Incest SAB KUCH JAYAZ HAI...

[mass8787]

ok

 

[ship20]

very interesting ...

 

[Jonty]

Bhai log....

Shadiyo ki vajah se main update ke liye time nahi de pa raha hu. Maine likhne ki koshish ki magar sahi tarah se man nahi laga paya. Is liye main kuch time ka gap lena chahta hu. Plz aap log meri is baat se angry mat hona. Main holi ke baad se update dena start karuga. Kyo ki holi tak mere paas time nahi hai. Waise to april aur may me bhi shadiya hain jo ki mere hi pariwar me hain. Abhi to relatives me chal rahi hain....

I hope aap log mind nahi karege. Agar mujhe likhne ka time mila to main try karuga beech me bhi update dene ka magar 100% sure nahi hu....

Keep Supporting & Stay With....


​

Ok...

 

[firefox420]

SAB KUCH JAYAZ HAI....
UPDATE = 27
Present Start....
​

Train ka safar bahut lamba tha. Waise to train kayi jagah ruki thi magar main train se utra nahi balke apni jagah par chup chaap baitha hi raha. Main apni hi duniya me khoya hua tha. Mujhe kisi se koi matlab nahi tha aur fir aise hi baithe huye mujhe jane kab neend aa gayi. Meri aankh shor sharabe ki vajah se khuli to dekha train ke sab yaatri train se utar rahe the. Unhe main murkho ki tarah dekhe ja raha tha fir jaise mere dimaag ne kaam kiya aur mujhe samajh aaya ki train se mujhe bhi utar jana chahiye. Shayad ye train ka aakhiri stop tha. Ye soch kar maine uthne ki koshish ki to pata chala ki main uth hi nahi pa raha hu. Badi mushkil se main utha aur train se utar kar sabke sath station se baahar aa gaya.

Ye jagah mere liye puri tarah se nayi thi. Mujhe yaha ke bare me kuch bhi nahi pata tha. Station ke baahar aa kar maine ek baar peechhe palat kar dekha to station ka naam HAZRAT NIZAMMUDIN likha dikha. Matlab main train se delhi aa gaya tha.

Ab aage padhiye....​

Train ek jhatke se ruki to mujhe bhi jhatka laga aur isi jhatke ki vajah se main apne ateet se baahar aa gaya. Maine idhar udhar dekha to samajh me aaya ki train kisi station par ruk gayi hai aur kuch log train se utarne ke liye ja rahe the. Maine apne right hand me bandhi ghadi me time dekha to subah ke saat baj chuke the. Main samajh gaya ki meri raat ateet ke khayaalo me khoye huye hi guzar gayi thi.

Mujhe mere shahar pahuchne me abhi time tha. Gyarah baje mere shahar is train ke pahuchne ka time hai. Subah ho hi gayi thi aur station me chaay aur samose bechne walo ki awaaze aa rahi thi to maine socha chaay pi leta hu. Tabhi ek chaay wala hamare dibbe me upar hi aaya to maine usse chaay li aur uske paise dene ke baad chaay pine laga. Chaay kuch khaas to nahi thi magar kaam chal gaya tha.

Mere aas paas kaun kaun baitha tha ya leta hua tha mujhe unse koi matlab nahi tha aur ab tak maine un me se kisi ko dhyaan se dekha bhi nahi tha. Main upar wale birth par leta hua tha. Raat bhar jaagne ke baad bhi meri aankho me neend na naamo nishaan na tha. Maine socha ki train chale to main washroom jaau aur waha par fresh ho lu. Maine upar se hi jhaank kar neeche dekha to neeche ki sheet par jo soye huye the wo ab uth kar baithe huye the aur samne wali sheet par baithe kuch logo se baate kar rahe the.

Main utha aur neeche utar aaya. Neeche aane ke baad maine sabse pahle apne samaan ko check kiya jo ki sahi salamat hi sheet ke neeche rakha hua tha. Ek bada wala bag maine upar hi apne paas rakh liya tha. Neeche jo sheet thi usme abhi bhi itni jagah thi ki main araam se baith sakta tha.

Train fir se chal padi to main uth kar washroom ki taraf badh gaya. Washroom se fresh hone ke baad main wapas apni jagah par aa kar baith gaya. Tab maine waha par baithe logo ko dhyaan se dekha. Main jis sheet par baitha tha usme teen log aur baithe the jisme se ek mard tha ek aurat aur ek ladki thi jo ki abhi bachchi jaisi hi thi. Jabke samne wali sheet par do aadmi do aurte baithi huyi thi.

Dhire dhire wo log mujhse bhi baate karne lage. Baato baato me hi pata chala ki unme se jo samne wali sheet par ek aadmi baitha tha use mere shahar me hi utarna hai. Maine bhi use apne bare me bataya ki mujhe bhi wahi utarna hai. Jab use ye pata chala to usne mere bare me pucha to maine use apne gaav aur pariwar ke bare me bataya. Fir jab maine apne pita ji ka naam liya to wo chaunka.

Us aadmi ka naam Ranjan shriwastav tha aur peshe se wo patwari tha. Usne bataya ki wo mere pita ji ko achhi tarah pahchanta hai. Pahchanne ki vajah thi zameen. Pichhle teen saal se ek zameen par mashla chal raha tha. Yu to zameen jiske naam par thi wo ab duniya me hain hi nahi magar unke baad us zameen par hak mahesh pandey ke pita ji ka tha aur unke baad ab mahesh ji ka hak hai. Magar zameen ke kaagjaato ke bare me aur khud zameen ke bare me pahle unhe pata hi nahi tha. Wo zameen lawarish hi padi huyi thi jis par dusre gaav ka sarpanch jiska naam mani shankar tiwari hai wo gair kanuni tarike se kabja karna chahta tha.

Main us aadmi ki ye baate sun kar hairaan tha. Mujhe bhi is bare me kuch pata nahi tha aur na hi didi ne phone par bataya tha. Patwari ne saaf saaf kaha ki us zameen par hak mere pita ji ka hi hai magar pahle kaagjaat nahi mil rahe the is liye mani shankar us zameen par dawa thonk raha tha. Ab jab zameen ke kaagjaat mil gaye aur asli hakdaar bhi mil gaya to mani shankar apni taakat ke bal par use hathiyana chahta hai.

Mani shankar ne saaf saaf dhamki di hai ki agar us zameen par mahesh ji ne apne hak ke anusaar jotaayi ka kaam kiya to wo uske pariwar ke sath kuch bhi karwa sakta hai. Bas tab se wo zameen aise hi padi hai. Apne pariwar ki bhalaayi ko dekhte huye mahesh ji kuch kar nahi sakte aur ab halaat ye hain ki mani shankar khud hi us zameen par apna hak jatate huye fasal uga raha hai.

Main patwari ki ye baate sun kar kafi der tak sochta raha. Uske baad maine usse kaha ki jaise wo zameen to hamari hi hai to ham use bech to sakte hain na? Meri is baat se patwari ne kaha ki bilkul bech sakte hain magar mani shankar aisa hone nahi dega to maine kaha wo main dekh luga. Patwari ne mujhe ye bhi bataya ki mani shankar use is baat ke liye muh maage paise de raha tha ki wo kisi tarah se us zameen ko uske naam karwa de magar usne aisa nahi kiya tha abhi tak.

Patwari ne mujhe is bare me bahut si baate bataayi aur mujhse pura help karne ka wada bhi kiya. Maine usse uska phone no liya aur use bhi apna diya. Aise hi hamare beech baate hoti rahi aur jab gyaarah baje to train hamare shahar ke station par ruki. Train ke rukte hi main apne samaan ko le kar train se utarne ke liye chal pada. Wo patwari bhi mere sath hi tha aur uski biwi bhi. Patwari mujhe bahut hi bhala aadmi laga aur uski biwi bhi. Usne mujhse ye bhi kaha tha ki mahesh ji ka ek ladka tha jo kuch saal pahle kahi chala gaya tha. Uske aisa kahne par maine use bataya tha ki wo ladka main hi hu.

Train se utar kar main uske sath hi station se baahar aaya. Baahar aa kar maine dekha ki use lene car se koi aaya tha to wo miya biwi car me baith gaye. Maine un dono ko hath jod kar namaskar kiya uske baad maine bhi chalne ka socha. Mere dimaag me khayaal aaya ki main koi cab book kar leta hu ghar ke liye. Bus se jane me kafi wakt lag jayega. Ye soch kar maine wahi par aas paas cab ke bare me pucha to ek aadmi jald hi mil gaya mujhe. Usne gaav tak jane ke liye ek hazar rent bataya to maine kaha thik hai chalo.

Cab me maine apne dono bag rakhwaye aur fir cab me baith kar gaav ke liye chal diya. Saare raaste main apne ghar pariwar ke bare me sochta raha aur us patwari ki baato ke bare me bhi. Jaise jaise main apne gaav ke kareeb pahuchta ja raha tha waise waise mere dil ki dhadkane bhi badhti ja rahi thi. Aaj paanch saal baad main apne gaav apni janm bhumi me wapas laut kar aa raha tha. In paanch saalo me shahar kafi badal gaya tha aur shayad gaav bhi badal gaya hoga.

Mere man me bahut sare khayaal aa rahe the aur bahut sari baate bhi. Main soch raha tha ki kaise honge mere mata pita aur kaisi hongi meri bahne.? Mera ghar kaisa hoga aur mere gaav ki galiya kaisi hongi.? Mera dil kar raha tha ki main ek pal me apne ghar pahuch jaau. Ab ek pal bhi bitana mujhe bhaari pad raha tha.

Kareeb ek ghante lage mujhe. Bus se aata to kafi time lag jata. Cab ke driver ne cab ko mere ghar ke samne bade se lawn me roka. Kisi waahan ki awaaz se kuch hi palo me ghar ka darwaja khula aur darwaje ke beecho beech meri wo bahan khadi nazar aayi jise main sabse zyada pyar karta tha. Meri kusum didi...meri rooh ki raahat...mere dil ki dhadkan.

Darwaje ke beech khadi wo hairani se cab ki taraf dekhe je rahi thi. Fir jab main cab se baahar nikla aur unki nazar mujh par padi to ekdam se unki aankhe chhalak padi. Unka khubsurat gora chehra dukh aur takleef se bhar gaya. Unki ye haalat dekh kar tadap to main bhi utha magar maine apne aapko samhala aur cab se apne bag nikaal kar kachchi zameen par rakha. Ye wahi zameen aur ye wahi jagah thi jaha par aaj se paanch saal pahle main gira pada tha. Is zameen aur is jagah ko dekh kar meri aankho ke samne pal bhar ke liye wo manzar dikha aur fir gayab ho gaya.

Bag nikaal kar maine cab wale ko uske rent ke paise diye to wo waha se chala gaya aur main dono bag ko ek ek haath se pakde ghar ke darwaje ki taraf chal pada. Main jaise hi darwaje ke paas pahucha to kusum didi meri taraf jhapat kar badhne hi wali thi ki tabhi peeche se meri dono judwa bahne duadte huye aa gayi. Unki awaaz sun kar hi didi ruk gayi thi. Shayad wo mujhe itne saalo baad dekh kar mujhse gale milna chahti thi aur apni paanch saalo ki tadap ko baahar nikaal dena chahti thi magar priya pooja ke aate hi unhone khud ko rok liya tha. Haal to mera bhi wahi tha...mera bhi ji chaah raha tha ki apni didi se lipat jaau magar ye sahi wakt aur sahi jagah nahi thi.

Mujhe dekhte hi priya pooja khushi ke mare ro padi aur daudte huye aayi aur mujhse lipat gayi. Dono buri tarah ro rahi thi. Maine badi mushkil se unhe samhala. Baahar ki ye awaaze andar tak gayi thi shayad. Yahi vajah thi ki kuch hi palo me meri maa bhaagte huye baahar aayi aur mujhe dekhte hi darwaje par jad si ho ke khadi rah gayi. Murjhaye huye chehre par jaise bahaar aa gayi...aur fir ekdam se sooni aankho se aanshu chhalak pade. Wo ekdam se vicky kah kar cheekhi aur jhapat kar mere paas aayi aur priya pooja ko hata kar mujhe apne kaleje se laga liya. Maa ke kaleje se lag kar mujhe aseem sukh aur shaanti mahsoos huyi. Aisa laga jaise barsho ki thakaan aur pareshaniya ka the end ho gaya ho.

Kafi der tak maa mujhe apne kaleje se lagaye roti rahi aur jane kya kya kahti rahi. Meri aankho se bhi aanshu bah rahe the. Ham kisi bhi duniya me chale jaye aur chaahe kitni hi badi daulat ko haasil kar le magar isse badi daulat teeno loko me nahi mil sakti thi. Meri nazar kusum didi par padi wo wahi chaukhat par khadi mujhe dekhe ja rahi thi. Unki aankho me ek tadap thi jise main mahsoos kar raha tha.

Thodi der baad maa mujhe andar le aayi. Mere hatho me jo do bag the unhe priya pooja khaseet'te huye andar le aa rahi thi. Andar aaya to dekha sab kuch waisa ka waisa hi tha jaise aaj se paanch saal pahle tha. Magar ek cheez me fark tha aur wo ye ki ghar ki diwaaro ka pain purana ho gaya tha aur jagah jagah se ukhda hua dikh raha tha. Main samajh gaya ki yaha saalo se pain nahi hua hai. Shayad mere jane ke baad kisi ne paint hi nahi karaya tha ghar me. Maine har taraf dekha magar mujhe pita ji nazar nahi aaye to maine maa se unke bare me pucha to maa ne nam aankho se apne kamre ki taraf ishara kiya.

Mujhe didi ne bataya tha ki pita ji bimaar rahte hain aur kamre me hi pade rahte hain. Main pita ji ke kamre ki taraf chal pada to maine mahsoos kiya ki mere jisam ka roya roya ek ajeeb se ahsaas se khada ho gaya tha. Mere andar ek dar sa aa gaya tha. Dimaag me bahut si baate chal rahi thi.

