Kitna
Kitna parwachan hota h is story mai yaar har line ke baad ek lamba parwachan yaar ye story kam kisi baba jee ka parwachan Jayda lag raha h.Update 48
Bachpan ki Yaadain
uske in sab baton ko batane se manu ko kya sikh mili or aage manu kaise chintu ko jawab dega …kyuki chintu ne apni taraf se nafrat ki jung saaf lehze me shuru kar di thi ….rajinder ke kaam ka Sahara lekar jo usne manu ko pure school me nicha dikhne ki koshish thi usse .saaf ishara tha ki manu …chintu ki Nafrat ne elaan-e-jung kar diya hai…baari ab manu ki thi jawab dene ki.or Nisha ka kya reaction hoga man uke liye chintu ke is jhunth se or manu ka kya jawab hoga chintu or aanewale kal ke har dushman ko yeh ab chintu ki kismat or time per nirbhar tha......
ab aage....
Ab aage kya honewala tha yeh toh waqt hi bata sakta tha ,,per kahin na kahin manu ko uske pita ne aaj jo nasihat di thi ki dunia waisi nahi jaisi dikhti hai..yeh manu ko kuch had tak samjh aa chuka tha…or usne bhi apne baap ki baat ko ek wada kiya tha ..ki aanewale time me woh apne maa or baap ko aaram dega matlab or jada mehnat nahi karne dega …ab uska wada or aanewala time use yeh sab karne dega ya nahi yeh manu ki kismat , uske dimaag or waqt ke sath uske sahi ya galat faisle jo who aage lega ya lene ki koshish karega usper nirbhar the …kyuki insaan chahe kitna bhi dunia se lad le chahe kismat sath de ya na de per ek insaan ke sahi time liye gaye sahi ya galat faisle se uski zindagi badal jati hai…ya yun kahiye insaan ke aaj liye hue faisle hi use bada ya chota banate hain dunia me izzat or bezati dono dilate hain…aage kya hoga ,kaise hoga or manu kya faisle lega yeh sab aanewala waqt hi janta tha..
Khair agla din aaya ….subah ka apna regular routine manu ne follow kiya mummy ki help ,khud ko or ajay ko tyaar karna or sath school le jana..ajay or Sumitra ko toh pata bhi nahi tha ki manu kis pareshani se jujh raha hai ..jisper manu khud nahi chahta tha ki in dono ko kuch pata chale ajay kyuki chota tha or manu se bahut pyaar karta tha ..ajay ek baar ko apne baap se gussa ho jata tha ..per manu uske liye bahut mayane rakhta tha …kyuki uski jitni parvaah shayad manu karta tha koi or karta ho …aap sab bhi jante hain kyuki uske dono maa or baap sirf apne bachoon ke future ke liye kitni mehnat kar rahe the..jis wajah se dono apne bachoon ko jada time nahi de pate the…jis wajah se dono ek dusre ke sath jada waqt bitya karte the or ..kyuki ajay or manu me manu ajay se bada tha so manu ajay ki har jaroorat ke samay uske samne rahta tha ,,jis wajah se ajay ke liye man uke dil main ek special respect thi..or kyuki kai baar ajay manu ke mana karne per kuch cheezain kar deta tha apne bachpane main per jab bhi ajay ne manu ki baat nahi maani tab tab ajay kisi na kisi musibat me pada ..jis per bhi manu ajay ko har baar us musibat se nikal hi leta tha..jaise ice factory me manu ne ajay ko bachaya tha jisme ajay ko toh manu ne pani me dubne se bacha liya tha per khud uske pair me kaanch lag gaya tha ..jisper bhi usne ajay ko kuch nahi kaha tha ..or ghar per bhi nahi kaha tha varna rajinder or Sumitra ache se ajay ki class lagadete so in sab baton ke chalte ajay manu ki bahut respect karta tha or pyaar toh shuru se tha hi use apne bade bhai se ..
