Mr. Perfect
"Perfect Man"
- 1,434
- 3,733
- 143
Waaah Mr. Pandit bhai kya emotions se bhara update diya hai. Kamaal ka likha hai bhai____
Kusum didi par lattu hai bhai. Isme samajhne wali kaun si baat hai. Vicky ke jaisa hi haal kusum ka bhi hai. Bas wo laaj sharam ke kaaran khul kar bata nahi sakti hai______
Writing skill bahut badhiya hai pandit bhai. Ab aage badho. Ye janne ki jigyasa hai ki main matter kya hua tha. Jike kaaran hero ka apna ghar pariwar chhodna pada tha______
Waiting for the next______
Kusum didi par lattu hai bhai. Isme samajhne wali kaun si baat hai. Vicky ke jaisa hi haal kusum ka bhi hai. Bas wo laaj sharam ke kaaran khul kar bata nahi sakti hai______
Writing skill bahut badhiya hai pandit bhai. Ab aage badho. Ye janne ki jigyasa hai ki main matter kya hua tha. Jike kaaran hero ka apna ghar pariwar chhodna pada tha______
Waiting for the next______
SAB KUCH JAYAZ HAI....Main gahri neend me sota zarur tha lekin agar koi awaaz de to meri neend khul jati thi. Aisa hi hua yaani kisi awaaz se meri neend khul gayi. Neend khuli to mujhe samajh aaya ki bed ke sirhaane par hi rakhi alarm ghadi baj rahi thi. Meri nazar bed par mere bagal me padi to dekha ki kusum didi uth kar baith gayi thi aur apne ek hath se alarm ghadi ke us switch/botton ko band kar rahi thi jiske off kar dene se alarm ghadi ka bajna band ho jata tha.
UPDATE = 05
FLASHBACK CONTINUE.....
Alarm band karne ke baad jab wo palti to unki nazar mujh par padi. Mujhe jaga hua dekh kar wo thodi chaunki fir muskura uthi. Ahaa us wakt unki manmohak muskaan dekh kar mera man khushi se bhar utha tha.
"Aaj ki subah kitni achhi hai na didi.?" Maine unki taraf dekha aur muskurate huye bola.
"Achha...aur wo kaise bhala.?" Unhone muskura kar mujhse puchha tha.
"Wo aise ki aaj subah subah hi maine apni us didi ki muskaan dekhi jo duniya me sabse sundar aur masoom hain." Maine jab aisa kaha to didi ki muskaan aur gahri ho gayi. Unke chehre par khushi ke bhaav ubhar aaye. Wo mujhe bade dhyaan se dekhne lagi.
"Baate banana koi tumse seekhe hai na.?" Fir Mujhe dhyaan se dekhte huye kaha didi ne.
"Lo isme baate banane wali kaun si baat hai bhala.? Maine to wahi kaha jo sach hai. Aapko aisa kyo lagta hai ki main baate bana raha hu.?" Maine kaha to didi bas muskura kar rah gayi magar boli kuch na.
"Ab batiaye bhi...aisa kyo lagta hai aapko.?" Maine unhe chup dekha to dobara puchha.
"Kyo ki aisa tum sirf mera dil rakhne ke liye kahte ho. Tum hamesha yahi chaahte ho ki main khush rahu. Warna jitni badi badi tum tareefe karte ho meri utni to main hu hi nahi." Didi ne nazre jhukaye huye kaha to main muskura utha.
"Ek to ladkiyo ka bhi na bas ek hi panga hai. Tareef na karo tab bhi problem aur tareef karo tab bhi problem. Aakhir ham ladke kare to kare kya.?" Maine ruthe huye lahje se kaha to didi has padi.
"Achha tumhe ladkiyo ke bare me bada pata hai vicky...kya megha ne bataya tha ya usse seekha hai.?" Didi ne mazaak me kah to diya magar agle hi pal unhe laga jaise aisa kah kar unhone badi galti kar di ho. Idhar main unki is baat se ekdam chup rah gaya tha. Megha ka naam aate hi mere jisam me ek jhatka sa laga tha. Magar maine khud ko samhaal liya. Mujhe pata tha ki didi ne aisa bas mazaak me hi kaha tha warna wo mera dil dukhane ke liye aisa kah hi nahi sakti thi. Maine jab dekha ki wo ekdam se chup ho gayi hain to main unhe dekh kar muskuraya.
"Aisa kuch nahi hai didi...itna to aaj kal ke bachcho ko bhi pata hai ki ladkiya kaisi hoti hain....khair aap baat ko ghumaiye mat aur is baat ko maan lijiye ki jo maine aapki tareef me kaha tha wo sab solah aane sach hai." Maine aisa kaha to didi fir se muskurane lagi.
Kuch der wo mujhe dekhte huye jane kya sochti rahi fir wo bed se neeche utarne lagi. Unhe bed se utarta dekh mujhe aisa laga jaise main didi ko rok lu aur apne paas se jane na du. Magar main aisa chaah kar bhi nahi kar sakta tha. Bhala main unse rokne ki kya vajah batata.? Mujhe bhi ajeeb laga ki mere man me aisi baat kyo aayi.?
"Tumhari baato ko sunne ke chakkar me kahi aisa na ho ki maa pita ji jaag jaye. Maa ki aadat hai ki wo jaagne ke baad jab apne kamre se nikalti hain to sabse pahle mere hi kamre me aati hain. Mujhe nahi pata ki aisa wo kyo karti hain....shayad dekhne aati hongi ki main theek se so rahi hu ki nahi." Didi ne bed se utarne ke baad meri taraf dekhte huye kaha tha.
"Theek hai didi aap jaiye...main to ab nahi souga kyo ki meri aaj ki subah bahut hi achhi huyi hai...fir se souga to itni achhi subah ki insult ho jayegi." Maine aisa kaha to didi fir se muskura padi.
"Tum nahi manoge na...chalo main ja rahi hu. Kuch der me aati hu tumhare liye chaay le kar. Tab tak tum bhi haath muh dho lo." Didi ne kaha to main ekdam se khush ho gaya. Mere chehre par ekdam se aayi is khushi ko dekh kar didi hasi aur fir kamre se baahar chali gayi. Unke jane ke baad main bhi bed se neeche utra aur fir kamre se baahar aa gaya.
Toilet neeche aagan ke us paar bana hua tha so main neeche aa kar us taraf hi chala gaya hath muh dhone ke liye. Abhi subah ke paanch nahi baje the. Shayad alarm 4:30 ka lagaya tha didi ne. Paanch baje maa pita ji dono hi uth jate the.
Hath muh dhone ke liye main neeche aaya tha. Hamare yaha shahro ki tarah kamre me hi attach bathroom nahi bana hua tha balke neeche hi bana tha jisme sab log jate the. Maa pitaji apne kamre me hote the aur toilet aangan ke us paar tha. Jisse agar koi toilet me ho to waha se pani vagaira girne jaisi koi awaaz yaha tak sunaai nahi deti thi.
Aangan ke us paar do toilet bane the jo ki agal bagal hi the. Dono me hi nahane ke liye bhi jagah thi. Main jab toilet ke kareeb pahucha to mujhe left wale toilet se halka pani girne ki awaaz sunaai di to main samajh gaya ki kusum didi uske andar hi hain. Ye jaan kar main right side wale toilet me chala gaya.
Do minute baad hi left side wale toilet ka darwaza halke se khula. Shayad didi fresh ho chuki thi. Idhar main bhi hath muh dhone ke liye badha to maine socha achhe se fresh hi ho leta hu. Ye soch kar main fresh hone laga. 10 minute baad main toilet se fresh ho kar waapas apne kamre me upar aa gaya aur didi ke aane ka wait karne laga. Aaj ye pahli baar tha jab main itni subah uth kar fresh ho liya tha warna to 7 ya 8 baje ke pahle main ye sab karta hi nahi tha.
