SAAJAN
UPDATE*163
Ek Amar Prem Gaatha Continues……….
Ratnesh ne jaise kisi ke apne bachav me chillane ki awaz suni to usne apne ghode ko uss disha me douda diya…. Us ladki ki cheekhne ki awaze lagatar aa rahi thi, Ratnesh uski awaz ka anusharan karta hua jaldi hi vaha pahuch gaya
Vaha pahuchte hi usne dekha ki ek ladki tezi se bhag rahi hai aur uske piche piche ek jungli bhainsa doud laga raha tha….vo bhainsa us ladki ke bilkul paas me aa chuka tha
Vo ladki badi jor jor se cheekhe ja rahi thi….bhagte bhagte achanak uska pair kisi patthar se takraya aur agle hi pal vo dhadam se niche jamin par ja giri
Jungli bhainsa uske bilkul karib pahuch kar jaise hi apne nathune phulate huye nukili seengo se vaar karna chaha theek ussi samay Ratnesh ne tezi se vaha pahuchte huye ghode ke upar se hi chhalang laga kar ladki aur bainse ke beech aa gaya aur uski seengo ko pakad liya
Ratnesh—Jaldi se utho yaha se aur kisi ped par chadh jao
Vo ladki jo apne apko ab mara hua hi samajhne lagi thi, ratnesh ki is baat se jaise hosh me aa gayi aur fauran vaha se uth kar ek ped par chadh gayi
Idhar Ratnesh bhi us bhainse ko kab tak roke rakh sakta tha.....usne apni seengo se use dur uchhal kar phenk diya aur gusse me phir se uski taraf bhaga apna agla hamla karne ke liye
Ratnesh ne turant aage ludhak kar uske vaar ko bacha liya....Ratnesh aage ludhakta jata aur vo vaar karte jata.....vo ladki ped par baithe ye sab dekh rahi thi kintu uske hath pair darr se abhi tak kaamp rahe the
Ratnesh uss jungli bhainse ke hamle se khud ko ludhakte huye bachate raha.....lekin ye to jungle tha na ki koyi khula maidan jaha vo asani se charo taraf bina kisi avrodh ke gulati maar sake
Aise hi jungli bhainse ke ek hamle se khud ko bachane ke liye vo jaise hi aage ludhak kar gaya to vahi lagi kaante daar jhadiyo me jake phans gaya
Ye dekh kar uss bhainse ne samajh liya ki uska shikar ab uske shikanje me poori tarah se phans chuka hai, apne nathune phula kar jor dar hunkar bharte huye agle pair se vaha ki jamin ko teen char bar khureda aur phir gardan jhuka kar apne agle hamle ke liye doud pada
Ratnesh ne khud ko uske hamle se bachane ke liye khud ko aur jyada kaanto me uljha liya....lekin is bar uski ek seeng ka vaar pet par lag hi gaya
Ye to ganimat thi ki usne kapde pahan rakhe the jiski vajah se seeng ka ghav jyada gahra nahi laga magar phir bhi chot wali jagah se rakta pravahit hona shuru ho hi gaya
Khoon bahte dekh kar Ratnesh bhi ab gusse me aa gaya aur thoda sambhal gaya…..jaise hi jungli bhainse ne agla hamla kiya to is bar usne dono seengo ko kas ke pakad liya
Dono apni apni taraf se poora jor lagane lage ek dusre ko piche dhakelne ke liye.....kabhi bhainsa ratnesh ko piche dhakelta to kabhi ratnesh bhainse ko.....kuch der tak yehi chalta raha, dono me se koyi bhi apni haar manne ko taiyyar nahi tha
Par tabhi Ratnesh ke mathe ka nishan achanak safed se lal hone laga aur kuch hi pal me vo bilkul aag ke gole ki tarah lal ho gaya...
Ratnesh ne us jungli bhainse ko piche dhakelna chalu kiya aur dhakelta hi chala gaya...aise lag raha tha jaise ki us bhainse ke pairo me pahiye lage ho aur vo halka sa dhakka dene par tezi se piche khisak raha ho....vo ladki apni saans roke badi hairani se ye sab dekh rahi thi
Theek vaise hi vo jungli bhainsa piche khisakta ja raha tha....aur antatah ratnesh ne usko dono seeno se palta kar patak diya...girne ke baad vo kuch der tak vaise hi nidhal hokar jamin par pada raha phir uth kar vapis tezi se jungle ke andar bhag gaya
Uss jungli bhainse ke jate hi ratnesh ke mathe ka surya chakra ka nishan punah purvavat ho gaya….apne kapde jhad kar usne uss ladki ki taraf rukh kiya
Ratnesh—niche aa jao vo chala gaya
Ladki (ped se utar kar)—ab dubara to nahi ayega na vo...... ?
