Fantasy Pyaar Ya Nafrat ( Completed)

[bd sharkar]

Nice update

 

[Nevil singh]

Update 42​

Phir Aryan waha se nikal kar apne ghar ki taraf chala jaata hai. Usse khayal aata hai kyo naa aaj Meera aur Ritika ko shopping karayi jaaye. Toh usne Meera ko call karke dono ko ready hone ko bolaa. ​

Phir ghar pahonch ke ready hoke Meera aur Ritika ko leke nikal padhta hai. ​

Meera: Hum kaha jaa rahe hai. ​

Aryan: Bas tumhare kiye surprise hai. ​

Ritika: Kya baat aaj achanak surprise. ​

Aryan: Ab maine socha jab itni achhi biwiyan mili hai toh unko khush rakhu. Kahi naraaz hoke mujhe chorr apne ghar chali gayi toh kaise rahunga. ​

Meera: Bahot smart hogye ho. ​

Phir yeh log ek mall mein jaate hai jo inha ka thaa. Matlab AMR Mall. ​

Waha jaake Aryan bolta hai. ​

Aryan: Humlog yaha pe shopping karne aaye hai. Toh chalo start hojaao. ​

Ab chahe koi bhi ladki ho shopping ka naam sunke woh khush toh hogi hi. ​

Meera aur Ritika Aryan ke gaalo mein kiss karke chal padhti hai shopping karne. ​

Aryan: Agar tumdono ko shopping pe laane ka itna achha inaam milta hai toh hum hardin shopping par aayenge. Isi bahane yeh inaam bhi milta rahegaa. ​

Meera: Jyaada naa uchlo mat. Yeh inaam limited period tak hi available thaa. Jo khatam hochuka hai. So bad luck next time. ​

Aryan: Yeh galat hai. ​

Meera: Ab jo hai yehi hai. ​

Phir woh log shopping karne lagte hai. Aryan ne apna sirr pitt liya kyo woh shopping pe aaya. ​

Dono ne pure 2 ghante lagake apne liye kuch suits liye aur Aryan ke liye kuch dress. ​

Aryan: Hogyaa. Yaa aur kuch baaki hai. ​

Ritika: Abhi kaha kuch hua hai. Next time phir se aana hogaa. ​

Aryan: Kyaaaa. Nexttt timeee phirrr see. Maaf karo madam. Main Sameera ji ko bol dunga tumdono unke saath chali aana yaa phir Preeti aur Sonal ke saath. ​

Meera: Kyo thodi der pahle tum hi bol rahe thee naa roj shopping par aaunga. ​

Aryan: Haa lekin woh offer limited period tak hi available thaa jo khatam hochuka hai. ​

Meera: Achha ji meri baat mujhpe hi. ​

Aryan: Ab chalo kahi dinner karte hai aur bhukk lagi hai. ​

Dono: Chalo. ​

Phir yeh log ek achhe se Restuarant mein jaake dinner karte hai. Phir ghar aake so jaate hai. ​

Agle din Aryan apni team ko call karta hai. ​

Aryan: Guys ab humhe kaam pe wapas aana hai toh Mike se jitni bhi information mili thi usme se yaha mumbai mein ab sirf unka 1 hi member bacha hai toh usko uthana hoga phir humhe Delhi ke liye nikalna hoga. ​

Team: Yes sir hum ready hai. ​

Aryan: Toh phir nikalo iss member ki kundli. Kaha rehta hai kab nikalta hai kaha jaata hai sabkuch. ​

Phir team apne kaam mein lag jaati hai. ​

Aryan phir Harish ko call karta hai. ​

Aryan: Sir ab mujhe Delhi ke liye nikalna chahiye mera 2nd year yaha pe khatam hone wala hai par mera 3rd year ka problem hojayega. ​

Harish Uncle: Tum tension mat lo waise bhi tumhara mental power bahot stong hai main tumhara ek graduation certificate hi banwa deta hu jisse tum Delhi mein jaake direct higher studies hi karna aur apna kaam bhi aur waise bhi Delhi mein kuch din baad higher studies ke addmission start honge. ​

Aryan: Yeh toh achha hua toh aap Meera aur Ritika ka bhi karwa dijiye kyoki woh dono mere saath hi jayegi. ​

Harish Uncle: Hojayegaaa. ​

Aryan: Thank You sir. ​

Phir Aryan call cut karta hai. ​

2 din baad Krish ka call aata hai Aryan ko. ​

Krish: Humara yaha ka last target ki puri kundli nikaal li hai. ​

Aryan: Haa toh batao uske baare mein. ​

Krish: Sir yeh yaha ka bahot bada businessman hai. Iske paas political support bhi hai aur yeh uss group ko financial support bhi karta hai. Iski family mein koi iske saath nhi rehta iske bure behaviour ki wajah se biwi ne divorce de diya ek beta hai aur undono ko isse koi matlab nhi hai. Isne aaj tak 10 murder, jisme iske sasur aur saale ka murder shamil hai aur 15 rape kiye hai jisme iski saali aur saale ki biwi ka rape or murder shamil hai. Yeh baat iske biwi ko pata chal gayi isiliye woh isse chorke chali gayi aur chahti hai isko iske gunaho ki saza mile. ​

Yeh har raat ko ek redlight area mein jaata hai sabse chupke bilkul akele. Humare paas wohi ek time rahega isko uthane ka. ​

Aryan: Agar isko uthate hai toh isko business empire ka kya hogaa. ​

Krish: Sir yeh jaisa bhi hai par isko apne bete se pyaar hai isiliye iske will mein likha hai agar isko kuch hota hai toh pura business iske bete ko mil jayega aur yeh baat iske biwi aur bete ko bhi pata hai. ​

Aryan: Par agar isko aise hi gayab kardiya toh kuch problem hojayegaaa. Isko aise hi gayab nhi kar sakte. ​

Krish: Tab kya kare sir. ​

Aryan: Wahi soch raha hu. Kiran ko conference mein lo. ​

Phir Krish Kiran ko conference mein leta hai. ​

Kiran: Bolo meri jaan aaj mujhe kaise yaad karliya. Jabse case mein aaye hai tum toh bhul hi gaye ho tumhari koi girlfriend hai. ​

