Fantasy Pyare Rishte - Bhai Bahan Ki Pavitra Prem Ka Ek Safar (part 1 and 2 completed) part 3 in running (restart)

[Akil]

Harry rocks bhai....Intehaan......ho gayi intazaar ki......

 

[Vicky2009]

Update no :- 35

Location :- kfd lok

Kfd jese hi mata ko dekhte h to dod ker unke gale lag jate or bolte h.

Kfd :- mata !

Khushi k aansu to mata ki ankho m bhi the.or unhone kfd ko or bhi kaske gale se laga liya. Or un ke muh se sirf itna nikla.

Mata:- putra

Bas itna sun hi kfd ka chahara khil utha , jese kisi bache ko uski sabse pasandida khilona mil gaya ho jese , kisi lambe samay se bhuke ko 56 bhog mil gaya ho .

Or esa hota bhi kyu naa jin kfd k liye unki mata ka sthan swayam mahadev se bhi uncha h aaj itne varsho baad unse kfd ki mulakat hui.dono mata putra hi vidhata dwara sope gaye apne kartvyo k kaaran itne vivash or vayasth ho chuke the ki milne ka samay hi na mila.

Kfd :- mata aap aagayi , m bata ni sakta mata m kitna khush hu ,lekin
Aapse naraj bhi hu.

Mata(kfd k dono gaal khichte) :- acha or m jan sakti hu mera pyara bacha apni mata se kyu naraj h.

Kfd(muh fulate hue) :- aapka putra aapse isliye rusht h kyunki itne varsho aap mujhse milne aana to dur aapne to mujhse sampark kerna bhi jaruri ni samjha.

Mata:- hmm baat to tumhari uchit h , ab galti to hui h tumhari mata se,to maafi to mangni padegi, ( apne kano ko pakdte hue) lo ab to maaf ker do mere pyare babu.

Per kfd tas se mas ni hote , asal me vo bilkul naraj ni the apni mata se bas wo unse thodi si masti ker unhe tang ker rahe the . Ab kare bhi kyu na sabhi bhai bahano m sabse ladle jo thahare apni maa ke.

Ye baat unki mata bhi samjh jati h or bolti.

Mata:- are baap re itna gussa , ab maaf bhi ker do na putra.

Kfd bacho ki tarah naa m sir hilate h jise dekh mata ko hasi to khub aati h per khud ko kabu kerte hue.

Thoda udasi ka natak kerte hue

Mata;:- acha mane to socha tha ab kuch samay k liye m apne putra k pass hi rukungi or apne hatho se roj khir banake khilaungi or lori gake sulaungi. Per ab rukne ka kya labh jab mera pyara putra hi mujhse baat ni kerna chahata.
Or wo jane k liye mud jati h.

Or jese hi kfd ye sunte h to chote bache jese jor se bol uthte h .

Kfd:- (chote bacho jese unka hath pakad k) ni mata m aapko kahi ni jane dunga.

Mata:- mere rukne ka bhi kya labh jab tum mujse baat hi ni ker rahe to.

Kfd(josh josh me) :- are ni ni mata kis bevkoof ne kaha m aapse naraj hu vo to m bas aapko thoda tang ker raha tha.

Kfd ne josh josh me bol to diya , per jab unhe samjh aaya ki unki chori pakdi gayi , to unka chahara dekhne layak tha.

Mata (pyar se kan pakdte hue ) :- kyu bachu pakdi gayi na chori , bhulo mat mata hu tumhari or apni putra ki har ek baat or har ek shararat ache se samjhti hu.bolo ab esi masti karoge.

Kfd (dard ka natak kerte hue.) :- aah aah mata pida ho rahi h , shama ker do na , aage se esa ni hoga.wese aap samay k sath or bhi sunder hoti ja rahi ho , aap to yaha aagaye ab waha pitaji ka man kese lagega.


Mata :- (kaan chodte hue or thoda sharmate hue) hat badmash tum ni sudharne wale.

Or wo hasne lagti h. Or sath m kfd bhi or bolte h.

