Fantasy SHOORVEER

[mashish]

Waiting for next

 

[Salu12]

update kab ae ga

 

[Salu12]

rat or kase ho ge ab to update a jana chahya

 

[Salu12]

intazar nhi ho rha

 

[Salu12]

jaldi sy update dy da

 

[Asif khan]

Update 11 (Secret Blood Alien)

-Grandmaster aap us sanki ke kisa hamesha hamesha ke liye khatam kyu nhi kar dete

Dev ashram se kuchh hi duri par aakar byom bakshi grandmaster se kahta hai

-Avani shergil bahut hi jiddi ladki hai use pasand nahi hai ki koi bhi uske mamle me dakhal andaji kare. Usne us sanki ko jan se nahi mara to mera us sanki ko jan se marna avani ko gussa dila sakta hai aur ye mai hone nahi de sakta.

Grandmaster halka sa muskurate huye kahta hai avani shergil uska junun hai aur wo harhal me apne is junun ko hasil karna chahta hai.

-Waise bahut hi bewkuf ladki hai wo ye to uski kushkismati hai ki bhai aap use pasand karte hai aur usko apna banana chahte hai. Aur wo kya karti hai wo bas apne akad me rahkar har bar apko nicha dikhati rahti hai jaise ki khud kahi ka maharani ho sach kah raha hu bhai apki wajah se abatak mai chup hu warna aap se batmiji karne ke liye usko mai kabka jan se mar diya hota.

Grandmaster ke gang ke dusra admi avani ke liye apna narajagi jatate huye kahta hai

-Avani ka to pata nahi lekin ab tune ek aur sabd avani ke bare me bola to mai jarur tumhe jan se mar dunga samjha. Sukra mana ki tu hamare gang ka membar hai warna abtak tumhara tukde tukde kar ke aliens ko khila deta pahali aur akhari warning de raha hu ab avani ke bare me ek shabd bhi mat bolna samjha. Bahut khas hai wo mere liye na sirf yaha taitan par balki prithvi par bhi uske jaisa dusra koi nahi hai aur ek bar wo meri ban jayegi to mere liye isse jyada fayde mand aur kuchh nhi ho sakta hahahh

Avani ke liye junun garndmaster ke aankho me saf dikh raha tha jab wo apne gang ke hi adami ko maut ke dhamki de raha tha. Grandmaster ke is chetavani ke bad us adami ko aur kuchh kahne ki himat hi nahi huyi aur wo dar ke mare bas sar hila ke hi rah jata hai.

-Ab chalo hame bhim ke gang se pahle sunset point par pahuchna hai ye secret blood alien hamara hoga sirf hamara

Grandmaster apne chehare par beraham muskan liye aage nikal jata hai aur uske sathi bina kuchh kahe chup chap uske piche piche jane lagte hai.
Grandmaster se apne beijjati ka badla lene ki kasam khake veer sidha apne kamre me aata hai aur us tambe ke dat wale gende ko pinjare me band kar ke apne kapde badlane jata hai. Apne ghav par jadi buti lagane aur kapde badalne ke bad veer ek fir us tambe ke dat wale gende ke pinjare ke pass aata hai aur apne jeb se kale cristal ko nikal kar us pinjare me tambe ke dat wale alien ke pass rakh deta hai. Jaise ki ummid thi ki us kale cristal ko dekhte hi tambe ke dat wale gende ke aankho me chamak aa jati hai aur wo alien ko abhi tak adhmari halat me tha turant hi us kale cristal ko apne muh me leke nigal jata hai. Usko aisa karte huye dekh kar veer ek gahari sans leta hai aur kisi bhi tarah ke badlav dekhne ke liye lagatar us tambe ke dat wale gende par najar rakhne lagta hai. Pure ek din bit jane ke bad akhir us tambe ke dat wale gende me badalav najar aane lagta uski chamadi jo abhi tak gay color me tha wo dhire dhire tambe ke tarah brown colour me dikhne lagta hai. Uske brown colour ka dat pahle se aur jyada chamakane laga tha par fir bhi wo abhi tak mutant alien nhi bana tha bhale hi is gende me mutant alien ki kuchh jhalak aa gyi thi par phir bhi us category ke baki aliens se kaphi alag tha. Lagta hai ek aam alien ka primary alien me badalne ke process ke mukable ek primary ko mutant alien me badlane ka process kafi jyada muskil hai isiliye isme ek din se jyada samay lagega. Veer tambe ke dat wale gende me aaye huye badlao ko dekh kar sochta hai aur kuchh din aur intjar karne ka sochta hai do din aur bit jane par tbe ke dat wale gende ki chamdi aur bhuri ho jati hai. Par abhi bhi wo mutant alien ke category me aane se bahut dur tha veer samajh jata hai ki ye alien itni jaldi nahi badlega jitni wo socha hai isiliye wo bina ko jaldi baji kiye us alien ko apne speed se bikshit hone ke liye us pinjare me chhod deta hai. Aur paise ke liye primary ke shikar karne ke liye dev ashram se bahar nikal jata hai aisa karne se use paiso ke sath sath khas jin point bhi mil sakte hai jo uske physicali devlop hone ke liye badhava denge. Ager use jald se jald takatwar banana hai to use physicali devlop hone ke har level ko jald se jald par karna hoga tabhi to wo is grah ke alien ke marne ke sath sath grandmaster aur uske sathiyo se badla le payega. Ab jab uske pass kale cristal ke takat hai to uske liye kisi bhi tarah ke jin point hasil karna muskil nhi hoga aam jin point se lekar secret jin point wo har tarah ke jin pointsasani se hasil kar sakta hai filhal to wo secret jin points se pahle baki teen tarah ke jin points hasil karna chahta tha isiliye wo puri tarah se fo focused ho kar isi me juta tha. Par veer nahi janta tha ki uski kismat ek bar fir se paltegi aur is bat aisa hoga ki wo sapne me bhi nhi socha tha. Har roj ki tarah us din shikar karke veer dev ashram lauta hi tha ki use kuchh ajib sa mahsus hota hai pure dev ashram me sanata sa chhaya huya tha yaha tak ki raste me use bahut hi kam bhid mili thi. Veer ko yaha teen mahine se bhi jyada ho chuki hai par kabhi yaha dev ashram me aisa mahaul nhi dekha tha