Aryan: Kiran. ​

Kiran: Baby yeh tumhari awaaz Aryan sir ke jaisi kyo hogyi hai. ​

Krish: Kyoki woh conference mein hai. ​

Kiran: Whattttttt. ​

Aryan: Ji Ms. Kiran ya Mrs. Krish. ​

Kiran: Sorry Sir. Mujhe laga ki.... Sorry sir. ​

Aryan: Aree isme sorry kaisa yehi toh age hai yeh sab karne ki. Mujhe hi dekhlo. Padhai ki age mein Raw ki naukri aur shaadi karke baitha hu. So don't get panic. Be cool. ​

Kiran: Sharm se. Yes sir. ​

Aryan: Achha Krish isse sab batao kyo call kiya. ​

Phir Krish usse sab batata hai. ​

Aryan: Toh ab batao kya kiya jaaye. ​

Kiran: Sir hum direct toh haath nhi laga sakte. Sir plan toh hai but thoda criminal type hai. Shayad pasand nhi aaye. ​

Aryan: Kiran inn jaiso ke liye agar criminally kaam karna padhe toh koi buri baat nhi tum batao. ​

Kiran: Sir hum isko uthate hai isse agar koi information milti hai toh woh lete hai phir iska accident karwa dete hai aur yeh dikha denge alcohol ke nashe ke kaaran accident hogya isse shayad unlogo ko shak naa ho. ​

Aryan: Idea achha hai. Thik hai Krish uthao isko. ​

Krish: Thik hai Sir. ​

Aryan: Okk ab main rakhta hu tumlog chaho toh apni personal baat kar sakte ho. Jaanta hu Raw ki naukri aur iss mission mein bahot khatra hai. But apno ko bhi time dena chahiye. Carry on. ​

Yeh bol Aryan ne call cut kardiya. Udher call mein. ​

Krish: Kya yaar Kiran tum toh Aryan sir ke saamne hi start hogyi. ​

Kiran: Aree mujhe kya pata tha tum unko conference mein liye hue ho. Tum hi batao last kab tumne mere saath time spend kiya pyaar bhari baate ki. ​

Krish: Ab kya kare yeh naukri aur iss mission se time kaha milta hai. ​

Kiran: Sir ne bola naa apno ke saath bhi time spend karna chahiye. Sir bhi toh apni biwiyon se equal time spend karte hai. Kya tum nhi kar sakte. ​

Krish: Thik hai. Aaj se shikayat ka koi mauka nhi. Yeh batao kaisi ho kya kar rahi ho. ​

Kiran: Main bilkul thil hu. Filhal toh ghar mein hu. Mom dad se baat karne ka time hi nhi milta aur kuch din baad toh Delhi jaana hai pata nhi kab tak ke liye. Isiliye jitna hosakta hai unke saath hi rehti hu. ​

Krish: Haa yaar yeh achha hai. Main bhi jyaada se jyaada koshish karta hu unke saath rahu. ​

Kiran: Thik hai chalo main rakhti hu. Tum apne kaam mein lag jao. ​

Krish: Byee. ​

Kiran: Byee. ​

Aise hi 2 din baad Aryan ki team ne uss businessman ko plan ke hisaab se uthaya usse kuch khaas information toh nhi mili phir uska accident karwa ke maardiya. ​

Aise hi time guzarne laga. Isi beech Yash Preeti Karan aur Sonal ke parents ne inki engagement fix kardi. Dono ki engagement ek hi din rakha gaya. ​

Aryan: Haa toh Yash Karan ab tum dono bhi engaged horahe ho.​

Yash: Haa yaar bas ek dukh rahega. Iske baad main humesha ke liye band jaunga. ​

Karan: Sahi kaha jaise yeh humesha ke liye band gaya hai. ​

Aryan: Preeti Sonal dekho yeh dono kya bol rahe hai. ​

Preeti: Haa Yash bolo kya baat hai. ​

Sonal: Haa Karan bolo. ​

Dono: Hadbada kee. Are kuch nhi yehi bol rahe hai ke we are so excited ke humari sagai horahi hai. ​

Dono ladkiyan sharma ke nikal jaati hai. ​

Yash: Kamine kyo shaadi ke pahle divorce karwane pe tula hai. ​

Karan: Haa bhai itni mushkil se toh ladkiyan mili hai. Inhe toh paas rehne de. ​

Aryan bas jor jor se hasne lagta hai. Yaar tum log kitna darte ho. Mujhe dekho aur kuch sikho. ​

Yash: Meera Ritika yeh bol raha hai tumdono isse darte ho kya yeh sach hai. ​

Dono: Achhaa aisa bola isne. Aryannnn. ​

Aryan: Nhiii. Inhone galat sunaa maine bola main tumdono se darta hu aur har husband ko apni wife se darna chahiye. ​

Dono: Hmmm thik hai. Tum log jaldi chalo sagai ka muhurat horaha hai. Yeh bol woh dono chale jaate hai. ​

Yash aur Karan jor jor hasne lagte hai. ​

Aryan: Kamino kyo basa basaya ghar tudwaa rahe ho. ​

Karan: Hum sabki halat ek jaisi hi hai. Yeh bhi darta hai. Aur hum bhi darte hai. ​

Yash: Sahi kaha. ​

Aryan: Darna padhta hai bhai agar ghar mein rehna ho aur khana chahiye toh darna padhta hai. ​

Ritika: Aree chalo sagai ka muhurat hogya hai. ​

Phir sab stage pe aate hai. Aryan ke bagal mein Meera aur Ritika khadi hojaati hai. Phir Yash ne Preeti ko aur Karan ne Sonal ko engagement ring pehnai. Aise hi inki sagai hogyi. ​

Dono jodi ne decide kiya shaadi settle hone ke baad karenge. ​

Phir sab enjoy karke apne apne ghar nikal jaate hai.​

Aise hi 1 hafte baad subah subah Maid jo Warden ki dekhbhal ke liye rakhi gayi thi usne Aryan ko call karke bataya Warden ki tabyat bahot bigad gayi hai aaplog jaldi se hospital aaiye main inhe wahi leke jaa rahi hu. ​

Aryan: Thik hai aap unko hospital le jao hum aate hai. ​

Meera: Kya hua kaun tha. ​

Aryan: Woh tumhari maa ki tabiyat kharab hochuki hai. Unhe hospital le ke gaye hai. Humhe nikalna hogaa. ​

Meera jaise hi yeh sunti hai uski aankho mein aansu aajaate hai woh jaldi se ready hokar Aryan aur Ritika ke saath hospital jaati hai. Waha maid khadi thi. Doctor unka checkup karrahe the. ​

