Romance RISHABH-MOHINI

[sonukale]

Waiting for next update

 

[Jitu kumar]

Waiting for next update bhai

 

[sonukale]

Waiting for next update

 

[sonukale]

Waiting for next update

 

[shahnaz123]

waiting next one

 

[Raguhalkal]

Anand bhai is story ko ajj hi balki abhi padke katam kiya hu dilcasp laga per

Story to bahut achi hai per muje laga story beech me se start ki ho

Isse muje un charonka swabhaav kaisa hai ye nahi pata laga paya hu isliye intruduction mil jata to aur bi acha hota jaisa her story me hota hai

 

[anandsngh12]

RISHABH MOHINI
UPDATE-9
​

Rishi—tum sab shudh hokar mere paas aa jao

Mai—jo agya

Hum sab vaha se snan karne ke liye chale gaye.....shudh hone ke pashchat punah un rishi ke paas aaye jaha vo dhyan me baithe huye the....unhone hath ke ishare se hame baith jane ko kaha...kuch der unki ankhe band rahi ...par jaise hi unhone apni ankhe kholi to dekh kar hum sab chakit rah gaye

Ab aage……..

Jaise hi unhone apni ankhe kholi to unki ankhe kisi suraj ki bhanti chamakne lagi…..ye dekh kar hum chakit rah gaye…aisi ghatna dekhne ka ye ham sabka pahla anubhav tha

Adhik der tak hum unki ankho ki tezi ka samna nahi kar sake to apni ankho ko niche kar liya…kuch der tak aise hi haalaat bane rahe..phir unhone kaha

Rishi—mohini aur rishabh yaha mere paas aa jao dono

Rishabh (paas jake)—ji munivar, adesh kare

Rishi—meri ankho me dekho, aur tab tak dekhte rahna jab tak mai nazar hatane ko na kahu, dono bina palak jhapkaye meri ankho me dekhte raho, tumhe koi nuksan nahi hoga

Mohini—ji sadhu maharaj, jaisa aap kahe

Phir main aur mohini unki ankho me apni ankhe gada kar dekhne lage…..meri ankho me ek tez jalan paida hone lagi yahi haal shayad mohini ka bhi tha…..kuch der baad unki ankho se roshini ki kirne nikalne lagi

Unki ankho se nikalti kirne meri aur mohni ki dono ankho ke jariye hamare andar antarmann me samane lagi….jab roshni ka nikalna band ho gaya to rishi ne hame ankhe band karne ko kaha unki baat sun kar jaise hi hamne apni ankhe band ki to kisi kate ped ki tarah vahi par ludhak gaye

Gulab (ghabra kar)—in dono ko kya hua….?

Naughty—mere dost ko kya kar diya tumne….? Use jaldi theek karo nahi to tumhari dadhi noch lunga

Rishi—chinta mat karo….shaktiya unke kamjor sharir ko apne anukul bana rahi hain…shaktiyo ka tez bardast na kar sakne ke karan vo behosh huye hain, jaldi hi punah theek ho jayenge….ab tum dono mere paas aao

Naughty—kahi tum hum sabko behosh kar ke maar kar khane ki firak me to nahi to….?

Rishi (mushkura kar)—nahi aisa kuch nahi hai

Naughty—pahle mera yaar theek ho jaye uske baad tumhare paas aunga…..tumhara kya bharosha…?

Rishi—theek hai jaisi tumhari marzi

Hame behosh huye kafi samay ho gaya aur udhar naughty har dusre pal un sadhu ko pareshan karne laga meri chinta me… kuch samay pashchat meri chetna vapis louti

Hosh me aane ke baad mujhe apne sharir me bahut sari taqat ke hone ka ehsaas hone laga….thodi der me mohini bhi hosh me aa gayi…hame hosh me aate dekh kar gulab aur naughty ke chehre par chhayi udasi dur ho gayi aur vo khushi se khil uthe

Gulab—tum dono theek to ho na….?

