SAAJAN
UPDATE-186
Paridhi ke hath ki dono mutthiya aur muh ke jabde band ho chuke the...sath me ankhe bhi band ho chuki thi…lekin muh me se kinare se abhi bhi khoon bah kar bahar aa raha tha….unka sharir dhire dhire kala padne laga.
Ye dekh kar sabne jor jor se rona shuru kar diya tha…..chinta to mujhe bhi ab hone lagi thi….maine turant unko apni god me uthaya aur apne room ki oor bhaga tezi se…..sab mere piche piche doudne lage….maine ek laat maar ke darwaja tod diya aur apne room me aa gaya…sab log bhi vahi pahuch gaye siwaye vidhya mousi ke….
Raj (jor se)—Khul Ja Simsim…….
Aur phir………
Ab Aage……..
Mere itna kahte hi samne ki deewar ghad ghad karti huyi jordar awaz ke sath do hisso me dhire dhire alag hone lagi jo pahli dafa is drishya ko dekh rahe the unka muh ashcharya se khul gaya tha.
Kuch hi der me deewar ke hatne par vaha ek darwaja nazar aane laga…kintu darwaje ke bhitar khuch bhi nazar nahi aa raha tha siwa ghane andhkar ke.
Paridhi ka sharir har gujarte pal ke sath kala padta ja raha tha…unke muh se nikalne wale khoon ka rang bhi ab kuch kuch kala padne laga tha.
Maine paridhi ki aisi bigadti halat ko dekhte huye unko jaldi jaldi apni sochi huyi jagah par le jane ka nishchay kiya aur uss darwaje ki oor apne kadam badha diye….sabhi mere piche piche tezi se aane lage rote huye.
Raj—aap sab yahi rukiye….mere sath koi nahi ayega.
Payal—nahi…main tujhe kahi akele nahi jane dungi..samjha.
Raj—didi, main kisi picnic par nahi ja raha hu..pls
Mamta—beta main bhi tere sath jaungi…main tujhe dukhi nahi dekh sakti.
Raj—maa…isliye to main kah raha hu ki aap sab yahi raho…agar mere sath jayengi to yaha sabko sambhalega koun…?
Mamta (udas)—main to inko kisi tarah samjha bujha kar sambhal lungi kintu mujhe koun sambhalega, beta…..?
Veer—maa…main hu na….kya main apka beta nahi hu….? Pls raj ko jane dijiye…vaise bhi uske paas waqt bahut kam hai paridhi didi ko bachane ke liye.
Saloni—veer sahi kah raha hai…aap log halat ki nazakat ko samajhne ki koshish kijiye…agar aap sab raj ke sath gaye to vo apna focus paridhi ko bachane me poori tarah se nahi kar payega…aur paridhi ka blood jis tezi se kala hota ja raha hai usko dekhte huy main ye kah sakti hu ki uske paas kewal jyada se jyada ek se do ghante ka hi samay hai.
Neha (rote huye)—raj beta, mujhe to mat rok….ek maa ko uski beti se door mat kar..main tere hath jodti hu.
Raj—chachi, main apki beti ko door karne nahi balki apke paas karne hi ja raha hu…….khair theek hai, chaliye aap mere sath..dr. saloni ji aap bhi chaliye….mujhe apki help ki jarurat pad sakti hai.
Payal—main tere sath jaungi..jaungi..aur jaungi….aur dekh ..apni kasam vasam mat dena mujhe.
Raj—nahi..aur koi nahi jayega….that’s all…………..Simsim Light’s On…..
Aur phir achanak deewar ke andar phaila andhera ek hi pal me door ho gaya…..andar roshni hi roshni phail gayi… darwaje ke andar ek tahkhana nazar aane laga jaha tak jane ke liye darwaje ke andar sidhiya bani huyi thi….
Main paridhi ko lekar darwaje ke andar jane laga….mere sath neha chachi aur saloni bhi jane lagi…kintu payal didi jor jor se rone lagi.
