Update 189 (B)
Shubh Din
"Abhishek ka phone aaya tha maa abhi. Wo log XXXX pahuch chuke hai aur 20-25 minute he unhe lagenge. Main jaun fir un sabhi ka prabandh karne ke liye?", Rajkumar ji bheetar aangan me aaye the jaha naayi Sanjiv ki hajamat aur daadhi bana raha tha. Ye bhi ek rasam thi jisme hone wale dulhe ko tayaar karne ka pehla charan yahi hota tha. Lakdi ke paat par baitha kar Sanjiv ke baal tarashe ja rahe the aur ye sab Kaushalya ji ki dekh rekh me ho raha tha.
"Tu nahi ja sakta abhi kahi bhi. Dekh jara ye Arjun kaha reh gaya aur usko samjha de sabkuch. Hotel ka naam aur kitne kamre waha aarakshit hai wo sab usko bata ke bhej de.", Kaushalya ji khadi ho kar Lalita ko wahi rehne ka bol apne kamre ki taraf chal padi. Rajkumar ji bhi apni maa ke peeche he the.
"Uska jana thik rahega kya maa? Sambandhi hai aur unki khatirdari me ghar ke bache ko lagana?", Kaushalya ji ne baat ko darkinar karte hue godrej ki almari khol usme se noto ka ek bundle nikaalne ke baad wapis tala jadd diya.
"Tu karega sewa? Abhishek bhi tere bete jaisa hai aur damad khud Sanjiv jitna. Wo ghar ke bache he hai Raju lekin is waqt yaha ke saare kaamo me tera hona jyada jaruri hai. Shankar ya Umed chale jaate lekin wo log toh pehle se jute hue hai sabhi kaam dekhne. Arjun samajhdar hai aur aaj seekhega tabhi toh bhavishya me baaki behno ke vivah samay akele dekhrekh kar paayega. Haan, wo Subhash (Radhika ke pita) bhi pariwar aur rishteydaro ke sath 1 baje tak pahuchega. Unke kamre toh jarur palace me he hain lekin jitne log sath aa rahe hai unka intjaam bhi toh dekhna padega?"
"Wo log toh hotel khud nahi karne wale the maa?"
"Tu kabhi kabhi chappan-kaddu jaisa kyun ho jata hai beta? Unke liye hotel bhi aarakshit kiya hua hai shaadi ki jagah ke pas he lekin hamare ghar se koyi jaayega toh unhe bhi atcha lagega na. Arjun pehle Abhishek aur baraat ko hotel le jaayega, fir wahi se Subhash ji se baat karke unke logo ko Satish ke hotel ke bagal wale hotel me pahucha dega. Tu rehne de, main he samjhati hu us bail ko.", Kaushalya ji khud he bahar ki taraf chal di aur apni maa se jhaad khaane ke baad swayam Rajkumar ji bhi. Arjun gaanv se aaye hue mehmano ko chai paros raha tha aur hukke ka daur garmi me bhi jaari tha. Vivaan ji se farig hone ke baad abhi tak usko kapde badalne tak ka mauka na mila tha.
"Ye sab Asgar ke ladke dekh lenge Arjun. Tu jara yaha baith.", Kaushalya ji ne jis tarah Arjun ko bulaya tha wo wahi ek taraf steel ki tray rakh kar unke paas chala aaya. Chehre par paseena aur garmi ke kaaran bheege hue ghungrale lambe baal Arjun ki haalat bata rahe the. Apne rumaal se khud he Kaushalya ji ne uska chehra saaf kiya.
"Bolo daadi kaha jana hai?", Arjun ne bhi apni daadi ki manodasha samajhte hue sawaal kiya.
"Dekh main jaanti hu ki tu savere se he bhag-daud me laga hai aur garmi me ye sab thoda mushkil bhi hota hai. Lekin tere bhai ke sath sath behan ki bhi shaadi hai na? Toh tujhe dugni mehnat karni he padegi?", Kaushalya ji jis tarah se apni baat ko mahol ke hisab se rakhti thi ye shaayad unhone apne pati se he seekha tha.
"Mujhe koyi pareshani nahi hai daadi aur ab kaam nahi honge toh fir kab honge? Aap batao ke mujhe kya karna hai?"
"Aisa hai ki Madhuri ke sasural wale pahuchne he wale hai. 35-40 log honge abhi kyonki baaki toh seedha shaadi me he shamil hone aayenge. Unhe bhi hotel ka naam-pata maloom hai par wo log is taraf jyada aaye bhi nahi aur hamara farz bhi banta hai ki khud jaa kar unke thehrne ka intjaam dekhe. Tu unhe bahar wale bypas se Satish wale hotel le kar chale jana. Sabhi ko kamre dilwane ke baad tere jija Gorav ke bade bhai sahab Abhishek se pooch bhi lena ki unhe jo bhi chahiye ho wo behichak hotel ke manager se bol de. Haan, ye paise waha hotel ke counter par akele me pakda dena manager ko.", Arjun ne poori baat sunn kar bas gardan hila di.
"Maa wo Subhash ji wala..", Rajkumar ji kuch kehne lage the ki unki mata ji ne aankhe dikha kar chup karwa diya.
"Tu andar ja kar rasme karwa beta. Haan Arjun, ye sab hone ke baad tu wahi hotel me thoda araam kar lena. Thik 2 baje shaadi ki jagah teri bhabhi ka pariwar pahuchega. Waise toh udhar tere papa, chacha log honge lekin unka waha rehna jaruri hai kyonki sabse mil kar unhe bhi 3 baje tak wapis aana padega. Tu Subhash ya tere papa se baat karke baaki logo ko hotel Tulip le jana. Waise toh wo khud Subhash ke naam se he book hai lekin humne karwaya hai toh unke rishteydaro-mehmano ko waha pahuchana bhi hamara farz hai. Kar lega ye sab?", Arjun ke chehre par sakratmak he bhav the aur daadi dwara poochne par wo unke rumaal ko apni jeb me rakhta uth khada hua.
"Mujhe toh laga tha ki jaane aap kitna bada kaam batane wali ho daadi? Itni serious thi aur kaam ye bataya. Aap nishchint rahiye, main sab dekh lunga aur phone ke kareeb he rehna aap. Jarurat padi toh aapse he baat karunga.", Arjun wahi kapde pehne jaane laga toh galiyare se aayi Preeti ne ek saaf neeli tshirt uski aur badha di.
"Bahar ja rahe ho toh tshirt badal lo. Dekho kitni gandi ho chuki hai.", Arjun ki safed kameej sachmuch jagah jagah se paseene aur mitti ki wajah se daagdar ho chuki thi. Kaushalya ji ye dekh kar muskurai aur wapis andar jaate hue Preeti ke sar ko sehla gayi.
"Haan ek tum toh ho jisko mera khayal hai ki kapde saaf hai ya maile.", Arjun ne majaak me aisa kaha lekin Preeti ne jis adaa se mooh banate hue jawaab diya wo hanse bina reh na saka.
"Tumhi bache ho na khayal rakhne ke liye? Wo toh maa (rekha ji) ne kaha ke tum aise he ghoom rahe ho. Kapde tak ka dhyaan nahi hai isliye main ye tshirt le aayi. Ab niklo yaha se aur waise bhi mujhe bahot kaam hai.", Preeti itna bol kar bhi gayi nahi thi aur Arjun ne wahi khade khade apni kameej utaar kar usko thama di. Arjun ke liye toh aisa karna koyi nayi baat na thi aur na Preeti ko ab Arjun ko aise dekh kar ajeeb lagta tha. Lekin us chaude tagde baal-viheen se jism ki aabha itni niraali aur aakarshak thi ki bahar wali seedhiyon se niche aati Priya bhabhi ke sath sath Madhuri ke 2 saheliyan bhi najre hatane me nakamyaab rahi. Chaudi chaati ke wo kataav aur maanspeshiyo se bhara niche kamar tak ka hissa tha bhi itna vilakshan. Tshirt pehante waqt Arjun ki majboot bhujayen bhi us khuli tshirt me mushkil se sama rahi thi.
"Ye show band bhi karo tum. Preeti, teri bua ko bol ki ghar pe mehmaan aaye hai. Tu bhi aaja, tere papa ke friend aur kuch rishteydar milna chahte hai.", Romela ne hanste hue Arjun ko he jaise tanj kiya. Wo bhi muskurata hua 'thank you' bol kar ghar se bahar nikal liya. Madhuri didi ki sasural se log pahuchne he wale the. Car me baith kar wo toh chala gaya lekin ghar ke bahar aati Priya bhabhi ke sath sath wo dono yuvtiyan abhi bhi jaise kuch pal pehle wale drishya me khoyi thi.
"Main toh Madhuri ko college se jaanti hu bhabhi aur kitni baar us waqt ghar aana-jana bhi hua hai. Ye ladka kaun tha?", Priya bhabhi us ladki ko jawaab dene se pehle Arjun ki car ko gali se mudte hue dekhti rahi. Dusri ladki bhi wahi dekh rahi thi, jisko khud pata nahi tha ke wo ladka tha kaun
"Jaanti toh hu main Surbhi lekin is tarah toh pehli he baar dekha hai. Chota devar he lagta hai mera, Arjun. Lekin aaj he pata laga ke utna chota bhi nahi hai. Komal ka saga bhai hai aur waise toh idhar sabhi sage he hai isliye Madhuri ka bhi chota bhai hai.", Ye ladki jo Arjun me dilchaspi le rahi thi uska naam Surbhi tha.
"Lekin bhabhi main toh 3 saal college gayi hu Madhuri ke sath aur yaha ghar bhi aana jana laga rehta tha. Dikhai toh nahi diya ye ladka.", Surbhi ab Priya bhabhi ke he sath unke ghar ki aur chal rahi thi. Teesri ladki bhi khamoshi se sunn rahi thi sath chalte hue.
"Ek toh Arjun shuru se he boarding me raha hai aur upar se pichle saal wapis aaya bhi toh jaise wo jyada dikhai he nahi diya. Lalita aunty ji ne bataya bhi tha ki Arjun school aur ghar ke siwa bahar sirf Sanjiv ke sath he jata tha. Kuch time pehle thoda bahot dikhne laga jab subah ghoomne jata tha aur 2-3 baar ghar me mila hai. Palak ki shaadi ke samay main vyast thi isliye dhyaan nahi de saki. Waise lag toh yahi raha hai ke tu usko atche se jaan na chahti hai?", Malhotra ji ka ghar bhi aa chuka tha aur ye teeno ghar ke bahar he ruki thi. Surbhi thoda jhemp rahi thi bhabhi ke sawaal par.
"Aisa nahi hai bhabhi aur agar wo school jaane wala ladka hai toh mujhse 4-5 saal chhota he hai. Lekin pata nahi tha ke Sanjiv bhaiya ke alawa bhi koyi ladka hai inke yaha. Dikhne me toh atcha hai is baat se jara bhi inkaar nahi karungi.", Surbhi jaise bhabhi ke sath thoda khule vyavahar wali thi aur dusri ladki kuch khamosh tabiyat.
"Haan dikhne me toh atcha hai he lekin swabhaav bhi bada atcha hai Surbhi uska. Milansaar aur sabse ijjatt se baat karne wala ladka hai Arjun. Haan us haalat me toh maine bhi aaj he dekha aur usko dekhne ke baad toh mujhe bhi lag raha hai ki jaise saand ke samne main bakri se jyada nahi hu. Hehehe..", Priya bhabhi ne baat ko majaak ka rukh diya toh dusri ladki bhi is bar hansne se na ruki.
"Sachi bhabhi. Main toh yahi dekh rahi thi ki wo kitna uncha aur tagda hai. Ye Surbhi poori 5 feet ki hai aur uske saamne toh 3 inch ki heel pehan kar bhi ek hath chhoti he lagegi.", Poori baatchit me pehli bar he ye ladki boli thi aur bhoori kamar tak ki choti, chehre par bareek laal dandi ka atcha najar ka chasma, kaano me choti choti sone ke baali aur ubhre hue kesariya hontho ke sath sath saanche me dhala aakarshak sharir. Salwar kameej ke upar hare rang ka dupatta badi shalinta se liye thi. Iske viprit Surbhi kuch ausat se kam kad ki lekin khaas jagah par adhik maansal aur chanchal chehre wali yuvti.
"Kannu, tu toh bol he mat kuch. Dekha bhabhi aapne ye toh meri tulna us ladke se karne lagi jisko hum dono ne he bas 20 second ke liye dekha hai. Waise toh aajtak isne sadak par aage peeche mandrate kisi ek bhi majnu ko aankh utha kar nahi dekha lekin waha iski bhi najar ruki jaha nahi rukni chahiye thi.", Dusri ladki ka naam tha Kanupriya, pyaar se Kannu.
"Chalo tum dono lagi raho apni baaton me aur main chali baba. Shaadi shaam ko hai lekin ghar me 2 din ke kapde jama hai dhone ke liye. Palak aaye tabtak machine he bhar leti hu. Haan, chahogi toh main he mulakaat karwa dungi tumhari Arjun se Surbhi. Lekin Kannu ne thik kaha hai ke tum sachmuch uske saamne kamaal he lagogi.", Khilkhilati hui Priya bhabhi ghar me chali gayi aur ye dono bhi footpath kinare lage pedo ki chhaanv me charcha karti aage badhne lagi.
"Chehre se he pata chalta hai Surbhi ki wo ladka tujhse bahot chhota hai. Baaki ye sab na in bhabhi logo ki garma-garam baaton ka asar hai jo tujhe wo ek najar me pasand aa gaya. Sirf attraction hai kyonki male physique se pehli baar saamna hua hai tera.", Kannu kam bolne ke sath he kahi jyada paripakva aur suljhi soch wali thi.
"Aisa nahi hai yar ki main uspe lattu ho gayi hu. Bas normal log dekhe hai maine apne aaspas. Final year me mera boyfriend Anil bhi toh handsome tha. Gym wo bhi jata tha aur ek baar usne jab mere sath koshish karni chahi thi tab maine dekha tha uske sharir ko. Lekin wo is ladke ke aaspas bhi nahi tha.", Surbhi ne ye baat bahot dhimi awaaj me kahi thi aur is raaj ko sunn kar uski saheli hairaan ho gayi
"Anil? Wo jo pehle Madhuri ke chakkar lagata tha? Tera boyfriend kab bana wo?"
"Arre baad me pata chala tha ye sab mujhe. Usne toh mujhe yahi bataya tha ki Sanjiv bhaiya ne uski thukaai isliye ki thi ki unka pehle se kisi baat par jhagda tha. Phir 3-4 baar uske propose karne ke baad maine haan bhi keh di thi lekin is shart ke sath ki main kabhi bhi sabke saamne us se baat nahi karungi. 2 mahine tak toh thodi bahot luk-chip kar baatchit mulakaat hoti rahi. Fir 2 bar film dekhne bhi gaye the aur jab usne kaha ki wo akele me mujhse milna chahta hai toh maine mana kar diya.", Surbhi baat karte hue dhimi chaal se chal rahi thi.
"Toh fir tune jo thodi der pehle kaha tha ki tune Anil ke sath wo kiya hai?"
"Oh meri maa. Maine kab kaha ki kiya tha? Haan usne baad me mujhe baaton me fansa liya tha aur mauka milne par koshish ki thi wo sab karne ki lekin kismat atchi thi ki main bach gayi. Aur paper khatam hone ke baad mujhe Madhuri wale kisse ka sach pata chala toh maine us se kinara kar liya. Apni classmate Nirja mili thi ek baar aur usne bataya ki Anil rape case me 8 saal ke liye jail chala gaya hai. Chal chhod ye sab baatein. Kaha ki baat par kaha pahuch gaye.", Surbhi shehtoot ke ped ki latakti daali pakadne ki koshish karne lagi toh Kanupriya ne khud he wo daal uski taraf jhuka di.
"Ab toh mere gharwalo ne bhi bol diya hai ki shaadi hone tak main bhi job chhod du. Fir agar sasural wale kahe toh kar lu nahi toh ghar sambhalu. Kitni ajeeb duniya hai na Surbhi? Pehle toh maa-baap he kehte hai ki beti unka sammaan aur ijjatt hai aur fir jab wo padh likh kar kuch bann na chahe toh 21 ki umar me he gharwale rishtey dekhne lag jaate hai. B.Ed. karke bhi kya faayeda jab sasural me bartan he maanjne hai?"
"Tension na le meri jaan. Teri jaisi ladki ke liye khud sasuralwale garv karenge. Teri mummy bata rahi thi ki uncle khud aisa pariwar dekh rahe hai jo shiksha se juda ho. Jis se tu aage badh sake. Haan baat teri bhi sahi hai. Meri maa toh ab mujhe top/tshirt tak pehan ne nahi deti. Bolti hai kuch toh lihaaj karu.", Surbhi ka aashya apne mote ubharo se tha aur dono he saheliyan hans padi.
"Chal shaam ko milte hai aur aunty thik he kehti hai. Inhe jyada na dikhaya kar nahi toh ..", Kanupriya aur Surbhi aamne saamne he rehti thi jo hansti muskurati hui apne apne ghar pravesh kar gayi. Ladkiyon ka jiwan aisa he hota hai. Sabse jyada pabandiya jhelne aur hamesha dusre ghar jaane ka tamga le kar badi hone wali in prithak jiviyon ka asli ghar kaunsa hai ye antkaal tak chalne wala vivadit mudda hai.
.
.
"Ae Tara. Sunn jara.", Kaushalya ji aaj poore ghar me he sachet chalit thi. Aaye gaye se milna, sabke khaane peene par najar, bachon ki chalti rasmo me shamil hona aur baki sabhi ko jaruri hidayete dete hue wo kahi bhi ek pal ruk na rahi thi. Bheetar praangan me aaye kuch he lamha gujra hoga ki Shalini ne jo sawal Madhu se kiya tha us par Kaushalya ji bhi kuch waqt ke liye chintit ho gayi.
"Madhu, ye shaam ko kuch masla na ho jaaye. Yaha se kapde badal kar shaadi me jaayenge toh Sanjiv ki ghodi wali rasam aur fir Madhuri ke sasural walo ka swagat mix nahi ho jayega? Ghodi aur band-baaje me waqt lagega he lekin Madhuri ki taraf swagat me bhi sabka hona jaruri hai.", Shalini ki baat sunn kar he Kaushalya ji ne Tara ko awaaj di thi.
"Ji Naani.", Tara dono hathon me mehandi rachaye dheele se lambe tshirt aur pajame me he daudti hui niche aayi. Madhu bhi apni beti ko bade dhyaan se dekh rahi thi. Aaj jaane usko kya hua tha jo har taraf najar avlokan ya samiksha karti dikhi. Waise Tara thi bhi Madhu ki jawani wale samay se 21. Har ang maansal, kataav-yukt aur adhbhutt. Upar se uske chehre ki chamak aur chalne ki adaa.
"Tere nana dekh jara kaha reh gaye.? Satish ke ghar honge toh Preeti ko bhej aur nahi toh Ritu se keh agar usne mehandi nahi lagaai hai toh. Wo dekh aayegi Shashtri bhai sahab ke ghar.", Kaushalya ji ne Tara ke mehandi sane hath dekhe toh unhe usko bulana he thik na laga. Rameshwar ji toh jabse Shastri ji ke sath nikle the abhi tak wapis he na laute the. Idhar Sanjiv ko bhi sabhi rasmo se faarig karke upar Arjun wale kamre me bhej diya tha, jaha uske dost mehfil lagaye baithe the. Tara jaise aayi thi waise he upar daud gayi. Madhu ke sath sath is bar Shalini bhi Tara ko dekh rahi thi. Dheele pajame se bhi uski behtareen sudol jaanghe aur lachile golakar nitambo ka nichla kataav saaf dikhai pada tha, baaki tshirt ne bhali bhanti chhupa liya tha.
"Socha hai Tara ke baare me Madhu? Teri sasural ki taraf ladki ki nirdharit umar toh nahi hai na shaadi ke liye?", Shalini ne behad saral lehje me charcha ki thi. krishna ji in dono ke saamne thande sharbat ke gilas rakh kar baaki mehmano ki taraf badh gayi. Ghar ki sabhi bahuen sewa me he lagi thi.
"Pehle tere jija ne jarur dekh rakha tha lekin fir jab Arjun ne Komal aur Priyanka ke MBA me dakhile ki baat kahi toh mujhe bhi laga ki itni jaldi kya hai Tara ki shaadi karwane ki. Training ke baad wo bhi aage padh kar apna khud ka he karobar karna chahti hai. Aur wo ladka bhi kahi se iski takkar ka na tha. Teri najar me hai kya koyi?", Ab Madhu ne sawaal kiya toh Rajeshwari ji ki taraf dekhne ke sath Shalini ne kaha.
"Nahi nahi. Main jaanti hu ki jaisi tu hai, Tara tujhse ek kadam aage he hogi. Aur khud Ashok jija tere saamne jhuke rehte hai toh Tara ko jhelne wala ladka meri taraf toh mumkin he nahi. Waha aurat dehleej se bahar bina ijajat nahi nikal sakti. Lekin mera kehne ka matlab kuch aur tha. Teri sasural me roodhiwadi toh nahi hai na jo Tara ko dekh ye na kehne lage ki ab wo byahne ki umar me aa chuki hai?", Shalini ka sawal bhi galat na tha lekin Madhu ke chehre par hansi aa gayi thi.
"Iske papa bhi ye sawaal iske sath nahi kar sakte. Main jarur sakht thi pehle is maamle me lekin fir laga ki ye jyadati he hogi jo Tara ki marji bina main usko kisi anjaane ghar me bhej du. Jawan ho gayi hai aur dimag me baap ki tarah apna alag naam karobar banane ki jidd bhari hui hai toh usko behtar pata hoga atche bhale ka. Lekin is baat se toh main bhi sehmat hu ki ye ladki jaldi he jawaan ho gayi hai. Main bhi na hui thi itni beshak isko paida karne se pehle tak.", Ab dono he hansne lagi thi aur inke beech Romela, Sanjiv ki maami, kuch aur log chale aaye toh charcha ka vishaya badala gaya. Ritu bhi nahane ke baad kapde badal kar aa chuki thi jo ab apni daadi se guftgu me lagi thi.
"Phone kiya hai maine abhi Himani ko aur wo toh bata rahi thi ki uske nana ji bhi ghar nahi hai. Toh daadi unke yaha jaane se fayeda? Haan aisa ho sakta hai ki Ghodi aur mandir wala kaam karne gaye ho. Kal shaam ko he toh wo baat kar rahe the ki dono dulhe XXXX mandir se ghodi par palace aadhe ghante ke antraal par niklenge.. Radhika bhabhi aur Madhuri didi ki taraf se baraat ka swagat bhi 30 minute aage peeche rahega bas. Pehle didi wala karyakram hai fir unke baad he Sanjiv bhaiya ka.", Ritu ke jawaab ne toh Kaushalya ji ke sath baki sabhi ka dhyaan apni taraf khinch liya tha.
"Tere dada sab masle apne aap he tikdam laga ke hal karne lagte hai?"
"Nahi meri pyaari daadi. Unhone toh aapko bulane ke liye bhi kaha tha par aap he busy thi aur uske baad sangeet me jaate hue shayad aap log baat nahi kar sake. Unhone papa ko jarur ye bataya tha ki ghar ke sabhi memebers ko wo 5 baje tak Param uncle wale farmhouse par chhod de. Sab log udhar he tayar honge aur jo baraat me shamil hoga wo Sanjiv bhaiya ke sath rahe aur jo swagat karne me rehna chahe unke liye marriage palace par he 10-12 kamre hai. Aap tension matt he lo. Dada ji sabhi kaam pehle he kar chuke hai aur dono taraf ke logo ko bhi iske baare me bataya ja chuka hai. Tabhi toh Gorav jija ji ki family time se aa gayi.", Ritu ne toh Kaushalya ji ka sara bojh he khatam kar diya tha ye sab bata kar.
"Aur tujhe iske baare me kaise pata?"
"wo.. aap busy thi jab maine dada ji ko bataya toh unhone kaha ki main he waha baith jaun unke pas. Baad me aapko bata du.. Lekin main bhi bhool gayi..", Ab Ritu khud he apni baat me fans chuki thi aur Kaushalya ji ki daant se bachne ke liye wo bahar ki taraf daud chali.
"Shaitaan kahi ki. Thehar tu.. Ek toh ye aur iske dada ji. .. Batao sabse jaruri baat he kehna bhool gaye. Ae Madhu, bol teri bhabhiyon ko aur baaki bacho ko. Apne kapde, gehne sab tayaar rakh le. Khaane ke baad jo bhi kaam bache hai wo nibta kar idhar se chalne ki tayaari rakhna.", Kaushalya ji ab khud bhi apne kamre ki aur chal di. Waha sabhi ke milne aur shagun ki tyaari bhi unhe dekhni thi.
.
.
"Arjun tum bhi kahoge ye kaisi pehli mulakaat rahi? Apni taraf ka sab kaam chhod kar tumne pehle hamare baare me socha aur sabkuch itne atche dhang se manage kar diya ki dhanywad lafz kaam nahi karega. Kam se kam hamare sath thoda nashta he kar lo bhai. Tum aur tumhara dost toh is bhaagdaud me lage rahe aur hamari baatchit bhi nahi hui.", 32-33 varshiya ye halki dadhi wala shaksh ek uchit sharir ke sath prabhavi shakshiyat ka dhani tha. Madhuri ka honewala jeht aur apni taraf ke halke me vartmaan raajneeti ka ek sakriya chehra Abhishek Sharma. Arjun ne jis tarah se unhe hotel liva kar sabki jarurat aur sahuliyat anusaar kamre uplabdh karwaye the, us se Abhishek aur unki patni Shilpa ji khudko ehsaanmand maan rahe the. Har vyakti ka samaan hotel prabandhan ke sath sath khud Arjun aur Sandeep ne andar rakhwaya tha. Lagbhag 40-45 minute me sabhi athithi aur naye rishtedaro ko araam-kshetra pahuchane ke baad ab Arjun inse mil kar jaane he laga tha.
"Haan Arjun tumne sachmuch hume mehsoos tak nahi hone diya ke itne logo ke liye hume kuch karna bhi pada. Kam se kam sath me juice toh le he sakte ho? Sandeep, tumhi kaho jara apne dost se. Kya pata maan jaye tumhari baat.", Shilpa ji ne baat kehne ke sath he hotel ki pentry me phone mila kar 4 juice ka order de diya. In dampatti ka ek 3 saal ka suputra bhi tha jo is bhaagdaud ke baad ab bade araam se us naram bister par so chuka tha.
"Pehchan toh ab jiwanbhar he badhne wali hai bade jija ji. Aur rahi baat juice ki toh hum iske liye mana nahi karenge. Waise maine manager uncle ko bol diya hai jija ji wali car sajane ke liye aur 6 baje decoration wale aa jayenge. Abhi dhoop hai toh phool jhulas kar jaldi kharaab ho sakte hai.", Kamre me rakhi 2 safed kursiyon par Arjun Sandeep baith chuke the. Sandeep is dauran khamosh he raha kyonki Arjun ne usko aisa kaha tha jab usne Sandeep ko ek mahila mehmaan ke khaas hisse ko ghoorte paya tha. Jawan ladko me aksar ye sab hota rehta hai toh Arjun aur Sandeep is maamle me rajdar reh kar bas jana he chahte the. Ab rukna pada aur Shilpa ji ne bhi phone karne ke baad bag se kapde nikal kar bathroom me pravesh kiya.
"Bade jija!!.. Ye toh atcha naam diya hai bhai tumne. Shilpa ka bhi koyi bhai nahi aur hume bhi ek majboot saale ki kadi aavashyakta thi. Hahaha.. Toh bas ek tumhi ho jis se hum kabhi nahi mile the lekin Pandit ji ne humko goad me khilaya hai toh tumhara pariwar ek tarah se hamara sanrakshak hai pichle 20 saalo se. Maa-pita ji ke jane ke baad se he sabkuch tumhare dada ji ne he dekha. Aaj khushi hai ki unhone samajik roop se hume pariwar me shamil kar liya. Waise tum toh kabhi bhi aa sakte the udhar lekin shayad tumhe ye shehar he raas aata hai.", Abhishek ji ki baat sunn kar Arjun kuch jhemp sa gaya. Lekin uske bolne se pehle Sandeep he bol utha.
"Aisa nahi jija ji. Ye bachpan me shararti bahot tha isliye boarding bhej diya tha isko. Ek saal pehle wapis aaya hai toh apne he shehar ko samajhne me raha. Abhi tak ye yaha se he poora parichit nahi hai toh aapki taraf kaise aata?",Sandeep ke jawaab ne Arjun ko hansa diya lekin Abhishek soch me padd gaya.
"Shankar ji anushashan aur shiksha ko sabse upar he maante hai. Aur aisa ho bhi kyun nahi jab khud Pandit ji he iske sabse bade pakshdhar hai. Jaante ho Sandeep, Gorav ko bhi boarding me bhijwa diya tha unhone aur poore 6 saal. Fir 12 paar karte he college hostle me. Mujhe ajaadi mili lekin wo bhi unki nigrani me. Mere pita ji sarpanch the aur karobari bhi. Main bhi wahi bana lekin Pandit ji ki wajah se shayad main apne poore zile ka adhyaksh banu aur wo karu jo sab chahte hai. Aaj Gorav ek gehri soch wala jiwanshastri hai. Sarkari naukri hai aur sabse badi baat hai ki wo us samay ki kadar karta hai jab ghar se dur rakh kar usko padhaya aur kabil insaan banaya gaya. Meri nazar me boarding koyi jail nahi hai agar aapka pariwar uski himayat karta hai. Baaki aaj tumhara dost behtar bata sakta hai apne us vanvaas ke baare me.", Abhishek ji ne baat ko hanste hue khatam kiya toh Arjun bhi sehmati me muskura diya.
"Kahi ye tumhare sath bhi apni pradesh raajniti toh nahi le kar baith gaye? Aakhir wahi inka pehla pyaar aur pariwar jo hai. Lo shayad juice bhi aa gaya.", Shilpa ji ne darwaje par hui dastak se avgat karwaya toh Arjun unki aur dekhe bina darwaje ki taraf lapka. Ek baira badi ehtiyaat se tray me 4 gilas thande juice ke liye andar aaya aur sabhi gilaas table par rakh ke wapis chala gaya. Jaise usko pehle se he nirdesh the ki ye samanya mehmaan nahi hai. Ab Arjun ne ghoom kar Sandeep ko dekha toh wo najre churata hua Shilpa ji ko dekhne ke baad juice ki aur najre kiye tha. Chehra dhone ke baad dheela badami salwar kameej pehne Shilpa ji ek kamuk lekin paramparik stree ke avtaar me thi. Arjun ne bhi jyada baat kiye bina ek gilas unki taraf aur dusra Abhishek ji ko pakdaya.
"Bade jija ji toh bas boarding ki he charcha kar rahe the didi. Ab hamari umar aur vichar raajneeti laayak nahi hai isliye wo baatein ye hamare sath toh nahi karenge.", Arjun ne baithne se pehle Sandeep ko bhi juice pakdaya lekin uski baat sunn kar Shilpa ji jarur muskura uthi. Abhishek ji jhemp rahe the.
"Aisa hai ke tum sachmuch thode vishesh mahol me rahe ho. Raajniti ki umar nahi hoti aur iska koyi daayra nahi hota. Ye jab pehli bar morche me shamil hue the toh 16 baras ke the. 25 ki umar me panch aur 28 me sarpanch lekin is dauran inhone gram samiti ke sath sath shehar me bhi dakhal jaari rakhi. XXXX party ne inhe ward jeetne par he bata diya tha ke ye aane wale election me unki aur se khade honge. Khair tum jab ghar aaoge toh hum araam se baatein karenge. Aaoge na?", Shilpa ji ne jaise sawaal kiya tha Arjun ne turant gardan haan me hila di. Jaise unhone koyi aadesh diya ho aur uski avhelna karne ki gustakhi karke Arjun bachna chahta ho.
"Hahaha.. arre Arjun bhai. Tumhari ye didi hitler nahi hai jo tum aisa chehra bana kar haan bhar rahe ho. Pag-fere par toh aana rasam hai lekin jab kabhi samay mile toh apne is pariwar se milne bhi aana. Haan thoda pehle bata dena jis se main ghar pe he milu aur Gorav sirf saptahant he hota hai.", Abhishek ji ne khali gilas wapis rakhne ki cheshta ki toh khud Arjun ne he aage badh kar wo lete hue table par rakh diya.
"Ji main jarur aaunga. Waise main 24 ya 25 tarikh ko he gaanv jaane wala hu, lagbhag ek mahine ke liye. Chuttiyan chal rahi hai aur yahi samay hai jab main ghoom sakta hu. Aapka shehar waha se dur bhi hoga toh bhi ek din ke liye toh aa he sakta hu.", Arjun ne mooh rumaal se saaf karne ke baad apni baat kahi. Shilpa ji ne aage badh kar bister par baithe hue he gilas table ki taraf badhaya toh is jhuki awastha me unke pusht ubhaar aur unki aadhi se jyada lambi gehri khaai in dono yuvako ko bharpoor najar aayi. Badami kapde ke bheetar chile hue safed badaam sa unka jism hahakari tha aur dheele kameej ka itna kasav bakhubi bata raha tha ki Shilpa is maamle me apni hone wali devrani se jyada kam nahi hai. Abhishek ji inke sameep the jis se unhe pata na chala ki unki peeth peeche najara kitna kaamuk hua tha aur na he Shilpa ji ko gyaat tha ki unki is harkat ne in dono par kya bijli giraai hai. Sandeep ke kaan garam hone lage the lekin majboori thi ki akela bahar bhi nahi nikal sakta tha.
"Bhai ek toh wo gaanv nahi hai, kasba hai wo bhi 12 hajaar ki abaadi ka. Haan uske bilkul he sath 6 gaanv lagte hai jahan tumhari aur thodi bahot hamari bhi jameen hai. XXXX kasbe se hamara ghar hai 18 kilometer. Motorcycle Vinod ki waha khali he khadi rehti hai nahi toh tum Gorav ki le lena jabtak udhar ho. Hafte ke 5 din tumhare aur 2 din hamare. Ye abhi se bol deta hu samajh lo dahej maang liya hai.", Abhishek ji ki baat kar unki patni bhi samarthan kiya.
"Ji abhi se toh main koyi vaada nahi kar sakta lekin aapne kaha hai toh main laajmi aaunga aur motorcycle wali koyi baat nahi hai. Main udhar motorcycle se he aane wala hu. Filhal aap ijajat dijiye. Aapse baat karke bilkul nahi laga ki hum pehli baar mile hai.", Arjun ne jhuk kar paanv chhuye toh na chahte hue bhi Abhishek ji ne aashirwad diya. Shilpa ji ne toh hansi khushi usko aashirwad diya jaise unhe atcha laga ho pehli baar apne paanv chhua kar.
"Dekho bhai, ye paanv matt chhuna aainda. Bade jija humko kabool hai lekin hath milane se gurej karte ho toh gale mil liya karo. Chalo ab ghadi dekhna band karo aur shaam ko milte hai. Tumse sewa bhi karwani hai.", Arjun garvit mehsoos kar raha tha is shakhs se mil kar jisme ratti bhar bhi na eham tha aur na he koyi dikhawa. Paisa, pratishta aur padd hone ke bawjood Abhishek ji ek jameen se jude nek aur hansmukh insaan the. Utni he sushil aur bahumukhi Shilpa ji bhi thi jis wajah se Arjun ne unhe pehle he didi sambodhan se nawaaj diya tha. Apni behan ko jis ghar bhejna ho waha pehle he badi behan mil jaaye toh aadhi mushkile wahi hal ho jaati hai.
.
.
"Subhash ji, ye poora area sirf aapke aur pariwar ke liye he hai. Dono taraf 8-8 bade kamre hai aur upar is taraf se seedhiyon ke baad 7-7 kamre. Tulip hotel ke sabhi 50 kamre aapke mehmano ke liye pehle he book karwa diye the. Aur koyi aagya ho toh behichak kahiyega.", Sabhi logo ka swagat karne ke sath he Shankar ji ne 15-16 logo ko yaha Subhash Dutt ji ki sewa me lagwa diya tha. Safed sangmarmar ka chamakta farsh aur behtareen bade bade kamre wala farmhouse ka ye hissa kahi se bhi kisi 5 sitara se kam na tha. Farmhouse bhi apne aap me vishisht tha jo takriban 20 ekad me ghane vriksho se susajjit hone ke sath he aaj aise sajaya gaya tha ki dekhne wala khudko kisi aur desh me mehsoos karta. Abhi bhi tayariyan jaari thi aur khule hisso me catering wale anginat log kaam par lage the. Darjano vriksho par hajaro ki sankhya me bulb aise lagaye gaye the jaise aam ya seb ke phal lade ho.
"Shankar bhai ab baaton se bhigo kar jaleel karoge? Hahaha.. majaak kar raha hu lekin maan na padega ki ye jagah kisi bhi tarah se Mehroli ya Mahipalpur wale bade bade farmhouse se kam nahi hai. Shayad kayi mashoor naamo se badi property he hai. Mujhe toh ek pal laga tha ki parking ki suvidha alag se hogi lekin andar aane ke baad pata chala ke yaha toh poore shehar ki gaadiyan khadi ho jaaye. Kamre bhi behad shaandar hai. Devika, aap hai Mr Umed Singh aur Mr Narinder Sharma. Shankar bhai ke bhai hai dono aur ye meri shrimati ji hai Devika Dutt. Inhe aap par sabse jyada yakeen rehta hai Shankar bhai.", Dutt sahab khush the itni aavbhagat aur utkrishth jagah ke chunaav ke sath sath tayariyon se. Devika ji bhi eksaar rang ki samandar ke rang ki saree aur hamesha ki tarah patli sunehari ghadi pehne aabh bikherti najar aayi. Sabhi ko namaskar karte hue unhone Shankar ji se dono hath pakad kar poora maan dete hue mulakaat ki.
"Ab in par toh sandeh nahi kar sakte na Subhash? Sachmuch aapne hamara sara bojh apne sar le kar bahot bada ehsaan kiya hai Shankar bhai. Ladki hum byaah rahe hai lekin bojh aapse uthwaya. Is baare me humko discuss jarur karna hai. Subhash aap yaad rakhiyega.", Devika ji ne saaf na kehte hue ye toh bata he diya tha ki unhe hisaab jarur karna hai Shankar ji se.
"Bhabhi ji aap na ye sab baatein is saal toh karna he matt. Aur rahi baat intjaam ki toh wo maine kiya hai is Shankar ko binawajah he hawa me chadha rahe ho aap.", Aadatan Narinder ji ne thoda alag disha me ja rahe mahol me hasyaras daal kar Devika ko bhi hansne pe majboor kar diya tha.
"Thik hai thik hai Narinder bhai. Waise Narinder ko short kar sakte hai like Naren?", Devika naya naam dene lagi thi aur baaki sabhi muskura rahe the.
"Aapko toh batana he padega Devika ji. Inder, Dhira, Jeet, Inderjeet aur jaane kya kya naam hai mere. Aap ab Naren kehna chaho toh ye bhi sahi. Waise Somnath ji nahi najar aaye.", Abhi Narinder ji ne sawaal kiya thi ki unhe ek thekedar bulane aa gaya. Daleep aur Bhuppi bade hall me kaam dekh rahe the aur bahar ki jimmewari Narinder ji ki thi.
"Bhai sahab aaye toh sath he the lekin wo jara Party office chale gaye milne ke liye. Ab wo aur unki raajniti ke beech hum toh dakhal he nahi dete. Bhabhi ji aur beta-bahu idhar he hai Nikki-Radhika ke sath. Aapko aapatti toh nahi hogi agar 20-30 log anumaan se jyada ho jaaye?", Subhash ji baat karte hue ye bhi dekh rahe the ki is jagah ki dekh rekh kitni uttam hai. Unki biwi toh chalti hui aage he ja chuki thi.
"Aap 500 log bhi jyada bulwa le toh hume koyi aapatti nahi hai Subhash ji. Chacha ji (Pandit ji) ne pehle he intjaam is anuroop he rakhne ki hidayat thi ki soch se 20% adhik he ho. Aap nishchint rahe aur main aapke mehmano ko hotel pahuchane ka intjaam karta hu. Jyada dur nahi hai lekin sath jaane se unhe kisi tarah ki mushkil nahi hogi.", Umed ji ne is karya ki taraf dhyaan rakha hua tha jiska anumaan Shankar ji ko pehle he tha.
"Haan ye log bhi chai-nashta kar chuke hai. Aap kisi ko bhi bhej dijiye mere bhatije ke sath. Baaki sabhi mehmaan aur rishteydar fir wahi sambhal lega. Itne logo ko eksath bhejna aur kehna apne aap me badi mushkil hai.", Is baatchit ke dauraan ye log chalte hue bagiche jaisi jagah chale aaye aur saamne se Arjun inki he taraf aa raha tha. Dusri manjil par goldspot peeti Radhika aur Nikki ki najar in 2 yuvako par padi toh Radhika idhar se peeche sarak gayi. Inke sath Urmila ki bitiya Diya aur 3-4 saheliyan bhi thi. Radhika ko is tarah peeche hote dekh kar Nikki thoda hairaan hui lekin usne Arjun ko jarur hath hila diya tha. Jiski najar se Radhika bach chuki thi.
"Ye Sanjiv ka bhai aur uska dost hoga?", Radhika ke aisa kehte he 3-4 ladkiyan neeche jhaankne lagi thi aur udhar Arjun-Sandeep ko sath liye Umed ji aur Subhash ji viprit disha me chal diye jaha se unhe mehmano ko hotel leke jana tha. Ladkiyon ko bas unki peeth he dikh rahi thi aur Sandeep bhi kad-kathi me 6 feet ka tha jisne yaha aane ke liye apne behtareen vastra pehne hue the.
"Haan lekin tu peeche kyun ho gayi Rits? Apne devar se he aankh-micholi me lagi hai?", Radhika ne aankhen jhapka kar haami bhari.
"Sanjiv ne mulakaat nahi karwayi thi na apne bhai se aur na he uske baare me bataya toh fir ab uske he tarike se chalte hai. Waise main us ladke ko jaanti hu jo Sanjiv ke bhai ke sath aaya hai.", Radhika yaha galat samajh rahi thi aur Nikita ne bhi koshish nahi ki jyada jaankari lene ki.
"Tu kaise jaanti hai?"
"Wo baad me bataungi lekin atchi baat hai na ke ye ladka bhi hone wale pariwar ka jaankar he nikla. Oye, tum sab ab hatogi bhi udhar se. Diya chalo tum bhi andar kamre me chalo. Inke sath reh kar ladke taadna tumhare liye thik nahi.", Radhika ki awaaj par sabhi ladkiyan hansti hui ek he kamre me chali gayi aur Radhika bhi unke peeche jaane lagi.
"Nikki, tu kya soch rahi hai?"
"Soch rahi hu tujhe toh parde me rehna hai filhaal lekin main toh milne ja he sakti hu."
"Hey ram. Sudhar ja thoda sa toh. Chal abhi andar chal aur shaam ko atche se mil liyo apne so called close friend se.", Radhika hath khinch kar usko aise le ja rahi thi jaise Nikki bhaag he jaati Arjun se milne ke liye. Udhar Arjun bhi abtak Umed chacha ke samjhaye hisaab se bas 2 he logo ko le kar hotel ki taraf chala gaya tha. Hotel poora he Dutt pariwar ke liye aarakshit tha toh unhe koyi mushkil nahi hone wali thi.
.
.
"Kya soch rahi hai Jasleen? Main ek baat par gor kar rahi hu ki hum jabse idhar aaye hai tu khush toh rehti hai lekin kahi na kahi thoda khoyi hui lagti hai. Tujhe yaha koyi pareshani toh nahi hai na?", Pichle ghar me bhi ladkiyan apne apne kapde pack kar rahi thi kyonki unhe ab shaadi wali jagah he tayaar hona tha. Is kamre me filhaal Kirti, Gurdeep aur Jasleen he thi, jaha baat Kirti ne he shuru ki. Apni saheli ke sawaal ka kya jawab de ye Jasleen ko soojh he nahi raha tha.
"Main batati hu agar kisi ko bura na lage toh?", Gurdeep ki awaaj sunn kar dono ladkiyan usko he dekhne lagi. Safed chust pajame aur gehri tshirt me wo hamesha ki tarah khush aur chanchal he najar aa rahi thi.
"Atcha ji. Sardarni itni shatir kabse ho gayi ki wo logo ke chehre padhne lagi hain? Bata jara ye Jasleen kyon kabhi kabhi khoyi khoyi dikhti hai?", Gurdeep ne jawaab dene se pehle ek bar Jasleen ki taraf dekha aur fir hanste hue boli.
"Isko bebe (maa) ki yaad aati hogi na Kirti. Pehle toh kabhi bhi ye unse alag nahi rahi hai, kam se kam raat me ya ek din se jyada toh nahi."
"Dur-fitte mooh. Sachmuch tu jhalli he hai moto. Meri packing toh ho gayi, main jara Pinki ko dekh ke aayi.", Kirti sar pe hath rakhti hui Gurdeep ki baat par hansne lagi thi. Fir jaldi aane ka bol kar bahar chali gayi. Ab waha bas Gurdeep aur Jasleen he thi, ek dusre ko dekhti hui.
"Mahol ko tum atche se samajh rahi ho aur main iski tareef he karungi Jasleen. Ab pyaar pe control thodi na hai kisi ka. Ho jata hai lekin isme ye thehraav aata hai na aise mahol ki wajah se jaha tum apne pyaar se mil na sako ya uski chahat karo, is se ye badhta he hai. Kam nahi hota. Jitne yaha ho toh pariwar me mashgul raho aur jab wo time aayega tab tumhe kahi jyada khushi hogi.", Gurdeep ne bina kisi ka naam liye he Jasleen ko bata diya tha ke wo bhi sab samajhti hai chahe sabhi usko kam-akal maante ho. Jasleen ke chehre par muskaan aur aankhon ke koro me paani tha.
"Haan tum sahi keh rahi ho Gurdeep. Main na thoda laalach kar rahi thi lekin mujhe samajh aa chuka hai ki ye waqt thik nahi. Waise subah tum he thi na wo bahar wale kamre ke peeche?"
"Main jaanboojh kar waha nahi thi yar. Neend jaldi khul gayi thi isliye 2 kursiyan laga kar udhar he pasar gayi. Thandi hawa aur subah ka wo khamosh mahol. Fir jab umaah-umaah ki wo majedar awaaje suni toh gardan uchka ke dekha ki tum Arjun ki goad me chadhi hui lagi hui thi. Pata nahi tujhme itni himmat kaha se aa gayi kyonki upar chhat se agar uske bhaiya dekh lete toh qayamat he ho jaati.", Gurdeep ne awaaj ki nakal karte hue jaise bataya toh Jasleen sharam se dohri ho gayi lekin fir bhi kaabu karke wo safaai dene lagi.
"Main bhi waisa nahi karna chahti thi yar. Kirti ne pani ka gilas hatthi par rakha tha raat me aur wo subah mere upar ludhak gaya. Toliya us taraf sukhaya tha toh wahi le kar baal sukha rahi ki seedhiyon se utar kar Arjun saamne aa ruka. Na usne kuch bola aur na mujhe kuch samajh aaya. Bas fir ho gaya lekin usne kiss karke toh mood jyada he kharaab kar diya. Waise chhat ya kamre se us taraf koyi nahi dekh sakta. Aur agar koyi aata bhi toh andhere me ek jan toh us kamre me chala jata. Fansne ka darr nahi tha lekin fir bhi fans toh gaye he jo tune dekh liya.", Jasleen bahot he savdhani se baat keh rahi thi. Awaaj bilkul dhire rakhte hue.
"Aaye haaye.. Tujhe maloom bhi hai teri kya haalat karega wo jo agar tu kiss se aage badhi toh?", Ab baari Jasleen ki thi hairaan hone ki lekin Gurdeep jaise apni galti sambhalne ka soch chuki thi.
"Oye tujhe kaise pata ki wo meri haalat kharaab kar dega? Kahi tu.."
"Oh meri maa tu na ya toh zero pe rehti hai seedha 100 pe. Ab hum log itne din se hai toh kabhi kabhi galti se najar idhar udhar jaa bhi sakti hai? Maine usko dusre ghar me galti se dekh liya tha. Nikkar utaar kar kapde badal raha tha toh najar waha chali gayi. Sharir ke sath sath wo ajgar bhi itna bada hai ki tu kya meri bhi chaal bigaad de. Baaki teri marji hai fir ye mat kehna maine bataya nahi tha.", Gurdeep bura sa mooh banati hui jaise keh rahi thi Jasleen uski masoomiyat dekh dhokha kha gayi.
"Sach me tu bholi begum he hai Dippi. Waise toh wo bhi part he hai body ka lekin uska kuch alag hai tab bhi farak nahi padta. Aur na usne kabhi kiss se aage kadam badhaya hai aur na maine. Baaki dekho kya hota aage kismat me. Chal ab hum bhi nikalte hai agle ghar. Tujhse baat karke sachmuch ab atcha lag raha hai."
"Main toh hu he atchi bas tujhe wo sookhi tilliyan jyada pasand hai apne college ki. Chal chalte hai phir ghodi ke saamne naachte hue video bhi banwani hai. Bahot planning kar rakhi hai udhar sabhi ne. Tu nahi thi isliye main tujhe abhi batate hue chalungi. Sanjiv bhaiya ne toh ye bhi kaha hai ke jo sabse jyada der tak dance karega ghodi ke saamne wo usko 2100 denge apni taraf se.", Gurdeep hamesha se aise he toh bolti thi lekin wo kitni samajhdar hai iska bhaan jyada logo ka nahi tha. Ek bade karyakram ki taraf sabhi kadam badhne lage the, tayaari ke sath sath.