Kuch der me jab main pita ji ke kamre me pahucha to maine dekha pita ji dusri taraf karwat liye pade the. Unhe dekh kar mere kadam ruk gaye. Mujhme himmat nahi ho rahi thi ki main unke paas jaau aur unse baat karu. Tabhi mere kandhe par kisi ne hath rakha to maine mud ke dekha. Mere peeche maa aur meri bahne khadi thi. Maine maa ko dekha to maa ne mujhe pita ji ke paas jane ka ishara kiya to main aage badh chala.

Pita ji ke pairo ke paas pahuch kar main khada ho gaya aur fir mere ghutne mude. Maine apne ghutno par baith kar apne sir ko pita ji ke pairo par rakh diya. Mere sir ke bojh se hi shayad pita ji ko kuch abhaas hua to unme halchal huyi. Unhone khud ko kisi tarah seedha kiya aur apne pairo ki taraf dekha. Maine apne dono hatho se unke dono pairo ko pakda hua tha aur apne sir ko unke pairo me rakha hua tha. Ye mere wahi pita ji hain jo mujhe apni jaan se zyada pyar karte the magar kabhi dikhate nahi the. Unhe mujh par bahut garv hota tha. Sare gaav me wo sir utha kar chalte the. Jab bhi koi meri tareefe karta to wo andar hi andar khushi se gadgad ho jate the.

Pita ji ke pairo me sir rakhe mujhe lag raha tha ki ab duniya yahi par ruk jaye aur main yahi par fana ho jaau. Mujhe andar se bahut zyada rulaayi aa rahi thi magar maine apne aapko mushkil se roka hua tha. Tabhi mere kaano me pita ji ki ajeeb si awaaz padi.

Unhone mujhe mere naam se pukara tha. Maine mahsoos kiya ki wo uthne ki koshish kar rahe hain to maine jaldi se sir utha kar unki taraf dekha to buri tarah hairan rah gaya. Meri aankhe jis insaan ko dekh rahi thi wo to ab bahut hi kamzor dikh raha tha. Unka jisam jo pahle hatta katta hua karta tha magar ab wo bilkul kamzor sa pad gaya tha. Apne janmdata ko is haal me dekh kar mujhe bade zor ka jhatka laga. Tabhi pita ji ne meri taraf dekha to unki gaddho me dhasi aankho me pahle chamak aayi fir ekdam se unme aanshu dikhne lage.

Wo puri taakat laga kar bed se uth kar baith gaye aur fir meri taraf dekhte huye apne dono hath faila diye. Ye dekh kar main buri tarah bilakh pada aur fir jhapat kar unki faili huyi baaho me sama gaya. Pita ji ke seene se jaise hi main laga to unhone mujhe apni kamzor baaho me baandh liya.

"Mera beta wapas aa gaya mere paas. Tujhe ek baar dekhne ke liye hi to zinda tha abhi tak warna kab ka is duniya se ja chuka hota." Pita ji ne kamzor awaaz me ye kaha to main tadap utha aur rote huye bola.

"Aisa mat kahiye pita ji. Aap kahi nahi jayege. Hamesha mere paas hi rahege." Maine ye kaha to pita ji ne mujhe apne seene se alag kiya aur fir mere chehre ko apne hatho me le kar kaha.

"Is duniya se to ek din sabko jana hi hota hai beta. Mera bhi wakt aa gaya hai...main to har din bhagwan se bas yahi praarthna karta tha ki ek baar mujhe mere bete se mil lene de aur usse maafi maag lene de uske baad wo chahe to mujhe usi wakt le jaye." Pita ji ne ye kaha to maine rote huye kaha.

"Nahi pita ji...bhagwan apko kahi nahi le jayega. Aap mere paas hi rahege. Main aapka bahut achhe se ilaaz karaauga. Apko kuch nahi hoga." Maine ye kaha to pita ji ne kaha.

"Pagle...rota kyo hai.? Tu mere dil ka tukda hai. Maine ye kabhi kisi se nahi bataya ki main tujhe kitna pyar karta hu. Koi mera seena cheer ke dekhe to usme sirf teri hi moorat dikhaayi degi. Maine paanch saal pahle tujhe is ghar se nikaal kar tujh par annyaay kiya tha. Magar bete wo annyaay bhi maine apne dil par patthar rakh kar kiya tha. Agar waisa na karta to wo mani shankar tujhe barbaad kar deta." Pita ji ne ye kaha to main unki taraf dekhta rah gaya. Ye sawaal to mere bhi man me ubharta tha ki sirf itni si baat par pita ji mujhe kaise ghar se nikaal sakte the.?

"Us din jab tu ghar aa gaya tha tab kuch der baad main bhi waha se seedha kheto ki taraf chala gaya tha. Wahi raaste me mujhe bhagwat ne wo baat bataayi thi ki tu mani shankar ki beti ko liye shahar me ghoom raha tha magar ye baat aisi nahi thi ki main uske liye tujhe ghar se nikaal deta. Asli baat to kuch aur hi thi mere bete. Main bhagwat ki baate sun kar pareshan to hua tha aur dar bhi gaya tha ki kahi wo baat mani shankar ko pata chali to wo kya karega. Yahi soch kar main mani shankar ke ghar gaya. Socha tha ki usse ye janne ki koshish karuga ki use tere aur uski beti ke bare me kuch pata hai ki nahi magar wo ghar par tha hi nahi. Uski biwi ne bataya ki wo kheto ki taraf gaye hain to main uske ghar se seedha uske khet ki taraf chala gaya. Jab main uske khet par bane ghar me pahucha to maine waha par kuch logo ki awaaze suni to main ek jagah chhup kar un sabki baate sunne laga. Waha par teen chaar aadmi the jo has has kar baate kar rahe the aur tere hi bare me baate kar rahe the. Unki baate sun kar hi mujhe pata chala ki mani shankar ne tujhe sachiv banane par zor kyo diya tha aur wo tujhe sachiv banwa kar tere sath kya kya karna chahta tha. Unki baate sunte hi mere pairo ke neeche se zameen khisak gayi thi. Achha hua tha ki mujhe wakt rahte unki asaliyat ka pata chal gaya tha. Main waha se chup chaap ghar ke liye chal pada. Sare raaste main sochta raha ki main ab kya karu.? Main ab kisi bhi keemat par ye nahi chaah sakta tha ki wo log tujhe barbaad kar de. Fir mere man me ye baat aayi ki tujhe yaha se kahi door bhej du..magar sawaal tha ki kaha bhej du tujhe.? Aur agar aisi jagah bhejta jaha ke bare me mujhe pata hota to aisa bhi ho sakta tha ki mani shankar mujhse zabardasti tera pata ugalwa leta. Tab maine faisla kiya ki tujhe ghar se nikaal deta hu. Tujhe jaha jana hoga tu khud hi chala jayega. Ye soch kar maine wo sab kiya tha tere sath. Mujhe ye bhi dar tha ki mere aisa karne se tu kahi apni jaan na de de. Is liye tere jane ke baad main tera peecha bhi karta raha. Dusre din jab maine dekha ki tu train me baith gaya hai to main apne dil ko pathhar bana kar wapas ghar aa gaya." Pita ji ne ye sab mujhse bataya to main unki baate sun kar buri tarah hairan rah gaya tha.

"Main apne jigar ke tukde ko kaise un dusto ke hatho barbaad hone deta beta.? Us din mujhe jo soojha maine kar diya magar baad me ye soch kar mera dil jalta raha ki jis haalat me maine tujhe nikala tha usse dukhi ho kar jane tu kya kar daale aur jane kis raaste par chal pade. Magar mujhe apne bhagwan par bharosa tha ki wo tujhe galat raaste par jane se rokega aur aaj tujhe is haal me dekh kar main samajh gaya hu ki bhagwan ne mere bharose ki laaj rakhi thi. Ab tu aa gaya hai to mujhe aisa lag raha hai jaise ab mujhe kuch bhi pane ko baaki nahi raha. Maine jo kuch bhi tere sath kiya uske liye mujhe maaf kar de mere bete." Pita ji ne aanshu bhari aankho se dekhte huye ye kaha to main fir se unke seene se lipat gaya aur rone laga. Main baar baar unse yahi bolta raha ki unhone wo sab karke mere sath koi gunaah nahi kiya tha. Balke unhone to meri bhalaayi ke bare me soch kar hi aisa kiya tha.

Kafi der tak main pita ji ke seene se lipta unse is bare me bolta raha. Mujhe rota dekh wo mujhe samhalte rahe. Fir unhone mujhe apne se alag karke kaha.

"Socha to bahut kuch tha beta magar zindagi hi nahi bachi ab. Is liye main tujhse bas yahi kahna chahta hu ki mere baad ab tu hi is ghar ka mard hai. Tujhe apni maa aur apni bahno ka achhe se khayaal rakhna hoga." Pita ji ne bed par fir se let jane ke baad mujhse ye kaha to maine nam aankho se unhe dekhte huye kaha.

"Ye aap kya kah rahe hain pita ji.?" Maine ye kaha hi tha ki pita ji ne meri baat kaat'te huye kaha.
"Bhavnaao me bahne ka wakt nahi hai mere bete. Meri baat dhyaan se suno. Maine socha tha ki isi gaav me rah kar apni betiyo ka byaah karuga aur sabko dikhaauga bhi magar aisa na ho saka. Maine bhagwan se puchha bhi ki usne meri betiyo ke sath itna bada attyachaar kyo kiya magar usne mujhe koi jawaab nahi diya. Kher chhod is baat ko...main ye kah raha hu ki tu mere baad is gaav me mat rahna warna ye brahmin samaaj tujhe aur teri maa bahno ko chain se jine nahi dega. Tu inhe apne sath le jana is gaav se door aur inka achhe se khayaal rakhna. Maine kisi tarah sari zameeno ke kaagjaat taiyaar karwa diya hai is liye tu yaha ki sab zamino ko aur is ghar ko bech kar is gaav se kahi door chale jana. Yaha ke log kisi ka bhala nahi chahte beta iska sabse bada saboot yahi hai teri bahne aaj bhi bin byaahi baithi huyi hain. Maine inka byaah karne ki har koshish ki magar apni betiyo ka byaah nahi kar paya." Pita ji ne ye sab kaha to main hairan rah gaya. Main hairan is baat par tha ki pita ji mujhe ghar zameen bech kar kahi dusri jagah chale jane ko kah rahe the.

Pita ji ki in sab baato se maa aur bahne bhi dukhi ho kar sisakte huye ro rahi thi. Main pita ji se baar baar yahi kah raha tha ki wo ye sab baate na kare. Unhe kuch nahi hoga. Main unka achhe se ilaaz karaauga magar pita ji ko jaise sab pata tha. Wo jante the ki ab unki zindagi khatam hone wali hai. Wo mere aane ka intzar kar rahe the.

Main pita ji ke paas hi bed ke kinaare baitha tha. Pita ji ki aankhe mujhe hi dekh rahi thi. Wo apne ek hath se mera hath pakde huye the. Unhe is haalat me dekh kar mera kaleja fata ja raha tha. Tabhi pita ji ne kaha.

"Apne aapko samhaal mere bete...main tere kandho par bahut badi jimmedari rakh ke ja raha hu. Teri maa aur teri bahno ne bahut dukh saha hai...tu unhe har sukh dena aur dher sara pyar dena." Pita ji ye sab bol rahe the aur ham sab unhe dekh kar ro rahe the. Fir unhone maa aur meri bahno ki taraf dekha aur kaha.

"Tum sab to janti hi ho ki ye pichhle paanch saalo se hamse door raha hai. Jane kis haal me tha ye...iska khayaal rakhna tum sab. Abse yahi tum logo ka karta dharta hai. Mere bete ko kabhi dukhi mat karna." Pita ji ne kaha to maa aur bahne aur bhi zyada rone lagi aur bed ke paas hi aa kar pita ji ke paas baith gayi.

"Mujhse wada kar mere bete ki tu in sabka achhe se khayaal rakhega aur inhe yaha se apne sath kahi door le jayega." Pita ji ne meri taraf dekhte huye ye kaha to main unke seene par jhuk gaya aur apne sir ko unke seene par rakh kar rone laga. Pita ji mere sir par hath ferne lage aur mujhse fir wada karne ko kaha to maine rote huye unse wada kiya.

Maine ye khwaab me bhi ummeed nahi ki thi ek din aisa bhi aayega. Mere pita ji ko heart ki bimaari thi. Do baar unhe heart attack aa chuka tha. Mere jane ke baad jaise unki duniya hi ujad gayi thi. Andar hi andar wo ghut rahe the jiska nateeja ye nikla ki wo din pratidin kamzor hote gaye.

Tabhi maine mahsoos kiya ki mere sir par firta hua pita ji ka hath ruk gaya hai. Mere kaano me meri bahno ki zordaar cheekhe sunaayi di aur zor zor se rone ki awaaze to maine pita ji ke seene se sir utha kar unki taraf dekha to dekhta hi rah gaya. Pita ji ka sir ek taraf ko ludhak sa gaya tha. Unki saanse band ho chuki thi. Ye mahsoos karte hi meri rooh kaamp gayi aur main unse lipat kar buri tarah rone laga.

Mere pita ji is duniya se ja chuke the. Bhagwan ne unhe apne paas bula liya tha. Kamre me ham sab ke rone ki awaaze buland ho rahi thi. Hamare rone ki awaaze baahar tak pahuchi to aas paas ke ghar wale daudte huye hamare ghar ke andar aaye aur kamre ke andar ka nazara dekh kar sab ke sab darwaje par khade rah gaye.

Gaav ke jin logo se hamare achhe relation the wo log aage badhe aur ham sabko dheeraj aur saantwana dene lage. Sare gaav me ye baat fail gayi ki Mahesh pandey ji ab nahi rahe. Dekhte hi dekhte ghar ke samne gaav ke logo ki bheed jama ho gayi. Gaav ki aurato ne meri maa aur bahno ko samhala aur mardo ne mujhe.

Kafi wakt laga sab kuch normal hone me. Gaav ke jo log hamare chahne wale the. Unme se kuch bujurg log samne aaye aur mujhe samjhate huye aage ki kriya karne ke liye kaha. Maine dukhi man se unki baat maani aur fir sabke sahyog se pita ji ki antim kriya ki taiyari shuru huyi.