Meera: Ab kaisi hai maa. Achanak kya hua. ​

Maid: Pata nhi madam achanak se khoon ki ultiyan karne lagi aur behosh hogayi. Maine turant Aryan sir ko call karke unhe leke yaha aagyi. ​

Thodi der mein Sanjay,Sanjana,Harish,Nandini Yash Preeti, Karan Sonal, Sangeeta aur Raghav bhi aajate hai. Aryan ne unhe Raaste mein hi call kardiya tha. ​

Thodi der baad doctor aate hai aur bolte hai. Dekhiye ab unke paas jyaada time nhi hai jyaada se jyaada 30 mins hai. Aap unse mil lijiye. I am Sorry. ​

Meera toh rona start kardeti hai. Ritika, Preeti aur Sonal usse sambhalte hai. Woh bhag kar apni maa ke paas jaati hai. ​

Warden: Aree pagli ro kyo rahi hai. Tujhe toh pata thaa yeh din jaldi aayegaa. Toh aaj aagya. ​

Meera ka toh rona rukh hi nhi raha thaa. Woh wahi pe baith ke rone lagti hai. Bhale hi woh uski sagi maa nhi thi par bachpan se usse sagi maa se bhi badh kar pyaar kiya thaa. ​

Aryan usse sambhalta hai. Woh Aryan ke seene mein lag kar rone lagti hai. ​

Warden: Aryan meri beti ki aankho mein yeh aansu aaj aakhri baar aane chahiye. Aaj ke baad woh kabhi bhi roni nhi chahiye. Meri yeh aakhri ichha puri kardenaa. ​

Aryan ki aankho mein bhi aansu aajate hai. ​

Warden Sanjay aur Sanjana se bhale hi aaj uska parivaar hai but Aaplogo ne meri bachhi ko itna pyaar diya aur usse tab apnaya jab woh ek anath thi aur tab aaplogo ne usse apne bete ke liye chunke mera maan rakh liyaa. Aap logo ka bahot bahot shukriya. ​

Sanjay aur Sanjana ke aankho mein bhi aansu thee but woh uss taraf aur dekh nahi paaye. ​

Warden: Meera. Aur mat ro. Dekh agar tu aise royegi toh mujhe marne ke baad bhi shanti nhi milegi. Chup hojaa. ​

Tabhi unki saanse ukhadne lagi. ​

Warden: Ukhdi hui saanso ke saath. Aryan meri beti ko humesha khush rakhnaa. Usse kabhi akela mat chornaa. ​

Meera iss janam toh nahi hua par agle janam mein main teri sagi maa banna chahungi. ​

Yeh kehte hue woh chup hogyi. ​

Meera: Maa. Maa utho naa maa. Dekho main nhi roungi. Utho naa maa. Aryan dekho naa kya huaa. Tum uthao naa. ​

Aryan usse kaske seene se laga leta hai. Woh jor jor se rone lagti hai. Waha sabki aankhe hi nam thi. ​

Kuch der baad unka antim sanskaar kiya jaata hai jo Aryan hi karta hai. Phir sablog ghar aate hai. Yeh sab mein sham hogyi thi. ​

Meera toh jaise ekdum chup hi hogyi thi. Uski yeh halat Aryan aur Ritika se dekhi nhi jaa rahi thi. Woh jaise bhi karke usse kuch khilate hai kyoki usne subah se kuch nhi khaya thaa. Phir usse thodi der sone ke liye bolta hai. Meera toh sona nhi chahti thi par usse jabardasti Aryan sula deta hai. Thodi der soyegi toh mind ko relax milegaa. ​

Raat ko Meera kuch better thi. Par abhi bhi udaas thi. ​

Kuch din tak Aryan Meera ko leke roj ghumne jaata jisse uska mood thik ho. Kuch din baad Meera bilkul pahle jaisi hogyi thi. ​

Khubsurat update mitr

 

[Rizwan]

Update 45​

Aise hi din gujarne lage. Aryan roj school jaata aur Sheetal ko dekhte rehta. Ek din Aryan school nhi jaa paata. ​

Ussdin Ma'am ne assignment submit karne ke liye 1 hafte baad ka time diya. Jo unhone ne kuch din pahle hi diya tha. Sheetal ko assignment mein thoda problem thaa toh ma'am ne usse Aryan se help lene ke liye kaha kyoki woh Class Topper thaa. ​

Agle din Aryan jab school aata hai. Tab Sheetal uske paas aake usse apni problem batati hai. Aryan yeh golden chance kaise miss karta. Isse toh usse Sheetal ke paas rehne ka mauka mil gaya tha. Isiliye usne fauran haa kardi. ​

Aryan Rishi ko yeh baat batata hai. Toh Rishi usse bolta hai hai teri toh kismat khul gayi laga reh. ​

Phir Aryan Sheetal ki assignment mein madad karta hai. Jisse Sheetal ka assignment time pe pura hogya. ​

Sheetal Aryan ko Thanks bolti hai. ​

Isi tarah inki dosti hogyi. ​

Time guzarta jaata hai. Ab Ankit ki nafrat bolo ya jealousy Aryan ke liye jyaada badh gayi thi. Woh harwaqat Aryan ko neecha dikhane lagta usse dhang se baat bhi nhi karta. ​

Ankit aur Sheetal ki najdikiya bhi badh rahi thi. Ab woh log class mein ek saath baithte. Rishi ko isse koi objection nhi thaa woh apne dost ke liye khush thaa. ​

Aryan ne Neha ko bhi Sheetal se milaya thaa. ​

Neha ko bhi Sheetal achhi lagi. Ab Sheetal bhi Aryan ke ghar aane jaane lagi thi. ​

Aryan ne sabse chupa ke Sheetal ko ek mobile gift kiya thaa baat karne ke liye. ​

Jisse ab woh din raat baat karte rehte. ​

Ab Aryan ka 10th ka exam thaa. Jisme usne bahot mehnat ki thi. ​

Sheetal aur Aryan ab committed the yeh baat Neha aur Rishi bhi jaante thee. ​

Aryan ne 10th mein pure state mein top kiya thaa. Jiske wajah se Vikram ne ek party rakhi thi. Jisme Vikram ke office ke employees bhi aaye thee. ​

Sheetal bhi apni family ke saath aayi thi. Jaha pata chala Sheetal ke papa Vikram ki company mein manager the. ​

Sheetal aur Aryan ka pyaar aur badh raha tha. Dekhte dekhte Aryan ka 17th birthday aajata hai. Isme sabkoi khush the sivaay ek ke. Woh the dadaji. Unko Kulpandit ki baat ka tension tha. ​

