- 6,436
- 5,172
- 189
Friends AK new story le kr hazir howa hun ap sub ko bht pasnd aye gi story complete krne k liye ap doston ka sath cha
Update - 1
Vo haweli aaj bhi vaise hi sunsaan thi jaise ki vo pichhle 10 saal se thi. Aasman mein chand poore noor pe tha aur har taraf chandni phaili hui thi. Uske bavajood haweli ke galiyare andhere mein doobe hue the. Door se koi dekhe to is baat ka andaza tak nahi ho sakta tha ke ismein koi zinda insaan bhi rehta hai. Aangan mein sookhi ghaas, babool ki jhadiyan, khula hua bada darwaza, daal pe bolta hua ullu, har taraf manhoosiyat poore josh par hi.
Poori haweli mein 25 kamre mein jismein se 23 andhere mein doobe hue. Sirf 2 kamro mein halki si roshni thi. Ek kamra tha Thakur Shaurya Singh ka aur doosra unki bahu Rupali ka. Haweli mein phele hue sannate ki ek vajah 2 din pehle hui maut bhi thi. Maut haweli ki malkin aur thakur Shaurya Singh ki biwi Sarita Devi ki jo ek lambhi bimari ke baad chal basi thi. Us raat haweli mein maut ka khauff har taraf dekha ja sakta tha. Marne se pehle bimari mein dard ki vajah se uthi Sarita Devi ki cheekhen jaisi aaj bhi har taraf goonj rahi thi.
Magar hamesha yahi aalam na tha. Is haweli ne khoobsurat din bhi dekhe the. Haweli ko Shaurya Singh ke pardada Maharaja Indrajeet Singh ne banvaya tha. Na to aaspaas ke kisi rajvade mein aisi haweli thi aur na hi kisi ka itna samman tha jitna Indrajeet Singh ka tha. Parampara agli kayi pidhiyon tak bani rahi. Har taraf Indrajeet Singh ke kul par lok geet gaaye jaate the. Jo bhi haweli tak aaya kabhi khali hath nahi gaya. Jo bhi guzarta, haweli ke darwaze pe sar jhukake jata jaise vo koi mandir ho aur yahan bhagwan baste hon.
Aazadi ke baad Maharaja ki upadhi to chali gayi magar rutba aur samman vahi raha. Log aaj bhi haweli mein rehne walo ko Maharaj ke naam se hi pukarte the. Aur yahi samman Shaurya Singh ne bhi paya jab unka rajtilak kiya gaya. Aur phir ek din pados ke rajwade ki beti Sarita Devi ko bahu banakar is haweli mein laya gaya.
Shaurya Singh ko Sarita Devi se 4 aulad hui. 3 bete aur ek beti. Sabse bade bête Purushottam ki shaadi Rupali se hui aur vahi apne pita ji zameen jaaydad ki dekhbaal bhi karta tha. Doosra beta Tejveer Singh apne bade bhai ka haath saath deta tha par zyada waqt ayyashi mein guzarta tha. Teesra beta Kuldeep Singh ab bhi videsh mein padh raha tha. Aur sabse chhoti thi sabki ladli Kamini. 3 bhaiyon ki dulari aur ghar mein sabki pyaari Shaurya singh ki eklauti beti.
Haweli mein har taraf hasi goonjti rehti thi. Aanewale apni jholiyan bharke jaate aur dua dete ke kul ka samman sada aise hi bana rahe aur shayad hota bhi yahi magar ek ghatna ne jaise sab barbad kar diya. Vo ek din aisa aaya keShaurya Singh se uska sab chheenke le gaya. Unka samman, khushiyan, daulat aur unka sabse bada beta Purushottam Singh.
Ek sham Purushottam Singh ghar se gaadi leke nikla to raat bhi lautke nahi aaya. Ye koi nayi baat nahi thi. Vo aksar kaam ki vajah se raat bahar hi ruk jata tha isliye kisi ne iss baat par koi dhyaan nahi diya. Museebat subah hui jab khabar ye aayi ke Purushottam ki gaadi Haweli se thodi door sadak ke kinare khadi mili aur purushottam ka kahin koi pata nahi tha. Gaadi mein khoon ke dhabbe saaf dekhe ja sakta the. Talash ki gayi to thodi hi door Purushottam Singh ki laash bhi mil gayi. Uske jism mein do goliyan maari gayi thi.
Haweli mein to jaisi aafat hi aa gayi. Parivaar ke log to pagalse ho gaye. Kisi ko koi andesha nahi tha ke ye kisne kiya. Pehle to kisi ki itni himmat hi nahi sakti thi ke Shaurya Singh ki bête pe haath utha dete aur doosra Purushottam Singh itna seedha aadmi tha ka sabse haath jodke baat karta tha. Uski kisi se dushmani ho hi nahi sakti thi.
