvak par angutha fira rahi thi.
"Mainn..main kaise kar sakta hu aisa?"
"Ghabra kyu rahe ho Arjun? Nudity is common in art. Main toh tumhari madad maang rahi hu aur kya tumhe atcha lagega ki tumhari mother-in-law is roop me kisi anjaane vyakti ke sath tasvir khinchwaye? Main aurat ho kar tum par bharosa kar sakti hu kyonki tum mera fayeda nahi uthaoge lekin tum shayad kuch aur soch rahe ho. Chaho toh main Preeti ya Renuka se permission dilwa deti hu.", Ab Arjun ki halat kahi jyada buri ho gayi thi ye dono he naam sunn kar. Galat jawaab de kar wo kisi ko bhi thes nahi pahuchana chahta tha.
"Ye sirf art purpose ke liye hai? Aur agar Preeti ya kisi ne ye sab dekha toh?", Arjun jaha khud ko kaabu karne ki nakaam koshish kar raha tha wahi ab Romela ne dusra hath peeche se uske dusre kandhe par laate hue jaise usko aagosh me he le lia. Gulab si sugandh aur itna naram ehsaas jaise aaj uski pariksha he le raha tha.
"Yaha sirf tasvire lenge aur main kuch rough sketch tayaar karungi. Itni paintings main wapis kaise le kar jaungi ye nahi socha? Mere pas waha mera alag art-studio bhi hai Arjun. Aur thoda Greek culture ko bhi samajhlo, ye sharam kam ho jayegi."
"Kya.. kya hota hai waha aisa?", Ye khud Arjun ke shabd nahi the jaise lekin Romela ki aankhon me alag he chamak aa gayi thi. Halke se apna gaal Arjun ke chehre se lagate hue unhone wo tasvir apne hath me jarur pakad li lekin peeche na hati.
"Beti ki pehli raat par maa uske sath hoti hai Arjun ye sunishchit karne ke liye ki wo koyi galti na kare. Aur son-in-law ka bhi poora haq hota hai apni mother-in-law ko pyaar karne ka. Lekin tumhe dekh kar lagta hai ke tumhe sirf meri he parwah nahi hai baaki jahan bhar ki madad karte rehte ho.", Arjun khada hone laga toh Romela ne kuch galat kadam na liya. Bade saleeke se wo bilkul alag khadi ho gayi aur ek sadharan muskaan se apni uttejana safalta purvak chhupa li. Arjun ye samajh na paya lekin aaj wo duvidha me tha.
"Ye tasvire jab bhi leni ho aap bata dijiyega. Mujhe lagta hai inke liye background bhi jaruri hoga aur kuch alag kapde bhi.", Dil me pehli baar wo Romela ke prati kuch mehsoos kar raha tha lekin ye atcha ya bura jaisa nahi tha. Usko bas wajah jaan ni thi ki Romela wo dusri baat kyu kar rahi thi.
"Decide kar chuki hai main bas tumhari he haan ki pratiksha thi. Tumhara wo dusra ghar iske liye bilkul sahi rahega. Maine 2 din pehle he wo dekha hai jab Ritu mujhe le gayi thi. Parso shaam ko 6 se 8 ke beech. Abhi tumhe jana chahiye kyunki tumhara dil yaha rukne ka nahi hai.", Romela sachmuch he Arjun ki samajh se pare the. Wo jaan gayi thi ki uske mann me kya chal raha hai.
"Bilkul bhi aisa nahi hai aunty. Main bas ye soch raha tha ke aaj aapne jyada drink ki hai ya wo Greek tradition wali baat sachmuch hai."
"Main apne he damaad se jhooth bolungi kya? Aur darling ye mera first glass he hai wo bhi wine ka. Ek bottle wine koyi bhi european ladki ya aurat sirf dinner ke sath khatam kar sakti hai. Toh kabhi judge matt karna aisi cheej ke liye. Umaahhh. see you later.", Gale se lagane ke baad ek aupcharik chumban gaalo par dete hue Romela ne Arjun ko jaise shaant he kar diya tha. Arjun ne bhi jawaab me unke gulabi gaal par halke se chumban karte hue vida li. Usko ye Preeti ne bataya tha ki aise gaal par chumban aapsi prem aur ijjat dene ka tarika hota hai. Romela ne bhi bahar darwaje tak sath diya aur fir wapis apne kamre me aa gayi.
'Atche ladke ho tum Arjun aur main kabhi bhi tum par shak nahi kar sakti. Pyaar dene wala galat nahi hota aur jo galat hota hai uski najre bata deti hai.', Romela usi kursi par baithte hue araam karne lagi thi, vicharo ki duniya me jaane ke sath.