Ratnesh—nahi ayega lekin............
Ab jakar pahli bar Ratnesh ne uss ladki ko dekha to dekhta hi rah gaya.....kudrat ki asim karigari ka ek jeeta jagta mishal thi vo....chehre me gajab ki chamak thi.....roop aur yauvan to uske ang ang se aise chhalak raha tha jaise ki madira ka pyala ho
Yahi haal uss ladki ka bhi ho raha tha Yuvraj Ratnesh ko dekh kar.......ratnesh ki bahaduri ki kayal to vo pahle hi ho chuki thi ab uske roop aur sundarta ko dekh kar apni sudh budh hi kho baithi
Ratnesh (mann me)—aisa anupam soundarya to maine pahle kabhi nahi dekha.....iske pratyek ang se yauvan ki madira chhalak rahi hai...chalti phirti madhushala hai ye
Laski (mann me)—kitna sajila aur sundar hai.....bahadur to aisa ki maine kabhi kalpana bhi nahi ki thi....kitni bahaduri se sahi samay par meri jaan bacha li lekin lagta hai aaj main apna dil is par haar jaungi....mera mann kyo uske chehre se nahi hat raha hai shayad ankhe bhi usko jee bhar ke dekhna chahti hain
Ratnesh—aap koun hain aur is ghane jungli janwaro se bhare jungle me kya rahi thi.... ?
Ladki—main kashi naresh Chitra Sen ki putri Rajkumari Parinita hu…..vaise log mujhe Pari kahte hain....Main Mata Mahakali ki pooja ke liye Rajgarh ja rahi thi apni saheliyo ke sath....lekin tabhi hame sher ki dahad sunayi di to main sher ko dekhne ki ichcha se jungle me ghus aayi....sher to nahi dikha magar ye jungli phainsa pata nahi kaha se mere piche hi pad gaya
Ratnesh (haste huye)—hahahaha…..lagta hai vo bhainsa bhi apke roop soundarya par mohit ho gaya hoga bechara tabhi to piche pada tha
Pari (aakulta se)—main apka shukriya kaise ada karu mujhe samajh nahi aa raha hai.....aapne meri jaan bacha kar jo upkar kiya hai vo main kabhi nahi bhul sakti...
Ratnesh—isme upkar kaisa…ye to mera farz tha
Pari—kya main apni jaan bachane wale ka parichay jaan sakti hu…….?
Ratnesh—Main Ayodhya ka Yuvraj Ratnesh hu……..ye jungle hamare hi rajya ki seema me aata hai….main yaha se gujar raha tha ki apki cheekh sun kar yaha aa gaya….
Pari—aap agar waqt par aakar aaj meri jaan nahi bachate to uss bhainsa to mujhe mrityu devta ke ghar pahucha kar hi manta
Ratnesh—vaise aap bahut khubsurat hain rajkumari parinita
Pari (sharma kar)—Parinita nahi kewal Pari kahiye......aur aap bhi kisi se kam nahi hain
Ratnesh—hame to apke is roop aur yauvan ne ghayal kar diya hai.....ab lagta hai ki hum kisi kaam ke nahi rah jayenge
Pari (laaz aur sharam se)—aap kisi ki jhoothi tarif me bate bhi bahut achchi kar lete hain
Ratnesh—sach kahte hain rajkumari....apko dekh kar aaj jeevan me pahli bar hame kuch kami mahsus ho rahi hai… shayad hamara dil apke paas chala gaya hai....jara use dhoond kar louta dijiye
Pari (nazare jhuka kar)—ye bhi to ho sakta hai ki badle me aapne bhi kisi ka kuch chori kiya ho
Ratnesh—kya churaya hai maine apka..... ?
Pari (mushkura kar)—mujhe nahi pata.....meri saheliya pata nahi kaha hongi.... ? ab main kaise unse mil sakungi... ?
Ratnesh—vo jyada dur nahi hongi.....chaliye main pahucha deta hu apko....
Ratnesh ne Pari ko apne sath ghode par bitha kar uski saheliyo ki khoj me nikal gaya.....kafi der tak talash karne ke baad akhir wo sab ek jagah par baithe huye mil gayi...
Pari ne sab se Ratnesh ka parichay karane aur sari ghatna batane ke baad Rajgarh me mata ke darshanarth nikal gayi aur Yuvraj apne mahal lout gaa........idhar singhal garh me ashwamegh yagya ki taiyyariya shuru ho chuki thi
SHORT BREAK
In The Dark Lok.......
