Incest Pyaar - 100 Baar

[XLNC]

Philosophical.Effervescent.Angermanagement.Crash course in Art of living.One more lesson in life how to turn the tide in one's favour and harvest.

 

[Dj cheetah]

Fantastic update

 

[ragish7357]

aapki har rachna m gan ke jo samaves thirll k sath sangam krta h wo adbhut h
aapki is lekhni k to hm dil se murid ho gye
is sarang or lazwanti ka kya rahsya h
phle to sarang main villen lg rha tha but ab to kahani nye mod pr ja rhi h or lazwanti ka surprising character samne aa rha h uska kya raaz h ???????
or maano v/s mom ki gudiya ka aamna samna ho hi gya
dekhte h inki bhent kya gul khilati h.......

 

[firefox420]

Pooja karoge to parsaad awashya milega Narad muni.

naam se sakshiyat ka pata nahi lagta bade bhai.. clarity ke liye bas itna he kahunga ki.. main wo wala nastik bhakt hu jo parsad milne ke baad jai bolta hai.. nahi to agli baar ke liye Arjun sharma ki tarah bahar se baat bana deta hu...

vo desi kahavat hai na.. "jaisa tera naach-kood, waisa mera vaar-fer" ..

 

[Arv313]

Bhai ji aaj ki gyan shala to adbhut thi lekin uspe manno(billi-Preeti) aur arjun ke pyar ke chhano ne to sach me hi shama bandh diya ad dekhane yogya to ye hoga ki jo es sadyantra ki main rachiyata hai kaun Bhala ? Lajo eska karyakaram kaha tak aur kis anjam tak chalta hai aur ek khas baat clear hui ki pandit ji dwara mare gye ek chante(slap) ka kumar sarang ji kis hadtak badla lete hai bhai ji ye log apni yojna bana ke usko anjam to dena chahte hai par enko ek baat ka ilam jra bhi nhi hai ki udhar bhi ek turup ka ekka hai pandit ji ke kheme me aur jab uski do dhri talwar chale to achchhe achchho ki fat ja jiska vivaran to aaj swayam shankar ji ne kiya aur rahi sahi kasar puri karne ko sanjeev hai hi humare heera moti ki jodi ka jodidar vaise prem to aapne sabke hi bich badhkar dikhaya hai bas ab to kuchh bhi khone se dar lagta hai par prabhu ki niyati ko badla nahi ja skata vaise Bahut kuchh Khash likha aapne es update me vilakshani raajo se avagat karaya aur sikh bhi di ki ek stri ke sath humbistar hote hue kab vyakti uske shdyantara me fsta jata hai usko usme fsne ke baad hi pta chalta hai.
Aaj ke update ne dil khush kar diya.

Few words for lovely couple
Arjun Preeti:-
Tere En surmai Naino ne ghayal kar diya hai
Diwana banake pagal kar diya hai,
Lagan lagi hai teri hi dil me
Ata nahi nazar koi tere siwa
Tu hi bta ab meri mano(preeti) mai jau aur kahan.
Love you pyare bhaiya ji Enigma
Waiting for the next update.

 

[firefox420]

9 Baje amantrit kiya hai pyare bhaiya ne

Milega kyo nhi.

vo to theek hai.. magar mera mandir mein ja kar maatha tekne ka mood nahi...

 

[amit1975]

Update 164
Kaam-Kaaj (2)

"Gar jiwan gatimaan he nahi hai toh phir tum chahe parvat se vishaal he kyu na ho, tum wajood dikha sakte ho lekin hansil kuch bhi nahi kar sakte. Main toh Pandit ji ki baat se purn ittefaaq rakhta hu bhai ki jabtak saans le rahe ho, gati-maan raho. Baaki tum log aaj ki peedhi ho toh shayad jiwan ke kaayde badal gaye ho kuch.", Abhi dopehar ke bhojan me kaafi samay tha aur baithak me 3 peedhiyon ke swaroop ekatrit the.

Ek taraf bade sofe par Pandit ji ke daaye baye Dharamvir Sangwan ji aur Col sahab upasthit the toh waise he 2 bade sofo me se ek par Shankar, Umed aur Madhu virajmaan the. Inke beech diwaan par Aacharya ji ki bagal me Arjun aur Sanjiv ki jodi thi toh 2 chote sofe aur ek bade par Narinder, Renuka, Vinita, Ritu aur Aarti ke sath burqe me Afsana. Abhi jiwan naamak vishaya par Shankar ke vichar sunn ne ke baad Aacharya ji ne apni baat rakhi thi aur unki baat par aadhe mat unke paksh me gaye.

"Chacha ji, baat agar gatimaan ya Kinetic rehne ki hai toh ye jaruri toh nahi ki aisa har samay jaruri ho. Urja tabhi hansil hoti jab aap ruke hue ho aur araam bhi jaruri hai. Main toh Shankar ki baat se ittefaaq rakhti hu ki ek samay ke baad sab chhod kar bas araam se jiwan bitaya jaaye. Ab retirement ka matlab yahi toh hua ki aapki zindagi bhar ki mehnat ke baad ye waqt sirf aap apne liye jiye.?", Madhu hamesha he apne bade bhaiyon ko naam se he bulati thi aur is waqt aisa karte hue wo unke he paksh me dikhi. Jis tarah ki muskaan Umed, Shankar aur Narinder ke chehre par aayi thi us se Rameshwar ji bhi thoda hans diye lekin bole kuch nahi. Sabhi ne apne saamne rakha sharbat lagbhag pee liya tha siwaye Sanjiv, Aacharya ji aur Afsana ke, jo khamosh tabiyat thi hamesha ki tarah.

"Mere hisaab se toh retirement ka matlab kuch aur he hai Madhu didi. Matlab aap itna time naukri aur sabki sewa karne ke baad jab mukt hote hai toh ye samay ab bina kisi bandhan ke apne sath sath apno ke liye jeena chahiye. Yaha araam jaisa toh kuch virodh hai he nahi kyonki naukri bhi toh din ke simit ghanto par hoti hai. Aap active hai aur wo sab karte hai jis se pariwar, samaaj aur aap khud khush rahe toh jiwan sahi maayne me safal mana jaayega. Saans ka kya hai ye toh 15 ki umar bhi ruk sakti hai aur na ruke toh 100 tak bhi nahi. Kya vichar hai Sanjiv?", Renuka ne muskurate hue jo daleel di thi us se Madhu lajwaab ho gayi thi aur uske saath baaki sabhi bade bhi muskurane lage. Yaha Sanjiv, jo hamesha khamosh he dikhta tha lekin ab wo bhi badal raha tha.

"Sach baat hai bua aapki aur main bhi maanta hu ki jiwan hamesha ghadi ke kaanto sa hona chaiye. Aap har roj shayad ek he jaisa routine jeete raho lekin milte aap sabhi prakaar ke logo, pareshaniyon, khushiyon aur gyaan se ho. Rukne ke matlab he kya? Band ghadi kabhi atchi lagti hai kya?", Sanjiv ne chand shabdo me he ek tagda udaharan diya tha parantu koyi tha jo shayad band ghadi wali baat sunn kar naa me gardan hilane laga.

"Toh tum kehte ho ke tumhara bada bhai poori tarah sahi nahi keh raha? Bolo barkhurdar aur gudiya ab tum yaha apne dada-chacha ke beech ho toh jara khush-tabiyat raho. Yaha bache aur paudhe khule me saans lete hai, jaise wo chahe.", Rameshwar ji ke aisa kehne par jhempte hue Afsana ne chehra numaya kiya toh Ritu aur Vinita ektak usko dekhti he reh gayi. Aisa he kuch Madhu ji ke chehre par tha aur prashansha Sangwan ji bhi khamoshi se karte rahe.

"Ye apni he bachi doctor sahab. XXXX wale Hussain bete ki chhoti rajkumari hain ye Afsana, Satish toh mila he hai us se.", Parichaya bhi khud Rameshwar ji ne diya tha aur Afsana ko ye dekh dil se khushi hui thi ki wo yaha koyi bahri mehmaan bhar nahi hai. Ab chehre par utni sehamiyat na thi balki dono hath jodd kar wo sabse mukhatib bhi hui.

"Haan bhai sahab ye aapne sach kaha bitiya ke liye. Waise yaha par tumhe bahot saari saheliyan aur behne milengi Afsa beti.", Col sahab ne muskura kar abhivadan swikaar kiya toh Afsana dono hath goad me 'x' ki tarah rakhti hui thoda sikud kar muskura di.

"Chalo ab wapis aao baat par dada ji. Aaru ne Sanjiv bhaiya wali baat par gardan naa me kaise hilaai? Aur Afsana tum bhi bol sakti ho agar dil kare toh. Aarti ke bhi jubaan aa chuki yaha rehne se.", Ritu apni aadat ke mutabik dhadalle se bol rahi thi aur uske kandhe par hath rakh kar baithe Narinder ji bhi hans diye.

"Haan bhai Natwarlal tum toh bure fanse ho. Pehle toh apne pita wali baat par naa, fir bua wali pe bhi aur ab unse alag baat keh rahe tumhare aadarniya Sanjiv ki bhi baat pasand nahi aayi. Chahte kya ho jara hum bhi sune?", Arjun ne waha maujud sabhi najre khud par dekh ek bar Aacharya jo ko aise najar kiya jaise kehne se pehle gustakhi ke liye maafi maang raha ho.