Nani—raj, neha ja rahi hai to main bhi chalu sath me... ?
Raj—ji nahi...maine apna akhiri faisla bata diya hai.
Lekin yahi gadbad ho gayi.....payal didi jo mere sath na ja pane se ro rahi thi….nani ke aisa kahte hi unka dimag ghum gaya.....unka poora gussa nani ke upar toot pada.
Payal (rote huye gusse me)—budhiyaaa…..ye sab..tere hi karan hai…….aaj tujhe nahi chhodungiiii
Payal didi gusse se fufkarte huye nani ke upar jhapat padi aur jor se dhakka de kar niche gira diya....itne me bhi jab santosh nahi hua to unke baal pakad ke khichne lagi.
Mamta (chillate huye)—payallllllll.......ye kya harkat hai....chhod maa ko..
Payal (gusse me rote)—nahiii…ye budhiyaaaa aajjjj maregiiii…..sab issi ne kiya hai…
Chacha (jor se)—payalll ye kya pagalpan hai…main kahta hu chhodo unhe….
Nani—aaaaaaaa.....mamta....rajjj...bachaoooo...aaaaaaaa
Payal (gusse me jor se)—koi mere paas nahi ayega......nahi to main sab ko maar dungi......iss budhiya ko nahi chhodungiiiii.....(idhar udhar dekhte huye)—kaha hai meri kulhadi..... ? ruk abhi le kar aati hu.
Payal didi ke iss khatarnak ravaiye se mahoul me achanak badlav aa gaya...sabhi dahshat me aa gaye.....payal didi uth kar bistar ki taraf bhagi aur uske niche se apni kulhadi nikal li.
Nani (kulhadi dekh)—rajjjjjjj....bachaooooo....nahi to ye ...mmmmujhe...maar degiiiii.
Sabhi ne jaldi se nani ko jamin se uthaya......lekin payal ko rokne ki himmat kisi me bhi nahi thi....sab bhali bhanti uske gusse se parichit the...vo jante the ki payal gusse me kuch bhi kar sakti hai.....kulhadi le kar vo phir se nani ki oor bhagi tezi se..
Payal (gusse me)—budhiyaaa....aaj tujhe nahi chhodungiii.....sab dukh ki jad tu hai...aaj main ye jad hi kaat dungi.
Mamta (jor se)—main kahti hu ki..ruk ja payalll....rajjjj betaaaaaa
Main niche tahkhane ki sidhiya utar raha tha ki tabhi mujhe maa ke mera naam chillane ki awaz aayi to main jaldi se upar aa gaya...main bhi ye scene dekh kar sakte me ho gaya.....
Raj—didi....ruk jao...pls
Payal (rote huye)—nahi raj...sab ka karan yahi hai....na ye aisa karti aur na tu aaj mujhe thukra kar jata...main isko maar dungiiii.
Raj—come on....kya mere sath nahi chalogi... ? mujhe aaj akela chhod dogi….?
Itna sunte hi vo kulhadi phenk kar bhagte huye rote rote mujhse lipat gayi….main unhe ab yaha chhodna sahi nahi samjha….meri anupasthiti me vo na jane apni kulhadi se kis ki bali chadha de…koi bharosa nahi hai unka.
Payal (rote huye)—main kaha tujhe akela chhod rahi thi…tu hi mujhe chhod ke ja raha tha.
Raj—achcha baba, sorry…tension me mujhse galti ho gayi..ab chale
Payal—hmmmm
Ruchi—betu…main bhi chalu tumhare sath..pls..
Raj—didi...agar aap bhi chali gayi to maa ko aur iss pariwar ko koun sambhalega.... ? aap chinta mat kijiye loutne ke baad hum sab kisi achchi jagah ghumne jayenge.
Divya (mann me)—saajan….kya mujhe apne sath nahi le chaloge….?
