Fantasy RAKSHAK-THE SPECTRE

[Shanu]

Excellent story bhai

 

[Zaigham Bhatti]

Waiting

 

[rsinghal99]

Waiting Bro

 

[Suniya]

Waiting

 

[rsinghal99]

Waiting Bro

 

[rsinghal99]

Waiting Bro

 

[spritemathews]

भाई अपडेट कब आयेगा

 

[Suniya]

Waiting

 

[Sandeep singh nirwan]

Update 40

Peace Time.

Bell ke matter ke baad se jaise sab kuch change sa ho gaya. Magic Academy ke andar ab Dean ne kuch aise students ko select kiya jo unhe sabhi ki information dete rahe aur saath hi is baat par bhi focus kiya ke yeh sabhi students baki students ki tarah hi sab ke saath rahe. Is sab se vo yeh pata karna chahte the ke Magic Academy aur koi Bell ki tarah Dark Magic ko practice kar raha hai yaa nahi.

Wahi Bell ke mage tower se Maharaj Shekhar aur Senapati Dipak ko vo last legacy scroll bhi mila aur saath mei kuch magical resources bhi jinke baremei kisi ko bhi pata nahi tha.

Us legacy scroll ko chod kar baki sab kuch Magic Academy ke treasury mei chala gaya. Wahi Bell ke mage tower mei jitney bhi students the un sabhi ko baki sabhi mage towers mei evenly separate kiya gaya.

Magic Academy ke high council members ko chod kar kisi ko bhi yeh pata nahi chalne diya ke Bell kya kar raha tha. Wahi baki sabhi ko yeh bataya gaya ke Bell ne Magic Academy se resign kar diya aur ab vo continent ke adventure ke liye chala gaya hai.

Dean ki is baat par kisi ko bhi koi doubt nahi hua.

Yaha Royal Palace mei ussi underground chamber mei Maharaj Shekhar, Senapati Dipak aur Dean khade the aur unhone un sabhi scrolls ko ek table par rakha.

Jaise hi sabhi scrolls ek jagah par aaye waise hi vo sabhi shine karne lag gaye aur ek blinding light ke saath sabhi ke samne ek bada sa scroll hawa mei ud raha tha.

Dean ne apne haat ko wave kiya aur us scroll ko apne aap bulaya.

Us scroll ko haat mei lene ke baad Dean us scroll ko read karne lag gaye. Par jaldi hi unhe samajh mei aaya ke yeh ek tarah se encrypted hai jise unhe solve karna hoga.

Maharaj Shekhar aur Senapati Dipak ne yeh sunkar ek gehri saans chodi aur Dean us scroll ko apne saath lekar Magic Academy aa gaye aur us scroll mei likhi hi baato ko solve karne mei lag gaye.

Yaha Raj aur uske friends bhi phir se apni normal life mei aa gaye the.

Har koi apni studies aur training mei focus ho gaya tha.

Bell aur Shade ke saath hui battle ne unke mind ko aur bhi open kar diya tha aur unhe yeh bhi pata chala ke vo abhi bhi kitne weak hai.

Aise hi time aage badhne lag gaya. Din bitne lage, months bitne lage aur dekhte hi dekhte ek pura year pass ho gaya.

Ab tak Raj aur uske sabhi friends level 3 mei breakthrough kar chuke the.

In sabhi ko aise hardwork karte dekh kar Maharaj Shekhar aur Senapati Dipak ne in sabhi ko kuch time ke liye kahi bahar jaane ke liye kaha.

Pehle toh koi bhi is baat ke liye ready nahi tha par Maharaj Shekhar aur Senapati Dipak ke zor dene par sabhi is baat ke liye maan gaye.

Phir sabhi ne milkar yeh decide kiya ke sabhi Swarndesh ki south west mei jo coastal cities mei unmei se ek mei ghumne ke liye jaayenge. Sabhi ne milkar Ocean City ko choose kiya jo Swarndesh ke sab se bade ports mei se ek tha.