Khair manu ajay kyuki chota tha so use apni pareshaaniyon se jitna ho sake dur rahna chahta tha…kyuki manu jaanta tha ki ajay jo uski burai tak nahi sun sakta use pata laga toh pata nahi kitna drama hoga school me jo manu nahi chahta tha or ab bachi Sumitra …sumitra ko manu isliye yeh sab batana nahi chahta tha kyuki woh ache se jaanta tha ki agar Sumitra ko yeh sab pata chalega ki ek taraf uska pati rajinder kitni mehnat kar raha hai akele 3 ya 4 loogo ka kaam kar raha hai or dusri taraf manu ko usi ke baap ke naam per nicha dikhya ja raha hai ..toh who pata nahi kya karti ..dusri taraf rajinder ne bhi use Sumitra ko in sab se dur rakhne ko kaha tha..or manu khud nahi chhahta tha ki Sumitra per koi bhi mentally pressure bane so ..in sab baton ko dekhkar manu ne ajay or Sumitra ko apni or rajinder ki tension se dur rakhna thik samjha..
Khair aaj subah morning main sab normal hi tha ,per ek baat alag hui thi rajinder jo subah nasta karta or chup chap bye bolkar ghar se office ke liye nikal jata woh aaj manu or ajay ke ready hone ke baad manu ke gale lag kar uske sar per hath fer kar bola “best of luck mere sher”…jis per Sumitra chaunke bin ana reh saki or boli “aaj yeh sab kaise suraj kaha se nikala hai ya yeh koi sapna hai ki aap inko best of luck keh rahen hain “ ????
Rajinder ne is per man uke gale lage hue kaha “ haan ji pyaar toh sirf aapko hi hai bachoon se humko kahan main kahta nahi toh yeh matlab nahi ki mujhe mere dono shero se pyaar nahi hai…main jitna apne bachoon se pyaar karta hun ..utna hi tumse bhi ..”
Is baat per sumita sharm se boli “ aap bhi na main aisa toh nahi kaha or kuch toh saram karo bache samne hain”
Rajinder “ toh kya hua unko bhi toh pata chale kaise unka baap unki is sherni maa ko chahta hai”
Is per Sumitra saram se aage koi baat na bade toh muskurati hui kitchen me jakar kaam karne lagi…
Rajinder ne ab manu ki taraf dekha jo is samay us kandhe se laga hua tha …kyuki rajinder ne use gale lagne ke baad se apne se alag nahi kiya tha..ab rajinder ne normal hokar manu se kaha “ mere sher bete tu jaanta hai na aage ka time me kaise loog milne wale hain ..beta phir se keh raha hun aage loog milkar teri ankhon me ankh daal kar jhuth bolenge or tujhe yeh jaante hue bhi ki samne wala jhuth keh raha hai ,,sahi time aane tak usko jhelna hoga kyuki bina sahi time ke tu kuch nahi kar payega ..or jab time aaye toh har ek ko dhokar nichod kar sukha dena ..samjh raha hai na …kyuki agar tune jald baazi me koi bhi faisla liya ya sahi faisla lene me chuk ki toh aage bahut kuch badal jayega ..tu mera matlab samjh raha hai na??”
Manu “ haan papa ache se samjh raha hun mujhe khud bhi sahi time ka intzar hai …kyuki main apne dushman se bhi sikh leta hun …jab usne(chintu ne) sahi time ke liye itna wait kiya toh mujhe bhi usse sikh mili hai ki …main khud use ache se sahi time par jawab dunga …aap tension na lo ..”
Rajinder “ beta tension honi lazmi hai baap hun tera per tujhe bhi ache se jaanta hun tu mera hi khoon hai toh teri kabilyat main ache se jaanta hun per ek baap hone ke naate samjhana mera farz banta hai ..wohi kar raha hun main janta hunt u sahi time per apna kaam kar dega ..or ek baat ka dhyaan rakhna tera yeh baap humsha tere sath tere har faisle me tere sath hai..so aage se koi bhi baat agar tang kare toh bindass bata dena ..agar baap ke samne bolne me koi jhijhak ho toh dost samjhkar bol dena ..ok “
Manu haskar “ok papa “ dost samjhkar hmm!”
