Fantasy Shubham - Ek Rakshak ya Bhakshak

[Acme]

Waiting for next update

 

[Shubham]

Update 100​

Pichle update tak aapne dekha tha ki Shubham behosh ho gaya tha apni Kaali takato ka azad hone ka baad….. Alvace ka kahane par uski Shishya na AS aur Elika ka samne Shubham ko sikhane ka badle ek behad hi khatarnak shart rakh di…. Vahi Zanabiya ko ya malum ho gaya hai ki Shubham na apne anek roop kar rakhe hai, jismei se ek roop uski hi jasoosi kar raha tha….


Ab Aage…..


Shubham: Mei behosh hi tha ki achanak hi mere sharir na jhatke khaaye aur mujhe apne ander ek tej dard utha jiski vajah se mujhe hosh aa gaya….. Mei apne ander jhak kar dekha ki mujhe ya dard kis vajah se hua toh mujhe pata chala ki mera ek roop jo Zanabiya ki jasoosi kar raha tha uska haatho maara gaya…. Abhi mei kuch sochta ya kaheta ki uske phele hi mujhe mere ander se ek awaj aayi…..


Awaj: Kya soch rahe ho Shubham, apne ek roop ki maut hone ka baad bhi tum itne shaant kaise baith sakte ho….. Jisne tumhare roop ko nuksaan pahuchaya hai, usse maut ki sajja milni cahaiye……


Shubham: Neela Unicorn tum mujhe ya kaisi salah de rahe ho…. Aajse phele toh tumne mujhe kabhi essa kuch nahi karne ko kaha…..


Neela Unicorn: Nahi ya mei nahi hu….. Ya awaj aapki hi hai…. Aapke ander se aa rahi hai…. Ismei mera koi haath nahi hai…..


Awaj: Janta hu tum mujhe nahi pehachante ho aur na ki mere baare mei jada kuch jante ho….. Janoge bhi kaise kyunki ya duniya mere naam aur mere kaam dono se hi darti thi aur unhone humesha ka liye mujhc judi sabhi yaade aur jankari sabhi kuch ya toh khatam kardi ya chupa di….


Shubham: Tum kon ho ya tum hi mujhe kyu nahi bata dete…. Aur tum mere ander kya kar rahe ho…..???


Awaj: Mei bus ek yaad hu jo tumhare ander tabhi tak hu jab tak mei tumhai sab kuch sikha nahi deta….. Sab kuch bata nahi deta..... Ha par ya tumhare upar nirbhar karta hai ki tum usse sikhna cahate ho ya nahi…. Agar tum nahi sikhna cahaoge aur na hi mujhe sunna cahaoge toh mei humesha humesha ka liye tumhare ander shanti se rahe jaunga….


Shubham: Phele ya batao tum ho kon aur mujhe kya sikhana cahate ho, tabhi mei koi faisla kar sakunga…..


Awaj: Abhi iske liye samaye hai, kyunki sabse phele tumhai tumhare dusre pathar ka padav ki tarah jana hoga jo Guru Trajang na banaya hai aur saath hi tumhai Nicaroo ko bhi humesha humesha ka liye khatam karna hoga, varna vo tumhare har kaam mei baadha paida karega….


Shubham: Tumhai pathar ka baare mei kaise pata…. Abhi meine itna hi kaha tha ki achanak hi ek tej roshni hui aur mei gayab ho gaya….. Jab roshni kam hui toh mei ek jungle mei ek saadu ka samne khada tha….


Saadhu: Aa gaye rakshak, tumne Saaye ka saath saath saaye ki duniya ko bhi khatam karke ek behad acha kaam kiya hai…. Islye meine tumse milne ki icha jatayi hai….. Mei hu dusra beta apne Pita Guru Trajang ka…. Dusra raaj ki jankari mei hi tumhai dunga…. Par uske liye tumhai pathar cahaiye, par mujhc ek choti si bhul ho gayi vo pathar mere haath se chut gaya aur gir gaya…..