Mere aage badhte pair jaise vahi ruk gaye....maine piche palat kar divya ki oor uski ankho me dekhne laga....uski bhi ankhe nam thi....lekin unme ek request bhi mujhe nazar aayi....shayad mere dil tak uski antar aatma ki pukar pahuch chuki thi....maine ankho ke ishare se hi divya ko apne sath aane ki moun swikrati de di.
Mera ishara pate hi vo bhi bhag kar mere paas aa gayi…..main un dono ke sath andar tahkhane me utar gaya…. Mere andar jate hi deewar phir se aapas me jud gayi….aur sab kuch yathavat ho gaya jaise ki vaha kabhi koi kahi darwaja na ho.
Tahkhane me pahuchte hi meri nazar uss anokhi yaan machine par gayi…..jo roshni se jagmaga rahi thi…poore tahkhane me uska prakash phaila hua tha.
Raj—Simsim open the door.
Agle hi pal uss yaan ka darwaja awaz karte huye khul gaya……doctor saloni chakit ho kar ye sab dekh rahi thi kintu usne kuch kaha nahi…..tabhi yaan ke andar se madhur awaz aayi jo ki robot ki thi….main sabhi ke sath yaan me baith gaya.
“Welcome Raj….”
Raj—shukriya simsim…..close the door….aur jitna jaldi ho sake mangal grah le chalo.
“Aap sab apni apni belt baandh lijiye….hum take over ke liye taiyyar hain” ek baar robot ki awaz ubhari.
Yaan ka door band ho gaya….maine paridhi ko ek bed par lita diya….belt kaste hi yaan ne safar ke liye ulti ginti shuru kar di…aur phir jor se awaz karte huye tezi se jamin ke andar jane laga.
Saloni apni taraf se lagatar injections ke jariye paridhi ki halat me sudhar karne ki koshish kiye ja rahi thi kintu paridhi ki halat me koi sudhar nahi dikh raha tha…iske vipareet uski tabiyat har prati kshan aur bhi kharab hoti ja rahi thi.
Ab to uske muh se nikalne wale khoon ka rang bilkul kala ho chuka tha…yaan me lage computer ke jariye unki chalti saanso ki gati ka andaza ho raha tha..jo ki lagbhag na ke barabar hi chal rahi thi.
Neha (nam ankho se)—meri beti bach to jayegi na doctor….? Ye uske muh se bahar bah rahe khoon ka rang kala kyo ho raha hai…?
Saloni—dekhiye…main ek doctor hu…agar ek doctor hone ki najariye se sach kahu to paridhi ko bachana mushkil hi nahi balki namumkin hai…uski saanse kisi bhi samay band ho sakti hain….sharir ke poore khoon me cancer ne apna kabza kar liya hai…isliye khoon ka rang kala ho gaya hai….ab to koi chamatkar hi ho jaye to hi ye anhoni honi me badal sakti hai..warna……
Raj (thoda jor se)—kuch nahi hoga unko…..meri dictionary me namumkin jaisa koi shabd hi nahi hai…samjhi aap doctor aap log science ki badi badi deenge maarte ho ki science itna taqatwar hai…hum ye kar sakte hain…hum vo kar sakte hain…science kuch bhi kar sakta hai…lekin satya to ye hai ki science ko itna janne wala khud koi scientist bhi apni jaan science ki help se nahi bacha sakta….kya apka science bhukamp ko rok sakta hai….? Badlo ko barasne se rok sakta hai…?
Raj—ek kratrim upgrah ki madad se kisi grah ki thodi si mitti kya utha li..kahne lage ki hamne poora grah ghum liya kuch ek grah ke naam ke baare me pata kya chal gaya to kahne lage ki hamne poora brahmand hi ghum liya… un karodo timtimate taaro ka kya jo aas maan me chamakte hain…? Unn taaro ke andar kya hai apki science ko pata hai….? Jab kuch pata hi nahi hai to aap ne kaise kah diya ki inki jaan bachana namumkin hai.
