Update 35
NExt day
aaj yagya ka last day tha aur aaj haveli me pure gaanv ke khilane ki tyari ho rahi thi aur wahi dusri taraf ghar ke shabhi sadsy havan kund ke paas baith chuke the
aur khuch hi samay me hi yagya suru ho gya aur har mantra ke uccharan ke ant shabhi havan smagri kund me daal rahe the
dhire dhire samay bit ta gaya aur yagya apne antam Charan pe pahuch gya aur jld hi yagya samapta ho gya uske baad shankh ki goonj se is yagya ki Purna hone ki ghosna ho gyi
uske baad kafi time Tak aarti hui Agni Pavan aur Narayan ke sath sath shiv aarti bhi kiye jisme gaanv wale bhi shamil rhe
sab kuch samapt hone ke paschaat shabhi ne guruji ka aashirwad liya aur sab waha se uth ke ab alag jagah baith gye jaha shabhi ke baithne ki waywastha ki gyi thi
Dadiji - dhanyawad guruji aap ke sujhav ke hi Karan aaj hamara pura pariwar ek sath baitha huwa hai nhi to ham to Puri ummid chor chuke the ki is trah se hamara pariwar kabhi ikattha ho payega ( hathjod kar dadi ne bola )
Dadi ji ki baato ko sun ke guruji bas muskura kar apne man me bole
Guruji - man me ye to din aane wala hi tha aur bs ham to is Safar ka aagaj karane wale ko yaha dekhne chle aaye the
GUruji - aap bs ab khush rahihye jo bhi dukh the is gaanv ya haveli ke upar wo dukh kat gye aur jo kaale badal is gaanv me chaye huwe the ab jald hi chatt jayenge ab jld hi sb kuch pahle jaise ho jayega
Dada ji - aapke kahne ka kya matlab hai gurudev ham samjhe nhi
.
Guruji - mtlb kya samjhna hai kuch nhi rakha hai mtlb me aur ab aap sb khush rahiye hamari ishwar se bs yhi prarthna hai
ab ham izzazat chahenge chlne ki
Dadi - guruji aap sham ke bhoj karte jaiye bas yhi kripa karne ka kast aur kar dijiye
.
Guruji - hamare paas samay nhi hai isliye ham kshama chahte hai na rukne ke liye hame ek atyant mahtwapurn kaarya ke liye niklna hai ham jald hi wapas aayenge aur phir kabhi bhijan karenge tab tak liye hame khed hai
uske baad kuch nhi huwa aur guruji bhi chle gye aur jo sath me unke aur brahman the Unhe rok liya gya aur unhe aaram karne ke liye ek room me waywastha kar diya gya
wahi aur sab idhar udhar baat karne me lage huwe the mujhe pta chla ki aaj bhaiya ki jaha engagement Hui thi unke sasural wale bhi aa rahe the sham ko
MAi bas baith ke logo ki charcha sun raha tha idhar udhar ki baate ho rhi thi bade logo ki abhi koi kuch aur karne jata ek baar phir se haveli me wahi gadiya ghus chuki thi
I's baar gaanv ke log sab ek jagah ekattha ho ke khade ho gye is baar phir gajendra apne bete ke sath aaya huwa tha
ek baar phir is baar Ghar ke mard hi bahar aaye aur unke samne khade ho gye
Gajendra - hahaha hahaha kyu bhanu pratap tujse raha nhi gya itni samaj seva karna jaruri tha
agar karna hi hota to hamare paas permission ke liye aa gya hota hamse Bina puche ye sab kaise karne ki himmat aa gyi achanak
Dadaji - himmat to hamari khandani hai aur tujhe hamari himmat to pta hi hogi itne din ham chup kya ho gye tu to bhagwan hi ban baitha aur tujhe to is himmat ko batane ki jarurat nhi hai kyuki tu nahi chahe ga ki wo sb sabhi jane is liye phir kabhi himmat ki baat dobara na karna hamare samne
Vikhyat Singh - kyu budhe tujhe lag raha ki tera ek beta wapas aa gya to tu chahe jo hi bolega ham sunlenge aur yaha jo kuch bana hai sab kuch gira do ( apne aadmiyon se bola )
Papa - ek baap ki aulad hai to yaha kuch bhi kharab kar ke dikha
Vikhyat - lag rha hai tujhe sahar ja ke bina soache kuch bhi bolne ki bhi hawa lag gyi phle hamare baare me bhi pta kar liya hota ki tu kise chunauti de raha hai
Papa - tujh jaise bahut hi dekhe aur unko seedha bhi kar chuka hu pahle tu mere bare me pata kar ke aa phir baat karna aur yha kuch bhi utpaat karna to chor agar ek bhi tent ka parda to Chu ke dikha phir tujhe pta chlega ham kaun hai
Vikhyat Singh papa ki baat pe bhadak gaya aur gusse se tilmila ke papa ki taraf lapka
Vikhyat - tu kuch jyda hi bol rha hai lag rha tujhe aukaat dikhani hi padegi tune kisse pange liye hai
Itna kah ke wo turant papa ki taraf lapka jaise hi wo papa ki taraf badha achanak hi meri body bhi harkat me aa gyi aur wo papa tak pahuch pata usse pahle hi maine uske seene pe hath rakh ke aage badhne se rok diya
achanak is trah ek ladke dwara roke jane se wo gusse me aa gya aur wo jor lagaya aage badhne ke liye lekin wo aage ki taraf hil nhi paya
wahi jaise hi maine use roka mujhe aisa lga hi nhi ki mai kisi aadmi ko roka hu uska sarir bahut hi sakht tha use ek hath se rokne me mujhe dikkat aa rhi thi phir bhi mai use aage badhne se rok diya tha
wahi uski aankho me vismay tha ki Maine use ek hath se hi rok diya wo apni badi badi aankhe nikal ke mujhe ghure ja raha tha
Mai - ab Bina izzat agawae yaha se wapas Jana chahte hai aap ya apni ye dahsat aaj hi khatam karana chahte hai agar chahte hai ab kuch waisa hi rhe to jaise hi aaye hai waise hi wapas chale jaiye
mere dwara roke jane aur is trah se bole jane se uske aadmi meri taraf lapakne ko huwe ki vikhyat Singh ne unhe hath se rukne ka ishara kiya
.
aur wo gajendra ko dekha aur wapas apni gadi me baith gya
Gajendra - bachhe tujhe ye mahnga padne wala hai yaad rakhna tu aur aise hi mujhe dhamki dete huee wo bhi wapas chla gya aur unki gadi haveli se nikal gyi
whi unke jane ke baad shabhi mujhe dekhe ja rhe the aur ant me dadaji ne mujhse bola
Dadaji - beta aapko is sab ke beech nhi aana chahiye tha aur ye ham bado ke beech baat ho rhi thi ye achhi baat nhi hai aage se aap dhyan rakhna
Maine unki baat pe kuch nhi bolta kya mujhe khud hi samjh nhi aaya meri body to achanak hi react kar gyi iske baare me kya bolta mai andar haveli ki taraf chal diya
wahi aur sab bhojan jis side bn rha tha udhar chal diye kyuki ab sham hone wali thi aur udhar bhojan karwane ki tyari me lag gye
to be continue...