Paridhi didi behosh padi huyi thi...main turant unke paas jakar unhe hosh me lane ka prayas karne laga....jab mere kayi bar pukarne ke baad bhi unko hosh nahi aaya to maine apni power ki madad se unki behoshi dur ki
Mere hatho se kuch tarange nikal kar unke mashtisk me jane lagi jisse unki chetna dhire dhire vapis lout aayi...sath hi uske jakhm bhi theek ho gaye....hosh me aate hi vo jor jor se chillane lagi
Paridhi (chillate huye)—nahiii......mujhe..chhod do.....mujhe jane do......bachaoooo.....chhod do mujhe
Raj (sar ko sahlate huye)—didi....yaha koi nahi hai....main hu....Raj
Is awaz ko sunte hi paridhi chounk gayi......turant apni ankhe khol kar usne apna chehra Raj ki taraf ghumaya aur use dekhte hi jor se uske gale se lag kar rone lagi
Paridhi (rote huye)—saajannnnn.....tum kaha chale gaye the....mujhe akela chhod kar......kitna tapdi hu main.......batao. kaha chale gaye the...apni Minakshi ko chhod kar....
Raj (shocked)—Minakshiiiiiii........ ?
Minakshi (rote huye)—saajan....ye log tumhari minakshi ke sath jabardasti karne ki koshish kar rahe the....in logo ne bahut mara mujhe
Raj—ab vo sab khatam ho chuke hain.....chalo yaha se chalte hain
Minakshi—huuuu....mujhe yaha se le chalo
Raj (mann me)—agar ye minakshi hai to phir vo koun thi...paridhi didi... ?, lekin use to minakshi hona chahiye tha mere hisab se aur isko paridhi….kya locha hai…ye…? Agar minakshi yaha hai to phir paridhi didi kaha hain.... ?
Lekin main ek baat se avashya hairani ho rahi thi ki us dankal ko marne ke pashchat mere upar koi vishesh hamla nahi hua aur main bina kisi rukawat ke ab yaha se dharti par bhi ja sakta hu
Main unko lekar Dark lok se adrishya hokar india me apni gayab hone wali jagah par aa gaya jaha se main adrishya hokar unicorn ke sath dark lok gaya tha....lekin minakshi mujhe badi hi ajib nazaro se dekh rahi thi
Minakshi (chounk kar dekhte huye)—Rajjjjjj.....tum jinda ho..... ?
Raj (shocked again)—rajjjj..... matlab Paridhi didi…..?
Paridhi (gale se lipat kar)—tum jinda ho mere bhai......kaha chala gaya tha.... ?…itna naraz ho gaya tha apni paridhi didi se…..aur Gudiya kaha hai…..?
Raj (mann me)—lagta hai mera dimag hi kharab ho jayega....vapis inko lekar dark lok jata hu...phir check karta hu...kya mamla hai..... ?
Paridhi—bol na tu chup kyo hai...raj.... ?
Raj—didi...aap pahle ankhe band karo
Paridhi—kyo….? Ye lo kar li ankhe band
Paridhi didi ne jaise hi ankhe band ki vaise hi main unko lekar adrishya hokar dark lok aa gaya…..main dekhna chahta tha ki phir se dark lok aane ke baad vo paridhi didi ki tarah behave karti hain ya phir minakshi ki tarah
Raj—didi….ankhe kholiye ab
Paridhi (shocked)—didiiiii……? Ye didi koun hai yaha……..? Apki koi bahan bhi hai…..aapne kabhi bataya kyo nahi…? Kaha hain vo....mujhe bhi milna hain unse......chaliye
Raj—phir ankhe band karo
Minakshi—huuuunn...kar li
Raj—ab ankhe kholo
Paridhi—kya kar raha hai raj bar bar…..
Raj—phir band karo
Paridhi—ok
Raj—ab khol lo
Minakshi—agyant kya kar rahe hain aap….?
Maine kayi bar dharti lok se dark lok aur dark lok se dharti lok paridhi didi ko lekar gaya…..lekin jab bhi vo dharti par aati to paridhi ban jati aur dark lok jate hi minakshi ke jaise behave karne lagti
Raj (mann me)—koi bahut bada maya jaal racha gaya hai….mujhe is sachchayi ka pata lagane ke liye kuch na kuch karna hi hoga…..aur isme meri madad sirf Guru Maa hi kar sakti hain…..Aaj divya ko unse milane ja hi raha hu to puch lunga…abhi isko hi paridhi didi samajh kar le chalta hu
Minakshi—kya soch rahe ho saajan…? Apne rajya nahi jana kya…?