Shaam hone me kafi wakt tha jab ham sab mere khet pahuche. Hamare jo khet the wahi par pita ji ka kriya karm karne ke liye le aaye the. Jab pita ji ko aag dene ka number aaya to mera kaleja fat pada. Aaj mere sir se pita ka saya hat gaya tha. Maine bahut dukhi man se daah sanskar kiya. Meri maa to baar baar behosh ho jati thi rote rote. Meri bahno ka bhi bura haal tha. Gaav ki aurate unhe samhaalne me lagi thi.

Shaam hone se pahle hi ham sab daah sanskaar karke waha se ghar aa gaye the. Mujhe is baat ka khayaal hi nahi tha ki gaav ka kaun kaun byakti ghar aaya tha. Mere ghar me maatam ka mahaul tha. Raat tak gaav ke kuch mard aur aurate mere ghar me hi rahi aur hame samhale rahi. Bade bujurgo ke samjhane ka asar ye hua ki ab main aur meri maa bahne ro nahi rahi thi.

Aise hi terah din guzar gaye aur pita ji ki terwi bhi ho gayi. Ab tak ham sab normal ho chuke the. Is beech delhi se dakshina ka bahuto baar call aaya tha. Maine use shuru me hi bata diya tha ki pita ji ab nahi rahe. Usne mujhe dheeraj badhaya aur samjhaya bhi ki main sabka achhe se khayaal rakhu.

Tervi ka kaaryakram maine bahut achhe dhang se kiya tha. Sab koi meri tareef kar raha tha. Sabse badi baat ye thi ki mani shankar aur uske ghar wale bhi hamare ghar rozana aate rahe the. Mani shankar mujhse bahut achhe se hi mila tha. Uske milne se aisa laga hi nahi ki usne mujhe fasane ka kitna bada plan banaya hua tha paanch saal pahle.

Sab kuch ho jane ke baad maa ne ek din mujhse kaha ki ab hame is manhoos gaav me nahi rahna hai. Unhone kaha ki pita ji ne jo kaha tha wo karu. Main maa ke kahne par ek din moter sycle se shahar gaya. Shahar me main usi patwari se mila aur use sab kuch bataya. Patwari ye jaan kar dukhi hua ki mere pita ji nahi rahe. Maine zameene aur ghar bechne ki baat usse ki to usne kaha ki wo is bare me pata karke batayega. Usne ye bhi kaha ki jis zameen par mashla hai use bhi wo bechwa dega. Mani shankar isme kuch nahi kar sakega kyo ki zameen ke kaagjaat mil gaye the aur wo mere pita ji ke paas hi the. Patwari ne pita ji ki bahut help ki thi us zameen ke kaagjaat nikaalne me aur is zameen ke kaagjato ke bare me mani shankar ko kuch pata nahi tha. Wo yahi samajh raha tha ki zameen lawarish hi hai aur isi liye wo usme fasal uga raha tha.

Patwari ne mujhe ek aadmi ka number aur pata diya. Usne bataya ki zameen aur ghar wo achhe daamo me bechwa dega. Patwari ki biwi ne khud patwari se kaha ki wo mere sath ja kar us aadmi se baat kare. Biwi ki baat sun kar patwari mere sath chalne ko taiyar ho gaya. Jab ham us aadmi se mile aur usse is bare me baat ki to usne kaha ki jald hi koi kharidaar ka pata karke batayega.

Us aadmi ne mujhse do din ka wakt liya tha. Waha se main ghar aa gaya aur maa ko sab kuch bataya to maa ne kaha ki thik hai. Maa ne sab kuch mujh par chhod diya tha. Kher do din baad main fir se shahar gaya aur us aadmi se mila. Patwari ki biwi is baar mere sath khud gayi thi. Wo mujhe apne bete ki tarah maanti thi.

Dealler se mile to usne hame us khareedar se milwaya. Khareedar ne kaha ki pahle wo zameen dekhega uske baad hi batayega ki use kya karna hai. Maine use bataya ki meri sari zameen sinchit zameen hai aur meri zameeno ke paas se hi badi nahar nikli hai. Meri ye baat sun kar khareedar khush ho gaya aur fir bina zameen dekhe hi zameeno ka sauda karne laga.

Mere pita ji ne sari zameen mere naam kar di thi. Sari zameen bees ekad ke aas paas thi. Us khareedar ne sari zameen ka paanch karod rupaya bola to maine patwari ki biwi ki taraf dekha. Patwari ki biwi ka naam gayatri devi tha. Usne us khareedar se kaha ki ye to bahut kam hai bhai sahab. Bees ekad sinchit zameen itne kam daam me ham nahi de sakte. Shahar paas me hi padta hai aur aaj kal to gaav ki us zameen ka bhi daam badh chuka hai.

Us din us khareedaar se baat nahi bani to gayatri ji ne dealler se koi dusra khareedar dhudhne ko kaha aur ye bhi kaha ki agar zameen dekhne ke baad daam tay kare to zyada behtar hoga.

Zameeno ko bechne ke liye ek hapte tak bhaag daud karni padi mujhe. Ek din maa ne bataya ki mani shankar mere bare me puch raha tha aur mujhe apne ghar bulaya hai. Maa ne mujhse kaha ki uske ghar jane ki koi zarurat nahi hai. Usne pita ji ko kayi baar dhamki di thi jaan se marne ki. Wo to achha tha ki pita ji ne seedha upar hi uski FIR karwa di thi. Shahar ka ek bhala aadmi bhi hamare sath tha warna mani shankar ab tak hamare sath kuch bhi kar daalta.

Udhar delhi se dakshina bhi mujhe phone karti aur yaha ke halaat ke bare me puchhti. Maine use kah diya tha ki main yaha ka sab kuch bech kar hi apni maa bahno ko le kar delhi aauga. Magar waha main uske sath inhe nahi rakh sakta. Is liye maine usse kaha ki wo agent se baat karke achha sa ghar doondh de. Dakshina ne iske liye haan kaha aur kaha ki main jaise hi sabko le kar waha pahuchuga to mujhe waha par ek achha sa ghar mil jayega.

Delhi se aaye huye aaj mujhe bees din ho gaye the. Ghar me sab normal hi the magar iske baad bhi ek sannata sa chhaya rahta tha. Kisi ke chehre par koi khushi nahi dikhti thi. Aakhir dikhe bhi kaise...pita ji ke na rahne se sab koi khud ko akela hi mahsoos kar raha tha. Mera sara din bhaag daud me hi kat raha tha.

Ek din main shahar se aa raha tha to gaav me hi raaste me sarpanch kaka samne se aate huye mil gaye. Mujhe unke samne rukna hi pada. Mere rukne par unhone pahle to aise hi mera haal chaal pucha aur ye bhi ki main kaha tha itne saalo se. Maine unhe jhooth bataya ki main mumbai me tha. Fir unhone pucha ki main yaha se sachiv ki naukri chhod kar kyo chala gaya tha to maine bataya ki pita ji mera kisi baat par jhagda ho gaya tha aur unhone mujhe buri tarah daat diya tha is liye main ghar chhod kar chala gaya tha.

Mani shankar ne bataya ki usne bhi mere ghar walo se mere bare me bahut puchha tha magar sabne yahi bataya tha ki pita ji se mera kisi baat par jhagda hua tha aur unhone mujhe bahut bura bhala kaha tha jisse naraz ho kar main ghar chhod kar chala gaya tha.

Kuch der isi bare me baat karne ke baad mani shankar ne mujhse kaha ki mere pita ji ne usse paise udhaar liye the. Pita ji ne ye paise apne ilaaj ke liye udhaar liye the usse. Main ye baat jaan kar hairaan rah gaya. Kyo ki mujhe ghar me kisi ne nahi bataya is bare me. Jab main pita ji se mila tha tab unhone bhi nahi is bare me mujhse kuch nahi kaha tha.

Maine sarpanch kaka se puchha ki kitna paisa udhaar liya tha mere pita ji ne to usne bataya ki yahi koi paanch laakh ke aas paas. Uske paas sare paiso ka hisaab bhi likha hua rakha hai. Main udhaar paise ki rakam sun kar hairaan rah gaya. Kya chaal baaz aadmi tha ye. Usne socha hoga ki itne saalo baad main aaya hu to bahut paisa leke aaya houga. Yahi soch ke usne ye tikdam lagaya tha aur mujhse ye kaha ki mere pita ji ne apne ilaaz ke liye usse ab tak paanch laakh rupaye dhaar liye the.

Sarpanch jaisa kamina insaan dhoondhne par bhi na mile. Maine hisaab dekhne ki baat kahi to usne kaha ki kal uske ghar aa jaau aur hisaab dekh lu. Uske jane ke baad main bhi ghar aa gaya. Ghar me maine maa se bhi is bare me bataya to maa ne gusse me sarpanch ko gaaliya dete huye kaha ki jhooth bol raha hai wo kamina. Wo jhooth mooth ka mujhse paise ainthna chahta hai. Maa ne mujhe saaf mana kar diya ki main use ek rupaya na du.

Dusre din dopahar ko main mani shankar ke ghar gaya. Magar wo ghar par nahi tha. Uske ghar me uski biwi thi jo baahar hi mujhe mil gayi thi. Usne bataya ki sarpanch kaka aur uska beta rupesh kisi kaam se kahi baahar gaye huye hain. Sarpanch kaka ki biwi achhi aurat thi. Wo pahle bhi mujhse bahut achhe se baat karti thi. Is wakt bhi wo mujhse bade prem se baat kar rahi thi aur mere pita ji ke na rahne par shok pragat kar rahi thi. Usne mujhse chaay naasta karne ke liye kaha to maine mana kar diya magar wo na maani. Majburan mujhe baithak me baithna hi pada. Mujhe baithak me baitha kar wo andar chali gayi.

Baithak me baitha main rachna ke bare me soch raha tha. Mujhe nahi pata tha ki ab rachna kis haal me hogi. Shayad uski shadi ho chuki hogi. Aaj se paanch saal pahle meri usse gahri dosti thi. Mere man me sawaal tha ki kya hamare bare me gaav me kisi aur ko na pata chala hoga. Agar aisa hota to is wakt rachna ki maa mujhse itne pyar se baat na karti aur na hi mujhse chaay naasta karne ka kahti. Iska matlab ye hua ki hamare bare me ab tak kisi ko kuch pata hi nahi chala tha. Pita ji se jis bhaagwat kaka ne bataya tha use pita ji mana kar diya hoga ki wo ye baat gaav me kisi se bhi na bataye.

Abhi main yahi sab soch raha tha ki tabhi mera dhyaan kisi ke aane ki aahat par andar ke darwahe ki taraf gaya. Kuch hi der me jo byakti andar se baithak me aaya use dekh kar main hairan rah gaya. Ye to rachna thi magar ye to bahut badal gayi thi. Pahle kitni sundar lagti thi ye. Jisam ka har hissa saache me dhala hua hota tha. Magar ab to ye moti ho gayi hai. Main aankhe faade use dekhe ja raha tha aur wo mujhe. Mujhe yakeen nahi ho raha tha ki ye wahi rachna hai jiski sundarta me main kho jata tha.

"Rachna tum.??" Maine badi himmat karke usse ye kaha to wo ajeeb tarah se muskuraayi fir boli.
"Shukar hai ki tum mujhe pahchaan to gaye. Waise kya main jaan sakti hu ki sab ko bhula kar kaha chale gaye the tum.?" Rachna ne bhaari awaaz me ye kaha to maine uski taraf dhyaan se dekha.

Rachna ka chehra pahle ki tarah chamakdaar to nahi rah gaya tha magar sundarta wahi thi. Bas uski sundarta me fikapan aa gaya tha. Aankho me aanshu tairte dikhe to mujhe hairani huyi.

"Aise kya dekh rahe ho vicky.? Ohh shayad ye soch rahe hoge ki main aaj kaisi lagne lagi hu hai na.?" Usne mujhse ye kaha to main kuch bol na saka.
"Mujhe samajh hi nahi aaya kabhi ki ye rog kaise lag gaya mujhe. Main to bas tumhe apna dost hi samajhti thi magar pata nahi kaise dil ne tumhe dost se kuch aur hi bana liya. Haan vicky...ab jab tum aa hi gaye ho to ye bhi jaan lo ki tumhari ye barsho purani dost tumse bahut pyar karti hai. Ye usi pyar ka natija hai vicky ki tumhare jane ke baad meri ye haalat ho gayi. Maine aaj tak shadi nahi ki aur na hi kabhi karne ki ichha hai. Maine to khud ko tumhari amanat samajh liya tha. fir kaise tumhari amanat ko kisi aur ka hone deti.?" Rachna ne ye sab kaha to main buri tarah hil kar rah gaya.

Main khwaab me bhi nahi soch sakta tha ki rachna aisa kar baithegi. Mujhe hamesha yahi lagta tha ki rachna ne mujhse apne bhai ki maar ka badla lene ke liye hi dosti ki thi aur yahi soch kar main andar hi andar dara bhi karta tha aur kabhi usse puri tarah khul nahi saka tha. Magar aaj rachna ki haalat ne aur uski baato ne mujhe ek nayi hakikat se mila diya tha. Rachna mujhse pyar karne lagi thi aur fir usne khud ko meri amanat bana liya. Main yakeen nahi kar pa raha tha ki aisa bhi ho sakta hai.

"Main janti hu ki tum meri baato par bharosa nahi kar pa rahe hoge. Magar ye sach hai vicky...jis din tumne aakhiri baar mujhe apni aagosh me liya tha aur wo sab kiya tha usi din shayad mere andar ke jazbaat badal gaye the. Achhe to tum mujhe pahle se hi lagte the...magar pyar is liye nahi karna chahti thi tumse kyo ki jaanti thi ki tumse milan nahi ho sakega. Mere pita ji kabhi bhi meri shadi us ladke ke ghar me nahi karege jiske ghar ka ye brahmin samaaj pani bhi nahi pita. Kher chhodo....ab to ye sab baat purani ho gayi magar pata nahi kyo is dil me mohabbat pahle se zyada har din taazi hi bani rahti hai. Ek baat bataau tumhe....maine apni is mohabbat ke bare me aaj tak kisi ko nahi bataya. Mere ghar wale puch puch ke haar gaye mujhse magar maine kabhi apni zubaan nahi kholi aur na hi ye bataya ki kyo main kisi se shadi nahi karna chahti.? Agar meri zubaan khul jati aur mere ghar walo ko pata chal jata to mujhe achhi tarah pata tha meri haalat ke liye mere baap bhai tumhare ghar walo ke liye kaal ban jate. Isi liye maine apne dil ki baat apni parchaayi tak nahi bataayi." Rachna ne ye sab kaha to main aur bhi zyada hairaan rah gaya. Mera sir chakrane laga tha uski baate sun kar.