Pata nahi kyo magar aaj main khush tha. Mera man baar baar didi ki taraf hi ja raha tha. Unke hi bare me sochne lagta tha. Shayad is liye ki kal raat wo life me pahli baar mere sath ek hi bed par soyi thi aur ab se aisa hi hone wala tha. Meri sabse sundar aur masoom didi jo mujhe bahut pasand thi wo ab rozana mere sath hi raat me soyengi. Is baat ki khushi mujhe bahut ho rahi thi. Mere man me unke liye koi bhi bura vichaar nahi tha aur na hi mera man kabhi is taraf gaya tha. Wo meri badi bahan thi aur mera had se jyada khayaal rakhti thi. Ham dono ek dusre ko bahut maante the.
10 minute intzar baad aakhir kusum didi hath me tray liye mere kamre me aayi. Jaise hi ham dono ki nazre mili to wo halke se muskuraai. Unke hotho par faili halki muskan aur unke dono taraf ke gaalo par halke gaddhe pad jana unko itna khubsurat bana deta tha ki usko lafzo me shayad bataya hi na ja sake.
Unki muskaan dekh kar mere hotho par bhi muskaan aa gayi. Aaj ki subah sach me sabse haseen lag rahi thi mujhe. Iske pahle aisa kabhi mahsoos nahi kiya tha maine. Main aur to kuch nahi janta tha lekin main hamesha yahi chaahta tha ki main apni didi ke paas hi rahu aur unse dher saari baate karta rahu. Unki awaaz itni pyaari aur surili thi ki har wakt bas unki awaaz ko hi sunte rahne ka dil karta tha.
"Aaj main kuch alag mahsoos kar raha hu didi. Kya aapko bhi kuch alag mahsoos ho raha hai.?" Maine kahte huye puchha to didi boli to kuch na bas muskurate huye mere kareeb aa gayi. Mere bilkul saamne tray ko liye ruk gayi to maine tray par rakhe do cup me se ek cup ko utha liya.
"Bataiye na didi....kya aapko bhi aaj kuch alag mahsoos ho raha hai.?" Maine utsukta se is baar puchha to didi ne usi tarah muskurate huye tray se apna cup uthaya aur fir tray ko neeche bed ke paas rakh kar mere paas hi bed ke kinare par baith gayi. Jab ke main unke mukh se jawaab sunne ki jigyasa se unki taraf hi dekhta raha.
"Arree pahle chaay to piyo vicky....aur jo sawaal tumne mujhse puchha hai uska jawaab pahle tum hi mujhe do." Didi ne ool jalool jaise andaz me mujhse ye kaha to mujhe kuch samajh na aaya.
"Matlab.." Maine chaay ka pahla ghoot peene ke baad kaha unse.
"Pahle tum bataao ki tumhe aaj kya alag mahsoos ho raha hai.?" Didi ne bhi cup se ek ghoot chaay peete huye puchha.
"Sab kuch hi to alag mahsoos ho raha hai didi. Kuch cheeje new huyi hain shayad isi vajah se aisa lag raha hai mujhe. Jaise kal raat aap mere paas hi bed par raat bhar ruki rahi aur aapne ye bhi kaha ki ab se har roz aisa hi hoga. Dusri baat ye ki subah subah ye chaay pilana. Aaj se pahle aisa kabhi nahi hua tha. Yaani na aap kabhi mere sath raat bhar mere kamre me rahi thi aur na hi ye subah subah chaay pilane wala system hua tha." Maine detail me ye sab bataya to didi muskura padi.
"To is vajah se tumhe aaj kuch alag mahsoos ho raha hai.?" Didi ne kaha.
"Haan...aur mujhe lagta hai ki aapko bhi aisa hi mahsoos ho raha hoga." Maine kaha to didi ne chaay ka ek aur ghoot piya aur fir meri taraf dekha.