Raj—minakshi, pahle tum mujhe mahal me aag lagne se lekar apne yaha tak kaise pahuchi......ye batao
Minakshi—us din main raat ke samay mahal me apne shayan kaksh me so rahi thi….tabhi…..
Idhar ghar me Priyadarshini apne kamre me saajan ki tasveer ko liye pyar us par hi apna pyar nyochhavar kiye ja rahi thi….unki manshik avastha is samay aisi thi ki agar koyi dekh le lo yahi samjhega ki ye ladki pagal hai
Mrinal—priyadarshini…..tu ro kyo rahi hai….? Kuch batati kyo nahi...... ? kya baat hai.... ?
Priyadarshini (sisakte huye)—mrinal aaj main jeet gayi….mera pyar jeet gaya….maa gouri ne meri vinti swikar li aur vidhata ko akhir meri halat par taras aa hi gaya
Mrinal—ufff…..sidhe sidhe bata na…ye paheliya kyo bujha rahi hai…..?
Priyadarshini (sisakte huye)—mrinal….mujhe saajan ka pata chal gaya…..mujhe mera saajan…mera pyar mil gaya……mere dhadakte dil ko uski saanse mil gayi
Mrinal (hairan)—kyaaaa……? Saajan ka pata chal gaya…….sach me…..? kaha rahta hai vo….bata..hum abhi issi waqt saajan se milne jayenge
Priyadarshini (rote huye)—hum kahi nahi jayenge……mera saajan yahi hai…….ab mujhe uss bhikhari sadhu baba ki baat ka matlab samajh me aaya ki unhone mujhe us paridhi se kyo milaya…taaki main saajan tak pahuch saku
Mrinal (sar khujate huye)—saajan aur yaha……? Dekh ab kahi tu ye mat kahne lagna ki vo veer balatkari tera saajan hai aur uss buddhe ko sadhu mat bol bhikhari baba theek hai……kahi tu ye to nahi…kahna chahti ki…Raj.
Priyadarshini—haaa………mrinal….haaan….Raj hi mera saajan hai……ab mere samajh me aa gaya…..ki kyo Raj ko dekhte hi mai vichlit ho jati thi…kyo usko dekhte hi mere dil me ek bechaini si uthne lagti thi…..kyo meri ankhe use dekhne ke liye mujhe uksati thi…? Lekin tab main in sab baato ka matlab hi nahi samajh saki thi
Mrinal—to phir tumne ye kaise kana ki Raj hi saajan hai…..?
Priyadarshini (ankho se pani tapkate huye)—uss photo wali kitab me mujhe Raj ki vahi wali tasveer mili jo ki mere paas me saajan ki hai
Mrinal—kyaa Raj ko pata hai …..?
Priyadarshini—mujhe nahi malum….?
Mrinal—to phir Raj ko kaise bataogi apne prem ke bare me…….? Kya vo tumhare prem ko samajh sakega…….? Mujhe to abhi tak aisa kuch samajh me nahi aaya jaisa ki tune bataya tha saajan ke bare me…….kaha tum ek sundarta ki jeeti jagti mishal, ek dev kanya aur kaha vo ek sadharan manav……kaisi jodi milayi hai Gouri maa ne…..?
Priyadarshini (rote huye)—aisa mat bol sakhi…….main Raj ko apne vishay me sab kuch bata dungi……main uske samne ghutmo par baith kar apne prem ka izhar kar dungi
Mrinal—lekin vo tumhari baato par kyo yakin karega…..? jabki yaha dharti lok me jaisa maine dekha hai sab in cheezo ko andh vishwash samajhte hain
Priyadarshini (rote huye)—unhe meri baato par jarur vishwash hoga kyon ki vo saajan hai…….aur saajan koi samanya manav nahi hai, mrinal…..aur koi aisi bhi hai jo mujh se bhi adhik khubsurat hai
Mrinal—agar saajan maan bhi jaye aur tumhare prem ko samajh bhi jaye tab bhi tumhare pita Devraj Indra is rishte ko kabhi swikar nahi karenge……mujhe to abhi se kisi anishtakari toofan ke aane ka andesha dikhayi dene laga hai
Mrinal aur priyadarshini apas me bate kar hi rahi thi ki main aur veer uske kamre ke paas pahuch kar door knock karne lage….darwaja mrinal ne khola
Raj—priyadarshini…maa ne bataya ki tum ro rahi thi,kya hua……?
Raj ki awaz sunte hi priyadarshini dhadakte hriday se raj ki ore palat gayi….aur bhagte huye raj ke sine se lag gayi.. veer ko to kuch samajh me hi nahi aaya
Veer—kya hua isko…..?