Abhi main apne aapko samhaal hi raha tha ki tabhi rachna ki maa andar se ek plate me namkeen biskut liye aayi aur mere samne table par rakh diya. Fir meri taraf dekh kar muskurate huye kaha.

"Beta isne tumhe pareshan to nahi kiya na.? Ye meri sabse chhoti beti hai...shayad tum pahchante bhi hoge ise. Tab ye dubli patli hua karti thi magar ab to isne apna khayaal rakhna hi chhod diya hai. Pata nahi kya sochti rahti hai raat din.? Mere bachcho me ek yahi thi jo kisi ke bhi bare me bura nahi sochti thi magar jane kiski nazar lag gayi meri is beti ko.?" Rachna ki maa ne ye sab kaha to main kuch bol na saka. Jabke unki baate sun kar rachna andar ki taraf chali gayi.

Mere samne table par plate me namkeen biskut rakha hua tha magar mere dil aur dimaag me halchal si machi huyi thi. Kitna galat socha karta tha main rachna ke bare me. Kya rachna ki is haalat ke liye main jimmedaar tha.? Main apne aap se sawaal kar raha tha magar mujhe koi jawaab nahi mil raha tha. Rachna ki baato ne mujhe bahut badi duvidha me daal diya tha. Usne khud ko meri amanat bana liya tha aur meri vajah se usne kisi se shadi karke apna ghar nahi basaya tha. Bhagwan jane aage kya hona likha tha.

Maine badi mushkil se thoda bahut khaya aur rachna ki maa se ijazat le kar ghar aa gaya. Apne kamre me bed par pada main rachna ke bare me sochne laga. Kya gunaah kiya tha us masoom ne jo pichhle paanch saalo se meri chaahat ki aas me khud ko tadpa rahi thi. Kya chaahti hai wo mujhse.? Main to apni maa bahano ko le kar yaha se delhi chala jaauga magar uska kya hoga.???

Main samajh nahi pa raha tha ki is bare me mujhe kya karna chahiye. Agar main rachna ko yu hi chhod kar chala gaya to main janta hu ki wo sari zindagi yu hi meri chaahat me guzaar degi. Ek aisi chaahat me jo kabhi use mil hi nahi sakti...main kabhi uska ho hi nahi sakta. Mujhe rachna ke liye ye sab soch kar bahut dukh hua magar main uske liye kya kar sakta tha.? Usne to mujhse kaha bhi nahi ki main uske liye kuch karu. Shayad use ahsaas tha ki apne dil se wo mere prati ye mohabbat nahi mita sakti magar khud ko patthar kar ke usne apni khwahisho ka hi khoon kar diya tha.

Bhai log....
Aaj ke liye itna hi....

Read Enjoy & Give Your Feedback....
Keep Supporting & Stay With....


​

ab tak ki story ka ye wala update lekhak mahoday ji .. muzhe sabse accha laga .. isme sab kuch tha .. ehsaas, jazbaat, prem, dukh, dard, khushi, pita ki majboori aur maa-behno ka dard, purane aur adhure pyaar ki bebashi (rachna), makkar sarpanch ki buri niyat, ek sajjan vyakti ki shubhkamnaye (patwari aur uski biwi, bhagwat), ek sacche premi ki chinta (dakshina) .. kitna kuch tha is update mein .. ek tarah se poori kahani ka saar he bhara hua tha .. isko padh kar to mera man bhi dhukhi ho gaya .. hone ko to sirf ek kahani he hai magar .. ye dil ko chu gayi hai ...

kehna to bahut kuch chahta hu .. magar likhne ke liye sahi sabd he nahi soojh rahe hai .. par seedhe - saadhe sabdo mein yahi kahunga ki aapki iss rachna ko padh kar dil khush ho gaya hai ... bas jee kar raha hai ki isko aise he padhta chal jaau aur ye kahani ka ant he na ho ...

 

[VIKRANT]

Bhai log....

Shadiyo ki vajah se main update ke liye time nahi de pa raha hu. Maine likhne ki koshish ki magar sahi tarah se man nahi laga paya. Is liye main kuch time ka gap lena chahta hu. Plz aap log meri is baat se angry mat hona. Main holi ke baad se update dena start karuga. Kyo ki holi tak mere paas time nahi hai. Waise to april aur may me bhi shadiya hain jo ki mere hi pariwar me hain. Abhi to relatives me chal rahi hain....

I hope aap log mind nahi karege. Agar mujhe likhne ka time mila to main try karuga beech me bhi update dene ka magar 100% sure nahi hu....

Keep Supporting & Stay With....


​

It's ok bro. Take your time.
Ham intjaar karege.

 

[firefox420]

SAB KUCH JAYAZ HAI....
UPDATE = 47

​

Maa mere kamre me hi thi. Maine unse kaha ki mujhe didi se baat karna hai is liye wo mere kamre me hi rahe. Maa ne kaha thik hai. Uske baad main neeche aa gaya. Rachna ke kamre ke paas aa kar maine darwaje par nock kiya to kuch hi palo me usne darwaza khola. Jaise hi darwaza khula to maine usse kaha ki wo upar mere kamre me maa ke paas chali jaye kyo ki mujhe yaha par didi se akele me baat karna hai. Meri ye baat sun kar rachna khushi khushi kamre se nikal kar upar mere kamre ki taraf chali gayi.

Neeche ab koi nahi tha. Ab yaha par main tha aur apne kamre me kusum didi. Unka kamra dusri side tha aur main janta tha ki darwaza andar se lock hi hoga. Main unke kamre ki taraf badhne laga. Mujhe ekdam se aisa mahsoos hua jaise saari duniya me sannata chha gaya ho aur is sannate me sirf mere dil ke tez tez dhadakne ki awaaz hi goonj rahi ho. Mere man me anginat khayaal ubharne lage the. Dimaag me ek sawaal kood raha tha ki kya kusum didi mujhse baat karne par raazi hongi ya fir wo mujh par gussa ho jayengi aur mujhe apne kamre se chale jane ko kah dengi.

Ab aage padhiye....
​

Main apne dil aur dimaag par mache huye tufaan ko kaabu karte huye kusum didi ke kamre ki taraf badhta chala gaya. Kuch hi palo me main kusum didi ke kamre ke darwaze ke paas pahuch gaya. Sabse pahle maine ek baar fir se apne andar machi huyi halchal ko shaant karne ki koshish ki uske baad maine apne kaamp rahe right hand se darwaze ko andar ki taraf dhakela.

Mujhe ummid thi ki darwaza andar se lock hoga aur meri ummid sach hi nikli. Maine darwaze par halke hath se do baar nock kiya aur darwaza khulne ka wait karne laga magar darwaza na khula. Ye dekh kar mere andar ajeeb si bechaini badhne lagi. Maine ek baar fir se darwaza nock kiya. Mujhe laga kahi aisa to nahi ki didi so gayi ho. Aisa ho bhi sakta tha magar mera mood ban chuka tha ki aaj mujhe didi se khul kar baat karna hai.

Teesri baar jab maine darwaza nock kiya to uske kuch der baad darwaza khula. Mere saamne duniya ki sabse sundar aur sabse masoom meri kusum didi nazar aayi. Unki aankho se hi samajh aa gaya ki wo so rahi thi. Darwaze par mujhe khada dekh kar unke chehre par se neend se uthne ke baad ki jo khumaari rahti hai wo ekdam se gayab ho gayi aur unki aankhe thoda sa fail gayi.

"Tu..tum yaha kya kar rahe ho.?" Didi ne ekdam se apne aapko samhaalte huye thoda kathor awaaz me ye kaha to maine badi hi shalinta se kaha.
"Kya main ye bhi khwaahish na karu ki main jiski ibaadat karta hu uska jee bhar ke didaar kar saku.?" Main ye kahte huye ekdam se jazbaat me bahne lag gaya tha. Mujhe lag raha tha ki main apni didi se lipat jaau aur bilakh bilakh kar rona shuru kar du.

Udhar jab maine aisa kaha to didi ke chehre par chhaye kathor bhaav ekdam se gayab huye magar fir jaldi se waapas bhi aa gaye. Jaise unhone apne aapko kamzor hone se bacha liya ho aur fir se usi kathorta se mujhse kaha.

"Ye tum kya bakwaas kar rahe ho.? Mere paas tumhari ye bakwaas sunne ka wakt nahi hai aur na hi main tumhari koi bakwas sunna chaahti hu. Jaao yaha se aur khabardaar agar ab dubara mere saamne bhi aaye. Main tumhari shakal bhi nahi dekhna chaahti." Kusum didi ne ekdam se gussa ho ke ye kaha to mere dil me itna tez dard utha ki laga main us dard ko sahan nahi kar paauga aur usi wakt heart attack se mar jaauga. Meri aankho me pal bhar me aanshu bhar aaye.

"Agar mujhse itni hi zyada nafrat ho gayi hai ki ab aap meri shakal hi nahi dekhna chaahti to theek hai. Aaj ke baad ab kabhi aapko meri ye shakal dekhne ko nahi milegi. Ek aakhiri baat zarur kahna chaahta hu ki maine wo sab kabhi nahi chaha jo mujhe bina chaahe mil gaya hai...maine to hamesha usi ko chaha hai jo shayad ab mujhe mil hi nahi sakta." Maine ye sab kaha aur fir ek pal ke liye bhi nahi ruka main.

Mere dil aur dimaag me ekdam se aisa dard aur gubaar utha tha ki mujhse ab kuch bhi bardaast nahi ho pa raha tha. Jis didi ko main apni jaan se bhi zyada chaahta hu uske dil me mere liye koi bhaav koi jagah nahi thi. Jiska chehra dekh kar hi meri subah safal hoti thi wo mujhse itna zyada nafrat karti thi ki ab wo meri shakal tak nahi dekhna chaahti thi. Main tez tez kadmo se chalte huye ghar se baahar nikal gaya. Mere dil aur dimaag me bheesan aag lag gayi thi. Mujhe ab kuch bhi nahi dikhaayi de raha tha. Aisa lag raha tha isi wakt apne aapko khatam kar lu.

Baahar aaya to meri nazar road ke kinare par khadi dakshina ki car par padi. Maine ek jhatke se driving door khola aur driving sheet par baith gaya. Paint ki pocket se chaabhi nikaal kar maine car ko start kiya aur aage badha diya.

Main nahi janta tha ki ab main kaha ja raha hu. Mere kaano me kusum didi ki wo baate goonj rahi thi jo mere kaano ke pardo ko faade de rahi thi. Mere hath car ki stairing par jam gaye aur mera pair exilator par.

Car ki speed ekdam se badh gayi. Aisa lagne laga jaise main car racing karne laga hu. Mujhe nahi pata ki main kitne red lights ko cross karta hua aage badhta gaya. Main kisi mod par mud nahi raha tha balke ekdam seedha hi car ko daudaye ja raha tha. Mere dil aur dimaag me aandhiya si chal rahi thi aur kaano me goonj rahi thi didi ki wo baate jo har guzarte pal ke sath meri sochne samajhne ki shakti ko jaam karti ja rahi thi.

Eka ek saamne flyover aa gaya aur car us flyover par chalne lagi. Mujhe nahi pata ki car ki speed kitni tez thi. Meri aankho ke saamne kuch bhi nazar nahi aa raha tha. Eka ek mujhe aisa lagne laga jaise chaaro taraf se vaahno ki kitni saari awaaze aane lagi ho aur chaaro taraf kitna zyada cheekho pukaar mach gaya ho aur fir......

Ekdam se ek bhayankar jhatka laga car me aur car ke sath sath mujhe bhi. Mujhe kuch samajh na aaya ki achanak ye kya hua. Uske baad mujhe kuch yaad nahi ki uske baad kya hua. Shayad mera zabardast accident ho chuka tha.

Udhar ghar me mere is tarah chale jane ke baad kusum didi kuch pal tak dekhti rahi aur jab main baahar nikal gaya to ekdam se unki aankho se aanshu chhalak pade. Unhone jaldi se kamre ka darwaza tezi se band kiya aur palat kar daudte huye bed ki taraf aayi aur bed par audhe muh gir padi. Wo bilakh bilakh rone lagi thi.

Kuch der rone ke baad ekdam se unka rona band ho gaya aur wo bijli ki speed se bed se uthi. Unke chehre par chinta aur pareshani nazar aane lagi thi. Wo bed se utar kar darwaze ki taraf bhaagi. Darwaze ko ek jhatke se khol kar wo kamre se baahar aayi aur fir lagbhag bhaagte huye dringroom aur fir baahar aa gayi. Baahar aa unhone steel wala gate khola aur sadak ke dono taraf dekhne lagi. Magar main unhe kahi nazar na aaya. Wo paaglo ki tarah kuch der tak idhar dekhti rahi fir wo waapas mudi aur gate band karke andar dringroom me aayi.

Kusum didi paaglo ki tarah dringroom me idhar udhar dekhne lagi magar aas paas unhe koi nazar na aaya. Ye dekh kar unke chehre par ekdam se dukho ke bhaav ubhar aaye aur wo puri taakat se chillaane lagi. Wo baar baar maa ka naam le rahi thi. Unke chillane ka asar jald hi hua aur kuch hi palo me upar se maa aur rachna bhaagti huyi aati dikhi.

"Kya hua, itna kyo chilla rahi hai tu.?" Maa ne aate hi kusum didi se ye kaha to didi unhe dekh kar kuch bol na saki aur ekdàm se rone lagi. Unke rone par kisi ko kuch samajh na aaya.