"Sach kaha tumne magar ye to hota hi hai vicky. Insaan ki life me jab koi cheej pahli baar hoti hai to uska ahsaas pahli dafa alag hi lagta hai. Uske baad fir us ahsaas ki aadat si ho jati hai." Didi ne jaise mujhe samjhate huye kaha to main bas apna sir hila kar rah gaya.
"Tumhe pata hai vicky...aaj jab main maa pita ji ko chaay dene ke liye unke paas gayi to wo dono hairaan rah gaye the." Didi ne ye kaha to main muskura utha.
"Wo to hona hi tha didi...iske pahle aisa hua jo nahi tha." Maine kaha.
"Haan...jab main chaay le kar gayi to unka kamra pahle band tha to maine maa ko awaaz di. Kuch hi der me jab maa ne darwaza khola aur mujhse puchha ki kya hai to maine chaay ka tray unki taraf badha diya. Mere hatho me itni subah subah chaay ka tray dekh kar wo hairaan rah gayi. Fir kahne lagi ki aaj ye suraj kis disha se ug gaya hai.? Maine kaha ki aapko subah subah ham sab ke liye takleef uthani padti hai is liye ab se subah subah ka ye wala kaam main karugi. Meri ye baat sun kar maa bahut khush huyi aur fir unhone yahi baat pita ji ko bhi bataai to pita ji bhi khush ho gaye. Maa ne mujhe pyaar se gale lagaya. Uske baad unko chaay de kar main tumhare paas aa gayi." Didi ne lambi chaudi ye kahani bataai to main muskura utha.
"So ab ye pakka ho gaya ki ab se aisa hi hoga.?" Maine kaha to didi ne haan me sir hila diya.
"Kuch bhi ho didi magar is sabse kam se kam mujhe bahut khushi huyi hai. Ab se aap mere paas hi rahengi aur subah subah aapki ye manmohak muskan dekh kar mera man sara din khushi se bhara rahega." Maine aisa kaha to didi mujhe bade dhyaan se dekhne lagi. Unke hotho par fir se muskaan ubhar aayi thi.
"Tu mujhe itna kyo maanta hai vicky.? Mujhe aisa lagta hai ki is duniya me tum pahle aise bhai ho jo apni bahan ko itna maanta hai. Mujhe khushi hai ki bhagwan ne mujhe tere jaisa bhai diya hai. Tujhe ek baat bataau....Main har wakt tere hi bare me sochti rahti hu." Didi ne aisa kaha to main shock ho gaya. Magar agle hi pal main muskura utha. Mujhe unki is baat se andar hi andar jane kyo ek khushi si mahsoos huyi. Main ab ye jaanna chaahta tha ki didi mere bare har wakt aisa kya sochti rahti hain.?
"Aisa kya sochti rahti hain aap mere bare me.?" Maine unki taraf dhyaan se dekhte huye puchha to unke chehre par eka ek gambheerta ubhar aayi.
"Kuch samajh hi nahi pati vicky. Bas mere man me jane kya kya chalne lagta hai." Didi ne kaha to main hairan rah gaya.
"Kya chalne lagta hai...bataiye na didi." Fir maine badi utsukta se puchha unse.
"Bahut sari baate hain vicky...kuch to aisi bhi hain jinke bare me main shayad tujhe bata bhi nahi sakti." Didi ne nazre jhuka liya tha ye kahte wakt. Unki is baat se main sochne laga ki aisi kaun si baat ho sakti hai jise didi mujhse bata bhi nahi sakti.
"Ye to badi ajeeb baat hai...magar main jaanna chaahta hu didi ki aisi wo kaun si baate hain jinhe aap mujhse bata bhi nahi sakti.?" Maine kaha to didi ne nazar utha kar meri taraf dekha. Unke chehre par dher sare rang aa gaye.
