• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance RISHABH-MOHINI

anandsngh12

anandsngh12

Well-Known Member
28,992
64,515
173
UPDATE*7​

Uske baad vo hame ghasit kar yaha le aaye….dard se hamari cheekh nikalne lagi …hame itna mara ki hum dono hi behosh ho gayi…mujhe unhone peepal ke ped par latka diya jabki meri bahan ko gaddhe me gada diya

Iske baad kya hua mujhe kuch yaad nahi…aur jab hosh aaya to khud ko tumhari baho me paya…baki to tumhe pata hi hai

Ab aage……….

Mai—vo chamakne wali cheez kaha par hai….?

Mohini—vo to vahi jungle ke paas maine gada di hai

Mai—hame usko vaha se nikalna hoga

Mohini—uski vajah se to maine apne mata pita kho diye ab tumko nahi khona chahti

Mai—kintu agar use yu hi jane diya aur uske bare me kuch pata nahi kiya to tumhare maa baap ki mout to bekar ho gayi na

Gulab—didi…rishabh sahi kahte hain

Naughty—lo bhai meri bhang ban gayi….chalo tum sab bhi akar pi lo

Mai—tu hi pi le….bhangedi

Mohini—lekin vaha to khatra hoga

Mai—khatra to mol lena hi hoga

Gulab—pahle apne bare me to bataiye....

Mai—meri kahani me kuch nahi hai......mai ujjaini nagri ka yuvraj hu....mere pita ji maharaj jabran meri shadi karna chahte the isliye mahal se chup chap bhag nikla....aur kuch nahi hai

Mohini—kyaaa..... ?..tum yuvraj ho.... ?

Naughty—arey kuch nahi hai ab.....khud bhi bhikari ho gaya aur mujhe bhi apne jaisa bhikhari bana diya isne lo tum dono bhaang piyo mere sath...usko chhodo

Mai—lagta hai teri shadi karani padegi

Naughty—na...na...aisa julm karne ki sochna bhi mat...mai aise hi theek hu

Mohini—theek hai jaisa tum kaho

Mai—pahle kahi surakshit jagah chalte hain

Mohini (mann me)—rishabh to rajkumar hai....kya mujhe swikar karega.... ?..par mai to use dil se chahne lagi hu kaise apne dil ka haal use kahu…?

Gulab (mann me)—wah…agar meri shadi rishabh se ho jaye to hamare sare dukh dard dur ho jayenge…par mai rishabh se apne pyar ke bare me kis tarah se batau….?..lagta hai didi bhi rishabh ko pasand karne lagi hain..tabhi uske thoda sa dur jate hi rone lagi thi….to kya hua….raja log ek se jyada shadi kar sakte hain…mai aur didi dono rishabh se shadi kar lenge

Mai—tum dono kya sochne lagi…..?

Mohini—kuch nahi...bas aage ki jindagi ke bare me soch rahi thi

Mai—ab mai bhi to hu tum dono ke sath me

Naughty—abe tu mujhe phir se bhul gaya......hum char hai...teen nahi samjha

Aise naav chalate huye hum ek jagah kinare par aake ruk gaye....maine dono ko niche utara..... lekin mohini ka hath pakadte hi mere dil ki dhadkan badh jati hai.....mai hal uski oor khicha chala ja raha tha....usne sach me mere mann ko moh liya tha

Jab vo mushkurati to uske dono gaalo me dimple pad jate aur mai unhe dekhte hi bechain ho uthata…mere mann ki tarange sagar ki lahro ki tarah hilore maarne lagti thi

Gulab—ab hum yaha se kaha jayenge... ?

Mai—abhi yaha ruk kar kuch der aram karte hain phir aage ke safar ki shuruwat karna theek rahega

Mohini—raat me hum naav ke andar hi so jayenge...par uske pahle surakshit jagah dekhni padegi..jaha koi khatra na ho

Mai—theek hai...ab is jagah jyada khatra nahi hona chahiye.....hum bahut dur nikal aaye hain...un dakuo ki pahuch se

Humne vahi kuch der ruk kar apne sath laye huye phal khaye aur nadi ke sheetal jal se apni pyas bujha kar thode samay sustane ke baad apne safar ka phir se agaz kar diya

Hum aise safar par ja rahe the jaha hame na to kisi manzil ka pata tha aur na hi thikane ka.....bas chalte ja rahe the....chalte hi ja rahe the

Lagbhag 7 din ho gaye the hame nadi me hi naav par safar karte huye....is dauran humne na jane kitni jagah padav dale....jungle se daily din me khane ke liye kuch na kuch mai khoj hi lata tha...

Ha ab tak ke is safar se meri aur mohini ke beech najdeekiya kafi badh gayi thi….shayad hamare dilo ne ek dusre ke andar dabi prem bhavna ko pahchan liya tha

Kintu kisi me us prem ka apne mukharbindu se ek bhi shabd bahar nahi aaya tha.....vahi gulab bhi mujhse bahut ghul mil gayi thi....usne kayi baar apratyaksh roop se apne prem ka izhar kar diya tha magar mere dil ke singhasan patal par to mohini raj karne lagi thi

Aise hi ek hafta safar karte huye gujar jane ke baad 8ve din hum aisi jagah pahuch gaye....jise dekh kar hum sab ka mann khush ho gaya

Darasal ye jagah aisi thi ki charo oor sirf hariyali hi hariyali…..nadi ke kinare par hamne naav lakar rok di aur niche utar aaye

Gulab—kitni sundar jagah hai ye…kyo rishabh..hai na

Mai—haa..bahut sundar…. (mohini ko dekh)..magar koi usse bhi sundar hai

Mohini (sharma kar)—nahi ye jagah nishchit hi bahut sundar hai

Gulab—ohhh…dekho rishabh…yaha to har ped par phal lage hain

Naughty—rishabh…yaha thodi bhaang ka intazam bhi hai kya…?..meri khatam ho gayi hai

Gulab (has kar)—jarur mil jayegi

Hum aage badh kar dekhne lage…sath hi kuch phal bhi tod kar kha liya hamne…behad mithe the…aage badhte huye hame ek ashram dikhayi diya

Mai—vo dekho….vaha lagta hai koi ashram hai

Naughty—phir to koi sadhu rahta hoga….sadhu gaanja bahut pite hain…bhaang na sahi gaanje ka jugad to ban hi jayega...chalo jaldi unke paas chalte hain

Gulab—bhangedi se ganjedi......hihihihi

Mohini—koi khatra bhi to ho sakta hai vaha

Mai—phir bhi ek baar chal ke dekh lete hain

Mohini—theek hai chalo…lekin savdhani se

Hum dhire dhire chalte huye us ashram tak aa gaye…..ashram ke har taraf sundar phoolo ki kyariya lagi huyi thi … jinki manmohak khushbu se aas paas ka vatavaran sugandhit hokar mahak raha tha

Mai (awaz laga kar)—koi hai yaha... ?

Magar koi jawab nahi....

Mohini—lagta hai koi nahi hai yaha... ?

Hum vapis jane ke liye mude hi the ki tabhi ....
​
‘’Andar aa jao….’’ Kisi ki awaz aayi andar se…jisse hamare ashram se bahar ki oor badhte kadam ruk gaye…aur hum us ashram ki kutiya ke andar chale gaye….parantu andar ka nazara dekh kar hamare ashcharya ki seema hi na rahi​
 
  • Like
Reactions: netsunil, Vikram singh rana, Mbindas and 6 others
You must log in or register to reply here.
Top