Waha jaane ke liye in sabhi ko kuch 1-2 din ka time lagne wala tha.

2 din baad sabhi Ocean City ke liye nikal gaye. Is baar Maharaj Shekhar ne saath mei kuch Mage Warriors ko bhi bheja hua tha in sabhi ko guard karne ke liye.

2 din ke travel karne ke baad sabhi Ocean City aa gaye the. In sabhi ko receive karne ke liye Ocean City ke City Lord aaye hue the aur unhone apne hi ek mansion mei un sabhi ke rukne ka intezam kiya hua tha.

Yeh mansion Ocean se lag kar tha aur backyard ke doors ko open kar ke directly koi bhi beach par jaa sakta tha.

Raj aur friends yaha par kuch 3-4 din rukne wale the.

Waise bhi ab Raj ko bhi lag raha tha ke usse bhi apna mind fresh karne ki zarurat hai.

Morning mei yaha aane ke baad sabhi fresh hue aur abhi ke liye sabhi apne apne room mei chale gaye rest karne ke liye.

2 din ki traveling se sabhi kaafi thak gaye the is liye sabhi kaafi gehri neend mei chale gaye.

Sham mei sab se pehle Raj ki aankh open hui aur fresh ho kar vo backyard ki taraf aaya aur beach par chala gaya. Baki sabhi abhi bhi soye hue the aur Raj kisi ko bhi uthana nahi chahta tha.

Beach par aane ke baad Raj niche waise hi sand mei baith gaya aur dhalte hue suraj ko dekhne lag gaya. Abhi uske mind mei kuch bhi nahi tha aur vo sirf dhalte hue suraj ko dekhe jaa raha tha jisne pure aasman ko laal kar ke rakha hua tha.

Beach open hone ki wajah se yaha par hawa bhi kaafi achhi chal rahi thi. Upar se winters ka time chalu hua tha is liye hawa mei halki coldness bhi thi. Lekin Raj in sabhi baato ki taraf nahi dekh raha tha.

Tabhi uske side aa kar koi bitha. Jab Raj ne apne left side mei dekha toh uske face par ek halki si smile aayi kyo ki yeh koi aur nahi Roshni thi jo Raj ki hi tarah uth kar beach ki taraf aayi thi aur waha par usne Raj ko baithe dekha aur uske side mei aa kar baith gayi.

Roshni ne bhi Raj ko smile kar ke dekha aur phir dono bhi dhalne wale suraj ko dekhne lag gaye.

Dono mei se koi bhi baat nahi kar raha tha lekin dono bhi jaise is pal ko kaafi enjoy kar rahe the.

Roshni ne suraj ko dekhte hue kaha.

Roshni-Kitna khubsurat nazara hai na Raj.

Raj-Haan khubsurat toh hai.

Yeh Keh kar Raj ne phir se Roshni ki taraf dekha jo abhi bhi suraj ki taraf dekh rahi thi.

Suraj ki vo soft life Roshni ke face par aa kar uske us khubsurat face ko phele se bhi zyada khubsurat bana rahi thi.

Raj toh jaise us khubsurati mei kahi kho sa gaya. Wahi uski resham jaisi vo zulfe hawa ki flow mei udte hue Roshni ki us khubsurati ko aur bhi badha rahi thi.

Raj bas Roshni ko hi dekhe jaa raha tha. Uski nazar jaise Roshni ke us khubsurat se face par hi tiki rahi.

Raj ki taraf se koi bhi replay naa aata dekh kar Roshni ne Raj ki taraf dekha jo usse hi dekhe jaa raha tha.

Is baar Roshni ki nazar bhi Raj ki aankho par theher gayi.