"Nirbhik kaho beta. Main toh jaanta hu ke tum baaghi ho samaaj ki najro me lekin vichaar galat nahi honge.", Aacharya ji ke sath sath Sanjiv bhaiya se bhi anumati milte he Arjun ne ek drishty Madhu bua par karte hue apne dada ji ko dekh kar baat shuru ki.

"Hum machine nahi kyonki hum kisi bahri madad ke bina chalte hai aur is tarah se hamara jiwan kahi jyada jatil hai. Mujhe bhaiya ki baat se jara bhi aitraaj nahi tha lekin udaharan ko atche se kholna jaruri hai. Gatimaan jiwan.. aisa kehna aur sunn na atcha lag sakta hai lekin kya ye vastavik kriya hai? Sabse pehle toh main dada ji ke jiwan se he shuru karta hu aur maafi chahta hu ke aapka udaharan rakh raha hu.", Arjun ke liye wo kitna maayne rakhte the wo yaha baithe takriban har shakhs ko pata tha. Pandit ji ke haami bharte he wo kisi pravakta ki tarah shuru ho gaya.

"15 ki umar se gatimaan rahe aur iske sath he inhone karya, pariwaar, samaaj aur sewa me kabhi bhedbhaav na kiya. 60 ki umar tak aate hue naukri se vimukt hone ke baad bhi khudko alag nahi kiya lekin kya dada ji ko hamesha chalit (active) rehne ka koyi nuksaan nahi hua? Lekin kya kar sakte hai jab jiwan ek cycle ya chakra me itna gehra dhall jaye jisme aap ruk na sako? Peeche jaane ki chahat toh ho lekin wo chakra nikalne he na de?", Arjun ne badi himmat se ye shabd kahe the jiski samajh kuch bujurgo ke sath sath Shankar aur Umed ko bhi hui.

"Papa aur chacha ji ka jiwan bhi ek udaharan hai jo thoda sa viprit hoga. Shayad aap log shuru se ek dusre ke sath hai toh koyi cycle toh bani nahi hogi? Dimaag aur dil khush rehte hai jab sath me koyi rahe aur ek tarah se thehra hua jiwan bhi gatimaan he hota hai us pal me. Papa karya aur mehnat me shayad dada ji ke samkaksh he hai kyonki dada ji bhi kehte hai ki inse behtar doctor koyi nahi hoga. Lekin 'life lived in a group' ka sabse bada disadvantage ya dushparinaam yahi hai ki isme fainsle bhi mil kar hote hai aur sabhi apni ek khaasiyat ko he nikhaar paate hai. Kyonki waha thehrav aur chalna aniyamti hai. Jaha dada ji ke jiwan-chalan me pahiya ek he tha aur sawaar bhi ek toh sabkuch inhi par nirbhar hua aur rukna munasib bhi nahi. Papa, chacha ji ya kahe bua ji bhi multi dimension ya bahu-kon me jiwan jiye ya jee rahe hai.", Arjun ko itna adhik gambhir dekh aur uski baatein sunn kar baithak ke mahol gehre sahil sa khamosh ho gaya. Sabhi apne jiwan chakra ko shayad mann me he dohra rahe the.

"Aap hamesha gatimaan rahe toh fir aap kuch he lamho me khud ko majboor paayenge lekin niraash nahi. Dusir taraf aap ek hunar aur target par kendrit rahe, jisme aapke sath sehyogi bhi ho toh aap usme shresth banenge lekin aksar aise life-cycle me differences bhi aate hai aur kayi nirnaya ya yu kahu ki specific emotional moments par aap react nahi kar sakte. Aap ruk jaate hai kyonki intjaar hota hai us samay ke nikal jaane ka. Jaisa bua ji ne kaha ke araam karna bahot jaruri hai jab aap itne samay tak kaam he karte rahe ho. Poori tarah toh bua ji bhi galat nahi lekin is se hoga kuch aisa ki aap phir us time me jaayenge jaha aap fainsle nahi kar paaye the ya phir aapne rukna thik samjha.", Ritu ke maathe pal halke bal padd chuke the jaise usko lagne laga tha ke Arjun kahi yahi sabke saamne he koyi aisi baat na keh de jis se mahol garma jaaye.

"Hona chahiye iske ulat. Ab jaise papa ka example diya toh ye chaah kar bhi ruk nahi paayenge kyonki ye shresth hai apne hunar me lekin dimag kehta hai ki araam lena hoga jabki dil se ye gatimaan reh kar medical practice jaari rakhenge. Dada ji jiwan gatimaan raha lekin ab wo himmat karte hai khud ko chalta rakhne jabki Police sewa se nivrat hone ke baad ab ye iski koyi private practice toh nahi kar sakte na? Ya phir kal ko ye apna he station khol le?", Arjun ke aisa kehte he mahol me ekdum tej thahaake goonj uthe. Ab toh Shankar ji bhi tabiyat se hans rahe the aur Rameshwar ji bhi.

"Toh mere hisaab se bhaiya ne jo ghadi rukne wali baat kahi wo isliye kyonki ye inhe bhi pata hai ke ek din toh inki bhi duty khatam hone wali hai. Haan Aacharya dada ji ka kuch nahi kiya ja sakta. Inke prashan khudse hai aur jawaab khojne wala vyakti ek sthaan par reh kar bhi gatimaan he rehta hai. Wo ek aisa parvat bann jata hai jis par badi badi jiwan-shrinkhla basarti hai, jadi-bootiyan paayi jaati hai (gyaan) aur wo apne prashno ke jawaab me logo ko aisa gyaan deta hai jis se apne vyaktitva ka alag aur vastavik ehsaas hota hai. Insaan hone ka ehsaas, prem ka ehsaas aur bandhan-mukt gatimaan dil-dimaag ka ehsaas. Aisi ghadi ke cell kabhi band nahi hote.", Arjun ne teesre udaharan me jab Aacharya ji ko he lapet liya toh baaki sabhi ke chehre par unke liye apaar prashansha thi aur khud Shastri ji aankhon me 2 boond aansu jisko chhipate hue unhone Arjun ko kass kar apne seene se laga liya.

"Bhai sahab, isliye kehta hu ki mera ye bacha samaaj se bacha kar rakhna jaruri hai. Aur Arjun hum koyi parvat nahi wo chhoti si shila (Chattaan) hai jis par nadi ke nirantar thapede ghis kar chamka dete hai. Asliyat me wo har gujarte waqt ke sath ghiss kar vileen hoti jaati hai. Humara jiwan bhi kuch khaas nahi hai.", Aacharya ji apne dil se Arjun ko lagaye abhi kuch behtar he hue the ki us meethi awaaj se baithak ka har vyakti sammohit sa ho gaya.

"Zindagi koyi paimaaish toh nahi jisko alfaajo aur daleelo se mukarrar kiya jaaye? Ek lamhaat me khuda humko wo daulat nisaar kar sakta hai jiske nisbat hum zehan jumbish hayaat (swarg) basar kar lete hai. Safar kab khatam hoga ya safar jaruri bhi hai iska fainsla hamare hath nahi. Aapne (Arjun) kaha ki insaan koyi aala-jarsaqeel (machine) nahi lekin kya aap bata payenge kis nisbat aap sab kar paa rahe hai? Bayrooni (bahari taqat) bas dikhai nahi deti lekin wajood toh hai beshak hum fori inkaar karke dilasa de. Dada ji (Aacharya ji se mukhatib hote hue), khadaan se nikla heera taraashe jaane par akaar me kam ho jata hai lekin keemat wajood ae koyla khadaan si mehngi hoti hai. Aapse hum abhi ru-ba-ru ho rahe hai par ye samajh sakte hai ki aap khuda-karam se paani samaan hai.", Afsana bol bhi sakti hai ye Aarti-Arjun ke siwa yaha kisi ko maloom na tha aur wo aisa gyaan rakhti iski toh Arjun ne kalpana tak na ki thi. Aacharya ji ki taraf jab usne najre jhuka kar hath jode toh unhone anyaas he apne hath Afsana ke sar pe rakh diye. Kuch pal toh sabhi khamosh the aur Ritu ne ek gehri muskaan se Afsana ko dekhte hue Aarti se apni jagah badal li.

"Pata nahi ye sab tumne jo bola wo hindi me tha ya kuch alag lekin tum sachmuch bahot pyaari ho aur dil karta hai ki bas tumhe sunte rahe.", Ritu ne sabki tandra bhang karte hue ye kaha toh Afsana fir se sharmane lagi aur usne maafi bhi maangi agar kuch galat kaha ho toh.

"Paigaam bhi sabko nahi milte bitiya aur jo itni rumaaniyat se zindagi ka falsafa bayaan kar de wo bhi itni kam umar me, ye shayad hum sirf teesri baar dekh rahe hai. Bahut suna tha humne tumhare abbu ji se ki Afsana ki taamil (shiksha) upar wale ki den hai lekin aaj dekh bhi liya. Marrakesh-Safi (Morocco) me shayad kuch khaas he hoga.", Aakhiri baat keh kar Pandit ji hans diye toh itni der me pehli baar un patle surkh hontho par ek sammohini se muskurahat ubhri aur Ritu khud ko rok na saki itne logo me us chehre ko hatheli me thaamne se. Afsana ne ek pal apni sunehari aankhon se Ritu ki bhi bemisaal najre dekhi aur fir jaise ek khamosh sanvaad hua.