"Jane de vicky....is bare me kuch mat poochh. Chal ab main jati hu...mujhe maa ke sath kaam me hath bhi batana hai." Didi ne ye kaha aur bed se uth gayi. Main unke is andaaz se hairan hua aur unki taraf dekhne laga. Unke chahre par maujood rang badi teji se badal rahe the. Mujhe samajh na aaya ki didi ne aisa kyo kaha aur ab kaam ka bahana kar ke ja rahi hain yaha se.
"Kya aap mujhe batana nahi chaahti didi.? Aur kya isi liye aap yaha se ja rahi hain.?" Maine gambheerta se kaha to didi ne jhatke se meri taraf dekha. Aisa laga jaise wo andar hi andar kisi baat se ghabra gayi ho.
"Nahi vicky....aisi koi baat nahi hai." Didi ne khud ko samhaalte huye kaha magar mujhe unki baat par bharosa na hua. Mujhe yakeen sa ho gaya tha ki kuch to aisi baat hai jise didi mujhse batana nahi chaahti hain.
"Chaliye theek hai...mat bataiye...main aapko majbur nahi kar sakta. Majbur karne ka matlab hai ki aapko dukh takleef dena jo ki main nahi de sakta. Main to bhagwaan se hamesha yahi dua karta hu ki meri didi ki sari takleefe aur sare dukh mujhe de de." Maine aisa kaha to didi ki aankh se chhalchhala kar aanshu bahne lage. Wo jhapat kar aayi aur mujhse lipat kar rone lagi.
"Nahiii vickyyyy....aisa mat kah reee. Mujhme itni himmat nahi hai ki main teri itni badi badi baato ko sah jaau. Dekh aaj ke baad tu aisi baat kabhi mat karna. Tu mera iklauta bhai hai...mujhe jaan se pyara hai tu. Tere bare me kuch bhi bura nahi chaah sakti main. Kuch baate hoti hi aisi hain jinhe ek bahan apne bhai se nahi bata sakti...tu samajh sakta hai to bas samajh le magar mujhe galat mat samajhna." Didi ne mujhse lipte huye ye kaha to mera sara vajood jhanjhana kar rah gaya.
"Main aapko kabhi galat samajhne ki bhool kar hi nahi sakta didi. Agar mujhe bhagwan bhi aa kar kahe ki meri didi galat hai to main yakeen nahi kar sakuga." Maine aisa kaha to didi ka pura jisam mujhe eka ek tharthara gaya sa mahsoos hua.
"Aisa tu is liye kah raha hai vicky kyo ki tu mujhe bahut maanta hai aur bahut pyaar karta hai. Magar duniya ki ek sachchaai ye bhi hai is duniya me koi bhi insaan doodh ka dhula hua nahi hai. Koi bhi insaan aisa nahi hai is duniya me jisne koi paap na kiya ho." Didi ne mujhse alag ho kar kaha to main unke aanshuo se tar chehre ko dekh dahal sa gaya.
"Par aapne koi paap nahi kiya...iska mujhe pura yakeen hai." Maine kaha to didi ke hotho par feeki si muskaan ubhar aayi.
"Maine kaha na vicky ki aisa tu bas isi liye kah raha hai kyo ki tu apni is didi ko bahut chaahta hai. Teri nazar me main duniya ki sabse achhi didi hu. Jab ke har insaan koi na koi paap zarur kiya hota hai." Didi ne kaha to main be yakeeni se unki tataf dekhne laga.
"Kya aap mujhe bata sakti hain ki aapne aisa kaun sa paap kiya hai.?" Maine kaha.
"Mujh me itni himmat nahi hai vicky ki apne paap ke bare me tujhe bata saku. Shayad aise bahut kam hi log honge jo khushi khushi apne paapo ka bakhaan kisi se karte honge." Didi ne kaha to main chup rah gaya.