Kfd:- ab jesa bhi hu , hu to aapka ladla putra hi na.

Mata pyar se puchkarte hue:- ha bilkul mere pyara or natkhat putra.

Itna bol wo kfd k dono gaal khich kee ek baar fir gale lagati h or unke dono gal or mathe ko chumti h.

Fir kfd mata ka hath pakad ker apne singhasan per bethathe h or khud niche ghutne k bal beth ker apna sir unki god me rakh ker baate kerne lagte h.

Yu hi wo abhi baate ker hi rahe the ki kfd ko bhuk lagne lagti h , wo to kuch ni bolte .Per mata ko is baat ka abhas ho jata h ,

Mata :- putra mane tumhe kitni baar kaha h ki jab tumhe bhuk lagi ho to bata diya kero , mana ki mahadev k sath rah ker tumne wo vidhya sikhi h jisse bhuk tumhe prabhavit ni kerti , per jab m tumhare sath hu jab to is vidya ka prayog mat kiya kero

Kfd:- mata m isliye esa kerta hu taki aapko kasht na ho , kyunki devi hone k bavjood bhi aap kisi dasi ko bolne k bajaye khud hi bhojan banate ho, vo bhi bina ki shaktiyo ka bhi prayog ni kerte .

Mata :- mera bacha sabse jyada ek maa ko aanand hi apni santan k liye bhojan banane m aata h , tum wo sab chodo ye batao k kya khaoge.

Kfd:- bhole pan se :- wahi jo aapne thodi der pahale bola tha .
Unka ishara kheer ki or tha.

Mata masti kerte hue

Mata :- hmm mane kya bola tha mujhe to yaad ni aaraha.

Kfd bacho jese chidte hue ;:- mata !

Mata haste hue:- are banati hu baba gussa kyu hote ho, khane pine k mamle me bilkul apne guru (mahadev) or apne guru bhai (ganesh ji ) pe gaye ho tum

Fir mata mahal k paak shala (kitchen) m jaa kee khir bana k lati h or jese hi khilane wali hoti h.

Kfd :- yaha ni mata

Mata :- fir kya putra .

kfd :- hamare ghar m mata .

Fir kfd apni mata k hath pakad k gayab ho pahunch jate h usi van me jaha unki mulakat narad ji se hui thi.

Ye jagah bilkul vesi thi jese ki karan or jyoti ka vo dusra ghar jo asha ne banwaya tha, wese hi ek jhula numa bed , pass m kal kal kerti bahati hui nadi , wo van itna ghana tha ki surya ka prakash bhi vaha ni pahuchta tha , parantu mata ki divya shakti ki vajah se ye jagah prakashaman thi. Or jhule k sameep hi ek chota sa gufa numa ghar tha.

Kfd mata ka hath pakde jhule ki or jate h or apne sath hi bitha lete h or mata unhe apne hatho se bhojan karwane lagti h .Or bhojan karwane k baad jhule se uth unhe jhula jhulate hue boli.

Mata:- putra itne yug bit gaye parantu is sthan se tumhara prem aaj bhi vese ka vesa hi h.

Kfd :- ha mata or rahe bhi kyu na , is sthan ki hamare liye kya mahatvta h vo keval aap or m hi samjh sakte h

(Is jagah k bare m aapko age flashback m pata chalega)


Mata :- uchit kaha putra or tumhe to itna prem h is sthan se ki tumhare ansh karan or jyoti m bhi yahi pasand yahi ruchi janm se aagayi jiske chalte , tumne janm k samay hi asha ko , ek esa sthan hi banwane ka nirdesh dena pada.or yaha tak ki jo lori m tumhe sunati hu vahi asha ko bhi bata diya dono ko sulane k liye.


Kfd muskurate h or bolte h

Kfd:- ha mata apne uchit kaha or ha mata apka dhanyawad ki aapne uchit samay pe jaker , karan or jyoti ko apni mata ko khone k dukh se durbal hone se bacha liya.

Mata :- kesi bate ker rahe ho putra karan or jyoti tumhare ansh h or tum mere , is prakar wo meri bhi santaan hui , or ek mata apni santan ko dukh me kese dekh sakti h.