Maa ne aage badh kar didi ko samhala aur fir thoda narm lahje me unse puchha ki kya baat hai wo is tarah ro kyo rahi hai. Kya vicky ne use kuch ulta seedha bola hai.? Maa ke puchhne par didi ne inkaar me sir hila diya aur rote huye boli ki vicky jane kaha chala gaya hai.

Kusum didi ki is baat se maa ko hairaani huyi. Wo to yahi samajh rahi thi ki vicky apni bahan se akele me baat karna chaahta tha is liye usne sabko upar wale kamre me bhej diya tha. Maa ne didi se kaha ki wo saaf saaf bataye ki kya hua hai. Maa ke aisa kahne par kusum didi ne rote huye sab kuch bata diya. Unhone bataya ki kaise unhone vicky ko wo sab baate kahi thi jiske baad vicky wo sab bol kar ghar se baahar chala gaya tha.

Kusum didi ki saari baat sun kar maa ka chehra bhi dekhne laayak ho gaya. Maa ko samajhte der na lagi ki aisi baato se vicky ke dil par kya guzri hogi aur wo bhavavesh me aa kar ghar se nikal gaya hai. Wo us dukh aur dard me koi bhi ulta sseedha kadam utha sakta hai. Ye sab soch kar ekdam se maa buri tarah ghabra gayi.

"Ye tune kya kiya kusum.? Tu itni kathor kaise ho sakti hai ki apne hi bhai ko itne zahar se bujhe shabd bol de.? Agar mere bete ko kuch bhi hua to dekh lena mujhse bura koi nahi hoga." Maa ne ekdam se gusse me ye kaha to kusum didi aur bhi buri tarah rone lagi.

"Yaha ham me se kisi ko koi apatti nahi thi sirf tujhe hi bukhaar chadha hua tha. Maine aur tere pita ji ne sirf tumhi logo ki khushi ke liye ek aise rishte ko swikaar kar liya tha jo rishta har tarah se galat tha. Magar iske baavjud tujhe samajh nahi aaya. Tujhe bhi pata hai ki tera bhai tujhe kitna pyaar karta hai. Kher chhod tujhse ye sab kahne ka kya faayda. Tu sirf apne bare me sochti hai aur apni khushiyo ke bare me. Tujhe dusro ki khushiyo se koi matlab nahi hai." Maa pata nahi kya kya aur bolti magar tabhi rachna ne aage badh kar maa ko chup karaane ki koshish ki to unhone rachna ki taraf dekhte huye kaha.

"Mera man bahut ghabra raha hai beti. Mere bete ko kahi kuch ho na jaye. Jis tarah ki baate isne usse kahi hain wo baate uske dil ko cheer gayi hongi aur ab wo yaha se chala gaya hai. Hey bhagwan mere bete ki raksha karna. Use kuch mat hone dena warna main mar jaaugi." Maa ye sab kahte huye rone lagi. Tabhi unki nazar kone me bane sangemarmar ke mandir par padi. Usme raadha krishn ki moorti thi.

Maa bhaagte huye us mandir ke paas aayi aur ghutno ke bal baithne ke baad unhone hath jod kar unse praarthna karne lagi. Wo roti ja rahi thi aur bhagwan se praarthna karti ja rahi.

Ghar ke andar kuch hi palo me aisa maahaul ban gaya jaise koi maatam chha gaya ho. Priya pooja bhi upar se neeche aa gayi thi aur jab unko sab kuch pata chala to wo dono bhi rone lagi thi. Har koi dukh se rone me laga hua tha. Kisi ko is baat ka hosh nahi tha ki rone se bhala kya hoga. Agar kuch hoga bhi to wo vicky ka pata karne se hoga.

Rachna ki aankho se bhi aanshu bah rahe the magar usne apne aapko samhala aur sabse pahle usne maa ko samhala aur unse kaha ki bhagwan par bharosa rakhiye maa. Unhe(Vicky) kuch nahi hoga. Badi mushkil se aakhir kuch der baad har koi shaant hua. Magar sawaal tha ki vicky ka pata kaise kare.

Priya pooja ne kaha ki vicky ko phone laga kar pata karte hain. Unki baat sun kar jaise sab ka mobile phone ki taraf dhyaan gaya. Fir kya tha...pooja daudti huyi upar gayi aur apne kamre se apna mobile utha laayi. Usne mobile ko unlock karke jaldi se vicky ko phone lagaya magar phone band bata raha tha.

Vicky ka mobile band bata raha tha. Ye jaan kar sabki haalat fir se kharaab hone lagi. Ye sab log is shahar se anjaan the. Unme se kisi ko bhi is shahar ke bare me kuch bhi pata nahi tha. Wo agar vicky ko kahi taalash karne ka sochte bhi to sabse pahle unke saamne ye sawaal khada ho jata ki vicky ko talaash karne ke liye wo jaye bhi to kaha.?

Priya pooja vicky ke mobile par phone karti hi rahi magar phone band hi batata raha. Har guzarte pal ke sath sabki haalat kharaab hoti ja rahi thi. Sabse bura haal maa aur kusum ka tha. Maa kusum ko beech beech me kuch na kuch ulta seedha bol hi deti thi jisse uski haalat aur bhi kharaab ho jati thi. Aise hi sara din guzar gaya aur shaam ho gayi magar na to vicky waapas ghar aaya aur na hi uska phone laga. Sabke man me jin baato ki shankaaye thi wo hakikat me badalti nazar aane lagi thi. Jisse un sab ki haalat bad se badtar hoti ja rahi thi.

Shaam se raat aur raat se subah ho gayi magar situation jaisi ki taisi hi bani rah gayi thi. Maa ki haalat to bahut kharaab ho gayi thi ro ro kar. Chehre se hi aisa lag raha tha jaise wo barsho ki bimaar ho. Haalat to sabki hi kharaab thi magar koi kar bhi kya sakta tha.?

Subah huyi to maa ek jhatke se uth khadi huyi aur paaglo ki tarah kahne lagi ki wo apne bete ko is shahar me khud dhudhne jayegi. Maa ke aisa kahne par rachna unhe rokne lagi to usne is baar use bhi daat diya gusse me. Wo ab kisi ki sunne ko raazi nahi thi. Maa ka paagalpan dekh kar har koi dukhi aur pareshan ho gaya. Priya pooja aur rachna ne badi mushkil se unko samjhaya aur roka.

Tabhi pooja ke mobile ki ringtone baji. Usne jaldi se mobile nikaal kar screen par dekha to uske chehre par khushi ki chamak aa gayi. Usne ekdam se cheekhte huye sabko bataya ki vicky ka call hai. Uski ye baat sun kar sabke murjhaye chehro par jaise bahaar ne dastak de di. Maa ne to jhapat kar pooja se mobile chheen liya aur usko kaano se laga kar vicky mere bete kaha hai tu chillane lagi. Magar mobile par ringtone hi bajti rahi.

Asal me maa ne call ko pick nahi kiya tha balke aise hi kaan se laga liya tha. Pooja ne aage badh kar maa se kaha ki pahle call to uthaao maa. Uski baat sun kar maa ne jaldi se kaampte hath se hara wala button dabaya aur fir jaldi se mobile kaan se laga liya. Abhi usne kaan se lagaya hi tha ki uske kaan me kisi dusre aadmi ki awaaz padi jise sun kar wo chaunk padi aur fir us aadmi ne jo kaha use sun kar to maa ke hath se mobile hi chhoot gaya.

Sab maa ko hi dekh rahe the. Maa ki achanak huyi is haalat ko dekh kar sab log sakte me aa gaye. Udhar rachna ne farsh par gire mobile ko utha kar jaldi se apne kaan me lagaya. Shukar tha ki call cut nahi huyi thi.

"Hello." Rachna ne ye kaha hi tha ki uske kaan me ek aadmi ki jo awaaz aur jo baate padi use sun kar rachna ekdam se sunn pad gayi. Use hosh tab aaya jab call cut ho gayi.

Jaise hi rachna ne mobile ko kaan se hataya to maa aur baaki sab usse puchhne lage ki kya baat huyi. Un sabke puchhne par rachna ne badi mushkil se bataya ki vicky ka accident ho gaya tha aur is wakt wo hospital me hain. Phone par jo baat kar raha tha wo koi police wala tha aur usne kaha ki ham log jald se jald us hospital me aa jaye.

Rachna ki ye baat sun kar sabke upar jaise aasmaan gir pada tha. Maa to dahaade maar maar kar fir se rone lagi. Unki nazar kusum par padi to unke chehre par bahut hi khatarnaak bhaav ubhar aaye. Wo kusum didi ke paas gayi aur cheekhte huye boli.

"Ab sukoon mil gaya na tujhe.? Teri vajah se mere bete ka accident hua aur wo is wakt hospital me hai. Bhagwan jane wo kis haal me hoga. Agar mere bete ko kuch hua to main apne hatho se tera gala kaatugi soch lena." Maa ne ye kaha aur palat kar sabse kaha ki jaldi se hospital chalo.

Kusum didi to kisi sadme me thi. Un par maa ki baat ka kya asar hua ye pata karna mushkil tha. Rachna ne jab dekha ki maa darwaze ki taraf jane lagi hain to usne jaldi se kusum ko jhakjhor kar hilaya tab ja kar use hosh aaya. Uske baad rachna ne unse kaha ki hame hospital chalna hai. Rachna ki is baat se kusum kahne lagi ki wo kahi nahi jayegi balke yahi rahegi. Uski vajah se uske bhai ne apni ye haalat ki hai to ab wo use khud apni manhoos shakal nahi dikhayegi.

Kusum ki baate badi ajeeb si thi. Rachna ko laga ki kahi ye apne aapko kuch kar na baithe. Is liye usne zabardasti kusum ko uthaya aur apne sath le jane lagi. Abhi sab log darwaze ke paas hi pahuche the ki tabhi doorbell baji. Maa ne jab darwaza khola to baahar ek anjaan aurat ko khade dekha to baaki sabke chehro par bhi ajnabiyat ke bhaav ubhar aaye. Ye aurat koi aur nahi balke dakshina hi thi magar ye log use nahi jaante the.

Police wale ne sabse pahle dakshina ko hi call kiya tha vicky ke phone se. Usne dakshina ko saari baat bataayi to dakshina ne us police wale se ye kaha ki wo vicky ki rishtedaar hai. Vicky ke apne relation walo ke bare me bhi usi ne police wale ko bataya tha. Police wale ne usse kaha ki wo mobile me check karke unhe phone lagayega.

Vicky ke accident ki khabar se dakshina ka bhi bura haal ho gaya tha. Use samajh nahi aaya tha ki ye sab kaise hua tha. Use ye baat pata thi ki vicky bahut clean driving karta tha. Fir aisa kya hua ki uska itna bada accident hua. Dakshina ko laga is accident ke peeche kuch to vajah ho hi sakti hai.

Dakshina se baat karne ke baad police wale ne mobile ne pooja naam se number dekha to use lagaya tha. Idhar dakshina ne socha ki vicky ke family members is shahar me naye hain. Wo is khabar se bahut dukhi ho jayege aur kaise vicky tak pahuchege.? Is liye usne socha ki wo khud vicky ke ghar jayegi aur sabko le kar hospital jayegi. Agar kisi ne usse pucha ki wo vicky ko kaise janti hai to wo koi na koi bahana bata degi. Is wakt zaruri ye tha ki wo sabko le kar hospital jaye. Use ye bhi pata tha ki hospital me kharcha paani bhi lagega jo ki is wakt vicky ki family kaise de sakti thi.

"Aap kaun hain aur yaha aap kis kaam se aayi hain.?" Rachna ne maa ke peeche se nikal kar dakshina se ye kaha to dakshina ne thoda asahaj bhaav se kaha.
"Dekhiye main kaun hu ye to baad me bhi pata chal jayega magar is wakt aap sabka mere sath chalna bahut zaruri hai." Dakshina ne ye kaha to sab hairaan rah gaye.

"Kya matlab hai aapka.?" Dakshina ki baat sun kar is baar maa ne ye kaha to dakshina ne kaha.
"Aap sabko hospital jaana hai na.? Main bhi wahi ja rahi hu. Aap sab abhi yaha par naye hain is liye aap logo ko kya pata ki kaha hai hospital.?" Dakshina ne abhi ye kaha hi tha ki maa ne fir kaha.

"Kya usi hospital ja rahi ho jaha mera beta hai.?" Maa ne jaldi se ye kaha to dakshina ne haan me sir hilaya. Fir kya tha maa aur baaki sab bhi dakshina ke sath baahar aaye aur sadak kinare khadi ek taxi me sab baith gaye. Taxi me baithte hi dakshina ne taxi driver ko hospital ka naam bataya to driver chal pada.

Taxi ke andar sannata chhaya hua tha. Dakshina vicky ke liye andar se dukhi thi magar is wakt wo us dukh ko zaahir nahi kar rahi thi. Bees minute baad taxi ek hospital ke saamne ruki to sab log taxi se baahar nikle. Dakshina ne taxi wale ko uska bhada diya aur fir sabko le ke hospital ki taraf badh chali.

Raaste me dakshina ne apne mobile se kisi se baat ki thi. Hospital ke andar jaise hi ye sab pahuche to saamne se ek police wala aata nazar aaya. Use dekh kar dakshina ne hath ko hawa me utha kar ishara kiya to wo police wala dakshina ke paas hi aa gaya.

"Agar main galat nahi to aap mrs dakshina hain.?" Police wale ne ye kaha to dakshina ne haan me sir hilaya aur fir usne maa aur baaki sabki taraf ishara karte huye kaha.
"Ye sab uski family wale hain." Dakshina ne ye kaha to police wale ne maa aur baaki sabki taraf dekha fir kaha.

"Baaki sab to maine aapse bata hi diya tha. Dr ne bataya ki abhi use hosh nahi aaya hai." Police wale ye kaha hi tha ki maa ekdam se paaglo ki tarah police wale se kahne lagi.

"Kya hua hai mere bete ko. Kaisa hai mera beta. Mujhe uske paas jana hai." Maa ne ye kaha to police wale ne badi ijjat se kaha.
"Maa ji fikar karne ki ab koi baat nahi hai. Dr ne bataya ki accident bada zarur tha magar bhagwan ki daya se aapke bete ko zyada chote nahi lagi." Police wale ne ye kaha to maa ne kaha.