Uske baad jo hua vo badtar tha. Shaurya Singh ne bête ke qatil ki talash mein har taraf khoon ki nadiyan baha di. Jis kisi pe bhi halka sa shak hota uski laash agle din nadi mein milti. Sabko pata tha ke kaun kar raha tha par kisi ne dar ke karan kuchh na kaha. Yahi silsila agle 10 saal tak chalta raha. Shaurya Singh aur unke doosre bête Tejveer Singh ne jaane kitni laashen girayi par Purushottam Singh ke hatyare ko na dhoondh sake.
Hatyara to na mila lekin kul par kalank zaroor lag gaya. Jo log Shaurya Singh ko bhagwan samajhte the aaj unke naam pe thookne lage. Jise Maharaj kehte the aaj use hatyara kehne lage. Aur haweli ko to jaise nazar hi lag gayi. Jo karobar Purushottam Singh ke dekhrekh mein phal phool raha tha doobta chala gaya. Shaurya Singh ne bhi bête ke gham mein sharab ka sahara liya. Yahi haal Tejveer Singh ka bhi tha jise pehle se hi nashe ki lat thi. Karza badhta chala gaya aur zameen bikti rahi
Haweli ka 150 saal ka samman 10 saalon mein khatam hota chala gaya.
Rupali apne kamere mein akeli leti hui thi. Neend to jaise aankho se koso door thi. Bas aankhen band kiye guzre hue waqt ko yaad kar rahi thi. Vo 20 saal kit hi jab Purushottam Singh ki biwi banker usne is haweli mein pehli baar kadam rakha tha. Pichhle 13 saalon mein kitna kuchh badal gaya tha. Guzre saalon mein ye haweli ek haweli na rehkar ek veerana ban gayi thi.
Rupali paas ke hi ek zamindar ki beti thi. Vo zyada padhi likhi nahi thi aur hamesha gaon mein bhi pali badhi thi. Bhagwan mein uski shraddha kuchh zyada hi thi. Hamesha pooja path mein magan rehti. Na kabhi ban sawarne ki koshish ki aur na hi kabhi apne upper dhyaan diya. Uski zindagi mein bas 2 hi kaam the. Apne pariwaar ka khyaal rakhna aur pooja path karna.
Update - 1
Vo haweli aaj bhi vaise hi sunsaan thi jaise ki vo pichhle 10 saal se thi. Aasman mein chand poore noor pe tha aur har taraf chandni phaili hui thi. Uske bavajood haweli ke galiyare andhere mein doobe hue the. Door se koi dekhe to is baat ka andaza tak nahi ho sakta tha ke ismein koi zinda insaan bhi rehta hai. Aangan mein sookhi ghaas, babool ki jhadiyan, khula hua bada darwaza, daal pe bolta hua ullu, har taraf manhoosiyat poore josh par hi.
Poori haweli mein 25 kamre mein jismein se 23 andhere mein doobe hue. Sirf 2 kamro mein halki si roshni thi. Ek kamra tha Thakur Shaurya Singh ka aur doosra unki bahu Rupali ka. Haweli mein phele hue sannate ki ek vajah 2 din pehle hui maut bhi thi. Maut haweli ki malkin aur thakur Shaurya Singh ki biwi Sarita Devi ki jo ek lambhi bimari ke baad chal basi thi. Us raat haweli mein maut ka khauff har taraf dekha ja sakta tha. Marne se pehle bimari mein dard ki vajah se uthi Sarita Devi ki cheekhen jaisi aaj bhi har taraf goonj rahi thi.
Magar hamesha yahi aalam na tha. Is haweli ne khoobsurat din bhi dekhe the. Haweli ko Shaurya Singh ke pardada Maharaja Indrajeet Singh ne banvaya tha. Na to aaspaas ke kisi rajvade mein aisi haweli thi aur na hi kisi ka itna samman tha jitna Indrajeet Singh ka tha. Parampara agli kayi pidhiyon tak bani rahi. Har taraf Indrajeet Singh ke kul par lok geet gaaye jaate the. Jo bhi haweli tak aaya kabhi khali hath nahi gaya. Jo bhi guzarta, haweli ke darwaze pe sar jhukake jata jaise vo koi mandir ho aur yahan bhagwan baste hon.
Aazadi ke baad Maharaja ki upadhi to chali gayi magar rutba aur samman vahi raha. Log aaj bhi haweli mein rehne walo ko Maharaj ke naam se hi pukarte the. Aur yahi samman Shaurya Singh ne bhi paya jab unka rajtilak kiya gaya. Aur phir ek din pados ke rajwade ki beti Sarita Devi ko bahu banakar is haweli mein laya gaya.