"Chalo aap log karo ye question question ka game. Main aur Aarti toh chale baaki friends se milne aur Afsana ko sabse milane. Aarti keh rahi thi ki Afsana pehli baar ghar se bahar aayi hai akele toh iska akelapan khatam karte hai. Chalo Vinni didi.", Ritu ne jis tarah se khade hote hue Afsana ka hath thama tha wo bhi bina kuch kahe uske sath he chal di, gardan jhukaye aur un dono ke sath hansti hui Aarti aur Vinni.

"Badi pyaari bachi hai Pandit ji aur utni he sanvedanshil hone ke sath sath samajhdar bhi.", Sangwan ji ye keh rahe the aur udhar Umed ne Shankar ke kaan me kuch kaha jis par Shankar ne najro se he haami bhari. Yaha bhi baat Afsana ke maamle me he thi lekin kya ye bas un dono ko he pata tha.

"Ijajat dijiye Pandit ji, ghar pe jana hoga filhaal lekin shaam ko bhabhi ji ke hath ki chai peene jarur aaunga. Haan Shankar, wo sangeet karyakram ke liye sab kaam ho chuka hai lekin fir bhi kal tum uplabdh rehna jab aayojan ki poori vartalaap ho.", Khade hote hue Shastri ji ne Shankar ko sambodhit kiya toh baaki sab bhi khade ho gaye. Is beech Rameshwar ji ne aadatan ye baat kahi.

"Final toh ho gaya Shastri ji lekin abhi yahi nahi pata ki kitne log aamantrit karne hai aur phir pata nahi bacho ko pasand ho ya nahi. Unhe bhi shamil kar lenge kal."

"Wo sab unhone he kiya hai Pandit ji. Himani ke paas Tara, Alka aur Sanjiv aaye the 9 baje aur inhone he sab menu, DJ aur stage sajane wali har baat kar li. Shankar se toh baat isliye karni hai ki ye log bhi chahvaan honge kuch khaas intjaam ke aur main chahta hu aap inhe manjuri dene me aanakani mat kijiyega.", Aacharya ji ka jis taraf ishara tha wo sabhi samajh chuke the aur Narinder ke chehre par ek gehri hansi chhaa chuki thi.

"Aapne jab keh diya toh fir kya aanakaani lekin Shankar Umed, tumhe har cheej ka dhyaan rakhna hai. Aur Shashtri ji, Dharamvir ji chahte hai ki shaam ko aap aur Satish jara inke dwaar bhi darshan de.", Is baat par jahan Shankar, Umed aur Narinder khushi se bahar chal diye wahi Sanjiv phone ki ghanti sunn kar udhar lapka. Dharamvir ji ne hath jode toh Shastri ji ne hath apne hatho me pakad liye.

"Aapka aadesh hai toh jarur lekin waha hum Pramod Shastri aur aapke mitra swaroop aayenge, Satish bhai ke sath Pandit ji humko ghar se he le lenge.", Unhone apne lapete me Pandit ji ko bhi liya toh baaki dono khush ho gaye.

"Chaliye agar aisa hai toh aaj ki ye shaam hum bhi shamil honge. Agle 5 din aap sabhi 3 samay yahi hamare sath rahenge.", Ye 4 log is tarah baatein karte hue bahar nikal chale aur Madhu-Renuka bhi uth kar pichli taraf.

"Oye, tu bata diya kar ki koyi kaand hua hai? Abhi ye Lucky ka phone tha aur wo kaun the jinhe tu waise he chhod raha tha? Chal ab shaadi se pehle main thode hath sek lu. Safari bahar he hai toh wahi start kar, main aaya tayaar ho kar.", Arjun apne bhai ki baat sunn kar samajh chuka tha ke ye Bagdi wala he mamla hai.

"Lucky bhaiya bhi na... aisa toh kuch masla bhi nahi tha bhaiya."

"Chal toh sahi phir dekhte hai ki asliyat kya hai. Ghar pe bol de ki hum market se he lunch karke aayenge.", Sanjiv bhaiya Arjun ke kandhe par bandook taan kar hanste hue chale gaye aur Arjun bhi kya jawaab deta.

'Sahi kaha hai kisi ne ki chhote ho toh chhote kyu ho aur bade ho toh bade kyun.', budbudata hua Arjun bahar ki taraf chal diya lekin aangan me apne saamne aasmani kurti aur safed jhallar wali salwar me pur-kashish Preeti ko dekh wahi thithak gaya. Bagiche se aage jaha 4 dada khade the wahi galiyare ke pas uske papa-chacha. Shayad isliye he Preeti is taraf se aa rahi thi lekin is ujaale me uska ye khila hua swaroop aur wahi paani se neeli-hari aankhen dekh wo bhool chuka tha ki usko bhaiya ne kuch kaam bhi kaha hai.

'Arjun.. sab yahi hai. Waise main tumhe he bulane aa rahi thi.' Preeti ne halki sharam se najre hilate hue Arjun se dheemi awaaj me kaha toh wo bas honth hila kar reh gaya. Awaaj jaise astitva me he nahi thi. Kyun aaj wo Preeti ko is tarah dekh kar kho gaya tha? Ye kaisi aniyantrit si chahat hui thi jo wo itna kho gaya.

"Arjun, mujhe market chalna hai.", Is baar Arjun ki chetna lauti aur ladkhadati jubaan se bol utha.

"Haan toh chalo.. jaha bhi tum kaho hum chalte hai.", Arjun ka gala khushk ho chuka tha aur bina kisi ki taraf dekhe wo Preeti se ek kadam aage chalta apni kaali car tak aa pahucha. Udhar Sanjiv bhaiya bhi aa chuke the lekin in dono ko dekh wo bas muskura bhar diye.

"Arjun, main Inder chacha ke sath ja raha hu. Tumhe kahi jana hai?", Bhaiya ki baat sunn kar aur itne logo ko dekh Arjun seham sa gaya.

"Bhaiya, actually mujhe jana tha aur agar Arjun free hai toh kya main isko sath le jau?", Arjun ki halat dekh kar Preeti ne he himmatt dikhai aur is baar Shankar ji ke sath Umed ji ke bhi chehre par muskaan thi.

"Haan jao tum log jaha jana bas car dhyaan se chalana Arjun.", Ye hidayat Pandit ji ki taraf se aayi thi jo Bade Sangwan ji aur Col sahab ke sath andar aa rahe the. Arjun turant car ka darwaja Preeti ke liye kholne ke baad apni taraf se steering ke peeche ja baitha. Haalat abhi bhi thik nahi thi aur baaki sabhi hans rahe the jaise wo abhi dikh raha tha.

'Hua kya hai tumhe? Bahar toh chalo main batati hu tumhe, fattu kahi ke.' Preeti ki ghudki sunn kar Arjun ne gehri saans bhari aur fir kuch sehaj hota car piche ki taraf karte hue ghar se nikal chala.

"iski toh halat dekh kar mujhe chinta ho rahi hai bhai.", Narinder ji ki baat sunn kar itni der se shaant dikhte Sanjiv bhaiya bhi hans diye.

"Chota hai na wo chacha ji aur shayad kuch pareshan bhi. Aap chalo mere sath main batata hu wajah.", Sanjiv unhe liye safari ki taraf badha toh Shankar ji bhi bina nimantran Umed ko liye unke sath ho liye.

"Main bhi toh dekhu kaunsi wajah hai jis se mera beta pareshan hai.", Ab Sanjiv fans chuka tha lekin jana toh tha he.

"Chacha ji, aap bhi chaliye lekin pehle sabkuch samjhna aur koshish karna ki aapka gussa bahar na nikle.", Ab toh Shankar ji ne khud he steering sambhal liya tha.

"Chal fir aaj tu biryaani khilayegi is baat par. Jumma hai aur raja-gali me biryaani-rayeta khana banta hai.", Is baar baaki teeno bhi sehmat the.

"Done. Bas baaki sab mujhe dekhne dijiyga. Kami lage toh main aapko nahi rokunga.", Sanjiv bhi pichli seat par Inder chacha ke sath baith gaya aur ye 4 log bhi nikal liye jaha Lucky apni hirasat me Bagdi ko pakde tha. Jaane aaj Bagdi ghar se kya soch kar is shehar me dakhil hua tha? Jab Yamraj he bhainse (safari) par baith uski taraf aa raha tha toh ab uska maalik sirf uparwala he tha.
.
.
"Yaar Alka tum sachmuch sahi keh rahi thi. Jasleen, Grupreet aur Keerti toh hain he khoobsurat lekin ye kya bala hai?", Upar wale kamre me lagbhag sabhi samaan apni jagah rakhwane ke baad ye ladkiyan bister ke sath sath 4 kursiyon par mehfil lagaye thi aur Ritu, Aarti, Vinni ke sath waha Afsana ke aate he parichaya ke baad Tara Afsana ke bilkul kareeb aa khadi hui.

"hum koyi mujassamma hai kya? Aap khud itni behtareen aur khoobsurat hai shayad isliye hamari tareef kar rahi hai. Hume toh Ritu aapa bhi sabki nisbat sabse haseen najar aayi lekin aap log hume khajoor khila rahi.", Afsana ki awaaj sunn kar Tara hairat se thodi peeche hui aur is mom ki gudiya ko bolte dekh idhar udhar dekhne si lag padi.

