Bilal jan
My Attitude your problem 🖕 Your attitude my foot
- 15,896
- 39,790
- 258
Nice update
Episode 5
Radha ko apni traf dekhate hue dekh kar Jainifer ko samjh me hi nahi aa rha tha ki vah kya bole kyunki use yakin nahi ho rha tha ki jise vah itne dino se khoj rahi thi vah ek mashoom si dikhane wali ladki hogi par ab jo tha vah yahi tha kunki father ke anushar ek yahi hai jo uski madad kar sakti hai par isase is baare me vah baat kaise kare yahi use samajh me nahi aa rha tha kunki usko khud is baat par yakin karne me kafi din lag gaye the par chahe kuchh bhi ho ab usko baat to karni hi hogi to vah Radha ko apne pass baithane ka ishara karti hai or bolati hai.
Jainifer :- " Pichhale do salo se tumhara intzaar kar rahi hu to jakar aaj tum mujhe mili ho. "
Samne wali ladki ki baat sunkar Radha ko jhatka sa lagta hai kunki janha tak usko yaad hai aaj se pahale usne kabhi is ladki ko dekha tak nahi hai phir vah mera kyu intzaar kar rahi thi. Idhar Jainifer Radha ke man me chal rahe uthal puthal ko padh leti hai jise padhkar use koi dikkat nahi hoti hai kunki ek trah se yah sach hi tha ki vah dono aaj se pahale kabhi ek dusare se nahi mile par kismat ne phir bhi dono ka ek sath milna likha tha yahi sab soch kar Jainifer phir bolti hai
Jainifer :- " Tum jo soch rahi ho vah sach hai. Aaj se pahale ham na to kabhi mile or na hi kisi bhi trah se jaante hai. Dikhane me tum indian lag rahi ho or mai aaj tak kabhi india nahi gayi hu or na hi koi jyada friend the mere lekin iske baad bhi mai tumhara intzaar kar rahi thi or yahi mera bhagya hai. "
Ab to Radha ko uski baat samjh me nahi aa rha tha ki jo bate uske man me chal rahi thi use yah kaise jaan gayi phir vah bolti hai
Radha:- " Agar yah sach hai to phir tum mera intzaar kyu kar rahi thi. "
Radha ki baat sunkar Jainifer idhar udhar dekhati hai or jab use yakin ho jata hai ki kisi ki bhi nigahon un logo par nahi hai to vah rahat ki sans leti hai or phir bolti hai
Jainifer :- " Tumko muh se bolane ki jarurat nahi hai kewal apne man me socho mai sun lungi. "
Us ladki ki baat sunkar Radha ka dimag ghum jata hai pahale bol rahi thi ki mera intzaar kar rahi thi or ab bol rahi hai ki man me bolo vah sun legi kya isne mujhe pagal samjh rakha hai. Jainifer uski man ki baat ko samjh kar vah phir bolti hai
Jainifer:- " Mere samjhane se kuchh bhi nahi hone wala hai kunki jo tum dekh or sun sakti ho vah baki koi or nahi sun dekh sakta hai yani kisi mujhe. Meri mout aaj se dhai shal pahale ho chuki hai or jise tum dekh or sun rahi ho vah bas ek soul (atma) hai isliye hi mai bol rahi hu ki samne se mat bolo kewal socho warna log pagal samjhenge.
Radha ne jab yah suna to vah puri trah se hil gayi use laga ki jarur yah ladki mere se majak kar rahi hai par janha tak mujhe yaad hai aaj se pahale mai isase mili nahi hu to phir yah mere sath aisa karegi. Abhi vah yahi sab soch rahi thi ki tabhi use ek awaj sunai di jo Jainifer ki hi thi vah boli
Jainifer :- " Tumko meri baat par yakin nahi ho raha hai or hoga bhi kaise jab mujhe khud is baat ko accept karne me kuchh din lag gaye to tumhare liye yah sab accept karna thoda muskil jarur par chinta mat karo samne se tumhari friend aa rahi hai bachho ko lekar dekhna sab kuchh clear ho jayega abhi. "
Sab kuchh sunkar bhi Radha ne kuchh nahi bola bas Priyanka ka pass ane ka intzaar karne lagi kuchh hi der me vah pass ate hue boli
Priyanka :- " Tu yanha par mast akele baithi hai or idhar yah dono badmasho ne meri halat kharab kar di. "
Priyanka ki baat sunkar Radha ko jhatka sa laga kunki Jainifer bilkul hi uske pass mere hatho ko pakad kar baithi thi or vah bol rahi hai ki akele baithi hai. Yah sab sunkar to Radha ki halat kharab ho jati ki kanhi vah sab sach to nahi hai or agar hai to phir use hi vah kyu dikhai de rahi hai or sabse bada swal yah tha ki iski wajah se bachho ko koi dikkat naa ho. Uski man ki baat samjhkar jainifer ko thodi taklif hoti hai par vah khud ko kisi trah sambhalti hai or phir Radha ki ankho me dekhkar bolti hai
Jainifer :- " Mai janti hu ki tum ek maa ho or ek maa ka dil apne bachho ko lekar hamesha hi ashahaj rahata hi hai lekin tumko mujhase darne ki koi jarurat nahi hai kunki mai kisi ko nuksaan nahi pahucha sakti kunki agar mai aisa kar pati to aaj mai itne samay tak mai un kamino ko jinda nahi chhodati lekin mai chah kar bhi kuchh nahi kar sakti hu jab tak tum mera sath nahi dogi. "
Yah sab sunkar Radha kuchh bolti nahi hai bas kewal man me bolti hai ki thik hai ham is baare me raat ko baat karte hai. Abhi tum mere sath chal sakti ho lekin mujhe sochana padega. Jainifer thodi khush hui kunki ab use samjh me aa gya tha ki vah uske baato par yakin to kar rahi hai.
