Romance Pyar or Paisa

[theinsan]

Hello dosto me Rohan shyad apke Jevan bhut se dost honge jiske Rohan naam ke dost hoge pr mai akela hi akela thha q kya pata pr Meri me kuch pareshniya thhi isi liye ya sab mere saath huwa pr abhi

Abhi ka badme sochenge pahle mere barme jaan lete hai


Mera naam hai Rohan surname nahi hai ab nahi me mere dosto ke saath hostel me re raha hu piche 8 saal se jab mai 6 th class thha tab se hostel Mai hu or ab mai 1st year me hu mere maa baap hai pr vo abhi samne nahi aayga meri padhai hone ke baad ayege to

To shuru ho meri pyar or paisa ke kahani ke kiye

Milte hai pehle update mai

 

[theinsan]

Start ho gaya hai bhai log

 

[theinsan]

Part 1

Rohan subah jaldi uth gaya aaj uska college ka pehla din tha uska room chhota sa tha ek bed ek table aur ek purana fan jo dheere dheere ghoom raha tha ye uska rented room tha jahan wo akela rehta tha

Wo kuch second tak chhat ko dekhta raha phir dheere se bola chalo dekhte hai kya hota hai

Wo ready hua bag uthaya aur bahar nikal gaya road pe normal rush tha log apne kaam me busy the Rohan bhi unhi me ek banne ki koshish kar raha tha

College ka gate dekhte hi wo thoda ruk gaya andar kaafi bada campus tha har taraf students groups me baatein hasi mazaak Rohan ne ek deep breath li aur andar chala gaya

Usne notice board pe apni class dhundi FY BBA Section B wo class me ghusa andar kaafi log already baithe the kuch log uski taraf dekhe fir ignore kar diya

Rohan seedha last bench pe jaake baith gaya usne bag side me rakha aur chup chaap baith gaya

Thodi der baad ek ladki class me aayi wo zyada flashy nahi thi par usme confidence tha usne aas paas dekha aur Rohan ke bagal wali seat pe baith gayi

Usne poocha yaha koi hai Rohan ne bola na wo boli theek hai

Kuch second dono chup rahe fir usne poocha first day Rohan ne bola haan wo boli same

Usne poocha naam Rohan ne bola Rohan wo boli Siya

Lecture start ho gaya teacher ne padhana shuru kiya beech me ek question poocha par class me silence tha Rohan ne answer diya teacher ne sirf good bola

Siya ne dheere se bola padte ho Rohan ne bola thoda

Break hua sab apne groups me chale gaye Rohan canteen me gaya par wo kisi ko nahi janta tha to ek side khada ho gaya usne chai li aur chup raha

Tabhi Siya waha aa gayi usne bola tum fir akela Rohan hasa bola abhi to start hai

Siya boli friends bana lo Rohan bola tum bana lo Siya boli bana lungi

Tabhi do ladke aaye unhone Siya ko bulaya Siya ne bola tum log jao main aati hoon wo log Rohan ko dekh ke chale gaye

Siya ne Rohan ki taraf dekha aur bola tum thode different ho Rohan ne poocha kaise Siya boli simple ho aur serious bhi

Rohan ne poocha accha hai ya bura Siya boli abhi decide nahi kiya

Wo chali gayi

Rohan wahi khada tha usne chai finish ki aur dheere se socha shayad yaha adjust ho jaunga

Par usse nahi pata tha ye bas start hai aage sab change hone wala hai

 

[Silent lover]

Congratulations and waiting for next update and bhai introduction dedo story start se pehle and thoda long update dene ka try kro ..

 

[Ristrcted]

for new story.

You can try to write something in our USC.
You will surely get more fans than usual if you write there.

 

[theinsan]