Rajinder muskurakar “ hmmm! Nahi haan beta kyuki kuch baaten baap se kehne me bete sharma jaate hain tab dost samjh kar keh dena kyuki jab bete ka pair baap ke jhute me aane lage toh har baap ko bete ko ek dost ki tarah samjhna chahiye (purani kahawat hai sunta aaya hun yaad aayi toh likh di ) or waise bhi ek ache bete ki saari khubiyaan hai tujhme toh mera bhi farz banta hai ki main ache baap hone ka farz nibhaun ….so jab koi tension ho apne baap se share kar lena mujhe bhi naya dost mil jayega ..or ghar me na comfortable lage toh dono baap bete night walk per discussion kar lenge…wahan toh apni “”boys talk”” aram se ho jayegi ..
Manu kuch bolta usse pehle hi Sumitra bahar aate hue boli “aaj koi special din hai kya jo aaj apne manu ko itna chipka rakha hai ji …or kya baaten ho rahi hain main bhi toh sunu ..”
Rajinder “aaj tak tumahre or tumhari Saheli ke bicha me main kuch pucha ,,or jab pucha toh “girls talk “sunkar chup ho gya ..khair yeh baap bete ki bich ki baat hai ..jada kuch khaas nahi ..just “boys talk “
Sumitra “ matlab main kuch puch nahi sakti aapke is “boys talk “ ke baare me …per koi baat nahi mujhe toh phir bhi bahut Khushi hai ki aaj aapne apne bete se itni baat ki “
Rajinder “ Sumitra main apne parivaar se bahut pyaar karta hun mere yeh dono bete meri dono Aankhen hai or tum mera dil ho .aisa nahi hai ki mujhe tum logo ki parvah nahi hai ..per ek mard hone ke naate mujhe tum sabhi ki jimedaari bhi nibhani hai ..so usi ke chalte jada time nahi de pata hun bachoon or tumko ..per iska yeh rati bhar matlab nahi ki mujhe tum sab se pyaar nahi hai..pyaar jatana or nibhana do alag baat hain…jatata nahi per puri imandari se nibha raha hun ..or kama kya sirf apne liye raha hun ..nahi na aanewale time me bache bade honge unki zarorat bhi badengi tab unke ache future ke liye unka baap ready milega …tab unko bhi pata chal jayega ki unka baap nakar nikamma nahi hai ek jimedar baap hai …”
Is baat per Sumitra ro padi “mujhe maaf kar dijye main aisa toh nahi kaha tha..main aapko ache se jaanti hun..per ek dukh tha ki bachoon ke sath aap ek duri bana kar rakhte the ..woh baat mujhe khatakti thi ..keh nahi pati thi per dukhi rehti thi per aaj apne is traha manu ko gale laga ke baat kit oh laga koi sapna hai ..so yakin nahi hua..mujhe maaf kar dijiye ,,main aapko galat samjti thi..”
Rajinder “ Sumitra bache jab chote the tab duri isliye rakta tha ki bache agar dono maa baap se pyaar payenge toh sunege kisi ki or bigad jaate kyuki main shakt tha or duri banakar rakhta tha or tum pyaar se samjhati thi toh dekho apne bache kaise hai..kya tumhe bhi mera tyaag samjh nahi aaya …khud ke bachoon se dur rahna kitna muskil hota hai..main janta hun ..us nalayak jai chand ko paalne se maine yeh sikh li thi ki agar sabhi pyaar kare toh insaan nalayak hi banta hai kyuki jada pyaar se insaan jimmedari se dur rehta hai use pata hota hai ki jimmewari use milegi nahi..so jab insaan jimmedari ki kadra nahi karta toh badle me sirf or sirf aalsi or kam buddhi ka prani,or mehnat se ji churanewala ,,nalayak insaan banta hai ..bilkul jai chand ki tarah ..kya tumko apne manu or jaichand me farak nazar nahi aata…???”
