Update 33
Waha khade sabhi log pathar ki murat bane hue the.
Raghav: Aur jab uss din tumko humne ghar mein dekha toh tumhe pehchan gaye kyoki tumhari shakal bilkul tumhari maa jaisi hai. Ek pal ko hum bhi shock hogaye the tumhe dekh kar.
Meera aur Ritika toh jaise zinda laash bani padhi thi. Aryan unke paas hi khada tha usko bhi bahot bada shock mila tha. Uski dono girlfriend sagi behene hai.
Aryan: Unka accident kisne karwaya tha.
Raghav: Bhaiya ne kaha tha India ka koi terrorist organization tha jo ki ab India ka sabse bada terrorist organzation hai.
Aryan jab yeh sunta hai toh gusse mein uske jabde kash jaate hai. Par filhal usse Meera aur Ritika ko sambhalna tha.
Aryan: Meera Ritika. Aryan bas itna hi bola tha ke dono uske seene se lag ke rone lagti hai.
Meera: Yeh sab kya hua Aryan ek pal mein meri zindagi badal gayi.
Ritika: Itna bada sach humari aankho ke saamne tha humhe pata nhi chala. Kal tak jo meri dost cum behen hua karti thi aur aaj meri sagi didi nikli.
Aryan: Ab tum dono ka kya faisla hai. Tum chaho bhi toh yeh sach jhootla nhi sakte. Aur Meera isme inki koi galti nhi hai. Yeh sab toh unlogo ka kiya hua hai.
Ritika: Meera kya mujhe meri didi wapas milegi.
Meera: Bilkul milegi chotti. Tujhe maine sautan ke hisaab se behen bola tha. Mujhe kya pata tha tu sach mein meri choti behen nikal jayegi.
Ritika Didi bol Meera ke gale lag gayi. Meera bhi apni choti behen ko kash ke gale laga leti hai.
Sabki aankho mein aansu the.
Sangeeta: Kya apni maasi ko thoda pyaar dogi Meera.
Meera daud ke Sangeeta ke gale lag jaati hai. Ritika bhi daud ke Raghav ke gale lag jaati hai.
Ritika: Aap dono humesha mere maa aur dad rahoge.
Kuch der aise hi family reunion hota hai.
Warden: Meera ab toh tumhe tumhari family mil gayi hai toh kya tum yaha se chali jaogi.
Meera: Nahi maa main aapko chorke kahi nhi jaungi. Chahe jo hojaaye.
Sangeeta: Haa behenji Meera humse pahle aapki beti hai aur agar woh yaha rehna chahti hai toh woh yaha rahe humhe koi problem nhi hai. Humhe humari beti mil gayi humare liye wohi bahot hai.
Ritika: Maa didi ka naam toh maaji ne Meera diya tha mom dad ne bhi toh koi nam diya hoga jaise mera Ritika.
Sangeeta: Haa tumhari didi ka naam tha Mahira Singh.
Ritika: Mahira Singh Ritika Singh. Par didi ke upar Meera naam hi jyaada suit karta hai.
Aur uss property ka kya hua.
Raghav: Woh ab bhi tumhare paas hai aur Singh group of companies tumhari hi hai jisse bas main sambhal raha hu.
Ritika: Nhi dad yeh aapki company hai. Meri nhi.
Aryan: Ab humhe chalna chahiye bahot late hogya hai.
Sangeeta: Agar aapko bura naa lage toh kya hum sirf aajke liye apni beti ko apne saath le jaa sakte hai.
Warden: Meri taraf se toh haa hai aap Meera se puch lijiye.
Ritika: Haa didi chalo naa. Mujhe aapse bahot saari baate karni hai past ki phir humare aane wale future ki. Please chalo naa didi.
Meera: Thik hai chotti main chalti hu. Tum ruko main apne liye kapre le aati hu.
Ritika: Aree didi chalo naa mere kapre aapko aajayenge. Phir Ritika Meera ka haath pakad ke khinchte hue apne sang le jaati hai.
Sangeeta: Tum bhi chalo naa Aryan.
Aryan: Nahi aunty aaj nhi phir kabhi aaungaa. Aaj inn do beheno ko enjoy karne do.
Ritika: Woh toh hum karenge hi. Phir Ritika Meera ko apni car mein baitha ke apne saath lejaati hai.
Aryan bhi apni car se ghar aajata hai. Jaha Sanjana usi ka wait kar rahi thi.
Sanjana: Kya baat hai Aryan aaj bahot late kardiya tumne.
