Update 14:- (Turn Of Events)
Sneha ko saans lene mein dikkat ho rahi thi kyuki aakash ne uska gala pakad ke usey diwar ke sath laga rakha tha.
Sneha:- what the Hell, ye kya kar rahe ho tum?
Peter:- Aakash, chodo usey, i think usey Hurt ho raha hai.
Aakash Peter ki baat sunke aur jor se Sneha ka gala dabane laga, Sneha puri takat laga ke Struggle kar rahi thi lekin usey lag raha tha ki wo kabhi bhi Behosh ho sakti hai.
Aakash 2:- Little One Tumhe pasand nahi karta aur Aakash mujhse kehta hai ki main involve na hou. Lekin End mein Hamesa mujhe aage kar deta hai aisi cheezo se deal karne ke liye jo uski bas mein na ho.
Sneha ka face Red hone laga tha, uske neck pe jo nashe thi wo bhut tez fadakne lagi thi jaise abhi fat jaayegi.
Peter:- Hey Aakash, i think itna bhut hai ab tum limit cross kar rahe ho.
Aakash 2:- Shut Up, aur mera Naam Aakash nahi hai.
Jaise hi Aakash Distract waise hi Sneha ko opportunity mil gayi thodi si, jaise hi Aakash ki Grip thodi si dheeli huyi waise hi Sneha ne ek hath piche le jaake tezi se ek Arrow nikala aur Aakash kuch samajh pata usse pehle hi uski thigh mein wo Arrow ghusa Diya.
Aakash:- Aaaahhh,
Aakash chillaya aur usne Sneha ko Chod diya, Sneha ne bhi thoda piche hoke ek aur Arrow nikala aur Apni Telekinesis Ability se us Arrow ko uda ke Aakash ke Face ke saamne rok diya.
Sneha:- Hillne ki kosis Mat karna tum Pyshco. Main promise karti hu agar tum thoda sa bhi hille to ye Arrow tumhare sir mein jaayega.
Aakash:- Hahaha, You little Bitch, tujhe kya lagta hai is 2 Level ki Telekinesis se mujhe hara degi. Hahaha.
Sneha:- mujhe nahi pata Karan ne kyu mujhe tumpe nazar rakhne ke liye kaha tha lekin mere hisab se wo tumse jitna dur rahe utna hi acha hai.
Aakash:- Wait, kya Karan ne aisa sach mein kaha tha. Look jo abhi hua uske liye Sorry wo main nahi tha lekin mujhe bhi jaanna tha ki Karan ko hua kya hai?
Aakash ki Personality ne fir se 180° Turn le liya tha aur Sneha ko samajh nahi aa raha tha ki kya wo bole, lekin uski Body ka har Cell uske Instinct usey bol rahe they ki Aakash bhut Dangerous hai. Aur wo abhi bhi Kuch karna chahti hai to wo kabhi bhi usme successful nahi ho paayegi, Isliye wo Aakash se jitna dur rahe utna acha hai.
Sneha:- Wo sirf accident tha aaj ki Combat Class mein jo Karan ke sath hua. Wo Doctor Office mein nahi tha to main yaha Check karne aa gayi lekin lagta hai wo yaha se bhi chala gaya, tumhe tension lene ki jaroorat nahi hai wo ek dum sahi hai.
Itna bolke Sneha kaafi tezi se Room se nikal ke chali gayi. Uske baad Aakash ne Telekinesis Ability se hi us Arrow ko apni thigh se nikala aur usey Telekinesis se hi dur fek diya aur khada ho gaya.
"Wo tumse jhoot bol rahi thi. Tumne dekha nahi wo kaise yaha se gayi hai jaise kuch hone wala hai. Let's follow her."
"Or hum sirf dusre Students se puch sakte hai jo us Class mein ki aakhir hua kya tha aur kisne kya kiya."
"Oh Payback! I like it. Aur raaste mein kya pata is Pretty girl ke sath bhi koi accident ho jaaye. Hahaha"
"No, maine kaha na wo bas Karan ki dost hai, kya tum dekh nahi sakte ki wo bhi Karan ke liye Worried hai jaise hum hai."
"Well, wo mujhe pasand Nahi hai."
"I agree, usey raste se hata dena chahiye."
Peter:- Aakash tum thik to hona kyuki kayi der se tum ek jagah khade ho aur kuch bol bhi nahi rahe.