"Agar aisa hi hai to fir mera beta hosh me kyo nahi hai.? Dekho mujhe uske paas le chalo. Main use apni aankho se dekhna chaahti hu." Maa ye kahte huye rone lagi to police wale ne baaki sabki taraf dekha fir kaha.

"Achha thik hai. Main dr se baat karta hu. Aap sab aaiye mere sath." Police wale ne ye kaha aur palat kar chal diya. Uske peeche peeche baaki sab bhi chal diye. Thodi hi der me wo police wala ek dr ko dekh kar use awaaz diya aur uske paas ja kar khada hua.

"Wo abhi khatre se baahar hain inspector sahab. Wo jaise hi hosh me aayege ham sabse pahle aapko hi suchit karege." Dr ne ye kaha to police wale ne kaha.

"Wo sab to thik hai dr. Ye us aadmi ki maa hain. Ye use ek baar dekhna chaahti hain to plz aap ek baar inki tasalli ke liye dikha dijiye." Police wale ne ye kaha to dr ne maa aur baaki sabki taraf dekha fir bola.

"Okk fine...plz come." Dr ne ye kaha aur ek taraf ko badh gaya. Uske peeche baaki sab bhi chal diye. Kuch hi der me dr ek kamre ke paas ruka. Kamra band tha aur darwaje ke upari hisse par kaanch laga hua tha. Dr ne sabki taraf dekhne ke baad bola aap sab yahi se dekh sakte hain unhe.

Dr ki baat sun kar maa sabse pahle darwaze ki taraf lapki. Darwaze par upar lage kaanch se kamre ke andar ki taraf usne dekha. Andar kamre me bed par pade apne bete par jab unki nazar padi to unki aankho se aanshu bahne lage. Kaleja hil kar rah gaya unka. Kamre ke andar main seedha leta hua tha aur mere hath pair aur pure sir par safed pattiya badhi huyi thi. Mujhe is haalat me dekh kar maa ka bura haal ho gaya tha.

Maa zyada der tak mujhe is haalat me dekh na saki aur wo darwaze se hat gayi. Do kadam peeche hat kar wo buri tarah rone lagi thi. Dr ne unhe samjhaya ki fikar ki koi baat nahi hai. Ye to bhagwan ka shukar hai ki itne bade accident ke baad bhi aapke bete ko kuch nahi hua. Kuch chote zarur hain magar wo thik ho jayegi.

Baari baari se sabne us kaanch se jhaank kar mujhe dekha. Jab sabne mujhe dekh liya to dr ne sabko us jagah se jane ke liye kah diya. Uske baad police wala sabko le kar waiting room ki taraf aa gaya.

Maa us police wale se sab kuch puchhne lagi. Us police wale ne bataya ki kal ye accident flyover ke neeche hua tha. Asal me ye aadmi sare red lights signal ko todte huye car udaye le ja raha tha. Uske peeche traffic police bhi lagi huyi thi. Magar ye car itni tez chala raha tha ki koi us tak pahuch hi nahi pa raha tha. Control room se call aayi to ham bhi iske peeche lag gaye. Flyover se utarne ke kuch der baad jab ek aur flyover aaya to isne car ko upar chadhane ki bajaay uski reling me thok diya. Speed itni tez thi reling to tuti hi sath hi iski car bhi kalabaaziya khaati huyi neeche wali sadak ki taraf ulat'ti chali gayi. Jab tak ham log pahuche tab tak bahut kuch ho gaya tha. Kher hamne kisi tarah ise ambulance me daal kar yaha hospital bhijwaya. Iske mobile phone ki screen toot gayi thi. Hamne sim ke dwara iske apno ke bare me pata karna chaha magar sim me koi number save nahi the. Sare number phone me save the us liye hamne iske mobile ko banwane ke liye bhej diya aur jab iska mobile ban gaya to aap logo ko call kiya." Police wale ki baate sun kar sab istabdh the.

Abhi sab log police wale ki baate hi sun rahe the ki tabhi rachna ka dhyaan kusum ki taraf gaya. Kusum apni jagah se gayab thi. Pata nahi kab wo uth kar baahar chali gayi thi aur kisi ko pata bhi nahi chal paya tha. Ye dekh kar rachna buri tarah ghabra gayi. Usne lagbhag cheekhte huye maa se kaha ki kusum didi yaha nahi hain. Rachna ki is baat se sab koi dang rah gaya. Tabhi maa ne kaha ki use jaha jana hai jane do. Mujhe usse ab koi matlab nahi hai. Usi ki vajah se mere bete ki aaj ye haalat huyi hai.

Maa ki ye baate sun kar sab awaak rah gaye. Koi maa apni beti ke liye aisa kaise kah sakti thi.? Dakshina jaldi se uthi aur waiting room ke baahar ki taraf tezi se badh chali. Uske peeche police wala bhi chal pada tha. Un dono le jate hi priya bhi tezi se baahar ki taraf badh gayi thi. Jabki rachna aur pooja maa ke paas unko samhalne ke liye baithi rahi.

Bhai log....
Aaj ke liye itna hi....

Read Enjoy & Give Your Feedback....
Keep Supporting & Stay With....


​

arre sir ji .. kya master aadmi ho aap .. itini jabardast situation create kari hai .. ki padhte waqt dil ki dadhkane badh gayi aur ghabrahat bhi hone lagi thi .. likhte to bahut he kamal ka ho .. 24 ghante se upar ho gaya hai lagatar padhte padhte aapki story ko .. itne lambe lambe update hai .. magar ek baar bhi interest kam nahi hua .. kay baar to padhte padhte neend bhi aayi .. 2 baar to computer table par hi jhapki lag gayi thi .. itna imotional atyachaar kar rakha hai aapne .. muzhe to lagta hai .. agar is story ko aise hi padhta rahunga to muzhe heart attack ho jaana hai ...

aur kya entry karayi hai Dakshina ki .. main to soch bhi nahi sakta tha ki ekdum se aisa kuch ho jaayega .. aapne to jaan he nikal di saar .. Vikas ke saath saath to ek muzhe laga ki main bhi hospital mein admit ho jaaunga .. magar ab mere dil ki condition theek hai .. superrrr .. bas bhai ji aisi he story ko aage badhate raho .. maza aa gaya yaar ...

 

[Jonty]

Waiting for next update...

 

[firefox420]

update no. 48 mein to Dakshina ko salute karna chahiye .. uski he badolat Kusum apne pariwaar ke paas aa payi .. warna uske saath kya hone wala tha iska to kisi ko andaza bhi nahi tha .. Renuka ko to Kusum par gussa bahut aa raha tha .. magar jab usko pata lagega ki uski beti kitni badi musibat mein fasne se bachi hai .. to usko apni galti ka ehsaas hoga .. waise ye bahut accha hua ki Dakshina kusum ko apne saath le aayi .. ab aage dekhte hai .. Vikas aur uski family ab kaise delhi life mein adapt hoti hai ...

 

[firefox420]

ye Dakshina ke liye nayi atpati si situation khadi kar di hai .. bechari Renuka ko behanji keh kar bulaye ya fir Sasu maa .. he he .. Vikas ke waise to haath payr tute pade hai .. magar dimaag aur jubaan poori chal rahi hai .. aur ye ant mein last ke 2 paragraph mein kya nayi bhasad daal di hai .. ye kin 2 aadmiyon ki baate dikhayi hai .. kya Vikas ke accident ki khabar newspaper se sarpanch ko mil gayi hai .. ya fir koi aur nayi musibat hai ...

 

[firefox420]

SAB KUCH JAYAZ HAI....
UPDATE = 53

​

"Aapne bilkul thik kaha sir. Police ko koi khwaab to aayega nahi ki hospital se us aadmi ko gayab karke ham kaha le gaye hain.? Is liye police kuch samay tak apna sir khapaati hi rahegi aur ham tab tak uski pahuch se door bhi ho jayenge." Us aadmi ne ye kaha to kursi par baithe aadmi ne kaha.

"Tum dono use le kar raat me hi meri bataayi huyi jagah par rawana ho jana. Main tumhe wahi miluga. Chalo ab tum dono jaao mujhe kuch zaruri kaam karne hain." Kursi par baithe aadmi ne ye kaha to un dono aadmiyo ne sir hilaya aur fir wo dono hall se baahar chale gaye.

Un dono ke jane ke baad kursi par baithe huye aadmi ke hotho par rahasyamayi muskaan ubhar aayi. Usne apne kot ki jeb se cigarette ka packet nikala. Packet se ek cigarette nikaal kar usne use apne hotho se lagaya aur lighter se jala kar use pine laga.

Ab aage padhiye....
​

Dakshina ke jane ke baad nurso ne mujhe fresh kiya tha aur meri dawa daaru ki thi. Uske kareeb pandrah minute baad savita maa ko le kar aa gayi thi. Maa ne aate hi mere chehre par pyaar se chumna shuru kar diya tha. Unki aankho se aanshu ke katre bah chale the. Maine unhe rote dekha to thoda narazgi se kaha ki agar aap is tarah royengi to main kaise jaldi thik ho paauga. Kher kuch der tak maa mujhe aise hi pyaar karti rahi aur mera haal chaal puchhti rahi.

Savita kuch der tak maa ke paas hi ruki rahi uske baad maa ke kahne par wo waapas chali gayi thi. Savita ke jane ke ek ghante baad kamre me doctor ke sath ek police wala aaya. Main police wale ko dubara dekh kar thoda hairaan hua. Ye wahi police wala tha jo us din aaya tha. Police wale ko dekh kar maa bhi soch me pad gayi thi.

Doctor ne maa ko kaha ki wo kuch der ke liye baahar jaye kyo ki unke bete se police wale ko kuch baate karni hai. Doctor ki is baat se maa ne meri taraf dekha to maine apni palke jhapka kar unhe baahar jane ka ishara kar diya. Mere ishare par maa kursi se uth kar baahar chali gayi. Maa ke jane ke baad doctor bhi baahar chala gaya.

Mujhe samajh nahi aa raha tha ki ye police wala dubara mere paas kyo aaya hai. Kher doctor ke jane ke baad us police wale ne kamre ka darwaza band kiya aur fir palat kar mere paas rakhi usi kursi par baith gaya jis par abhi kuch der pahle maa baithi huyi thi. Kursi par baithne ke baad wo police wala kuch der tak meri taraf dekhta raha. Uske is tarah dekhne se mujhe bada ajeeb sa feel hone laga tha.

"Kaise ho bhai.? Mujhe lagta hai ki pahle se ab kaafi behtar ho tum." Police wale ne halki muskaan ke sath ye kaha to maine kaha.
"Ji pahle se achha feel kar raha hu main." Maine ye kaha to police wale ne kaha.

"Very good. Dhire dhire puri tarah achha feel karne lagoge. Anyway tum soch rahe hoge ki main yaha kis liye aaya hu...hai na.?" Police wale ne ye kaha to maine bas haan me halke se apna sir hilaya. Jiske jawaab me usne kaha.

"Asal me main tumhare us din ke accident ke bare me kuch puchhtaanchh karne aaya hu. Pata nahi kyo par mujhe aisa lagta hai ki tumhara wo accident ek haadsa nahi tha." Police wale ne ye kaha to maine hairaani se uski taraf dekhte huye kaha.

"Kya matlab hai aapka.?" Maine hairaani se ye kaha to us police wale ne kaha.
"Matlab ye ki mujhe lagta hai ki tumhara accident kisi ke dwara is tarah se anjaam diya gaya tha ki sabko yahi lage ki wo accident ek haadsa tha. Yaani ki tum tez raftaar me chal rahi car ko control nahi kar paye jiski vajah se tumhara accident ho gaya." Us police wale ne ye kaha to main hairaan rah gaya. Mujhe samajh na aaya ki ye police wala kya bak raha hai.?

"Mujhe bhi sabki tarah yahi laga tha ki accident ek normal haadsa hi tha. Magar kyo ki ham police walo ko kisi bhi waardaat ki bariki se jaach padtaal karne ki aadat hoti hai is liye jis jagah accident hua tha us jagah maine ye jaachne ki koshish ki tumhara accident kisi ki sochi samjhi chaal ka natija to nahi tha.? Pahle to mujhe aisa koi saboot nazar nahi aaya jo ye saabit kare ki tumhare accident me kisi dusre ka hath ho sakta hai magar baad me aakhir hame ek saboot mil hi gaya jisne hame ye bata diya ki tumhara accident tumhari galti se nahi balki kisi dusre ki vajah se hua tha." Police wale ne ye sab kaha to mere dimaag ka fuse hi ud gaya.

Main soch bhi nahi sakta tha ki aisa kuch ho sakta tha. Main to yahi samajh raha tha ki us din meri maansik haalat bahut zyada kharaab ho gayi thi jiski vajah se mujhe kuch dikhaayi nahi de raha tha. Dil aur dimaag me bas didi ki wo baate hi goonj rahi thi. Jinse dukhi ho kar main khud ko khatam kar dene par utaaru ho gaya tha. Magar is police wale ki ye baate sun kar to mere dimaag ki battiya hi gul ho gayi thi.

Main sochne par majboor ho gaya ki aisa kaise ho sakta hai.? Kya sach me kisi ne mujhe us din jaan se maar dene ki koshish ki thi.? Usne meri maansik haalat ka faayda uthaya aur mera is tarah se accident karwa diya ki sabko yahi lage ki wo sab meri galti se hua tha. Magar main ye nahi samajh pa raha tha ki koi aisa kyo karega mere sath.? Yaha mera aisa kaun sa dushman paida ho gaya jo mujhe is tarah maar dena chaahta tha.? Main is bare me jitna sochta gaya utna hi ulajhta chala gaya magar mujhe kuch bhi samajh na aaya.

"Tumhare chehre par ubhar rahe bhaav ye saaf saaf bata rahe hain ki meri is baat se tumhe shock laga hai aur tum ye sochne ki koshish me lag gaye ho ki agar meri baat sach hai to aisa kisne kiya hoga tumhare sath.? Main khud bhi tumse isi silsile me baat karne aaya hu." Police wale ne ye kaha to maine murkho ki tarah uski taraf dekha. Mujhe kuch samajh nahi aa raha tha ki main use kya jawaab du.?