Shubham: Kya, iska matlab aapne usse kahi kho diya hai kya Guru dev….???


Sadhu: Ha bhi aur na bhi…. Meine usse gira jarur diya hai, par mujhe pata hai ki vo kaha gira hai…. Bus usse tumhai hi laana hoga….


Shubham:Ha toh bataye mujhe mei abhi jakar usse lekar aata hu….


Sadhu: Chalo mei hi tumhai lekar chalta hu….. Vo mujhe ek gufa ka ander lekar gaye..... Unhone apne haath jode aur kuch shabd bole….. Unke bolte hi uss jagah ek talab aa gaya….. Par twist ya tha ki vo talab paani ka nahi dehakte hua Lava ka tha…..


Sadhu: Bus vo pathar iske ander hi kahi gir gaya hai, aur tumhai usse dhundna hai….


Shubham: Par ya kaise mumkin hai, ya toh dehakta hua Lava hai aur iski bhaap jo upar aa rahi hai, usse hi ya anumaan lagaya jaa sakta hai ki ya kitna garam hai, agar iske ander loha jaisa bhi daala jaaye toh shayad second ka 100th hisse mei hi vo puri tarah pighal jaaye……..


Sadhu: Ha ya toh tumne sahi kaha….. Par ab mei kya karu, mujhc galti ho gayi hai….. Par uss galti ko thoda mei sudhar deta hu, chalo tumhai usse dhundna ki bhi jarurat nahi hai, bus tum ek kaam karo bus ek baar puri tarah iske ander hokar bahar nikal aao, Pathar tumhai khud ba khud mil jayega….


Shubham: Wah kya madat kari hai aapne….. Mei khulhadi ko khudpar maaru ya kulhadi par khudko lagegi toh mujhe hi na, kulhadi ka kya bigadega…. Essa hi mei ek dubki lagau ya usse dhundu baat toh ek hi hai……


Sadhu: Ab tum jo bhi samjho, meri tapasya ka samaye ho raha hai mei ussi paid ka niche tumhara intezar kar raha hu, jab tum kamiyab ho jaao toh aa jana mei tumhai dusra raaj de dunga….. Aur ya kaha kar vo gayab ho gaye….


Shubham: Wah kya fasaya hai inhone…. Ab bhala mei kaise jaau iske ander….. Tabhi meri najar vaha maujood ek lakdi par padi….. Mei ek baar taapman dekhna cahata tha…. Meine usse utha kar uss lava mei daala, toh vo usmei jaate hi gayab ho gayi…..


Awaj: Kya hua dar gaye, itni choti si chunauti se…….


Shubham: Dekho tum jo koi bhi ho aur jaha kahi se bhi aaye ho, abhi mera dimak behad kharab hai, agar tumne mujhe abhi pareshan kara toh acha nahi hoga…… Phele hi mei iss chunauti se pareshan hu aur tum mera dimak kharab karne aa gaye….


Awaj: Hahahahahaha, wah aaj tumne mujhe khush kar diya….. Tumne mujhe meri Patni ki yaad dila di, jab vo bhi kissi chij se pareshan hoti thi aur uska hal nahi milta tha toh vo bhi kuch tumhare jaise hi behave karti thi……


Shubham: Dekho mujhe tumhari ya Prem kahani sunne ka koi shauk nahi hai…..


Awaj: Maaf karna, par kya karu tumse judne ka baad tum hi mere apne rahe gaye ho….. Jisse apne dil ka haal bata diya….. Khair chodo aur suno iss aag ko tum behad aasan tarike se apne ander samet sakte ho, aur ya tumhi jarasa bhi nuksaan nahi pahuchayi……..


Shubham: Lagta hai tum pagal ho gaye ho….. Tumhai pata hai tum kya kahe rahe ho, tum kahana cahate ho ki meri body par iss garam Lava ka koi asar nahi hoga…..


Awaj: Thik hai ek kaam karo vo ladki padi hai usse aag lagao, aur jo mei bolta hu usse mere piche bolna aur apna haath uss jaldi lakdi ko laga kar dekhna tumhai meri baat par vishwas ho jaayega….


Shubham: Mei nahi karne vala essa kuch bhi…. Tum ab ek dum chup hokar baith jao aur mujhe sochne do ki mei kya karu iss chunauti ko pura karne ka liye…..


Awaj: Jaisi tumhari marji….Aur fir awaj aani band ho gayi….


Shubham: Vo apne dimak ka ghode bhagane laga, par usse kuch hassil nahi ho raha tha…. Usne laakh koshish kari par usse samajh nahi aa raha tha ki vo kya kare…. Par usne haar nahi maani aur vo isse hal karne ka baare mei sochta raha…..





Place: School


Elika: Kaafi samaye ho gaya hai, ab tak Shubham ko uth jana cahaiye tha, mei khud jakar usko dekhti hu…. Aakhir vo kaha rahe gaya….


Elika jaha Shubham ko behosh hone ka baad rakha tha uss kamre mei jati hai….


Elika: Usne jakar darwaja khola toh usse Shubham bed par nahi dikha…. Usne socha ki usse hosh aa gaya hoga aur vo apne roop ki vajah se kuch pareshan hoga islye kahi bahar gaya hoga….. Usne apni aankhe band kar Shubham ko dhundne ki koshish kari…. Par usse kuch bhi dikhayi nahi diya…..


Elika: Essa kaise ho sakta hai, meri shakti ek baar firse Shubham ko nahi dhund paa rahi hai, par essa kaise ho sakta hai….


Glimo: Maharani Shubham ko hosh aa gaya tha, par uske hosh mei aate hi ek teej roshni hui aur vo gayab ho gaya….


Elika: Glimo tumne mujhe ussi samaye kyu nahi bataya…… Tum yaha uski raksha ka liye hi ho na….


Glimo: Maharani meine uss urja ko mehsoos kara hai vo urja ekdum pavitra hai, vo kissi dushman ki nahi hai….. Ha bus uss urja ka gayab hone ka saath hi ya ek sandesh mila tha, jiske upar aapka naam likha tha….


Elika: Usne jaldi se envelope ko chua, toh vo envelope apne aap bolne laga….


Envelope: Elika mei Guru Trajang ka dusra beta hu, Shubham mere pass hai aur surakshit hai…. Usse jo raaj jaana hai, uske liye meine hi usse apne pass bulaya hai…. Tum apne sabhi dosto, AS, Alvace, Pilaso, Shasha aur baaki sabhi ko lekar Land of River and Mountain chale jao…… Yaha se safal hone ka baad Shubham tumhai siddha vahi jayega apne kavach aur uss grah ko bachane ka liye….


Itna bolte hi Envelope apne aap destroy ho gaya….


Elika: Par Shubham akele kyu chala gaya, kahi usse kuch ho gaya toh…..


Noora: Piche se aate hua, Elika tum kuch jada hi chinta karti ho, Maa, AS, Alvace, Pilaso, Maraina sabhi na milkar bhi koshish kari thi na, par koi usse nahi hara saka tha…. Aur vaise bhi chunautiya hi uske jeevan ka lakshay hai….


ELika: Bus bus, bahut bhashan de liya…… Jab tujhe kissi se pyar hoga na tab tujhe samajh aayegi meri baat…. Ya sab chod aur ya bata uss Badshah ka Shubham se dushmani ka karan pata chala ki nahi…..???


Noora: Nahi aur na hi vo kuch bata raha hai, bus har bar yahi kaheta hai ki meine apni chaal chal di hai….. Dekho aage aage kya hota hai….


Elika: Yaar ya musibate kam hi nahi ho rahi hai….?? Khair chalo hum chalte hai Iszy ka Rajye, uski aur Siyam ka vivah hone ko hai…. Par usse phele unke Rajye ki mushkil ko suljhana hai…. Aur vo tabhi hoga jab Shubham vaha maujood hoga….


Iske baad ya yaha se gayab ho gaye, vahi Elika nab hi sabhi ko sandesh bhej diya Iszy ka Rajye pahuchne ka….





Place: Land of River and Mountain


Ek essa desh jaha charo tarah pahad hi pahad hai, aur uske bich se rasta nikalti hui nadiya….. Uss nadiyo ka kinare hari hari ghas ki bichi hui chadar, jaha aneko jeev apni bhuk aur pyas mitane ka liye aate hai…. Vahi pure Nagar mei har jagah rang birange Phool khile hua raheta hai…. Logo ka liye rahene ko ladkiyo ka makan hai, bazaro ka raste par dono taraf phoolo ki behad khubsurat drishya….


Par jaise hi Elika, Noora aur Glimo vaha pahuch


Noora: OOoohhh God ya kaisi jagah hai…. Meine toh suna tha ya Rajye behad khubsurat hai, par yaha toh sabhi taraf sab kuch sada hua hi hai…. Aur yaha ki hawa bilkul swach nahi hai aur badbu toh itni ki saas lena bhi mushkil hai….


Elika: Noora ya sab kuch Draco ki vajah se hua hai…. Draco ka kaale jadu na yaha essi halat kardi hai….


Noora: Toh tum apni Shaktiyo ka istemaal karke uske jaadu ko thod kyu nahi deti….


Glimo: Ya koi jaadu nahi hai, ya Draco ki urja se janma ek kida hai, jisse iss sansar mei koi nahi maar sakta hai…. Ya jiss chij ka sampark mei aata hai, usse ya sada deta hai…. Iss sansar ka kayi grah ko iss kide na sada diya hai….


Par ek baat mujhe samajh nahi aa rahi hai, ki isne abhi tak yaha ka logo ko koi nuksaan nahi pahuchaya hai…. Jabki isse phele vali jagah isne kisiko nahi choda tha…..


Pilaso: Kyunki iss Grah mei uski na pasand ki chij behad adhik maatra mei hai, aur islye usne sabse phele insano ki jagah usse sadaya hai…. Iss Kide ko Paani aur Khushbu dono se behad chid hai aur islye ya sabse phele unn dono ko hi khatam karta hai…..(Ab sabhi log vaha aa chuke tha….)


Marium: Par agar essa hai Pilaso, toh fir uss kide se abhi tak vo ek pahadi kaise bachi hui hai, jabki baaki sabhi pahadiya bhi sad gayi hai….


Pilaso: Bus muskura diye…. Marium iska javab bus itna hai ki vaha Blue Dragon raheta hai, aur uski duniya mei uski icha ka bina koi nahi kadam rakh sakta hai…..


Avantika: Par sadiyo phele hi sabhi Dragons ka shikar kar liya gaya than a Pilaso…..


Pilaso: Avantika iska javab tumhai Jhiku de dega…. Mujhe umeed hai uske Pita na usse iske baare mei bhi bataya hoga….


Jhiku: Jee


Abhi koi kuch aur bakwas karta, usse phele hi vaha Uss Rajye ka Maharaj aur unke saath Iszy bhi aa gayi thi….


Maharaj: Shama kare, par aapke swagat ka liye abhi humare pass koi sadhan nahi hai…. Aap sabhi se kuch chupa hua nahi hai…..


AS: Maharaj aapne hume bulaya hai yahi humare liye kisi swagat se kam nahi hai…. Aur vaise bhi hum yaha athiti bankar nahi aapke apne bankar aaye hai, aapke saath iss paristhiti mei khade rahene ka liye…. Vaise bhi aapke nagar ko bachane ka liye Rakshak kuch samaye mei aata hi hoga….


Maharaj: Jee bahut bahut sukhriya AS, aaye humare Mahal mei hi aage ki baat karte hai….


Sabhi log aapas mei baate kiye hua aage bad rahe tha…. Par inn sabhi ka bich Willy aaj ek dum shant tha aur kuch nahi bol raha tha…. Ya baat Elika aur Iszy dono na dekhi par uss samaye koi kuch nahi bola…. Vahi Nagar ki aur uske logo ki halat din par din kharab hoti jaa rahi hai… Logo ko peene ka liye paani bhi nahi mil raha hai….


Essa hi ek drishye sabhi ka samne aaya, jab vo raste se apne Mahal ki taraf jaa rahe tha…. Uss samaye Iszy na apne pass maujood paani ko apne logo ko peene ka liye de diya…. Sabhi log kuch der mei Mahal mei tha….


Alvace: Maharaj ek saval puchu….??


Maharaj; Jee Alvace puchiye….


Alvace: Maharaj aapke logo ka pass peene ko paani bhi nahi hai, par aapke Mahal mei sab kuch hai essa kaise……??


Maharaj: Jaisa aapke baare mei suna tha aap vaise hi hai…. Har baat ko gambhirta se dekhte hai…. Alvace humare Mahal mei paani aur ya sabhi fal jo aapne niche dekha hai, ya sabhi kuch Blue Dragon ki pahadi se aata hai…. Yaha jabse uss kide na humla kara hai tabse bhukmari aur aakal ka halat ho gaye tha….


Par sirf vo ek pahadi jaha Blue Dragon raheta hai, vo jagah ko kuch nahi hua…. Toh ek din humne apne kuch sainiko ka saath uss pahadi par jaane ki koshish kari, ya humari kismat thi ki Blue Dragon na hume koi nuksaan nahi pahuchaya aur na hi hume roka…. Hum vaha se apne nagar ka logo ka liye jitna ho saka utni maatra mei Paani aur fal lekar aa gaye….. Har din subha aur shyam Nagar ka sabhi logo ka bhojan yahi hota hai inn falo ka roop mei….


Alvace: Toh aap dusri baat kyu nahi gaye….???


Maharaj: Humne koshish kari thi, par hum nahi jaa sake…… Ek baar firse vo pahadi mei aana jaana Blue Dragon na rok diya hai humara….


Tayon: Toh iss paani aur falo ka vo kida kuch nahi kar saka kya….???


Maharaj: Nahi Rajkumar, iska karan hume nahi pata…. Acha ab aap sabhi thoda vishram kar lijiye hum raat mei milega bhojan ka samaye….


Uske baad sabhi logo ko Mahal ka alag alag kamre mei rahene diya gaya….


Willy: Mujhe essa kyu lag raha hai ki koi toh hai jo humara picha kar raha hai bahut samaye se…… Meine behad koshish kari par mei uss tak pahuch hi nahi sak raha hu….


Iszy: Tumhai kuch galat femi bhi ho sakti hai….


Willy: Nahi Iszy, mere kaan bade hone ka saath behad tej bhi hai…. Mei dhur se hi khatre ko sun aur mehsoos kar sakta hu…. Mujhe essa aabhas ho raha hai ki koi khatra toh hai humare aas pass….VO jaldi hi humare samne aayega….


Elika: Willy aa gaya toh hum uska samna karega…. Vaise bhi Shubam humare saath hai….. Bekar mei pareshan mat ho, yahi pareshani humari kamjori ban jaayegi uss anjane khatre ka liye….


Willy: Ha shayad tum sahi ho Elika….. Vo mujhe bus uljhana cahata hai dusri taraf….





Place: Gufa ka ander….


Shubham: Mujhe uss gufa ka ander baith kar sochte hua kaafi samaye ho gaya aur meine aaj tak jo sikha tha uss taah ka har jadu istemaal karke dekh liya par koi bhi jadu kaam nahi kara…. Aakhir mei mujhe bus ek hi rasta najar aa raha tha…. Aur vo tha uss Awaj ki baat maane ka…..


Shubham: Awaj vale bhai, mei tumhari baat sunne ko tayar hu…. Par koi javab nahi sunayi nahi diya….


Shubham: Acha mujhe maaf kardo, mei tumhari har baat maanuga…


Awaj: Ek shart hai meri….


Shubham: Bolo….


Awaj: Tum mere baare mei kisiko nahi bataoge aur na hi jo mei sikhaunga usko samanye jevan mei kaam mei laoge…. Ya vidhya ek dum visham paristhiti mei hi kaam mei laoge essa wada karo….


Shubham: Par kyu….???


Awaj: Jaldi hi sab bata dunga, par abhi ka liye tumhai meri baat maani hogi…. Kyunki tum Land of River and Mountains ka liye phele hi bahut der kar chuke ho….


Shubham: Thik hai….. (Man Mei) Na jaane isse sab kuch kaha se pata chal jaata hai…..


Awaj: Mei tumhare man mei hi hu, meri burayi karna band karo aur jo sikha raha hu uski taraf dhyan do….


Shubham: Thik hai….


Awaj: Sabse phele uss ladki se anek ladkiyo ko banao, kyunki hume behad adhik lakdiyo ki jarurat padegi……


Shubham: Jaisa unhone kaha meine kar diya…. Aur unke kahe bina hi kuch lakdiyo ko aag bhi laga di….


Awaj: Toh tumhai jo meine phele kaha tha vo yaad hai…. Acha hai….


Shubham: Ab vo magic Spell toh batao….


Awaj: Uss awaj na mujhe mere man mei spell bola aur mujhe usse try karne ko kaha…. (Spell kya hai ya agle update mei bataunga….)


Shubham: Jaisa unhone kaha tha, meine vaisa hi kara…. Toh mujhe kuch alag alag sa mehsoos hua…. Meine aage badkar uss aag ko chune ki koshish kari bahut darte darte… Par jaise hi meine aag ko chua mujhe koi ehsaas hi nahi hua garam ka…. Mujhe essa lag raha tha ki jaise mei hawa mei haath ghuma raha hu….. Par tabhi achanak meri chikh nikal gayi….. Aaaahhhhhh aur meine jhat se haath piche khich liya….


Shubham: Ya kaise hua, mera magic bekar ho gaya….


Awaj: Magic bekar nahi hua, uska asar khatam ho gaya….


Shubham: Dono ka matlab ek hi hua na….


Awaj: Bilkul nahi…. Magic bekar tab hota hai, jab uska tumhai bilkul bhi fayda nahi hua ho, jabki khatam tab hota hai jab tumhari urja ya toh kam pad gayi ho ya tumhara kaam khatam ho gaya ho……. Ya magic mei tumne jitni energy lagayi thi, utne samaye hi uska asar raha aur fir khatam…. Tumhai apni saari energy ko ek karke hi ya magic ka use karna hoga tabhi tum sahi se iska istemaal kar sakoge….


Shubham: Thik hai… Mei koshish karta hu….


Awaj: Usse phele apne roop ko bulao, aur usse fire magic ka istemaal karne ki power bhi de dena….. Taaki vo har badte samaye ka saath tumhare upar aag ki shakti bada sake…. Taaki tum iss lava ka level ko match kar sako….


Shubham: Unhone jaisa kaha tha, meine vaisa hi kara….. Meine Shubham3 ko bula liya aur usse fire magic bhi de diya….


Uske baad mei dhyan mei baith gaya aur apni body ki saari energy ko ek jagah ikhati karne laga aur apne man se sab kuch nikalne laga…. Bus apni energy ka baare mei hi sochne laga….. Dekhte hi Dekhte mujhe mere man ka ander bahut hi adhik prakash aur andhera dono hi dikhne laga…. Par meine dono ki taraf dhyan nahi diya aur jiss Kendra par mujhe apni saari urja cahaiye thi bus usko hi dhyan rakha…. Aur dekhte hi dekhte dono hi energy ek hokar uss jagah pahuch gayi……..


Awaj: Bahut ache, ab tum firse koshish karo…… Mujhe umeed hai iss baar tum jarur kamiyab hoge….


Shubham: Jaisa unhone kaha, meine ek baar fir vo magic spell bola aur uske saath hi Shubham 3 na mere upar Fire magic ka use karna shuru kar diya…. Kuch der jab mujhe kuch nahi hua toh Shubham 3 na urja ko badana shuru kar diya…. Aur dhere dhere fire magic itna tej ho gaya tha ki uss lava ka temperature se bhi jada mei apne upar le sak raha tha, par mujhe koi asar hi nahi ho raha tha…..


Awaj: Apne roop ko rukne ka liye kaho, varna iss urja se ya puri ghufa pighal jaayegi aur sab khatam ho jaayega….


Shubham: Awaj ki baat sunkar meine apni aankhe kholkar dekha toh puri gufa aag lag gayi thi, mera roop ka bhi uss jagah khade hone mei halat kharab ho rahi thi….. Meine turant hi usse rukne ka liye kaha aur apni urja se puri Gufa par paani daala…..


Abhi mei uss lava ka liye aage bad raha tha, ki ek baar fir mei gayab ho gaya aur pahuch gaya unn sadhu ka samne…..


Shubham: Mei yaha kaise…..???


Sadhu: Mei lekar aaya hu, kyunki tumne tumhari baadha paar karli hai…..


Shubham; Par meine toh uss lava mei gaya hi nahi….


Sadhu: Shubham vo sab toh bus ek dikhawa tha tumhai jo raaj jaana hai vo mei tumhai phele hi de deta bina kisi parishram ka, par humare Pitaji tumhare liye vo vidhya virasat mei chodkar gaye hai jo unhone apne jeevan mei kade tap ko karke hassil kari thi, iss duniya ka kalyan ka liye…. Vo tumhai sikhana cahate tha, par paristhiti kuch aur bani aur unhone ya bhar hum bhaiyo ko de diya…. Mere bade bhai se tumhai gati ki vidhya mili Neela Unicorn ka roop mei….. Mujhc Agni ki…. Mere dusre anuj bhaiyo se tumhai aur bhi behad kuch sikhne ko milega….


Ha essa mat sochna ki ya spell meine tumhai nahi bataya tha……. Jo awaj tumhare ander se nikal rahi hai, vo bhi hum sabhi mei se ek hai…… Jiska sach tumhai jaldi hi pata chal jayega…… Bus uski baato par humesha vishwas dikhana usse jada tumhara hit iss sansar mei koi nahi cahata hai…..


Uske baad unhone apni haath aage kare aur kuch Green colour ki rays mere ander jaane lagi aur aakhir mei gayab ho gayi…..


Shubham: Bahut Bahut dhanyawad Sadhu aapka….


Sadhu: Ya mera karm tha…. Tumhara karm tumhai bula raha hai….. Tumhai jald hi Land of River and Mountain jaana hoga, jaha na sirf tumhare dost aur uske rajye ka log intezar kar rahe hai, bulki Neela Dragon bhi tumhara intezar kar raha hai….


Aur ya kaha kar vo gayab ho gaye aur mei bhi gayab hokar pahuch gaya Land of River and Mountain….


Shubham; Jaise hi meine vaha ki jamin par apne kadam rakhe mujhe essa mehsoos ho raha tha jaise koi mujhe khichne ki koshish kar raha hai….. Vahi pure Rajye mei bhukamp sa aa gaya…. Sabhi logo ko iske jhatke lage….


Chaliye dosto aaj ka liye yahi rukte hai, Land of River and Mountain ka safar aur armor ka safar agle update mei….


Stay Tunned…..

 

[Baadshah]

Good but short update

 

[Shubham]

Good but short update

Thank you very much for review...
The update size is somewhere more than 3500 words brother

 

[Acme]

Excellent writing Bhai.... keep writing

 

[John Cena]

Fantastic mind blowing yar ma bta nhi sakta ab jo scene ane wale ha mujhe us ka kitna intzar tha agle update ka Besabri sa intzar rahega

 

[DRAGO006]

Nice update bhaiiiiii

 

[Yellow Flash]

Nice

 

[King Aryan]

Awesome Fantastic Update

 

[Raj]

BAHUT HI KHOOBSOORAT SHAANDAAR AUR INTERESTING UPDATE BHAI