Kfd :- uchit kaha mata aapne.

Mata:- chalo putra ab ratri bahut ho chuki h ab so jao .

Or mata unhe apni god m lori ga ke sula deti h or side m hi khud so jati h.

Wahi subah karan or jyoti ki ankh subah surya ki roshni se khulti h

Karan :- good morning gudiya .

Jyoti :- good morning bhai.

Tabhi vo dekhte h ki unki maa to h hi ni unke pass , jisse ek baar to vo dukhi hote h , per fir apni maa ki baato ko yaad kerke , normal ho jate h

Jyoti :- chaliye na bhai ab jaa ker ghar bhi dekh lete h , ki kis halat me h vo.

Karan bina kuch bole chal deta h .

Ghar ki har chij aaj bhi bilkul vese ki vesi thi jese pahale hua kerti thi. Bas electricity ni thi kyunki yaha kisi ke itne salo se naa aane se connection cut ho gaya tha.

Lekin karan ne agle hafte yaha wapas aaker sab problem sahi karwane ka soch filhaal k liye is baat ko taal diya . Dono bhai bahan thodi der yu hi ghar m ghum k apni yade taza kerte rahe .

Tabhi ek kamre m jyoti ko kuch milta h jise wo jaldi se utha ker gadi m rakh aati h. Karan ko bina bataye.

Fir karan bolta h

Karan :- gudiya chal ab ghar chalne ka time ho gaya h.

Ye sun jyoti ka chahra latak jata h wo yaha se jana ni chahti thi , per karan ne use agle hafte firse aane wali baat batayi , jise sun vo khush ho gayi.

Fir dono waha ghar me baari bari fresh h ker nahate h, kapde karan apne sath pahale hi le aaya tha , fir dono waha dobara aane ka soch waha se nikal pade .

Or jese hi wo ghar pahunchte h shivani unhe hall m hi mil jati h

Shivani :- kya baat h bhai di or apke chahre ki ronak to dekne layak h aaj. Kya baat h bhai lagta h aapki date successful rahi .

Ye sun karan to jor jor se hasne lagta h or jyoti jhute gusse k sath

Jyoti :- kya boli ruk tujhe m batati hu shivani ki bachi , bahut bigad gayi h tu.

Ye bol wo uski or dodti or shivani bhi bhagne lagti h, or thodi der unki ye pakdam pakdayi chalti h .

Tabhi karan ko apne phone ka dhayan aata h jo ki vo kal raat switch off ker ke ghar p hi chod gaya tha.


Wo apna phone laker use on kerta h to dekhta h radha , rohan or riya tino ki kayi miss call aayi hui thi.

Karan ye dekh jaldi se radha ko phone kerta h . Phone 2 ring baad hi pick hota h or dusri taraf radha hi hoti h.

Radha:- hello bhaiya , kaha the aap , apka phone kyu ni lag raha tha aap thik to hona . Pata ni kyu mera dil parso se kyu ghabra raha tha.

Radha ki awaz me karan or jyoti k liye pyar or chinta saf saf najar aarahi thi, jise dekh karan ko us per bahut pyaar aata h.

Karan :- are are meri barbie doll m bilkul thik hu , sorry aapko batana bhul gaya m aapki di k sath kahi bahar gaya hua tha , or waha battery khatam ho gayi thi phone ki abhi hi thodi der pahale aaya.

Radha ye sun relax ho jati h .

Radha :- bhaiya aap abhi kaha ho , aapse milne ka bahut man ker raha h.

Karan :- man to mera bhi bhi apni choti gudiya se milne ka ho raha h , esa kerte h 2 ghante baad rohan k ghar p milte h .

Radha:- ok bhaiya , love u

Karan :- love u to sweety .

Fir wo rohan or riya ko bhi phone kerta h or unke ghar aane ki baat bata deta h .

Karan :- choti jaldi se teyar ho ja hume abhi rohan k ghar jana h .

Shivani :- bhai m bhi chalu aapke sath .