Saloni—raj…main to bas ek doctor hone ki haisiyat se kah rahi thi jo science ke anusar sahi hai.
Raj—apki science ke upar bhi ek maha shakti hai…uss bhagwan ki shakti..doctor sahiba
Neha—ab to mujhe kewal tera hi sahara hai raj
Divya—chachi, aap pareshan mat hoiye….sab theek ho jayega…bas upar wale par vishwash rakhiye.
Payal—haan..chachi…gudiya sahi kah rahi hai….agar raj ne kah diya ki paridhi ko kuch nahi hoga to vo usko kuch nahi hone dega….kya raj kya kya kar sakta hai apko bharosa nahi raha ab….?
Neha—aisi baat nahi hai beti….par main ek maa bhi to hu…ek maa ke hriday ke dukh ko abhi tum nahi samjhogi beti.
Divya (dhire se)—yaan se jane me subah ho jayegi….aap apni shaktiyo ka prayog kyo nahi kar lete jaldi pahuchne ke liye....? aur ek baat aap shayad priyadarshini ko bhul rahe hain ki vo ek dev kanya aur dev raj ki putri hai… vo apni shaktiyo se didi ko theek kar sakti thi.
Raj (dhire se)—hmmmm…..lekin vo apni shaktiyo ka prayog abhi karne me asmarth thi….maa gouri ne usko earth par shakti prayog ke liye mana kiya hua hai….isliye agar vo shakti se theek karna bhi chahti tab bhi nahi kar pati…vaise jaldi pahuchne ka tumhara idea sahi hai.
Maine mann me unicorn ko yaad kiya…vo turant hi yaan me mere samne aa gaya….saloni aur neha chachi uske aise achanak aane se ghabra gayi.
Unicorn—mere liye kya hukum hai malik.... ?
Raj—tum adrishya roop me iss yaan ko aage khicho aur mangal grah me muje jaldi pahucha do.
Unicorn—vaise iss yaan ki kya jarurat hai…aap sab meri pith par baith jaye main aadhe ghante me sab ko vaha pahucha dunga.
Raj—yaan ki jarurat padegi unicorn…..philhal jaisa maine kaha hai tum vaisa hi karo.
Unicorn—jo agya malik.
Unicorn adrishya ho gaya….aur yaan ko apni poonchh me baandh kar tezi se chal pada…maine yaan ki speed full kar di….unicorn ke jud jane se aur speed full hone se ab uski raftar bahut jyada ho chuki thi.
Agle kuch minute me hi ham samudra me pravesh kar gaye…..speed ke karan sab idhar udhar ludhakne lage…maine unko ek aur belt baandhne ko kaha.
Apne vaade ke mutabiq unicorn ne hame lagbhag aadhe ghante me mangal grah me pahucha diya yaan sahit…..yaan vaha hamare ghar ke maidan me utar gaya….hum sab bahar nikal ke andar aa gaye….maine paridhi ko bed par lita diya….unki saanse lagbhag ab thamne ki kagar par aa chuki thi.
Saloni—ye koun si jagah hai….?
Raj—ye mangal grah hai aur ye mera ghar hai.....aap sab yahi ruko main abhi aaya.
Payal—tum kaha ja rahe ho.... ?
Raj—main dawayi lene ja raha hu....bas gaya aur aaya.....tab tak koyi bhi boundry se bahar mat jana.
Neha—lekin abhi to raat hai...itne andhere me dawayi vo bhi iss jungle me kaha milegi, raj..... ?
Raj—dawayi jungle me nahi…balki ek pahad par milegi..aur vo jagah main janta hu….main abhi lout kar aata hu… chalo unicorn.
Main unicorn par sawar ho kar ek pahad par pahuch gaya jaldi hi…..vaha uss pahad par kayi tarah ki rang birangi chhote chhote ped poudhe the.