.
.
Udhar Shankar aur Narinder ka alag he kaam chalu tha jaha hotel ke band kamre me unke sath Bhuppi, Paramvir, Umed aur Rajesh baithe the. Thode samay baad he waha Daleep ka bhi aagman ho gaya toh sharaab ke saath khaas charcha bhi shuru ho gayi. Jaane yaha kya ho raha tha lekin samay aane par pata lagne he wala tha.
.
.
"Gate band kar diya hai bhaiya aur main chachi-maa ke kamre me sone ja raha hu.", Arjun ne khaane ke baad kuch samay Sanjiv bhaiya ke sath bitya aur baaki sabhi ladkiyan upar apne kamre me ja chuki thi. Aaj Komal didi bhi wahi sone wali thi toh nichli manjil par bas Sanjiv bhaiya baithak me aur Arjun unse vida le kar Krishna ji ke kamre me aa gaya tha.
Andar kamre me wahi lamp jal raha tha aur Arjun dwara kharida ye naram gown pehne Krishna ji bhi baal baandh kar araam se leti jaise uska he intjaar kar rahi thi. Kamre me aane ke baad sirf darwaja waise he lagaya aur bister ke dusri taraf se chalta wo apni chachi-maa ke kareeb aa leta.
"Aapko samay se araam karna chahiye maa. Waqt sadhe 10 ho chala hai aur shayad aapne abhi wo kitab band ki hai.", Arjun ne table par rakhi kitab dekh li thi. Krishna ji ke chehre par halki si muskaan ne sehmati jata di.
"Kitna araam kiya hai tujhe pata bhi hai? Wo sab chhod aur apna hath idhar rakh.", Arjun ki baah par sar rakhte hue wo bilkul araam se sath lagti hui seedhi leit gayi. Arjun bhi unke kareeb he rehta tha hamesha.
"Atcha toh kitna araam kiya aapne? Mujhe sab pata hai ke waha aapka dil nahi lagta tha aur kitne saal us ghar me bhi aap sirf bagiche aur kitabo me he lagi rahi. Neend ke liye jab dawa ki jarurat padne lage toh matlab kuch bhi sahi nahi hai.", Arjun karwat ke bal ho chuka tha lekin hath khud ki kamar par rakhe hue.
"Haan uske liye sorry beta. Tab mujhe laga ki shayad yahi thik hai aur zindagi kabhi kabhi anchahi sachai saamne la deti hai."
"Us pal me bhi kya aapko meri, didi ki ya chacha ki fikar nahi hui? Jaanti ho ki Rekha maa bolti nahi lekin sabse jyada pareshani unhe he ho rahi thi is se."
"Aur ab jara hum tumhari aur Rekha ki pareshani ki baat kare? Rekha par humla hua tha na abhi haal he me? Aur tum kya kar rahe ho apne sath? Waha tumne meri diary padhi lekin ye mehsoos nahi kiya ki usko likhne wali aurat par kya beeta hoga? Arjun hum sabhi ek nishaan milne par un kadmo ke peeche chal padte hai jaha jawaab hamesha chain nahi dete. Lekin mujhe wo chain wapis mila jab tumne pyaar ka jikar kiya. Bete, jiwan me badi se badi ghatna bhi dhumil ho sakti hai agar tum dimaag ko vistrit karo.", Ab Arjun thoda bechain hone laga toh Krishna ji ne uska dusra hath apne peit ke upar rakh liya.
"Maa aap dono ne he itna saha lekin koyi koshish nahi ki badalne ki ya sawaal karne ki? Main bechain kyu na hou agar baat mere apno par musibat ki ho?"
"Tere chacha ne kehne ko toh sabkuch bataya tha mujhe lekin utna he jitna shayad unhe thik laga. Rekha bhi bahot samay tak sab chupaye rahi lekin maine khud wo pareshani dekhi toh dil toot gaya. Saal bhar pehle wo fir se khush rehne lagi aur usne bahot koshish ki mujhe yaha bulane ki. Aakhir main bhi kasam ke aage haar kar aa he gayi. Wo khushi dene wale tum ho aur ye naya pariwar jiski aatma bhi tum ho. Ab jitna bhi jiwan ho main mere bacho aur is pariwar me rehna chahti hu. Aur mera beta ab un kadmo ka peecha nahi karega.", Arjun ke lalaat ko choom kar Krishna ji ne jaise apna bharosa dikhaya aur wo chahti thi ki Arjun bas waisa he rahe jaisa uski maa chahti hai.