Dono bhi bas ek dusre ko hi dekhe jaa rahe the. Wahi hawa ki wajah se Roshni ke baal uske face par aa rahe the. Yeh dekh kar Raj ne apne haat se Roshni ke baalo ko uske kaan ke piche kiya aur wahi Raj ke aise khud ko touch karne ki wajah se Roshni ne apni aankho ko close kar liya.

Kuch der baad Roshni ne phir se apni aankho ko open kiya toh abhi bhi Raj usse hi dekh raha tha.

Ab tak suraj almost doob chuka tha bas uski halki si soft light hi aasman mei reh gayi thi.

Yaha Raj aur Roshni ab kuch ek dusre ke paas aane lag gaye the.

Kuch hi palo mei dono ek dusre ke itne paas aaye ke dono ko bhi ek dusre ki saanse feel hone lag gayi thi.

Roshni abhi kuch kehne hi wali thi ke tabhi Raj ne apna haat utha kar uske lips par rakha aur usse naa bolne ka ishara kiya.

Dono ek baar phir se ek dusre ki aankho mei kho gaye.

Lekin yeh zyada der ke liye nahi raha. Mansion ke andar se Aditya aur Abhay ki aawaz aane lagi aur dono jaldi hi hosh mei aa gaye.

Kuch hi der baad Aditya aur Abhay abhi aankho ko rub karte hue wahi par aaye.

Aditya ki neend jaise abhi bhi puri nahi hui thi aur usne waise hi aalsi tone mei kaha.

Aditya-Tum dono kab se yaha ho ?

Is par Raj ne Aditya ko dekha aur kaha.

Raj-Kuch hi der pehle aaye the aur sunset ko dekh rahe the. Waise ab hame andar chalna chahiye.

Roshni-Haan aur hawa mei coldness bhi badhti jaa rahi hai.

Yeh keh kar Roshni sab se pehle andar chali gayi. Abhi uske aur Raj ke bich jo kuch bhi hua usse uska face pura red ho gaya tha aur vo Raj ki nazar ko avoid karna chahti thi is liye jaldi se uth kar andar chali gayi.

Wahi Raj Roshni ko aise jaldi mei jaate hue dekh kar kuch smile karne laga.

Kyo ki Ocean City Swarndesh ke bade port mei se ek tha is liye sham mei bhi yeh city kaafi cheerful rehti thi. Har jagah kuch naa kuch dekhne ke liye milta tha aur raat mei yeh city aur bhi active si ho jaati thi.

Raj aur uske sabhi friends fresh ho kar aise hi is cheerful city mei ghumne ke liye nikal gaye the.

City mei aane ke baad Roshni, Riya aur Hera yeh tino shopping ke liye chali gayi aur wahi dusri taraf Raj, Aditya, Abhay aur Ekant aise hi city mei ghumne lag gaye.

In sabhi ke saath Hera bhi yaha aayi hui thi in sabhi ki guardian ban kar.

Har koi late night tak enjoy karta raha aur sabhi pure city mei ghum kar phir se mansion mei aa gaye jaha par un sabhi ne milkar beach side par baith kar apna dinner kiya.

Dinner ke baad kisi ko bhi neend nahi aa rahi thi is liye sabhi ek jagah baith kar baate karne lag gaye. Wahi Hera side mei baith kar apne saath laayi hui ek book ko read karne lag gayi.

Har koi apne aap ko kaafi halka feel kar raha tha. Unhe aisa feel ho raha tha jaise abhi unke upar kisi bhi tarah ka koi bhi pressure nahi hai.

Sabhi der raat kar baate karte rahe. Issi bich sabhi girls sone ke liye apne apne room mei chali gayi thi aur ab beach par sirf boys hi bache the jo apne mei hi lage hue the.

Pyara update Dr saabpadhne mai acha laga raj roshni ki nazdikiya achi lagi aur dono ke pass ane wala part best raha

 

[Sandeep singh nirwan]

Update 41

Confessions

Raat mei kuch der baad Raj bhi apne room mei chala gaya aur baki sabhi boys kuch der wahi ruke rahe.