-Are ye chal kya raha hai yaha pe...

Veer dukhone ke aas pass chakar lagate huye sochta hai roj ke mukable aaj bahut kam dukane khuli huyi thi aur itne mahino me pahli bar huya tha. Thoda aage chalne ke bad use teen char logo ka ek group najar aata hai jo apas me kuchh bat kar rha tha aur veer chup chap unki bate sun kar sab samajhne ki kosish karta hai. Kuchh hi der me use is dev ashram me faile sanate ke karna ka pata chal jata hai darasal kuchh din pahle sunset point ke pass kuchh logo ne ek secret blood alien dekha tha pata nahi par kaise dev ashram me teeno gang ko iska pata chal gya. Aur isiliye sab ek ek karke us sunset point par shikar karne ke liye nikal gaye lekin un mese kisi ne bhi nahi socha tha ki iska natija itna bhayanak nikalega. Isse pahle ki un teeno me se koi bhi gang uska shikar kar pata wo secret blood alien un sab ke changul se bhag nikala balki usne kai insano ko mar bhi dala. Mauke ke gambhirta aur khatre ko dekhte huye avani shergil grandmaster aur bhim ne ye faisla kiya ki is alien ka shikar alag alag karne ke bajaye sath me karenge. Is tarah se ye is secret blood alien ka shikar bhi kar payenge balki logo ke marne ka khatra kam bhi ho jayega. To is samay wo teeno gang us sunset point par secret blood alien ka shikar karne nikale hai kyuki wo log apne sath sath dev ashram ke kai chhote groups aur anya kai logo ko bhi samil kiya tha Isiliye dev aaj itne sanate me tha. Sare bat sunne aur samjhane ke bad achanak se hi veer ke dimag me ek idea aata hai aur wo dev ashram ke bahar bhagta hai. Kuchh duri par ek sunsan jagah milne par veer turant hi apna Sunahra kavach pahanta hai aur lagbhag do ghante tak daudne ke bad wo akhir kar sunset point par pahuch hi jata hai. Ha veer kud us secret blood alien ka shikar karne ka faisla karta hai halaki use ye pata hai ki ye asan nahi hoga aur isme jan ka bhi khatra hai jab itne takatwar gang us secret blood alien ka kuchh bhi nahi bigad paye to wo to un sabse bahut hi jyada kamjor hai aur akela bhi par fir bhi wo ye risk lena chahta tha. Ye jante huye bhi isme uske jan ka khatra hai par agar use jald se jald paisa kamana hai aur takatwar banana hai to ye khatra to use mol lena hi hoga wo nahi janta ki uske is faisle ka kya natija niklega par itna to wo jarur janta tha ki wo har nahi manega aur akhari dam tak ladega ab wo apni is ladayi me safal hoga ya nahi ye to wo nahi janta par ha jis secret blood alien ka mukabla dev ashram ke teen takatwar gang nahi kar paye uska samna ye akele veer kaise kar payega.

Zabardast awesome interesting update

So dekhte hain veer kese maar pay ga us secret blood alin ko

 

[Asif khan]

Waiting for next

 

[Aditi singh]

Update 12 (Secret Blood Gear)

-Ye secret blood alien itna takatwar kaise hai..

Veer sunset point ke samne wale pahadi par khada ho kar samne dekh raha tha aur soch raha tha hajaro logo ke afra tafari ke bich me akhir use wo secret blood alien dikh hi gya jo is samay kisi viral celebrity ki tarah sabke charche ka bishay bana huya tha. Ye secret blood alien un sare alien se alag tha jinhe aaj tak veer ne mara tha is secret blood alien ka sir bail ka tha sharir ke upar ka hisa insano jaisa tha aur kamar ke niche ka hisa ghode jaisa tha. Hath me do dhari kulhadi liye wo jis tarah se bicho bich se apna rasta banate huye bhag raha tha usme use marna to dur kisi me bhi usko rokne ke bhi himat nahi ho rahi thi. Yaha tak ki grandmaster jaisa takatwar insan bhi us alien ka mukabla nhi kar paa rha tha ulta wo apne lal talwar se war karne ke bajaye apne teen pair wale ghode ke devil's soul par chadkar kuchh kadam piche chala gya. Secret blood alien ne apne do dhari khulhadi se grandmaster ke sawari par attack kar diya aur ek hi war me uske do tukde kar diye. Ye sara najara dekh kar veer ko apne aankho par bishwas nhi ho raha tha yaha ka situation itni jyada kharab hogi usne socha bhi nhi tha taitan grah par uska samna kai tarah ke alien se huya tha par ye alien un sab kahi jyada khatarnak lag raha tha.

-Jab grandmaster us alien ka kuchh nhi bigad paya tab to wo to grandmaster jitna takatwar bhi nahi hai aur aise me wo is khatarnak alien ka samna kai karega..

Veer ki halat ye soch kar aur kharab ho gyi secret blood alien saikado logo ko marte huye tezi se bhagte huye ja raha tha aur koi kuchh bhi kar nahi paa raha tha yaha tak ki grandmaster avani shergil aur bhim jaise teen takatwar log bhi is alien par samne se attack karne ki himat nhi kar paa rahe the. Har tarah ke hathiyaro se chote khane ke bad bhi us alien par ek khroch bhi nhi aayi thi aur wo jab apni sunahari kulhadi ghuma raha tha tab to koi uske aas pass bhi nhi jaa sakta tha veer us alien ko dekhte huy soch raha tha.

-Ye to jitna socha tha usse bhi kahi jyada khatarnak hai jo secret blood kachhuya mai mara tha wo to iske samne aise hai jaise hathi ke samne chiti beta veer itna asan nhi hoga is secret blood alien se nipatna...

Abhi tak sabko umid thi ki grandmaster avan aur bhim ye teeno mil kar is secret blood alien ko kaid kar lenge ab jab is alien ne grandmaster ki sawari ko itni berahmi se barbad kar diya hai tab kahi na kahi sabhi ke umide tut gyi thi. Jaha ek taraf log niras the wahi dusri taraf secret blood alien apni do dhari sunahari kulhadi se logo ko marta huya pahad ki taraf bhag raha tha. Apne piche mare huye logo ka khoon aur Kate huye hath pair aur sar chhod kar wo kuchh hi second me pahad ke pass pahuch gaya aur apne pichhe ke pairo par khade ho kar guse se bahre bail ke tarah awaj nikale laga.
Secret blood alien ko pahad ke taraf jata huya dekh kar grandmaster ne socha

-Shshshss ye to bhagne ki kosish kar raha hai...

Apne favourite sawari ko apne samne tabah hote dekh kar waise bhi grandmaster bahut gusse me tha isliye usne than liya tha ki har halat me us secret blood alien ko mar kar hi rahega.
Grandmaster ne turant hi Hari chilh ke devil's soul ko awaj de kar bulaya jo turant hi uske hath me hare rang ki lohe ke Dhanush ke shape me uske hatho me aa gya iske bad grandmaster ne chamchamate huye baraiya ke devil's soul ko bulaya aur turant hi 6 paro wali baraiya ke devil's soul teer ke shape me uske hatho me aa gyi. Halaki ye bat aur thi ki grandmaster ke hatho me 6 paro wali baraiya ke secret blood devil's soul ko dekh kar avani aur bhim ki aankhe khuli ki khuli rah gayi is secret blood alien 6 paro wali baraiya ka shikar teeno ne mil kar kiya tha lekin ispe akhari war grandmaster ne kiya tha. Par avani aur bhim dono me se kisi ne bhi nhi socha tha ki grandmaster itna lucky hoga ki use is secret blood alien 6 paro wali baraiya ke devil's soul mil jayegi.
Bhyom grandmaster ko rokna chahta tha usne kaha

-Grandmaster ruko is devil's soul ka istemal sirf ekhi bar kiya ja sakta hai aur tum is alien ko nahi mar paye to

Par wo isse aage kuchh kah pata tabtak bahut der ho chuki thi byom ke bat khatam hone se pahle hi grandmaster ne secret blood devil's soul se bana wo teer us secret blood alien par chala diya tha. Apne pichhe khatre ko mahsus karke wo secret blood alien pichhe muda aur grandmaster ka chalaya huya wo teer lal rang ke bijli ban kar sidha uske sine par ja laga ye sab itni jaldi huya ki us secret blood alien ko kuchh pata bhi nahi chal paya aur jabtak usko kuchh samajh aata tabtak wo secret blood devil's soul se bana teer ne use adhmara kar ke jamin par gira diya tha. Grandmaster ne kisi supar hero ki tarah chila kar kaha..

-Tujhe kya laga ki tu mere sawari ko mar kar bach jayega teri maut meri hi hatho likhi huyi thi bache

Uski bat sun kar waha maujud sabhi log hairani se grandmaster ko dekhne lage the jab us secret blood alien ne grandmaster ke sawari ko barbad kar diya tha us samay sabhi ke umide tut gyi thi aur us samay to kisi ne socha bhi nahi tha ki grandmaster is tarah se comeback karega. Jahir hai us samay grandmaster unlogo ke liye Bahubali se kam nahi tha jisne akele hi itne takatwar alien ko karib karib mar giraya hai yaha tak ki avani shergil aur bhim bhi usse kaphi impress the. Sab ko aur khas kar ke avani ko itna impress dekh kar grandmaster ke to khusi ka thikana hi nahi tha agar uska bas chalta to wo kisi hero ki tarah wo nachane bhi lagta akhir avani ko impress karne ke liye itne papad jo bele the. Achanak hi wo apne ko hero aur avani ko heroin samajhne laga tha aur isse pahle ki wo apne hero wala status ko thoda aur enjoy kar pata ki achanak se use asman ki or najar jata hai jaha se ek hare rang ki parchhayi niche ki taraf aate huye sidha us secret blood alien se ja takrata hai. Secret blood alien to pahle hi adhmari halat me tha us hare rang ki parchhayi ko lagte hi wo puri tarah se mar gaya par grandmaster ke liye suprises abhi khatam nahi huye the abhi tak to wo yehi nhi samajh paya tha ki wo hari parchhayi aayi kaha se ki uski pareshani badhane ke liye uski najar ek sunahare rang ke insan pe padti hai jo us pahadi se bhagte huye sidha us secret blood alien ke lash ke pass ruki thi. Aur grandmaster ke dekhte hi dekhte wo sunhara insan secret blood alien ke do dhari sunahari kulhadi leke utne hi tezi se bhag jata hai jitni tezi se wo waha aaya tha.

-DOLLAR...

Avani ke pass khade jay ko us sunahre kavach me veer ko pahchanane me der nahi huyi aur uske muh se achanak hi ye name nikal gaya jay ne dollar ka name itni tezi se bola tha iska ahsas use tab huya jab usne dekha ki sabke hairani bhari najre usi ko dekh rahi hai. Par ab wo kuchh nahi kar sakta tha uske kuchh sochne samajhne se pahle hi uske muh se ye name nikal chuka tha dusre taraf secret blood alien ke sunahare kulhadi lekar veer pahadi ke gahrayi ke taraf bhag gaya tha kuchh der bad jab use laga ki wo baki sabse kuchh dur nikal aaya hai tab jakar veer ne sas ki aur ek jagah jake ruk gaya. Jis sunhare kulhadi ko wo secret blood alien sab taraf ghuma kar sabko mar raha tha wahi sunahri khulhadi veer ke liye bahut bhari thi isliye us kulhadi ko kuchh der tak lekar bhagne me veer kafi thakan mahsus kar raha tha. Aur yahai wajah thi ki aage badne se pahle wo kuchh der aram karne ki sochi waise bhi aaj uski kismat uspe jyada hi meharban thi kyuki uske hath secret blood alien ke secret blood gear yani ki wo sunhare kulhadi hi nahi balki us alien ke devil's soul bhi lag gyi thi. Ji ha apne ekdam sahi padha veer ne grandmaster ke nak ke niche se na sirf us secret blood alien ke secret blood gear hi churaya tha balki us alien ke devil's soul ko bhi hasil kar liya tha par ye sab itna asan nahi tha aur sach puchho to khud veer ko bhi aisi koi umid nahi thi.

 

[Aditi singh]

Waiting for next

update kab ae ga

Waiting for next

Update posted

 

[Aditi singh]

Waiting

Update posted