Maine apni ankhe band kar ke dhyan lagane laga….kuch hi der me mere manas patal par unn adbhut jivan dayini poudho ki tasveer ubhar kar samne aa gayi.
Maine ankhe khol kar unn tasveer wale poudho ki talash karne laga….kafi mashakkat karne ke baad akhir main unn poudho tak pahuch hi gaya….maine unhe pranam kar ke unki kuch pattiya tod kar rakh li aur phir unicorn ki madad se apne farm house jaise ghar me lout aaya…jaha neha chachi ro rahi thi.
Mera mann kisi anhoni ki ashanka se ghabra gaya to main turant hi andar bhag kar gaya….jaha vo paridhi ke paas baithe ro rahi thi…mujhe dekhte hi unka rona aur tez ho gaya….paridhi jor jor se hichki lete huye kaale khoon ki ultiya kiye ja rahi thi….divya aur payal didi ki ankhe bhi nam thi lekin vo sath me chachi ko samjha bhi rahi thi.
Raj—kya hua…? Sab itni jor se kyo ro rahi ho…?
Neha (rote huye)—rajjj…paridhi….
Raj—kya baat hai doctor sahiba….?
Saloni—paridhi ki saanse ab ukhadne lagi hain…shayad ab mushkil se kuch hi minutes baki hain ye ukhadti huyi saanse bhi band hone me….
Raj—hmmmm….kuch nahi hoga…..divya jaldi se inn pattiyo ko kisi patthar par pees kar inka ras nikal kar do mujhe.
Divya ne mere hath se unn pattiyo ko le kar turant hi vahi kone par rakhe masala kootne wale patthar par un pattiyo ko kootne lagi.
Kuch hi der me jab divya ne unhe pees kar barik kar diya to maine ek saaf kapde me unn peesi gayi pattiyo ko baandh kar unka ras nichodne laga.
Raj—ye lo doctor....ab aap ye ras kaise bhi kar ke unhe pilao aur phir injection ke jariye unki body me inject karo jaldi se.
Payal—lao raj..main paridhi ko pilati hu...aao gudiya.
Payal didi ne kisi tarah paridhi ka muh khola to divya ne chammach se ye ras unke muh me dalne lagi thoda thoda kar ke....vahi saloni ne kuch ras injection me bhar liya aur paridhi ki body me inject kar diya...
Saloni—ye sab kya tha raj.... ?
Raj—aap ne kabhi sanjivani vidhya ka naam suna hai.... ?
Payal—hmmm....vahi na jisko ramayan me laxman ji ke murchhit hone par hanuman ji himalaya se le kar aaye the aur phir usko pilate hi laxman theek ho gaye the.
Raj—correct
Saloni—lekin iss baat ka kya praman hai ki aisi koi jadi buti bhi ho sakti hai duniya me... ? ye bhi to ho sakta hai ki vo baat kalpanik ho.... ? aur agar ye satya bhi hoti to inko pahchanta koun... ?
Raj—aap ye char tarah ki pattiya dekh rahi hain jo main abhi laya tha…. Inme se ye pahli vanaspati ka naam mrit sanjivani hai….isme mare huye ko bhi jinda karne ki kshamta hai…dusri ka naam vishalya karni hai, ye sharir se kisi bhi prakar ke asadhya rog ko jad se nast kar deti hai…..teesri ka naam sandhan karni hai, ye sharir ki chot aur ghaav ko bhar deti hai…aur ye chouthi vanaspati ka naam sarvanya karni hai, ye twacha ke rang ko bahaal karti hai.
Raj-Inn char vanaspatiyo me se mrit sanjivani sabse mahatva purn hai...kyon ki iske bare me kaha jata hai ki yah vyakti ko mrityu shaiya se punah swasth kar sakti hai.
Sab (shocked)—kyaaa mrit sanjivani hai ye….?