PART 2
Agla din Rohan thoda jaldi uth gaya kal ki baate uske dimaag me chal rahi thi usne zyada socha nahi bas ready hua aur college ke liye nikal gaya
College pahunchte hi usne aas paas dekha ab use thoda familiar lagne laga tha pehle jaisa ajeeb nahi lag raha tha wo seedha class me chala gaya aur is baar last bench ke bajay middle row me baith gaya jaise wo khud ko thoda change karne ki koshish kar raha ho
Kuch minute baad Siya class me aayi usne enter karte hi ek baar pura class dekha aur phir seedha Rohan ki taraf dekha aur uske paas aake baith gayi
Usne casual tone me bola tum aaj jaldi aa gaye Rohan ne bola haan bas
Siya ne bola kal tum thode chup the Rohan ne bola main waise hi rehta hoon
Siya ne usko dekha jaise wo samajhne ki koshish kar rahi ho par usne zyada push nahi kiya
Lecture start ho gaya teacher padha rahe the par beech beech me dono halki si baat kar lete the
Kabhi Siya kuch pooch leti kabhi Rohan short answer deta
Dono ke beech ab awkwardness kam ho rahi thi
Break hua to Siya ne bola chalo canteen chalte hai Rohan ne haan bol diya
Is baar wo dono seedha ek table pe baith gaye Siya ne bina soche order kar diya Rohan ne mana nahi kiya
Siya ne poocha tum kaha rehte ho Rohan ne bola yaha paas me ek chhota room liya hai
Siya ne poocha akela Rohan ne bola haan
Siya ne thoda slow tone me bola manage kar lete ho Rohan ne bola aadat hai
Siya ne uski taraf dekha usko lag raha tha ki Rohan simple nahi hai uske andar kuch aur hai jo wo bolta nahi
Tabhi Siya ke 7 friends waha aa gaye 4 ladke aur 3ladki
Ek ladka bola Siya tu yaha hai hum log tujhe dhund rahe the
Siya ne bola main yahi hoon tum log baitho
Wo log table pe baith gaye
Unhone Rohan ko dekha ek ne poocha ye kaun hai
Siya ne bola mera classmate hai Rohan
Unhone normal hi react kiya par clearly interest nahi tha
Ek ladka apne phone me busy tha dusra Siya se baat kar raha tha ladki apni baat share kar rahi thi
Rohan chup tha wo bas sun raha tha
Unki baate alag thi parties shopping trips cars brands
Rohan us world ka part nahi tha
Usne thoda uncomfortable feel kiya
Thodi der baad usne bola main chalta hoon
Siya ne poocha itni jaldi Rohan ne bola haan kaam hai
Wo uth ke chala gaya
Siya ne usko jaate hue dekha usse laga Rohan intentionally door reh raha hai
Agle kuch din routine set ho gaya
Class me milna thodi baat karna kabhi canteen kabhi corridor
Par jab bhi Siya apne group ke saath hoti thi Rohan automatically side ho jata tha
Wo khud ko force nahi karta tha
Siya kabhi kabhi usko bulati thi par Rohan zyada involve nahi hota tha
Ek din Siya ne seedha poocha tum group me aake normal kyun nahi rehte
Rohan ne bola mujhe aadat nahi hai
Siya ne bola aadat dal lo
Rohan ne bola zarurat nahi lagti
Siya ne uski aankhon me dekha par kuch nahi bola
Dheere dheere college me log notice karne lage
Siya aur Rohan ka naam ek saath aane laga
Kuch log normal the par kuch log ko ye pasand nahi tha
Ek din jab Rohan library se nikal raha tha tab ek ladka uske paas aaya
Wo Siya ke group ka hi tha
Usne bola ek baat samajh le zyada close mat ho Siya se
Rohan ne poocha kyun
Wo bola bas bol raha hoon samajh ja
Rohan ne seedha bola main kisi se permission nahi leta
Wo ladka thoda gussa hua par chala gaya
Rohan ne is baat ko ignore kiya par usko samajh aa raha tha ki situation simple nahi hai
Us din ke baad Rohan ne thoda distance rakhna start kiya
Class me baithta tha par baat kam karta tha
Siya ne notice kiya
Usne poocha tum avoid kar rahe ho
Rohan ne bola nahi
Siya boli jhoot mat bolo
Rohan ne bola tumhari duniya alag hai meri alag
Siya ne bola to kya
Rohan chup
Siya ne bola tumhe fit hone ki zarurat nahi hai
Rohan ne uski taraf dekha par kuch nahi bola
Us din ke baad thoda awkward ho gaya
Par completely break nahi hua
Dono fir bhi baat karte rahe bas kam
Ek din Rohan canteen ke bahar khada tha
Usne dekha Siya apne group ke saath baithi hai
Wo has rahi thi relaxed thi apni world me
Rohan ne us moment ko dekha aur usse samajh aa gaya
Ki wo us world ka part nahi hai
Wo chup chap waha se chala gaya
Us raat Rohan apne room me akela tha
Fan ghoom raha tha aur wo bed pe leta tha
Usne aaj ka din socha
Usko laga shayad wo unnecessary soch raha hai
Par dil me halka sa heavy feel ho raha tha
Usne apne aap se bola focus kar
Dusri taraf Siya apne ghar me thi
Uske paas sab kuch tha bada ghar car comfort
Par wo bhi Rohan ke baare me soch rahi thi
Usko samajh nahi aa raha tha ki Rohan distance kyun bana raha hai
Par wo ye feel kar rahi thi ki Rohan baaki sab se alag hai
Agle din Siya ne decide kiya ki wo clear baat karegi
Class ke baad usne Rohan ko roka
Usne bola kya problem hai
Rohan ne bola kuch bhi nahi
Siya boli tum avoid kar rahe ho
Rohan ne bola bas aise hi
Siya ne bola kisi ne kuch bola kya
Rohan ne directly nahi bataya
Par bola aisa hi kuch
Siya ne bola tum tension mat lo main handle kar lungi
Rohan ne turant bola mujhe handle hone ki aadat nahi hai
Siya chup ho gayi
Thodi der dono chup khade rahe
Phir Siya ne dheere se bola
Tumhe lagta hai main tumhe judge karti hoon
Rohan ne bola nahi
Siya ne bola fir
Rohan ne bola tumhari life alag hai
Siya ne bola tumhe usme fit hone ki zarurat nahi hai
Rohan ne uski taraf dekha
Ye line uske dimaag me baith gayi
Us din ke baad sab dheere dheere normal hone laga
Is baar dono thoda honestly baat karne lage
Rohan thoda open hone laga
Siya bhi uske saath simple behave karti thi
Ek din Siya ne poocha tum future me kya chahte ho
Rohan ne bola paisa
Siya hansi boli bas
Rohan ne bola abhi ke liye haan
Siya boli tum interesting ho
Rohan ne bola pata hai
Dono hans pade
Dheere dheere dono ke beech comfort strong ho gaya
Ab wo sirf classmate nahi the
Ek dusre ke daily routine ka part ban gaye the
Kabhi choti baate kabhi serious
Kabhi silence bhi comfortable lagta tha