"Aur Rekha maa par jo beeti uska kya? Aapne jo dukh dekhe hai kya wo bhulaye jaa sakte hai maa? Main ruk kar kya yahi dekhta rahu ki unka haq unhe nahi mil raha. Dada ji ka sammaan?"
"Rekha ka haq tum ho aur tumhare dada ji ka bhi. Ab toh main bhi mere bete ke pas hu. Chal meri baat me thoda sa badlaav kar dete hai."
"Kahiye."
"Ghar par saamne se koyi dikkat aaye toh main tumhe nahi rokungi. Tum us vyakti ko nahi badloge jabtak wo khud he badalna na chahe. Jaise sabke sath pyaar se rehte aaye ho ab tum waise he rahoge. Pareshani sirf Sanjiv aur apni maa ko batana aur hum hal na kar sake toh fir apne dada ji ko. Kar sakte ho na aisa?"
"Aapke liye main ye bhi karne ko tayaar hu maa. Aur main jaanta hu ke ab aap bhi ye mareej jaisi nahi rahengi. Main fir se mere niyam par chalunga aur kisi se bematlab nahi uljhunga."
"Ye baat fir ghuma rahe ho. Maine kaha ke un raasto par nahi chaloge jaha nishaan dhoond rahe ho tum.", Ab thoda jyada he pyaar se kaha toh Arjun ne bhi vachan de diya ki wo un rasto par nahi jaayega. Waise bhi wo khud soch chuka tha ki sirf jaankari leni hai kuch bhi karna nahi. Aur shaadi tak toh wo in sabme padega bhi nahi siwaye Sanjiv bhaiya se baat karne ke.
"Jo Rajkumar hota hai na usko shiksha tabhi di jaati hai jab wo apna sahi bachpan jee chuka ho. Rajgaddi ke kaabil hone ke bawjood ek sahi rajkumar kabhi uski chahat nahi rakhta Arjun, wo janta me rehna chahta hai swachhand. Tum thik wahi ho aur aise he tumhare chacha aur dada ji hai. Baaki sab tum tabhi samjhoge jab samay aayega. Waise atcha khayal rakh rahe ho tum Rekha ka.", Itne atche vivran ke baad jo aakhiri baat chachi ne kahi toh wo Arjun ko dwiarthi lagi lekin usko pata tha ke wahi galat soch raha hai.
"Maa ne bhi toh mujhe sabse jyada pyaar diya hai na. Aur aaj agar main unhe khush rakh sakta hu toh shayad jiwan ka uddeshya sahi bann raha hai. Utna he pyaar main aapse bhi karta hu lekin aapne toh kabhi samay bitaya he nahi mere pas.", Arjun ki baat par muskurati hui wo uski he taraf palat gayi.
"Ab main tere he pas hu aur Rekha ko bata dungi ki 3 din uske aur 4 din mere hai ab hafte me tumhare sath. Ye chaadar upar lo, halki thand lag rahi hai.", Arjun ne dono ke seene tak lihaaf liya aur seedha ho kar leit gaya. Ab chachi he uski baah par sar rakhe leti thi, jism se satt kar. Dusre hath se wo unka sar sehlate hue ek abhibhavak ki tarah sula raha tha aur jaane kab dono ki he aankh lag gayi. Ye sukoon in dono ko he jaise jaruri tha aur Krishna ke liye toh kuch adhik he. Aaj Arjun ki Krishna uske pas thi jo sahi se thaam sakti thi usko.
Krishna ji ne aate hi Arjun pe lagam laga diya hai philhal thode waqt ke liye . Shanakr ji & unki team ke pass hai waqt shadi tak sab apne control me rakhne ka agar tab tak koi ghatna huyi to phir Arjun ka safar shuru ho jayega . Aise unki puri team aa chuki hai Narinder aur Rajesh bhi ab sath hai . To Dleep ji aur Bhuppi ne kya pata lagaya ?
Romela ji ko samajhna thoda musgkil hai ki wo asal me kya chahti hai . Abhi jis riti riwaj ka varnan kiya uske bare me maine bhi suna hai . Ab kal Dono photoshoot pe kya hota hai ? Aaj arjun aur wo kafi karib aa gaye the .
Arjun ne Krishna ji ke aane ka poora dhyan rakha aut unki jarurat ka poora market le aaya eske liye sudeep koli bana diya aur use stadium le jakar hariyali bhi dikha di aur usne poore maze se aankhe senk li
.Parul Bhabhi kyon bhadki ab dekhte hai arjun ki kya class lagne wali hai jab shafi ka card dene aayega ?.
