episode 1
yah kahani puri trah se kalpnik hai.
hospital ke ek ward me ek ladki apne bachhe ko janm dene wali hai or operation hall se bahar uski ek matra dost khadi thi jo ki bahut hi pareshaan lag rahi thi. Tabhi ot ka darwaja khulta hai to vah ladki bhagate hue doctor ke pass jati hai or bolti hai
Ladki :- " Doctor ab meri friend kaisi hai. Sab thik to hai naa. "
Do :- " Maa or bachhe teeno hi thik hai ab khatre ki koi baat nahi hai. Vaise mubarak ho apki friend ko judwa bachhe hai ek ladka or ek ladki hai waise ladki ke pariwar wale me se koi nahi aya "
Ladki kuchh der tak sochati hai or phir boli
Ladki :- " Doctor meri friend or mai dono hi anath hai or abhi kuchh samay pahale isne love Maireege ki thi par ab uska pati nahi raha is duniya me or sasuraal wale ab apnane se mana kar rahe hai. "
Wah lady doctor jab yah sab sunati hai to use bahut dukh hota hai or vah bolati hai
lady doctor:- " Aisi baat hai to tumko yanha par ek bhi rs fee pay karne ki koi jarurat nahi tum aram se apni friend ki dekh bhal karo or bachhe ka bhi samjhi"
us doctor ki baat sunkar vah ladki dang rah gayi kunki yah city ka sabse mahangai private hospital hai or vah aise hi bina fee liye hi jane ko bol rahi hai.
kuchh hi wakt me maa or bachhe dono ko hi ek ward me sift kar diya gaya to kuchh hi samay baad us ladki ko hosh aya to apne samne apni friend ko dekh kar vah dhimi awaj me boli
ladki :- " Priya Baby thik to hai naa or vah hai kanha use mere pass lekar aao"
yah sunkar Priya palane se bachhe ko lekar ati hai or phir bachhe ko uske bagal me sula deti hai to vah ladki uthakr apne bachhe ko dhudh pilane lagti hai tabhi Priya wapas se palane ke pass jati hai or phir ek bachhi ko god me lakar ati hai or usko bhi use dene lagti hai to vah ladki aschary se dekhati hai to Priya bolti hai
Priya:- " Ab aise kya dekh rahi hai tu tu khud itna badi doctor hokar yah bhi nahi jaan payi ki tere pet me judwa bachhe hai maine pahale bhi kai baar bola ki tu check karwa le par meri baat nahi suni waise tune khud ka khyaal achhe se rakha warna yah dono kamjor hote . "
yah sunkar wah ladki ek fiki muskan ke sath boli
Ladki :- " Sab kuchh tune hi kiya hai warna mai akele yah sab nahi kar pati. Waise ab kya karna kuchh socha hai is baare me. "
Priya :- " Haa maine puri taiyaari kar li hai yanha hospital se nikalne ke baad ham sab is desh se dur chale jayenge or is bare me kisi ko malum bhi nahi hoga. "
Ladki :- " Par yah sab itna asan nahi hone wala hai. Agar use mere bachho ke bare me pata chala to wah turnt in dono ko hamse dur kar dega. "
Priya :- " Dont warry yah hospital maine isliye hi chuna hai kunki yanha par bina hamari marji ke koi bhi nahi aa sakta hai or ek baar teri halt sahi ho gayi to ham charo yanha se bahut dur nikal jayenge. "
Ladki :- " Vaise ham dono ab karenge kya wanha jakar "
Priya :- " Tu itni badi Doctor hai ki puri duniya me koi bhi hospital me tujhe job mil jayegi or rahi baat meri to mere mom dad ne marne se bahut si property chhod kar gaye the un sabhi ko sale kar diya or paise mere account me hai mai wanha jakar phir se apna business suru kar lungi or tu apna experiment chalu rakhana "
ladki :- " Vah almost puri ho chuki hai bas uska parichhan baki hai uske baad ham dono hi bina kisi Dar ke apni life ji sakte hai. "
Priya :- " Yaar tu bol rahi hai to mai teri baat par yakin kar leti hu par kya sach me aisa ho sakta hai ki ham us dawa ki wajah se itne powerful or hamesha jawan hi bane rahenge. "
Ladki :- " Sach kahu to yah kuchh bhi nahi hai hamare himalaya ke pahadi par aisi aisi jadi butiya milti hai jinki wajah se ham aisi bahut si chijen kar sakte hai jinke bare me koi soch bhi nahi sakta hai. Tu to janti hi hai ki mere grandfather ayurveda ke bahut bade jaankar the lekin papa ne unke kaam me intrest nahi dikhaya or maine dikhaya to jarur par jab mai 15 shal ki hui thi tabhi vah chal base isliye mai jyada to jaan nahi payi lekin unki dawra likhi hui jadi butiyo ki kitabon ko padhkar aaj mai yah dawa bana payi lekin yah to sirf abhi surwat hai . Mai age jakar ek aisi dawa ka nirman karungi ki jo ki mere badale ke kaam ayegi. "
yah Dono ladkiya aise hi kafi der tak baate karti rahi isi bich vah dusari ladki jiska naam Radhika hai vah apne dono bachho ko feeding kara kar sula deti hai or aise hi do din hospital me nikal jate hai. Aaj yah log yanha se jaane wale the.
