- 13,763
- 98,350
- 259
Aapki harr ek baat dil ko chhu gayi. Harr ek point aapne jo mention kiya wo harr ek point sahi tha. Ek writer ko sirf acche comments aur likes ke alaawa chahiye hi kya hai? Yaha itne saare log kahaniya padhte hai par jab likes dene ki baat aati hai toh pata nahi kaha sab gayab ho jaate hai. Meri story me khushkismati se harr updates me atleast 15 likes toh rehte hi hai. Mene wo flow bana ke rakha hai. Aadhe se zyada log toh comments ke naam par sirf copy paste maarte hai. Awesome update , jabardast update...Bhaya baat ye nahi hai ki main story me kahi atak gaya hu ya fir mujhe ye samajh nahi aa raha ki main aage kya likhu....baat hai readers ke reaction ki. Readers story to padhte hain magar na like karte hain na hi comment karte hain. Kuch log to ye bhi kahte hain ki unhe review dena nshi aata agar aata to kya wo khud koi story na likhte. Ajeeb baat hai bhaya ki inhe kuch bolna nahi aata...magar jab aap update nahi doge ya fir story bich me hi stop kar doge to inhe writer ko gaaliya dena aur faaltu ki baate karna aane lagta hai. Hai na mazedaar baat.????
Yaha kisi ko kuch nahi milta hai. Na writer ko likhne ke paise milte hain aur na hi readers ko padhne ke. Log sirf enjoy karne aate hain. Writers story likh ke enjoy karte hain to readers story padh kar magar iske bich jo ek important cheez honi chahiye wo nahi hai. Writers aur readers ke bich ka combination sahi nahi hai. Writer story likhta hai aur ek update taiyar karne me kam se kam 3 se 4 ghante lag jate hain magar readers us update ko mushkil se 5 ya 10 minute me padh kar gayab ho jate hain...wo ye bhi nahi sochte ki writer ne agar itni mehnat karke aur time laga kar update likha hai to us par apne kuch vichaar bhi rakh de....
Main ye dekh kar hairaan hota hu ki jin stories me maheeno koi update nahi aata us par dana dan log waiting waiting likh kar page bhar rahe hain aur jis story me update aata hai usme readers gayab hain. Story ko bich me chhod dene ke pichhe sirf writer hi jimmedaar nahi hai balki readers bhi utne hi jimmedaar hain....
Writer sirf like comment hi chaahta hai magar use wo bhi nahi milta. Hamare kamdev bhaya aur firefox bhaya hame samjhate hain ki hame is sab par dhyan nahi dena chahiye balki apni pratibha ko chup chaap yaha dikhate raho. Matlab ki aap paaglo aur bevkufo ki tarah lage raho aur samne wala aapki taraf dekhe tak na.???
Starting me mujhe bhi lagta tha ki ye writer log kyo apni story ko bich me chhod kar bhaag jate hain...mujhe aise writers par gussa bhi aata tha magar jab maine story start ki aur aage badha to samajh aaya ki aisa kyo hota hai. Maine socha tha ki is story ke baad aur bhi stories likhuga magar galat socha tha bhaya....
Yaha bade bade writers ki stories ka bhi yahi haal hai. Yaha un stories par log chipke huye hain jinme be sir pair ka sex bhara hua hai. Anyway leave this topic bhaya. Ye story zarur complete karuga, bhale hi iske liye wakt lage....
Unke liye harr update awesome hi rehta hai. Kya pata wo kahani padh bhi rahe hote hai ya nahi. Ye fake motivation aur bhi bura lagta hai, kyuki samajh me aa jaata hai bhaaya ki agla sirf formality ke liye copy paste kar raha hai. Yadi readers jitne acche se updates padhte hai, utne hi acche se reviews ke saath saath likes bhi dete jaye toh kahani band hi na hoye. Aur aapki baat bilkul sahi thi. Yaha par log unn kahaniyo ke peeche pade hai jo band ho gayi hai ya jinme hardly koi update aata hai. Mene bhi apni next story ka plot soch liya hai, par ab dekhte hai kya scene chalta hai. Yadi accha raha toh post karunga nahi toh mein shayad hi fir forum par dikhu. Itna samay nikaal kar writer kuch likhta hai par usme bhi yadi saraahna na mile toh kya kiya jae? Jaan ke khushi hui ki aap kahani me kahi atke nahi hai, aur ye bhi jaan ke khushi hui ki aap likhenge. Isse complete zaroor kariyega. Yadi aap post nahi karna chaahte toh mujhe personally aage ke updates bhej dijiyega hehe! Mein nahi chaahta itni pyaari story adhuri reh jae.
Dhanyawad!!
Last edited:
