Update 180
Angoor (B)
"Atchi fasal ja rahi hai bitwa is baar. Lagta hai angoor ki bele khaas takneek se lagaai thi tumne.", Ghane baag me 10 feet ki unchaai par angoor ke belo ne he chhat ka roop liya hua tha. Abhi ye mausam the fasal pakne ka jo ek mahine ke lagbhag chalne wali kriya thi. Shehri abaadi se 7-8 kilometer dur is baag me 7-8 majdur apne kaam kar rahe the aur bagiche ka maalik jo takriban 27-28 baras ka hatta katta sa vyakti tha, wo apne in 4 mehmano ke sath ek taraf niwaar wali lohe ki kursiyon par baitha unki baatein sunn ne ke sath he sabke liye chai bhi cup me udel raha tha.
"Angoor ki fasal na hoti uncle ji, paidawar hoti hai kyonki ek baar kalam lagane ke baad aap uska khayaal 3 baras tak kisi bache ki tarah rakhte ho. Fer wo agle 15-20 baras iska mol har gujarte saal ke baad adhik se adhik paidawar se chukati hai. Ye baag mujhe mere pita ne saunpa tha jab main 23 ka tha aur yaha ki har beil 6 mahine ki. Aaj aapko yaha fasal dikh rahi hai aur mujhe apna pariwar. Waise aapne mudde ki baat nahi ki.", Ladka samajhdar tha aur saleeke se he jawaab sawaal karta hua saamne baithe chaaro chehro ko bas najar kar raha tha, ghoorna toh abhadrata hoti. Ye chaar log the Renuka ke purv jija Abhimanyu, swargiya Maj Kaushal ke chacha Aanand Singh, Menaka Singh ka purv devar aur swargiya Lt Ajeet ka bhai Sangram aur Sangraam ke sath uska mama Lallan Singh. Inke aane ka prayojan toh kahi na kahi saaf he tha lekin jiske paas ye log aaye the wo yuvak tha Kuldeep, Sarita ka chota bhai aur Bhim Singh ka sala.
"Baat toh tum bhi samajhte ho beta. Paise ki kami na hamare paas hai aur bhagwaan ne tumhe bhi mohtaaj nahi kiya kisi jarurat ke liye. Lekin kya tum sukoon me ho Kuldeep beta?", Ye ghaag vyakti tha Lallan Singh jo Aanand Singh ko rok kar khud mukhatib hua tha Sarita ke bhai se.
"Sukoon toh tab bhi kaha tha jab paida hue? Ab marne ke baad humko kya pata lagega uncle ji ke sukoon mila ya nahi? Zinda aadmi kabhi sukoon se reh he nahi sakta aur jo dava karta hai wo jimmewariyon se bhaag kar lauta liye dar dar bheekh maangta milega, bhagwan ke naam par. Waise aapne bhi baat ka sahi jawaab nahi diya uncle ji.", Kuldeep ne sabko chai dene ke baad pas he rakhe matke se gilaas bhar paani nikaal kar peete hue Abhimanyu ko thode dhyaan se dekha. Jaane kya soch kar Abhimanyu is maamle me shamil tha.
"Aisa hai beta ki humne bahot mehnat aur bhaag-daud karke pata karwaya hai ki 3 pariwaro me jo jo aakasmik maut hui hai unke taar ek he vyakti ya kahe pariwar se jude hai. Inka bhatija Kuashal aur hamara bhanja Ajeet, jiske sath tumhari behan ki nanad byaahi hui thi wo dono pakke dost jaise the. Kaushal mere bhanje se ek rank upar tha lekin unme is wajah se koyi bhed-bhaav na bana kabhi. Maloom chala ki un dono ko kisi naksali ne nahi mara.", Ab Kuldeep ke bhi kaan khade ho gaye the jaise koyi anhoni khabar pata lagne wali ho. Lallan Singh ke khamosh hote he wo apni utsukta rokte hue aage bolne ka ishara karke purva-vat he baitha raha.
"Haan aur unke he kareebi se pata chala tha ke Kaushal ki maut jis goli se hui wo Ajeet ki gun ki thi aur Ajeet ko point-blank par jis rivolver se mara gaya wo fauj ki nahi balki ek German pistol thi. Fauj aise maamle kabhi sarvajnik nahi karti lekin andar bahot se raaj samete rakhe jaate hai. Is kaand ko karne wala koyi aur nahi Rameshwar Pandit ka sabse chhota beta Narinder Sharma he tha aur uske pas aisi swachalit 3-4 mehngi pistol hai. Thik waisi he goli tumhare jija ke chhote bhai Rishabh Singh ke maathe ke thik beech me dhansi mili thi. Lekin kahi bhi Narinder in ghatnao ke aas-pas nahi dikhega. Assam me training ke samay wo durghatna hui toh Narinder Sharma apne mama ke nidhan par unke gaanv tha. Dusri ghatna ke samay wo desh se he bahar tha. Lekin teesri ghatna me tumhare jija maare gaye aur unhe apradhi dikha kar police ki goli ka shikaar darshaya gaya. Sachhai kuch aur hai beta.", Kuldeep toh chai bhool kar bas yahi sab sunta hua aankhe faad kar charo ki taraf ektak dekhe ja raha tha.
"Haan bitwa. Ehi sach hai aur Bhim Singh ke sath Sheela devi ko badle ki bhawna se mara gaya tha. Bhim ki toh aadha darjan pasliyan, reedh ki haddi ke sath sath darjan bhar haad toote hue the. Isme bhi Rameshwar Pandit ke bete ka he hath tha aur prashashan doctor sabhi unke sath. Dekha jaaye toh waha mili jyadatar laasho ke thik maathe par pake angoor jitna chhed tha thik waisa jaise Ajeet, Rishabh ke aur pistol bhi kuch hadd tak waisi he lekin ye Narinder ka kaam na tha. Narinder ka bada bhai bhi safed posh doctor hone ke sath ek darinda hai lekin usko ye goli-woli me vishwas nahi hai isliye usko alag he rakhte hai.", Ab Aanand Singh ne ye vivran vistaar se bataya toh Kuldeep ke chehre par aneko bhaav aa chuke the.
"Itna mat socho beta ki dimaag kaam karna he band kar de. Tum soch rahe hoge ki hum tumhe ye sab kyun bita rahe hai aur fir tumhare jija ek aparadhi ki maut mara gaya ya wo chahe tha bhi dohre charitra ka lekin tumhe shayad abhi apne pita ki mrityu ka bhi sach nahi pata.", Lallan poori tayaari se aaya tha idhar aur usne ek aur bomb gira diya is yuvak par.
"kkk..Kyaaa... matlab uncle ji..?", Atakte hue Kuldeep yahi keh saka aur gambhirta ka dhong karta hua Lallan aage batane laga.
"Tumhare pita ji sadharan se vyakti the na Kuldeep? 5 kille jameen me pariwar ko paalne wale mehnati vyakti. Phir tum padhne jaate ho mehnge krishi college me aur wapis aaye toh ye 15 ekad ka bagicha, pakka ghar bhi bana liya 2 manjil ka aur us sab ko tumne apne dimaag aur mehnat se badhaya hai ab. Lekin tumhare pita ka ek sach ye bhi hai ki wo Lohan naam ke sargana ke sath sanlipt rahe the 2 baras aur wo sab kamaai uski he den thi. Fir unki maut ho gayi saanp ke dansne se, jab wo raat me apne khet me soye hue the. Us samay hum bhi aaye the tumhare yaha Sheela devi, Bhim, Rishab, Menaka aur is Sangram ke sath.", Lallan ki baat sunn kar Kuldeep sadme se toh bahar aa gaya tha aur ab aakhiri sach sunn ne ko aatur tha.
"Toh uncle ji mere pita ki maut ki wajah kuch aur thi?", Kuldeep ne bahot dhimi he awaaj me aisa pucha
"Haan beta yakeenan aisa he tha. Hum ayurvedic chikitsa ke sath sath jehar par bhi barso se shodh karte aa rahe hai. Unhe jehar se mara gaya tha na ki saanp ne dansa tha. Aisa kiya toh Lohan ne he hoga kyonki tumhare pita us se alag ho gaye the jo giroh-sargana kabhi nahi chahta parantu agar dusra pehlu dekha jaaye toh Lohan jaise mujrim ke taar Rameshwar Pandit se bhi jude hai, jail me hai Lohan aur wo bhi khaas mehmaan ki tarah. Toh kya samjhe tum?", In baaton me nissandeh aadha jhooth aur aadha sach tha kyonki Lohan kabhi bhi Pandit ji ka khaas na tha aur wo harek mujrim ke sath naram he ravaiyya rakhte the. Lekin ye jaalsaaj chaukdi ab is vyakti ko apne vash me kar chuki thi.
"Behanchod, ye sab chal kya raha hai? Har maamle me ye Rameshwar Pandit aur uske bete shamil hai lekin unke upar koyi karyavahi he nahi hui. Hain kaun ye aadmi?", Kuldeep apna aapa kho chuka tha aur yaha Aanand Singh ke ishare par Abhimanyu ne Kuldeep ke saamne 3 tasivre rakh di. Pandit ji, Narinder aur Shankar ki.
"Ye hai wo 3 log aur XXXX shehar me in pahuch aisi hai ki tumne inke khilaaf jaane ki soch se waha kadam bhi rakhe toh tumhara wajood he nahi rahega. Police me Rameshwar Pandit ka sthaan kanoon ki kitaab tulya hai aur ye Shankar SMO hai wo bhi apne baap se kahi jyada he rasookh wala. Is par tum jaise 4-5 log bhi hathiyar ke sath humla karo toh kisi ke bhi hath jism par nahi rahenge aur ye kameej par daag bhi na lagne dega apni. Aur ye janaab jo apne is bade bhai ke jaise he dikhte hai, ye hai Narinder Sharma. Kya karta hai? Kaha milega aur iska network kya hai ye kisi ko bhi khabar nahi lekin ye jitna shaant dikhta hai asliyat me apne bade bhai se jyada he sard aur nirmam hatyara hai. Tumhe maloom hai ki itni si soochna jama karne me humko ek mahina laga aur 20 lakh kharachne ke sath sath 5 log bhi apni jaan se gaye.", Aanand Singh ke kathan se ab Kuldeep ke sath sath Abhimanyu aur Sangraam bhi hairat me aa chuke the. Matlab saaf tha ke jis se dushmani lene ki wo soch rahe the uske toh kareeb jaane se pehle he duniya chhodni padegi.
"Fir hum kar he kya sakte hai uncle ji? Main toh khud he ab apne pariwar ka eklauta mard hu. Kaha toh pita ki maut ka sunn kar main soch raha tha is Rameshwar aur iske beto ke seene me peetal bhar du aur aapki poori baat sunn kar lag raha hai ke main yahi maan lu ke main inhe jaanta he nahi hu.", Kuldeep ki bebasi dekh Lallan Singh ke chehre par muskaan teir gayi.
"Ye Rameshwar Pandit aadmi bahot badhiya hai dil ka Kuldeep beta. Madad maangne jao iske pas aur waha batana ki tumhare apradhi jija ki wajah se behan ki zindagi toh kharaab hui he hai lekin bacho ke bhi bhavishya par musibat dikh rahi hai. Wo jarur madad karega tumhari aur ehsaan hone ke baad tum kabhi bhi uske aas-pas ja sakoge. Jaise tumne kaha tha na ke angoor ki kalam lagane ke baad 3 saal mehant ki thi aur aaj ye bagicha uska parinaam hai toh ye khel bhi utni he lagan maangta hai. Hum me se koyi unke kareeb nahi fatak sakta par tumhare sath anyaaye hua hai aur Rameshwar is maamle me usool ka pakka aadmi hai. Aur itni mehnat ke badle me main tumhe Ajeet ka poora hissa dene ko tayaar hu. 28 kille jameen jo hamari taraf road pe hai.", Lallan Singh ne apni peshkash rakh di thi Kuldeep ke saamne.
"Aur itna he kuch main bhi dene ko tayar ho bitwa. Kaushal ke liye toh itna kar he sakta hu.", Aanand Singh ne jameen ke kaagaj Kuldeep ke aage kar diye. Jawaan Kuldeep ko ab ye badla bhi tagdi kamaai he dikh raha tha aur 50 ekad se jyada jameen milna Diwali ki lottery se badhkar tha iske liye.
"Aur agar main unke najdeek ho gaya toh uske baad kya karna hai uncle ji?", Kaagaz dekhne ke sath he Kuldeep ne ek sarsari najar un dono aadmiyon par ki jinhone itna kuch ek pal me uske aage kar diya tha.
"Sahi mauke par waisa he dard dena hai Rameshwar ko jaisa usne aur uske pariwar ne hume diya hai. Bete ke badle beta ya fir utna he khaas koyi unka apna. Chahe isme 2 mahine lage ya fir 2 saal.", Aanand ki baat par Kuldeep ne sar hila diya.
"Mujhe chahiye Arjun Sharma aur usko tadpa ke main badla lunga us randi se jiski wajah se main ab chain se sona bhi bhool chuka hu. Jitna tumhe abhi mil raha hai utna main akela he dunga tumhe agar tum unke kareeb ja sako aur waha se Arjun ke akele bahar jaane ki sahi soochna do ya fir Renuka Puri ko mujh tak le aao. Us aurat ko kabje me le kar fir poore Rameshwar pariwar ko ghutne tikwaye ja sakte hai. Yaachak ban kar jao aur sendh lagao.", Abhimanyu ne toh bina bado ki parwaah kiye wo baat keh di thi jis par Aanand aur Lallan Singh tak ko sharmindgi mehsoos hui par bol na sake kuch.
"Hu.. toh wo aurat itni khaas hai.. Chalo uncle ji, ab dekho is baagwani karne wale ka dimaag. Bas ho sake toh unki dehleej par jaane se pehle waha ki jo bhi jaankari aap de sake uplabdh karwa dijiye. Madad maangne ke liye jaaunga toh dekh bhi lunga ki waha halaat sehne laayak hai bhi ya nahi. Ye kaagaj bhi aap he rakhiye kyonki Kuldeep pehle jameen jaanchta hai aur fir he kadam rakhta hai. Jaan par baat aayi toh main peeche hat jaunga aur sahi laga toh fir wahi hamesha wala filmo ka kaam. Ek ko pakad kar kabje me lo, paisa fenk kar badmaash bulwao aur jo chhudane aaye uska kaam tamaam. Rasookh dhara ka dhara reh jata hai is tarah aur hum saamne bhi nahi aayenge. Ab ghar chalta hu ji aur aap log ho sake toh mujhe wo jaankari juta kar dijiye jis se mujhe madad mile.", Kudleep turant waha se uth khada hua dono hath jodd kar.
"Thik hai beta. Hum baaki sadasyo ki bhi jitni mumkin hogi utni jaankari tumhe denge. Agle hafte milte hai fir tumse.", Ye chaaro bhi abhivadaan karke bahar ki taraf badh chale jiske baad Kuldeep ek pal bhi bagiche par na ruka. Sadak kinare khadi apni Hero Honda CD-100 start karta wo turant apne ghar ki taraf nikal liya aur car me baithe ye charo apni he charcha me lag gaye.
"Toh tum kehte ho ki Renuka wo machli hai jisko pakad le toh baaki sab bebas ho jaayenge?", Lallan ne sawaal Abhimanyu se kiya tha jo cigratte jala kar kuch soch me khoya bas bagiche ko nihaar raha tha yaha se jaate hue. Car ka steering Sangram ke hath tha jo Kuldeep se viprit disha me nikla chala apne sehhar ki aur.
"Yakeen hai mama mujhe. Renuka ke liye he toh Kaushal aur Ajeet ko mara gaya. Ye ladka laalach me aa gaya hai aur iski behan ka ghar fir se base ya na base par agar ye Renuka ki reki kar gaya aur wo hath chadh gai toh jitni jameen hum isko dene lage the us se itne kasaai kharedenge ki wo Col ka khaandan bhi mitt jaaye is Rameshwar ke sath sath. Haan us saali ko randi bana kar rakhunga apni aur Arjun ke goli main utarugna seene me. Bas ye chutiya kisi tarah behan ki shaadi ki nautanki kar de unki chaukhat par aur 3-4 baar unke waha jaayega toh kaam bann he jayega.", Abhimanyu ki baat kitni sahi thi ye toh in bewkoof logo ko abhi tak pata na thi.
"Waise kya sachmuch is chutiye ke baap ko Lohan ne mara tha aur wo unka he aadmi hai?", Sangram ke kehne par Aanand aur Lallan dono he hansne lage.
"Chutiye aur gaandu samajhdar nahi hote. Bhanao ke sath khilwaad kiya tha humne beta. Arre, kahani me kuch kirdaar aise baithao jo sahi lage mahol ke hisaab se. Lohan toh dost tha iske baap ka aur maut toh saanp se he hui thi. Bas bhadkana tha kyonki us awastha tak ye ladka haa aur naa me fansa tha. Ab ye kaam karega aur uske baad hum iska bhi kar denge. 5 crore nagad milega agar Shankar ke sath uska baap bhi hum upar pahucha de.", Lallan ne ye raaj khol kar sabko hairan kar diya tha aur fir bata bhi diya ke iske piche unke sath kaun kaun hai. Wahi Kuldeep apne ghar pahuch chuka tha aur jaate he phone se number mila diya.
'Namaskar uncle ji hum Deepu. Sarita ke bhai."
"Ji uncle ji sab kushal hai aur didi bhi maan gayi hai shaadi ke liye. Aapne bahot ehsaan kiya hai hum sab par. Waise 3 log aaye the us Aanand ke sath. Lallan Singh, Sangram aur unhi ka jija damaad Abhimanyu.", Kuldeep ne naam batane ke baad dusri taraf se aati awaaj suni aur fir aage bolne laga.
"Ji abhi toh angoor khatte hai lekin agle hafte thik isi samay pakk jayenge. Bagicha bahot bada hai waise aur aap kisko bhejoge?"
"Thik hai uncle ji aur Sanjiv bhai ko dhero shubhkamnaye vivaah ke liye. Ab rakhta hu fir 10 din baad Sarita didi ka bhi byaah hai toh aapse tabhi milunga.", Kuldeep ne saamne wale ki baat sunn kar khushi se kaha aur phone kaat diya.
"Kiska phone tha re Deepu?", Kamre ke andar aati iski mata ji ne sawaal kiya toh Kuldeep ne khushi se he jawaab diya.
"Maine phone lagaya tha maa. Didi ki byaah ki tayaari batane ke liye Pandit ji ko. Keh rahe the shagun me tokra bhar ke angoor bhijwa du lekin ab agle hafte khud he aa rahe hai."
"Bahot atcha kiya beta. Pandit ji jaisa vyakti har koyi nahi ho sakta. Tere pita ka sara karz maaf karwa diya tha unhone aur fir ye bagicha bhi tujhe dilwaya. Sarita ko waha byaane ki galti hamari thi lekin dekh ek baar fir uska ghar baswa rahe hai. Tu un jaisa toh shayad he ban sake lekin hameha aise he khuddaar aur saaf tabiyat ka rehna. Insaan toh chala jata hai lekin uske karam hamesha rehte hai.", Apne bete ka matha choom kar wo khana lagane bahar jaane lagi thi ki Kuldeep ne bhi kadam unke sath he badha liye.
"Maa, tabhi toh tera beta hu main. Jo mehnat aur haq ka nahi hai na toh wo fir kaaru ka khajana he kyun na ho, main dekhta bhi na uski taraf. Chal ab tinndi ke sath garam roti khila de. Fer sehar bhi jana hai.", Maa bhi apne bete ko chulhe ke kareeb he baithati hui jutt gai garam khana khilane me. Kalyug ka Abhimanyu toh jaise maat khaane ke liye he paida hua tha aur is baar ye uska antim he prayaas hone wala tha kyonki Rameshwar Pandit ab jisko bhejne wale the wo sard-yumraj tha, Shankar se kahi jyada darinda lekin bahari aavran kahi jyada viprit aur khushnuma.
.
.
Saal 2003
Ye hamesha nirjan sa rehne wala registaan aaj ashaant tha. Hamesha tapti rehni wali is marusthal ki bhoomi par har taraf laashe bichi thi jisme kaun dushman aur kaun dost, kuch saaf na tha. Saanjh ke 6 bajne par bhi aasman ujaale se bharpoor lekin mausam sehne laayak. Is jiwant shamshaan si bhoomi par sirf 4 he log apne panv par khade the. Raktranjit Shankar ke sath waisi he haalat me fate vastro ke sath muskurata hua thakaan se choor Narinder urf Inderjeet aur in dono ke saamne 6 feet 10 inch ka daityakaar sa wo kala bhusand aghori-numa taantrik jiski oat me khali pistol liye bhaybhit sa adhed Maniraam.
"Hum aghori hai baalak aur aise waise nahi shresth kapaal kriya wale sidh taantrik. Tumne hamari kriya bhang karke apni maut ko daawat di hai. Aaj tum dono ke shav bhi mere in sevako ke sath yahi reit me dafan honge.", Garjana karta hua ye shaitaan sa vyakti apni laal aankhon se in dono ko ghoorta hua inki he taraf dhimi gati se badh raha tha.
"Ye toh swayam bholenath hai fir swaami ji. Mera pradarshan toh dekhne wale ye sab naraklok sidhaar chuke ab aap khud aatmdaah ki tayaari karo apno ishtdev ke hatho. Waise bhi bakchodi bahot ho gayi aur ye Maniraam ab mere sath jaayega.", Narinder ne bhi kadam aage badhaye us dusre aadmi ko dabohchne ke liye lekin uske saamne ye pahaad aa ruka. Dono ek dusre ko aise ghoor rahe the jaise 2 saand sing ladane se pehle. Shankar ke jism par ab wo fati hui kameej nadarad thi jisko utaar kar wo apne behte jakhm saaf karta inhe he dekh raha tha.
"Maniraam hamare kawach me surakshit hai murkh. Us tak toh kaal bhi nahi pahuch sakta.. huhhhhh..", Aur Narinder ke prahaar karne se pehle he taantrik ne uski dono kalai pakad kar aise uchaal fenka jaise wo koyi kishor baalak ho. Riste jakhmo par ab registaan ki reit lipat chuki thi. Inder ladkhadata hua khada ho kar fir se is daanav par kooda. Tantrik ki gardan daboche hue wo jaise vriksh se latka sa hua tha lekin uski taqat ko nistej karta wo daanav kahi adhik dabaav se Inder ki kamar ko pakad kar jism me dard bharne laga. Inder ke chehre par ubharta dard saaf bata raha tha ki wo iski takkar ka kahi se na tha. Aur parinaam swaroop ek baar fir uska jism hawa me udta dur ja gira lekin apne bhai ke kadmo me. Narinder ka jism jawaab de chuka tha jo pichle ek ghante me 10 se jyada ko maut ke ghaat utarne ke baad lagbhag nishkirya haal me tha. Ek baar aankhen khol kar usne apne bhai ke chehre ko dekha toh dard me bhi wo muskurane laga. Shankar ke sharir me hoti kampkampi, tapakta lahu aur utne he raktim chehre ke sath ab uski aankhon me bas taantrik ka pratibimb he tha.
"Maut ke saamne muskurane wala tu pehla diler hai baalak. Tere praan lene ka dukh hoga lekin saja toh deni he hai.", Taantrik abhi ek kadam he aage aaya tha aur uska wo pahaad sa sharir dhamm se reit me ja gira. Dhool itni adhik udi thi ki ek pal ke liye jaise bawandar he aa gaya ho. Maniram bhi us bade sharir se takra kar thik samaan haalat me garda-mitti bhogta jameen par tha.
"Mera Inder hai wo kameene.. mera sabkuch hai mera Inder.. Aghor kehta hai tu khudko nishachar..? Kaal toh kya mahakaal bhi mere Inder ke saamne aaya toh uska bhi haal yahi karunga. Mera bachpan lene wala wo tu he tha aur jiwan bhar dard dene wala bhi.. Aaj tujhe mukti dene se pehle agar tere jism ke har hisse me wahi dard na bhara toh main Kaushalya Devi ka khoon nahi..", Shankar ki awaaj jaise us taantrik ke dimag me peeda pahucha rahi thi aur wo khauf se dekh raha tha apne se ek foot chhote lekin sachmuch he kaal samaan insaan ko. Bargad ki motti daal se uske ek paanv ko uthata Shankar dusre par panja tikaye aisa shakti pradarshan kar raha tha ke taantrik ke mooh se gaganbhedi cheekh nikalne lagi.
"Aur jor se cheekh behanchod... Darinde tune he mera jiwan kharaab kiya tha na...? Aur jor se cheekh..", Taantrik ka paanv jaang majja ke tootne ki awaaj kar chuka tha lekin Shankar jaise uska panja mooh par laga kar he rukne wala tha. Maniraam ne reit me gira wo lamba khanjar utha kar jaise he Shankar ki peeth par vaar karna chaha uski kalaai Narinder ki hatheli me ja fansi. Kamjor jarur ho gaya tha lekin itna bhi nahi ki apne bhai par hone wala vaar na rok sake. Is dwand se Maniram ko dur karta Inder wahi khanjar uski gardan par tikaye reit me baith gaya.
"Dekh Maniram.. Jiske sath mil kar tune hajaro gunaah kiye aur jisko tu apna bhagwan maanta tha wo rakshash mere bhai ke niche bilbila raha hai.. aahhh.. maadarchod.. tujhe sharam tak na aayi.. aahh.. apni behan, dohti aur bacho ki bali tak dene laga.. Ahhhh.. tu chal ab mere sath is bhogi ke sanhaar ke baad.. teri rail main banaunga..", Narinder bolte hue saamne bhi dekh raha tha jaha taantrik ek taang tootne ke baad jaise pagal he ho gaya tha. Bachi hui taang se usne bharpoor thokar maar kar Shankar ko jameen sunga thi. Rengta hua wo sharaab ki taraf badh kar gatagat halak se niche utaar gaya.
"Aahhh.. bahot dum hai tujhme.. aur ..aahh.. tu Kaushalya ka khoon hai na toh tujhe bata deta hu.. Tera baap he wajah hai is sabki. Uske sath tu bhi mitega aur tera vansh bhi... Aaja.. aa na..", Tantrik jaise taise khada ho kar chilla raha tha, ek laat nishkriya hone ke bawjood. Aur usko jyada intjaar na karna pada jab ek baar fir Shankar uske saamne tha. Is baar uske bade bade panjo me ungliya fansaaye Shankar dikha raha tha insaan ka wo pagalpan jisme sirf aur sirf urja he shamil hoti hai.
"Mere pita ke kaabil nahi hu main haraamjaade.. Wo Ram hai, naam se bhi aur kaam se bhi.. Unhe bhagwan he maanta hu...", Tantrik ka sara josh aur nasha utar gaya jab dono hath marod kar Shankar ne uske kandho se utaar diye. Ek aakhiri vaar kiya tha ab Shankar ne jaise he Narinder ne wo khanjar apne bhai ki taraf uchala.. Takriban 7 feet ka wo chattan sa jism registaan ki dharti par bina sar ke ja gira, lahu ka fuharra bahata hua. Maniram behosh ho gaya tha us pralyankari drishya se jisme khud yamraj us tantrik ka kata sar pakde uske saamne khade the aur taantrik ki khuli aankho me sirf maut ka bhaye, jo pradaan ki ja chuki thi.
"Itna jor na tha isme Shankar. Main bhi maar deta isko toh lekin tere mooh se sunn na tha ke tu aaj bhi mujhse utna he pyaar karta hai kya jitna pehle karta tha. Bas isliye maar khaayi thodi..Aaahh.", Narinder ki awaaj sunn kar Shankar ne wo khopdi ek taraf uchaal di aur wahi khada bas muskurata hua apne bhai ko dekhne laga. Aankhon me aansu the dono ke lekin ek muskaan ke sath.
"Main toh haar he chuka tha mere bhai aur shayad mara bhi jata. Tu aaya aur ye dekh kitne yaha jameen par kate pade hai. Jab tu mere liye khud maut ke saamne aa sakta hai har baar toh kya main ek baar bhi aisa nahi kar sakta? Richa ki jaan bachane ke sath sath aaj tune mujhe us aadmi se milwa diya jisne wo jakhm diya tha mujhe jo main har roj bhoolna chahta hu. Tere liye aise 100 bhi maar du toh kam hai Inder.. Bas dukh hai ki Laajo kaaki ko na bacha saka main aur ab Madhu ko kya jawab dunga.", Shankar us khanjar ko reit me gaadta hua apne bhai ke bagal me he aa baitha.
"Pehle toh yaha se nikalne ka soch yar. Car ke toh chakke bhi reit me dhanse pade hai.. aahh.. aur idhar aaspas koyi jagah bhi nahi ilaaj ki.. Richa behosh hai abhi tak aur ye harami bhi.", Narinder ne gehre hote aasman ke sath uchit baat kahi thi aur dono bhai ek dusre ka hath thaame baithe hue doobte suraj ko dekhne lage.
"Car ki dikki me daalte hai is haraami ko aur first aid hoga waha kit me. Daaru mil jaaye toh car nikaal dunga fir.", Shankar ka sharir kaanp raha tha aur waisa he haal Narinder ka tha.
"Daaru ki toh peti padi hai lekin khaane me bas angoor he honge jo raaste me liye the maine aur wahi se mujhe khabar lagi ki teri car is taraf aayi hai Richa ke peeche."
"Chal fer angoor ke sath he neat lagate hai. Aaj esteem se teri Benz khinch ke dikhata hu.. maa chudd gayi yaar meri toh aahhh.. Tu sachmuch maar sakta tha kya is harami ko? Aise dulatti maari hai na seene ke sath peeth tak bura haal ho raha.", Shankar ne khade hone ke sath he siskari bhari. Narinder hansta hua Maniram ki taang khinchta usko rigdata hua he liye chal diya 500 se jayda kadam dur khadi us kaali car ki taraf.
"Gotte mooh me aa gaye the be mere toh jab usne fenk ke mara tha. Lekin itna pata tha ke wo mujhe maarega toh tu tu nahi rahega. Waise dusra rasta bhi tha lekin main uski peeth pe vaar nahi karna chahta tha. Atcha ladd leta hai tu aaj bhi hain? Sombir tauji ko tune aise he jangh pe paanv rakh ke faad diya tha.", Narinder ki baat sunn kar Shankar bhi hansne laga. Dono humsaya aur ek dusre par jaan dene wale bhai jo the.
"Budha ho raha hai main aur nana bhi ban chuka hu. Tu aaj tak wo college me he fansa hua hai. Behanchod, GS Costruction ke maalik ke pas daaru ke sath sirf angoor he hai khaane me.. laanat hai tere pe aur dugni laanat us Gajju pe.", Shankar car ke andar baitha toh pichli seat par masoom si Richa behosh padi thi jiske sar pe hath ferne ke baad car ke dashboard pe dekha toh harre lifafe me angoor bhare the. Wahi ek tasvir chipki thi jisme Umed ke dono taraf Shankar aur Inder the.
'Waah behanchod poori feeling li ja rahi hai. Tere se bhi jald he milta hu be Gajju hathi..', Shakar angoor chabata hua khudse baatein kar raha tha aur Narinder dikki me Maniram ko band karke steering wali taraf aa baitha.
"Paani, daaru aur cigratte he apne pas toh.", Narinder ki baat par Shankar ne halke se ukse sar pe chapat lagaai.
"Tum rahoge bailgaadi wale chutiye. Seat badal pehle aur fir tujhe main batata hu ye car all wheel drive kaise hai.", Shankar andar se Narinder wali seat par chadha aur wo wo utar ke dusri taraf se bagal me aa baitha.
"Bhool gaya tha ye toh. Waise ab kya karna hai? Pehle yaha se nikle ya daaru? Aur beta college se ghar aaya hua hai toh usko sath he leke jana bhai jab Richa ko chhodne jaaye. Samjhane me asaani hogi aur ye Maniraam zinda rehna chahiye jab tu Lata se baat kare."
"Cigratte sulga bhai shishe utaar kar.", Shakar ne angoor mooh me dalte hue gaane ka button dabaya aur gaadi start karte he kushalta se steering modd kar reit udaate hue wo rasta pakda jidhar se sadak kareeb thi. Angoor ke daano ke sath us tasvir ko niharne bhar se Shankar ka sharir safurti paa gaya tha.
.
.
19 May, 1998
"Toh hum abhi ja kidhar rahe hai?", Arjun car ki jagah apni rani par sawaar Vinni didi ke sath badi market ki aur chal diya. Hath me lehnge wala bag liye Vinni bhi dusra hath uski kamar me lapete aise baithi thi jaise wahi uski navbyahta ho.
"Didi, hum market he chal rahe hai kyonki aapne dhyaan diya ho toh Ritu didi bhi Tara aur Alisha aunty ke sath udhar he gayi hai. Baaki main aapse kuch puchna chahta hu.", Arjun ne apna baya hath Vinni ke hath ke upar rakhte hue motorcycle ki raftar kuch dhimi karte hue ehsaas dilwaya ki wo dil se unhe pasand karta hai aur parwah bhi. Vinni ke pyaare chehre par parichit muskaan aa gayi jaisa akele me wo Arjun ke hone par khushi jaahir karti thi.
"Haan toh tum pucho na. Aur ye bhi sahi hai ki hume wo dekhe toh yakeen rahe ki hum ghar se kaam par he nikle hai.", Vinni ke naram ubhar ek taraf se Arjun ki peeth par atche se dabe the.
"Baat sirf dikhne ki nahi hai Vinni didi. Aisa hai ki main aapke sath waisa he time bitana chahta hu jaisa aap lekin kya ye mahol humko ijajat deta hai? Aap samajh rahi hai na mera matlab? Shalini bua bhi hai idhar aur agar kuch bhi upar niche hua toh kaam kharaab ho jaayega aise mahol me.", Arjun chudaai ka na keh kar bas ishara kar raha tha jis par Vinni bhi ab sochne lagi thi. Arjun ke sath yahi toh samay tha jisme wo ekakaar ho sakti thi lekin abhi wo aisa kyun keh raha hai.
"Matlab?"
"Didi, aap jaanti hain na main waha se abnormal hu? Sach kahu toh main aapse nahi chhupaunga lekin ek girlfriend hai meri jis se aapko main jald he milwa dunga. Aapki he age ki hai wo aur jab hum dono sath the akele me toh uske baad wo 2 din tak sabse dur he rahi. Matlab aap samajh rahi hai na? Main nahi chahta ki shaadi ke samay aap par baat aaye ya aap paanv me moch ka bahana karo. Jab ye sab ho jaayega toh hum araam se wahi mere kamre me raat ko so sakte hai.", Arjun ne seedhe na sahi lekin sahi shabdo me bata diya tha ke Vinni ki haalat jarur kharaab ho jayegi. Aur Vinni ne bhi uske moosal ko atche se mehsoos kiya tha aur uska natija wo jaanti thi.
"Haan tum thik keh rahe ho Arjun. Lekin kya main tumhare sath..?
"Raat ko aap mere pas araam se so sakti ho didi. Main mana thodi na kar raha hu aur pyaar ke badle utna he pyaar karunga. Ye dekho idhar Cielo ke kareeb he papa ki esteem bhi khadi hai.", Market me aate he jab wo motorcycle andar le aaya toh najar wahi gayi jaha uske ghar ke 2-2 car khadi thi.
"Ek baat batao jara mujhe tum. Kya tumhe bhi lagta hai ki Shalini bua kuch alag hai?", Vinni ne Arjun ko abhi wahi rok liya tha aur unke pariwar ke sadasya aaspas nahi dikh rahe the.
"Haan aapki baat sahi hai lekin mujhe lagta hai ki wo aisa karke baaki sabko bacha rahi hai. Chalo aapko main ek aur baat bata deta hu jis se aap ye toh nahi samjhengi ki main aapse kam pyaar karta hu.", Arjun ab unhe le kar viprit disha me paidal chal pada. Usko is taraf bhi ek dukaan pata thi jaha lehnge ka kaam ho sakta tha.
"batao. Mujhe toh lagta hai ki bua shayad hamare sath comfortable nahi hai aur ye bhi ho sakta hai ki wo alag soch rakhti ho. Dil ki buri nahi hai Shalini bua aur ab toh pehle se jyada ghulne milne lagi hai.", Vinni ne market me chehal pehal se dhyaan hata kar sath chalte Arjun ki taraf dekhte hue kaha. Usne paya tha ki bahot si najre Arjun ko he taad rahi hai aur aisa hona swabhavik he tha.
"Wo bilkul sahi hai kyonki wo hamesha pehle pariwar ke baare me sochti hai didi. Lekin mujhe lagta hai ki unki shaadi galat ghar me ho gayi hai. Fufa ji ho sakta hai unka uchit dhyaan rakhte ho aur parwah bhi karte ho lekin kuch toh galat hai unki taraf. Jaanti ho aaj unke sath train me ek policewala dehati ke roop me aaya tha.", Arjun ne ye dhamaka kiya toh Vinni hairaan he reh gayi.
"Jyada matt socho didi. Bas bua se main pata kar he lunga ki wo train se kyun aayi jab unke paas itna sabkuch hai. Aur wo train se aayi toh fir koyi unke peeche kaise aaya? Matlab unke ghar se he koyi hai jo ye sab karwa raha hai aur wo jaan na chahte hai ki bua ke aas-pas kaun hai.", Arjun ab market me us taraf chala aaya tha jahan sahi dukane thi mahilaon ke kapdo ki aur waha jyada bheed bhi na thi.
"Tum itna sure kaise ho?"
"Kyonki wo policewala ab Umed chacha ki pakad me hai, mere kehne par. Lekin pata usko bhi nahi kuch jaha tak main jaanta hu. Pyaade he kaam par lagaaye jaate hai didi har shatranj ki badi bisaat par. Aap bas ho sake toh bua ke sath he rehna aur dekhna ki agar kal ke function aur parso shaadi me koyi unke kareeb dikhe toh. Mujhe lagta hai ke sabkuch thik nahi hai.", Arjun ne is dukaan ke andar aane se pehle baat khatam ki aur samne baithe vyakti ko namastey karte hue aane ka prayojan bataya. Ye Kaushalya ji ko chachi bulate the aur wo inhe monu. Arjun ka poora satkaar hua tha yaha aur minute se pehle he ek masterji lehnge ka uchit maap le kar usko thik karne andar chale gaye.
"Main yahi par hu uncle ji, aata hua 15-20 minute me.", Arjun ne aisa keh kar bahar ka rukh kiya lekin thik saamne wo haseen mehakti hui Greek mahila Ritu aur Tara ke sath dikhi. Ek pal ko toh uska wo gulaab sa mehakata youvan Arjun ko vashibhoot kar gaya par waha Ritu bhi thi jiske saamne har gulaab feeka tha.
"Alisha aunty, ye Arjun hai aur ye Vinni didi. Aap shayad mili nahi aur Arjun agar tumne yaha lehnga diya hai toh wo main collect kar lungi. Tum waha apne dost ki dukaan par papa ke pas chale jao. Vinni didi, bua ke liye nightwear le lena waha se aur agar aapko bhi kuch chahiye ho toh wo bhi. Yaha se main aapke kapde le lungi.", Ritu ke tewar ke saamne Alisha kuch keh he na saki siwaye Arjun ko ek bharpoor nigaah dekhne ke.
'Tharki saali.' Ritu ne Arjun aur Vinni ko jaate dekhne ke baad jab Alisha ki najar ka peecha kiya toh muskurate hue bas yahi kaha.
"This Arjun is truly handsome and charming Ritu."
"I know that aunty but he is out of your league. You are way beautiful and elegant. Let's focus on your shopping", Ritu ne iradatan dhyan hatwana chaha lekin Tara ko dekh kar wo bhi Alisha ko dekhne lagi.
"Grapes are not sour enough darling. Sometimes we just over protective but I know when to harvest the best.", Matlab saaf tha ke Alisha ko ab Arjun chahiye tha. Angoor dekh chuki thi ki wo pakk chuke hai.
Pehredaari bol do unko bhi accha lagega aur Engima bhai ko bhi
⛷
