Bahut bahut shukriya bhai iss anmol prati kriya ke liye.
Aapne ye to dekha ki sheetal ne jaan bujh kar musibat mol le li.
Kintu aapne uss musibat ka parinam andekha kar diya.
Jaisa ki main pahle hi dikha chuka hu, sheetal, raj ki dhaal hai aur hamesha se rahi hai, uska arth aap samajh nahi paye abhi tak...dhaal ka arth kewal powerful ho kar dus bees logo ko maar dena hi nahi hota hai dost balki manzil tak pahuchne ke liye marg prashast karna bhi hota hai.
Abhimanyu ne jaan bujh kar chakravyuh me pravesh kiya tha jabki usko uss vyuh se bahar nikalne ka marg malum nahi tha aur vo usme phans kar mara gaya kintu ise uski bewaqoofi to nahi kaha ja sakta ..apni jaan jokhim me daalne ke piche uski soch kya thi, ye jyada mahatvapoorn hai..agar vo uss samay vaisa kadam nahi uthata to uss yuddh ka parinam hi kuch aur hota.
Yaha bhi aapne bar bar sheetal ke aisi bewaqoofi bhare kadmo ka jikra kiya hai, lekin aapne aisa karne ke piche uski soch aur usse nikalne wale results par dhyan nahi diya.
Sheetal jab apni bewaqoofi se deshraj ke changul me phansi thi, tabhi raj aur deshraj ka encounter hua tha...na vo aisa karti, aur na hi black star, thakur ka sabke samne pardaphaas hota...na chhamiya ki izzat bachti aur na hi deshraj jaisa gaddar mara jata.
Agli bewaqoofi usne bina bataye jaipur ja kar ki, aur jaicky dada ke changul me phans gayi..result jaicky dada mara gaya..aur sadhana aur public ko jaicky dada jaise gunde se chhutkara mil gaya.
Apni bewaqoofi se vo thakur ke changul me phansi to parinam thakur apne bhai sahit mara gaya aur sab ko ek bhrast neta se chhutkara mil gaya.
Yaha bhi uski ye bewaqoofi hi ghar ke andar chhupe gaddar ko samne layegi...har bar uski soch positive hi rahi hai..lekin uski yahi harkate raj ko uski manzil tak pahuchne ke liye rasta kholti ja rahi hain.
Sheetal ke sath koi bhi ghatna raj ko aniyantrit kar deti hai...aur uska yahi aniyantran use manzil ke karib pahucha deta hai.
Dusre shabdo me aap ye bhi kah sakte ho ki pyar andha hota hai...jaha dil to kaam karta hai lekin dimag lagbhag shunya ki avastha me pahuch jata hai.
Sheetal ki bimari sabse khas kar raj se chhupi huyi hai...uski ye bimari hi raj ko black star tak pahuchayegi..kaise..? ye to aage hi pata chalega...ek tarah se ye maan lo ki sheetal, raj ki marg darshak hai jo khud musibat mol le kar uske manzil tak pahuchne ka rasta banati ja rahi hai.