"Tum is baat ko achhi tarah samajh lo ki ye baat koi saadharan baat nahi hai. Kisi ne tumhe jaan se maarne ki koshish ki hai. Ab agar wo apni koshish me safal nahi raha hai to iska matlab ye bhi nahi hai ki wo dubara aisi koi koshish nahi karega. Use bhi pata chal hi gaya hoga ki tum bach gaye ho is liye wo tumhe fir jaan se maarne ki koshish karege. Hamare hath jo saboot laga tha usse ham kuch kar nahi sakte. Kyo ki cctv camre me hamne dekha ki jis car se bachne ke liye tumne apni car ko ain wakt par moda tha us car me koi number plate nahi lagi thi. Iska matlab saaf hai ki us car me hi wo byakti tha ya the jisne apni car ko usi wakt aise angel par laa diya tha ki tumhe jaldi se usse bachne ke liye apni car ko modna pada. Jiska natija ye hua ki tumhari car saamne dikh rahe flyover ke railing se bhid gayi aur fir railing ko todti huyi seedhe is taraf sadak par paltiyaa khaati chali gayi thi. Cctv me ye scene clear dikh raha hai. Dusri car me koi number plat nahi lagi thi aur na hi ye dikh raha tha ki usme baitha kaun hai. Kyo ki car me blackfilm chadhe shishe lage huye the jo ki band the. Us car wale ne itni safaayi se wo sab kiya tha ki sabko yahi lage ki wo natural baat thi. Mujhe bhi yahi laga tha magar jab meri nazar car ki number plate wali jagah par padi to main chaunk gaya. Kyo ki car ki number plate gayab thi. Iska to ek hi matlab hua ki bina number plate ki car wale aise byakti the jo ye nahi chaahte the ki koi unhe pakad paye." Police wale ne ye sab kaha to main kuch bol hi na saka. Main to kuch bolne ki haalat me hi nahi tha. Mera to yahi soch soch kar dimaag fata ja raha tha ki kisi ne mujhe jaan se maarne ki koshish ki thi aur ab dubara bhi karega.

"Hamne us car ko khojne ki koshish ki thi aur bina number plate wali wo car us din mili bhi magar laawarish haalat me. Matlab saaf hai ki accident ko anjaam dene ke baad car me baithe log faraar ho gaye aur fir sunsaan jagah par us car ko roka aur kisi dusre waahan se rafuchakkar ho gaye. Ye sab baate saabit karti hain ki tumhara accident koi swabhaawik haadsa nahi tha balki kisi ne jaan bujh kar tumhara accident karwaya. Unka maksad yahi tha ki tum us accident me jaan se maare jaao aur sabko yahi lage ki tumne apni galtiyo ki vajah se khud ki jaan le li." Police wale ne ye kaha to main is baar bhi kuch na bol saka.

"Main yaha tumse ye puchhne aaya hu ki is bare me tumhara kya kahna hai.? Kya tum bata sakte ho ki aisa kaun hai jo tumhari jaan lena chaahta hai.?" Police wale ne meri taraf dekhte huye ye kaha to maine kaha.

"Main is bare me aapse kya kahu.? Mujhe to kuch samajh me hi nahi aa raha. Main to yahi soch soch kar hairaan ho raha hu ki us din mera accident koi haadsa nahi tha balki kisi ne jaan bujh kar mera accident karaya tha. Magar ab main ye nahi samajh pa raha hu ki aisa kaun kar sakta hai mere sath.? Yaha to kisi se meri koi dushmani bhi nahi hai aur na hi maine kabhi kisi ke sath kuch bura kiya hai.?" Maine ye kaha to police wala meri taraf kuch palo tak dekhta raha uske baad bola.

"Dekho ladke, bina vajah koi kisi ki jaan nahi lena chaahta. Iske peeche koi na koi vajah zarur hoti hai. Warna wo log kya apne shauk ke liye tumhari jaan lena chaahte the.?" Police wale ne thoda shakht lahje se ye kaha to maine kaha.

"Main sach kah raha hu aapse. Yaha kisi se meri koi dushmani nahi hai." Maine ye kaha to police wale ne kaha.
"Yaha nahi hai ka kya matlab hai.? Ohh matlab tum ye kahna chaahte ho ki yaha yaani delhi me tumhari kisi se koi dushmani nahi hai, iska matlab yaha ke alawa kahi aur kisi se tumhari dushmani zarur hai...right.?" Police wale ne ye kaha to main buri tarah andar hi andar shock rah gaya.

"Mujhe apne bare me saari jaankari detail me bataao." Police wale ne ye kaha to main soch me pad gaya. Sala ab ye kya lafda hone wala hai.? Tabhi ekdam se mere dimaag ki batti jali. Omg kahi ye accident rachna ke baap ne to nahi karwaya hoga.? Magar wo yaha aa kar aisa kaise kar sakta hai.? Kisi dusri jagah par wo bhi itne bade shahar me uske liye aisa karna bilkul bhi sambhav nahi ho sakta tha. Magar ek sawaal ye bhi tha ki uske alawa koi dusra mera dushman bhi to nahi hai. Abhi main ye sab soch hi raha tha ki tabhi police wale ki awaaz se mera dhyaan toota.

"Kaha kho gaye bhai.? Maine tumse kuch kaha hai....mujhe apne bare me saari jaankari do. Tabhi ye samajh aa sakta hai ki tumhare sath aisa karne wala kaun ho sakta hai.?" Police wale ne ye kaha to maine socha kya is police wale ko apne bare me sab kuch sach sach batana sahi rahega.? Kahi aisa to nahi ki meri family par kisi baat ka khatra paida ho jaye. Police waalo ka kya bharosa.? Mere ghar me waise bhi aurato ki bheed jama hai.

Magar khatra to is baat se bhi bana hi tha ki koi mujhe jaan se maarna chaahta hai. Is situation me mere liye sabse zyada kharaab baat ye thi ki main kuch karne ki haalat me nahi tha. Police wala is maamle me meri kya madad kar sakta tha ye achhe se nahi jaanta tha main. Aisa bhi ho sakta tha ki ye police wala khud un logo se mila hua ho jin logo ne mujhe jaan se maarne ki koshish ki thi.

Main samajh nahi paa raha tha ki main ab kya karu.? Magar police wale ko apne bare me kuch to batana hi tha. Is liye maine halaat se samjhauta karte huye ye faisla kiya ki police wale ko utna hi bataauga jitna zaruri ho.

"Aree bhai kis soch me gum ho bhai.? Apne bare me batane me bhi itna sochna padta hai kya.? Kahi aisa to nahi ki tum sach me hi koi aise insaan ho jinka sambandh un logo se hai jinhone tumhe jaan se maarne ki koshish ki thi.?" Police wale ki ye baat mere kaano me padi to main chaunk gaya. Mujhe ekdam se khayaal aaya ki mere is tarah chup rahne se ye police wala mere bare me jane kya kya sochne lagega. Is liye maine khud ko samhaalte huye kaha.

"Nahi sir aisi koi baat nahi hai. Main to bas ye soch raha hu ki aakhir aisa kaun ho sakta hai jo mujhe jaan se maarna chaahta hoga.? Yaha kya meri to kahi bhi kisi se koi dushmani nahi hai." Maine ye sab kahte huye us police wale ko apne bare me batana shuru kar diya.

Maine us police wale ko apne bare me yahi bataya ki main fala gaav ka rahne wala hu aur mere pariwaar me kaun kaun hain. Maine use ye nahi bataya ki gaav me ek sarpanch hai jisse meri achhi khaasi dushmani ho gayi hai. Maine use ye bhi nahi bataya ki main yaha par hamesha ke liye gaav ki zameen jaaydaad aur ghar bech kar rahne aa gaya hu. Pata nahi kyo magar main ye sab baate jaan bujh kar police wale se nahi batana chaahta tha. Main nahi chaahta tha ki in sab baato ko jaanne ke baad ye police wala mere peechhe hi pad jaye aur hazaaro sawaal jawaab karne lage. Udhar meri saari baate sunne ke baad police wala kuch der sochta raha uske baad bola.

"Tumhari in saari baato se to yahi lagta hai ki tumhari gaav me bhi kisi se koi dushmani nahi hai. Magar barkhurdaar aisa kaise ho sakta hai ki bina vajah koi tumhari jaan ka dushman ban jaye.? Kuch to aisa zarur hai jiski vajah se un logo ne tumhe jaan se maarne ki koshish ki thi aur ye bhi main pakke daave ke sath kah sakta hu ki wo log dubara bhi aisi koshish karenge. Main ye bilkul bhi nahi maan sakta ki koi bina vajah tumhe jaan se maarna chaahega. Matlab saaf hai ki tum kuch na kuch mujhse chhupa rahe ho." Police wale ne ye kaha to main dekhta rah gaya use. Fir khud ko samhaalte huye bola.

"Main aapko kaise yakeen dilaau sir ki meri kisi se koi dushmani nahi hai jiski vajah se koi mujhe jaan se maarna chaahe. Main to khud is baat se hairaan hu aur ab chintit bhi ho gaya hu ki koi mujhe jaan se maarna chahta hai. Aap khud sochiye ki main bhala aapse aisi koi baat kyo chhupaauga jabke mujhe pata hai ki chhupane se mera hi nuksaan hai ya ye kahiye ki meri hi jaan ka khatra hai.?" Maine ye kaha to police wala mere chehre ki taraf bade dhyaan se dekhta raha aur uske is tarah dekhne se mere dil ki dhadkane badhti rahi.

"Chalo thik hai bhai. Maine maan liya ki tumhari kisi se koi dushmani nahi hai. Magar ye to sach hai ki koi tumhe apna dushman zarur samajhta hai aur isi liye usne tumhari jaan lene ki koshish ki. Kabhi kabhi aisa hota hai ki ham kisi ke sath anjaane me bahut bura kar jate hain jiska hame ahsaas nahi hota aur ham kabhi uske bare me sochte bhi nahi hain magar jiske sath bura hua hota hai wo bura karne wale ko apna dushman bana baithta hai. Ho sakta hai tumhare sath bhi aisa hi koi case hua ho. Kher main filhaal chalta hu aur tumhari security ke liye saade kapdo me kuch police walo ko bhi yaha hospital me rakhwa deta hu." Police wala ye sab kahne ke sath hi kursi se utha aur khade hone ke baad fir se bola.

"Meri jagah koi dusra police wala hota to wo tumhare liye itna kuch kabhi nahi karta balke is maamle ko yahi chhod kar chala jata. Magar meri fitrat zara juda hai bhai. Main har us baat me interest le leta hu jo bina matlab ki hoti hai. Kher apna khayaal rakhna aur haan is bare me sochna zarur. Agar kuch yaad aaye to mujhe suchit kar dena." Police wale ne ye sab kaha aur sir par lagi cap ko durust karte huye kamre se baahar nikal gaya.

Police wale ke jane ke baad main chup chaap khamoshi se in saari baato ke bare me sochta pada raha. Sach to ye tha ki main khud bahut zyada ulajh gaya tha in sab baato se. Mere liye sochne wala sabse bada sawaal yahi tha ki kisne mujhe jaan se maarne ki koshish ki hogi.? Mere dimaag me is sawaal ke jawaab me sabse pahle sarpanch ka hi khayaal aaya tha magar main is baat ko maanne ko taiyaar nahi tha ki sarpanch yaha aa kar meri jaan lene ki koshish kar sakta hai. Matlab saaf hai ki koi dusra hi aisa ho sakta hai jo meri jaan lena chaahta hai....magar sawaal tha ki kaun.??

"Kya baat hai beta.? Wo police wala tujhse milne kyo aaya tha.?" Mere kaano me maa ki ye awaaz padi to main hakikat ki duniya me aaya aur maa ki taraf dekhte huye kaha.

"Aise hi maa. Bas haal chaal puchne aaya tha." Maine maa ko kuch bhi batana uchit nahi samjha. Main jaanta tha ki agar maa ko is bare me pata chala to wo bahut zyada chitit aur pareshaan ho jayengi is liye aisa bola to maa ne kaha.

"Use tujhse tera haal chaal hi puchhna tha to ham sabke saamne hi puchh leta. Fir mujhe is kamre se baahar kyo bhej diya tha usne.?" Maa ne ye kaha to maine maa ki taraf dekhte huye muskurane ki koshish karte huye kaha.

"Ab ye to main bhi nahi jaanta maa. Shayad police walo ka yahi tarika hota ho kisi se uska haal chaal puchhne ka. Aapko baahar bhejne ke baad usne mujhse mera haal chaal hi puchha tha aur haan ye bhi kaha ki aainda main jab bhi car chalaau to hosh me rah kar chalaau. Aisa na ho ki main fir se accident kar baithu." Maine ye kaha to maa ne kaha.

"Haan to kya galat kaha usne.? Main to ab tujhe gaadi chalane hi nahi dugi aur haan tu car lene ko bol raha tha na to ab tujhe car bhi nahi lene dugi. Ham bina car ke hi rah lenge. Tu apni naukri par bus se ya auto se chale jaya karna." Maa ne ye sab kaha to main muskura pada aur fir bola.

"Aap aisa is liye kah rahi hain maa kyo ki is wakt main is haalat me pada hu. Jab ki aapko sochna chahiye ki us din main maansik roop se bahut zyada dukhi tha is liye mera accident ho gaya tha. Warna kya maine pahli baar car chalayi thi.? Paanch saalo se chala raha hu. Iske pahle to aisa kabhi nahi hua tha mere sath. Kher ab aap fikar mat kijiye kyo ki ab se aisa kuch nahi hoga." Maine ye kaha to maa ne mere chehre ko sahlate huye kaha.

"Main jaanti hu ki tu apne man ka hi karega magar tu ye mat bhool ki tere siva hamara koi nahi hai is duniya me. Ham gaav me bhale hi chaahe jaisa jeewan jee rahe the magar kam se kam ye to rahta ki ham apne kheto par mehnat karke do wakt ki roti kha lete magar yaha ham kya kar sakte the beta.?" Maa ne dukhi ho ke ye kaha to maine kaha.