Shaurya Singh ko Sarita Devi se 4 aulad hui. 3 bete aur ek beti. Sabse bade bête Purushottam ki shaadi Rupali se hui aur vahi apne pita ji zameen jaaydad ki dekhbaal bhi karta tha. Doosra beta Tejveer Singh apne bade bhai ka haath saath deta tha par zyada waqt ayyashi mein guzarta tha. Teesra beta Kuldeep Singh ab bhi videsh mein padh raha tha. Aur sabse chhoti thi sabki ladli Kamini. 3 bhaiyon ki dulari aur ghar mein sabki pyaari Shaurya singh ki eklauti beti.
Haweli mein har taraf hasi goonjti rehti thi. Aanewale apni jholiyan bharke jaate aur dua dete ke kul ka samman sada aise hi bana rahe aur shayad hota bhi yahi magar ek ghatna ne jaise sab barbad kar diya. Vo ek din aisa aaya keShaurya Singh se uska sab chheenke le gaya. Unka samman, khushiyan, daulat aur unka sabse bada beta Purushottam Singh.
Ek sham Purushottam Singh ghar se gaadi leke nikla to raat bhi lautke nahi aaya. Ye koi nayi baat nahi thi. Vo aksar kaam ki vajah se raat bahar hi ruk jata tha isliye kisi ne iss baat par koi dhyaan nahi diya. Museebat subah hui jab khabar ye aayi ke Purushottam ki gaadi Haweli se thodi door sadak ke kinare khadi mili aur purushottam ka kahin koi pata nahi tha. Gaadi mein khoon ke dhabbe saaf dekhe ja sakta the. Talash ki gayi to thodi hi door Purushottam Singh ki laash bhi mil gayi. Uske jism mein do goliyan maari gayi thi.
Haweli mein to jaisi aafat hi aa gayi. Parivaar ke log to pagalse ho gaye. Kisi ko koi andesha nahi tha ke ye kisne kiya. Pehle to kisi ki itni himmat hi nahi sakti thi ke Shaurya Singh ki bête pe haath utha dete aur doosra Purushottam Singh itna seedha aadmi tha ka sabse haath jodke baat karta tha. Uski kisi se dushmani ho hi nahi sakti thi.
Uske baad jo hua vo badtar tha. Shaurya Singh ne bête ke qatil ki talash mein har taraf khoon ki nadiyan baha di. Jis kisi pe bhi halka sa shak hota uski laash agle din nadi mein milti. Sabko pata tha ke kaun kar raha tha par kisi ne dar ke karan kuchh na kaha. Yahi silsila agle 10 saal tak chalta raha. Shaurya Singh aur unke doosre bête Tejveer Singh ne jaane kitni laashen girayi par Purushottam Singh ke hatyare ko na dhoondh sake.
Hatyara to na mila lekin kul par kalank zaroor lag gaya. Jo log Shaurya Singh ko bhagwan samajhte the aaj unke naam pe thookne lage. Jise Maharaj kehte the aaj use hatyara kehne lage. Aur haweli ko to jaise nazar hi lag gayi. Jo karobar Purushottam Singh ke dekhrekh mein phal phool raha tha doobta chala gaya. Shaurya Singh ne bhi bête ke gham mein sharab ka sahara liya. Yahi haal Tejveer Singh ka bhi tha jise pehle se hi nashe ki lat thi. Karza badhta chala gaya aur zameen bikti rahi
Haweli ka 150 saal ka samman 10 saalon mein khatam hota chala gaya.
Rupali apne kamere mein akeli leti hui thi. Neend to jaise aankho se koso door thi. Bas aankhen band kiye guzre hue waqt ko yaad kar rahi thi. Vo 20 saal kit hi jab Purushottam Singh ki biwi banker usne is haweli mein pehli baar kadam rakha tha. Pichhle 13 saalon mein kitna kuchh badal gaya tha. Guzre saalon mein ye haweli ek haweli na rehkar ek veerana ban gayi thi.
Rupali paas ke hi ek zamindar ki beti thi. Vo zyada padhi likhi nahi thi aur hamesha gaon mein bhi pali badhi thi. Bhagwan mein uski shraddha kuchh zyada hi thi. Hamesha pooja path mein magan rehti. Na kabhi ban sawarne ki koshish ki aur na hi kabhi apne upper dhyaan diya. Uski zindagi mein bas 2 hi kaam the. Apne pariwaar ka khyaal rakhna aur pooja path karna.