Jyoti :- ha chal na choti kyu ni

Karan :- to tum dono jaldi se teyar ho jao .

Jyoti :- lekin bhai abhi to 2 ghante h na , waha jane m . Fir abhi se kyu

Karan:- are yaar tum ladkiya abhi teyar hone bethogi jab jaker hum time se pahunchenge na.kyunki duniya janti h ki ladkiyo ko teyar hone m kitna time lagta h. Isliye bola
Or karan hasne lagta h.

Jyoti or shivani ek ek mukka pyar se uske sine pe laga ker

Dono :- kya bhai aap bhi.

Fir 3no thodi der yu hi ese baate kerte rahate h fir 3no nikal jate h rohan k ghar ki or.

Aaj k liye bas itna hi

Nice

 

[Harry rocks]

Friends deri k liye mafi chahunga per uska ek reason ye h ki an m story ko thoda fast kerne wala hu, kyunki story kafi slow ho gayi h isliye thoda uski prepration m laga hu

 

[Vicky2009]

Update no :- 40.
Hm se baat hone k baad karan or jyoti tv dekhne lage , karan to tv pe match dekh raha tha.lekin jyoti bore ho rahi thi. To usne karan k hath se furti se remote chin ker apna serial laga liya.

Karan:- ye kya ker rahi h choti , m match dekh raha hu na remote idher de.

Jyoti :- ni bhai , aap bahut der se dekh rahe ho. Ab mujhe dekhne dijiye serial.

Karan :- tu baad me dekh Lena na yaar, abhi bahut hi shandar ja raha h match , kolhi ko 10 run chahiye, century k liye


Jyoti :- ni bhai aap highlight dekh lijiyega, kyunki aaj mere serial me bhi bahut acha twist aaya hua h , kyonki aaj usme batayenge ki kese tulsi apne 3sre pati ko ye saabit karegi ki wo pativrata he.


Karan :- he bhagwaan ye serials k script writer pata ni konsa sasta nasha ker ke ye serial ki script likhte h, or tum ladkiya kese dekh leti ho is esi bachodiyo ko.wo bhi itne interest k sath.

Jyoti :- acha ji , mane aapko kuch aaj tak bola ki aap log kese dekh lete ho ye boring cricket , or ye to fir bhi 20 - 20 , 5 din k test match k time to aadhi adhi rat tak tv se chipke rahate ho.

Karan :- tu remote de rahi h ya ni,

Jyoti(jibh nikal ke chidate hue) :- ji ni.

Karan uspe jhapat padta h or remote lene ki koshish kerne lagta h, lekin jab tv remote ladki k hath me ho or vo bhi uske favorite tv k time , us time to chahe khuda bhi aajaye to remote use bhi na de ladki.esa hi jyoti ker rahi thi wo badi furti se kabhi us hath me to kabhi dusre hath me remote pakad ker karan ko chakma de rahi thi.

Akhir me karan thak ke karan side me beth jata h.

Jyoti(chidate hue) :- bola tha na mere golu bhaiya aaj aapko remote ni milne wala.

Karan :- tujhe to m dekh lunga chipkali.

Jyoti :- dekh lunga kyu, yahi to bethi hu jitna marzi chahe dekh lo.

Ye bol jyoti fir se hasne lagti h or karan chidne lagta h, tabhi karan ko kuch yaad aata h, or ek shetani hasi hasne lagta h.or bolta h.

Karan :- wada ker gudiya , ki ager mane abhi tujhse remote le liya to tu , wapis se chinne ki koshis ni karegi.

Jyoti :- acha ji humko challenge.

Karan :- ha ji , apko hi chalenge de raha hu.

Jyoti (over coinfidence):- ok challenge accepted.

Karan :- soch lo fir baad me rona mat.

Jyoti:- soch liya mane to ap bate chodo , or apna challenge pura kerne ki socho.


Or Jyoti is se pahale kuch or soch ya bol pati usse pahale hi karan ne chutki baja di jisse remote jyoti k hath se gayab ho ker karan k pass aagaya

Jyoti (shikayti andaz se ) :- bhai that's not fare, ye to cheating h.