Agle din Raj sabhi se pehle utha aur fresh ho kar beach par aa kar wahi meditate karne lag gaya. Abhi tak sunrise hua nahi tha bas aasman mei halki light faili hui thi.

Dekhte hi dekhte suraj upar aasman mei aane laga aur yaha Raj ab meditation ke kaafi deep state mei chala gaya tha. Uske aaspas ek golden aura bana hua tha.

Jaise jaise suraj aasman mei upar aate jaa raha tha waise waise Raj ke aaspas bana hua vo golden aura aur bhi strong hote jaa raha tha.

Kuch der baad Raj apne meditation se bahar aaya aur mansion ke andar chala gaya ready hone ke liye.

Aaj yeh sabhi Ocean City ko explore karne wale the.

Jaldi hi sabhi ready hog aye aur light breakfast kar ke sabhi mansion se nikal kar Ocean City ko explore karne ke liye nikal gaye.

Ek important port mei se ek hone ki wajha se Ocean City din mei aur bhi busy si lag rahi thi.

Raj aur uske sabhi friends Hera ke saath yaha ke market mei ghum rahe the. Wahi Raj ne pass mei lage hue ek food stall se kuch snacks khane ke liye aur unhe vo chalte hue khane lag gaya.

Is sab ke bich Abhay aur Ekant piche ki taraf chal rahe the aur dono mei kuch baat ho rahi thi.

Abhay-Ekant mujhe lagta hai in charo mei se koi bhi apni baat aage nahi badhane wala hai. Kyo na ham hi kuch kare. Waise bhi is trip par aaye hai aur yeh city bhi kaafi achha place hai in charo ke liye, tum kya kehte ho ?

Ekant-Mein kya kahu. Charo bhi bas ek dusre ko dekhte rehte par baat koi bhi kar raha hai. Yeh Roshni aur Riya ka samajh mei aata hai ke girls hai aur shayad unhe sharam aa rahi ho. Par yeh Raj aur Aditya toh jaise dumb hai. Roshni aur Riya dono bhi Raj aur Aditya ko kitne hints deti hai par yeh dono bhi jaise samajh kar bhi usse nahi samajhne ka dikhava kar rahe hai.

Abhay-Mere paas ek idea hai. Kyo na in sabhi ko pairs mei city ke har taraf bheja jaaye. Kya pata is city ka koi magic in par chal jaaye aur ham yaha se ek kaafi achhi memory lekar chale jaaye.

Ekant-Well idea achha hai. Ruko mein master se baat karta hu.

Yeh keh kar Ekant ne Hera ko bhi uska aur Abhay ka plan bataya jispar Hera bhi smile karne lag gayi aur usne sabhi ko dekhte hue kaha ke har koi 2 ki pairs mei is city ke different parts mei jayega aur unhe explore karega.

Kyo ki Raj aur Aditya ko is sab ke baremei kuch bhi pata nahi tha is liye dono bhi iske liye ready hog aye.

Issi ke saath Hera ne Raj aur Roshni, Aditya aur Riya, Abhay aur Ekant ke pair ko banaya aur sabhi ko ek ek side bhej diya.

Raj aur Roshni Ocean City ke port ke side chale gaye wahi Aditya aur Riya is city ke hill side par chale gaye. Hera kuch der yaha waha ghum kar phir se mansion chali gayi. Wahi Abhay aur Ekant wahi market mei ghumne lag gaye.

Aditya aur Riya ek hill ki taraf chale gaye the. Yeh ek small hill thi lekin yaha se Ocean City ka almost pura view dikhta tha.

Dono bhi normal baate karte hue us hill par jaane lag gaye.

Kuch der baad jab dono bhi us hill ke upar the tab waha se unhe jo Ocean City ka view dikh raha tha vo sach mei kaafi khubsurat tha.

Jaha yeh sab dekh kar Riya ke face par ek cute si smile aa gayi thi wahi Aditya bas Riya ki smile hi kho gaya tha.