"Ye toh bolti bhi aise hai ki mera dil ab kabi kisi ladke pe nahi aane wala. Preeti ko toh ye Ritu hadap gayi lekin tumhe main Aarti ki nahi hone dungi. Aur Alka dur he rehna is se.", Tara ke aise kathan par jahan sabhi hansne lagi wahi Afsana khaufjada si Ritu ko manuhaari aankhon se dekhne lagi.

"Oye, thoda soch samajh kar bola kar yar. Afsana ke baare me Alka ke sath Aarti ne bhi bataya tha na ki isko dhyaan se rakhna hai? Tum pareshaan matt ho Afsana, ye Tara dil ki bahot pyaari hai bas hum log thoda khulkar rehte hai. Tum jaise chaho waise reh sakti ho lekin isne galat bhi nahi kaha. Tumhe sambhal ke rakhna padega jaise Preeti ko rakhna padta hai. Gurdeep, tumhare sath bhi ye aise he rehti hai kya?", Ritu ne bedhadak Afsana ko apne sath ek taraf lagate hue bister par baith kar kaha toh waha sirf ladkiyon ko dekh Afsana kuch hadd tak sanyamit rahi.

"Humne toh degree me iski awaaj he yada kada suni hai aur wo bhi Aarti ke sath. Lekin galat toh kuch bhi nahi kaha tumne Ritu aur jara is Preeti se bhi milwao humko. Jasleen bata rahi thi ki usne aaj ek pari dekhi aur mujhe laga wo tumhe keh rahi hogi. Par ab toh aisa lagta hai ki shaadi me har taraf gunmen rakhne padenge jab itna asla sirf is ghar me he maujud hai.", Aadatan Gurdeep ne jo majaak shuru kiya toh mahol khusnuma ho gaya. Jasleen toh inki baatein sunn kar muskurati hui Priyanka didi ke sath kuch alag he guftgu kar rahi thi.

"Aa toh yahi rahi thi wo lekin pata nahi kaha reh gayi. Waise Afsana tum Preeti ke sath sath Himani se bhi milna, atcha lagega tumhe. Haan ye Ritu na mere se thodi kam he hain.", Alka ne jaise he aankh maar kar kaha uski peeth par Komal ne chapat laga di jo Keerti ke sath vayst hote hue bhi inki baatein sunn rahi thi.

"Sab yahi hai Alka aur sundar-bura jaisa kuch bhi nahi hota. Tum sachmuch khaas ho aur aise he Keerti aur Jasleen bhi. Mujhse pucho toh phir maa he sabse sundar hogi lekin unke liye koyi aur hoga. Aap charo abhi poore 10 din yahi par ho aur befikar rehna kyonki ye sabhi ka ghar hai. Main niche khaane ka bol kar aati hu, tum log baatein karo.", Komal didi jaane se pehle Afsana ke gaal par aise hath fira gayi jaise koyi maa ya badi behan apne bache ya behad chhoti behan ko ye kahe ki tum hifajat se ho.

"In aapa ke sath hum reh sakte hai kya? Aur gar mumkin ho toh milwaye humko bhi Preeti ji se.", Afsana ki masoomiyat dekh Ritu ab khudko rok he na saki aur uska gulabi kesar rangat ka gaal choom he liya. Wo kuch kehti us se pehle he Ritu bol uthi.

"Tum na Preeti ke sath he rehna janeman kyonki waha inme se koyi tumhe paresan karne nahi pahuchega. Aur Aapa ki jagah Komal didi ko didi aur baaki main, Alka, Tara aur jo bhi aane wali ho unhe naam se bulana. Kuch din apni urdu ko barkaraar rakho lekin hum barabar hai toh sirf naam. Sorry, dil kar raha tha isliye gaal choom kar dekha ki tum sachmuch ki ho. Waise kuch bhi ho jaye Alka aur Tara ke pas matt sona aur lagta hai Jasleen bhi nek khayaal nahi rakhti.", Afsana itna sunn kar bas laal ho rahi thi lekin muskurahat ke sath.

"Haan yaar Ritu sahi suna tha tumhare baare me. Lekin mera khayaal hai ki main tumhare sath sou toh thik rahega.", jasleen ke bolte he Alka Ritu ko dekhne lagi.

"Haan ye bhi thik hai. Tumhare sath mujhe aur Priyanka didi aur Tara ko bhi atcha lagega. Wo sab baad me dekhte hai pehle meri ye baat dhyaan me rakh lo. Koyi bhi apne mann ko nahi rokega aur jo bhi chahiye ho ya toh saaf bolna ya khud he le lena.", Ritu ne ek atche mejbaan ki tarah ye baat rakhi thi ki Gurdeep bol uthi.

"Mujhe na joro ki bhookh lagi hai lekin khane ke sath me mujhe meethi lassi ya fir kuch mithaai jarur chahiye.", Aarti aur Priyanka ne apne sar pe hath rakh liya is radio ki baat sunte he jaha sabhi hans diye.

"Chalo ab sabke liye yahi khana lagega aur jisne bhi fresh hona hai wo ye bagal wala bathroom, bahar wala aur wo saamne ki taraf bhi ek hai, use kar le. Main baai ji ko bol kar aati hu, 10 minute me lunch karte hai. Shaam ko market chalne ke liye tayaar rehna.", Ritu ne apne sath ishare se Tara aur Alka ko liya or muskurati hui bahar nikal chali. Aarti-Priyanka ki ye sabhi khaas thi isliye unka wahi unke pas hona jaruri tha. Vinni didi badi thi jinhe Ritu poora maan deti thi.

"Waise Alka ki height aur figure dekha tumne Keerti? Yaar Komal toh hai he apni Pinki jaisi ya thodi jyada he lekin Alka kisi model se kam nahi aur jara Tara ki chamak dekh. Ye Vinni didi bhi model jaisi hai lekin Sabse khatarnaak toh Ritu hai jo har ladke ko pigla de lekin confidence me kahi kahi Arjun se bhi aage.", Jasleen ab kahi mooh khol rahi thi aur is beech goad me takiya rakhe Afsana bade dhyaan se sab sunn rahi thi.

"Tumhe aaye abhi kuch ghante he hue hai Jasleen. Arjun ko Arjun banane wali Komal hai aur nikharne wali Ritu. Bullet chalati hai, ladko ka gaal laal karte hue minute nahi lagati aur sabse jaruri hai ki wo sabke sath aisa vyavahaar karti hai ki wo khaas hai. Ritu hai toh Arjun hai aur Komal wajah hai un dono ke aisa milansaar hone ki. Nahi toh jitna khatarnaak bachpan me Arjun tha utna koyi bacha nahi hota aur jitni ziddi Ritu, utni toh main khud bhi nahi thi.", Vinni didi ke mooh se ye sab sunte he kuch pal toh sabhi hairaan rahi lekin iske baad jo Jasleen aur Gurdeep ne baari baari se bataya usko sunn kar sabhi hairaan he rahe siwaye Vinni didi ke. Ye baatein shayad aapas me Jasleen aur Gurdeep ko bhi pata na thi aur Afsana ko toh ilm he na tha.

"Arjun aise hai?", Afsana ke mooh se bas itna he nikla jab wo maar-dhaad wali baat nikli.

"Nahi nahi Afsana. Arjun ka dil bahot najuk hai lekin sirf khudke liye. Baat agar kisi bebas ki ya kisi galat se takrane ki ho toh phir wo kaam-kaaji nahi rehta. Bachpan se wo rudra banta aa raha hai aur tum logo ne toh wo sab nahi dekha ya suna jo mujhe pata hai. Baat jab kisi uske kareebi ki aaye toh Arjun jaise thaan he leta hai ki wo insaan kabhi apne kadmo par khada he na ho. Jaan nahi leta lekin kuch baaki bhi nahi rehne deta. Par bahot mauke deta hai aisa karne se pehle. Khud bhi maar kha lega.", Iske baar Vinni didi ne unhe stadium wali baat, Bheem ka kissa aur kuch pyaare ghatnakram bhi sunaye.

"Main jara fresh ho kar aati hu phir lunch karte hai.", Jasleen ke aisa kehte he keerti bhi uth khadi hui aur unke sath Gurdeep, Aarti aur Priyanka bhi.

"Hum aate hai didi.", Itna bol kar wo log agle hisse ki taraf chal diye siwaye Jasleen ke jo andar wale bathroom me gayi thi aur darwaja band tha.

"Aap sabkuch jaanti hai aapi?", Afsana abhi tak poori aasteen ke us gulabi jari wale libaas me thi aur uske masoom chehre ko dekh Vinni didi ne bade pyaar se uska gaal sehlaya.

"Koshish kar rahi hu jaise tum. Waise kya sachmuch tum pehli he baar apne ghar se bahar aayi ho aise akele? mera matlab sirf dosto ke sath.", Vinni ne apni dil ki kehne ke sath sath ye sawal anjaane he kar diya.

"Ji, lekin aisa nahi hai ke hum pehle najarband the. Hume ilm tha ki yahan Chacha ji aur dada ji hai Aarti aur Priyanka aapi ke sath isliye aa gaye. Aapko bura toh nahi lagega na agar hum aapke pas rahe? Wo hamari Zubeidaa baaji bhi aapke jaisi he hai, thodi thodi.", Afsana ki masoomiyat dekh Vinni didi ne bade pyaar se usko apni ek taraf laga liya. Kuch lamho me he Afsana ki aatmiyata aur saafdili ne apna asar yaha ki har ladki par kiya tha. Ab bas dekhna tha toh wo pal jab Preeti se uski mulakaat hogi.
.
.
"Ritu, tayaar ho jao. Tumhare papa bol kar gaye hai ki humko tumhare nana-naani ke ghar chalna hai 3 baje. Raat ka khana wahi karke wapis aana hai aur Rupali bhi Komal ke sath tayaari me lagi hai.", Rekha ji ne jab apni beti ko dono kaam karne wali mahilao ke sath khana upar le jaate dekha toh kaha.

"Maa, aapke sath waha Manju, Menaka didi aur Rupali jaa rahe hai. Main aur didi yahi par hai kyonki abhi bhi kaam baaki hai. Mehmaan bhi aaye hue hai. Waise dinner karke aana hai toh bua aur fufaji ko bhi le jao, Himanshu ke sath sath.", Wahi par Madhu bua bhi khadi thi aur Ritu ki baat sunn kar wo bhi turant maan gayi.

"Sahi hai bhabhi. Chalte hai aapke ghar aur ye dono bhi waha chal kar mil lenge sab se.", Madhu bua ki baat par Ritu ne aankh maar di jaise wo unki raajdar ya kareebi ho.

"ye bhi sahi hai Madhu aur tum khaane ke baad mere kamre me aa jana. Tumhare liye ek saree Lalita didi aur maine pasand ki thi, dekh lo.", Rekha ji bhi jaise akele nahi jana chahti thi kyonki Manju-Menaka toh 2 din wahi rukne wali thi abhi.

"Haan maami, i want to go somewhere away from thi crowd and hustle n bustle. Smile.", Himanshu ne aisa kehte he sabki tasvir nikaal li. Rekha ji wapis raosighar me jaane se pehle apne sath Himanshu ko bhi le gayi jo shakkar-ghee ke sath roti khaane ki itcha jata raha tha.

"Raat hum deri se aayenge Ritu.", Madhu bua ne apni maa ki taraf jaane se pehle jab aisa kaha toh Ritu ne udta chumbann de diya.

"Itminaan se jaaye bua aur aapko naani bhi yaad kar rahi thi."
.
.
"Abe lodu tu Sarpanch hai? Umed is bhosdiwale ko yaad hai humne kab dhoya tha?", Yaha Sanjiv jab Lucky Arora ke paas aaya toh is mehfooj jagah ke bahar wahi jeep khadi thi aur galiyaare me 15-20 log khade the jo shayad Anil Bagdi ki taraf se the. Ek adhed sa aadmi kuch jyada he chilla raha tha jisko dekh kar Shankar wahi ruk gaya. Sanjiv apne sath Narinder ji ko le kar lockup wali jagah badh chuka tha.

"Partaap Singh naam hai mera Shankar. Tu pehle bhi behuda tha aur aaj bhi waisa he hai. Umed bhai, is se kaho ki mere mooh na lage aur mera launda yaha kuch bewkoof chutiye utha laaye hai jisko le kar main nikal jaunga.", Partaap Singh ki safed-kaali ghani mooche bata rahi thi ki uska bhi apni taraf kuch naam jarur tha lekin kitna bada wo abhi pata lagna baki tha.

"Dekh bhai Bagdi, tere bete se apna kuch lena dena nahi aur jo abhi yaha se gaya hai wo mera bhatija hai. Chal sath.", Umed ne baaki sabhi ko darkinaar karte hue is vyakti ko apne sath liya aur wahi chal diya jaha Sanjiv aur Narinder gaye the. Niche toh mamla kuch ulat he tha Partaap ki ummeed se. Uske bete ko janjir se latkaya hua tha aur uske 4 dost aundhe mooh jameen par pade the.

"Abe thaanedar, teri maa ki saale. Mere bete ki aisi halat ka jawaab aur hisaab dena padega tujhe.", Lucky Arora is awaaj ko darkinaar karta jab Sanjiv ko kuch samjhane laga toh Partaap Singh ne uski kalaai pakad li.

"Dekho, aap jo bhi ho ye mamla sangeen hai. Aapke bete ne sare raah 4 ladkiyon ki ijjatt par hath daalne ki koshish karne ke sath sath unhe dhamkya, bachane wale ke sath bura vyavahaar kiya aur market walo ko bhi hadkaya. Mera hath pakadne se kuch nahi hoga aur ye sab SI Ajmer Singh ki report se bata raha hu.", Lucky Arora ke swar se kahi bhi aisa nahi laga tha ke usko apne auhde ka gumaan hai.

"Aur kaun thi wo ladkiyan? Kaun tha ladka?", Partaap Singh ne apne kurte ki aasteen chadhate hue thoda unchi awaaj me kaha.

"Main sarpanch hu lekin pahuch meri Bhajan ji ke PA tak hai. Mera bhai bhi thaanedar hai.", Aage baat poori karte hue wo apne bete ki taraf dekhne laga.

"Ladkiyan inki mehmaan thi aur wo ladka Shriman Shankar Sharma ji ka beta. Baaki reporting officer hai Sanjiv Sharma,SP is jagah ke.", Lucky Arora ka itna bolna tha ki Umed ki bohen chadh gayi. Jaanboojh kar Lucky ne Sanjiv ko aage kiya tha, jo asliyat me is department ka tha bhi nahi.

"Teri maa ki choot maaru bhosdike. Mere bete par isne hath dala aur sala kuch khabar bhi nahi.", Garjna sunn kar sabki fatt gayi thi. Gajju ka matlab he haathi tha jo aaj pata chala lekin Umed ne itni der me wo chaaro ladke laato se thok diye the aur ab wo lockup ke andar band Anil ki taraf chal raha tha.

"Maaf karde Shankar. Isko rok le bhai, mera ek he beta hai.", Yaha Prataap gidgida raha tha wahi Umed ke piche Narinder bhi ja chuka tha.

"Tumne deri kar di Bagdi. Ye baat upar he bol dete toh inhe main yaha nahi aane deta. Mera beta un dono ka beta jyada hai aur sach kahu toh tumhari maa jaan boojh kar chaudi gayi. Mera beta tere 20 londe thok kar 10 minute me gayab ho jaaye lekin jo abhi ho raha hai wo shayad kuch khaas hai.", Yaha toh sab ulta ho raha tha. Shankar baraf ki maninda shaant aur udhar Bagdi ke bete par Umed ke chaante padd rahe the.

"Main abhi se tumhari sharan me hu Shankar bhai. Inhe rok do bas."

"Ae, nikalo usko bahar. Gajju, aaja idhar aur Partaap ke sath sath baaki 18 sarpanch bhi tere hue.", Shankar ke aisa kehte he mahol shaant ho gaya. Jaha ye sabhi ekatrit hue wahi Anil Bagdi ke sath uske dosto ko bhi aakhiri warning de kar upar wale tal par bhej diya gaya.

"Sunn. Karna toh kuch aisa he chahte the lekin tere ladke ne galti karke ye mauka khud he de diya. Ye Umed na ab Sachiv banega jiske liye chahiye purn bahumat. Tere dost hai 8 sarpanch aur baaki 10 tu bana nahi toh is baar na hawalaat hogi aur na itna shaant jallaad. Rahi baat mere bete ki toh wo itni bakwaas nahi karega. Fir bhi bacha ke rakhna apne kapoot ko kyonki agar uski najro me ye aa chuka hai toh matlab mera beta ghar me shaadi ki wajah se ruk gaya.", Shankar ki chetawani sunn kar Partaap abhi sambhla bhi nahi tha ki Sanjiv gurra utha.

"Aap jo bhi ho, jaha ke bhi dayavaan ho lekin ye baat hai mere bhai ki. Maafi maangne ke liye apne bete ko tayaar rakhna aur mujhe is raajneeti se koyi vaasta nahi. 18 sarpanch jameen me gaad kar bhi chunaav jitwa dunga lekin main aur mera bhai aapke gaanv aayenge, meri shaadi ke agle din. Chalo chacha ji, clean chit nahi di hai abhi.", Sanjiv ke tevar dekh baaki sabhi sakte me the kyonki hamesha ek wahi tha jo dimaag se kaam leta tha lekin aaj wo vyathit tha aur Shankar ji samajh gaye ki baat poori jarur karega aur aisa na hua toh kaam kharaab.

"Sochna matt Bagdi, ab karna hai tumhe. Hafte baad main khud bhi inke sath aaunga aur Sanjiv ko goli chalane ka pura license hai kisi bhi doshi par.", Poori tarah se Bagdi ki faad kar ye teeno Sanjiv wali disha me badh chale. Ye aksmaat he ho raha tha jo Umed-Shankar chaah rahe the lekin unhe bahot kuch naya bhi dikh raha tha is beech. Aaj unhone thanda Arjun aur garam Sanjiv dekhe the iska matlab wo abhi bhi kuch jyada nahi jante.
.
.
"Abhi kuch waqt pehle tum mujhe aise kyun dekh rahe the? Fir pareshan bhi ho gaye jaise pehli bar sabne hume eksath dekha ho.", Preeti ne sabse pehle CD player band kiya aur phir Arjun ka gear par rakha hath thaamte hue bade pyaar se poocha. Uski najro ko apne chehre par mehsoos karte he Arjun bhi halke se muskuraya.