Aryan: Aree maa aaj bahot kuch hogya Meera ke ghar.
Sanjana: Aisa kya hogya.
Phir Aryan Sanjana ko sab batata hai.
Sanjana: Iss group ne ek haste khelte parivaar ko khatam kardiya.
Aryan: Haa maa par ek chiz achha hua ke Meera warden ma'am ko milgayi. Warna pata nhi kya hotaa.
Sanjana: Haa yeh sahi hua. Chalo dono behene shaadi ke baad bhi ek saath rahegi toh jhagra kam karegi.
Aryan: Kya maa aap bhi itni jaldi kaha shaadi.
Sanjana: Aree kabhi naa kabhi toh karni hi hogi naa.
Aryan: Main chala apne room mein aaram karne. Dinner time milta hu.
Phir Aryan ke gayab hojaata hai. Woh apne room mein aake sochta hai ke iss group ka kuch karna hoga.
Udher Meera Ritika ke saath uske ghar aati hai. Jaha Sangeeta uska swagat aarti ke saath karti hai.
Meera: Aree mausi yeh kyo.
Sangeeta: Aaj meri beti pahli baar ghar aayi hai uski aarti toh karungi hi.
Phir Meera ghar ke andar aati hai. Ritika usse sidha apne room mein lejaati hai.
Ritika: Didi aap yaha baitho main aapke change karne ke liye dress nikalti hu. Aap change karlo phir baate karenge.
Phir Ritika Meera ko ek night suit deti hai. Aur khud bhi apne liye ek night suit nikal leti hai. Meera dress leke washroom mein jaake fresh hoke bahar aati phir Ritika chali jaati hai. Thodi der baad dono behene bed pe baith ke baate karne lagte hai.
Ritika: Mujhe toh ab bhi yakeen nhi horaha hai humdono behen hai aur aap meri didi ho. Aapko pata hai main humesha sochti kaash mere paas bhi koi behen ya didi ho aur aaj dekhiye mera sapna sach hogya.
Meera: Sach kaha chotti. Kal tak meri koi family nhi thi bas Maa aur Aryan yehi meri duniya thi. Aur aaj mere paas meri behen hai mausi hai mausa hai.
Ritika: Aur ab toh hum behen ke saath saath sautan bhi hai.
Meera: Haa sahi kaha choti sautan.
Phir dono hasne lagte hai.
Ritika Meera ki godd mein sir rakh.
Ritika: Didi hum kitne kismat wale hai naa humhe Aryan jaisa humsafar milaa.
Meera: Ritika ke baalon ko sehlate hue. Haa chotti sahi kaha hum sach mein bahot kismat wale hai jo humhe Aryan mila.
Ritika: Achha didi Aryan ne aapko kitni baar kiss kiya hai.
Meera: Kya chotti yeh kaisi baate kar rahi hai.
Ritika: 1 saal se relation mein ho aur abhi bhi kiss ke naam se sharmati ho. Mujhe toh abhi thik se 3 din nhi hue aur main toh kiss karne ke liye mari jaa rahi hu.
Meera: Bahot besharm hai tu.
Ritika: Yeh sab choro batao naa kitni baar kiya.
Meera: Usne toh bas aajtak sirf gale lagaya hai usse jyaaf kuch nhi kiya.
Ritika: How unromantic. Mujhe laga tha abhi tak kitna kuch hochuka hoga. But lagta hai sab mujhe hi karwana hoga. Aap chinta naa karo aapki choti behen sab karwayegi bhi aur karegi bhi.
Meera: Aisa kya karwayegi aur karegi tu.
Ritika: Jyaada kuch din bas din ke 15- 20 kiss karwaungi dono ko.
Meera: 15-20.
Ritika: Kam hai naa mujhe bhi lag raha thaa. Thik hai chalo 30- 40.
Meera: Bas kar bas kar. Pahle tu kar lena phir meri baari.
Ritika: Aree aise kaise aap badi ho aur line mein 1st ho. Pahle toh aap ka hi hoga. Aur aap badi hai toh choti behen badi behen ko dekh kar hi naa sikhegi.
Meera: Achha bachhu. Choti behen badi behen ko dekh kar sikhegi.
Phir dono hasne lagte hai aur aise hi baate karne lagte hai aur raat ko dinner kar dono so jaate hai.
Udher Aryan Sameera ko call karke boldeta hai company ke naam ko AM se AMR karde. Phir dinner karke sojaata hai.
bahi
..
..