Naughty—theek kaise nahi hoga…..akhir mujh jaise sherdil insan ka dost hai vo….agar theek nahi hota to mai abhi is dadhiyal sadhu ki dadhi me machis maar deta

Rishabh-naughty aise nahi kahte,kshama mago unse

Rishi—koi baat nahi vats, ye uska tumhare liye mitra prem bol raha hai….mujhe uski kisi baat ka bura nahi laga…ab tum in dono se kaho ki ye bhi mere paas aaye jisse main inko bhi shaktiya pradan kar saku

Rishabh—naughty, gulab chalo dono aao aage

Naughty—agar kahi main mar mura gaya to

Rishabh—to main hu na tera antim sanskar karne ke liye

Naughty—dekh mujhe aisa mazak bilkul pasand nahi hai, ek to itne din se bhaang bhi nahi mili…pahle in sadhu se kaho ki mujhe aisi shakti de jisse mere paas ki bhaang kabhi khatam na ho…tab main inke paas jaunga

Rishi—meri di huyi shakti se tum jab chaho kuch bhi pa sakte ho

Naughty—kya…bhang bhi….?

Rishi—ha

Naughty—phir to theek hai…agar aisa hai to jaldi se mujhe aisi shakti de do

Gulab aur naughty dono rishi ke paas jakar baith gaye….unhone ankhe band karke apne hath dono ke sar par rakh diya aur kuch mantra padhne lage

Naughty (chillate huye)—rishabhhhh….. kahi ye bhasmasur to nahi hai jo mere sar par hath rakh kar mujhe bhasma karne ke liye mantra padh raha hai

Rishabh—sssshhhhhh….chup..ankhe band kar ke baitha rah

Kuch der tak dhyan me rahne ke baad Rishi ke hatho se roshni nikal kar dono ke jism me jane lagi…..ye dekh kar naughty phir se darr gaya

Naughty (chilla kar)—marr gaya reeeee…….main na kahta tha ki ye dadhiyal bhasmasur hai….dekh iske hath se aag nikal rahi hai…...bhasam kar diya re…… mujhe bhasam kar diya……is dadhiyal ne…

Kuch samay tak rishi ke hatho se roshni nikalti rahi aur tab tak naughty aise hi anap shanap chillata raha…majburan mujhe usko pakad ke baithna pada…tab jakar usko kuch shaktiya mil saki

Roshni nikalna band hote hi vo dono bhi achet hokar gir gaye….tab bhi naughty ka darr ki vajah se pralap karna jari tha..vo to ganimat thi ki maine use pakad rakha tha jisse meri god me hi behosh ho gaya

Naughty (behosh hote hote)—arey..rererere……dadhiyal ne m..a..a..r…..diyaaaaaaa

Kuch der tak behoshi me rahne ke baad dono theek hokar jaldi se uth kar baith gaye…..hum sab uske aise uthne ko dekh kar mushkuraye bina nahi rah sake

Rishi—putra ab tumhe prati din kuch samay dhyan lagane me dena hoga….isse tu log apni apni shaktiyo par niyantran karna sikh jaoge sath hi unhe pahchan bhi sakoge taki samay padne par unka sahi tarah se upyog kar sako

Mohini—jaisa aap kahe

Rishi—kintu ek baat ka hamesha dhyan rakhna ki in shaktiyo ka upyog galat kamo ke liye mat karna. Ye shaktiya kogo ke jan kalyan hetu hain

Rishabh—aap nishchint rahe munivar….hum apko vachan dete hain ki hum inka upyog manav kalyan aur srasti ki raksha nimitt hi karenge

Rishi—mujhe tum logo se aisi hi asha hai

Mohini—rishivar, hum dono bahno ko ek adbhut cheez mili thi, jisme se roshni nikalti thi, vo kya thi.... ?

Rishi—putri…..vah behad anmol jyoti punj hai….jo ki surya aur chandrama ki kirno se bana hai….uske andar asim shaktiya hain kintu vah us jyoti punj ka sirf ek hi tukda hai, uska dusra tukda abhi prapt karna shesh hai

Rishabh—uske andar kis prakar ki shaktiya hain….?

Rishi—vah sarva mano kamna poorna karne wali shakti hai….vah jiske bhi paas hogi vo uske jariye apni har khwahish poori kar sakta hai….uske liye kuch bhi karna kathin nahi rah jayega

Mohini—kintu maine to usko jungle me gada diya hai…...?

Rishi—tumne bahut hi uttam kaam kiya hai ki us shakti ko un papiyo ke changul se nikal layi, tumne is nek karya ke liye apne pariwar ko bhi kho diya…..use vaha se nikal kar apne paas rakhna

Rishabh—uski shaktiya kaise kaam karti hain…..?

Rishi—uski shaktiya bhi yugal jode me hain…jab us jyoti punj ka dusra hissa prapt kar loge tab dono tukdo ko jod kar ek kar dena….jisse us jyoti punj ki shaktiya poori tarah se jagrit hokar sakriya ho jayegi aur phir vo jyoti punj apni shaktiyo ke sath tum dono ke andar samahit ho jayega…kintu ye dhyan rahe ki us jyoti punj ke tukdo ko apas me jodte samay tum dono ko uske paas moujud rahna hoga anyatha vah bina yugal jode ke sakriya nahi hoga

Mohini—aisa kyo munivar….?

Rishabh—uske bare me aur bhi vistar se bataye…

Rishi—uski shaktiya hi yugal jode me hain....jab tum dono sath me hokar dono tukdo ko ek karoge to uski shaktiya apne paas me yugal jode ko dekh kar turant sakriya hona chalu ho jayengi.....in shaktiyo ke prabhav se tum dono me prem atoot hoga.. ant samay me sharir nashta hone ke baad ye shaktiya kahi vilin ho jayegi alag alag tukdo me

Rishi—agle janam me jab bhi tum dono me se koi bhi inme se koi bhi tukda jaise hi prapt kar lega to uske prabhav se dusre jode me uski taraf khichav paida hoga….matlab agar vo tukda rishabh ko mila to uske prabhav se mohini rishabh ki taraf akarshit hone lagegi..dono me phir se prem ki shuruwat hogi …kintu jaise hi dusra tukda bhi milega to dono ko is janam ki sabhi yaade vapis mil jayegi aur tum dono ka prem gahra hota jayega

Rishabh—apka bahut bahut upkar hai munivar

Rishi—jab kabhi bhi meri jarurat ho mujhe yaad karna main tumhare samne aa jaunga….ab mera ant samay bhi nikat hai…aaj se teen din baad mai apna ye sharir tyag dunga….tum mera antim sanskar kar dena…..mere marne ke baad meri haddiyo ko ekattha karke char jagah par rakh dena usi chita ke kono par

Gulab—usse kya hoga…..?

Rishi—Meri un haddiyo se char shaktishali hathiyar ka nirman hoga jo tum charo le lena..ye charo hathiyar kisi ka bhi vadh karne me saksham honge….aage tum logo ko bahut se mushkil karya karne hain….jab tak chaho tum log yaha rah sakte ho yaha kisi prakar ka koi khatra nahi hai…ab tum log bhi jakar vishram karo….is ashram ke piche ek kutiya hai vahi chale jao….vaha tumhare liye kuch aur bhi hai

Hum unhe pranam kar ke bahar aa gaye….aur us kutiya ki taraf chal diye

 

[anandsngh12]

Anand bhai is story ko ajj hi balki abhi padke katam kiya hu dilcasp laga per

Story to bahut achi hai per muje laga story beech me se start ki ho

Isse muje un charonka swabhaav kaisa hai ye nahi pata laga paya hu isliye intruduction mil jata to aur bi acha hota jaisa her story me hota hai

Story beech me se hi start hai....Abhi to base hai kahani ka
Aage kuch updates ke baad Introduction dunga

 

[Raguhalkal]

Story beech me se hi start hai....Abhi to base hai kahani ka
Aage kuch updates ke baad Introduction dunga

Bahut khoob apne bata diya bas samjo me nischint hogaya hu kunki muje pata hai anand singh kabi apni vada nahi bulta or haan aaj ka update superb tha

 

[Viraj Raj]

Shandar update bhai