Uske liye jaise yeh pura world ruk sa gaya tha. Hawa ki wajah se Riya ke udne wale vo baal aur apne baalon ko sawarti Riya ko dekh kar Aditya ek dusri hi duniya mei chala gaya tha.

Hill ke top par aane ke baad se Riya kuch naa kuch bole jaa rahi thi lekin Aditya bas usse dekhne mei hi laga hua tha.

Aditya ki taraf se koi bhi replay naa aata dekh kar Riya ne Aditya ki taraf dekha jo usse bas dekhe hi jaa raha tha.

Aditya ke aise dekhne se Riya kuch sharma si gayi aur usne apni nazaro ko niche jhuka liya.

Uska pura face red ho gaya tha. Uski saanso ki speed bhi halki si badh gayi thi.

Lekin is sab ka effect jaise Aditya par aur bhi zyada ho gaya.

Riya ki un sharmili aankho ne jaise Aditya ke dil ko hi chir diya aur usne aage badh kar Riye ke dono haato ko apne haato mei liya.

Dono abhi bhi shant waise hi khade the.

Riya ne kuch der baad apni nazaro ko utha kar upar Aditya ke face ko dekha. Aditya abhi bhi usse dekh hi raha tha.

Kuch der Riya ko dekh kar Aditya ne kaha.

Aditya-Riya mein tumse kuch kehna chahta hu. Waise yeh jo bhi hai mere dil ki baat hai agar tumhe achhi naa lage toh mujhse gussa mat hona. Lekin ab mein isse aur apne andar nahi rakh sakta hu.

Wahi Yeh sab sunkar Riya ki saanson ki speed aur bhi badh gayi. Uski heartbeat bhi badh gayi.

Usne bhi thirakte hue lips ke saath Aditya ko dekhte hue kaha.

Riya-Aditya mujhe bhi tumse kuch kehna hai.

Jab Aditya ne yeh suna toh uski heartbeat bhi jaise badh gayi.

Dono yeh baat keh kar bas ruk gaye. Koi bhi kuch nahi keh raha tha.

Tabhi dono ne ek saath kaha.

“Mein tumse pyaar karta hu.”

“Mein tumse pyaar karti hu.”

Jab dono ne ek saath apne dil ki baat kahi toh dono bhi jaise surprise se ho gaye. Pehle toh unhe kuch bhi samajh nahi aaya par agle hi pal dono ne ek dusre ko zor se gale laga liya.

Dono ke face par ek kaafi badi smile thi aur dono ko bhi aisa feel ho raha tha jaise unke dil ke upar se kitna hi bada pressure hat gaya ho.

Aditya ne Riya ko khud se alag kiya aur usse pucha.

Aditya-Sach Riya, lekin kab se ?

Is par Riya kuch sharma si gayi aur usne apni nazar ko niche kiya aur halki si aawaz mei kaha.

Riya-Gladstone City ke Magic Academy mei jab tum aur Raj pehli baar aaye the aur jab tum dono class mei apna introduction de rahe the tabhi jaise mere dil mei tum bas se gaye the. Us time par mujhe in sabhi baato ke baremei kuch zyada pata nahi tha is liye mein ne kabhi in chizo par focus nahi kiya. Lekin jaise jaise ham bade hote gaye mujhe tumhara saath achha lagne laga aur time ke saath mein yeh samajh gayi ke mein tumse pyaar karne lag gayi hu. Par tumhe apne dil ke baat kehne se darti thi kahi tumhe bura naa lag jaaye. After all tum ek Prince aur mein ek aise ghar se hu jo ordinary hai.

Yeh keh kar Riya bas niche hi dekhe jaa rahi thi. Wahi Aditya in sabhi baato ko sunkar bas ek badi si smile kar raha tha. Usne apne haat se Riya ke face ko upar kiya aur usse dekhte hue usne kaha.