Sumitra sochti hui “ kaisa farak ji “
Rajinder “who aalsi hai …kam buddhi wala hai apni biwi ke dimaag ke aage jhuka rehta hai..or kaam kaaz se ji churta hai…kya apna manu bhi waisa hai …nahi woh abhi chota hai per abhi se pura din padne ke sath bussy rehta hai ..do jagah per sikne bhi jata hai business ko …or apni class me pichle do saal se first aa raha hai ..toh jai chand ke time per jo main galti kit hi uski har maang ko puri karke un sab galtiyoon se mane sikha tha ..ki bache ki bematlab ki maag kabhi pura na karo..or dekhlo apne bete ko kya itna chota hone ke baad bhi kitna mehnati hai ..or jimmedaar bhi ..toh kya maine duri banakar galat kiya ..bolo”
Sumitra rote hue “nahi ji aapne bilkul thik kiya main hi pagal thi bewajah khud se aap per gussa hua karti thi ki aap sirf jaichand ko hi pyaar karte hain aisa toh maine socha hi nahi tha..mujhe maaf kar dena ji ..per ek cheez mujhe samjh nahi aayi ji “
Rajinder”konsi chezz “
Sumitra “aapne kaha tha ki bachon se aap duri banakar rakhte the toh abhi ajay bhi chota hai toh matlab abhi bhi dur hi rahengen bachoon se ??”
Rajinder “ ab uski zarorat nahi hai …manu ab samjhdar hai ..toh duri ki zarurat nahi hai kyuki ab ajay ko manu sambhal lega or uski galtiyoon ko manu ache se samjhkar handle kar leta hai ,,,maine khud dekha hai ki kaise who ajay ko sahi sikhta hai ..haan janta hun humare bache smart hain..unko lagta hai maa baap se dur rahte hain per hum bhi maa baap hain apne bachoon ko samjhna hume aata hai..manu ajay ko sahi guidance de raha hai or khud ajay ko bhi manu ko dekhkar ki uska bada bhai kaisa hai isse sikh milegi so who sahi banega ..so kul milakar ab apne bachoon se mujhe duri baanne ki zarorat nahi hai..”
Manu chup chap dono ki baaten sun raha tha or soch raha tha ki uske maa baap kitna kuch daav per laagye hue the un dono bhaiyon ke future ke liye ..use us samay apne maa baap per bada garv hua ki uske maa baap kaise dono bhaiyon se pyaar karte the or bina kahe bhi dono per nazar rakhte the..yahan tak ki use pata bhi nahi tha ki rajinder ko uske or ajay ke bich me hone wale topics bhi pata the …
Khair yeh sab chalta raha or manu school pucha …
Jahan use kal jaisa treat kiya gaya baat baat per sabhi ne nicha dikhane ki koshish ki use …sabse piche who akela bench per betha tha..nisha aaj bhi school nahi aayi thi..manu ne dhayaan se dekha tha ki chintu jab bhi uski bezati hoti toh kitna khush hota tha..baat baat per jab koi manu ko nicha dikhata toh manu dhyaan se chintu ke chahre ko dekhta ..uske chahre ki chamak or uski shaitani hansi dekhkar manu ache se chintu ki Nafrat samjh gaya tha ..per use yeh samjh nahi aa raha tha ..ki baaki yoon ko uske baap ke naam per nicha dikhane se kya milne wala tha ..per saale sab lage hue the ..use baat baat per jamadar …jamadar bolne me ..per manu akela karta bhi kya ..kyuki sala koi bhi use siddha kuch kehta nahi tha ..bas bich me koi bhi kahin se chilaakar bolta “jamadar “or sab hasne lag jaate sabka dhyaan or ankhen manu per gadi hoti jaise sab ummid lagye hue the is torture se manu ro pade ..yeh samne se ladai nahi thi ,,,is ladai ko aap psychology ki ladai bhi keh sakte hain aap ki kisi ko aap mentally torture do or use aap aander se tod do …kyuki samne ki ladai me insaan sirf or sirf hath pair tudwata ya toad deta hai per mental ladai me insaan ko chot bhi under hi milti hai..or us chot ka asar uski physical body per nazar aata hai ek time baad..kyuki mental torture insaan ko samne se nahi bhitar se todta hai toh uske sharir per koi chot nzar aati nahi hai ..