Aakash:- Ohhh, I am fine, main Bas Doctor ke paas jaa raha hu is Wound ko Heal karwane.
Aakash ne itna kaha aur waha se nikal gaya.
*************
Main abhi Max ko follow kar raha tha ek safe distance se lekin usey dekh ke lag nahi raha tha ki wo School se bahar jaayega, lekin mere pass time ki kami thi.
<12/20 HP>
Agar meri Health aur kam hoti hai to mujhe isey chod ke Sneha ko dhundhna hoga aur in logo ko baad mein target karna hoga. Halanki mujhe lag raha tha ki mujhe aisi opportunity future mein nahi milne wali jab mera Target aise Akela ho. Tabhi Max Stairs ki taraf Chala gaya jo School ke Roof pe jaati hai aur main bhi uske piche piche chala gaya. Jaise hi Max Roof pe pahucha maine Stairs se hi Roof pe jhaak ke dekha to waha Max ke alawa koi nahi tha aur isse achi Opportunity mujhe kaha mil sakti hai. Mujhe jo karna tha wo Fast karna tha kyuki Roof thodi Open thi.
Isliye main Tezi se Max ki taraf bhaga aur jaise hi Max meri awaaz sunke piche muda to usey apne saamne 5 Red line dikhi jo kisi Claw ke shape mein thi Lekin wo kuch kar paata usse pehle wo Line uske Chest pe Hit kar gayi. Jaise hi Mera uski Skin ko touch hua waise hi waha se uska Blood nikalna Start ho gaya. Usey aisa lag raha tha ki kisi ne 5 Sharp Knife uski Chest mein ghusa diye hai.
Itna hi nahi hua kyuki is Blood Swipe mein force itna jyada tha ki usne Max ko hawa mein uda diya tha. Meri Strength abhi 12 thi aur 3 mujhe Gauntlet se mil rahi thi. Wahi Gauntlet mere Attacks ko 5% Strong aur bana raha tha to ye Attack meri Samjh se bhi jyada Powerful tha.
Max udta hua gaya aur Piche Railing se jaa takraya aur wahi gir ke Behosh ho gaya.
<11/20 HP>
Max ke paas uski Ability use karne ka mauka bhi nahi tha aur ye bhut jaldi khatam ho gaya tha. Max ki Body se Blood nikal raha tha jo ab Floor pe fail raha tha aur Blood ko dekhte hi mere teeth Fang mein badal gaye. Main dheere-2 Max ki taraf badh gaya mera Heart kaafi tez beat ho raha tha. Blood ki Khushbu mere dimag mein chadhne lagi thi lekin mera koi mann nahi tha uske wounds se nikle huye blood ko pine ka. Mera interest to bas ek Vein mein tha jo mujhe Max ke neck pe Fadakti huyi dikh rahi thi.
Maine Max ki body ko jhukke thoda sa ground se uthaya aur apne Fang uski neck mein gada diye. Main Max ka khoon tab tak pita raha jab tak mujhe multiple notification aana start nahi ho gaye.
<20/20 HP>
<Blood Bank has been filled 100 ml>
<A+Blood Type has been Consumed>
<+1 Strength Stat>
<50 Exp has been rewarded>
Abhi main Khoon pina enjoy kar hi raha tha ki tabhi mujhe kisi ki awaaz aayi.
"Arey Tumne mujhe milne ke liye Roof pe kyu bulaya hai." Ye aur koi nahi balki Rakesh tha jo Roof pe aate hi ye bolne laga tha lekin jaise hi usne saamne dekha ki uska Friend Khoon se lathpath hai aur koi Masked man uska khoon pi raha hai.
"You Monster, dur hat usse." Usne ye chillate huye kaha.
************
Wahi Room mein Peter akela baitha tha aur Aakash aur Karan ke aane ka wait kar raha tha. Usually wo Aakash ke sath jaana chahta tha lekin jo aakash ne aaj behaviour dikhaya tha isliye usey apni soch badalni padi thi. Jab Peter apne thoughts mein gum tha tha tabhi Door pe knock hua.
Peter:- kya wo log wapis aa gaye.
Itna sochke Peter khada hua aur Door khol diya lekin saamne khade logo ko dekhke wo door band karne ko hua lekin un logi mein se ek ne aisa hone se rok diya.