Aditya-Tum na bilkul paagal ho. Are meri halat bhi tumhari hi tarah thi. Meri life ki tum vo pehli ladki ho jo mere Prince ke status ka pata chalne par bhi waise hi rahi jaise pehle hua karti thi. Upar se tumhari yeh khubsurat si aankho ne jaise mujhe pagal kar ke rakha hua tha aur time ke saath mein tumhe apna dil baitha. Lekin mein bhi darta tha apni dil ki baat tumhe batane ke liye. After all mein tumhari friendship nahi khona chahta tha.

Yeh keh kar Aditya ne ek baar phir se Riya ko apne gale laga liya.

Dono bhi ek dusre ki dil ki baat jaane ke baad kaafi khush the.

Hill se niche aane ke baad Aditya aur Riya dono kuch der wahi city mei ghumte rahe aur phir vo dono bhi mansion ki taraf chale gaye.

Aise hi pura din beet gaya aur sham hone lag gayi thi. Raj aur Roshni dono bhi Ocean City ke port wale area mei ghum rahe the. Waise toh dono bich bich mei baate karte the par jaise hi dono ki nazare milti waise hi dono kuch der ke liye shant ho jaate. Dono bhi afternoon mei wahi par bane hue ek garden mei gaye aur pura afternoon wahi ruke rahe.

Jab sunset hone laga tab Raj aur Roshni phir se port ki taraf chale gaye.

Us garden mei kisi ne unhe kaha tha ke port ke paas jo watch tower hai waha se sunset kaafi achha dikhta hai.

Issi liye dono bhi us watchtower ki taraf chale gaye the.

Is baar Roshni Raj se kuch aage chal rahi thi aur Raj bas kuch sochte hue chale jaa raha tha.

Dono bhi jaldi hi us watchtower ke samne aaye aur uske andar chale gaye.

Andar sidhiyon se upar jaate hue bich mei hi Roshni ka pair suddenly slip ho gaya aur mud gaya. Is wajah se vo piche ki taraf girne wali thi par tabhi piche se Raj ne usse apni baaho mei pakad liya.

Ek pal ke liye dono ki nazare ek dusre se mili aur agle hi pal Roshni ne apni palko ko jhuka liya.

Wahi Raj ne Roshni ke pair ko dekha aur phir waise hi Raj ne Roshni ko utha liya aur sidhiyan chadhne lag gaya issi bich Roshni ki nazar sirf Raj par hi tiki hui thi. Wahi Raj ne ek baar usse dekha aur usse dekh kar smile kiya.

Upar aane ke baad Raj ne dekha ke us tower par sirf wahi dono hai.

Suraj bhi ocean ke piche chupne laga tha.

Raj ne Roshni ko wahi par bane hue ek bench par bithaya aur khud bhi uske side mei baith gaya. Dono mei se koi bhi kuch nahi bol raha tha. Kuch der baad Roshni ne apne sir ko Raj ke shoulder par rakha.

Abhi bhi dono waise hi shant baithe the aur bas sunset hote hue dekh rahe the.

Par kuch der baad Roshni ne Raj se kaha.

Roshni-Raj mujhe tumse kuch kehna hai.

Raj-Toh kaho, mein ne kab tumhe mana kiya hai.

Roshni-Lekin yeh baat mein itni easily nahi keh sakti hu. Agar mein ne yeh baat keh di aur tumhe vo achhi nahi lagi toh shayad mein tumhe kho dungi aur phir se is world mei akeli pad jaungi.

Raj yeh baat sunkar smile karne laga.

Raj ne Roshni se kaha.

Raj-Par aaj tak mujhe tumhari koi bhi baat buri nahi lagi hai.

Roshni-Lekin Raj…

Raj-Roshni mein janta hu tum mujh se kya kehna chahti ho. Waise bhi jo tumhare dil mei hai wahi mere dil mei bhi hai. Yeh baat kal hi ham dono ki aankho ne ek dusre se keh di thi. Tumhe abhi bhi lagta hai ham dono ko hamari dil ki baato ko batane ke liye words ki zarurat hai.