Raj—haan
Iske baadd hum sab vahi baith kar paridhi ki body me hone wali kisi halchal ka intazar karne lage…unki saanse abhi bhi ukhad rahi thi aur muh se kala khoon bahar aa raha tha.
Lagbhag ek ghante tak yahi chalta raha....aur uske baad phir paridhi ka sharir thanda padne laga...aur dhire dhire shant hota gaya...unke sharir me ab koi halchal nahi ho rahi thi.....saloni ne check kiya.
Saloni—sorry....she is no more.......hum paridhi ko nahi bacha sake.
Itna sunna tha ki neha chachi pachhad kha kar gir padi aur behosh ho gayi…..shayad unko gahra sadma lag gaya tha jiski unhe ummid nahi thi…payal didi bhi rone lagi….jab ki divya nam ankho se abhi bhi meri taraf nihar rahi thi…. Shayad usko abhi bhi mujh par vishwash tha.
Maine apni ankhe band kar li aur bhagwan bhole nath ka mann hi mann dhyan karne laga…mere samne paridhi se mandir me shadi ke vo kshan nazar aane lage.
Raj (mann me)—hey bholenath…hey shiv shankar…..apke ashirwad se hi paridhi meri patni bani hai….aapne use sada saubhagyavati hone ka ashirwad diya tha…ab apne ashirwad ki laaz rakhna apke hi hatho me hai bhagwan.
नमामीशमीशान निर्वाण रूपं, विभुं व्यापकं ब्रह्म वेदः स्वरूपम् ।
निजं निर्गुणं निर्विकल्पं निरीहं, चिदाकाश माकाशवासं भजेऽहम् ॥
निराकार मोंकार मूलं तुरीयं, गिराज्ञान गोतीतमीशं गिरीशम् ।
करालं महाकाल कालं कृपालुं, गुणागार संसार पारं नतोऽहम् ॥
तुषाराद्रि संकाश गौरं गभीरं, मनोभूत कोटि प्रभा श्री शरीरम् ।
स्फुरन्मौलि कल्लोलिनी चारू गंगा, लसद्भाल बालेन्दु कण्ठे भुजंगा॥
चलत्कुण्डलं शुभ्र नेत्रं विशालं, प्रसन्नाननं नीलकण्ठं दयालम् ।
मृगाधीश चर्माम्बरं मुण्डमालं, प्रिय शंकरं सर्वनाथं भजामि ॥
प्रचण्डं प्रकष्टं प्रगल्भं परेशं, अखण्डं अजं भानु कोटि प्रकाशम् ।
त्रयशूल निर्मूलनं शूल पाणिं, भजेऽहं भवानीपतिं भाव गम्यम् ॥
कलातीत कल्याण कल्पान्तकारी, सदा सच्चिनान्द दाता पुरारी।
चिदानन्द सन्दोह मोहापहारी, प्रसीद प्रसीद प्रभो मन्मथारी ॥
न यावद् उमानाथ पादारविन्दं, भजन्तीह लोके परे वा नराणाम् ।
न तावद् सुखं शांति सन्ताप नाशं, प्रसीद प्रभो सर्वं भूताधि वासं ॥
न जानामि योगं जपं नैव पूजा, न तोऽहम् सदा सर्वदा शम्भू तुभ्यम् ।
जरा जन्म दुःखौघ तातप्यमानं, प्रभोपाहि आपन्नामामीश शम्भो ॥
Maine mahadev ko pranam karke apni ankhe khol kar paridhi ke sir ko god me rakh liya….aur sahlane laga…maine apni ungli me blade se thoda cut maar ke ungli paridhi ke muh me ghusa di.
Divya—saajannnnn
Payal—rajjjjj
Saloni—ye kya kiya tumne….ungli bahar karo, warna paridhi ka blood tumhare khoon se mil jayega…kya tum jante nahi ki usko blood cancer tha.
Raj (mushkura kar)—sssssssssssshhhhhh….ab sab theek ho jayega….shayad mahadev ki yahi ichcha hai.