Main chup hua to didi ne bhi kuch na kaha. Ham dono ke beech sannata sa chha gaya. Mujhe laga ki aisi baato ki vajah se hamare beech kaisi situation create ho gayi hai. Mujhe is situation ko dekh kar bada ajeeb sa feel hua. Udhar didi ke chehre par gambheerta chhayi huyi thi. Pata nahi kyo magar mujhe aisa laga jaise anjane me maine apni didi ko kisi dharam sankat me daal diya hai jiski vajah se wo ek dam se khamosh ho gayi hain. Unke hotho ki wo manmohak muskaan jo iske pahle tak kaayam thi uska kahi pata hi nahi tha.
Mujhe khud par gussa aaya ki abhi jis muskaan ko le kar maine apne din ke achha hone ki baat kahi thi ab usi achhe din ko in sab baato se kharaab sa kar diya tha. So maine soch liya ki situation ko fir se pahli jaisi banaya jaye. Par mujhe samajh na aaya ki main is gambheer situation ko pahle ke jaisi kaise banaau.?
"Fikar mat kijiye didi...aur ye sab baate jo hamare beech abhi huyi hain unko bhi dimag se nikaal dijiye. Ye sochiye ki hamare beech aisi koi baate huyi hi nahi hain. Kitna bevkoof hu main ki ek achhe khaase maahaul ko gambheer banwa diya. Jab ke iske pahle main is baat par khush tha ki main subah subah apni sabse pyaari didi ki manmohak muskaan ko dekha aur jis muskaan ki vajah se mera aaj ka sara din khushiyo se bhara rahega. Ohhh didi plz mujhe maaf kar dijiye aur fir se mujhe apni wahi manmohak muskaan dikha dijiye. Main nahi chaahta ki is sab ki vajah se aap sara din kisi tention me rahe." Maine didi ke dono kandho ko pakadte huye aisa kaha to didi ne kuch pal mujhe dekha aur fir unke chehre par maujood rang badalne lage. Unke hotho par fir se wahi muskaan aa gayi. Unki wo muskaan dekh kar mujhe apne andar ek sukhad ahsaas hua.
"Ek baat kahu didi....aap hamesha aise hi muskurate raha kijiye. Aap sach me bahut pyari lagti hain aise me. Main kisi ki bhi kasam kha kar kah sakta hu ki aap duniya ki sabse sundar aur pyari didi hain." Maine aisa kaha to didi ke hotho ki muskaan aur bhi gahri ho gayi.
Unke chehre par ek chamak aa gayi. Wo mujhe bahut hi pyaar bhari nazro se dekhne lagi thi. Maine dekha ki unka gora chehra eka ek hi surkh sa ho gaya tha aur fir tabhi unhone apni nazre jhuka li. Unke gulaabi hoth kapkapane lage the.
"Kya hua didi.? Aapne yu apni nazre kyo jhuka li.?" Maine bholepan se kaha to didi has padi aur fir meri taraf dekha.
"Ab tu mujhse maar khayega...chal ab main ja rahi hu. Kahi aisa na ho ki maa mujhe dhoodhte huye yaha aa jaye." Didi ne muskurate huye kaha aur bed se neeche utar gayi.
"Theek hai didi aap jaiye...main bhi ab nahane dhone jaauga. Kha pi kar pita ji ke sath kheto par bhi jana hai na." Maine kaha to didi ne meri taraf kuch pal dekha aur fir mere sir par halke se apna haath fer kar kamre se baahar chali gayi.
Unke jane ke baad mujhe aisa laga jaise ab main kitna akela ho gaya hu aur mujhe ab kuch bhi achha nahi lag raha tha. Aisa Lag raha tha ki didi ke sath main bhi chala jata to kitna achha hota. Mujhe kuch aur na soojha to main bed par fir se let gaya aur apni aankhe band kar li.
Aankhe band kiye main didi ke sath huyi baat cheet ke bare me shuru se ab tak ki saari baate sochne laga. Sochte sochte main is ek sawaal par aa kar ruk gaya ki aisi kya baat ho sakti hai jise didi mujhe bata nahi sakti.? Maine bahut socha magar mujhe kuch samajh na aaya.