Yeh keh kar Raj smile karte hue Roshni ko dekhne laga.

Roshni-Par Raj meri reality….

Raj us bench se uth kar us watchtower ke edge par jaa kar khada hua. Usne dhalte hue suraj ko dekhte hue kaha.

Raj-Sach ko accept karna sikho Roshni. Sach hamesha hi hame sahi path show karta hai bas hamare andar yeh himmat honi chahiye us path par chalne ki. Rahi baat tumhare sach ki toh kya pata tumhara sach ek din change ho jaaye.

Yeh keh kar Raj palat kar Roshni ko dekhne laga. Wahi Roshni bas Raj ki baato ko sunte jaa rahi thi. Yeh sab kuch uske liye kisi dream ki tarah tha.

Raj phir se aa kar Roshni ke side mei baith gaya aur ek baar phir se Roshni ne apne sir ko uske shoulder par rakha aur dono sunset dekhne lag gaye. Par is baar sirf Raj hi nahi balki Roshni ki face par bhi ek kaafi khubsurat smile thi.

Ek aisi smile jo uske face par aaj tak nahi aayi thi. Aise hi dono bhi wahi sunset hone tak baithe rahe.

Raj aaj khud ko puri tarah se complete feel kar raha tha. Jaha uske past life uske paas naa Mata-Pita the wahi aaj uske is life mei uske paas vo dono the. Is life mei uske paas aise friends the jo uspar pure dil se trust karte hai. Wahi Raj jo apne past life mei pyaar jaisi feeling ko feel nahi kar paya tha aaj is life mei usse vo bhi mil gaya tha.

Wahi Roshni ko bhi apni life mei ek aisa partner mil gaya tha jo usse uski life ki har hardship mei help karne wala tha aur uske saath rehne wala tha.

Raat hote hote sabhi mansion mei aa gaye the. Aaj mansion mei atmosphere kuch change sa lag raha tha. Jaha Aditya aur Riya mansion aane ke baad se bas ek dusre se baate hi kiye jaa rahe the wahi Raj aur Roshni bhi aankho hi aankho se apni dil ki baate keh rahe the.

Yeh sab kuch Abhay, Ekant aur Hera notice kar rahe the aur apne plan ko successful hua dekh kar un tino ke face par bhi ek smile thi.

Raat mei sabhi ne milkar mansion par hi dinner kiya aur har koi dinner karte hue hasi majak ke saath baate kar raha tha.

Aise hi sabhi kuch 3-4 din Ocean City mei bita kar phir se capital ki taraf chale gaye.

Sabhi ke minds is trip ki wajah se jaise fresh aur open hue the wahi is trip par 2 alag alag relations bhi form hue the.

Jaldi hi sabhi capital aa gaye aur phir se apni normal life jine lag gaye. Couple banne ke baad bhi Raj aur Roshni, aur Aditya aur Riya in mei se kisi ne bhi apni studies aur training ko side mei nahi kiya balki sabhi milkar training karne lag gaye the.

Wahi Raj ko Magic Academy mei ek Substitute Professor ki post di gayi uske new theories ke liye. Raj Magic Academy ka youngest Substitute Professor tha. Is wajah se vo students ke bich kuch famous bhi hua.

Is baat par sabhi ne ek small celebration bhi kiya.

Ek professor ki responsibility kya hoti hai yeh Raj ko achhe se pata thi is liye vo apni is post ko bhi kaafi seriously le raha tha. Jaldi hi vo kuch new theories par bhi kaam karne lag gaya tha.

Finally raj ko pyar mil he gaya infact ek powerfull partner mila h jiski powerski depth bhi nahi dekhi ja payegi future mai bahut he shandaar update ......bilkul romantic touchi updat ....