"Pata nahi kya hua tha jab tum ekdum se saamne aa ruki. Aisa laga tha jaise main tumse bas aaj he mila hu asliyat me aur us se pehle bas tumhare khwaab he dekhta tha. Phir sabko hamari taraf dekhte hue laga ki jaisi meri chori pakdi gayi ho. Bhool gaya tha ke tum meri ho aur un sabhi ne toh hamara rishta pakka kiya tha. Kuch samay se mujhe aisa lag raha hai jaise tumhare jaane ke baad kya main itna khush reh sakunga. Hafte ke 5 din toh bahot dur ki baat hai, ek din bhi tumhare bina jeena mushkil na ho jaaye.", Arjun ne Preeti ka hath apne dil par rakhte hue usko apne kareeb kar liya tha. Car ab kuch dheemi gati se seedhi chal rahi thi.

"Jaanti hu ki hume kuch pareshani hogi lekin main sirf bahar he nahi hu. Jaha ye hath rakha hai na tumne, waha bhi main he hu jaan. Aur college toh tumne bhi jana hai is class ke ek saal baad. Jagah alag hone se hum dur nahi honge, faansle dil ke hote hai jo hamara ek hai. Umaah.", Preeti ne halke se apne gulabi hontho se Arjun ka gaal choom kar khud ko sahi kiya toh Arjun bhi muskuraya.

"Waise hum ja kaha rahe hai?", Arjun ne fir se hath thaam liya tha apni premika ka.

"Tumhe akele kaam nahi karne dena. Daadi ji ne bataya tha ki pehle kapde wali jagah pata karu ki sabki dresses ka kya haal hai. Phir gehne bhi pata karne hai aur wapis jaate hue Model Town se Apsra parlour par bolna hai ki wo parso se ghar pe thik time aane lage. Haan is beech tum mujhe ear rings dilwa sakte ho agar dil kare toh.", Preeti ki demand sunn kar Arjun ne apna batau utha kar uski hatheli par rakh diya.

"Jao main tumse baat nahi karti. Paise mere pas bhi hai lekin maine tumhari pasand ki baat ki thi. Waise ye sab samaan bhi lena hai aur iske paise ab tumhari he jeb se jaayenge, daadi wale main khud rakhungi.", Preeti ki nautanki par Arjun ne halke se uske sar hath firaya aur car market me wahi rok di jaha vivaah ke gehne bann-ne diye gaye the.

"Wo paise bhi daadi ke he hai darling aur glove-box me aur bhi rakhe hai jo bank se nikalwaye the. Waise ye list kis cheej ki hai?", Arjun ne car sahi se lagane ke baad bahar nikal kar Preeti ke liye darwaja kholne ke sath sath uska dupatta bhi jameen par lagne se bachaya jisko aankho se he shukriya kehte hue Preeti ne thik kiya aur Arjun ka hath pakad kar is badi dukaan ki taraf chalne lagi.

"Isme wahi sab likha hai jo shringaar aur rasmo me use hoga. Mehandi, haldi, kuch naye bartan-kalash, saaf kapde aur ye pata nahi kya kya hai. Bas ye pata hai ki sab samaan Poshaak wale lala ji mangwa denge jab hum unki dukaan par jaayenge.", Preeti se pehle Arjun ne dukaan me kadam rakha lekin counter ke dusri taraf baithe vyakti ne pehle Preeti ka abhivadan kiya aur phir Arjun ka lekin gor se dekhte hue.

"Uncle ji, daadi ji ne kaha tha ki aapne sab tayaar karwa diya hai?", Preeti us gaddi-dar mudhe par baithi aur ek ladka 2 lambe kaanch ke gilaas me thanda paani liye aa gaya.

"Ha bitiya sab gehne aur chudiyaan toh ready hai lekin ek kundan-haar Madhu behan ne thode samay pehle he order kiya hai jo parso tak milega. Waise maine aapko pehle bhi dekha hai beta.", Ladke ko sab samaan laane ka bol kar ye janaab Arjun se mukhatib hue.

"Uncle, ye nosepin jo Preeti ne pehni hai wo yaad hai? Hum dono aaye the aapke pas aur uske baad main ye pendant bhi leke gaya tha?", Arjun ki baat par sunaar ne sar haan me hilaya lekin jaise abhi wo kuch aur bhi soch raha tha.

"Haan yaad aa gaya beta. Waise tum..

"Ye Arjun Sharma hai, doctor uncle ke bete aur mere..", Abhi Preeti ne itna kaha toh wo dukaandar beech me he bol utha.

"Haan bhai yaad aa gaya, yaad aa gaya. Pehle tumne parichaya nahi diya tha aur main hamesha chehra yaad karne ki koshish karta tha.", Sunaar ki aankhon me ab Arjun ke prati sneh ke sath sath khaasi ijatt bhi najar aa rahi thi.

"Payment uncle ji.", Arjun ne baat khatam karte hue mudde ki baat ki aur Preeti sabhi gehne dhyaan se jaanch rahi thi.

"Wo ho chuki hai beta aur jo baaki hoga wo hum mata ji se baat kar lenge.", Arjun ne ab aage kuch nahi kaha aur wo bhi Preeti ki taraf dekhte hue gehno par gor karne laga. Daadi ne sachmuch kuch jyada he kharcha kiya tha jo 13-14 chokor dibbe the haar-chain ke. Preeti ne ek aur parchi nikaal kar pen se sabhi gehno ka milaan kiya aur gardan hila kar sabkuch pack karne ka mook aadesh diya.

"Badi samajhdar ho gayi ho tum toh. Itna check main toh nahi karta agar akela aata toh."

"Isliye main aayi hu lekin tumhe bhi ye sab karna chahiye. Chalo ab faluda khilao yaha se nikalte he. Aaj lunch ke liye ghar jaane me deri hone wali hai."

"Sachmuch he billi ho tum. Chalo aur apne shades (dhoop ka chashma) pehan lo. Dhoop bhi hai bahar.", Sab samaan ek chain wale bag me band ho chuka tha aur usko liye Arjun Preeti ke sath us taraf chal diya jaha wo chahti thi. Agle 15 minute Arjun bas Preeti ki khoobsurti aur usko faluda khaate he dekh kar muskurata raha.

"Ho gaya ho toh ab chale yaha se Mr Majnu. Sharam bhi nahi aati kaise ghoor rahe ho.", Preeti ki yahi adaa toh khaas thi jisme uski nautanki aur pyaar bharpoor najar aata tha. Arjun ne thoda kareeb aate hue uske hontho par bani doodh ki boond ko ungli se saaf karne ke baad tissue se hath sahi kiya aur bas in kuch lamho me dono ki halat ab viprit ho chuki thi.

"bas.. chalo yaha se..", Preeti najre churati hui sharma rahi thi aur Arjun lehrata hua uske sath sath chalte hue hansne laga. Shaadi ke kaam karna itna khushnuma bhi ho sakta hai ye Arjun ne ab jana tha.

"Waise main kya keh raha tha maano (billi), tum na jis tarah se faluda khaa rahi thi mujhe toh kuch alag he lag raha tha."

"Chhii.. gande kahi ke. Main dekh rahi thi tumhe aur ab aisi waisi koyi baat nahi karna.", Mann he mann Preeti ko bhi ye pal aur Arjun ka sath raas aa raha tha lekin nari-sulabh wo sharma jyada rahi thi. Is waqt uske gore chehre par wo gehra chasma kuch jyada he qayamat dha raha tha. Kuch ladke badi hasrat se is chalti firti aag ki tapish me jhulas rahe the lekin wo bhi dekh rahe the ki jo ladka uske sath hai wo yakeenan uska premi hai.

'Bhai ki kismat bahot suthri hai re. Aisi chhori manne mil jaaye toh bas ghar se bahar he na jaan du.', Ek ladke ne apne sathi se ye kaha jab Arjun Preeti unke kareeb se gujarte hue Lala ki dukaan me jaane lage. Arjun unki taraf dekh muskuraya aur andar chala gaya.

"Bhai, khaagad (saand) bhi suthra hai us patole ke sath. Tere mere se toh ek hath ucha hoga aur chauda bhi. Wa uske sath he atchi dikhe hai, chaal gaam jaane ka tame ho gaya, bus likad jegi.", Uske dost ne ye sab kaha toh dono ladke apne raste ho liye.

"Beta tumne kapde nahi lene kya?", In lala ji ne Arjun ko dekha toh pehla sawaal yahi kiya aur jawaab Preeti ne diya.

"Inki shopping kal hogi uncle ji aur waise bhi kurta pyjama he pehnenge.", Preeti ab maje le rahi thi aur sath sath wo blouse-choli ke sath sath purusho wale coat pant bhi dekh rahi thi jo Shankar ji aadi ke the aur tayaar bhi.

"Hahaha.. sach kahu toh iske upar janchega bhi bahut. Beta tum vivah ke samay 2 dress tayaar karwao. Ek pathani kurta aur fitting wala pyjama, mojri ke sath aur ek gehra tuxedo. Yahi kehte hai na Murari us naye fashion ke pant coat ko jisme vest bhi shamil hoti hai?", Lala ki baat sunn kar uske bete ne bhi haan bhari aur turant he us putle ki taraf ishara kiya jaha kasa hua 3 piece coatpant tha bow ke sath aur safed kameej.

"Wow.. ye perfect hai uncle ji lekin garmiya hai toh kya aisa ho sakta hai ki yahi shirt, pant, belt aur shoes mil jaaye.?", Preeti ne bade dhyaan se us poshak ko hath laga kar dekhte hue poocha tha. Arjun ko aisa he kuch pasand tha lekin wo yaha Preeti ke he dil ki chahta tha.