"Lagta hai wo yaha nahi hai." Momo ne ye ander dekhte huye kaha. Momo Second year ke ek group ka Leader tha aur iske paas Superiors ka Support bhi tha. Uske sath 2 Second year students aur they.
Momo:- well, jab tum yaha akele ho to kyu na hamare sath chalo. Mere paas kuch plans hai aur mujhe lagta hai tum ek dum Perfect ho humari madad karne ke liye.
Peter ke Paas koi Choice nahi thi siway unke sath jaane ke kyuki Momo ek Level 6 Ability User tha aur uski Ability bhi usko pata nahi thi. Usey pata tha agar wo mana karega to wo target ban jaayega inka isliye usne unke sath jaane ki thaan li aur unke sath Nikal gaya.
*********
Wahi Roof pe Rakesh meri taraf bhaga aur bhagte bhagte uski body se ek material nikal ke aaya jo aur kuch nahi balki uski bone thi wo Bone kisi Sword ki tarah thi. Rakesh ne us Bone ko pakda aur meri taraf kaafi tezi se fek diya. Maine bhi asaani se us Bone Sword ya jo bhi tha usey apne hath se jhatak diya. Lekin tabhi mujhpe same ek aur wahi Bone Sword aayi aur uske just Piche Rakesh aaya.
Uske dono hatho mein uske Bone se bani Sword thi usne mujhe un Bones se attack kiya lekin maine un dono Bones ko apne hath mein pakad liya lekin jaise hi main usey todne laga to un Bone pe koi farak nahi pada kyuki ye Ability difference tha. Wo ek Level 3 Ability user tha aur uski Body se nikli huyi Bones Basic Tier Beast Weapon se jyada Strong thi.
Maine abhi Rakesh ko pakda hi tha ki tabhi uske Body ke har Parts se Bones nikli aur meri body mein kayi jagah ghus gayi main jhatke se piche hua to meri body mein kayi jagah holes ho chuke they.
<10/20 HP>
Wo to maine apne Gauntlet se apne sir ki taraf aane wali bones ko rok liya tha nahi to main abhi mar jaata aur galti meri hi hoti kyuki main uski Ability ko Puri tarah jaane over confident hoke Close jaa raha tha.
Rakesh:- Chalo dekhte hai is Mask ke piche kon hai.
Itna bolke Rakesh ne ek Ek Bone Sword mere foot mein ghua di aur dusri Bone Sword ko mere face ki taraf laane laga tabhi maine apni puri Strength ke sath apna pair uthaya jisse mera pura pair fat chuka tha. Mere Foot mein ek hole ho gaya tha jisme se sabkuch aarpaar dikh raha tha. Maine Pain ko ignore kiya aur Jump karke piche ho gaya.
Ye Kaafi Bad tha kyuki ek to Rakesh ki Ability Strong thi aur abhi tak jitno ko bhi maine face kiya tha unme se Rakesh sabse acha Fighter tha. Aise mein mujhe meri Sloppy Skills nahi bachane wali thi. Halanki mere paas usse jyada Strength thi lekin uska bhi Fayda kya jab main usey Hit hi nahi kar sakta.
<5/20 HP>
<Blood Bank Auto use>
<10/20 HP>
<90ml left in Blood Bank>
<20/20 HP>
<70ml left in Blood Bank>
Mere pair ka Heal kaafi Fast heal hone lag gaya Blood Bank ka use hote hi aur tabhi mere dimag mein ek plan aaya. Maine Soch Liya tha ki Main Blood Bank ke khud ko Heal karta rahunga aur isse jo hamare bich mein Skills ka Gap hai wo khatam ho jaayega bas mujhe kaise bhi karke koi Fatal Blow apne Head pe nahi lena tha, baaki sab to System heal kar dega.
Tabhi main tezi se Rakesh ki taraf bada aur bhut tezi se ek ke baad ek Six Blood Swipe uski taraf Throw kar di.
<14/20 HP>
Rakesh ne un tez aati huyi Blood Swipe ko Block kiya Apni Bone se lekin kuch usko fir bhi Hit kar gayi, jab usko lagne laga ki main bas itna kar sakta hu aur wo meri taraf badhne ko hua tabhi uski taraf Six Blood Swipe aur aa gayi aur ye pehle se bhi Fast thi.
<8/20 HP>
<18/20 HP>
<50 ml left in Blood Bank>
Main ek baar fir uski taraf bhaga Rakesh ki Bone Swords tut chuki thi lekin usne ek saans li aur jaise hi main Close aaya to Usne apni puri Body se Bone bahar nikal di lekin is baar main nahi ruka aur sidha un Bones mein ghus gaya aur full Strength ke sath Rakesh ke Muh pe punch maara jisse wo piche udta hua gaya. Aur uski taraf firse maine ek baar aur Blood Swipes ki bauchaar kar di.
<5/20 HP>
<10/20 HP>
<40ml left in Blood Bank>
Is baar wo hawa mein tha aur sayad uski MC khatam ho chuki thi Matlab Mutant Cells jinse hum Ability use karte hai to wo hawa mein un Blood Swipes se bachne ke liye kuch nahi kar paaya aur sidha niche gira aur behsoh ho gaya.
<Opponent has been defeated>
<50 Exp has been rewarded>
<130/400 Exp>
Ye fight maine sochi thi usse Jyada Tough thi aur main ye Fight isliye jeet paaya tha kyuki main ek dum Reckless hoke lad raha tha sirf Blood Bank ki wajah se agar Blood Bank na hota to ab tak 3 baar mar chuka hota main. Main chalte huye Rakesh ke paas gaya aur uspe Inspect Skill use ki.
<Name: Rakesh>
<Ability: Bone manipulation>
<HP 1/25>
<Blood Type O->
Finally mujhe O type blood mila tha aur main isey Check karne ke liye utawla tha. Maine uski Body ko uthaya aur khoon pina start kar diya jab tak notification na aane lage.
<20/20 HP restored>
<O Blood Type has been Consumed>
<1 free Stat point has been added>
<Blood Bank Has been Filled>
Mere paas kuch guess they ki O type blood kya karega lekin ye sabse better tha. Maine apni Stat Screen kholi aur thoda sa sochne laga ki ye Free Point kisme add karu tabhi maine Apne Plan ke hisab se Chalte huye wo 1 Point Agility mein add kar diya.
<Strength 13 (3) >
<Stamina 12>
<Agility 14>
{Note:- jo ye Bracket mein digit hai ye Weapon ki Strength hai aur aage bhi aise Bracket wali Digits Weapons ke Stats honge.}
Iske baad main waha se nikal gaya. Mujhe pata tha ye log kisi ko kuch nahi batayenge pehle to inki bejati hogi aur dusra koi inki baat nahi maanega kyuki koi bhi Ability aise doosro ka khoon pike kaam nahi karti.
**********
Wahi Doctor Office mein is Waqt Rakesh aur Max Hayley ke Saamne they aur Hayley ki nazar is waqt un dono ki Neck pe bane Bite Marks pe thi jo Apne aap Heal ho rahe they dheere dheere. Tabhi Hayley ko Sneha ka incident bhi yaad aaya aur usne apni Watch pe tap Kiya aur kisi ko Call mila di jo Samne wale ne jaldi hi utha li.
Hayley:- Hey General mujhe lagta hai ki School mein koi Awara Beast ghum raha hai aur wo Students pe attack kar raha hai.
"What, ye Impossible hai, agar aisa hota to humare Sensors usey Sense kar lete, even Harsh ko bhi ab tak Pata lag chuka hota."
Hayley:- lekin yaha mere saamne do Students ke upper kuch strange Signs hai. Aur mujhe chinta ho rahi hai. Kya tum Please mere liye Investigation karoge.
"Fine, Fine jaisa tum kaho, main apni Beti ke liye itna to kar hi sakta hu."
Tabhi ek Guard Chillata hua ander aaya aur uske Hath mein Brad ki Body thi jisey usne laate hi Bed pe lita diya. Hayley bhaag ke uske paas gayi aur uspe apni Healing Ability use karne lagi lekin kuch bhi farak nahi pada. Kyuki wo Pehle hi bhut dur jaa chuka tha. He is Dead.
Tabhi Hayley ne apni Watch pe dubara Tap kiya aur ek Report Log khol ke bolne lagi.
Hayley:- Report, Main ye Confirm karti hu ki first Year student Brad ki Maut 9:30 pe ho chuki hai.
TO BE CONTINUED...