vahi Dusari traf ek haweli me ek bujurg admi apne admiyo par gussa kar rha tha
thakur :- " Tum sab ko itne din ho gaye or ek ladki ka pata nahi laga sake. "
tab unme se ek admi bola
Admi :- " Thakur dada ham logo ne puri koshish ki par chhote thakur ne jin do ladkiyo ke baare me pata lagane ko bola tha unka koi pta nahi chal rha hai. Hame lagta hai ki ham logo ne jo khabar suni vah sach hi thi sayad vah dono ladkiya ab is duniya me nahi hai."
yah sunkar vah thakur or uske sath baithe do admi sabke chahere par nirsha ke bhav jhalakne lage tab vah bujurg admi apne samne ghutno ke bal baithe ek noujawan ladke ko ghurate hue bole
thakur :- " Tum jante ho tumhari ek galti ki wajah se hamare itni lambe wakt ki partichha bekar sabit ho gayi. Maine socha tha jo kaam uska Dada nahi kar saka vah kaam mai usase karwa lunga or vah maan bhi gayi thi or sab kuchh vaisa hi ho rha tha jaisa hamne chaha tha par tumne mere armano par pani fer diya akhir kya jarurat thi tumko kisi or ladki ke sath ghumane ki bas kuchh dino ki baat thi or phir ham khud use duniya se hata dete to jo tumhari marji hoti vah karte. Tumhari ek galti or hamare varsho purana sapana ab adhura raha jayega.
ladka :- " Dada ji mujhe maaf kar de mai manta hu ki meri galtiyo ki wajah se Radhika ham logo se dur ho gayi lekin maine yah jaan bujh kar nahi kiya tha. "
thakur :- " Mai yaha sab nahi janta ab yaha kaam tumhare jimma hai ki ab tum us ladki ke bare malum karo or agar vah nahi milti hai to koi dusare ke pakado jo hamara kaam kar sake.
yah sunkar vah ladka wanha se chala jata hai to thakur ke sath me baithe ek adami bola
admi :- " Pita ji apko kya lagata hai ki vah ladki sach me mar chuki hai ya phir kuchh or baat hai. "
thakur :- " Ab baat jo bhi ho bas yah jaan lo ki tumhare bete ki ek bewakoofi ki wajah se hamare hatho me vah dawa ate ate rah gayi or hamari varsho ki mehanat par pani fer diya is ladke ne ab pata nahi yah kab pura hoga. "
idhar Priya ne bahut hi chalaki se apni or Radhika ki puri jankari kagaji se hatwa diya or ab kisi bhi kagaj me unka koi namonishan nahi tha mano aisa jaise ki vah kabhi is duniya me the hi nahi. Jab Priya ne yah sari baate Radhika ko batati hai to vah boli
Radhika :- " Yah sab to thik hai par agar kabhi ham logo ko yanha par wapas ana hua to phir hamari pahchan kya hogi. "
Priya :- " Uski chinta mat karo maine ham dono ki new pahchan banawa li hai or sath in dono bachho ka bhi ab koi chah kar bhi khoj nahi payega bas ek kaam karna hoga ki hame koi aisa kaam nahi karna hai jiski wajah se ham midea ke samne naa aye. "
Radhika :- " Uski chinta mat karo bahut jald ham log isase bhi chhutkara paa lenge vaise tumhe ek baat bata du ki us dawa ki do khurak jo maine ham dono ke liye ready ki thi vah ab complete ho chuki hai. Vaise bhi hamara flight kal sham ko tab tak ke liye maine Doctor se baat kar li hai vah hame yanha rahane denge kunki yah jagah sabse safe hai . "
Priya :- " To phir ab ham us dawa ko kab use karne wale hai. "
Radhika :- " Aise kaam me deri nahi karni chahiye mai pahale khud ko laga leti hu mujhe karib do ya teen ghante me hosh ayega tab tak tu in bachho ko sambhal lena. "
uski baat sunkar Priya ne haa me sar ko hilaya to Radhika ne khud ko us dawa ki sui laga li kuchh hi der me uski ankhe band ho gayi or vah bishtar par so gayi. Dava lagane ke baad Radhika ke body me achhe kha se change dikhai de sakta tha . Yah is baat ka proof tha ki Dava apni asar dikha rahi hai......