Sheetal Khanna- Yeh bahot hi chalu ladki hai. Yeh kisi ki kamzori ka faiyda utha kar usse kaam nikalwati hai. Matlab sidhe tarike usse use karti hai. Iske papa Vikram ki company mein as a Manager hai. Inko nhi pata inki ladki kitni chalu hai. Woh samajte hai unki ladki bahot hi shareef aur bholi hai. ​

Aaj Aryan ka 17th birthday thaa. Raat ko toh Soniya Aryan ke saath hi soti thi. Isiliye usne thik raat ke 12 baje usse wish kiya. Neha bhi 12 baje usse wish karne aajati hai. Dad,Maa,Chachi bhi aate hai. Chacha bahar gaye hue the isiliye woh nhi aaye. Raj bhi aata hai. Par Ankit nhi aata kyoki usse koi matlab hi nhi thaa. Aryan ko thoda bura lagta hai. But iski ab usse aadat hogyi thi. Dadaji dawai lekar jaldi sojaate thee isiliye woh nhi aaye. ​

Subah sab koi wapas Aryan ko wish karte hai aur party ki taiyaariyan start karte hai. Rishi ko urgently apne kisi relative ke yaha jaana thaa isiliye woh party mein toh nhi aasakta thaa. But usne subah subah hi Aryan ko wish kardiya tha. Sheetal ka bhi call aaya thaa. Dadaji bhi usse wish karte hai. But woh bahot tension mein the. Aryan puchta bhi hai but woh baat ko taal jaate hai. ​

Sham ko party start hui. Saare guest aachuke the. Dadaji ki nazar sirf Aryan par thi. Cake cut hota hai. Aryan sabse pahle Soniya ko khilata hai phir Neha ko phir ek ek karke sabko khilata hai. Par jab woh Ankit ke paas jaata hai toh Ankit waha se nikal jaata hai. Isse Aryan ko bahot bura lagta hai. Uska mood bhi off hochuka thaa. Par usne yeh baat zahir nhi hone di. ​

Phir sab party enjoy karte hai. Sheetal waha kahi nhi dikh rahi thi. Toh Aryan Sheetal ki friend se puchta hai ke woh kaha hai. Toh uski friend usse woh direction dikha deti hai. ​

Toh Aryan jab waha jaata hai tab Sheetal waha kisi aur ke saath khadi thi. Yeh dekh ke Aryan ko kuch ajeeb nhi lagta. Par jab woh unke thoda aur paas jaata hai. Toh dekhta hai Sheetal kisi aur ke gale lagi hui thi. Yeh dekh kar Aryan ki aankho se aansu nikalne lagta hai. Woh abhi jaake puchna chahta tha yeh kya horaha hai. Par jaise hi woh aage badhta hai toh unki awaaz aati hai​

Sheetal: Kitne din hogye tumse mile Rajesh. ​

Rajesh: Kya karu yaar. Aajkal toh har waqt woh Aryan tumhare saath hi rehta hai. Agar uske saamne aaunga toh shayad usko shakk hojaaye tum mujhse pyaar karti ho usse nhi. Waise kaisa chal raha hai tumlogo ka pyaar. ​

Sheetal: Kaisa pyaar. Main toh uske saath sirf apne faiydo ke liye hu. Usse apna assignments karwati hu. Usse apne saare kaam nikalwati hu. Aur yeh dekho uss bewakoof ne apne paiso se mere liye yeh mobile liya hai. Jisse main tumse baat karti hu. Woh toh bas mere liye ek chalta phirta ATM hai. Jab bhi bolo paise hazir. ​

Rajesh: Kamaal hai. ​

Tabhi Rajesh ki nazar Aryan pe jaati hai. Toh woh darr jaata hai. ​

Rajesh: Aryan tu yaha. ​

Sheetal pichhe mud ke dekhti hai toh uske pairon tale zameen khisak jaati hai. ​

Sheetal: Aryan tummmm. ​

Aryan: Nhi nhi chalta phirta ATM. ​

Yeh sunke Sheetal samaj jaati hai Aryan ne sab sunn liya hai. ​

Aryan ko bahot gussa aaya hua thaa woh sidhe jaake Rajesh ko marne lagta hai. Rajesh ko kuch karne ka mauka hi nhi milta. Woh jaise bhi karke waha se bhag jaata hai. ​

Rajesh waha se bhag ke sidha Aryan ke parents ke paas aata hai. Aur unse jhooth bolta hai ke Aryan Sheetal ke saath jabardasti kar raha hai. Aur jab usne rokhne ki koshish ki toh usse maar ke bhaga diya. ​

Rashmi: Yeh kya bol rahe ho mera beta aisa bilkul nhi karsakta. ​

Neha: Haa mera bhai aisa nhi kar sakta. Aree woh toh Sheetal se pyaar bhi karta hai. ​

Rajesh: Mujhe kya milega jhoot bolke. Yeh dekhiye usne mujhe maara bhi hai. Agar aapko vishwaas nhi toh main le chalta hu aaplogo ko waha. ​

Phir Aryan ki puri family waha uske saath chal dete hai. ​

Idher Aryan Sheetal se ​

Aryan: Kyo kiya tumne aisa. Kya kami reh gayi thi mere pyaar mein. ​

Sheetal: Aryan suno toh. ​

Aryan: Chup bilkul chup. Phir woh uske dono kandho ko pakad ke. Paisa chahiye naa kitna paisa chahiye bolo main dunga. Tumhe toh paise se matlab hai naa. ​

Sheetal: Aryan choro mujhe lag raha hai. ​

Yeh Aryan yeh bolta hai tabhi waha uska parivaar aajata hai. Aur yeh yeh baat sun leta hai. ​

Vikram jaake Aryan ko ek thappad lagata hai. ​

Sheetal itne saare logo ko dekh ke darr jaati hai. Isiliye woh bhi jhoot boldeti hai. ​

Sheetal: Achha hua aaplog aagye. Yeh mere saath jabardasti karne ki koshish kar raha thaa aur jab main nhi maani toh mujhe paise offer karne laga. ​

Yeh sab sunke sabke aankhe badi hojaati hai. Neha aur Rashmi ke aankho mein toh aansu aajate hai. ​

Vikram: Yehi din dekhne ke liye. Tujhe janam diya tha. Isse toh achha hota tu janam lete hi mar jaata. Mera maan samaan sabkuch tune mitti mein mila diya. ​

Aryan: Nhi papa yeh jhoot bol rahi hai. Maine aisa kuch bhi nhi kiyaa. ​

Vikram yeh sunn ek aur thappad usse laga deta hai. ​

Aryan Rashmi ke paas jaake. ​

Aryan: Maa tum toh meri baat ka vishwaas karo. Maine aisa kuch nhi kiyaa. Yeh jhoot bol rahi hai. Main bekasoor hu. ​

Rashmi bhi usse ek thappad laga deti hai. ​

Rashmi: Tu mera beta nhi hai. Marr gaya hai aajse tu mere liye. Khabardaar jo tune mujhe maa kaha toh. ​

Aryan Neha ke paas jaake. Di aap toh meri baat ka vishwaas kijiye aap toh jaanti hai naa aapka bhai aisa nhi kar sakta. Maine kuch nhi kiya. ​

Neha: Ek thappad maar kar. Khabardaar jo tune mujhe di kaha. Ek hawas ka pujaari mera bhai nhi hosakta. Tera mera koi rishta nhi hai. ​

Aryan yeh sunke wahi baith jaata hai. Usme jaise ab jaan hi nhi bachhi thi. Uski di jo usko sabse jyaada pyaar karti thi. Uss ne uspe vishwaas nhi kiyaa. ​

Aryan: Mera vishwaas karo. Maine aisa kuch nhi kiyaa. Main nirdosh hu. Yeh jhoot bol rahi hai. ​

Yeh sab sunn Ankit ko bhi ek chance mil gaya thaa ​

Isiliye woh bhi aake Aryan ko maarne lagta hai. Woh toh apni nafrat bhi mita raha tha. ​

Supriya: Yehi hai naa woh jiske gungaan aaplog din raat gaate rehte the. Yeh itna neech niklega chii. Isse toh mujhe bhatija kehte hue bhi sharm aati hai. Achha hua Shivam aur Dipali iske saath nhi hai. Aur iska kya pata kalko Dipali pe bhi apni gandi nazar rakhde.​

Tabhi dadaji aake rokhte hai. Bas bahot hogaya. Band karo warna mujhse bura koi nhi hoga.​

Vikram: Papa aap aaj kuch mat boliye. Isne aaj humara itni mehnat se kamayi izaat ko mitti mein mila diya. ​

Rashmi aur Neha toh Sheetal se maafi maangne lagti hai. Jo jhoote aansu baha rahi thi. Rajesh bhi wahi khada yeh sab dekh kar khush horaha thaa. ​

Phir sablog waha se chale jaate hai. Aryan abhi bhi waha baithe ro raha thaa. Dadaji uske paas aake usse utha ke le jaate hai. ​

Sabke waha se chale jaane ke baad Rajesh Sheetal ke paas aata hai. ​

Rajesh: Kya baat hai meri jaan kya acting ki hai tunee. Ek pal ke liye toh mujhe bhi sach lag raha tha. ​

Sheetal: Kya karu yaar itne logo ko dekh kar main darr gayi thi. Toh jo man mein aaya bol diya. Par tum innsab ko yaha kaise laaye. ​

Rajesh: Aree maine boldiya woh tere saath jabardasti karne ki koshish kar raha hai aur maine rokhna chaha toh mujhe maara bhi. Aur woh bewakoof log apne bete pe bharosa hi nhi kiya aur usse hi galat samjhaa. ​

Sheetal: Chalo jo hua achha hua. Hum toh bach gaye aur kya chahiye. Par mera ATM humesha ke liye expire hogya.​

Rajesh: Haa yeh bura hua. Ab chal yaha se kisine dekh liya toh garbar hojayegi. ​

Sheetal: Haa chalo.​

Rashmi: Rukh jaaiye papa yeh ab yaha nhi rahegaa. ​

Dadaji: Yeh mera ghar hai. Aur jab tak main zinda hu yeh yahi rahega. Aur yeh mera order hai. ​

Dadaji ke order ke aage kisine kuch nhi bola. ​

Phir woh usse leke uske room mein leke jaane lagte hai. Toh Soniya bhi uske pichhe pichhe jaane lagti hai. ​

Meenakshi: Rukh jao Soniya. Tum waha nhi jaogi. ​

Soniya: Main apne bhaiya ke saath rahungi. ​

Rashmi: Kaha naa ekbaar tum uske saath nhi jaogi aur naahi usse baat karogi. ​

Soniya: Par....​

Aryan: Tum apne kamre mein jao gudiya. ​

Soniya: Main nhi jaungi. ​

Aryan: Maine kaha naa. Kya apne bhaiya ki baat nhi manogi. ​

Soniya kuch nhi bolti chup chap apne kamre mein chali jaati hai. ​

Aryan bhi apne kamre mein chala jaata hai. ​

Dadaji: Kya hua ab bata. ​

Aryan: Maine kuch nhi kiya dadaji woh jhoot bol rahi hai. ​

Dadaji: Mujhe pata hai tune kuch nahi kiya. Par waha par hua kya thaa woh bata. ​

Phir Aryan unko sab kuch bata deta hai. ​

Dadaji: Main abhi jaake sabko sach batata hu. ​

Aryan: Rehne dijiye dadaji. Jab kisi ko mujhpar vishwaas hi nhi hai toh woh aap par bhi vishwaas nhi karenge. ​

Dadaji: Par....​

Aryan: Please dadaji. ​

Phir woh bhi kuch nhi bolte. ​

Phir Aryan ko sone ka bol woh apne kamre mein aajate hai. ​

Dadaji: Shayad Kulpandit ne issi ghatna ke baare mein bataya thaa. Ab kaise sab thik hoga. Aryan ne bhi mujhe mana kardiya hai kisi ko kuch bhi batane se. ​

Idher Aryan ki aankho se abhi bhi aansu beh rahe thee. Uski aankho se neend hi udd chuki thi. Pahle uske pyaar ne dhoka diya phir uske family ne bhi uspe bharosa nhi kiya. Woh yehi sab soch ke ro raha tha. ​

Fantastic update Hy devil BAHI

 

[The king]

Thank you

Bhai flashback jyaada lamba nhi hogaa. Kal ya parso ke andar complete karne ki koshish rahegi

Bhai kal hi kar dena me ye nahi kah raha ki jaldbazi me ya 1 hi update me kar do 2 ya 3 jitane bhi update ho kal hi de do

 

[Jaguaar]

Nice update bro waiting for your next update bro....

Thank you

 

[Jaguaar]

Nice update

Thank you

 

[Jaguaar]

Khubsurat update mitr

Thank you

 

[Jaguaar]

Fantastic update Hy devil BAHI

Thank you

 

[Reza]

Superb Update Bro...
Waiting For Next

 

[Nevil singh]

Update 43​

Kuch din baad Aryan ko Delhi ke liye transfer mil jaata hai. Ab uske dosto ko batana thaa toh usne bola usko AMR group of companies se job offer aaya hai Delhi ke branch mein. Isiliye woh Meera aur Ritika kuch waqat ke liye Delhi shift horahe hai. Usne Sameera ji se baat karli hai woh waha part time job bhi karega aur padhai bhi karega aur MBA ke baad usko wapas Mumbai transfer kar denge. ​

Uske dost bhi jaane ke liye bolte hai. Phir woh log Delhi jaane ke liye taiyaar thee. ​

Aryan ne pahle se Sameera ko bolke uska Meera aur Ritika ka addmission Delhi mein MBA ke liye karwane ko bol diya thaa aur Aryan ki car aur bike ko Delhi shift karwane ke liye bhi. Aur ek ghar ka bhi intezaam karwane ko bol diya thaa. ​

Aryan ke saath Meera Ritika aur uski team hi jaarahi thi. ​

Uski team Raw ke diye ghar mein rehti aur yeh teeno Sameera ko bole ghar mein. ​

Aryan ne apne baare mein sabkuch Sangeeta aur Raghav ko shaadi ke pahle hi diya tha ke woh kaun hai, formula sab kuch. Unhe darr toh tha par Aryan pe bharosa bhi tha. ​

Aryan ki team 2 din pahle hi nikal gayi thi. Aaj Aryan Meera aur Ritika Delhi jaa rahe the. Sab unhe see off karne aaye the. Sanjana ki aankhe nam thi. Bhale hi woh uski maa naa sahi par usse humesha apna beta hi maana hai. ​

Aryan Meera aur Ritika ki aankhe bhi nam thi. Inn kuch saalon mein Sanjay aur Sanjana ne kabhi yeh aihsaas nhi hone diya ke yeh unka beta nhi hai. ​

Meera aur Ritika ke liye Sanjana uski saas hi thi. But kabhi bhi saas jaisa behave nhi kiya. Humesha apni beti ki tarah rakha thaa Meera aur Ritika ko. ​

Aryan Meera aur Ritika ki zindagi hi badal di thi inhone. ​

Aryan: Main Meera aur Ritika aate rahenge aap dono se milne. Aap log thik se rahiyegaa. ​

Sanjana: Tum teeno bhi apna khayal rakhna aur jaldi se kaam khatam karke yaha wapis aajana. ​

Aryan: Jarur. Ab flight ka time horaha hai. ​

Yash aur Karan: Aate rehna bhai. Aur gale lag jaate hai. ​

Preeti aur Sonal: Waha achhe se rehna. Aur waha se 3 mat aana 5 ya 7 hoke aana. ​

Meera aur Ritika sharma jaate hai aur unke gale lag jaate hai. ​

Dono: Tumlog bhi achhe se rehna. Humlog aate rahenge. ​

Harish Uncle: Chalo beta flight ki announcement hogyi hai. ​

Aryan: Maa baba ka dhyaan rakhiyegaa. ​

Harish Uncle: Tum bilkul fikr mat karo. Apna Meera aur Ritika ka dhyaan rakhna aur kaam khatam karke jaldi wapas aao. ​

Phir woh chale jaate hai Andar. Kuch 3 ghante baad woh log Delhi pahonch gaye the. Aaj Aryan kitne saal baad Delhi aaraha tha ek alag pehchan, ek alag maksad leke. ​

Waha unlogo ko receive karne ke liye unki team khadi thi. ​

Aryan Meera aur Ritika waha se sidhe apne flat mein jaate hai jo Sameera ne kharida thaa. Yeh flat kehna galat hoga. Yeh ek bunglow tha. Aryan Meera aur Ritika apna sir pitt lete hai ghar dekh kar. ​

Uski team kuch nhi bolti. Kyoki unko pata tha Aryan ne underground fight khelke paise kamaye the aur AMR company inki hi hai. ​

Sab log ghar ke andar jaate hai jaha pahle se hi saara jarurat ka samaan tha. Sameera ne maid bhi rakhi thi saaf safayi ke liye. Woh roj subah aati aur saaf safayi karke chali jaati. ​

Phir woh log waha rest karte hai. Sham ko uth ke woh Sanjay Sanjana Sangeeta Raghav ko call karte hai. ​

Sanjana: Thik se pahonch gaye naa. ​

Aryan: Haa thik se pahonch gaye. Sameera ji ko humne flat bola thaa unhone toh bunglow hi le liya. ​

Sanjana: Maine aur Sangeeta ji ne hi usse bola thaa bunglow ke liye. Tumlog India ke top company ke owners ho. Flat mein rahoge. Yeh main kaise dekh sakti hu. ​

Aryan: But iski koi jarurat nhi thii. ​

Sanjana: Woh sab mujhe pata hai kiski jarurat hai aur kiski nhi. ​

Aryan: Achha thik hai. Waise aap log thik hai naa. ​

Sanjay: Haa humlog thik hai par jab humlog tumlogo ko chorne Airport gaye thee. Tab shayad humare pichhe se koi ghar mein aaya thaa aur pure ghar aur lab ki achhe se talashi li hai. Par jo unhe chahiye thaa woh toh ab unhe milega nhi. ​

Aryan: Kyaaa. Aapne Harish Uncle ko bataya yeh sab. ​

Sanjay: Haa maine bata diya hai aur unhone ne security bhi de di hai. ​

Aryan thik hai maine unse baat kar leta hu. Phir call cut hojaata hai. Phir Aryan Harish ko call lagata haii. ​

Aryan: Uncle ghar mein kisne talashi li thi. ​

Harish Uncle: Shayad usi group ka koi aadmi thaa. Hidden camera mein records hogya hai. Kal tak humari giraft mein hogaa tum chinta matkaro. Maine security tight kardi hai. Aur waise bhi jo unhe chahiye woh toh unhe kabhi nhi milegaa. ​

Aryan: Thik hai. ​

Harish Uncle: Tumlogo ko PM se milna hai unko jyaada wait karana achha nhi. ​

Aryan: Thik hai aap kal ka bol dijiye. Kal main Meera Ritika aur meri team unse milenge. ​

Harish Uncle: Thik hai main baat karlunga aur agar woh kal free hue toh time bata dungaa tumhe.​

Aryan: Thik hai Uncle. ​

Phir Aryan call cut kardeta hai. Phir Meera Ritika aur Aryan car mein ghumne nikal jaate hai. Jo pahli hi aagayi thi. ​

Woh log ghumte ghumte ek Mall mein jaate hai. Waha woh log thodi shopping karte hai. Tabhi Aryan ki nazar ek ladki pe padhti hai. Usse dekhte hi uska chehra gusse se laal hojaata hai. Woh Meera aur Ritika ko bolta hai jaldi kare. Meera aur Ritika dekhte hai Aryan ka chehra gusse se laal hochuka hai. Woh puchte hai kyaa huaa. ​

Aryan: Yaha pe Ms. Neha Malhotra hai. Jaldi karo. Ab main yaha nhi reh sakta. ​

Jab yeh waha se nikalne wale hote hai tabhi Meera kisi se takra jaati hai toh Meera ke haath mein jo samaan tha woh girr jaata hai. ​

Toh sab log include Neha uss side dekhne lagte hai jo apni friends ke saath shopping mein aayi thi. Aryan aage badh gaya thaa jab woh dekhta hai uske saath sirf Ritika hai Meera saath nhi hai toh woh pichhe ghum ke kehta hai Meera jaldi karo. ​

Aryan: Ritika Meera ki help karo. ​

Jab Aryan bolta hai tabhi sab Aryan ko dekhte hai. Neha bhi Aryan ko dekhti hai par pahle toh pehchan nhi paati kyoki formula ke wajah se uska chehra jo badal chuka thaa. Par aankhe wahi thi. Par jab Neha ki nazar uski aankho mein padhti hai toh dekhti hi rehti hai. Uski aankho se aansu nikal aate hai. Woh usse ektak dekhti hi rehti hai. Par usse toh yeh aihsaas hi nhi thaa ke Aryan Ritika aur Meera waha se jaachuke hai. ​

Neha ki friend usse hilake puchti hai kya hua. ​

Neha bina kuch bole waha se daud laga deti hai. Par Aryan usse nhi dikhta. Woh pura Mall khojti hai par usse nhi dikhta. Woh jaldi se waha se nikal ke apne ghar pahonchti hai. ​

Vikram abhi ghar mein hi thaa. ​

Neha: Chillate hue. Dad dad kaha hai aap jaldi bahar aaiye. ​

Rashmi: Kya hua kyo itna chilla rahi ho. ​

Neha: Pahle dad ko bulaiye. Phir batati hu. ​

Meenakshi: Aree batao toh baat kya hai. ​

Neha: Chachi sab batati hu. Pahle dad ko aane dijiye. ​

Vikram: Aree kya hua kyo chilla rahi ho. ​

Neha: Dad maine usse dekha. ​

Vikram: Kise dekha. ​

Neha: Bhai ko. Aryan ko. ​

Rashmi: Kya kaha. Tune wapas bol. Kise dekha tune. ​

Neha: Maa aapne sahi suna hai. Maine bhai ko dekha hai. ​

Rashmi: Dekh Neha agar yeh tera koi mazaak hai toh isse abhi band kar. Mujhe aisa mazaak bilkul pasand nhi. ​

Neha: Maa main koi mazaak nhi kar rahi hu. Maine sach mein aaj Mall mein bhai ko dekha. Woh 2 ladkiyon ke saath shopping pe aaya hai. ​

Rashmi: Toh jab tune usse dekha toh yune usse yaha kyo nhi laaya. Woh kaha hai mujhe le chal uske paas. Main abhi uske paas jaungi. ​

Neha: Maa jab maine usse dekha toh mujhe apni aankho pe vishwaas hi nhi hua. Main kahi kho hi gayi thi. Par jab mujhe hosh aaya woh kahi jaa chuka thaa. ​

Rashmi: Suniye. Ab toh yeh pata chal chuka hai woh yehi hai. Aap kahi se usse le ke aaiye. ​

Vikram: Main abhi kuch karta hu. ​

Neha: Dad woh aapko nhi milega. Uska chehra pahle jaisa nhi hai. Uska chehra badal gaya hai. ​

Meenakshi: Toh phir tumhe kaise pata woh Aryan hi thaa. ​

Neha: Aankhe chachi aankhe. Main uski aankhe kabhi nhi bhul sakti. Uski aankhe abhi bhi waisi hai. Maine ussi se usse pehchana. Ab mujhe samaj aaya kyo hum usse itne saal se dhund nhi paaye. ​

Rashmi: Toh hum usse dhundenge kaise. ​

Neha: Ek raasta hai. Mall ka CCTV footage usme woh jarur record hua hoga. Hum usme se uski pic leke usko dhundenge. Main abhi gudiya ko yeh baat bata ke aayi. ​

Meenakshi: Ruko Neha woh ghar pe nhi hai. Apne friend ke paas gayi hai. Aur shayad woh tumhari baato pe vishwaas bhi naa kare. Isiliye pahle humhe Aryan ki pic laani hogi. ​

Phir Vikram kisi ko call karta hai aur Neha ko leke mall chala jaata hai. ​

Mall pahonchta hai toh waha pe Commissioner pahle se hi khada tha civil dress mein. Phir woh log waha se mall ke security room mein jaate hai. Commissioner saath thaa toh kisi ne koi sawaal nhi kiya. ​

Neha: Mujhe aapke mall ki kareeb 1 ghante pahle ki 2nd floor mein jo unisex dress section ka shop hai waha ki CCTV footage dekhni hai. ​

Security: Sorry hum bina permission ke nhi dikha sakte. ​

Commssioner: Kya mere kehne pe bhi nhi. ​

Security: Nhi sir. Aap toh police se hai. ​

Commissioner: Toh jo inhone kaha woh karo. ​

Phir security bina kuch bole kaam pe lag jaata hai. ​

Neha: Ab yaha pe thodi der baad ek ladki ka samaan girr jaata hai tab tak ke liye forward karo. ​

Security waise hi karta hai. Ab footage uss waqat ki thi jab Meera ke haath se samaan girr jaata hai. ​

Neha: Ab yaha pe ek ladke ki awaaz aayegi. Mujhe jaise bhi karke uska chehra dekhna hai. ​

Security: Ma'am iss angle se toh nhi dikhega. Lekin shop ke exit pe ek camera waha se jarur dikhega. ​

Neha: So do it fast. ​

Phir security shop ke exit pe jo camera thaa usse usi time pe chalata hai jab Meera ka saaman girta hai. ​

Neha: Stop. Yeh yehi hai woh. Dad yeh raha bhai. ​

Vikram dhyaan se dekhta hai. Toh uski aankhe bilkul Aryan jaisi thi. Vikram ki aankho mein toh ek pal ke liye aansu aagye the apne bete ko itne saal baad dekh. Par woh khud ko sambhal ke ​

Vikram: Mujhe iss ladke ki photo chahiye jaldi se isse print karo. ​

Security waisa hi karta hai. Phir woh log photo leke waha se nikal padhta hai. ​

Vikram: Sir aaplogo ko isse khojna hai. ​

Commissioner uss photo ki ek pic leke bolta hai. Agar yeh Delhi mein hai toh yeh ab bahot jald aapke paas hogaa. ​

Vikram: Sir jald se jald kijiye. ​

Phir Neha kuch soch ke wapas security ke paas jaake. ​

Neha: Jis ladki ka saamaan gira tha uski pic dikhana toh. ​

Security woh pic dikhata hai toh Neha ko Meera ke gale mein mangalsutra dikhta hai toh uske chehre pe ek smile aajati hai.​

Neha: Usne shaadi karli. Waah bhai tu toh bahot fast nikla. ​

Ab yeh footage play karo. Aur mujhe iss ladki ka naam sunna hai jo uss ladke ne kaha tha. ​

Security waise hi karta hai tabhi ek awwaz aati hai " Meera jaldi karo", " Ritika jaake help karo". ​

Neha: Yeh ladki kaun hai. Uss dusri ladki ke upar point karo toh. ​

Security waise hi karta hai. Neha Ritika ko bhi dhyaan se dekhti hai toh woh shock hojaati hai. ​

Neha: Waah bhai toh kuch jyaada hi fast nikla eksaath 2 shaadi karli. Thik hai. Ab inn 2 ladkiyon ka photo bhi print karo. Aur tumhara kaam khatam. ​

Vikram: Yeh kiski photo li hai tumne. ​

Neha: Dad yeh meri bhabhiyan hai Meera Bhabhi aur Ritika Bhabhi​

Vikram: Kyaa bhabhiyan. Matlab usne shaadi karli.​

Neha: Haa dad aur woh bhi 2 yeh dekhiye inke gale mein Mangalsutra hai. Aur bhai inke saath aaya thaa. ​

Vikram: Mera beta toh bahot fast nikla. Ab bas woh mil jaaye toh usse maafi maangle. ​

Neha: Mil jayega dad. Ab bhai ko humeshe koi durr nhi rakh sakta.​

Phir woh log ghar aajaate hai. ​

Rashmi: Kya hua mili Aryan ki tasveer. ​

Neha: Haa maa yeh lo apne bete aur bahuon ki tasveer. ​

Meenakshi: Bahuyen. ​

Neha: Haa chachi. Bhai ne shaadi karli woh bhi 2. ​

Rashmi toh Aryan ki photo dekhte hi rona shuru kardeti hai. ​

Rashmi: Kitna badal gaya hai mera beta. Bas aankhe hi nhi badli. ​

Meenakshi: Didi jara mujhe bhi toh dikhaiye Aryan mera bhi beta hai. ​

Phir Meenakshi bhi Aryan ki photo dekhne lagti hai. ​

Meenakshi: Sach mein bahot badal gaya hai. Aur kitna handsome bhi hogaya hai. Dekho kaise body banake ekdum hero hogya hai. ​

Rashmi: Meri bahuyeh bhi kuch kam nhi hai dekho kitni pyaari aur khubsoorat hai. ​

Meenakshi: Haa didi sahi kaha. Inhone toh khubsoorti mein Neha ko bhi paar kardiya. ​

Neha: Aakhir mere bhai ki biwiyan hai khubsoorat toh hogi hi. ​

Rashmi: Ab toh photo bhi mil gayi. Aur kab tak intezaar karna padegaa. Main apne bete se milne aur usse maafi maange ke liye taras gayi hu. ​

Vikram: Mera bhi yehi haal hai Rashmi. But aur jyaada din nhi commissioner sahab ko yeh photo de di hai ab woh jald se jald isse yaha le aayenge. ​

Tabhi Soniya bhi ghar mein aajati hai. Woh sabko ignore kar apne kamre mein jaane lagti hai. ​

Neha: Gudiya bhai mil gaya hai. ​

Jaise hi Soniya yeh sunti hai uski kadam wahi pe rukh jaate hai aur uske aankho se aansu behne lagte hai. ​

Soniya: Kya kaha aapne. ​

Neha: Bhai mil gaya hai. ​

Soniya: Kaha hai mere bhaiyaa. Mujhe abhi unke paas jaana hai. ​

Neha: Woh kaha hai yeh humhe nhi pata. ​

Soniya: Toh aapne mujhse jhoot kyo bola ke bhai mil gaya. ​

Neha: Maine koi jhoot nhi bola sach mein bhai mil gaya hai. Phir Neha usse puri kahani suna deti hai. ​

Aur yeh rahi unnteeno ki photo. ​

Soniya woh photo leke jaldi se apne kamre mein chali jaati hai. ​

Phir unki photo ki pic kisi ko send karke. Ek call karti hai. ​

Soniya: Maine aapko 3 pic bheji hai. ​

Saamne se: Haa dekha maine. Kaun hai yeh. ​

Soniya: Yeh pic Aryan Bhaiya Meera Bhabhi aur Ritika Bhabhi ki hai. Yeh teeno yehi Delhi mein hai. Aap bhi inhe dhundiye. ​

Saamne se: Kya sach mein yeh Aryan hai. ​

Soniya: Haa inki aankhe dhyaan se dekhiyee. ​

Saamne se: Haa tum sahi keh rahi ho. Wahi aankhe bas chehra badal gaya hai aur body banake bilkul hero hogya hai. Aur saale ne shaadi bhi karli aur woh bhi 2. Milne do ekbaar chorunga nhi. ​

Soniya: Khabardaar jo aisa kuch kiya toh. Main aapko chorungi nhi. ​

Saamne se: Tum chahe jo bhi karo. Par jis din yeh mujhe mila bahot peetega. Aur tum chinta mat karo. Main aajse hi lag jaata hu isse dhundhne mein. ​

Soniya: Thik hai. Phir call cut hojataa hai.​

Nice update bhai