"Aisi baat nahi hai maa. Bhagwaan sabka beda paar karta hai. Us par bharosa rakhiye aur ab to mujhe aisa mahsoos ho raha hai ki hamari jo bhi mushkile thi unka khaatma ho gaya hai. Ab ham sab ek sath hasi khushi se rahenge." Maine ye kaha to maa ne kaha.

"Tu jab tak is haalat me hai tab tak ham me se koi khush kaise rah sakta hai beta.? Maine bhagwaan se kabhi zyada kuch nahi maaga bas yahi maga hai ki mere bachche khush rahe. Hame bahut bada banne ki khwaahish nahi hai balke ham to thode se me hi khush rahna chaahte hain." Maa ne ye kaha to main kuch der sochta raha fir bola.

"Ghar me sab kaise hain maa.?" Maine kuch sochte huye ye puchha to maa ne kaha.
"Agar tu us kalmuhi ke bare me janne ki koshish kar raha hai to main tujhe pahle hi bata chuki hu ki mere saamne ab kabhi uska zikar bhi nahi karna. Usi ki vajah se aaj teri ye haalat huyi hai.?" Maa ne ekdam se gusse me aa kar ye kaha to maine kaha.

"Aap didi ke liye aisa kaise kah sati hain maa.? Ham sab jaante hain ki aap apne bachcho me sabse zyada didi ko pyaar karti hain aur unka khayaal rakhti hain." Maine ye kaha hi tha ki maa ne kaha.

"Maine kaha na ki uske bare me koi baat na kar mujhse." Maa ne ye kaha to maine kaha.
"Main aapko samjhane ke laayak to nahi hu maa kyo ki aapko mujhse zyada jeewan ka anubhav hai. Fir bhi bas yahi kahna chaahta hu ki is duniya me sab kuch usi ki marzi se hota hai jise ham insaan bhagwaan kahte hain aur uski pooja karte hain. Bujurg log hamesha yahi kahte hain na ki jo bhi hota hai achhe ke liye hi hota hai to shayad ye jo kuch bhi mere sath hua hai ye kisi achhe ke liye hi hua hoga." Maine ye sab kaha to maa meri taraf dekhti rahi jabke maine kahna jaari rakha.

"Ye to aap bhi maanti hain na ki didi ko samjhana kisi ke bhi bas ki baat nahi thi aur na hi wo kisi ki baat sunna chaahti thi. Unke dimaag me to bas ek hi baat baith gayi thi ki aapne ya maine unke sath achha nahi kiya. Balke wo jis par sirf aur sirf apna hak samajhti thi use unse chheen kar dusro me baat diya gaya. Us din didi ne jo kuch mujhse kaha aur uska jo bhi natija nikla usse kam se kam itna to ho hi gaya ki aaj didi ko sahi galat ka ahsaas ho chuka hai. Aaj wo sabki baat sun sakti hain aur sabki baat samajh sakti hain. Kya wo ye chaahti rahi hongi ki unki baato se dukhi ho kar main apni jaan de du.? Nahi maa...aap jaanti hain ki wo mujhse kitna pyaar karti hain. Bhale hi mujhe sab par baat diya gaya magar unhone ek baar bhi mujhse is baat ki shikayat nahi ki. Unhone kisi se bhi is baat ki shikayat nahi ki balke unhone sabse kinara karke sirf khud ko hi taklif di. Ab agar yaha par ham un bujurgo ki is baat ke bare me soche ki jo bhi hota hai achhe ke liye hi hota hai to zaahir hai ye jo kuch bhi hua hai achhe ke liye hi hua hai. Didi ko samajh me aane ke liye shayad ye zaruri ho gaya tha ki main is haal me pahuch jaau. Kher unse gussa hone ki koi zarurat nahi hai maa. Unhone kabhi ye nahi jana ki khushi kya hoti hai aur nahi ye jana ki muskurana kya hota hai. Unhe bas pyaar chaahiye maa...aisa pyaar jisse wo khush ho sake aur muskurana jaan sake." Maine ye sab kaha to maa meri tataf dekhti rah gayi. Unki aankho me aanshu tairte huye dikhe aur fir ekdam se wo aanshu unki aankho se chhalak kar bah chale.

"Mera beta itni badi badi baate karne laga hai. Kya tu sach me itna bada ho gaya hai ki tu ab apni maa ko hi jeewan ka paadh samjhane lage.?" Maa ne ye kaha aur jhuk kar mere paathe par choom liya.

"Sach kaha tune mere laal. Usne kabhi sukh nahi dekha. Tere pita ji ko bhi isi baat ka ahsaas tha tabhi to jab unhe ye pata chala ki unki beti apne hi bhai se prem karti hai aur use apna sab kuch maanti hai to unhone mujhse saaf saaf kah diya ki agar unki dukhiyaari beti ki isi me khushi hai to use ye khushi de do. Magar is gaav me rah kar ye sambhav nahi ho sakta. Iske liye to kahi door jana padega. Unki is baat se main hairaan thi ki wo bhala aisa kaise kah sakte hain. Kya koi baap aisa kah sakta hai ki wo apni beti ki khushi ke liye uske hi sage bhai ko uska pati bana de. Maine jab unse kuch kahna chaaha to unhone mujhe rok diya aur mujhe kasam di ki jab hamara beta waapas aaye to main yahi karu." Maa ne ye sab kaha to main kuch na bola balke pita ji ke bare me sochta raha.

"Aakhir tere pita ji ke kahne par maine wahi kiya jisme teri bahan ki khushi thi magar use bhi to samajhna chahiye tha ki baakiyo ka kya.? Rachna ne bhi to tujhse prem kiya aur usne usi prem ki vajah se hamare liye itna kuch kiya. Agar tu kabhi waapas bhi na aata to wo bechari saari zindagi wahi karti rahti. Is liye kya uske liye hamara koi farz nahi hona chahiye tha.? Mujhe bhi pata hai ki kusum kya chaahti thi magar prem kisi ek ka hi kaise ho sakta hai.? Use sabke bare me sochna chahiye tha. Use rachna ka shukra guzaar hona chahiye tha ki usne uske bhai se prem kiya aur usi prem ki vajah se usne hamare pariwar ki apne baap se raksha ki." Maa ne ye sab kaha to maine kaha.

"Fikar mat kijiye maa. Ab didi ko sab kuch samajh aa chuka hai. Ab wo sabke bare me sochne lagi hain." Maine ye kaha to maa ne kaha.
"Agar aisa hai to kya wo ek baar bhi tujhe dekhne ke liye aayi tere paas.?" Maa ne ye kaha to maine kaha.

"Wo aana chaahti thi magar unhe dakshina ji ne aane se mana kar diya tha. Kyo ki didi ke yaha aane se aap un par gussa karti aur unhe bura bhala kahti." Maine ye kaha to maa ne hairaani se meri taraf dekha aur fir boli.

"Tujhe ye sab kaise pata hai.?" Maa ne ye kaha to maine kaha.
"Mujhe dakshina ji ne bataya tha. Unhone hi bataya ki wo didi ko apne ghar le gayi thi us din aur tab se wo unke hi ghar par hain." Maine ye kaha to maa ne kuch sochte huye kaha.

"Kya dakshina ji ko ye bhi pata hai ki tera teri bahan ke sath kya rishta hone wala hai.?" Maa ne ye puchha to main ek baar ke liye to chup rah gaya magar fir bola.
"Unhe sirf itna pata hai ki meri shadi rachna se hone wali hai." Maine ye kaha to maa ne bade dhyaan se meri taraf dekha.

"Dakshina ke pariwaar me unke alawa aur kaun kaun hai.?" Maa ne ye puchha to maine dhadakte dil se kaha.
"Kuch saal pahle unke pati ki maut ho gayi thi. Ek beti hai jiski shadi ho chuki hai aur wo apne sasuraal me hai." Maine ye kaha to maa ne kaha.

"Ohh matlab ab wo akeli hi hai." Maa ne ye kaha to maine kaha.
"Haan, magar unki dekh bhaal ke liye savita naam ki ek naukraani hai jo unke sath hi rahti hai apni beti ke sath. Us naukraani ka bhi koi nahi tha is liye dakshina ji ne use hamesha ke liye apne sath hi rakh liya." Maine ye bataya to maa ne kaha.

"Bhagwaan ne unhe ek beta diya hota to unka bhi ek sahara hota. Kya apne damaad ko unhone ghar jamaayi nahi banaya.?" Maa ne ye kaha to maine kaha.
"Wo banana to chaahti thi magar damaad iske liye raazi nahi tha." Maine maa se is bare me jhooth kaha to maa ne kaha.

"To fir unke baad unke karobaar aur unki dhan sampatti ka kya hoga.? Ya fir shayad wo apni beti ko hi dengi." Maa ne ye kaha to maine kaha.
"Haan aur bhala kise dengi. Beti ke siva dusra kaun hai unka.?" Maine ye kaha to maa ne haan me sir hilaya.

Aise hi maa se meri baate hoti rahi. In saari baato me ek baat ye achhi huyi ki wo ab kusum didi se naraaz nahi thi. Yaani didi ke prati unki naraazgi khatm ho gayi thi. Unhone mujhse kaha bhi ki wo didi se milengi aur unhe ghar le jayengi.

Dopahar ko dakshina aayi. Ab kyo ki dakshina ke bare me thoda bahut maa ko mujhse pata chal gaya tha is liye maa unse baate karti rahi. Waise bhi dakshina ke prati maa ke man me sammaan ki hi bhaavna thi kyo ki usne aise halaat me hamari bahut madad ki thi. Maine dekha ki maa aur dakshina ke beech achha taal mel ho gaya tha.

Aise hi sara din guzar gaya. Dakshina ne doctor se baat ki thi. Usne bataya ki ek do din me mujhe hospital se ghar le jaya ja sakta hai magar shart ye hai ki mujhe time time se niyam ke anusaar dawa dena padega aur mera khayaal rakhna hoga. Doctor ki is baat se dakshina khush ho gayi thi. Usne maa ko bhi is bare me bataya to maa bhi khush ho gayi thi.

Shaam hone se pahle hi dakahina ne maa se ghar jane ke liye kaha to maa ne kaha ki wo ghar ja kar kya karengi. Balke unhe unke bete ke paas hi rahne se achha lagta hai. Magar jab maine bhi zor diya to maa ko jane ke liye raaji hona hi pada. Maa ne dakshina se kaha ki wo kusum didi ko aaj apne sath hi ghar le jayegi to unki is baat se dakshina ne kaha ki kusum ko kuch din unke paas hi rahne de. Aakhir wo bhi to uski beti jaisi hi hai. Dakshina ki is baat ko maa ne khushi khushi maan liya.

Dakshina ne savita ko bula liya tha is liye savita maa ko le kar ghar jane lagi to maa ne dakshina se bhi chalne ke liye kaha to dakshina ne kaha ki use ek baar factory ka chakkar lagana padta hai. Iske pahle sab kuch vicky hi dekhta tha. Ab kyo ki vicky is haalat me hospital me hai to ye kaam use hi karna padta hai. Dakshina ki is baat se maa ne us par sahaanubhuti dikhaayi aur fir savita ke sath chali gayi. Maa ke jane ke baad dakshina mere paas aayi aur maa wali kursi par baith gayi. Uske chehre se hi lag raha tha ki wo aaj khush hai.

"Kya baat hai aaj bada khush nazar aa rahi ho.?" Maine muskurate huye ye kaha to dakshina ne kaha.
"Khushi ki to baat hi hai jaan. Aaj tumhari maa se main kafi ghul mil gayi hu. Aisa laga hi nahi ki main unke liye koi gair hu." Dakshina ne ye kaha to maine kaha.

"Ye to achhi baat hai na aur abhi to ye shuruaat hai. Dhire dhire shayad aisa bhi wakt aa jaye ki tum mere pariwaar ka hissa ban jaao." Maine ye kaha to dakshina ne kaha.

"Kaash aisa jaldi ho jaye jaan. Main us din bahut khush hougi jis din aisa hoga. Waise mujhe to yakeen hi nahi hota ki main kabhi tumhari maa ko saasu maa kah sakugi." Dakshina ne udaas lahje me ye kaha to maine kaha.

"Matlab tumne pura man bana liya hai ki tum meri biwi banogi. Uffff yaar, sab kya sochenge hamare bare me.? Ek maa jaisi umar ki aurat ka bete jaisi umar ka ladka uska pati ban gaya hai...aur baat yahi par khatam nahi hoti...agar aisa hota hai aur jab hamare bachche honge to wo tumhe kya kahege....maa ya dadi.?" Maine muskurate huye ye kaha to dakshina ne ekdam se apna muh fula liya.

"Tum mera mazaak uda rahe ho.???" Dakshina ne muh fulate huye ye kaha to maine haste huye kaha.
"Yaar main mazaak nahi uda raha hu balke main to wahi kah raha hu jo aisa hone par lagega." Maine ye kaha to dakshina ne kaha.

"Tum na rahne do ab. Jab dekho tab meri umar ka tana maarne lagte ho tum." Dakshina ne roothte huye ye kaha to maine kaha.
"Aree yaar, maine kab is tarah ka tana mara.?" Maine hairaani se ye kaha to dakshina abhi kuch kahne hi wali thi ki tabhi uske parsh me pada uska mobile baja. Jiski vajah se usne mujhse kuch na kaha balke parsh se apna mobile nikaalne lagi.

Bhai log....
Aaj ke liye itna hi....

Read Enjoy & Give Your Feedback....
Keep Supporting & Stay With....


​

muzhe to ye accident karane wala .. Dakshina ka jamai aur Kiran ka pati lagta hai .. kyon ki Vikas ki vajah se usko Dakshina ki property nahi mil paayi .. aur Kiran ne bhi property mein hissa nahi manga .. aur aage bhi future mein sab kuch Vikas ko he milega .. aur shayad usko ye bhi chid ho ki uski patni Kiran ka chakkar Vikas se hai .. khair aage dekhte hai .. kya hota hai ..

Dakshina ki chemestry to apni future wali Saas Renuka se acchi ho rahi hai .. aur Saath he apni Sautan Kusum se bhi .. but ye nayi musibat kaun hai .. aur kya jisne Vikas ka accident karaya kya vo he Kusum ko kidnap karane wala bhi vo he tha .. ?