 

[theinsan]

PART - 3

Class ke baad Siya ne Rohan ko apne friends se milwaya. Group me chaar ladke aur teen ladkiyan thi. Aryan thoda normal aur friendly type tha jo bina zyada attitude ke baat karta tha. Raghav kam bolta tha aur zyada observe karta rehta tha. Dev bilkul silent tha, par uski nazar sab par hoti thi. Kabir sabse alag tha. Uska style hi batata tha ki wo rich background se hai. Expensive watch, latest phone aur baat karne ka tareeka aisa jaise wo aadat se logon ko control karta ho.

Ladkiyon me Naina thodi friendly thi aur bina judge kiye baat kar leti thi. Meher calm thi, zyada bolti nahi thi par group me comfortable lag rahi thi. Tanu apne phone aur apni hi duniya me rehti thi, use zyada kisi se matlab nahi hota tha. Siya in sab ke beech bilkul fit thi. Uski baat sab sunte the aur wo har kisi ke saath easily adjust ho jati thi. Uska lifestyle bhi clearly unke jaisa hi tha.

Group me baate chal rahi thi. Kabhi party ki baat hoti, kabhi trip ki, kabhi shopping ki. Kabir beech beech me plans bana raha tha aur baaki log usko follow kar rahe the. Ek moment par usne seedha bola ki booking ho chuki hai aur bas decide karna hai kaun aa raha hai. Uska bolne ka tareeka request jaisa nahi balki order jaisa tha. Kisi ne usko question nahi kiya, jaise sab ke liye ye normal ho.

Rohan waha khada tha. Na usse ignore kiya ja raha tha aur na hi fully include kiya ja raha tha. Wo bas beech me tha. Kabir ne ek baar uski taraf dekha aur phir Siya se casually poocha ki ye naya hai na. Siya ne haan me jawab diya. Kabir ne sirf hmm bola, par us ek reaction me hi clear tha ki wo Rohan ko zyada importance nahi de raha.

Rohan ne kuch react nahi kiya. Wo chup raha aur sirf observe karta raha. Usne us moment me samajh liya ki Siya ka world usse kitna alag hai. Udhar Siya ne bhi feel kiya ki Rohan is group me comfortable nahi hai.

Yahi se dono ke beech ek silent difference start ho gaya.

 

[theinsan]

Part 4 jald hi aayga aapko story starting
mai boring lagegi or aage aage sab shuru hoga

 

[theinsan]

Part - 4
Class ke baad sab normal lag raha tha, par Rohan ke andar sab normal nahi tha. Wo Siya ke saath uske group ke paas khada tha, par uska dhyan unki baaton par zyada tha. Aryan aur Raghav kisi trip ke baare me discuss kar rahe the, Kabir phone pe kisi se baat karte hue paise aur booking ki baat kar raha tha, aur Naina, Meher aur Tanu apne hi topics me busy thi. Ye sab dekhne me normal lag raha tha, par Rohan ko unki baaton me ek cheez baar baar chubh rahi thi.
Unki baate aksar paiso ke around hi ghoomti thi. Kaunsi car, kaunsa club, kaunsa resort, kitna kharcha, kisne bill pay kiya, kisne kitna spend kiya. Beech beech me Kabir ya Aryan kisi aur ladke ka example de dete the, kisi ko low bol dete the, ya kisi ki financial condition pe halka sa comment kar dete the. Wo hasi mazaak me bolte the, par Rohan ko wo mazaak nahi lag raha tha. Usse lag raha tha ki wo log aadat se logon ko unki aukaat se judge karte hai.

Rohan ne kabhi kisi ko is tarah se judge nahi kiya tha. Uske liye ye sab naya tha. Wo unke beech khada tha, par andar hi andar usse lag raha tha ki wo un logon ka part nahi hai. Fir bhi usne kuch nahi bola. Na react kiya, na expression change kiya. Usne decide kiya ki wo chup hi rahega.

Uske dimaag me ek aur baat chal rahi thi. Wo Siya ko kuch bol sakta tha. Wo easily usse keh sakta tha ki usko ye sab pasand nahi hai. Par usne nahi bola. Usse laga ki Siya ke liye ye sab normal hai, ye uske friends hai, uski world hai. Agar wo kuch bolega aur baat bigad gayi, to sab usi pe aa jayega. Shayad Siya bhi uski side na le. Isliye usne apni baat andar hi rakh li.

Siya kabhi kabhi uski taraf dekhti thi. Usse lag raha tha ki Rohan thoda quiet hai, par wo samajh nahi pa rahi thi ki andar kya chal raha hai. Rohan ne apna usual expression maintain kiya hua tha, isliye kisi ko kuch clearly feel nahi ho raha tha.

Thodi der baad class khatam ho gayi aur sab bahar nikle. Corridor me chalte chalte Naina ne bola chalo canteen chalte hai. Sabne haan bol diya. Ye unka daily routine jaisa hi tha. Rohan ne mana nahi kiya, wo bhi unke saath chala gaya.
Canteen me ek bada table mil gaya aur sab waha baith gaye. Order dene ki baari aayi to Kabir ne bina kisi se pooche directly bola jo best hai wo le aao. Fir usne casually add kiya ki bill uska hoga. Kisi ne react nahi kiya jaise ye sab normal ho. Rohan ne bas dekha aur chup raha.

Baate fir se wahi start ho gayi. Kabhi kisi club ki baat, kabhi kisi party ki. Aryan bol raha tha ki kal night ko ek naya club try karte hai. Kabir ne turant bola haan already plan bana lete hai. Raghav ne bola booking karwa lete hai. Sab easily agree kar gaye.

Siya bhi unke saath baat kar rahi thi, par wo beech beech me Rohan ki taraf dekh leti thi. Usse lag raha tha ki Rohan thoda disconnected hai.
Tabhi Kabir ne casual tone me bola kal night club chalte hai sab. Is baar proper plan banate hai. Sabne interest dikhaya. Naina ne bola main aaungi. Meher ne haan bola. Tanu ne bhi agree kiya.
Kabir ne Siya ki taraf dekha aur bola tu to aa hi rahi hai. Siya ne bola haan dekhte hai. Fir usne Rohan ki taraf dekha.

Rohan ne seedha bola main nahi aaunga.
Table pe ek second ke liye halka sa silence hua. Kisi ne force nahi kiya. Kabir ne sirf halka sa smirk diya jaise usko expected tha. Aryan ne bola uski marzi. Aur baat aage badh gayi.
Par Siya ruk gayi. Usne Rohan ki taraf dekha aur dheere se bola kyun.
Rohan ne normal tone me bola bas aise hi.
Siya ne bola aise hi kya matlab. Ek baar aa jao.
Rohan ne bola mujhe interest nahi hai.
Siya ne uski aankhon me dekha aur is baar thoda serious tone me boli tum har cheez se door kyun rehte ho.
Rohan ne kuch second socha par fir bhi seedha jawab nahi diya. Usne bas bola mujhe aisi jagah pasand nahi hai.
Siya ne halka sa smile kiya par wo convince nahi hui. Usne dheere se bola sab ja rahe hai. Tum bhi aa jao.
Rohan ne fir mana kar diya.

Group apni baat me busy tha par Siya ab bhi Rohan pe focus kar rahi thi.
Usne thoda aur close hoke dheere se bola ek baar try kar lo. Agar pasand nahi aaya to wapas aa jana.
Rohan chup raha.
Siya ne fir bola main hoon na.
Ye line sunke Rohan thoda ruk gaya.
Usne Siya ki taraf dekha. Uske expression me force nahi tha, bas simple sa expectation tha.
Rohan ne seedha haan nahi bola, par usne mana bhi nahi kiya.

Siya ne halka sa smile kiya jaise usko samajh aa gaya ho ki Rohan maan jayega.
Table pe baaki sab club ke plan me busy the.

Aur Rohan waha baitha hua tha, bahar se normal, par andar se ab bhi unsure.
Usse nahi pata tha ki wo jaana chahta hai ya nahi.

Par ek baat clear thi
Siya ke kehne ka us par asar ho raha tha

 

[theinsan]

Hello sab mere शुभचिंतक kesa laga mere ye update