Agle hi kshan paridhi ke sharir me tezi se kampan hone laga…..ye dekh sabhi chounk gaye….maine apni ungli bahar nikal li jis par payal didi ne bandaze baandh di aur saloni paridhi ko check karne lagi.
Udhar ghar me mere jane ke baad sabhi paridhi ke karan dukhi the to payal didi ke aaj ke ravaiye se naraz evam khaufjada bhi ho gaye the….aur nani aur sabhi mamiya ghar jane ki taiyyari kar rahi thi apne…ye baat pata chalte hi ruchi aur mamta unke room me gayi jaha sabhi ekattha thi.
Mamta—ye kyaa…? Aap sab kaha jane ki taiyari kar rahi hain…?
Nani—beti ab yaha rahna theek nahi hai.
Roopaly—aur nahi to kya didi….hum to raj ko apna hi beta samajh kar yaha rahne aaye the…iss ghar ko apna hi ghar samajh baithe the…..lekin aaj jo ghatiya harkat payal ne ki uske baad yaha rahna theek nahi hai.
Geeta—didi…agar hum yaha rahe to payal ne aaj jo maa ji ke sath kiya hai kal ko hamare sath bhi kar sakti hai… uska kya bharosa…?
Kanta—ye sab kya tha, mamta…? Payal kya pagal hai….?
Mamta—nahi payal pagal nahi hai….
Madhu—to phir usne aisa kyo kiya..... ?
Mamta—vahi to main bhi soch rahi hu ki usne aisa kyo kiya…..? kyon ki payal ko kisi ke upar itna gussa tabhi aata hai jab kisi ne raj ko koi nuksan pahuchane ki koshish ki ho…..payal bahut chahti hai raj ko….maa, kya kiya hai aap ne raj ke sath….?
Mamta ke iss sidhe sawal se nani andar tak kaamp gayi….unhe samajh me nahi aaya ki kya jawab de vo apni beti ki baato ka….?
Geeta—didi, ye aap kaisa sawal kar rahi hain maa ji se…..? payal ko galat thahrane ke bajaye aap maa ji ko hi dosh de rahi hain.
Mamta—bhabhi....vo apki saas baad me hain...pahle vo meri maa hai.... ?
Mamta—apko sab ko yaad hai jab ek baar main mayke aayi thi..madhu bhabhi apki shadi ke time....tab ek din mandir me pooja karne jate samay payal ne vaha ke pujari ko apni naak band kar ke yogasan karte huye dekha tha....tab apko yaad hai ki payal ne kya kiya tha.
Short Flashback..
Payal—ye aap kya kal lahe ho…? (aap kya kar rahe ho)
Pujari (jhuth)—beti, main bhagwan ji ke darshan kar raha hu.
Payal—kya aise naak band kalne se bagmaan (bhagwan) ji dikhte hain.... ?
Pujari—haa, jarur dikhte hain…aur vo har baat maante hain.
Payal—achcha
Mayke se loutne ke baad ek baar raj ko pani me bhigne ki vajah se nimonia ho gaya.....raj tab koyi do saal ka raha hoga aur payal karib char paanch saal ki.....raj ki tabiyat bigadti chali gayi...usne aaj teen din se ankhe hi nahi kholi thi yaha tak ki doctors ne bhi apne hath khade kar diye the.
Mamta—doctor sahab..mere bete ko bacha lo....mere kaleje ka tukda hai vo.
Doctor—sorry bahan ji...apke bete ka nimonia bigad chuka hai....ab main kuch nahi kar sakta.
Ruchi (masumiyat se)—uncle, mera betu kab theek hoga... ?
Doctor—beta aap bahar khelo.
Payal (rote huye)—doctal uncle...raj ko teek kal do..main apko bahut sale paise dungi…? Aap meli gaali (bachcho wali car) bhi le lo…mele bhai ko teek kal do bas….mujhe apne raj ke sath khelna hai.