Karan :- everything is fare in love war and in challenge my lil sis. Or bhul mat bhahna tujhse pure 5 min bada hu to , tujhse jyada hoshiyar to hunga hi na.

Or ye bol ker hasne lagta h or tv dekhne lagta h.Or jyoti muh fula k beth jati h.

Tabhi uske dimag me bhi ek idea aata h, or wo bhi ek shaitani muskan hasti h. Or chupke se uth ker kitchen me jati h or kuch laker dhire se karan k piche ja ker wo chij uski t shirt m dal deti h. Or jese hi jyoti wo chij uski t -shirt m dalti h, karan fat se sofe se uchal padta h or uchal uchal ke wo chij nikalne ki koshis kerne lagta h.

Or jyoti fat se remote sofe se utha ker haste hue maze lene lagti h.

Darasal jyoti kitchen m ja ker baraf layi thi , jo usne karan ki t shirt m dali thi or isliye wo uchal pada.

Karan ne jaldi se apni t shirt nikali , usne t shirt k niche kuch ni pahana tha jiske karan uski 7 apps wali body samne aagayi, jyoti to apne bhai k masculer sharir ko dekh ker ek baar to usme hi kho gayi , fir use karan ki awaj se hosh aaya.

Karan:- gudiya ye to cheating h , tune promise kiya tha na.

Jyoti(ankh mar ker boli) :- kyu bhul gaye mere pyare golu bhaiya , everything is fair in love ,war and in challenge.

Or fir jibh nikalkar use chidane lagi.

Karan :- bhaiya ki bachi ruk tujhe m batata hu , or wo jyoti ki or doda , jyoti bhi teyar thi , or wo bhi bhagne lagi.kuch der dono bhai bahan ki pakdam pakadi or masti yu hi chali.

Fir dono bhai bahan lunch ki teyari m lag jate h, aaj choti ma kahi bahar gayi hui thi or shivani apne school , or unke papa hamesha ki tarah bahar hi office.

Tabhi shivani bhi school se aajati h,

Jyoti :- are princess aap aagayi , chalo jaldi se fresh hoke aajao, lunch ready h .

Shivani (udaas awaj me ) :- ok didu.

Karan jaker shivani ko god me uthata h or bolta h.

Karan :- kya baat h bhai , aaj humari princess itni udaas kyu h.

Shivani :- bhaiya wo meri sabhi friends mujhe chidati rahati.

Jyoti :- acha wo kyu bhala, koi pareshan kerta h kya aapko , batao hume.

Shivani :- ni didu wo baat darasal ye h ki , meri sabhi friends ko school chodne or wapas lene unke bade bhai ya didi ate h , m hi bas esi hu jo akeli aati jati hu. Isliye wo sab mujhe chidate h ki ya to mere bhai ya bahan ni h , ya wo mujhse pyar ni kerte.

Karan :- bas itni si baat , koi baat ni princess kal se , m or teri didu dono hi tumhare sath chalenge , school chodne or un sabki bolti band ker denge.

Shivani(khush hote hue) :- sachi bhaiya.

Karan(uske gal chumte hue) :- muchi my lil princess.

Shivani :- thank you bhaiyu and didu.
Or fir dono k gaal p bari bari se kiss kerke fresh hone chali jati h .

Or fir 3no bhai bahan ek sath beth ker ek dusre k hatho se khana khate h.

Wahi dusri or devrishi narad ji rishi pippalad k ashram me pahunchte h.

Baba :- pranam devrishi.

Narad ji:- pranam rishiwer.

Baba:- kahiye devrishi mere liye kya aagya h.

Narad ji :- narayan narayan ! Rishiwer is baar m yaha aapke samaksh kisi karya se ni apitu , ek nimantran dene k liye upasthit hua hu.

Baba:- kesa nimantran devrishi .

Narad ji :- dev rishi jesa ki aap jante h ki mahashivratri ane wali h. Isiliye is mahan avsar per kfd ne kailash pe ek maha utsav ka aayojan kiya h or bhagwan shiv k param bhakto me se ek yani ki aapko, mere dwara is maha utsav k liye vishesh nimantran bheja h.