Mere man me achanak ye vichaar bhi ubhra ki main aisa kyo chaahta hu ki meri didi har pal mere paas hi rahe aur main unki wo manmohak muskaan dekhta rahu. Kya main ye sab sirf ek bhai ke rishte se hi sochta hu ya fir isme kuch aur bhi aisi koi baat hai jiske bare me mujhe abhi tak koi ahsaas nahi hua hai.?
Bed par lete lete main is bare me jane kab tak sochta raha. Mujhe wakt ka pata hi nahi chala tha...wo to jab didi dubara mere kamre me khana khane ka kahne aayi tab mujhe dhyaan aaya ki mujhe nahane dhone bhi jana tha. Unke bulane par main jaldi se utha aur fir jaldi jaldi apne kapde utarne laga. Kapde utarne ke baad maine ek towel liya aur neeche aangan ke paas bane toilet com bathroom ki taraf teji se badh gaya.
Khana khate wakt sab normal hi raha. Main aur pita ji sath hi baith kar khana kha rahe the jab ke maa khana paros rahi thi. Didi andar kitchen me thi. Mere pita ji ki aadat thi ki wo khana khaate wakt baat nahi karte the aur na hi unhe khaate wakt kisi ka baat karna pasand tha. Unka kahna tha ki khana khaate wakt baat nahi karna chahiye. Tasalli se khana khaao uske baad hi jo baat karna hai karo.
Kheto me is rabi me zyada koi kaam to nahi tha magar kaam banaye rakhne ke liye kuch na kuch kheto par ugaya hi jata tha. Jaise abhi ke wakt me kheto par bahut saari sabjiyaan ugaayi gayi thi. Ek taraf naye naye paudhe lagaye ja rahe the. Hamare yaha chaar majdoor 12 maheene lage rahte the.
Khana khane ke baad hi mujhe ye pata chala ki pita ji kheto par ek normal sa makaan banwana chaah rahe hain. Wo maa se baat kar rahe the. Baato se hi mujhe pata chala ki makaan banwane ki baat pahle se hi chal rahi thi...ab to bas makaan banna shuru hi hona tha. Thodi der maa se baat karne ke baad pita ji ne mujhse kaha ki main kheto par jaau...unhe kuch samaan vagaira lana hai shahar se.
Main kheto par jane ke liye to pahle se hi taiyar tha is liye jab pita ji ne aisa kaha to maine khamoshi se haan me sir hila diya. Uske baad pita ji apne kamre ki taraf chale gaye. Kamre se wo kuch der me waapas aaye aur baahar ki taraf chale gaye. Main bhi kheto par jane ke liye maa se bataya aur chal diya to tabhi maa ki awaaz aayi jo ki mujhe hi de rahi thi. Main unke paas gaya to maa ne mujhse kaha ki main kusum didi ko bhi sath le jaau.
Maa ki baat sun kar maine haan kah diya. Kusum didi aksar kheto par jaya karti hain jab ke meri dono judwa bahne kheto ke naam se hi muh banane lagti thi. Is wakt wo dono apne kamre thi. Dono ko aaj kal silaayi seekhne ka bhoot sawaar tha. Didi ko silaayi aati thi is liye ab wo bhi unki nakal kar rahi thi. Waise bhi ghar me unke paas dusra koi kaam to tha nahi. Is liye wo dono ek sath kamre me ek hi machine par baari baari se lagi rahti thi.
Silaayi seekhne ke bhoot ne ek achha kaam ye kar diya tha ki ab un logo ka shor gul kam sa ho gaya tha. Warna un dono ki nok jhonk chalti rahti thi. Dono ka target main hi hota tha. Pata nahi mujhe satane me un dono ko kya maza aata tha. Main un dono par kabhi gussa nahi karta tha. Unki chuhal baaziyo par mujhe bhi maza aata tha.
Aaj ke liye itna hi bhai log & sorry for late.....
Keep supporting & stay with.....
Last edited: