Mr.AK
Member
- 140
- 650
- 108
Aaj saare badal milkr gagan pr garaj rhe hai.. Are jyada bijli mt girana bhaiya kahi barish hi start ho jaae kahi seAa leke chalu tujko khee mast gagan mn wo wala gagan kya
Last edited:
- Status
Sushil Kumar Singh
New Member
- 73
- 199
- 48
Ishwar
Member
- 116
- 385
- 63
Bhai na ayega update.. Enigma bhai ne comment nahi kiya he to shayad.. Pr ajayeto acha he.. Vrna shubh ratri
Bawla akhil
New Member
- 63
- 192
- 33
- 4,125
- 57,885
- 173
Update 205
Antim Itcha (2)
"Toh hum log meri gaadi me sath he chalne wale hai? Yaha jarurat padi toh Inder?", Arjun wapis laut aaya tha Ritu ke sath, jabki Rameshwar ji Vinod aur Anamika bahu ke sath Roshni ko bhi le kar hospital ja chuke the. Mele ke rang ab kahi nikhre dikh rahe the jinhe is baat ka ilm tak na tha ke aaj Pandit ji ke pariwar ne kya kuch dekh liya hai. Ab us neeli cielo ka darwaja kholne se pehle Shankar ka ye sawaal apne bhai se tha jiske jism par wo dheeli kameej Arjun ki thi, haweli se kapde badalne ke baad.
"Bol ke toh gaye hai ki main yaha nahi ruku par dil nahi maan raha halaat dekhte hue. Unhone toh chacha ko bhi hamare sath he lautne ke liye kaha hai. Waisa kuch dubara toh nahi hoga par chhaanbin.. Shankar ye baat jaisi dikh rahi hai waisi hai nahi bhai kyonki tune khud tere jiwan ko kharaab karne wala wo saadhu dekha. Waise teri team aajkal berojgar he hai na? Ab hum bhi saamne nahi aate aur idhar ka mayajaal Arjun ka he dikh raha hai jo nishchint hai itna sab hone ke baad bhi. Chal bhai, ghar jaa ke he jugat bhidate hai kuch kyonki samasyayen abhi anginat hai jinke baare me mujhe bhi tujhe kuch batana hai. Raat ko lautne ke baad se abhi tak tujhse toh baat bhi nahi kar paya. Komal ko bhi le chal.", Narinder ji apne bhai se chabi lete hue khud driver seat par ja baithe the. Shankar ne gehri saans bharne ke baad paseena saaf kiya aur dusri taraf dekha toh Komal apne bhai ke kaan khinchti hui kuch samjha rahi thi aur Ritu najre jhukaye mand mand hansti dikhi. Is pal me Arjun ke chehre par kahi se bhi un dono jaise bhaav na the jaise sachmuch usko daant he padd rahi ho. Fir jis tarah se Komal ne uska gaal sehlane ke baad Aankha ka jakham jancha toh Shankar ji samajh gaye ki wo badi behan kya hidayte de rahi hogi.
"Chalo papa, 2 baj chuke hai aur aap toh 1 baje nikalne waale the. Jaante ho Arjun ne he Abhishek bhaiya ko idhar aane ke liye mana kiya tha. Tabhi uski khinchaai ho rahi hai aur us bewkoof ne waisa kyun kiya toh uska thik jawaab bhi nahi hai uske paas. Chote daadu, chaliye aap bhi aa jaiye. Bauji toh lagta hai abhi 2 din yahi rehne wale hai.", Col sahab bhi sabhi bujurgo se mel-milaap karne ke baad Jagtaar ke dada ji ka bhi abhivadan karte hue chand minute unke sath bita kar he aaye.
"Shankar puttar, sab thik toh hai na? Yar main soch raha tha ke bhai sahab ko load na padd jaaye kisi ki?", Col sahab Narinder ki bagal me he baithe the aur ab pichli seat par Ritu ke sath Shankar ji ne baithne se pehle safari se Komal ka samaan wapis is car me rakha. Dono betiyon ke sath wo dikhave ke liye khush the aur unki najar barabar Arjun par bani thi jo saleti shisho se bhi bhitar us chehre ko dekh raha tha jo usko.
"Waha sirf hum he log hai chacha ji papa ke sath. Yaha dekh rahe ho, ye poori janta unki hai. Wo bade pariwar me hai aur agar wo nahi chahte ki hum idhar ho toh wajah jarur hogi. Inder wo XXXX dhaabe par rok liye yar. Subah nastha bhi sahi se nahi kiya aur ab dimaag bhi bol raha ke khaa lena chahiye. Inhone bhi kuch nahi khaya hamare chakkar me.", Car aage badhane ke sath Narinder ji ne Arjun ko muskura kar hath hilaya jiski bagal me ab Shahid bhai, Nihaal, Jaggi aur Kewal Singh khande the kisi baat par hanste hue charcha me lage the. Arjun abhi bhi kuch gambhir tha.
"Rok lunga bhai rok lunga aur dhaabe wale ko bhi bol dunga ke agar bharpet jaisi scheme hai toh aaj ke baad wo na rehne wali. Bhookh toh itni lagi hai ki butter chicken ke sath raada mutton bhi mil jaaye toh 20 roti pakki. Toh chacha aapke iraade bhi aise he hai na? Ye hamare ghar ki lakshmiyan toh is mamle me hadd paneer tak he simit hai. Hahaha", Mahol ko kaise khushnuma kiya jata hai ye Narinder ko bhali bhanti pata tha aur is baar car Arjun wale raste he chal padi thi jidhar se wo apne shehar se gaanv aaya tha. Narinder ne Rana pariwar, Himmat Singh aur ab Devaki-Tantrik wale masle par bhi Shankar se khul kar baat karni thi jiske liye unhe apne pita se dur rehna he behtar laga. Idhar Arjun ke paas ye alag mehfil shuru thi.
.
.
"Log-baag kehte sune ki tum toh bade pandit ji (Motilal ji) se bhi kahi bhayankar nikle Arjun miyan. Sach kahu toh tumhe dekhne ke baad hamari kabaddi ki team me alag jaan aa gayi thi. Pooch lo Neele se.", Shahid bhai Arjun ke kandhe par hath rakhe Nihaal ko thapki maarte hue thode adhik utsaahit se the aur waisa he haal Coach Jugraaj ji ka bhi thi jo bhangra karne ke baad ab inke he beech the.
"Oh baai ji, main dass ni sakda ajj ki vekhya assi jinhe vi akhaade kol c. Chahe sabne na dekha ho lekin jisne dekha wo ni bhool sakta Arjun baai. Jaante ho final me apne Bhoot ne tumhara he daav laga diya the parli taraf wale raider ko. Kaakh me daali baah aur patak mara. Tumne kaha tha na ki defence me he toh attack karna chahiye, poori team ne aaj bas wahi kiya. Master ji, Arjun baai ko bhi 5100 milenge na kal chaupaal me?", Nihaal ki aisi he toh bholi baatein thi aur aaj ye yuvak purn utsahit tha is garmi ke bawjood.
"Hahaha.. Ae tah gall tu sahi kahi Neeleya par inaam den waale nu assi kiwe kuch de sakde haa. Haan je Sarpanch saab.. Waise Arjun puttar ji, ajj mere bapu ji bade khush sann. Oh tera dangal vekhe baad itthe nahi ruke, kehnde baapu ji da cheta ho aaya es karke thoda gurughar jaa ke aana ha. Beta ji tussi pehla he khaas ho saahde vaste jidda eh pind ek dharohar hai thik os tariya he tussi ho. Rabb nitt navi unchaiya deve is aap ji di nek rooh nu. Waise Jaggi vi bala gayab rehnda lagda menu.", Unhone shabashi dene ke baad jab Jagtaar ko lapeta toh wo thoda jhijhak gaya lekin jaise Shahid bhai iske liye tayaar the.
"Oh Juggi bhai ji, Jagtaar ki jeep gir gayi thi pichle talaab me. Bas uske liye he bande lagwane gaya tha ye Inder paah ji ke sath, nahi toh Arjun jeep aur motorcycle thodi na kalla leke aata. Dilbaag ne jeep maangi thi kuch bande khet pahuchane ke liye aur Bhishma thehra tractor wala driver, bande kood gaye aur jeep utaar di talaab me. Chot aayi hai Bhisma aur Dilbaag ke lekin bachaav ho gaya bahot hai.", Matlab saaf tha ki Dilbaag wali saanth-gaanth koyi mauke wali nahi thi. Ye milibhagat thi in sabhi ki jo ek team ki tarah kaam kar rahe the Arjun ke sath, adrishya team jisme kuch galat sathiyon ko thodi bahot saja unke karm de rahe the.
"Dilbaag ke vi satt aayi hai? Wo charkha khet se bahar kya kar raha tha?", Ab Jugraaj ji ki soch kaha ki taraf thi ye sirf Arjun samajh raha tha aur baaki koyi kuch bolta us se pehle jawaab bhi usne he diya.
"Coach sahab, wo khet ke bahar he the jab jeep ki break fail hui. Unka dimaag toh aap bhi jaante he ho, Dharmendra bann jaate hai jab aisi aafat unhe aati hui dikhai de. Jeep toh kya rukni thi, khud chot alag kha baithe. Tabhi toh gaadi thoda sadak se utar kar talaab me giri. Waise Jaggi bhai aap meri bult le jana apne ghar, main shaam ko le lunga aapse. Abhi jara jaruri kaam se jara shehar hoke aana hai.", Arjun ne ijajat chahi mehfil se jaane ki lekin Nihaal jaise usko ab apna sabse badhiya dost maan ne laga tha jisne uska hath pakad liya.
"Pehla baai ji vada karo ke ajj shaam nu tussi saareyan ne sahde chulhe di roti khaani hai. Bebe baapu ne aap he keha hai ki main master ji, Shahid paah ji, Jaggi veere aur tuhanu sadd lu. Sarpanch saab nu vi ohna ne aap keha hai, bhave puch lo.", Ab Arjun muskurate hue Jaggi aur Shahid ke bhaav dekhne ke baad gale lag kar bola.
"Jarur Nihaal bhai, aap itne maan se bula rahe ho jabki main toh bina bulaye bhi khaane ke liye chala jata hu. Chahe Jaggi bhai se pooch lo ya apne coach sahab se. Chalta hu aur shaam ko jarur milenge.", Arjun sabse hath mila kar jeep ki taraf badha toh wo akela nahi tha. Dusri aur se Renam aur uski mata ji ke sath Dipa bhabhi ghar ke liye nikal rahi thi, Nihaal ke pita ji ki gaadi me lekin wo unhe wahi rok kar Arjun ke kareeb aa khadi hui. Beech me bas wo neeli jeep thi dono ke.
"Tum ghar aaoge, mujhe jaruri baat karni hai tumse?"
"Filhaal toh bhabhi main shehar ja raha hu, thoda jaruri hai aur raat ko Nihaal ke ghar khana hai.", Arjun kameej ki aasten modne ke bahane bhabhi ki najro se bachne ki koshish kar raha tha. Jaise wo jo baat karna chahti thi Arjun unke jawaab de paane me asamarth ho. Lekin Dipa bhabhi ne jeep ki seat par hath rakhte hue thoda narmi se kaha.
"Mujhe us baare me koyi dilchaspi nahi Arjun jo maine dekha. Baat mere zindagi ki hai aur uske sath tum kya khel khelne me lage ho wo tumhe batana hoga. Nihaal ke ghar 8 baje jana hai, 7 baje tum mere yaha ya fir unke ghar se mere sath mere ghar. Chalti hu.", Arjun ne bhi toh wahi socha tha ki bhabhi Dilbaag aur unke he baare me baat karna chahti hai. Jasleen wala mudda hota toh wo usko bade araam se vivash kar sakti thi. Jeep me baith kar usne nikalte hue bhabhi ko bas mand se haami bhari jo Renam ko duvidha me daal gayi jaise Arjun ne usko he muskura kar abhivadan kiya ho. Ek pal me he uske gaal gore se gulabi ho chale the aur aankhon me thoda darr jaise koyi aur na dekh chuka ho. Pata nahi ab Renam ki kya kahani thi kyonki sabke saamne toh usne Arjun ki tareef kabhi ki na thi aur aaj saamne se uska wo ishara dil me alag sukoon de gaya. Arjun ja chuka tha aur peeche log dopehar hone ki wajah se kahi susta rahe the toh kahi khaane peene ke stall par pahoch gaye. Iski raunak is shaam ko badhne wali thi aur agle din bhi lekin Arjun ko usme koyi dilchaspi nahi thi.
"Suchha Singh, tu Satwant bhai ke sath un mujrimo ko leke gaya tha na? Kaha band kiya un dono ko?", Kewal Singh in sub inspector sahab se josh se milne ke sath apne samkaksh sarpanch se hath milata hua ek taraf ho gaya tha.
"Band kiya? Wo toh khuli duniya me ajaad hai ab Kewal bhai. Maine toh unhe udhar chaupal me hath bandhwa kar band karwaya tha lekin abhi dekhne gaya toh janaab bhi sath the aur inse he pooch lo ke kya hua?", Kewal Singh ke maathe par bal padd gaye the ye sunn kar.
"Oh bhai Satte, kya bhaag gaye kya wo dono?"
"Upar pahoch gaye Kewal bhai. Dono ke 3-3 goliyan maar di kisi ne lekin awaaj jara bhi na aayi. Kamra bhi band he tha taale se. Ab idhar vardi me toh hu nahi aur ye maamla kahi report me bhi nahi aaya hua jo main pata karu. Suchha bhai arji dete hai toh main idhar wale station se baat kar leta hu ki aise 2 naami badmaash koyi chaupal wale kamre me maar kar chala gaya, Sarpanch Suchha Singh ji ki panchayat me."
"Oh bhai baksho mujhe aur meri sarpanchi ko. Main na report karta aur na mera aur panchayat ka is se koyi lena dena. Waise bhi toh unka L conter karte na tum log?"
"Encounter bhai sahab. Aur aapko pata hai main bande ko maarne nahi sudharne me yakeen karta hu. Lekin kuch sipahi mere se alag soch rakhte hai jo saja dene me waqt nahi lagate. Rabb ka he koyi banda inko de gaya hoga mukti. Ab aap hamare he bhai ho aur Daar ji ke bache jaise apne Kewal bhai sahab hai. Aap pe baat nahi aane denge aur usko band he rehne dena, andhera hote he saaf safaai ho jaaygi us jagah ki. Dekho aapko wo Vilayat Khan ji bula rahe hai, jaane se pehle milna hoga.", Satwant ji ki baat sunn kar Suchha Singh gadgad hota unke hath ko dono hath me pakad shukriya adaa karta gaya.
"Toh kya samjhe ki Shankar ya Inder?", Kewal Singh ne bahot dhimi awaaj me muskurate hue poocha tha.
"Shankar bhai ji saaf safaai me yakeen nahi karte Kewal. Aur in nishano ko main atche se jaanta hu jo goli khaane wale ko cheekhne ka mauka nahi dete. Waheguru Inder paah ji ko aise he bhale kaamo me lagaaye rakhe. Chalo pind chalte hai fir main duty pe nikalna. Waise toh Arjan se bhi milna tha lekin banda demand hai toh fir sahi."
.
.
"Ye sab kaise hua Krishan? Haweli me kaam karne wali ek sewika aisa akele toh nahi kar sakti aur jaha tak mujhe gyaat hai wo tumne he rakhi thi na?", Rameshwar ji hospital ke galiyare me apne bhai ke sath baithe the jo behad chintit tha. Devaki ko hosh aa chuka tha aur bhitar Roshni, Anamika uska haal le rahe the, Vinod apne tauji aur pita ke liye juice lene gaya tha.
"Akele toh Meena chara he nahi kaat sakti thi bhaiya aur Devaki ne bataya ki Mukandi uske sath tha. Dono bhaag gaye aur jo thodi bahot nagdi unke hath lagi wo le gaye. Takriban 4 sadhe 4 lakh.", Ab yaha Shankar kya gul khila ke gaya tha ye Rameshwar ji ko bhi maloom na tha kyonki Devaki ke hosh me aane ke baad wo he uske sath baat karke nikla tha. Dilbaag ki patti karwa ke usko khet chhodta hua. Bhishma jarur bharti tha jiske jaangh me goli lagi thi. Vinod bhi dono ko thanda juice dene ke baad bhitar kaksh me chala gaya apni maa aur biwi ko juice dene.
"Paise aani jaani cheej hai Krishan aur mujhe nahi lagta ki sirf itni he rakam ke liye koyi aurat aisa jokhim utha sakti hai. Wo Mukandi humne kabhi bhi pasand nahi tha kyonki majduro se dalaali lene wala insaan charitra aur jubaan se kabhi bhi fir sakta hai. Kaam toh wo bhi tumhare liye karta tha aur haweli ke darwaje tak ijajat thi usko. Meena ke baare me batao, baaki hum khud dekh lenge.", Ab Krishneshwar ke maathe par halka paseena aa gaya tha aur Rameshwar ji araam se santre ke ras ka ghoont lete hue kankhiyon se sab dekh rahe the.
"Wo.. wo Devaki ne he kaam par lagaai thi bhaiya aur Mukandi he usko leke aaya tha. Meena ko maine kabhi parde ke bina nahi dekha aur aapko khud pata hai ki main kitna he waqt ghar rehta hu. Sach toh ye bhi hai ki ghar aane he isliye laga ki pauta aaya hua hai. Jali kati sunn na wo bhi is umar me? Ab Binodiya thoda badal raha hai lekin Devaki pehle se badtar hoti gayi. Aaj main idhar aana he nahi chahta tha bhaiya lekin itne baras tak jiwan nirwaah kiya hai toh kuch waqt aur sahi. Bhabhi ke saamne ye sabhi apna rang badal lete hai lekin wo idhar reh toh nahi sakti na?", Rameshwar ji bhalibhaanti apne bhai ki awastha jaante the aur ye rishta khud unki maa ne he swikaar kar liya tha jab wo vivaad hua tha. Unhe hamesha se he Krishan ki chinta rehti thi aur yahi ek badi wajah thi ki Rameshwar ji jyada hastkshep nahi kar paate the.
"Kuch agla pichla pata hai tumhe us Mukandi aur Meena ke baare me? Baaki ye baat toh tum apni bhabhi se karo toh he behtar hoga. Devaki ke sar par 4 taanke aaye hai, kuch din aisa kuch matt kehna jis se vivaad ho. Aur Shankar ne samjhdari dikhai jo baat ko failne nahi diya.", Wo gilaas se antim ghoont le kar usko rakhne lage toh galiyare ki shuraat se Arjun aata dikha. Uski chaal kahi se bhi aisi nahi thi ki wo yaha kisi rishteydar se milne aaya hai.
"Nahi lekin Devaki jaanti hai."
"Choti daadi ko hosh aa gaya hoga dada ji?", Arjun ne pehla he sawaal thik Rameshwar ji wale andaaj me kiya tha, koyi laag lapet nahi bas policia andaaj.
"Main us ghatna ke baare me he jaankari le raha tha tumhare chote dada se. Udhar sab mangal kushal raha na? Aur tumhare pita ke sath baaki sabhi chale gaye?"
"Haan, ek ghante se upar ho gaya unhe gaye hue dada ji. Filhaal aapko mere sath jara choti daadi se milna chahiye. Waise bhi chacha aur chote dada ji toh abhi ghar nikal rahe hai Roshni bua ke sath. Bua aur didi ke sabhi documents wahi hai aur didi ka dakhila jaane ki kal antim tarikh hai, late fees ke sath.", Arjun ko jawaab dene me ab ye dono he asamarth the aur apne paute ke sath Devaki se milna unhe thoda ajeeb lag raha tha par chahat toh khud ki bhi thi ki wo sach ko jaan sake.
"Thik hai. Bini beta.. Tum bahu aur Aanchal bitiya ko haweli chhod kar Roshni bitiya ke ghar chale jaao. Tumhari maa bilkul thik hai aur usko gaanv le jaane ka prabandh hum kar denge.", Rameshwar ji ne Vinod ko doctor ke sath baat karte dekh beech me he tok diya.
"Main akela he chala jata hu didi ko le kar tau ji. Papa idhar he rahe, naahak pareshan honge."
"Unki beti ko shayad baap ke kandhe ki jarurat ho beta. Tum samajhdar ho rahe ho lekin Roshni agar kisi se baat kar sakti hai toh wo tumhare pita he hai. Phir yahi fainsla karenge ki wo ghar bitiya ke liye surakshit hai ya Roshni haweli me rahe. Ek se bhale 2 hote hai aur Krishan us maamle me ek majboot insaan hai.", Ab Krishneshwar thoda jhemp rahe the aur ye sach bhi tha ke wo saral vyakti hone ke sath mehnati mitti se jude insaan the aur jism kahi jyada majboot tha.
"Jaisa aap kahe tau ji. Wo bill ka pooch raha tha main inse lekin ye bol rahe hai ki ho gaya.", Doctor ki taraf ishara diya toh wo junior doctor bas hath jodd kar muskura diya.
"Chalo wo sab hum dekh lenge. Savdhani se jana aur doctor mareej baat kar sakta hai ya neend ki dawa di hui hai?", Arjun bas khamoshi se mahol ko dekh raha tha jabki uski chachi apni nanad aur dono bhanjiyon ko liye bahar aa chuki thi.
"Sir, jarurat he nahi thi anesthisia ki. Wo behosh darr se hui hongi, chot utni gehri nahi hai. Aap araam se baat kijiye, main discharge paper banwa kar aadhe ghante me milta hu.", Doctor bhi chala gaya aur Rameshwar ji ne bahu beti ke sath bachon ko bhi aashirwad dete hue vida kiya. Krishneshwar jaane se pehle thoda bhaavuk hote hue unke gala lag gaya tha.
"Sab sahi ho jaayega Krishan, tujhe teri bhabhi par yakeen hai toh ab wahi sab thik karegi. Uske paas fainsle ka haq hamesha se tha bas humne hath bandhe rakhe apni biwi ke. Tum araam se jao aur raat tak tumhari bhabhi bhi laut aayegi. Subah baat karenge.", Rameshwar ji se aashvast hone ke baad wo Arjun ka bhi sar dulaar kar nikal chale. Ab us neeji kaksh ke bahar ye dada paute the.
"Toh kya aadesh hai maharaaj? Ye khel bhi aapka he racha hua dikhta hai jiske baare me na bhogi ko pata hai na rogi ko. Naajuk nabz pe paanv rakhne se pehle jara dobara soch lena beta.", Rameshwar ji jaise usko cheta rahe the kyonki unhe sab manjoor tha bas Krishan ko dukhi nahi dekh sakte the aur uske pariwar ko salamat rakhna jimmewari thi.
"Khel toh bahot purana hai dada ji aur uske rachnakaar khud duniya me nahi rahe. Bas bhatke hue bahot se mohre aaj bhi jaane kis khoj me jute hai aur kya unki chahat hai ye khud wo nahi jaante. Aapke he usool aur niyam ka paalan hoga, yakeen rakhiye. Bas dil jara majboot rakhiyega aur baat sirf main karne wala hu andar.", Rameshwar ji ne bas mook swikriti de di thi jaise wo bhi utsuk the ki ye kaunsa khel aur kaunse mohre hai. Bhitar aate he Arjun ne darwaje ki chitakni chadha di aur us safed bister ke sirhane tek lagaye baithi Devaki apne jeth ko dekh ghoongat dhoondne lagi.
"Koyi jarurat nahi hai choti daadi, chot ke upar ghoongat na he le toh sahi rahega. Waise ab behtar mehsoos kar rahi hai ya dard jyada hai? Baithiye dada ji, bhagwan ka shukar hai ki Meena ne sirf dande se vaar kiya daadi par. Udhar toh darati, kassi aur gandasi tak the jo usko najar nahi aaye. Ab 4 lakh 38 hajaar ke badle jaan bach gayi bahot hai.", Arjun us steel ke golakar stool ko Devaki ki taraf khinchta hua unka hath pakad kar wahi baith gaya. Devaki ko vatanukulit kamre me paseena aane laga tha uski baat sunn kar.
"Main thik hu beta.. wo.. wo bas chook ho gayi thi thodi Meena ko samajhne me. Kameeni soodi chipkali thi jiska pata na chala mujhe. Bas sar pe vaar hua aur fir mujhe yaad nahi kuch. Hosh aaya toh idhar thi aur Shankar beta dusre doctor ke sath mera ilaaj kar raha tha. Jeth ji, paise ka hisaab ye dekh lenge.", Rameshwar ji sookh chuke hontho ko kholte band karte ajeeb si pashopesh me the kyonki Arjun ko paise ka poora pata tha aur Devaki ke sar par dande se vaar hua ye bhi jaanta tha.
"Paise aani jaani cheej hai chodi daadi aur Meena bechari jab haweli se bahar he nahi nikalti thi toh fir kaha bhaagti? Meri choti daadi par vaar kiya tha na usne toh mera bhi kuch farj banta hai. Aap hamare liye hamesha pariwar ki eham sadasya rahi hai wo alag hai ki.. khair chhodo ye sab lekin aapko ye yaad nahi tha ki Shabbir mere kabje me tha Indu ke bhai Satvir ke sath? Seerat ki maa se aap kal shaam ke baad nahi mili thi toh kaise pata chalta jo main unhe raat ko bata ke aaya tha.", Arjun ke gambhir chehre par ab halki mayoosi aa chuki thi lekin jaha Rameshwar ji uljhan me the wahi Devaki ke chehre ka rang ab peela padne laga tha.
"Mujhe kuch samajh nahi aa raha beta tu kaisi baatein kar raha hai aur wo Meena he thi jisne mujhe mara. Iske siwa mujhe kuch nahi pata ki tu Shabbir aur Satvir ko kabje me kyun liye hai. Mera unse koyi lena dena nahi."
"Thik hai maan leta hu ki koyi lena dena nahi hai. Meena mere kabje me hai, kismat se. Wo sab bata degi ki usne kiske kehne par ye sab kiya tha aur Mukandi ko aapne 4 ladkiyon ke badle 4 lakh rupaye diye iska pramaan bhi mil jaayega. Netram ki pauti Meena ke sath aksar 3-4 baje he toh mulakaat hoti thi aapki ya kahun uske aane ke baad aap phone karti thi aur wo najar rakhti thi. Aaj savere aisa nahi ho paya kyunki neend ki goli ne badhiya kaam kiya tha aur aakhiri mauke par jab baat nahi ho paayi toh khel thoda ulajh gaya. Saboot toh bhijwa diye aapne apne bhai ke paas jo lene aaya tha aapko. Maharaaj baba Kelam urf Tantrik Kalpatru ke sath. Waise meri maa aur mujhe marwane ki koyi thos wajah de sakti hai ya aap bhi bas ek nirdeshit pyada maatra hai?", Arjun kya bol raha tha wo sunn kar Rameshwar ji toh uske kandhe se hilate uthne ka bolne lage lekin usne naa me sar hila diya jab Devaki ki aankhen buri tarah faili dikhi.
"Jeth ji ye ladka paagal hai, aap nahi jaante ki iski najar.."
"Haan meri najar galat hai aapke us masoom mohre par jisko aap he mere paas bhej rahi thi. Usne he meri maa ki hatheli kaati jabki kaatne wo unki naadi lagi thi. Andhere aur shaadi ke shor me us jagah ek bebas si bahu aapki ummeed se thodi majboot nikli aur ye mohra itna kamjor jiski agar aap aur khaal utarne lagi toh aap khud maafi laayak nahi bachne wali. Main toh bas itna he kehne aaya tha ke aapse meri daadi baat karegi aur unhone sirf ek halka sa ishara diya na toh fainsla graam pramukh Arjun Rekha Sharma karega, kanoon aur gram mukhiya ke hisaab se. Ab aap najarband rahengi haweli me kal subah tak. Aatma-manthan ya chintan jo bhi karte rehna lekin ab aur aise khel nahi honge jisme masoom log mohre bane aapki adrishya ungliyon par naachte phire aur aap saboot jama karke unhe qaid rakhe. Shrimati Kaushalya Kanshiram bann ne ke liye tapasya karni padti hai, sabko prem me baandh ke. Shadyantro aur apno ki laash par kadam rakh kar sirf gunehgar he bana ja sakta hai. Chaliye dada ji, bahar gaadi aa gayi hai inhe lene ke liye.", Arjun khada ho kar unhe chetawani bhi de chuka tha ke ab koyi bhi gatividhi na hone paaye. Devaki ab khud shikaar ban chuki thi us yuvak ka jisko wo raaste se hatane me lagi thi. Galiyare me he ek surakshakarmi aur nurse inka intjaar kar rahe the. Arjun dwara sab samjhane ke baad wo log badi saavdhani se Devaki ko idhar se le chale jisne jara bhi pratirodh na dikhaya, aankhon me aansu jarur the par unka rang abhi saaf na tha. Rameshwar ji khamoshi se Arjun ke sath unke peeche chalte rahe jabtak ki ye dono jeep aur wo log us kaali car me na baith gaye.
"Tum jaante ho beta ki ye sirf pariwarik mudda nahi rahega agar tumhari ek bhi baat sach sabit hoti hai? Arjun isko roka ja sakta hai bete agar tum ye utawalpan aur choti moti baaton ko bewajah aise na jodo toh. Wo bhala kyun tumhari maa par humla karwane ka dussahas karegi? Aur ye Meena sirf naukrani hai jiske taar tum jaane kaha kaha jodd rahe ho. 4 lakh chori hue hai ya kisi ko diye lekin badle me ladkiyan? Mujhe lagta hai ki tum jarurat se jyada he kitabe padhne lage ho.", Rameshwar ji ab is jeep me jis tarah baithe the usme wo subah wala chamakdar swaroop nahi tha. Arjun chabi lagate hue us thandi parking se nikalta hua ujale me aaya toh hospital ke dwar se bahar nikalne tak bas khamosh raha.
"Aap duvidh me hai dada ji kyonki pehli baar aapka kanoon aapke he ghar me jata hua dikh raha hai. Isliye maine fainsla aapko nahi meri daadi par chhoda hai. Khullam khula ye khel ho raha hota toh Netram aur Kalpature bhi meri pakad me hote. Fir har gutthi sulajh jaati lekin aapko fir bhi ek baat bata deta hu.", Arjun us nirjan sadak par jeep chalate hue ek hath se seat ke niche laga lohe ka dhakkan kholne laga. Uski najar barabar saamne he thi is dauraan jaise usko pata ho ki bhitar rakhi cheej uski pahoch me hai. Kuch pal baad wo safed kapde ki bani gudiya nikal kar usne pandit ji ki goad me rakh di. Usne baat batane ka kaha tha lekin wo thandi aah bharta hua bas sadak kinare khamoshi se jeep chalata raha. Rameshwar ji kabhi us gudiya ko dekhte toh kabhi Arjun ke ashaant chehre ko. Unhe kuch samajh aata us se pehle he aankhon se 2 motti bunde 8-9 inch ki us khoobsurat gudiya par giri. Guddi.. ye unki pyari choti behan Guddi ki gudiya tha. Wo usko uthane ki koshish kar rahe the lekin jaise uska bojh itna jyada tha ki Rameshwar ji ke hatho ki ungliyan kaanpne lagi. Gale se bas rudan ki awaaj nikal paayi thi unke aur us nirjan sadak ke kinare jeep ruk chuki thi. Sar jhukaye Rameshwar ji us gudiya ko chehre se lagaye fafak kar ro rahe the aur unki haalat dekh Arjun bas khamoshi se aansu bahata raha. Apne dada ki peeth sehlate hue usne apne aansu ponch liye the.
"Aap ek behtareen bete hone ke sath he har behan ki ummeed se badhkar ek bhai the bau ji. Main toh 2 mahine pehle he samajh gaya tha ki aap log 2 nahi 3 santaan the Pandit Motilal ji ki lekin ye nahi pata tha ke jis lapata naam ka pata karne main nikla hu wo toh 50 baras se jyada pehle duniya se ja chuki hai. Main aapki sthiti nahi samajh sakta kyonki wo dard sirf aap tak simit hai lekin jaante hai aapke pita us dard se aajtak joojh rahe the. Unhe toh dafnane ke liye us masoom bachi ki laash tak naseeb nahi hui aur jab kal main vastavikta se ru-ba-ru hua toh main us gehre paani ki talhatti me he saans kho chuka tha. Guddi jaisi 56 aur masoom bachiyan andhvishwas aur tantra ki bhent chadh gayi jinke jism ka ek ansh tak na mila. Mile toh wo vastra jinse maine Sreedhar ko unke paas bhej diya, ansh matra bhi wajood me na rehne diya uska bhi. Lekin aapka dard main kam nahi kar saka bau ji, bas ye.. ye ek nishani jo aapke liye kisi pagdi, mala ya sammaan se bhi jaruri hai wo aapko diye bina main reh na saka. Aap mujhe keh rahe hai ki main choti moti harkato ko bada bana raha hu, saboot aapke hath me hai bau ji. Kya ye sirf ek kapde ki mamooli gudiya hai jisko aap yahi fenk sakte hai ya ab ek pal me aap fir se apni behan ke aur kareeb ho gaye hai?", Arjun ke sambhalne aur jagah ka bhaan hote he Rameshwar ji ne chehre saaf karte hue kritagyata se Arjun ko sar hila kar dhanyawaad diya. Wo ab usko apne seene se lagye the jaise kahi Arjun wo unse chheen na le. Arjun ne unki haalat par halke se muskura kar wo pehle se rakhi paani ki bottle dhakkan khol kar unki taraf badha di.
"Jyada thanda nahi hai lekin sukoon jarur dega bau ji. Thik purani yaadon ki tarah.", Gear daal kar Arjun fir se aage badh chala toh is baar khud par sharminda hote hue Rameshwar ji ne uska sar sehla diya.
"Maaf karna bete, hum apni he aulaad ko kamm aankne ki galti kar baithe. Ye bhool chuke the ki tum ab hamare paute hone ke sath hamare pita ke mitra bhi ho. Haan meri behan mera jiwan thi aur aaj tak neend me main Raame beer ji sunta hu toh fir so nahi pata. Ab shayad behtar neend aaye jab wo sath he mehfooj hogi. Tumhe ye mili kaha se? Kya us jagah tum mujhe le ja sakte ho?", Wo toh Devaki ka mudda he bhool baithe the is jiwan ke sarvoch uphaar ko prapt karke.
"Ateet me sirf main he ja sakta hu Pandit ji, jaisi aapke pita ji ki aagya hai aur aapse liya vachan. Waise udhar ab dhool bhi nahi bachi agar aap kuch aur bhi milne ki aasha liye hai. Haan kaanch ki choodiyan de dunga aapko jinhe maine joda hai aur ek angoothe wali chappal bhi. Koshish kijiyega ki aap is dauraan chote dada ji ke sath samay bitaye aur daadi ko he fainsla karne de jinhe bade pandit ji ne swayam haweli ki pramukh mana tha.", Jeep me ab baatein kuch behtar tarike se hone lagi thi jaise humumar aur saaf soch wale 2 vyaktiyon ke beech hoti hai.
"Toh Meena tumhare paas hai?"
"Nahi lekin wo hai inkhe he bade bhai ki pauti ya pata nahi kya sach hai. Maamla thoda sa bada nikla meri soch se nahi toh Nekiram toh shikanje me hota aur sath he wo dusra apradhi tantrik jo Sreedhar jaisa nahi hai."
"Ye ladkiyon ka maamla kya hai bete? Kya hume iski jaankari honi chahiye?"
"Bas itna he bata sakta hu ki unko agwaah karke qaid rakha gaya tha. Ek ladki takriban 35 din se aur aise he har hafte baad 3 aur. Mukandi ye sab kar raha tha aur Devaki ji karwa rahi thi, harek badle 1 lakh usko dete hue. Kal panchvi ladki ke liye unhone 50 hajaar peshgi di thi jiska raaj raat ko khula aur tabhi maine un par najar rakhwa di thi. Devaki daadi ke baad wo log un ladkiyon ko bhi le jaane wale the apne sath. Aap ye baat bas apne tak rakhenge dada ji, maine filhaal ye kanoon ke sanrakshak ki jagah apne dada ji ko bataya hai. Aapke pita bahot nekdil aur logo ki bhalaai karne wale insaan the, unke sukh dukh me shamil rehne wale. Bahot bojh liye wo is duniya se rukhsat hue the aur unhe bhi Devaki pasand nahi thi. Wo aapki mata ji ke kaaran kuch kar na sake aur unke baad aapne bhi unka aur apne bhai ka sammaan rakha lekin yaha pariwar ki mukhiya sahi fainsla lengi kyonki wo jimmewar hai aur un par koyi vachan ya niyam laagu nahi hota meri tarah.", Arjun gaanv mudne wali sadak ke kareeb pahoch chuka tha aur suraj bhi aasmaan me kuch niche utarne ki avastha me.
"Bas hum ye vichaar kar rahe the ki aise maamle me kitni dharayen lag sakti hai. Apharan, hatyaro ka sath dena, nabaligo par atyachaar, apradhik giroh chalana, dhakkeshahi-blackmail aur isme kahi koyi khoon-voon shamil hua toh.. Hamare pariwar ke naam par ye ek gehra dhabba hoga bete aur wo bhi tab jab humne sabke saamne apne pita ko unka wo sammaan lautaya ho."
"Aap dohra soch rahe hai bau ji. Pariwar me gunehgaaro aur wo bhi is darje ke ho toh swayam Pandit Motilal ji ki najro me wo sirf aur sirf mrityu ke haqdar kehlate hai kyonki insaan jitne bade auhde par hota hai..
"Uski naitik aur samajik jimmewari bhi utni he badi hoti hai. Uske liye agar aisa awsar aaye jab kisi apne ko he dandit karna pade toh aisa jaruri hai kyonki aap galat nahi kar rahe, galat ko saja de kar udaharan rakh rahe hai... Hume bhi unki ye shiksha yaad hai aur waise ye tumhe humne he bataai thi.", Rameshwar ji ne is baar sneh se uski peeth thapthapaayi thi.
"Toh rishwat khatam hui ya aur bhi kuch hai jo unse juda ho tumhare paas?", Rameshwar ji ki aasha dekh kar Arjun ne gaadi chalate hue he apne maathe par hath rakh liya.
"Bas ab main he hu jo unse juda hua hu dada ji aur main pehle se aapke pas hu. Kal mil aana Abhishek ji se daadi ke sath aur parso subah college ki neev rakh ke wapis apne bagiche aur sansaar me. Yaha thodi mehnat karni baaki hai aur fir araam bhi karunga. Udhar toh wo mumkin nahi.", Arjun chaupaal se gujra toh Vilayat khan ji hukka peete hue bhi usko hath hila kar muskuraye jikse badle me Arjun ne bhi thik waisa he kiya.
"Bade ho gaye ho aur sach kahu toh karam se bhi hamare pita ji jaise ya unka thoda anadar karte kahu toh meri soch se bhi badhiya. Kalpatru aur in jhanjhato se hum khud nibat lenge. Kumari Amrita ne hume bataya hai ki Bindiya 2 taarikh ko aa rahi hai aur tumse milne ki itcha hai uski. Hum toh wo sab rishtey bhi bas samjhauto se jode hue the jaise taise lekin tumne unhe bhi sath la kar atcha udaharan pesh kiya. Jaante ho uske baad he tum waaris ban gaye the.", Arjun ne haami bhari.
"Aapne aur daadi ne yahi toh sikhaya hai ki hath jodd kar aapki taaqat ka behtar pata lagta hai. Unhe khol kar dushman chahe jitne marji badha lo. Waise ek majedar baat batau jo aapko nahi pata?", Haweli ke kapaat sewak ne he khole the horn ki awaaj par. Unke peeche he wo kaali car yaha tak aa pahuchi thi.
"Ab kaunsa bomb fodd rahe ho bhai jo hume nahi pata.?"
"Krishan dada ji aur Sombir Singh aapas me sahdu bhai lagte hai. Wo alag baat hai ki Devaki ji Chandro daadi ke chacha ki beti hai aur aapas me in dono ki bolchal shuru se nahi hai. Bade bhai rasookhdar aur ijjatt ko ehmiyat dene wale aur chota bas doodhwala aur kapti jisko bina mehnat ke raja samaan bann na tha aur yahi usne bacho ke dimaag me bhar diya. Krishan dada ji bhi aapko sabkuch nahi batate lekin main ugalwa leta hu apne tarike se.", Andar aate he usne khud apne dada ki sahayata ki utarne me kyonki wo kuch kamjori mehsoos kar rahe the. Yaha Anamika ko jis tarah Arjun ne bulaya tha wo Rameshwar ji ko behad pasand aaya.
"Chachi, jara mehmaan kamre me inka prabandh dekh lijiye. Laali ki maa aa gayi thi na samay se? Bas wahi inka khana leke jaayengi aur baaki aap he dekhiye, ghar aapka hai.", Arjun ki baat poori hote he takriban 36-37 baras ki wo mahila pashuo ke baade se nikal kar hath dhone ke baad nurse aur Devaki ko liye galiyare wale aakhiri kamre ki taraf chali gayi. Raj-mehal se aaye prehri ko bhi Aanchal ne paani diya in dono ke sath aur sewak ne wahi darwaje ke paas uske liye manji laga di. Anamika ke chehre ki bholi khushi swayam Rameshwar ji ko pasand aayi jinhone paani ka dhanyawaad karne ke baad aashirwaad diya aur us bache ko goad me lete hue charpaayi par he baith gaye.
"Toh fir hamare pariwar ki sabse choti bahu ab bimaar nahi dikhti? Ek aur sewika ke liye main Krishan ko.. Arjun ek aur sewika badhwa do bhai yaha. Kharcha toh tumhe mehal se milta he hai fir kyun hamari bahu ek he sewika par nirbhar rahe. Ye nanha Niketan bhi toh apne aap me sampoorn jimmewari hai?", Ab chai banane ke liye Anamika chachi muskurati hui rasoighar me dakhil hui thi jaha shayad Aanchal unke maje lene lagi.
"Socha bhi yahi tha bau ji aur ab wo pichle hisse wala bagicha bhi thoda sudharna hai. Aapne udhar har haweli par kutte bhent kiye hue hai lekin jaha sabse jyada jarurat hai waha bas gali se 1-2 aa jaate hai wo chote dada ji ke sath aur doodh pee ke chalte bante hai. Jaggi bhaiya ko bol diya hai maine lekin aap bhi dekhna agar koyi Sangwan uncle ke paas jaise hai waisa mile toh. Roshni bua bhi yahi rahengi, unhone Komal didi ko bataya tha ke wo apne papa aur pariwar me he rehna chahti hai.", Arjun har pal apne dada ko ye ehsaas karwa raha tha ke is kam umar me wo unke jaisa he sochne laga hai, haan chanchal aur bhavuk toh tha wo par pehle pariwar he prathmikta tha uski.
"Ji mukhiya ji. Waise kisi ka phone aaya tha kya Aanchal bitiya?", Unhone rasoi se telephone wale kamre ki taraf jaati Aanchal se poocha tha.
"Nana ji, badi naani ka phone aaya tha ke wo log koyi mundan ke liye ja rahe hai aur fir ek ghante baad wapis chalenge. Us baat ko ek ghanta ho gaya hai aur unhe pahochne me 3 ghante lage the toh raat 8 baje tak wo laut bhi aane wale hai. Haan, Lala ji aur headmaster ji ka bhi phone aaya tha ke wo aapki pratiksha kar rahe hai. Mujhe dhyaan he nahi raha kyonki aaj toh phone bahot aaye hai aur kayi aaye honge jab hum log ghar nahi the.", Rameshwar ji hanste hue wapis bache se khelne lag gaye the aur Arjun ke kapde toliya taar par taang kar Anamika chachi wapis rasoighar me chali gayi thi.
"Waah beta tum le rahe ho asli mauj. Toh yaha bhi tum Krishan jaise ho gaye kya jo motor par he nahane lage?", Arjun unki baat sunte hue he kameej patloon khol kar nikkar pehne us bade se pipe ke niche ja baitha. Thode bahot maar ke nishaan dikh rahe the par khaas nahi. Garmi me wo thanda paani jo seedha dharti ke garbh se nikalta hua uske jism par gir raha tha, pal me he saari thakaan utaar gaya.
"Daadi khayaal rakhti hai mera bau ji. Unhone yaha sabko pehle he trained kar diya tha ke mujhe kaise rahna pasand hai. Vinod chacha ne toh generator aur Computer tak lagwa diya mere liye. Abhi dekhna badaam ka doodh aur khuraak aapki chai ke sath he idhar aane wali hai. Ab jiski aisi thaanedar daadi ho bhala usko kya jarurat mehnat majduri ki.", Arjun ke majaak par unhone he apne sar par hath rakh liya tha. Nurse bhi Devaki ka kamra sucharu karwane ke baad usko neend ka injection de kar idhar khule aangan me he aa baithi thi jiski upasthithi dekh Arjun turant kamar par toliya lapet kar sarpat apni chachi ke kamre me daud gaya, kapde uthata. Aanchal ke sath swayam Pandit ji bhi hans rahe the aur nurse bas us yuvak ki jhalak is awastha me dekh kar apne vicharo me. Bahot bada fainsla liya jaane wala tha lekin us se pehle mahol me wo gambhirta na rahi thi jaisi subah se dhoop-chaanv ki tarah aa ja rahi thi. Niketan ne apne bade dada ke hath se wo gudiya leni chahi toh unhone hanste hue naa me sar hilaya lekin fir de bhi di. Bacha bhi jaise us par adhikar nahi rakhna chahta tha jisne wo wapis unke chehre se laga di. Antima na sahi lekin ye bhi Guddi ki itcha rahi hogi ki uska bada bhai Raame ek baar toh us se mile. Arjun ne unhe fir se milwa diya tha.
.
.
"Ye kahi se bhi insaan na hai maa. Dekho ye gaadi maine mere hisaab se tayaar karwai thi lekin isme bhi ye bas jaise taise fit hua hai. Bade bhai, nayi gaadi leni padegi tumhare liye.", Ganga ghaat par sabhi kriya poori karne ke baad jab ye log wapis gaade me baithne aaye toh ab Sambhav ke lambe kesh nadarad the jinki jagah sirf ek choti bachi thi lekin daadhi waisi he barkaraar. Safed dhoti aur waise he kurte me jab wo us videshi badi jeep me agli seat par baitha toh ek baar gaadi ko bhi mehsoos hua ke koyi baitha hai. Umed sab dekh raha tha aur usne aisa majaak me kaha tha apni maa, chachi aur rani maa se.
"Anuj, maata kaushalya ji ko bata chuke hai ki hum pariwarik insaan nahi hai. Naye vaahan par vyarth paisa mat kharchna. Ye bhi ek prayojan tha aur pita ji ki antim itcha jiska sammaan samaaj se virakt bhi karta hai. Maata Purnima ji ke sath tum atche se jiwan vyatit kar rahe ho aur usme hum kahi se bhi shaamil hone laayak nahi.", Apni taraf ka wo thandi hawa fenkne wala gola dhakkan se band karte hue Sambhav ne shisha niche utaar diya. Unki aisi gambhir baat ne mahol thoda jyada he ajeeb bana diya tha.
"Main fir se apne bache ko bada kar sakti hu Sambhav aur ab toh vachan bhi poora hua. Tumhe ghar chalna chahiye bete aur abhi tum apne baaki 3 bhaiyon se bhi nahi mile ho. Samay toh Kumar ke sath bhi nahi bitaya hai aur na apne chacha ke. Main dabaav nahi daal rahi beta lekin meri sthiti tum nahi samajh rahe. Tumhe lagta hoga ki aaj he mile ho aur 50 baras ka fer mere dil me hoga, lekin mujhe aisa lag raha hai jaise maine tumhe aaj he janam diya hai.", Peeche baithi Purnima ji ne jis tarah us baal viheen sar ko sehlaya tha Sambhav ki aankhen kuch pal ke liye moond gayi.
"Rone nahi denge aapko parantu hum sirf saawan ka mahina he aapke sath vyatit kar sakte hai aur usme bhi bahot sharte laagu hongi maate. Waise bhaiyon ke alawa hamari ek ek choti behan aap teeno se hai. Jaante hai hum rakshabandh ke baare me aur hum chahte hai ki hamari kalaai par bhi dhaga bandhe. Us shraavan maas me he jhoole lagte hai aur antim samay rakshabandhan ka tyohar bhi. 11 maas hum wahi rahenge jaha hume rehne ke liye kaha gaya tha. Wo bhi ghar hai aur udhar bhi pariwar hai jaha hamare bache aur dost hai.", Sambhav chalti car se dekh raha tha neele aasman ne gehri hoti laali ko aur uske chehre par wo anootha tej Umed dekh kar muskura raha tha. Wo iska bada bhai tha aur ek aisa adhbutt insaan jisme leshmatra bhi koyi chahat na thi.
"Haan fir ek mahine tum mere pas aur ek main tumhare. Lekin us jungle ki jagah tum wo mahina apne pita ke ghar me rahoge. Aur sharte bhi bata do jara apni, kya pata unme kuch badlaav karwana pade.", Kaushalya ji apni behan ki chalaki par muskura rahi thi. Wo khamosh thi us pal se jab unhone Raghuvir ji ke liye path kiya tha aur Purnima ji ne waha par Sambhav ke sath unhe shamil kiya, jis par rani maa ko bhi eitraaj na hua.
"Kayi baar hum wahi toh sote hai. Nahi toh machaan par, tille par ya fir haweli ke prangan me. Shart jyada nahi hai lekin jaruri hai jisme se pehli hai ki hum vanvaas aashram ka nirvaah karenge matlab vivaah ke baare me sochna bhi paap hai. Dusri, hum aapse bhojan aur sneh ke siwa kuch nahi le sakte aur antim shart hai ki hum waha aayenge toh Amavas bhi hamare sath aayega aur hum bhoomi par sone ke aadi hai. Haan baaki pariwar yahi rahega kyonki wo apna kaam samajhte hai parantu Amavas hamari gair-maujdgi me bas ek he sthaan par baitha rehta hai, ann-jal tyaag kar. Inme ferbadal kya ho sakta hai aapki najar me?"
"Waha pehle he ghode-bhediye bhare hue hai toh ek aur aa jaaye is se koyi pareshani nahi hone wali. Shaadi.. ab iske baare me main kya keh sakti hu lekin maa jo dena chahe wo de sakti hai itna dhyaan rakhna."
"Inki shaadi? Pata bhi nahi ki samkaksh aurat milegi bhi ya nahi. Waise thoda gyaan hum bhi rakhte hai aashram aur sant-jiwan ka. Ek maa apne hath se bana hua kuch bhi apne sanyasi bete ko de sakti hai aur bade bhai tum sanyaasi nahi ho vachanbadh yogi ho jaisa tum chachi ko bata rahe the. Samaaj me thoda sa shamil hote he tum bhi dimaag chalane lage ho. Waise hisaab toh ye banta hai ki agar ek mahina tumhe avkaash rehta hai toh 20 din tum udhar aur 10 din bua ke sath rahoge, ye bhi toh maa hai na aapki. Aur tumhari taraf bhi aisa he hoga. Matlab chachi aur maa 20 din gaanv aa sakti hai aur bua 10 din tumhare pas mehal se.", Umed ke aise nirnaya par rani maa ne muskaan ke sath Umed ka sar sehlaya tha jinhe wo aaine se dekh kar pratiuttar me muskuraya.
"Insaan samajhdar ho tum anuj aur hum sehmat hai is baat se. Bas un chikitsak mahodaya se hum thodi duri rakhenge, jara uttejjak insaan hai wo. Aur hum ghar se bahar nahi jayenge kisi mehfil ya aayojan par."
"Sabkuch ek takhti par likh ke de dena bhai jis se yaad rahe ke kya kar sakte hai aur kya nahi. Tum Bhole se dur rehne ki koshish kar sakte ho lekin ab wo jaan chuka hoga ke tum uske bade bhai ho aur wo musibat bina bulaye he gale aa padti hai jo fir jiwanbhar sath rahegi. Dekhte hai tumhe wo kya kya banata hai jab uske pas rahoge. Agle mahine ke baad aaya saawan matlab tumhara shravan maas. Lene aa jaunga us se pehli raat ko he. Waise tum 2-3 saal toh poochtaach me he ganwa doge. Kyun chachi? Sahi kaha na maine?", Umed ko itni raftaar se gaadi chalate hue Sambhav thoda ashaant dikh rahe the lekin kuch kaha nahi.
"Koyi pooche toh sahi sawaal mere bache se, hukka paani band kar dungi chahe fir wo tere poojniya chacha ji he ho. Aur Sambhav jaisa chahega isko waisa he mahol milega. Beta ab itna kar sakta hai toh hume bhi iski har ithcha ka samarthan karna chahiye. Bas Shankar is sab ke beech nahi aata toh uski jimmewari main nahi leti.", Unki baat par ab Purnima ji bhi hans di thi kyonki wo bhi apne is bhole bete ko jaanti thi jo sabse ziddi bhi tha aur sahi ko ulta karne wala bhi, Shankar.
"Waise hum aa sakte hai aapke ghar Umed?", Rani maa ke aise sambodhan par pehli baar Purnima ji ne ek adrishya haq se unke kandhe par chapat rakhi thi.
"Aapka bhi ghar hai wo Saundarya, bete ke hisaab se bhi aur dusre rishtey se bhi. Hum toh yahi kahenge ki Sambhav waha 30 din rahe agar aapka mumkin ho toh. Mehal ke toh kareeb he hai ye lekin aapko bhi udhar behtar lagega aur hume bhi. Kaushalya bas 30 minute dur hai humse toh iska masla nahi. Waise bhi antim itcha me jo naam likhe the wo sirf us ek karya tak simit nahi the Sambhav. Uska arth ye bhi tha ke wo pariwar hai. Tumhe neend aa rahi hai beta.", Purnima ji ne bahar wale shishe me dekh liya tha ke unke sehlane se Sambhav aankhen band karne laga tha.
"Bas thoda sa he aur sehla do maate. Hume tivra-gati se ajeeb ehsaas hota hai aur 16 baras ki umar ke baad hume iska jyada anubhav bhi nahi raha. Haan maate aise he..", Wo sachmuch he shaant ho gaya tha aur Umed apne is pahaad se bhai ko aise soye dekh gati kuch kam karta hua bas muskura diya.
"Maa toh jogi kya bhogi ko bhi sahi jeena sikha deti hai aur ye toh paida he aaj hua hai.", Kaushalya ji ke is kathan par baaki teeno hans diye the aur fir wapis khamosh ho gaye. Umed ab poori ekagrata se gaadi dauda raha tha. Rani maa ko mehal chhodne ke baad usne apni chachi ko bhi chhodna tha wapis ghar jaane se pehle. Uske pita ki antim itcha me shamil us adrishya tatva ko uski maa ne sahi se padh liya tha kyonki kuch baatein aksar nahi darshate, bhavnaaye behtar samjhati hai.
.
.
Arjun paidal he us talaab ke paas ja pahucha tha jaha Minakshi us se milne aayi thi. Laali ne apna kaam pehle he kar dikhaya tha aur uska inaam Arjun ne filhaal toh samajik roop me diya tha jabki vyaktigat taur par wo uske ehsaan ko chahe na chuka sakta ho lekin shehar ghumane aur naye kapde Minakshi ke sath le kar jaane ka usne vada kiya tha. Aaj Minakshi track-tshirt ki jagah peele salwar kameej, jis par safed karigari aur punjabi jooti pehne aayi thi. Uska wo saral chehra aaj pehle se he gore ki jagah surkh dikh raha tha aur ye shaam ka dhundalka.
"Jyada intjaar toh nahi karwaya maine aapko?", Arjun toh bas uske is roop aur sharirik bhasha ko dekhta hua jadd sa ho chala tha. Minakshi santulit sharir ki lambi chharhari yuvti thi jiska nikhaar kahi se bhi Jeenat jaisi aadhunika se kam na tha balki uski saadgi kahi jyada prabhavi.
"Shayad main aur intjaar kar sakta tha agar pata hota ki aap ka aagman aisa hone wala hai. Sorry... Thank you Minakshi ji, main nahi jaanta tha ke wo sab mumkin ho bhi sakega ya nahi lekin dekhiye is gaanv me meri har pareshani aapne he dur ki. Ek gustakhi kar sakta hu?", Apni aisi tareef par Minakshi ke dil ki dhadkan he jaisi usko rukti si lagi. Wo idhar aane se pehle 30 minute tak sirf is duvidha me rahi thi ki kya pehne aur kya Arjun bas usko kaam ke liye he bula raha hai. Fir wo sakratmak soch liye thik pariwarik veshbhusha me aayi jaha koyi makeup na tha. Ab gustakhi ne alag he duvidha me daal diya tha.
"Aapne bahot kuch kiya hai wo bhi jisme aapka koyi swarth nahi tha. Fir ye toh mera janamsthaan hai aur aap hamare mukhiya bhi. Jaanti hu aap kuch galat nahi karenge lekin agar waisa kuch hai toh bhi koyi baat nahi."
"Oh maa.. Sachmuch aisa samarpan wo bhi ek musafir ke prati? Aap bas apne aap me he ek hai Minakshi ji. Main toh ye gustakhi karne wala hu ki sunday ko daadi college ki neev rakhne wali hai aur tab aap unki bagal me khadi ho. Dene ke liye toh mere paas mera kuch nahi hai bas aapko sabke saamne main ek misaal ki tarah lana chahta hu. College, course, khel aur fir samajik yogdaan dene wali ladki jo utni he aadarsh hai jitni har insaan chahta hai. Banengi meri daadi ke sath us pal ka chehra?", Minakshi jaha pehle bhochakki thi woh agle he pal Arjun ke seene se ja lagi jab khushi ke aansu he beh chale. Ya dur dur tak koyi na tha aur agar koyi hota toh dikh pehle jata. Arjun ne Minakshi ko apne maanush swabhaav ka ye anmol pradarshan karne diya jisme sachmuch usko sahare ki jarurat thi. Wo jab alag hui toh muthi me dabaye rumaal se chehre paunchne lagi.
"Sorry Arjun ji. Kabhi kabhi emotions chaah kar bhi nahi ruk sakte. Wo express karna bhi nahi aata hume jyada.", Wo aansu saaf karti hui bhi sharma rahi thi apni harkat par.
"Sach kahu toh aapka express karne ka tarika sabse swabhavik aur atcha hai. Kam se kam akele toh khush nahi hui aap?"
"Aap ab jo keh rahe hai uska arth samajhti hu main. Aapko agar bura laga toh sorry aur mujhe itne sammaan ke laayak samajhne ke liye thank you. Waise Laali bahot khush thi."
"Aap khush, Laali khush aur gaanv khush. Apna toh target jaldi he poora ho gaya. Waise mele me nahi aayi thi aap?", Arjun uske kareeb he khada tha aur jaane kis aakarshan me ya apni aadatvash usne ungliyan aapas me uljhati Minakshi ke dono hath apne hath me le liye the. Arjun ka dhyaan Minakshi se baaton aur chehre par tha aur Minakshi ka apni haalat ko sambhalne me jo ab kuch buri ho chali thi.
"Aap waha .. aapko ladte hue nahi.. dekh sakti. Suna jarur tha ki aapke bhi chot aayi hai aur isliye maine aapse shaam ko ek bar milne ka kaha tha. Bas bhool gayi thi aapki baat sunn kar. Kaha chot aayi hai aapke?", Ghabrati hui Minakshi ne ab khud par he ye vaar karwa liya tha chot ki jagah pooch kar. Dil ke kareeb he pasliyon par uska hath rakhte hue Arjun ne keh toh badi sehajta se diya.
"Yaha lekin ab behtar hai.", Wo kuch galat bhi nahi bol raha tha lekin us dhadakte dil ko apni hatheli par mehsoos karna aur Arjun dwara ye kehna ki ab behtar hai. Minakshi ki himmat jawaab de gayi aur wo jo bas dil me dabaye hue thi uske mooh se tab nikla jab wo uske seene se fir se ja lipti lekin is baar ye khushi ka pehle sa ijhaar na tha.
"Main jaane kab pyaar kar baithi aapse Arjun aur mujhe nahi pata tha ke wo ajeeb sa lagna ya aapka intjaar karna kyun mujhe pasand aane laga hai lekin main waisa karti rahi aur jab aap mere sath the waha park me tab bhi main chahti thi ki aap bas ek bar mera hath pakad lo, meri aur koyi itcha nahi aur na koyi chahat. Hamara koyi mel nahi lekin bas ab sukoon hai ki aapne mujhe ek pal ke liye he sahi lekin apni dhadkan se toh joda. Thank you so much Arjun is paagal ki haalat samajhne ke liye.", Arjun toh hatprabh sa tha jo is pal me itni khush aur bhaavuk hui is saral hridya yuvti ko jara bhi thes nahi pahucha sakta tha.
"Hum shayad khule aasman ke niche khade hai Minakshi ji aur ek ladke ke sath ... Chaliye main aapko ghar chhod deta hu aur kal khel-ghar ke baad milte hai.", Arjun ne alag hone se pehle bas halke se uski peeth sehla kar thodi himmat dene ki koshish ki. Minakshi bhi sar jhukaye ekdum se he alag ho kar mudi jaha ye Shankar ji ki ghadi apna khel dikha gayi uska dupatta faans kar. Wo wapis mudi toh najre tak na mila pa rahi thi aur Arjun ne kalaai khud he aage kar di us dupatte ke kinare nikle dhaage ko nikalne ke liye.
"Aap meri ek itcha poori kar sakte hai?", Ye bhi Minakshi ne bina najre milaaye kaha tha.
"Bas me hogi toh har itcha poori karne ki koshish karunga Minakshi ji."
"Chikoti kaat dijiye jara hamari kalaai par.", Un aankhon me is baar jo aansu the wo dhara-swaroop the lekin ek muskaan ke sath aur bas yahi aisa pal hota tha jab Arjun khud beh jata tha saamne wale ke prem me. Kalaai ghadi se dhaga nikalte hath ko ho pakadte hue usne Minakshi ko apne bilkul kareeb khinch liya, itne kareeb ki uska seena Arjun ke seene se kuch niche sparsh hone laga tha. Wo najre utha kar Arjun ki agli harkat ka injtaar kar rahi thi jaha wo uske chikoti kaate lekin wo apne chehre par jhukete hontho ko dekh Minakshi ki aankhen band hoti gayi Arjun ki dono baglo par kasti muttiyon ke sath. Pratham purush sparsh wo bhi doobte suraj aur gehraati shaam me aisi nirjan jagah jaha sirf ye 2 he log the. Chumban se poori tarah anbhigya rahi Minakshi ke naram adhar kuch pal Arjun ke labo se jude rahe aur saans lene ke liye khule toh ye pal aur gehra gaya. Mukh-ras ka badalna he hua tha ki Minakshi uski giraft se nikalti hui apni ukhdi saansein sanyatt karne lagi. Arjun ke kuch bhi kehne se pehle wo tej kadmo se apne ghar ki taraf badh chuki thi jaise ye uski ankahi ek aur itcha poori ho gayi thi aur iske aage uska astitva na tha. Bas Arjun dekhta raha usko gali me daakhil hote hue aur uske baad khud ko he laanat deta wo ab Jaggi ke ghar ki taraf badh chala. Rani ke sath sath usne Jasleen ka haal bhi lena tha udhar aur ab yahi thoda samay bita kar Nihaal ke ghar jana tha jaha ek alag aafat uske gale padne wali thi.
Antim Itcha (2)
"Toh hum log meri gaadi me sath he chalne wale hai? Yaha jarurat padi toh Inder?", Arjun wapis laut aaya tha Ritu ke sath, jabki Rameshwar ji Vinod aur Anamika bahu ke sath Roshni ko bhi le kar hospital ja chuke the. Mele ke rang ab kahi nikhre dikh rahe the jinhe is baat ka ilm tak na tha ke aaj Pandit ji ke pariwar ne kya kuch dekh liya hai. Ab us neeli cielo ka darwaja kholne se pehle Shankar ka ye sawaal apne bhai se tha jiske jism par wo dheeli kameej Arjun ki thi, haweli se kapde badalne ke baad.
"Bol ke toh gaye hai ki main yaha nahi ruku par dil nahi maan raha halaat dekhte hue. Unhone toh chacha ko bhi hamare sath he lautne ke liye kaha hai. Waisa kuch dubara toh nahi hoga par chhaanbin.. Shankar ye baat jaisi dikh rahi hai waisi hai nahi bhai kyonki tune khud tere jiwan ko kharaab karne wala wo saadhu dekha. Waise teri team aajkal berojgar he hai na? Ab hum bhi saamne nahi aate aur idhar ka mayajaal Arjun ka he dikh raha hai jo nishchint hai itna sab hone ke baad bhi. Chal bhai, ghar jaa ke he jugat bhidate hai kuch kyonki samasyayen abhi anginat hai jinke baare me mujhe bhi tujhe kuch batana hai. Raat ko lautne ke baad se abhi tak tujhse toh baat bhi nahi kar paya. Komal ko bhi le chal.", Narinder ji apne bhai se chabi lete hue khud driver seat par ja baithe the. Shankar ne gehri saans bharne ke baad paseena saaf kiya aur dusri taraf dekha toh Komal apne bhai ke kaan khinchti hui kuch samjha rahi thi aur Ritu najre jhukaye mand mand hansti dikhi. Is pal me Arjun ke chehre par kahi se bhi un dono jaise bhaav na the jaise sachmuch usko daant he padd rahi ho. Fir jis tarah se Komal ne uska gaal sehlane ke baad Aankha ka jakham jancha toh Shankar ji samajh gaye ki wo badi behan kya hidayte de rahi hogi.
"Chalo papa, 2 baj chuke hai aur aap toh 1 baje nikalne waale the. Jaante ho Arjun ne he Abhishek bhaiya ko idhar aane ke liye mana kiya tha. Tabhi uski khinchaai ho rahi hai aur us bewkoof ne waisa kyun kiya toh uska thik jawaab bhi nahi hai uske paas. Chote daadu, chaliye aap bhi aa jaiye. Bauji toh lagta hai abhi 2 din yahi rehne wale hai.", Col sahab bhi sabhi bujurgo se mel-milaap karne ke baad Jagtaar ke dada ji ka bhi abhivadan karte hue chand minute unke sath bita kar he aaye.
"Shankar puttar, sab thik toh hai na? Yar main soch raha tha ke bhai sahab ko load na padd jaaye kisi ki?", Col sahab Narinder ki bagal me he baithe the aur ab pichli seat par Ritu ke sath Shankar ji ne baithne se pehle safari se Komal ka samaan wapis is car me rakha. Dono betiyon ke sath wo dikhave ke liye khush the aur unki najar barabar Arjun par bani thi jo saleti shisho se bhi bhitar us chehre ko dekh raha tha jo usko.
"Waha sirf hum he log hai chacha ji papa ke sath. Yaha dekh rahe ho, ye poori janta unki hai. Wo bade pariwar me hai aur agar wo nahi chahte ki hum idhar ho toh wajah jarur hogi. Inder wo XXXX dhaabe par rok liye yar. Subah nastha bhi sahi se nahi kiya aur ab dimaag bhi bol raha ke khaa lena chahiye. Inhone bhi kuch nahi khaya hamare chakkar me.", Car aage badhane ke sath Narinder ji ne Arjun ko muskura kar hath hilaya jiski bagal me ab Shahid bhai, Nihaal, Jaggi aur Kewal Singh khande the kisi baat par hanste hue charcha me lage the. Arjun abhi bhi kuch gambhir tha.
"Rok lunga bhai rok lunga aur dhaabe wale ko bhi bol dunga ke agar bharpet jaisi scheme hai toh aaj ke baad wo na rehne wali. Bhookh toh itni lagi hai ki butter chicken ke sath raada mutton bhi mil jaaye toh 20 roti pakki. Toh chacha aapke iraade bhi aise he hai na? Ye hamare ghar ki lakshmiyan toh is mamle me hadd paneer tak he simit hai. Hahaha", Mahol ko kaise khushnuma kiya jata hai ye Narinder ko bhali bhanti pata tha aur is baar car Arjun wale raste he chal padi thi jidhar se wo apne shehar se gaanv aaya tha. Narinder ne Rana pariwar, Himmat Singh aur ab Devaki-Tantrik wale masle par bhi Shankar se khul kar baat karni thi jiske liye unhe apne pita se dur rehna he behtar laga. Idhar Arjun ke paas ye alag mehfil shuru thi.
.
.
"Log-baag kehte sune ki tum toh bade pandit ji (Motilal ji) se bhi kahi bhayankar nikle Arjun miyan. Sach kahu toh tumhe dekhne ke baad hamari kabaddi ki team me alag jaan aa gayi thi. Pooch lo Neele se.", Shahid bhai Arjun ke kandhe par hath rakhe Nihaal ko thapki maarte hue thode adhik utsaahit se the aur waisa he haal Coach Jugraaj ji ka bhi thi jo bhangra karne ke baad ab inke he beech the.
"Oh baai ji, main dass ni sakda ajj ki vekhya assi jinhe vi akhaade kol c. Chahe sabne na dekha ho lekin jisne dekha wo ni bhool sakta Arjun baai. Jaante ho final me apne Bhoot ne tumhara he daav laga diya the parli taraf wale raider ko. Kaakh me daali baah aur patak mara. Tumne kaha tha na ki defence me he toh attack karna chahiye, poori team ne aaj bas wahi kiya. Master ji, Arjun baai ko bhi 5100 milenge na kal chaupaal me?", Nihaal ki aisi he toh bholi baatein thi aur aaj ye yuvak purn utsahit tha is garmi ke bawjood.
"Hahaha.. Ae tah gall tu sahi kahi Neeleya par inaam den waale nu assi kiwe kuch de sakde haa. Haan je Sarpanch saab.. Waise Arjun puttar ji, ajj mere bapu ji bade khush sann. Oh tera dangal vekhe baad itthe nahi ruke, kehnde baapu ji da cheta ho aaya es karke thoda gurughar jaa ke aana ha. Beta ji tussi pehla he khaas ho saahde vaste jidda eh pind ek dharohar hai thik os tariya he tussi ho. Rabb nitt navi unchaiya deve is aap ji di nek rooh nu. Waise Jaggi vi bala gayab rehnda lagda menu.", Unhone shabashi dene ke baad jab Jagtaar ko lapeta toh wo thoda jhijhak gaya lekin jaise Shahid bhai iske liye tayaar the.
"Oh Juggi bhai ji, Jagtaar ki jeep gir gayi thi pichle talaab me. Bas uske liye he bande lagwane gaya tha ye Inder paah ji ke sath, nahi toh Arjun jeep aur motorcycle thodi na kalla leke aata. Dilbaag ne jeep maangi thi kuch bande khet pahuchane ke liye aur Bhishma thehra tractor wala driver, bande kood gaye aur jeep utaar di talaab me. Chot aayi hai Bhisma aur Dilbaag ke lekin bachaav ho gaya bahot hai.", Matlab saaf tha ki Dilbaag wali saanth-gaanth koyi mauke wali nahi thi. Ye milibhagat thi in sabhi ki jo ek team ki tarah kaam kar rahe the Arjun ke sath, adrishya team jisme kuch galat sathiyon ko thodi bahot saja unke karm de rahe the.
"Dilbaag ke vi satt aayi hai? Wo charkha khet se bahar kya kar raha tha?", Ab Jugraaj ji ki soch kaha ki taraf thi ye sirf Arjun samajh raha tha aur baaki koyi kuch bolta us se pehle jawaab bhi usne he diya.
"Coach sahab, wo khet ke bahar he the jab jeep ki break fail hui. Unka dimaag toh aap bhi jaante he ho, Dharmendra bann jaate hai jab aisi aafat unhe aati hui dikhai de. Jeep toh kya rukni thi, khud chot alag kha baithe. Tabhi toh gaadi thoda sadak se utar kar talaab me giri. Waise Jaggi bhai aap meri bult le jana apne ghar, main shaam ko le lunga aapse. Abhi jara jaruri kaam se jara shehar hoke aana hai.", Arjun ne ijajat chahi mehfil se jaane ki lekin Nihaal jaise usko ab apna sabse badhiya dost maan ne laga tha jisne uska hath pakad liya.
"Pehla baai ji vada karo ke ajj shaam nu tussi saareyan ne sahde chulhe di roti khaani hai. Bebe baapu ne aap he keha hai ki main master ji, Shahid paah ji, Jaggi veere aur tuhanu sadd lu. Sarpanch saab nu vi ohna ne aap keha hai, bhave puch lo.", Ab Arjun muskurate hue Jaggi aur Shahid ke bhaav dekhne ke baad gale lag kar bola.
"Jarur Nihaal bhai, aap itne maan se bula rahe ho jabki main toh bina bulaye bhi khaane ke liye chala jata hu. Chahe Jaggi bhai se pooch lo ya apne coach sahab se. Chalta hu aur shaam ko jarur milenge.", Arjun sabse hath mila kar jeep ki taraf badha toh wo akela nahi tha. Dusri aur se Renam aur uski mata ji ke sath Dipa bhabhi ghar ke liye nikal rahi thi, Nihaal ke pita ji ki gaadi me lekin wo unhe wahi rok kar Arjun ke kareeb aa khadi hui. Beech me bas wo neeli jeep thi dono ke.
"Tum ghar aaoge, mujhe jaruri baat karni hai tumse?"
"Filhaal toh bhabhi main shehar ja raha hu, thoda jaruri hai aur raat ko Nihaal ke ghar khana hai.", Arjun kameej ki aasten modne ke bahane bhabhi ki najro se bachne ki koshish kar raha tha. Jaise wo jo baat karna chahti thi Arjun unke jawaab de paane me asamarth ho. Lekin Dipa bhabhi ne jeep ki seat par hath rakhte hue thoda narmi se kaha.
"Mujhe us baare me koyi dilchaspi nahi Arjun jo maine dekha. Baat mere zindagi ki hai aur uske sath tum kya khel khelne me lage ho wo tumhe batana hoga. Nihaal ke ghar 8 baje jana hai, 7 baje tum mere yaha ya fir unke ghar se mere sath mere ghar. Chalti hu.", Arjun ne bhi toh wahi socha tha ki bhabhi Dilbaag aur unke he baare me baat karna chahti hai. Jasleen wala mudda hota toh wo usko bade araam se vivash kar sakti thi. Jeep me baith kar usne nikalte hue bhabhi ko bas mand se haami bhari jo Renam ko duvidha me daal gayi jaise Arjun ne usko he muskura kar abhivadan kiya ho. Ek pal me he uske gaal gore se gulabi ho chale the aur aankhon me thoda darr jaise koyi aur na dekh chuka ho. Pata nahi ab Renam ki kya kahani thi kyonki sabke saamne toh usne Arjun ki tareef kabhi ki na thi aur aaj saamne se uska wo ishara dil me alag sukoon de gaya. Arjun ja chuka tha aur peeche log dopehar hone ki wajah se kahi susta rahe the toh kahi khaane peene ke stall par pahoch gaye. Iski raunak is shaam ko badhne wali thi aur agle din bhi lekin Arjun ko usme koyi dilchaspi nahi thi.
"Suchha Singh, tu Satwant bhai ke sath un mujrimo ko leke gaya tha na? Kaha band kiya un dono ko?", Kewal Singh in sub inspector sahab se josh se milne ke sath apne samkaksh sarpanch se hath milata hua ek taraf ho gaya tha.
"Band kiya? Wo toh khuli duniya me ajaad hai ab Kewal bhai. Maine toh unhe udhar chaupal me hath bandhwa kar band karwaya tha lekin abhi dekhne gaya toh janaab bhi sath the aur inse he pooch lo ke kya hua?", Kewal Singh ke maathe par bal padd gaye the ye sunn kar.
"Oh bhai Satte, kya bhaag gaye kya wo dono?"
"Upar pahoch gaye Kewal bhai. Dono ke 3-3 goliyan maar di kisi ne lekin awaaj jara bhi na aayi. Kamra bhi band he tha taale se. Ab idhar vardi me toh hu nahi aur ye maamla kahi report me bhi nahi aaya hua jo main pata karu. Suchha bhai arji dete hai toh main idhar wale station se baat kar leta hu ki aise 2 naami badmaash koyi chaupal wale kamre me maar kar chala gaya, Sarpanch Suchha Singh ji ki panchayat me."
"Oh bhai baksho mujhe aur meri sarpanchi ko. Main na report karta aur na mera aur panchayat ka is se koyi lena dena. Waise bhi toh unka L conter karte na tum log?"
"Encounter bhai sahab. Aur aapko pata hai main bande ko maarne nahi sudharne me yakeen karta hu. Lekin kuch sipahi mere se alag soch rakhte hai jo saja dene me waqt nahi lagate. Rabb ka he koyi banda inko de gaya hoga mukti. Ab aap hamare he bhai ho aur Daar ji ke bache jaise apne Kewal bhai sahab hai. Aap pe baat nahi aane denge aur usko band he rehne dena, andhera hote he saaf safaai ho jaaygi us jagah ki. Dekho aapko wo Vilayat Khan ji bula rahe hai, jaane se pehle milna hoga.", Satwant ji ki baat sunn kar Suchha Singh gadgad hota unke hath ko dono hath me pakad shukriya adaa karta gaya.
"Toh kya samjhe ki Shankar ya Inder?", Kewal Singh ne bahot dhimi awaaj me muskurate hue poocha tha.
"Shankar bhai ji saaf safaai me yakeen nahi karte Kewal. Aur in nishano ko main atche se jaanta hu jo goli khaane wale ko cheekhne ka mauka nahi dete. Waheguru Inder paah ji ko aise he bhale kaamo me lagaaye rakhe. Chalo pind chalte hai fir main duty pe nikalna. Waise toh Arjan se bhi milna tha lekin banda demand hai toh fir sahi."
.
.
"Ye sab kaise hua Krishan? Haweli me kaam karne wali ek sewika aisa akele toh nahi kar sakti aur jaha tak mujhe gyaat hai wo tumne he rakhi thi na?", Rameshwar ji hospital ke galiyare me apne bhai ke sath baithe the jo behad chintit tha. Devaki ko hosh aa chuka tha aur bhitar Roshni, Anamika uska haal le rahe the, Vinod apne tauji aur pita ke liye juice lene gaya tha.
"Akele toh Meena chara he nahi kaat sakti thi bhaiya aur Devaki ne bataya ki Mukandi uske sath tha. Dono bhaag gaye aur jo thodi bahot nagdi unke hath lagi wo le gaye. Takriban 4 sadhe 4 lakh.", Ab yaha Shankar kya gul khila ke gaya tha ye Rameshwar ji ko bhi maloom na tha kyonki Devaki ke hosh me aane ke baad wo he uske sath baat karke nikla tha. Dilbaag ki patti karwa ke usko khet chhodta hua. Bhishma jarur bharti tha jiske jaangh me goli lagi thi. Vinod bhi dono ko thanda juice dene ke baad bhitar kaksh me chala gaya apni maa aur biwi ko juice dene.
"Paise aani jaani cheej hai Krishan aur mujhe nahi lagta ki sirf itni he rakam ke liye koyi aurat aisa jokhim utha sakti hai. Wo Mukandi humne kabhi bhi pasand nahi tha kyonki majduro se dalaali lene wala insaan charitra aur jubaan se kabhi bhi fir sakta hai. Kaam toh wo bhi tumhare liye karta tha aur haweli ke darwaje tak ijajat thi usko. Meena ke baare me batao, baaki hum khud dekh lenge.", Ab Krishneshwar ke maathe par halka paseena aa gaya tha aur Rameshwar ji araam se santre ke ras ka ghoont lete hue kankhiyon se sab dekh rahe the.
"Wo.. wo Devaki ne he kaam par lagaai thi bhaiya aur Mukandi he usko leke aaya tha. Meena ko maine kabhi parde ke bina nahi dekha aur aapko khud pata hai ki main kitna he waqt ghar rehta hu. Sach toh ye bhi hai ki ghar aane he isliye laga ki pauta aaya hua hai. Jali kati sunn na wo bhi is umar me? Ab Binodiya thoda badal raha hai lekin Devaki pehle se badtar hoti gayi. Aaj main idhar aana he nahi chahta tha bhaiya lekin itne baras tak jiwan nirwaah kiya hai toh kuch waqt aur sahi. Bhabhi ke saamne ye sabhi apna rang badal lete hai lekin wo idhar reh toh nahi sakti na?", Rameshwar ji bhalibhaanti apne bhai ki awastha jaante the aur ye rishta khud unki maa ne he swikaar kar liya tha jab wo vivaad hua tha. Unhe hamesha se he Krishan ki chinta rehti thi aur yahi ek badi wajah thi ki Rameshwar ji jyada hastkshep nahi kar paate the.
"Kuch agla pichla pata hai tumhe us Mukandi aur Meena ke baare me? Baaki ye baat toh tum apni bhabhi se karo toh he behtar hoga. Devaki ke sar par 4 taanke aaye hai, kuch din aisa kuch matt kehna jis se vivaad ho. Aur Shankar ne samjhdari dikhai jo baat ko failne nahi diya.", Wo gilaas se antim ghoont le kar usko rakhne lage toh galiyare ki shuraat se Arjun aata dikha. Uski chaal kahi se bhi aisi nahi thi ki wo yaha kisi rishteydar se milne aaya hai.
"Nahi lekin Devaki jaanti hai."
"Choti daadi ko hosh aa gaya hoga dada ji?", Arjun ne pehla he sawaal thik Rameshwar ji wale andaaj me kiya tha, koyi laag lapet nahi bas policia andaaj.
"Main us ghatna ke baare me he jaankari le raha tha tumhare chote dada se. Udhar sab mangal kushal raha na? Aur tumhare pita ke sath baaki sabhi chale gaye?"
"Haan, ek ghante se upar ho gaya unhe gaye hue dada ji. Filhaal aapko mere sath jara choti daadi se milna chahiye. Waise bhi chacha aur chote dada ji toh abhi ghar nikal rahe hai Roshni bua ke sath. Bua aur didi ke sabhi documents wahi hai aur didi ka dakhila jaane ki kal antim tarikh hai, late fees ke sath.", Arjun ko jawaab dene me ab ye dono he asamarth the aur apne paute ke sath Devaki se milna unhe thoda ajeeb lag raha tha par chahat toh khud ki bhi thi ki wo sach ko jaan sake.
"Thik hai. Bini beta.. Tum bahu aur Aanchal bitiya ko haweli chhod kar Roshni bitiya ke ghar chale jaao. Tumhari maa bilkul thik hai aur usko gaanv le jaane ka prabandh hum kar denge.", Rameshwar ji ne Vinod ko doctor ke sath baat karte dekh beech me he tok diya.
"Main akela he chala jata hu didi ko le kar tau ji. Papa idhar he rahe, naahak pareshan honge."
"Unki beti ko shayad baap ke kandhe ki jarurat ho beta. Tum samajhdar ho rahe ho lekin Roshni agar kisi se baat kar sakti hai toh wo tumhare pita he hai. Phir yahi fainsla karenge ki wo ghar bitiya ke liye surakshit hai ya Roshni haweli me rahe. Ek se bhale 2 hote hai aur Krishan us maamle me ek majboot insaan hai.", Ab Krishneshwar thoda jhemp rahe the aur ye sach bhi tha ke wo saral vyakti hone ke sath mehnati mitti se jude insaan the aur jism kahi jyada majboot tha.
"Jaisa aap kahe tau ji. Wo bill ka pooch raha tha main inse lekin ye bol rahe hai ki ho gaya.", Doctor ki taraf ishara diya toh wo junior doctor bas hath jodd kar muskura diya.
"Chalo wo sab hum dekh lenge. Savdhani se jana aur doctor mareej baat kar sakta hai ya neend ki dawa di hui hai?", Arjun bas khamoshi se mahol ko dekh raha tha jabki uski chachi apni nanad aur dono bhanjiyon ko liye bahar aa chuki thi.
"Sir, jarurat he nahi thi anesthisia ki. Wo behosh darr se hui hongi, chot utni gehri nahi hai. Aap araam se baat kijiye, main discharge paper banwa kar aadhe ghante me milta hu.", Doctor bhi chala gaya aur Rameshwar ji ne bahu beti ke sath bachon ko bhi aashirwad dete hue vida kiya. Krishneshwar jaane se pehle thoda bhaavuk hote hue unke gala lag gaya tha.
"Sab sahi ho jaayega Krishan, tujhe teri bhabhi par yakeen hai toh ab wahi sab thik karegi. Uske paas fainsle ka haq hamesha se tha bas humne hath bandhe rakhe apni biwi ke. Tum araam se jao aur raat tak tumhari bhabhi bhi laut aayegi. Subah baat karenge.", Rameshwar ji se aashvast hone ke baad wo Arjun ka bhi sar dulaar kar nikal chale. Ab us neeji kaksh ke bahar ye dada paute the.
"Toh kya aadesh hai maharaaj? Ye khel bhi aapka he racha hua dikhta hai jiske baare me na bhogi ko pata hai na rogi ko. Naajuk nabz pe paanv rakhne se pehle jara dobara soch lena beta.", Rameshwar ji jaise usko cheta rahe the kyonki unhe sab manjoor tha bas Krishan ko dukhi nahi dekh sakte the aur uske pariwar ko salamat rakhna jimmewari thi.
"Khel toh bahot purana hai dada ji aur uske rachnakaar khud duniya me nahi rahe. Bas bhatke hue bahot se mohre aaj bhi jaane kis khoj me jute hai aur kya unki chahat hai ye khud wo nahi jaante. Aapke he usool aur niyam ka paalan hoga, yakeen rakhiye. Bas dil jara majboot rakhiyega aur baat sirf main karne wala hu andar.", Rameshwar ji ne bas mook swikriti de di thi jaise wo bhi utsuk the ki ye kaunsa khel aur kaunse mohre hai. Bhitar aate he Arjun ne darwaje ki chitakni chadha di aur us safed bister ke sirhane tek lagaye baithi Devaki apne jeth ko dekh ghoongat dhoondne lagi.
"Koyi jarurat nahi hai choti daadi, chot ke upar ghoongat na he le toh sahi rahega. Waise ab behtar mehsoos kar rahi hai ya dard jyada hai? Baithiye dada ji, bhagwan ka shukar hai ki Meena ne sirf dande se vaar kiya daadi par. Udhar toh darati, kassi aur gandasi tak the jo usko najar nahi aaye. Ab 4 lakh 38 hajaar ke badle jaan bach gayi bahot hai.", Arjun us steel ke golakar stool ko Devaki ki taraf khinchta hua unka hath pakad kar wahi baith gaya. Devaki ko vatanukulit kamre me paseena aane laga tha uski baat sunn kar.
"Main thik hu beta.. wo.. wo bas chook ho gayi thi thodi Meena ko samajhne me. Kameeni soodi chipkali thi jiska pata na chala mujhe. Bas sar pe vaar hua aur fir mujhe yaad nahi kuch. Hosh aaya toh idhar thi aur Shankar beta dusre doctor ke sath mera ilaaj kar raha tha. Jeth ji, paise ka hisaab ye dekh lenge.", Rameshwar ji sookh chuke hontho ko kholte band karte ajeeb si pashopesh me the kyonki Arjun ko paise ka poora pata tha aur Devaki ke sar par dande se vaar hua ye bhi jaanta tha.
"Paise aani jaani cheej hai chodi daadi aur Meena bechari jab haweli se bahar he nahi nikalti thi toh fir kaha bhaagti? Meri choti daadi par vaar kiya tha na usne toh mera bhi kuch farj banta hai. Aap hamare liye hamesha pariwar ki eham sadasya rahi hai wo alag hai ki.. khair chhodo ye sab lekin aapko ye yaad nahi tha ki Shabbir mere kabje me tha Indu ke bhai Satvir ke sath? Seerat ki maa se aap kal shaam ke baad nahi mili thi toh kaise pata chalta jo main unhe raat ko bata ke aaya tha.", Arjun ke gambhir chehre par ab halki mayoosi aa chuki thi lekin jaha Rameshwar ji uljhan me the wahi Devaki ke chehre ka rang ab peela padne laga tha.
"Mujhe kuch samajh nahi aa raha beta tu kaisi baatein kar raha hai aur wo Meena he thi jisne mujhe mara. Iske siwa mujhe kuch nahi pata ki tu Shabbir aur Satvir ko kabje me kyun liye hai. Mera unse koyi lena dena nahi."
"Thik hai maan leta hu ki koyi lena dena nahi hai. Meena mere kabje me hai, kismat se. Wo sab bata degi ki usne kiske kehne par ye sab kiya tha aur Mukandi ko aapne 4 ladkiyon ke badle 4 lakh rupaye diye iska pramaan bhi mil jaayega. Netram ki pauti Meena ke sath aksar 3-4 baje he toh mulakaat hoti thi aapki ya kahun uske aane ke baad aap phone karti thi aur wo najar rakhti thi. Aaj savere aisa nahi ho paya kyunki neend ki goli ne badhiya kaam kiya tha aur aakhiri mauke par jab baat nahi ho paayi toh khel thoda ulajh gaya. Saboot toh bhijwa diye aapne apne bhai ke paas jo lene aaya tha aapko. Maharaaj baba Kelam urf Tantrik Kalpatru ke sath. Waise meri maa aur mujhe marwane ki koyi thos wajah de sakti hai ya aap bhi bas ek nirdeshit pyada maatra hai?", Arjun kya bol raha tha wo sunn kar Rameshwar ji toh uske kandhe se hilate uthne ka bolne lage lekin usne naa me sar hila diya jab Devaki ki aankhen buri tarah faili dikhi.
"Jeth ji ye ladka paagal hai, aap nahi jaante ki iski najar.."
"Haan meri najar galat hai aapke us masoom mohre par jisko aap he mere paas bhej rahi thi. Usne he meri maa ki hatheli kaati jabki kaatne wo unki naadi lagi thi. Andhere aur shaadi ke shor me us jagah ek bebas si bahu aapki ummeed se thodi majboot nikli aur ye mohra itna kamjor jiski agar aap aur khaal utarne lagi toh aap khud maafi laayak nahi bachne wali. Main toh bas itna he kehne aaya tha ke aapse meri daadi baat karegi aur unhone sirf ek halka sa ishara diya na toh fainsla graam pramukh Arjun Rekha Sharma karega, kanoon aur gram mukhiya ke hisaab se. Ab aap najarband rahengi haweli me kal subah tak. Aatma-manthan ya chintan jo bhi karte rehna lekin ab aur aise khel nahi honge jisme masoom log mohre bane aapki adrishya ungliyon par naachte phire aur aap saboot jama karke unhe qaid rakhe. Shrimati Kaushalya Kanshiram bann ne ke liye tapasya karni padti hai, sabko prem me baandh ke. Shadyantro aur apno ki laash par kadam rakh kar sirf gunehgar he bana ja sakta hai. Chaliye dada ji, bahar gaadi aa gayi hai inhe lene ke liye.", Arjun khada ho kar unhe chetawani bhi de chuka tha ke ab koyi bhi gatividhi na hone paaye. Devaki ab khud shikaar ban chuki thi us yuvak ka jisko wo raaste se hatane me lagi thi. Galiyare me he ek surakshakarmi aur nurse inka intjaar kar rahe the. Arjun dwara sab samjhane ke baad wo log badi saavdhani se Devaki ko idhar se le chale jisne jara bhi pratirodh na dikhaya, aankhon me aansu jarur the par unka rang abhi saaf na tha. Rameshwar ji khamoshi se Arjun ke sath unke peeche chalte rahe jabtak ki ye dono jeep aur wo log us kaali car me na baith gaye.
"Tum jaante ho beta ki ye sirf pariwarik mudda nahi rahega agar tumhari ek bhi baat sach sabit hoti hai? Arjun isko roka ja sakta hai bete agar tum ye utawalpan aur choti moti baaton ko bewajah aise na jodo toh. Wo bhala kyun tumhari maa par humla karwane ka dussahas karegi? Aur ye Meena sirf naukrani hai jiske taar tum jaane kaha kaha jodd rahe ho. 4 lakh chori hue hai ya kisi ko diye lekin badle me ladkiyan? Mujhe lagta hai ki tum jarurat se jyada he kitabe padhne lage ho.", Rameshwar ji ab is jeep me jis tarah baithe the usme wo subah wala chamakdar swaroop nahi tha. Arjun chabi lagate hue us thandi parking se nikalta hua ujale me aaya toh hospital ke dwar se bahar nikalne tak bas khamosh raha.
"Aap duvidh me hai dada ji kyonki pehli baar aapka kanoon aapke he ghar me jata hua dikh raha hai. Isliye maine fainsla aapko nahi meri daadi par chhoda hai. Khullam khula ye khel ho raha hota toh Netram aur Kalpature bhi meri pakad me hote. Fir har gutthi sulajh jaati lekin aapko fir bhi ek baat bata deta hu.", Arjun us nirjan sadak par jeep chalate hue ek hath se seat ke niche laga lohe ka dhakkan kholne laga. Uski najar barabar saamne he thi is dauraan jaise usko pata ho ki bhitar rakhi cheej uski pahoch me hai. Kuch pal baad wo safed kapde ki bani gudiya nikal kar usne pandit ji ki goad me rakh di. Usne baat batane ka kaha tha lekin wo thandi aah bharta hua bas sadak kinare khamoshi se jeep chalata raha. Rameshwar ji kabhi us gudiya ko dekhte toh kabhi Arjun ke ashaant chehre ko. Unhe kuch samajh aata us se pehle he aankhon se 2 motti bunde 8-9 inch ki us khoobsurat gudiya par giri. Guddi.. ye unki pyari choti behan Guddi ki gudiya tha. Wo usko uthane ki koshish kar rahe the lekin jaise uska bojh itna jyada tha ki Rameshwar ji ke hatho ki ungliyan kaanpne lagi. Gale se bas rudan ki awaaj nikal paayi thi unke aur us nirjan sadak ke kinare jeep ruk chuki thi. Sar jhukaye Rameshwar ji us gudiya ko chehre se lagaye fafak kar ro rahe the aur unki haalat dekh Arjun bas khamoshi se aansu bahata raha. Apne dada ki peeth sehlate hue usne apne aansu ponch liye the.
"Aap ek behtareen bete hone ke sath he har behan ki ummeed se badhkar ek bhai the bau ji. Main toh 2 mahine pehle he samajh gaya tha ki aap log 2 nahi 3 santaan the Pandit Motilal ji ki lekin ye nahi pata tha ke jis lapata naam ka pata karne main nikla hu wo toh 50 baras se jyada pehle duniya se ja chuki hai. Main aapki sthiti nahi samajh sakta kyonki wo dard sirf aap tak simit hai lekin jaante hai aapke pita us dard se aajtak joojh rahe the. Unhe toh dafnane ke liye us masoom bachi ki laash tak naseeb nahi hui aur jab kal main vastavikta se ru-ba-ru hua toh main us gehre paani ki talhatti me he saans kho chuka tha. Guddi jaisi 56 aur masoom bachiyan andhvishwas aur tantra ki bhent chadh gayi jinke jism ka ek ansh tak na mila. Mile toh wo vastra jinse maine Sreedhar ko unke paas bhej diya, ansh matra bhi wajood me na rehne diya uska bhi. Lekin aapka dard main kam nahi kar saka bau ji, bas ye.. ye ek nishani jo aapke liye kisi pagdi, mala ya sammaan se bhi jaruri hai wo aapko diye bina main reh na saka. Aap mujhe keh rahe hai ki main choti moti harkato ko bada bana raha hu, saboot aapke hath me hai bau ji. Kya ye sirf ek kapde ki mamooli gudiya hai jisko aap yahi fenk sakte hai ya ab ek pal me aap fir se apni behan ke aur kareeb ho gaye hai?", Arjun ke sambhalne aur jagah ka bhaan hote he Rameshwar ji ne chehre saaf karte hue kritagyata se Arjun ko sar hila kar dhanyawaad diya. Wo ab usko apne seene se lagye the jaise kahi Arjun wo unse chheen na le. Arjun ne unki haalat par halke se muskura kar wo pehle se rakhi paani ki bottle dhakkan khol kar unki taraf badha di.
"Jyada thanda nahi hai lekin sukoon jarur dega bau ji. Thik purani yaadon ki tarah.", Gear daal kar Arjun fir se aage badh chala toh is baar khud par sharminda hote hue Rameshwar ji ne uska sar sehla diya.
"Maaf karna bete, hum apni he aulaad ko kamm aankne ki galti kar baithe. Ye bhool chuke the ki tum ab hamare paute hone ke sath hamare pita ke mitra bhi ho. Haan meri behan mera jiwan thi aur aaj tak neend me main Raame beer ji sunta hu toh fir so nahi pata. Ab shayad behtar neend aaye jab wo sath he mehfooj hogi. Tumhe ye mili kaha se? Kya us jagah tum mujhe le ja sakte ho?", Wo toh Devaki ka mudda he bhool baithe the is jiwan ke sarvoch uphaar ko prapt karke.
"Ateet me sirf main he ja sakta hu Pandit ji, jaisi aapke pita ji ki aagya hai aur aapse liya vachan. Waise udhar ab dhool bhi nahi bachi agar aap kuch aur bhi milne ki aasha liye hai. Haan kaanch ki choodiyan de dunga aapko jinhe maine joda hai aur ek angoothe wali chappal bhi. Koshish kijiyega ki aap is dauraan chote dada ji ke sath samay bitaye aur daadi ko he fainsla karne de jinhe bade pandit ji ne swayam haweli ki pramukh mana tha.", Jeep me ab baatein kuch behtar tarike se hone lagi thi jaise humumar aur saaf soch wale 2 vyaktiyon ke beech hoti hai.
"Toh Meena tumhare paas hai?"
"Nahi lekin wo hai inkhe he bade bhai ki pauti ya pata nahi kya sach hai. Maamla thoda sa bada nikla meri soch se nahi toh Nekiram toh shikanje me hota aur sath he wo dusra apradhi tantrik jo Sreedhar jaisa nahi hai."
"Ye ladkiyon ka maamla kya hai bete? Kya hume iski jaankari honi chahiye?"
"Bas itna he bata sakta hu ki unko agwaah karke qaid rakha gaya tha. Ek ladki takriban 35 din se aur aise he har hafte baad 3 aur. Mukandi ye sab kar raha tha aur Devaki ji karwa rahi thi, harek badle 1 lakh usko dete hue. Kal panchvi ladki ke liye unhone 50 hajaar peshgi di thi jiska raaj raat ko khula aur tabhi maine un par najar rakhwa di thi. Devaki daadi ke baad wo log un ladkiyon ko bhi le jaane wale the apne sath. Aap ye baat bas apne tak rakhenge dada ji, maine filhaal ye kanoon ke sanrakshak ki jagah apne dada ji ko bataya hai. Aapke pita bahot nekdil aur logo ki bhalaai karne wale insaan the, unke sukh dukh me shamil rehne wale. Bahot bojh liye wo is duniya se rukhsat hue the aur unhe bhi Devaki pasand nahi thi. Wo aapki mata ji ke kaaran kuch kar na sake aur unke baad aapne bhi unka aur apne bhai ka sammaan rakha lekin yaha pariwar ki mukhiya sahi fainsla lengi kyonki wo jimmewar hai aur un par koyi vachan ya niyam laagu nahi hota meri tarah.", Arjun gaanv mudne wali sadak ke kareeb pahoch chuka tha aur suraj bhi aasmaan me kuch niche utarne ki avastha me.
"Bas hum ye vichaar kar rahe the ki aise maamle me kitni dharayen lag sakti hai. Apharan, hatyaro ka sath dena, nabaligo par atyachaar, apradhik giroh chalana, dhakkeshahi-blackmail aur isme kahi koyi khoon-voon shamil hua toh.. Hamare pariwar ke naam par ye ek gehra dhabba hoga bete aur wo bhi tab jab humne sabke saamne apne pita ko unka wo sammaan lautaya ho."
"Aap dohra soch rahe hai bau ji. Pariwar me gunehgaaro aur wo bhi is darje ke ho toh swayam Pandit Motilal ji ki najro me wo sirf aur sirf mrityu ke haqdar kehlate hai kyonki insaan jitne bade auhde par hota hai..
"Uski naitik aur samajik jimmewari bhi utni he badi hoti hai. Uske liye agar aisa awsar aaye jab kisi apne ko he dandit karna pade toh aisa jaruri hai kyonki aap galat nahi kar rahe, galat ko saja de kar udaharan rakh rahe hai... Hume bhi unki ye shiksha yaad hai aur waise ye tumhe humne he bataai thi.", Rameshwar ji ne is baar sneh se uski peeth thapthapaayi thi.
"Toh rishwat khatam hui ya aur bhi kuch hai jo unse juda ho tumhare paas?", Rameshwar ji ki aasha dekh kar Arjun ne gaadi chalate hue he apne maathe par hath rakh liya.
"Bas ab main he hu jo unse juda hua hu dada ji aur main pehle se aapke pas hu. Kal mil aana Abhishek ji se daadi ke sath aur parso subah college ki neev rakh ke wapis apne bagiche aur sansaar me. Yaha thodi mehnat karni baaki hai aur fir araam bhi karunga. Udhar toh wo mumkin nahi.", Arjun chaupaal se gujra toh Vilayat khan ji hukka peete hue bhi usko hath hila kar muskuraye jikse badle me Arjun ne bhi thik waisa he kiya.
"Bade ho gaye ho aur sach kahu toh karam se bhi hamare pita ji jaise ya unka thoda anadar karte kahu toh meri soch se bhi badhiya. Kalpatru aur in jhanjhato se hum khud nibat lenge. Kumari Amrita ne hume bataya hai ki Bindiya 2 taarikh ko aa rahi hai aur tumse milne ki itcha hai uski. Hum toh wo sab rishtey bhi bas samjhauto se jode hue the jaise taise lekin tumne unhe bhi sath la kar atcha udaharan pesh kiya. Jaante ho uske baad he tum waaris ban gaye the.", Arjun ne haami bhari.
"Aapne aur daadi ne yahi toh sikhaya hai ki hath jodd kar aapki taaqat ka behtar pata lagta hai. Unhe khol kar dushman chahe jitne marji badha lo. Waise ek majedar baat batau jo aapko nahi pata?", Haweli ke kapaat sewak ne he khole the horn ki awaaj par. Unke peeche he wo kaali car yaha tak aa pahuchi thi.
"Ab kaunsa bomb fodd rahe ho bhai jo hume nahi pata.?"
"Krishan dada ji aur Sombir Singh aapas me sahdu bhai lagte hai. Wo alag baat hai ki Devaki ji Chandro daadi ke chacha ki beti hai aur aapas me in dono ki bolchal shuru se nahi hai. Bade bhai rasookhdar aur ijjatt ko ehmiyat dene wale aur chota bas doodhwala aur kapti jisko bina mehnat ke raja samaan bann na tha aur yahi usne bacho ke dimaag me bhar diya. Krishan dada ji bhi aapko sabkuch nahi batate lekin main ugalwa leta hu apne tarike se.", Andar aate he usne khud apne dada ki sahayata ki utarne me kyonki wo kuch kamjori mehsoos kar rahe the. Yaha Anamika ko jis tarah Arjun ne bulaya tha wo Rameshwar ji ko behad pasand aaya.
"Chachi, jara mehmaan kamre me inka prabandh dekh lijiye. Laali ki maa aa gayi thi na samay se? Bas wahi inka khana leke jaayengi aur baaki aap he dekhiye, ghar aapka hai.", Arjun ki baat poori hote he takriban 36-37 baras ki wo mahila pashuo ke baade se nikal kar hath dhone ke baad nurse aur Devaki ko liye galiyare wale aakhiri kamre ki taraf chali gayi. Raj-mehal se aaye prehri ko bhi Aanchal ne paani diya in dono ke sath aur sewak ne wahi darwaje ke paas uske liye manji laga di. Anamika ke chehre ki bholi khushi swayam Rameshwar ji ko pasand aayi jinhone paani ka dhanyawaad karne ke baad aashirwaad diya aur us bache ko goad me lete hue charpaayi par he baith gaye.
"Toh fir hamare pariwar ki sabse choti bahu ab bimaar nahi dikhti? Ek aur sewika ke liye main Krishan ko.. Arjun ek aur sewika badhwa do bhai yaha. Kharcha toh tumhe mehal se milta he hai fir kyun hamari bahu ek he sewika par nirbhar rahe. Ye nanha Niketan bhi toh apne aap me sampoorn jimmewari hai?", Ab chai banane ke liye Anamika chachi muskurati hui rasoighar me dakhil hui thi jaha shayad Aanchal unke maje lene lagi.
"Socha bhi yahi tha bau ji aur ab wo pichle hisse wala bagicha bhi thoda sudharna hai. Aapne udhar har haweli par kutte bhent kiye hue hai lekin jaha sabse jyada jarurat hai waha bas gali se 1-2 aa jaate hai wo chote dada ji ke sath aur doodh pee ke chalte bante hai. Jaggi bhaiya ko bol diya hai maine lekin aap bhi dekhna agar koyi Sangwan uncle ke paas jaise hai waisa mile toh. Roshni bua bhi yahi rahengi, unhone Komal didi ko bataya tha ke wo apne papa aur pariwar me he rehna chahti hai.", Arjun har pal apne dada ko ye ehsaas karwa raha tha ke is kam umar me wo unke jaisa he sochne laga hai, haan chanchal aur bhavuk toh tha wo par pehle pariwar he prathmikta tha uski.
"Ji mukhiya ji. Waise kisi ka phone aaya tha kya Aanchal bitiya?", Unhone rasoi se telephone wale kamre ki taraf jaati Aanchal se poocha tha.
"Nana ji, badi naani ka phone aaya tha ke wo log koyi mundan ke liye ja rahe hai aur fir ek ghante baad wapis chalenge. Us baat ko ek ghanta ho gaya hai aur unhe pahochne me 3 ghante lage the toh raat 8 baje tak wo laut bhi aane wale hai. Haan, Lala ji aur headmaster ji ka bhi phone aaya tha ke wo aapki pratiksha kar rahe hai. Mujhe dhyaan he nahi raha kyonki aaj toh phone bahot aaye hai aur kayi aaye honge jab hum log ghar nahi the.", Rameshwar ji hanste hue wapis bache se khelne lag gaye the aur Arjun ke kapde toliya taar par taang kar Anamika chachi wapis rasoighar me chali gayi thi.
"Waah beta tum le rahe ho asli mauj. Toh yaha bhi tum Krishan jaise ho gaye kya jo motor par he nahane lage?", Arjun unki baat sunte hue he kameej patloon khol kar nikkar pehne us bade se pipe ke niche ja baitha. Thode bahot maar ke nishaan dikh rahe the par khaas nahi. Garmi me wo thanda paani jo seedha dharti ke garbh se nikalta hua uske jism par gir raha tha, pal me he saari thakaan utaar gaya.
"Daadi khayaal rakhti hai mera bau ji. Unhone yaha sabko pehle he trained kar diya tha ke mujhe kaise rahna pasand hai. Vinod chacha ne toh generator aur Computer tak lagwa diya mere liye. Abhi dekhna badaam ka doodh aur khuraak aapki chai ke sath he idhar aane wali hai. Ab jiski aisi thaanedar daadi ho bhala usko kya jarurat mehnat majduri ki.", Arjun ke majaak par unhone he apne sar par hath rakh liya tha. Nurse bhi Devaki ka kamra sucharu karwane ke baad usko neend ka injection de kar idhar khule aangan me he aa baithi thi jiski upasthithi dekh Arjun turant kamar par toliya lapet kar sarpat apni chachi ke kamre me daud gaya, kapde uthata. Aanchal ke sath swayam Pandit ji bhi hans rahe the aur nurse bas us yuvak ki jhalak is awastha me dekh kar apne vicharo me. Bahot bada fainsla liya jaane wala tha lekin us se pehle mahol me wo gambhirta na rahi thi jaisi subah se dhoop-chaanv ki tarah aa ja rahi thi. Niketan ne apne bade dada ke hath se wo gudiya leni chahi toh unhone hanste hue naa me sar hilaya lekin fir de bhi di. Bacha bhi jaise us par adhikar nahi rakhna chahta tha jisne wo wapis unke chehre se laga di. Antima na sahi lekin ye bhi Guddi ki itcha rahi hogi ki uska bada bhai Raame ek baar toh us se mile. Arjun ne unhe fir se milwa diya tha.
.
.
"Ye kahi se bhi insaan na hai maa. Dekho ye gaadi maine mere hisaab se tayaar karwai thi lekin isme bhi ye bas jaise taise fit hua hai. Bade bhai, nayi gaadi leni padegi tumhare liye.", Ganga ghaat par sabhi kriya poori karne ke baad jab ye log wapis gaade me baithne aaye toh ab Sambhav ke lambe kesh nadarad the jinki jagah sirf ek choti bachi thi lekin daadhi waisi he barkaraar. Safed dhoti aur waise he kurte me jab wo us videshi badi jeep me agli seat par baitha toh ek baar gaadi ko bhi mehsoos hua ke koyi baitha hai. Umed sab dekh raha tha aur usne aisa majaak me kaha tha apni maa, chachi aur rani maa se.
"Anuj, maata kaushalya ji ko bata chuke hai ki hum pariwarik insaan nahi hai. Naye vaahan par vyarth paisa mat kharchna. Ye bhi ek prayojan tha aur pita ji ki antim itcha jiska sammaan samaaj se virakt bhi karta hai. Maata Purnima ji ke sath tum atche se jiwan vyatit kar rahe ho aur usme hum kahi se bhi shaamil hone laayak nahi.", Apni taraf ka wo thandi hawa fenkne wala gola dhakkan se band karte hue Sambhav ne shisha niche utaar diya. Unki aisi gambhir baat ne mahol thoda jyada he ajeeb bana diya tha.
"Main fir se apne bache ko bada kar sakti hu Sambhav aur ab toh vachan bhi poora hua. Tumhe ghar chalna chahiye bete aur abhi tum apne baaki 3 bhaiyon se bhi nahi mile ho. Samay toh Kumar ke sath bhi nahi bitaya hai aur na apne chacha ke. Main dabaav nahi daal rahi beta lekin meri sthiti tum nahi samajh rahe. Tumhe lagta hoga ki aaj he mile ho aur 50 baras ka fer mere dil me hoga, lekin mujhe aisa lag raha hai jaise maine tumhe aaj he janam diya hai.", Peeche baithi Purnima ji ne jis tarah us baal viheen sar ko sehlaya tha Sambhav ki aankhen kuch pal ke liye moond gayi.
"Rone nahi denge aapko parantu hum sirf saawan ka mahina he aapke sath vyatit kar sakte hai aur usme bhi bahot sharte laagu hongi maate. Waise bhaiyon ke alawa hamari ek ek choti behan aap teeno se hai. Jaante hai hum rakshabandh ke baare me aur hum chahte hai ki hamari kalaai par bhi dhaga bandhe. Us shraavan maas me he jhoole lagte hai aur antim samay rakshabandhan ka tyohar bhi. 11 maas hum wahi rahenge jaha hume rehne ke liye kaha gaya tha. Wo bhi ghar hai aur udhar bhi pariwar hai jaha hamare bache aur dost hai.", Sambhav chalti car se dekh raha tha neele aasman ne gehri hoti laali ko aur uske chehre par wo anootha tej Umed dekh kar muskura raha tha. Wo iska bada bhai tha aur ek aisa adhbutt insaan jisme leshmatra bhi koyi chahat na thi.
"Haan fir ek mahine tum mere pas aur ek main tumhare. Lekin us jungle ki jagah tum wo mahina apne pita ke ghar me rahoge. Aur sharte bhi bata do jara apni, kya pata unme kuch badlaav karwana pade.", Kaushalya ji apni behan ki chalaki par muskura rahi thi. Wo khamosh thi us pal se jab unhone Raghuvir ji ke liye path kiya tha aur Purnima ji ne waha par Sambhav ke sath unhe shamil kiya, jis par rani maa ko bhi eitraaj na hua.
"Kayi baar hum wahi toh sote hai. Nahi toh machaan par, tille par ya fir haweli ke prangan me. Shart jyada nahi hai lekin jaruri hai jisme se pehli hai ki hum vanvaas aashram ka nirvaah karenge matlab vivaah ke baare me sochna bhi paap hai. Dusri, hum aapse bhojan aur sneh ke siwa kuch nahi le sakte aur antim shart hai ki hum waha aayenge toh Amavas bhi hamare sath aayega aur hum bhoomi par sone ke aadi hai. Haan baaki pariwar yahi rahega kyonki wo apna kaam samajhte hai parantu Amavas hamari gair-maujdgi me bas ek he sthaan par baitha rehta hai, ann-jal tyaag kar. Inme ferbadal kya ho sakta hai aapki najar me?"
"Waha pehle he ghode-bhediye bhare hue hai toh ek aur aa jaaye is se koyi pareshani nahi hone wali. Shaadi.. ab iske baare me main kya keh sakti hu lekin maa jo dena chahe wo de sakti hai itna dhyaan rakhna."
"Inki shaadi? Pata bhi nahi ki samkaksh aurat milegi bhi ya nahi. Waise thoda gyaan hum bhi rakhte hai aashram aur sant-jiwan ka. Ek maa apne hath se bana hua kuch bhi apne sanyasi bete ko de sakti hai aur bade bhai tum sanyaasi nahi ho vachanbadh yogi ho jaisa tum chachi ko bata rahe the. Samaaj me thoda sa shamil hote he tum bhi dimaag chalane lage ho. Waise hisaab toh ye banta hai ki agar ek mahina tumhe avkaash rehta hai toh 20 din tum udhar aur 10 din bua ke sath rahoge, ye bhi toh maa hai na aapki. Aur tumhari taraf bhi aisa he hoga. Matlab chachi aur maa 20 din gaanv aa sakti hai aur bua 10 din tumhare pas mehal se.", Umed ke aise nirnaya par rani maa ne muskaan ke sath Umed ka sar sehlaya tha jinhe wo aaine se dekh kar pratiuttar me muskuraya.
"Insaan samajhdar ho tum anuj aur hum sehmat hai is baat se. Bas un chikitsak mahodaya se hum thodi duri rakhenge, jara uttejjak insaan hai wo. Aur hum ghar se bahar nahi jayenge kisi mehfil ya aayojan par."
"Sabkuch ek takhti par likh ke de dena bhai jis se yaad rahe ke kya kar sakte hai aur kya nahi. Tum Bhole se dur rehne ki koshish kar sakte ho lekin ab wo jaan chuka hoga ke tum uske bade bhai ho aur wo musibat bina bulaye he gale aa padti hai jo fir jiwanbhar sath rahegi. Dekhte hai tumhe wo kya kya banata hai jab uske pas rahoge. Agle mahine ke baad aaya saawan matlab tumhara shravan maas. Lene aa jaunga us se pehli raat ko he. Waise tum 2-3 saal toh poochtaach me he ganwa doge. Kyun chachi? Sahi kaha na maine?", Umed ko itni raftaar se gaadi chalate hue Sambhav thoda ashaant dikh rahe the lekin kuch kaha nahi.
"Koyi pooche toh sahi sawaal mere bache se, hukka paani band kar dungi chahe fir wo tere poojniya chacha ji he ho. Aur Sambhav jaisa chahega isko waisa he mahol milega. Beta ab itna kar sakta hai toh hume bhi iski har ithcha ka samarthan karna chahiye. Bas Shankar is sab ke beech nahi aata toh uski jimmewari main nahi leti.", Unki baat par ab Purnima ji bhi hans di thi kyonki wo bhi apne is bhole bete ko jaanti thi jo sabse ziddi bhi tha aur sahi ko ulta karne wala bhi, Shankar.
"Waise hum aa sakte hai aapke ghar Umed?", Rani maa ke aise sambodhan par pehli baar Purnima ji ne ek adrishya haq se unke kandhe par chapat rakhi thi.
"Aapka bhi ghar hai wo Saundarya, bete ke hisaab se bhi aur dusre rishtey se bhi. Hum toh yahi kahenge ki Sambhav waha 30 din rahe agar aapka mumkin ho toh. Mehal ke toh kareeb he hai ye lekin aapko bhi udhar behtar lagega aur hume bhi. Kaushalya bas 30 minute dur hai humse toh iska masla nahi. Waise bhi antim itcha me jo naam likhe the wo sirf us ek karya tak simit nahi the Sambhav. Uska arth ye bhi tha ke wo pariwar hai. Tumhe neend aa rahi hai beta.", Purnima ji ne bahar wale shishe me dekh liya tha ke unke sehlane se Sambhav aankhen band karne laga tha.
"Bas thoda sa he aur sehla do maate. Hume tivra-gati se ajeeb ehsaas hota hai aur 16 baras ki umar ke baad hume iska jyada anubhav bhi nahi raha. Haan maate aise he..", Wo sachmuch he shaant ho gaya tha aur Umed apne is pahaad se bhai ko aise soye dekh gati kuch kam karta hua bas muskura diya.
"Maa toh jogi kya bhogi ko bhi sahi jeena sikha deti hai aur ye toh paida he aaj hua hai.", Kaushalya ji ke is kathan par baaki teeno hans diye the aur fir wapis khamosh ho gaye. Umed ab poori ekagrata se gaadi dauda raha tha. Rani maa ko mehal chhodne ke baad usne apni chachi ko bhi chhodna tha wapis ghar jaane se pehle. Uske pita ki antim itcha me shamil us adrishya tatva ko uski maa ne sahi se padh liya tha kyonki kuch baatein aksar nahi darshate, bhavnaaye behtar samjhati hai.
.
.
Arjun paidal he us talaab ke paas ja pahucha tha jaha Minakshi us se milne aayi thi. Laali ne apna kaam pehle he kar dikhaya tha aur uska inaam Arjun ne filhaal toh samajik roop me diya tha jabki vyaktigat taur par wo uske ehsaan ko chahe na chuka sakta ho lekin shehar ghumane aur naye kapde Minakshi ke sath le kar jaane ka usne vada kiya tha. Aaj Minakshi track-tshirt ki jagah peele salwar kameej, jis par safed karigari aur punjabi jooti pehne aayi thi. Uska wo saral chehra aaj pehle se he gore ki jagah surkh dikh raha tha aur ye shaam ka dhundalka.
"Jyada intjaar toh nahi karwaya maine aapko?", Arjun toh bas uske is roop aur sharirik bhasha ko dekhta hua jadd sa ho chala tha. Minakshi santulit sharir ki lambi chharhari yuvti thi jiska nikhaar kahi se bhi Jeenat jaisi aadhunika se kam na tha balki uski saadgi kahi jyada prabhavi.
"Shayad main aur intjaar kar sakta tha agar pata hota ki aap ka aagman aisa hone wala hai. Sorry... Thank you Minakshi ji, main nahi jaanta tha ke wo sab mumkin ho bhi sakega ya nahi lekin dekhiye is gaanv me meri har pareshani aapne he dur ki. Ek gustakhi kar sakta hu?", Apni aisi tareef par Minakshi ke dil ki dhadkan he jaisi usko rukti si lagi. Wo idhar aane se pehle 30 minute tak sirf is duvidha me rahi thi ki kya pehne aur kya Arjun bas usko kaam ke liye he bula raha hai. Fir wo sakratmak soch liye thik pariwarik veshbhusha me aayi jaha koyi makeup na tha. Ab gustakhi ne alag he duvidha me daal diya tha.
"Aapne bahot kuch kiya hai wo bhi jisme aapka koyi swarth nahi tha. Fir ye toh mera janamsthaan hai aur aap hamare mukhiya bhi. Jaanti hu aap kuch galat nahi karenge lekin agar waisa kuch hai toh bhi koyi baat nahi."
"Oh maa.. Sachmuch aisa samarpan wo bhi ek musafir ke prati? Aap bas apne aap me he ek hai Minakshi ji. Main toh ye gustakhi karne wala hu ki sunday ko daadi college ki neev rakhne wali hai aur tab aap unki bagal me khadi ho. Dene ke liye toh mere paas mera kuch nahi hai bas aapko sabke saamne main ek misaal ki tarah lana chahta hu. College, course, khel aur fir samajik yogdaan dene wali ladki jo utni he aadarsh hai jitni har insaan chahta hai. Banengi meri daadi ke sath us pal ka chehra?", Minakshi jaha pehle bhochakki thi woh agle he pal Arjun ke seene se ja lagi jab khushi ke aansu he beh chale. Ya dur dur tak koyi na tha aur agar koyi hota toh dikh pehle jata. Arjun ne Minakshi ko apne maanush swabhaav ka ye anmol pradarshan karne diya jisme sachmuch usko sahare ki jarurat thi. Wo jab alag hui toh muthi me dabaye rumaal se chehre paunchne lagi.
"Sorry Arjun ji. Kabhi kabhi emotions chaah kar bhi nahi ruk sakte. Wo express karna bhi nahi aata hume jyada.", Wo aansu saaf karti hui bhi sharma rahi thi apni harkat par.
"Sach kahu toh aapka express karne ka tarika sabse swabhavik aur atcha hai. Kam se kam akele toh khush nahi hui aap?"
"Aap ab jo keh rahe hai uska arth samajhti hu main. Aapko agar bura laga toh sorry aur mujhe itne sammaan ke laayak samajhne ke liye thank you. Waise Laali bahot khush thi."
"Aap khush, Laali khush aur gaanv khush. Apna toh target jaldi he poora ho gaya. Waise mele me nahi aayi thi aap?", Arjun uske kareeb he khada tha aur jaane kis aakarshan me ya apni aadatvash usne ungliyan aapas me uljhati Minakshi ke dono hath apne hath me le liye the. Arjun ka dhyaan Minakshi se baaton aur chehre par tha aur Minakshi ka apni haalat ko sambhalne me jo ab kuch buri ho chali thi.
"Aap waha .. aapko ladte hue nahi.. dekh sakti. Suna jarur tha ki aapke bhi chot aayi hai aur isliye maine aapse shaam ko ek bar milne ka kaha tha. Bas bhool gayi thi aapki baat sunn kar. Kaha chot aayi hai aapke?", Ghabrati hui Minakshi ne ab khud par he ye vaar karwa liya tha chot ki jagah pooch kar. Dil ke kareeb he pasliyon par uska hath rakhte hue Arjun ne keh toh badi sehajta se diya.
"Yaha lekin ab behtar hai.", Wo kuch galat bhi nahi bol raha tha lekin us dhadakte dil ko apni hatheli par mehsoos karna aur Arjun dwara ye kehna ki ab behtar hai. Minakshi ki himmat jawaab de gayi aur wo jo bas dil me dabaye hue thi uske mooh se tab nikla jab wo uske seene se fir se ja lipti lekin is baar ye khushi ka pehle sa ijhaar na tha.
"Main jaane kab pyaar kar baithi aapse Arjun aur mujhe nahi pata tha ke wo ajeeb sa lagna ya aapka intjaar karna kyun mujhe pasand aane laga hai lekin main waisa karti rahi aur jab aap mere sath the waha park me tab bhi main chahti thi ki aap bas ek bar mera hath pakad lo, meri aur koyi itcha nahi aur na koyi chahat. Hamara koyi mel nahi lekin bas ab sukoon hai ki aapne mujhe ek pal ke liye he sahi lekin apni dhadkan se toh joda. Thank you so much Arjun is paagal ki haalat samajhne ke liye.", Arjun toh hatprabh sa tha jo is pal me itni khush aur bhaavuk hui is saral hridya yuvti ko jara bhi thes nahi pahucha sakta tha.
"Hum shayad khule aasman ke niche khade hai Minakshi ji aur ek ladke ke sath ... Chaliye main aapko ghar chhod deta hu aur kal khel-ghar ke baad milte hai.", Arjun ne alag hone se pehle bas halke se uski peeth sehla kar thodi himmat dene ki koshish ki. Minakshi bhi sar jhukaye ekdum se he alag ho kar mudi jaha ye Shankar ji ki ghadi apna khel dikha gayi uska dupatta faans kar. Wo wapis mudi toh najre tak na mila pa rahi thi aur Arjun ne kalaai khud he aage kar di us dupatte ke kinare nikle dhaage ko nikalne ke liye.
"Aap meri ek itcha poori kar sakte hai?", Ye bhi Minakshi ne bina najre milaaye kaha tha.
"Bas me hogi toh har itcha poori karne ki koshish karunga Minakshi ji."
"Chikoti kaat dijiye jara hamari kalaai par.", Un aankhon me is baar jo aansu the wo dhara-swaroop the lekin ek muskaan ke sath aur bas yahi aisa pal hota tha jab Arjun khud beh jata tha saamne wale ke prem me. Kalaai ghadi se dhaga nikalte hath ko ho pakadte hue usne Minakshi ko apne bilkul kareeb khinch liya, itne kareeb ki uska seena Arjun ke seene se kuch niche sparsh hone laga tha. Wo najre utha kar Arjun ki agli harkat ka injtaar kar rahi thi jaha wo uske chikoti kaate lekin wo apne chehre par jhukete hontho ko dekh Minakshi ki aankhen band hoti gayi Arjun ki dono baglo par kasti muttiyon ke sath. Pratham purush sparsh wo bhi doobte suraj aur gehraati shaam me aisi nirjan jagah jaha sirf ye 2 he log the. Chumban se poori tarah anbhigya rahi Minakshi ke naram adhar kuch pal Arjun ke labo se jude rahe aur saans lene ke liye khule toh ye pal aur gehra gaya. Mukh-ras ka badalna he hua tha ki Minakshi uski giraft se nikalti hui apni ukhdi saansein sanyatt karne lagi. Arjun ke kuch bhi kehne se pehle wo tej kadmo se apne ghar ki taraf badh chuki thi jaise ye uski ankahi ek aur itcha poori ho gayi thi aur iske aage uska astitva na tha. Bas Arjun dekhta raha usko gali me daakhil hote hue aur uske baad khud ko he laanat deta wo ab Jaggi ke ghar ki taraf badh chala. Rani ke sath sath usne Jasleen ka haal bhi lena tha udhar aur ab yahi thoda samay bita kar Nihaal ke ghar jana tha jaha ek alag aafat uske gale padne wali thi.
Wow nice update
️
️
Last edited:
u.sir.name
Hate girls, except the one reading this.
- 6,840
- 9,769
- 189
u.sir.name
Hate girls, except the one reading this.
- 6,840
- 9,769
- 189
u.sir.name
Hate girls, except the one reading this.
- 6,840
- 9,769
- 189
- Status