Ye sun baba bahut khush ho jate h or bolte h ki .

Baba:- kya maha shivratri k pawan avsar pe kailash me utsav k liye mujhe kfd ne vishesh nimantran bheja h .

Ye to mera param sobhagya h devrishi ki mahadev ne mujhe is saman k upyukt samjha. M dhanya ho gaya devrishi.

Or aapko bhi koti koti dhanyawad devrishi ki apne mujhe ye shubh suchna di.

Narad ji :- isme dhanyawad kesa rishiwer mane to bas apna kartavya nibhaya h,

Ab mujhe agya dijiye rishiwer shigra hi aapse kailash pe bhet hogi.

Fir baba or devrishi ek dusre ko pranam kerte h or narad ji waha se anter dhyan ho jate h or baba bhi vapas apne karyo me lag jate h.

Aaj k liye bas itna hi .

Stay tuned

Nice

 

[Vicky2009]

Update no :- 45.
Devo ko wapis lotane k baad braham dev soch m pad jaate h ki wo kya kare .

Tabhi unhe bhagwan vishnu ka dhyan aata h or vo braham lok se antardhyan ho pahunch jate h.

Braham dev :- pranam narayan .

Narayan :- aaiye braham dev , baikunth m apka hardik swagat h.kajiye kese aana hua

Braham dev:- he narayan ! Aap to antaryami h , aapse bhala kya chupa h, aap to jante hi h ki m tadkasur ki samasya k nivaran k liye aaya hu, mera marg prashast kijiye kamal nayan

Narayan (muskurate hue) :-he braham dev , is sansar ka pratyek vyakti apna patan ya udhar swayam apne karmo se hi nirdharit kerta h.

Esa hi tadkasur ne bhi kiya .Uska ant avashya hoga.

Braham dev :- parantu kese narayan ! Mahadev vivah k liye kabhi sajj na honge.

Narayan :- aap bhul gaye braham dev , srishti rachna k samya , unhone devi aadishakti ko jo vachan diya tha.

Ab us vachan k purn hone ka samay aagaya h us vachan k purn hone ka.

Brahm dev :- vo kese narayan .

Narayan :- uska upaay m aapko batata hu .

Fir narayan unhe wo upaay batate h, brahma ji upaay sun ati prasann hote h or apne lok ki or nikal jate h.

Or apne lok m pahunch apne manas putra prajapati daksh ka samaran kerte h.

Prajapati daksh brahama ji k manas putra h , jinhone is sansar ko niyam or sanskriti pradan ki,or praja k paalan kerne k kaaran inhe prajapati ki upadhi praapt hui .

Daksh :- pranam pita shri.

Brahama :- kalyan ho vats.

Daksh :- apne is putra k liye kya aagya h pita shri.

Braham ji :- putra tumhe jan kalyan or k liye ek mahan udeshya ko purn kerne k liye , mera ek karya kerna h.

Daksh :- aagya dijiye pitaji

Braham ji :- putra tumhe kathor tap ker maa adishakti ko prasan kerna hoga . Or ek var mangna h.

Daksh:- kesa var pitaji

Braham dev sari baat samjha dete h .

Daksh (ati prasan hote hue) :- jo aagya pita shri , ye to mera sobhagya h ki aapne is mahan karya k liye mujhe chuna.

Or itna bol vo brahama ji se aagya le ker nikal padta h , tap k liye.

Or ek shant jagah p jaker dhyan me beth ker daksh tap me beth gaye.or man hi man maa k is manta ka uchcharan kerne lage.

या देवी सर्वभूतेषु मातृ-रूपेण संस्थिता। नमस्तस्यै नमस्तस्यै नमस्तस्यै नमो नमः॥

Unhonne kayi hajaro varsho tak bina ann jal grahan kiye maa adishakti ki aradhna ki.

Or ek din maa aadishakti prasan ho daksh k samne prakat hui.

Adishakti:- ankhe kholiye prajapati.hum aapki tapasya or bhakti se prasan h.

Daksh ankhe khol jese hi samne mata ko dekhta h, unke pero m gir ker apni nak ragadne lagta h.unki ankhon m khushi k ansu the , jo ye saf saf darsha rahe the ki unhonne tap purn shradha or niswarth bhav se kiya h.

Daksh:- m dhanya ho gaya mate , m dhya ho gaya , jo sakshat aapne , maa jagat janni ne mujhe darshan diye.

Aadishakti :- utho putra , hum aapke bhakti se ati prasan h, mangiye kya var chahiye aapko.

Daksh :- he maa , mujhe apne liye kuch ni chahiye , meri to bas itni kamna h maa ki aap manushy roop m ,meri pootri k roop m janm le , taki aapka or mahadev ka vivah ho sake or is sansar ka kalyan ho.

Adishakti :- aap dhanya h prajapati , itni kathor tap ke badle aapne swayam k liye kuch na mang , sansar ka kalyan chuna.

Esa hi hoga putra , m shighr hi aapke ghar putri k roop m janm lungi , parantu smaran rahe bhavishya m kabhi bhi apne mera apman kiya tumhe diya hua mera ye vardan nasht ho jayega. Or tumhara ant bhi nishchit ho jayega.

Or itna bol maa adishakti waha se anterdhyan ho jati h . Or daksh bhi prasan man se apne bhavan ki or nikal gaye.

Or maa adishakti apne vardaan k anusar hi daksh k ghar ek putra k ghar janm liya unki sabse choti putri k roop m.

Narad ji unke naam karan k liye waha aaye or jese hi unhone bachi ko dekha , wo ati prasan hue or bole

Narad ji :- bhratha daksh ! Aapka tap ka fal aaj falibhut hua , swayam mata aadishakti ne aapke yaha putri roop m janm liya h. Or inka hi vivah bhavishya mahadev se hoga.

Daksh ye sun bahut khush hota h or apne rajya m ghoshna karwata h ki pure ek varsh tak apne rajya k har pariwar k 3no samay k bhojan ka prabandh uski or se hi hoga.

Daksh :- narad ji , yadi aap hi meri putri ka namakaran aap karenge to m apne aap ko dhanya samjhunga devrishi

Narad ji us balika ka naam "sati" rakhte h .

Narad ji daksh ko kuch nirdesh de ker waha se prasthan ker lete h.

Samay apni gati se chalta raha tha, praja daksh se bahut khush thi , or din pratidin unki khayati bhadti ja rahi thi, jisse unke man ahankar nam k durgun ka janm ho gaya.

Wahi tadkasur ko ye baat pata chala to usne ek chal chali, or usne daksh prajapati tak ye baat pahuncha di ki mahadev ne hi unke pita braham dev ko shrap diya tha ki unki kahi bhi puja na hogi. Jisse sun daksh ko mahadev se nafrat ho jati h.or us nafrat ki aag me ye bhi bhul jata h ki sati ka janm kisliye hua h ya yu kaho vo ab chahata hi ni tha ki sati ki shadi mahadev se na ho. Isliye usne mahadev se sambhandhit sabhi vastuo or riti riwajo ko apne rajya m nishedh kerwa diya.taki wo sati ko shiv se dur rakh sake . Lekin niyati ko kuch or hi swikar tha.

Ek baar daksh ne bhagwan vishnu ka vishal mandir banwaya or ek yagya ka aayojan kiya jiske baad mandir m murti ki sthapna honi thi.or us murti ko yagya k purn hone tak ek kapde se daka hua tha.

Yagya m sabhi mahan rishi muni aaye hue the, sath me sapt rishi bhi the.

Fir yagya ka aarambh hua or karib 6 ghanto tak chala . Or jese hi yagya sampan hua to daksh ne murti se kapda hata diya . Jise dekh waha sabhi log prasan or heran bhi hote h. Kyunki wo murti hi adbhoot thi. Kyunki wo bhagwan vishnu k padmanabh roop ko samarpit thi .Or bahut vishal bhi thi.

Kuch esi lekin jese hi sapta rishi m se ek rishi kashyap us murti ko dhyan se dekhte h . To unko bahut dukh hota h or daksh ki soch p krodh bhi aata h.

(Kyu wo aage pata chalega)

Rishi kashyap baki sabhi ko bhi us or ishara kerte h jise dekh sabki manodasha esi hi hoti h.

Rishi kashyap abhi kuch bolte usse pahale hi daksh unhe shant rahane ka ishara kerte h.or apne sevako ko us murti ko mandir ki or lejane ko or kahate h.

Murti vishal hone k karan use ek rath per madir ki or lejaya jata h .

Rishi kashyap bakiyon se bolte h .

Rishi kashyap :- ager gyaat hota ki prajapati esi dosh purn murti ki sthapna ker rahe h to hum kabhi bhi yaha na padharte. Nahi m ye anarth hote hue ni dekh sakTa. M yaha se ja raha hu.

Rishi atri (saptrishiyo me se ek ) :- ni rishiwer ese kisi subh karya ko bich m chodke jana uchit na hoga. Mujhe anubhuti ho rahi h ki yaha jo bhi ho raha bhavishya k kisi mahan karya k purn hone k liye hi ho raha h.

Fir sabhi mandir m pahunchte h lekin jese hi madir k garbhagrih k dwar tak pahuchti h , achanak se jis rath pe wo thi , wo apne aap ruk jata h, sevako ne bahut prayas kiya lekin rath tas se mas na hua.

Rishi kashyap :- baat ko samjhne ka prayas kijiye prajapati aap jo kar rahe h wo uchit ni h . Or isiliye bhagwan vishnu bhi mandir m pravesh ni kerna chahate .

Daksh (krodh se ) :- jo aap kahana chahate h m samjh raha hu rishi kashyap, lekin aap bhi ek baat jaan le ki jo aap chahate h wo asambhav h.m vesa bilkul ni karunga.

Or rahi baat murti ka mandir m na jane ki to ho sakta h humse yagya m koi truti hui ho , jis kaaran ye apashakun ho raha h. Iska bhi upaay h mere paas m abhi isi vakt narayani yagya ka aayojan karunga , jisse ye apashakun shighr hi dur ho.

Tabhi rishi bhrigu jo sapt rishiyon me se hi ek h wo bole

Bhrigu :- parantu us yagya ki safalta k liya aapko parijat k pushpon ki avashyakata hogi prajapati, or wo pushp bhi ap kisi sevak se ni mangwa sakte ya to aapko swayam jana hoga ya aapke sabse nikat or priya h use.

Daksh :- parantu rishiwer m yaha yagya or sthapna k karya ko chod kese jau.

Tabhi ek aawaz gunjati h

Ye karya m karungi pita shri.

Ye awaaz daksh putri sati ki thi jo itne samay se ye sab ghatnaye mon ho to dekh rahi thi.

Daksh :- parantu putri tum akele van me kese.

Sati :- pita shri aap swayam yaha se ja ni sakte to niyamanusar mujhe hi jana hoga na .

Daksh sati ko bahut samjhata h parantu wo ni manti , kyunki daksh ki putri hone k kaaran unme hat (zid) ka ye avgun bachpan se hi tha .
Aakhir me daksh ko manna hi pada or sati nikal gayi van ki or.

Aaj k liye bas itna hi.



Kya kaaran h ki bhagwan vishnu ki vo murti mandir m pravesh ni ker rahi ,kya hoga sati k sath van me , or sabse bada prashn kese hoga mahadev or sati ka vivah janne k liye sath bane rahiye.

Stay tuned
Note :- friends kal ho sakta h ek k bajaye 2 bhi update aaye

Nice

 

[Awan baba]

Good

 

[Harry rocks]

Next update parso aayega

 

[Suniya]

Waiting for new update bhai

 

[Suniya]

Aaj update aayega kya bhai

 

[Ashwathama]

Next update parso aayega

Sunday का परसो तो tuesday ही था ना भाई साहब ?

खैर, इंतज़ार है आपके पुनः लौटने की... अंश के साथ