idhar in sab baato se bekhabar Priyanka ghar chalane ko bolti hai to Radha bhi ek bachhe ko lekar ghar ki traf chal deti hai. Raat me kha na khane ke baat apne bete Vansh ko lekar apne room me chali jati hai sone ke liye pichhe se Jainifer ko ane ka ishara karti hai to vah bhi uske sath uske room me aa jati hai. Vansh ko sulane ke baad Radha jainifer se bolti hai
Radha :- " Ab bolo kya bolna hai tumko or tumko meri madad kaise chahiye. "
Radha ki baat sunkar Jainifer ek fiki mushkaan ke sath bolti hai
Jainifer :- " Maine tumhare man me jhank kar tumse bina puchhe tumhari puri past life ke baare me jaan liya iske liye sorry par sach kahu to mai yah dekhana chahti thi ki father ne aisa kyu bola tha ki ham dono hi ek dusare ki madad karengi par tumhari aaj tak puri life history jananne ke baad or tumhari power ke baare me jaan kar ek baat to tay hai ki ek tum hi ho jo meri madad kar sakti ho or tumhari madad mai kar skti hu kunki tumhare pass power to hai par use kaise use karna hai yah tum nahi janti ho kunki aaj tak tumne kewal apni study par dhyaan diya hai par agar ham dono ek ho jaye to ham log un sabhi ko khatm kar sakte hai or sath me tumhari jo bhi pareshan hogi uski bhi hal nikal lenge. "
itna sunkar Radha bolati hai ki
Radha :- " Mere bare me to sab jaan liya or apne bare me kuchh nahi bata rahi ho. Sabse pahale apne baare me batao or yah bhi ki ham kaise ek dusare ki madad kar sakte hai. "
Radha ki baat sunkar Jainifer ne kuchh bola nahi bas apna hath uske hatho me dete hue boli
Jainifer :- " Mai bolu kya tum khud hi dekh lo apni ankhe band karo or tumhe meri puri life dikh jayegi . "
itna bolkar vah chup ho jati hai or idhar Radha ne vaise hi kiya to usko pata chala ki jainifer ek anath thi jo ki orphanage me rahti thi or apni kabliyat ke bal par Ek police officer ban jati hai or uske baad uska Steew or Mariya se milna unki dosti or phir kaise Steew use pyaar ke purpose karta hai par Jainifer yah janti thi ki Mariya usase pyaar karti hai to vah apni friend ke pyaar ki raah me nahi ana chahti hai isliye mana kar deti hai kunki vah ek anth thi or uske liye Mariya ke sath sister ka rishta bahut mayane rakhta tha par ant me vahi Mariya uske mout ka karan ban jati hai jise dekh kar Radha ko bahut hi takleef or man me bahut hi dukh hota hai ki akasr apne hi dhokha de dete jiske bare me vah kbhi soch bhi nahi sakti hai. Uske sath bhi aisa hi apni pariwar ke mout ke baad jin logo par yakin kiya baad me pata chala ki vahi log uske parivaar ke katil hai or yanha bhi aisa hi hua jiske upar Jainifer ne yakin kiya usne use dhokha diya or yanha tak ki uski jaan bhi leli. Yahi sab dekh kar Radha boli
Radha :- " To bolo mai tumhari kaise madad kar sakti hu akhir mujhe kya karna hoga. Ek baat to tum jaan hi chuki hogi ki mai aaj bhale hi aam logo se jyada powerful hu par mai kisi bhi trah ki fight nahi kar sakti kunki aaj tak maine aisa kuchh nahi sikha hai. "
Jainifer Radha ki baat sunkar use sab kuchh batati hai or bolti hai
Jainifer:- " Haa mai sab kuchh janti hu tumhare bare me isliye tum chinta mat karo or rahi baat madad karne ki to uske liye ham dono ko ek hona hoga. Jab ham dono ek ho jayenge to ham dono ek dusre ki madad kar sakenge. Matlab yah jaan lo ki tumhari body to ek hogi par usme atma do honge or ham dono samay ke anushar apna rup badal sakenge par hamari soch ek hi hogi or tumhe paiso ki jarurat hai jo ki mai pura kar dungi or tumhari badla lene me help bhi karungi.