Doctor—beta….aap bhagwan ji se prarthana karo vo apki baat jarur manenge.
Tabhi payal ko uss mandir wale pujari ki kahi baat dhyan me aa gayi.....vo turant hospital ke bahar bane radha krishna mandir me ja kar dono chote chote hatho se apni naak daba ke murti ke samne baith gayi….naak band karne se usko saans lene me dikkat hone lagi…kintu usne tab bhi naak nahi chhodi.
Payal (mann me)—bhagmaan ji mele raj ko teek kal do……main apki hal baat manungi
Lekin naak band karne se bhi kahi bhagwan dikhte hain…..? jo usko dikhayi dete….par uske bhole mann ke andar ye vishwash baith gaya tha ki naak band karne bhagwan dikhte hain..isliye usne naak nahi chhodi.
Pujari—beta tum ye kya kar rahi ho….?
Payal—mela bhai bimal hai aur doctal uncle kahte hain ki ab bhagmaan ji hi mele bhai ko teek kal sakte hain.. isiliye main naak band kal ke bhagmaan ji ke dalshan kalungi aur unse kahungi ki vo mele raj ko teek kal de.
Pujari—beti..tumse kisne kaha ki aise karne se bhagwan darshan dete hain…? Chalo naak chhodo nahi to saans kaise logi…?
Payal—nahi…jab tak bhagmaan ji mele raj ko teek nahi kalte main naak nahi chhodungi.
Saans ka aavagaman sharir me rukne se payal ka sir chakrane laga tha…par phir bhi usne naak nahi chhodi….aur akhir vo behosh ho kar vahi gir gayi.
Ab isko koi chamatkar kahe ya phir uss masum payal ka vishwash aur raj ke liye aisa pyar ki yaha payal behosh huyi aur udhar raj ne apni ankhe khol di.
Ankhe khole hi vo bistar se uth kar aise baith gaya jaise ki usko kuch kabhi hua hi na raha ho….sab ke chehre par khushi chamak uthi.
Jab unka dhyan payal ki oor gaya to vo vaha nahi thi….kafi khoj been ke baad unhe pata chala to vo mandir me gaye jaha payal abhi tak behosh thi.
Pujari ne unhe sari baat batayi to sab ki ankhe nam ho gayi…usko turant hospital laye….kuch samay baad usko hosh aa gaya.
Flashback End
Mamta—ab aap samajh gayi hongi ki payal raj se kitna pyar karti hai….vo raj ke liye kuch bhi kar sakti hai…apne baap ke sath usne kya kiya ye sab aap janti hi hain…..pata nahi baad me uske dil me ye darr kaise sama gaya ki ghar ke log hi raj ko marna chahte hain...? tab se usne kisi ko bhi raj ke paas tak nahi aane deti thi....uske mann me hamesha darr bana rahta tha ki ghar ka hi koi raj ko maar dena chahta hai...ab aap batao maa ki aap ne kya kiya hai raj ke sath jisse payal ko itni nafrat hai aap se……?
Jaha ye sab aaj ki iss ghatna par baat kar rahi thi vahi raj ke jate hi chanchal ki himmat bhi toot gayi aur vo bina kuch kahe hi vapis jane lagi.
Kintu tabhi kisi ne raste me hi uska hath pakad ke kamre ke andar khich liya…..ye koi aur nahi balki vidhya mousi thi jaha dono me nok jhok chalu ho gayi.
Magar dono ko hi nahi malum tha ki bahar inki baato ko kisi ne sun liya hai aur inn dono ki baato se uske dil me bahut gahra sadma laga…seene me dard, ankho me pani….uske iss dard aur anshuo ne ek bhayankar jwalamukhika roop dharan kar liya aur phir usne ek jhatke me hi unke room ka darwaja khol diya.
(Update Size : 4583 words)
Note :- Nani ke sath baatcheet aur Vidhya & Chanchal ki conversation details agle update me.