"Haan haan beta ji kyun nahi ho sakta. Aisa karo tum kal aa jao, shaniwar hai aur kuch behtar kapda bhi aa jayega. Tailor master ji 2 din me sab tyaar kar denge.", Lala ji yaha sab bata rahe the aur is beech sabkuch pack ho chuka tha.

"Thik hai uncle ji hum kal aa jayenge aur ye samaan bhi daadi ji ne mangwane ka bola hai toh kal he le lenge.", Arjun ab Murari ke sath kurte ke vibhinn prakaar dekh raha tha aur Preeti ne wo list Lala ji ko pakda di jo daadi ne di thi. Yaha ka kaam jald he ho gaya tha aur ab Arjun poori tarah bojha dhota majdoor lag raha tha 'Poshak' dukaan se nikal kar.

Sabkuch car ki dikki me rakhne ke baad Arjun ne sawaliyan najro se dhoop me gulabi hoti Preeti ko dekha toh wo chasma utaar kar najro se he puchne lagi ki wo kya keh raha hai. Jawaab me Arjun ne apne kaan ko ungli aur anguthe se daba kar ishara kiya toh Preeti ki dilkash muskaan ne samaa kahi jyada haseen kar diya

"Waise hum kal bhi le sakte hai.", Preeti ne thoda jhijhakte hue kaha tha lekin Arjun ne pratiuttar me uska hath bade pyaar se thaam liya.

"Tumhare sath samay badi mushkil se milta hai jaan. Aaj bhi kuch pasand kar lo aur kal toh hai he hamara.", Arjun jis kal ki baat kar raha tha wo Preeti samajh kar badi chanchalta se mudd kar usko khinchti hui dusri taraf chal di jaha uski pasand ki dukaane maujood thi. Arjun bhi is prem dor me bandha khud ko Preeti ke hawale kar chuka tha. Ye prem ke wo anmol pal the jinhe har yugal hamesha sahej kar rakhna chahta hai.
.
.
Mehal sareekhi is imaraat ke behad he shaandar aur shaahi hall me 20 vyaktiyon ki lambi table par sirf 2 he log viraajmaan the. Rajyavardhan Singh aur uska bada bhai Kumar Saarang. Dopehar ka bhojan yada-kada he yaha hota tha, vyapaar aur anya karyo ki wajah se. Kuch samay tak mahol shaant raha aur ekaek Rajyavardhan ne apne swarnim thaali ek taraf sarka di. Chehre par jaise haar ke nishaan the aur gusse ki purn jhalak.

"Humne pehle he chetaya tha tumhe Raj. Bhojan par gussa hone ki jagah isko grehan karo aur phir socho ki ek asli raja kaise kaam karta hai. Tumhari pasand ka laal maans bana hai aur ye haandi bater bhi lajeej hai.", Saarang khamosh tabiyat se bina krodhit hue bhojan karte hue apne bhai ko uski galti samjha raha tha. Kuch pal khamosh rehne ke baad Rajyavardhan ne ek ghoont paani ka pee kar baat shuru ki.

"Maaf kar dijiye bhai sahab, mujhe aapki baat ko gehraai se samajhna chahiye tha. Aap kabhi bhi kisi ki prashansha nahi karte lekin aapne agaah kiya tha ki Shankar ek janwar sarikha vyakti hai. Lekin jaane wo kaisa janwar hai jo apne se bade bade darjan gurgo ko soch se jyada behrami se kaat gaya?", Rajyavardhan ko Country Farm wale kisse ka pata kuch ghante pehle he laga tha. Waha se ek vyakti zinda bach gaya tha jisne vistaar se raat ka wo khaufnaak manjar yaha bataya tha.

"Humne pehle he bataya tha aur sach kahe toh Shankar, Umed ya Inderjeet ko 20-50 aadmi nahi maar sakte agar wo log ek sath ho. Dur se goli maarna hamari hasti se insaaf nahi karta isliye humne tumhe yaha bulwaya tha. Hum jaante the ki kal wo sab hoga lekin Kapoor ke jaane se hamara karodo ka nuksaan hua hai aur ye sab hum sood samet wasool karenge. Khair aisi sheh-maat toh chalti he rahegi Raj lekin ye baaji jaldbaaji me mat dekho.", Saarang ne ek boti ko badi najakat se churi kaante se kaat kar kuch hissa chabaya aur Rajyavardhan ki taraf najre ki.

"Toh bhai sahab kis tarah is sheh-maat ke khel ka bhagidaar banu? Aise toh wo log us taraf hamari dakhal hone nahi denge aur idhar reh kar toh hum bas wahi kar sakte hai jo kar rahe hai. Aapka Haryana, Himachal aur Punjab wala sapna kaise poora hoga karobaar badhane ka? Aur agar aisa karna hai toh koyi tagdi chot toh Rameshwar ke par...", Baat Saarang ki aag ugalti najro se beech me he reh gayi Rajyavardhan ke mooh me. Gustakhi jo kar di thi usne.

"Hum kitni baar yaad dilwaye tumhe Raj? Unka naam agar lena ho toh 'ji' jarur lagana sath me. Pandit Rameshwar ji hai wo aur humne unki sharan me senkdo sukhad pal bitaye hai jaise tum hamari chhaya me aaj tak jee rahe ho. Hum aaj bhi unki dehleej par jaa khade ho toh wo goli ki jagah gale se hamara swagat karenge kyonki ranjish ya dushmani ghar se bahar rakhi jaati hai.", Is baar Saarang gehri saans le kar khud ko shaant kar raha tha aur uske bhai ka sar sharmindgi se jhuka tha.

"Bas dhyaan rakhna Raj. Aap hamare anuj (chhote) hai aur jitna ye sabkuch hamara hai utna he aapka bhi. Aacharan aur vyaktitva barkaraar rakhna humne Rameshwar ji se he seekha hai nahi toh hamari behan aur dost ke jiwan ka naash karne wali us do-muhi Laajo aur uske bhai ko zinda dafan kar dete. Aurat par hum hath nahi uthate aur apne bhai ki jaan usne mehfooj rakhi hamari kamjori daba kar. Ho sake toh tum bhi Rameshwar ji ke pariwar ki kisi bhi mahila ya bachi se abhadrata matt karna.", Saarang kehte kehte kuch vicharo me kho sa gaya tha aur uski halat dekh Rajyavardhan ne he ye shaanti bhang ki.

"Uska bhai toh marwa nahi diya tha aapne bhaiya? Aur kya aapki wo kamjori aaj bhi Laajo ke pas hai?"

"Vaishya ke bhai nahi hote kunwar sa. Hamari mata ji se bas yahi ek galti hui thi jiwan me jo unhone Laajo ko sevika banaya. Aaj wo dekhne ko bebas, besahara jarur dikhti hogi lekin us se shatir mahila humne apne jiwankaal me nahi dekhi. Aur Maniram ko usne dharti ke kis kone me chhipaya hai ye hum pata lagane me vifal rahe hai. Rameshwar ji phir bhi ek sher hai jo hamesha saamne khade hone me vishwas rakhte hai lekin Laajo wo makdi hai jiske jaal ka tab tak nahi pata chalta jabtak aap uske jaal me fans kar bebas na ho jaaye.", Abhi bhi Saarang jaise ateet ki khidki me dekh kar bol raha tha.

"Matlab usne kuch aisa bhi kiya hai jiska humko sangyaan nahi bhai sahab? Kahi uski he wajah se toh hum.."

"Haan Raj aur usne jo jaal buna tha wo itni dur ka soch kar buna tha ki hum usme tab fanse jab khud hamare bache bade ho rahe the. Parinaam tumhare saamne he hai jo aaj hum naani maa ke samrajya par aaseen hai. Humne jawani ke josh me hosh khoya tha aur parinaam tumhare saamne hai. Na badi maa ke sath wo durghatna hoti aur na sab bikharta. Galtiyan insaan se he hoti hai lekin sabse jyada tab hoti hai jab aap kisi shaatir mahila ya yuvti ke sath humbister hone par uske shadyantra me shamil ho jao aur aapko khud pata bhi na ho. Jaante ho Laajo us waqt 14 baras ki thi aur Maniram 16 ka. Wo dono chhoti maa ko kabja kar us chhoti si umar me hamara bhi shikaar kar gaye.", Saarang ke lafzo me ek sacha pachtawa tha parantu turant he wo chehra hamesha ki tarah sakht ho gaya.

"Raj, ab samay lagao aur sirf Rameshwar ji ki taqat aur unke beto ki kamjori ka pata lagao. Dhyaan rakhna ki is shatranj me humle ki koshish nahi karni sirf gheraav karna hai. 4-5 baar maat bhi mile toh seh lena lekin jaha ghera pura kasa ho waha wo vyakti aisi maut marna chahiye ki dusri taraf se Raja khud saamne aaye. Hume bas ek baar Rameshwar ji ki chuppi todni hai. Bhare hue toh wo bhi baithe hai barso se lekin unki shaanti tabhi bhang hogi jab unka koyi sabse ajeej hamare hatho yampuri jaaye. Aur aisa vyakti hai Shankar, jiska taandav tum khud sunn he chuke ho.", Saarang ne jis tarah se naam liya tha Rajyavardhan ke chehre par ghinoni muskaan aa gayi.