Mrinal (hath pakad kar)—ye balatkari….. chal hum dono ghum kar aate hain
Veer (hath chhudate huye)—hath chhod mera…..chal dur hat..
Veer mrinal ke upar chillata raha lekin mrinal usko khich kar bahar le gayi…..priyadarshini ke aise sine se lagne aur rone se main bhi hatprabh rah gaya
Raj (mann me)—meri dhadkane kyo tez ho rahi hain…..aisa kyo mahsusu ho raha hai jaise ki maine divya ko apne sine se lagaya ho….sab kuch vaisa hi ehsaas ho raha hai jaisa divya ke sath hota hai mujhe…..mere dil me ek ajib si thandak mil rahi hai….mera dil mere priyadarshini ki taraf khichav kyo mahsus kar raha hai….?
Raj—kya hua….tum ro kyo rahi ho…..? kisi ne kuch kaha hai kya…..?
Priyadarshini (na me gardan hilate huye)—uuuuhhuuuunnn
Priyadarshini kahna to bahut kuch chahti thi kintu uski juban uska sath nahi de rahi thi....vo saajan se apne dil ka haal bayan karna chahti thi, use apne prem ke vishay me sab kuch bata dena chahti thi lekin baat halak tak aakar ruk jati thi.....saajan ke sine se lagne par usko abhutpurva anivarchniya sukh aur shanti ki anubhuti prapt ho rahi thi...use aisa pratit ho raha tha jaise kisi murda sharir me phir se jaan aa gayi ho aur vo punah jinda ho jane ki khushiyo ko samet na pa raha ho jiske karan uski saanse teevra gati se gatimaan ho gayi ho
Raj—chup ho jao....rote nahi, main hu na..
Priyadarshini—huuuu
Raj—to phir kyo ro rahi thi.... ?
Priyadarshini (mann me)—main kaise kahu apne dil ka haal….kaise tumhe batau ki main tumse bahut prem karti hu saajan…..Jane kab se tumhari in baho me samane ke liye machal rahi thi….tumhare intazar me sharir me saanse to chal rahi thi kintu usme aatma nahi thi
Ittefak Se Hi Sahi Magar Mulakat Ho Gayi,
Dhoondh Rahe The Hum Jinhein Unn Se Baat Ho Gayi,
Dekhte Hi Unko Jaane Kahan Kho Gaye,
Wahin Se Humaare Pyaar Ki Shuruaat Ho Gayi
Raj—achcha chalo….taiyyar ho jao….tum bhi hamare sath college ghum lena aaj….main bahar intazar karunga tumhara
Priyadarshini—theek hai…main abhi taiyyar ho jati hu
Main priyadarshini ke room se nikal kar bahar aa gaya….main bahakne laga tha, mujhe darr tha ki kahi main uske sath divya ke dhokhe me kuch kar na baithu jaisi ki mujhe feelings aa rahi thi
Raj (hall me aate huye)—nani darling…shaam ko ready rahna….hum dono honeymoon par chalenge
Nani—nalayak…..mujhe honeymoon par le jayega…..isse achcha shadi kar le
Raj—main to taiyar hu nani bas apki haa karne ki der hai....kaho to do varmala sath me le chalenge....vahi par chat mangni pat vyah aur phir turant honeymoon.....no time waste
Roopa—ruk main karwati hu tera honeymoon…..avni beta vo jhadu de mujhe jara
Raj—nahi…mami..ye jhadu wala honeymoon nahi chalega….chinta mat karo apka bhi number ayega…..ye veer kaha chala gaya……..(veer aur mrinal ko bahar khade dekh)….abe vo pandu…chal college chalna hai ki nahi
Main sabko college chalne ka bol ready hone room me chala gaya….vaha vidhi mil gayi to jaldi se darwaja band kar ke use apne niche le liya
Mrinal—achcha…to tum gandu (pandu) ho ..
Veer (chilla kar)—chal bhag yaha se…….tab se mera dimag kha rahi hai
Mrinal—jati hu...itna chillata kyo hai.....main sab ko tera ye naya naam bata dungi
Veer—tu yaha se jane ka kya legi meri maa
Mrinal—chheee.....kaisi bate karta hai......mainteri maa kaise huyi....abhi to meri shadi bhi nahi huyi.....abhi meri umar sirf pachchis hazar saal to huyi hai
Veer (shocked)—tu koyi chudail vudail to nahi hai......ho bhi sakti hai.....lakshan to bilkul vaise hi hain tere
Uske baad hum sab college nikal gaye…sath me priyadarshini aur mrinal bhi gayi thi…
(Update Size : 3433 Words)
waise jo bhi ho veer ki halaat kharaab hai