Yeh torture bade purane time se use kiye jaate the ..jaise old Egyptians me kisi ko agar mentally torture diya jata tha toh usme who kaidi ko ek andhere kamre me band karke uske hath pair bandh kar ek bed per yah bed ki shape me lita diya karte the jiske baad uske sar se kaafi uchai per ek paani se bhara hua bartan bandha jata tha jis se niche us kaidi ke sir per kuch 30 second ke baad ek pani ki boond (water drops) tapka karti thi..aap sochenge ek boond se kya hoga per zara soch kar dekhye ek andhare kamre me jahan who hil nahi sakta tha uske sar ya mathe me per paani k ek boond tapak kar uski mansik shanti or uske dimaag me chal rahe vicharon ko kaise disturb karti hogi..kuch gante baad hi har kaidi ko mentally broken feel hone lagta tha ..or pura din hone ke baad uski halat patli ho jati thi …agle us kaidi ko khana khilya jata or phir wahin bandh diya jata tha …same treatment ke liye …adhiktar kaidi 3 ya 4 din me tutkar sab kuch bol dete the ..yeh treatment spies or dushmano per kiya jata tha..is treatment ko agar 1 week kiya jata toh kaidi mar jaya karte the ya jo bach jaate the who puri tarah se pagal ho jaya karte the…
2nd world war ke time bhi jinko spying ya kisi khas maqsad se pakda jata tha ..unko bandh kar sirf ek bell sunai jati thi har 30 ke difference pe jisme kaidi ko yeh mentally torture 3 ya 4 din ke bhitar hi tod diya karta tha or jinper aage kiya jata who ya toh pagal ho jate ya suicide kar liya karte the …
Aap sab soch rahe honge ki kahani me yeh sab kya bakwass hai…toh yeh bakwas nahi fact hai chaho toh google kar lo …yahan itna sab batane ka maqsad itna hai …ki chintu ne jo plan kiya tha usme uska maqsad yahi tha ki manu ko itna mentally torture mile ya sab milkar manu ko itna mentally toad den taaki manu kabhi aage na bad paye ya toh uski himmat jawab de de..ya who ander se tutkar uske aage jhukar apni haar maan le ..per khud chintu ne bhi yeh sab nahi soch ki aagar kisi ko mental torture kiya jaye toh …insaan kabhi kabhi itna tut jata hai ki apni khud ki pehchaan bhul jata hai ,,,kyuki body or mind ka siddha connection hota hai …aap is baat se samjh sakte hai ..ki ek labor worker jitna physical work karta hai or use jitni thakan hoti hai …utna hi ek computer per kaam karne wale target pura karne wale ya office me kaam karnwale person ko hoti hai ..shayad kuch loog is baat se sehmat na ho ki ek physical worker or ek mind worker (jo mind se work leta hai physical work ki jagah use mind worker hi kehna thik hoga)kya comparison but aap google per dekh lena ki mind se work karna or body se work karna dono me person ko lagbhag same hi thakan hoti hai..dunia me kai research hui hain isi baat per kaiyoon ne apni phd ki thesis bhi likhi hain…
Khair baat thi mental torture ki chintu ne yahi plan kiya tha ki manu ka insab baatoon ka asar pade or who mentally broken ho jaye ..taki manu ko barbaad karke who Nisha ke dil me apni jagah bana sake or apna pyaar paa sake ..or kyuki apne khud ke ghar me manu ke naam ko sun sunkar usse khud ka ghar hi begana mehsoos hota tha..kyuki baat -baat per manu yeh, manu who, manu jaise bano, aage bado manu ki tarah ,ya beta ho toh manu jaisa har roz use yeh manu ka naam sunkar manu ke naam se Nafrat ho gayi thi..per kyuki khud uska hi faida tha manu ke sath rehne me so jab tak chalta raha tab tak chintu chalata raha ..
Per jab se usne Nisha ko dekha or Nisha ko dekhte hi use pyaar ho gya ab pata nahi ki use pyaar tha ya Nisha me use perfect package nazar aata tha apne secure future ka …ki Nisha uske liye bahut mayene rakhti thi per jab usne Nisha ko manu ke aas pass dekha toh uski nafarat ne use manu ko uski aankh me kaanta bana diya ..or jab use pata laga ya usne dekha ki Nisha ki aankhon me manu ka pyaar parvaan chadne laga hai ..toh use laga ki shyaad manu Nisha ko usse chin lega …or aaj tak manu se haarte hue use pyaar me bhi manu se haar hi milnewali thi jo shayad use bardast nahi tha..so ek tarah se usne ab manu per yeh mental torture ka war kiya tha ..jisme manu kitna tutega or kya manu per yeh mental waar kaam karega is soch me chintu ne soche samjhe kadam ke sath saari class ko apne sath milya tha..milya bhi kyat ha …pehle bhi bataya tha phir bata raha hun sab apne matlab se chintu ke sath the ..har kisi ka apna ambition tha koi manu se aage nikal na chahta tha ,..toh koi manu ke style or charm se jalta tha ..or ladkiyaan haaey ladkiyaan unko bahala kya problem thi manu se …toh unsabhi ke sath manu ne humsha helpful nature rakha tha ..but who ladkiyoon se limit se hi baat kiya karta tha …jahan adhiktar ladkiyaan manu me acha boyfriend dekhti thi ..per manu ne unko aage badne ka koi chance nahi diya tha..kyuki har dusri ladki use pana chahti thi..per manu un sabhi se apni limit bana kar baat karta tha per Nisha jabse aayi thi manu ke sath rehti thi ..tabse ladkiyaan Nisha se bhi kaafi had tak jalne lagi thi…jiska Nisha ko or faida hua ..nisha or karib ho gayi thi manu ke ..jahan manu sirf Nisha ko dost ke nazar se dekha karta tha ..wahin Nisha ka pyaar saari ladkiyan mehsoos kar sakti thi or us din jab Nisha ne manu ko apne hath se khana khilaya toh pata nahi kitni ladkiyan Nisha se Nisha ki kismat se or uske manu ke pass hone se jalne lagi thi..
Jis tarah ek single ladka adhiktar ladkiyaan ignore karti hain,uski chahe kitni bhi khubiyaan ho nahi dikti na hi us per ladkiyan gour karti hain , per jab usi ladke ki shaadi ho jaye ya uske sath uski life me koi girlfriend ban jaye toh who hi ignore karnewali ladkiyaan us ladke ko sexy samjhne lagti hain ya pasand karne lagti hai (sorry girls but this is also fact)jis ladke ko pehle jo ladkiyan ignore karti hain wahi jab us ladke ko kisi or ke sath dekhti hain tab achanak se unhe usi ladke me dilchaspi hone lagti hai …waise hi Nisha jab manu ke karib hone lagi toh who ladkiyaan jo samne se manu ko boyfriend nahi bana payi toh ussabhi ko Nisha or manu ka karib aana nagavar guzra …jahaan Nisha paise me or sundarta me un sabhi se kai guna aage thi jisko kuch kehna or uska kuch karna un ladkyoon ke bas ke bahar tha so unka gussa manu per tha ki usne unme se kisi ko kyu nahi chuna…waise toh agar manu unme se kisi ek ko bhi chunk leta girlfriend ke naam per toh uska haal bhi Nisha ke jaisa isolate hota us ladki ko bhi manu ke sath akele rehna pdta per ab kyuki ab Nisha thi or Nisha sirf Nisha nahi thi uska background bhi acha tha..per manu ko nisha ka acha or caring nature or uske baatchit ka tarika acha laga tha so uski friendship Nisha se hui thi..so ab aap samjh gaye honge ki chintu ne itna sab kyu or kis maqsad ke sath kiya tha ..
Kyuki chintu chahta tha ki manu sab se dur akela pad jaye or isolate ho jaye jis se who depression me chala jaye or shayad khud ko khatam tak kar le …
Jaisa aajkal India me chal raha hai Sushant singh Rajput ka case …bhi lagbhag kuch isi ki similarity ke sath hai ,,ki kaise zindagi jine wala iit india me 7th rank lane wala ek chote se shaher ka ladka …jo apne talent ke dum per shyaad or kuch karta shyaad aage or misaal banta un chote shahro ke talented logo ke liye jo sochte hain ki humara kya hoga ..unke liye Sushant who inspiration tha…jisne har choti city ke insaan ko uske sapne pure ho sakte hain aise pankh diye the…kyuki aap sab ache se jaante hain har insaan apne sapne me kisi na kisi ko idol manta hi hai jaise singing main lata ji , science me Einstein ya kalam Shahab so kahin na kahin sabhi kisi na kisi se inspiration lete hain ..aise hi bahut se logo ki inspiration hoga shyaad Sushant bhi jo us jagah khud ko isolated pata ho jahaan sirf bade loog hi paaye jaate honge …jahan who dimaag se bhi talented tha ..wahin kuchoon ko iq dunia janti hain ….so sochne wali baat yahi hai ki jinda aadmi khud ko kitna isolated mehsoos karta hoga jisne suicide jaisa bada kadam tak liya hoga kitna koi mansik tour per tut jata hai ki khudkhushi jaisa kadam leta hai ..normal life me aap ungali shyaad jaan bhujhkar bhi na kaatenge per jab mentally torture jhelte hain or khud ko isolated pate hain toh khud ki ungali bhi na kaat paane wala insaan khud ko khatam tak kar deta hai ..yeh is baat ki misaal hai ..
Khair mera film or celebrity’s se koi lena dena nahi ..but isolation or mental torture jiske tehat chintu ne jo plan banaya tha who aap sabhi ko clear karna tha …so ab taka ap samjh gaye honge ki chintu ko manu ki life khatam hone se bhi koi problem nahi thi ..ek tarah se aagar manu mansik trauma ke chalte agar mar bhi jata toh uss se use koi problem nahi thi balki uske liye toh Nisha ka rasta saaf ho jane wala tha …
Khair manu ne aaj ka din bhi nikala …rajinder aaj bhi use raat ko walk per le kar gaya or din bhar ke baare me pucha or samjha …manu ne bhi sab khulkar bataya ki kya behavior hai puri class ka uske sath..
Toh rajinder ne use samjhte hue kaha ..
Rajinder “beta aage bhi aise kai time tumhare sath hoga tumhare sath ke loog hi tumhare raste ki diware honge toh kya karoge ..tum un sabki parvaah na karna kyuki jo bhi apne matlab ke liye tumhare sath agar galat bartav kare toh unki parvaah karoge toh in sab me hi ulajhkar reh jaoge…jo tumhare liye galat soche uski parvah karna bewakoofi hai ..so unsab ke baare me kabhi mat sochna …dunia hai hi aisi ..tum sirf apne future or family ke baare me sochna kyuki jab bhi tum khudko akela feel karo toh humsabhi ko yaad karlena hum sabhi dil, dimag or har tarah se tumhare sath hain..”
Manu “ per papa puri class ek sath kaise samjhna thoda muskil hai..”
Rajinder “ beta dunia me sabhi ka apna apna koi na koi laalch ya svarth zaror hota hai …jiske ke chalte kab kon kiska dushman ban jaye kehna muskil hai …or agar tum in sab ke baare me sochne lago ge toh apne raste se bhatak jaoge …so jo sath hai thik jo na sath ho toh thik aapne raste per aage chalte raho..kyuki last main insaan ki pehchaan uski kamyaabi hi hoti hai …or saari dunia chadte suraj ko salaam karti hai..so yaa toh yeh socho ki aage kaise badoge ya yeh sochte raho ki sab ek sath tumhare khilaaf kyu ??hain …faisla tum per hai ya toh unki parvah karo jinko tumhari pervaah hai…ya unki parvaah karo jinko tumhari haar se hi matlab hai jinke liye tumhari achaiyan koi mayene nahi rakhti..”
Manu “papa aapka matlab ache se samjh gaya hun thanks a lot ki aapne mera confusion clear kar diya varna such me main akela mehsoos kar raha tha puri class me per aapne ache se samjha diya hai ki main akela nahi hun or na mujhe unsab ki zarorat hai ,mujhe yahi baat pareshaan kar rahi thi ki achanak se yeh saare kyu ek jaise ho gaye..??per aab sab thik hai or don’t worry main abhi akela zaroor hun class me per dimaag se kamzor nahi hun haan kuch swal tang kar rahe the per aapne sab clear kar diya hai ki family mere sath hai ..so aage badne per dhyaan dunga aage se love u papa..”
Rajinder “ love u to beta mujhe bhi tension thi ki kahin tum koi galat kadam uthalo ya pata nahi kya karo per mujhe apne bete ki kabiliyat ache se pata so jahan tum confused feel karo toh apne baap se bina tension ke baat kar lena ok “
“Ok papa ab ghar chalene ya bhi gumna hai “ manu
Rajinder “ nahi beta thak gaya hun per teri chinta thi toh baat karne ka time nikalna bhi zarori th..chal aab tug har chal ab chain se so sakunga..”
Dono baap bete ghar aa agye the …or so gaye …
Agla din bhi same raha .jisme sabne aapna best diya manu ko nicha dikhane me per manu shant tha …use uske pita se sikh mil gayi thi …sab koi mauka nahi choad rahe the manu ko nicha dikhane ka ..per manu ko na ab unsab ki parvah thi na unsab se koi matlab ….padne ke time padta or lunch ke time nita mam ke pass chala jata …aaj tisre din bhi Nisha nahi aayi thi..manu ko aab nisha ki chinta ho rahi thi …
” ki teen din se pata nahi kyu Nisha aa nahi rahi hai …pata nahi kya hua hai Nisha ko ….kahin chintu ne toh kuch nahi kar diya use nhi chintu Nisha ko chu bhi nahi sakta Nisha keg har me hi ek dajan naukar hain phir uncle hain anty hain…or who lamba tagda guard hai jo gate per rehta hai…ek hath agar uska pad gaya toh chintu ka mutt hi nikal jayega …per chintu me kahan itni himaat hai ki Nisha ko kuch kar sake …kahin Nisha ki tabiyat toh thik hai..nahi kahin use kuch ho gya ho…ho sakta hai kahin gayi ho ..”
Aise kitne saare sawal ek sath manu ke dimaag me ek sath ghum rahe the…jahaan use aaj Nisha ki kami mehsoos ho rahi thi…yeh insaani fitrat hi hai ki agar koi raat din aapke samne ho toh koi baat nahi per agar usi insaan se kuch din ki doori kai janamo ke barabar lagti hai …yahi haal is samay manu ka tha ..kyuki sabne use pure 3 din se torture kiya tha …pehle do din toh uske dimaag me Nisha ka khayal nahi aaya per dusre or tisre din me use Nisha ke liye chinta hone lagi ..phir achanak se uske dimaag me aya kahin Nisha bhi in sabke sath mil gayi toh….is khayal se manu ko ek anjana darr sa laga …who dil se dua karne laga tha ki Nisha bhi or jaisa bartaav na kare uske sath …
kya hoga agar Nisha bhi waise hi bartaav kare jaise sab uske sath karte hain…yeh sochkar uske dil me ek tees si uthi ..per phir use apne pita ki baat yaad aayi ..ki jo tumhari parvaah kare uski parvaah karo jo na tumahre baare me soche tum bhi aage badkar aapne raste chal do …
per manu ke liye aise hi Nisha ko ignore karna kya possible tha ..or Nisha kahaan hai 3 din se or agar Nisha ka samna agar manu se hua toh uska reaction kya hoga …kya who bhi sabhi ki tarah manu se Nafrat karegi ya …same rahegi or agar Nisha bhi same treat kare or logo jaisa toh kya manu bardhast kar sakega ….iska jawab ya kismat ke hath ya aanewale time ke hath me tha….