"Uski bhi ek kamjori hai bhai sahab. Laajo ki bitiya..."

Nahi Raj, kadapi nahi. Hum jism-faroshi wale dalaal nahi hai jo aisa kuch kare. Humla dimaag se bhi karo toh seene par aur pata lagna chahiye ki ye tohfa Kumaar Saarang ki taraf se diya gaya hai.", Saarang ki baat sunn kar Rajyavardhan ne apni baat ko ab dusre tarike se kaha.

"Bhai sahab, hum aurat par humla karne wali baat nahi keh rahe. Humla agar wo aurat he Shankar par kare toh? Is se ek baar me 3 tarfa prahaar hoga bhai sahab. Shankar ki maut, Laajo ki bitiya ke fansne par usko bachane ke evaj me Maniram aur teesra nishana lagega Pandit Rameshwar ji par.."

"Hahaha.. Toh tum bhi Raghuvir Singh ka shikaar wala tarika apnane ki soch rahe ho bas nishane par us Munni-bai ko rakhte hue. Khair agar tum aisa kar paaye toh hum tumhe 15% se 30% ka maalik bana denge. Lekin Maniram is peshkash ka jaruri bhaag hai aur agar kahi bhi reit hath se finsli toh dhyaan rakhna ki Shankar is registaan me tumhare peeche aayega."

"Yahi toh mera dusra plan hai bhai sahab. Itna samajh chuka hu main us vyakti ko aur wo jakhmi hone ke baad josh me yahi karega. Reit hath se fisal kar uske sharir par giregi aur dafan bhi wo yahi registaan me hoga. Aapki baat dhyaan me rahegi aur ab koyi aisa kaam nahi jisme hamare log maare jaaye ya unhe khabar ho ki ek Senapati apne guptcharo ke sath unke waha sendh laga chuka hai. Ijajat dijiye.", Rajyavardhan ne khade hone ke baad dono hath jod kar pranaam kiya toh badle me Saarang ne ek hath hila kar kisi raja ki tarah he aagya pradaan ki.

'Bhai sahab, aap bade the aur agar humse galti hui bhi thi toh aapko hamare chehre pare thappad nahi maarna chahiye tha. Dekhiye aapne kitna kuch kho diya aur humne bhi lekin ab sirf aap he khoyenge. Aapke seene me goli pevast karne se pehle maafi maang lunga.', Khud se he baat karta hue Saarang sachmuch he ek gehraai wala vyakti tha aur niyamo ka kathor bhi. Wo behtar tha aur iska saboot uske khud ke is mukaam par kaabij hona tha.

"Kunwar sa, badi bibi ki tabiyat bigad gayi hai. Doctor keh rahi hai ki unhe turant hospital le jana hoga.", Ye ghoonghat audhe ek sewika thi jisne ek baar me he ye soochna di aur Saarang ka sharir harkat me aaya.

"Dilawar se kaho ki hamari sawari dehleej par le aaye. Hum Anamika ko le kar aa rahe hai.", Is umar me bhi wo kisi baagh ki tarah chalta hua apne se aadhi umar walo ko dhatta saabit karta tha. Saarang ki baat sunn kar wo sewika bhi pal me najro se aujhal ho chuki thi.
.
.
Aasmaani aur safed choodiyon ke sath sath kaano me moti ke bunde pehanwa kar Preeti ko liye Arjun jab ghar pahucha toh samay 5 ka ho chuka tha. Ghar pe phone karne par daadi ne 2-3 atirikt kaam jo bata diye the lekin in dono ko wo samay bhi vardaan he laga. Saare raste Preeti aur Arjun ki ungliyan aapas me pyaar se ulajhti aayi thi lekin wo noor jo ghar se nikalte waqt Preeti ke chehre par tha is samay kayi guna badh chuka tha.

"Lunch ki thank you aur ye samaan utarwane me main aapki koyi help nahi kar sakti Mr Arjun Sharma. Bbye, milte hai raat ko.", Preeti kulanche bharti hui apne ghar ki jagah Arjun ke ghar he daakhil hui thi lekin fir bhi usne shaam ko milne ka kyun kaha ye Arjun na samajh saka. Chetna Sanjiv bhaiya ki awaaj se lauti.

"Shaadi meri hone wali hai aur maje tu le raha hai chhote. Waise khuli aankhon se kiske sapne dekh raha tha? Preeti toh abhi tere pas se he gayi hai.", Sanjiv bhaiya ki is baat par Arjun najre jhukata sharmane laga.

"Kuch nahi bhaiya. Waise soch toh ye raha tha ke aap agar kahi jana chahe toh bas aaj he nikal sakte hai. Toh kya vichaar hai?"

"Oh mungerilaal aur shekhchilli, tum dono kuch kar nahi rahe toh kam se kam darwaje ke beech se car toh aage piche kar lo. Aur agar bajaar gaye the toh samaan tuhada pyo kadduga gaddi vicho.?", Pandit ji ki jubaan par punjabi aate he Arjun bijli ki raftar se car sahi khadi karke dikki aur pichli seat se ek ke baad ek samaan nikaal rakhne laga. Dada ji ki bagal me khadi Madhu bua aur Renuka bua bhi Arjun ki taraf dekh hansne lagi thi.

"Bua, aap ye gehno wala bag daadi ji tak pahucha do please. Baaki samaan main aur bhaiya le chalte hai.", Renuka aage badhi toh Rameshwar ji ne unhe rok liya.

"Guddu, jao wo bag le lo aur Renu bitiya hum nahi chahte ki agle kuch din tum kisi bhi kaam me shamil dikho.", Renuka ne najre jhuka kar haan bhari aur Madhu dwara bag uthane par wo dono he waha se andar dakhil ho gayi.

"Dada ji, ye 2 cartoon me halwayi ka samaan hai. Iska kya karna hai?"

"Chulhe vich bhar de.. Jehda samaan jitthe chahida uthe he pahuchana hai. Sanjiv puttar tu ghar da khayaal rakhi, main jara Satish de naal bahar challya.", Pandit ji bann-thann ke bahar nikle toh dono bhai ek dusre ko dekh kar pehle toh khamosh rahe fir joro se hans diye.

"Aaj thaanedar ji party me ja rahe hai isliye itna buland hai. Aur abhi aapko bol kar gaye hai ghar rehne ke liye, jabki aaj he aap bahar ja sakte ho.", Arjun ke aisa kehte he Sanjiv bhi soch me padd gaya lekin fir se samaan dono hatho me liye hansne laga.

"Unka yahi matlab tha ke main ghoomne jau kyunki yaha par sabhi hai dhyaan rakhne ke liye. Chal ab jaldi nibta ye sab, phir tujhe aaj jannat dikha ke laata hu."

"Main nahi ja raha kahi bhi aapke sath. Jannat ke chakkar me kuch aur he dikha laaye toh main he fasunga. Waise aap chacha ki le jao, unhe toh maja bhi aata hai mehfil me.", Arjun ke aisa sujhate he Sanjiv bhaiya ke chehre par chamak aa gayi jaise unhe kuch khaas mil gaya ho.

"Exactly. Ab unhe he leke jaunga.", Yaha se sabkuch saaf karne ke baad dono bhai chain se saans lene he lage thi ki Madhu bua ne saavdhani se kuch ishara kiya jo Sanjiv na dekh saka peeth hone ki wajah se aur Arjun ne bhi palke jhapka di. Matlab kuch toh karyakram tha in dono ka.

Wahi Preeti aur Afsana ki najre aapas me aise he mili thi aur dono kuch pal ek dusre ko dekhti rahi. Is waqt waha in dono ke siwa koyi na tha kyonki baaki sabhi agle hisse me television ke saamne thi aur Ritu ko dhoondti aayi Preeti ki mulakaat chehra dho kar toliye se paunchti Afsana se ekaek takraai.

"A...Afsana."

"P.. Preeti..?"

Dono ki jubaan par ek dusre ka naam toh aaya tha lekin jaha Preeti ke swar me gyaat hone ka samavesh tha wahi Afsana ka ye chahat sa swaal tha.

Bhai aise update k end na kigiye raato k neend ud jata hai.. Aise jabardast update... Zindagii jeene k tajurbe k jo gyan aapne diya h wo sahi mayane aap ek behatarin mukhar k wyakti honge . Aapne jo explain kiya wo sayad hi kahi padhane ya sunne ko mile... bahut bahut dhanywad aapka ko jo aap sarvochh koti ka lekhani likh rahe hain,Xforum ki best ever novel

 

[XLNC]

naam se sakshiyat ka pata nahi lagta bade bhai.. clarity ke liye bas itna he kahunga ki.. main wo wala nastik bhakt hu jo parsad milne ke baad jai bolta hai.. nahi to agli baar ke liye Arjun sharma ki tarah bahar se baat bana deta hu...

vo desi kahavat hai na.. "jaisa tera naach-kood, waisa mera vaar-fer" ..

Atheist.Okeydokey.
Baat ko badalta hun.
Pooja ko karoge to Prasad milega.

 

[Arv313]

vo to theek hai.. magar mera mandir mein ja kar maatha tekne ka mood nahi...

Koi baat na.

Arey o chhotu jara ek whiskey to la re apne lomdi bhaiya ka mood jra theek nhi hai jo es granth me hue bade kand ki rachyita ke vishay me janane ko Tanik bhi utsahit nhi hai.

 

[rk2108]

Awesome update bhai waiting for next....