Bahut bahut shukriya Pandit bhai.
Aapne itne dino tak apna bahumulya samay diya iss kahani ko jiska main tahe dil se apka aabhari hu.
Ab apke sawal---
(1) Update delayed aate hain.
Bhai meri story par week me do se teen updates aate hi hain Saajan aur Chamatkar me.
Story Started in Nov 2018-
Saajan-180 updates
Chamatkar-82 updates
Saand-18 updates
Rishabh Mohini-10 updates
Naag Mani-10 updates
Chandrakanta-12 updates
Total- in 180 days lagbhag 300 updates.
Ab aap hi bataye bhai ki kya jinki single story running hai unme daily updates aate hain...?
Main phir bhi koshish kar raha hu updates dene ki jitna jaldi ho sake..kuch family aur personal life ke issues bhi rahte hain unko bhi samay dena padta hai bhai.
(2) Jaha tak Index banane ki baat hai to bhai mujhe index banana nahi aata isliye ye kaam pending hai...phir bhi main try karunga banane ki.
(3) Saajan me character bahut jyada hain jiski vajah se confusion hai.
Maine last punravlokan me ye baat clear kar di thi ki story me main characters kewal saajan,divya,pari aur priyadarshini hain.
Poori story inke ird gird hi rahegi....baki characters ko aap iss example se samajh lijiye ki
Jaise ek lambi doori ki train apne starting point se jab apne gantavya sthan ki taraf jati hai to usme beech me aane wale station ke log bhi chadhte aur utarte rahte hain....train apna route bhi change karti hai, ek hi route me nahi chalti...apne akhiri point tak pahuchne me kayi route change karti hai.
Theek vaise hi stories bhi hain..yaha passengers ki jagah readers hain.
Jaha tak confusionki baat hai to main pahle bhi ye baat kayi baar kah chuka hu ki har confusion ka jawab flashbacks hain....present ki story me koi confusion door nahi hoga jab tak ki aap flashback ko poore dhyan se nahi padhenge.....ateet vartaman ka aayina hota hai.
Lekin logo ki dolchaspi kewal maine present me dekhi hai isliye vo confused hain.
(4) Saand ke baare me main kuch nahi kahunga bhai....usko start karne ka reason sirf itna tha ki kayi log isme sex ki demand kar rahe the jabki isme sex scene ki gunjaish ban nahi pa rahi thi isliye unke liye saand chalu ki pure sex ki..lekin aage usme bhi changes ayenge.
(5) Naag mani me late update ka reason ye hi hai ki pahle main chamatkar ko end karna chahta hu jisse usko theek se run kar saku...hope next month se vo daily running me ayegi.
(6) Chandrakanta ke sabhi updates ready hain..ek ya do din me vo complete ho jayegi.
Aap hamesha se mere bahumulya reader rahe hain....apka sahyog aur apka hi kyo mere har uss reader ka sahyog jinhone iss kahani ko itna samman aur pyar diya main un sabhi ka anugrahit hu.
Shukriya bhai...mujhe behad khushi hai ki aapne kam se kam story chhodne se pahle reason to bataya...I really thankful to you.
