Romance SIRF TUM!!!

[Naina]

Yeh abhi tak AV14 ne finalize nhi kiya hai ke woh Jahanvi ki humshakal hai. Hosakta hai Aabha ki humshakal ho

Jo bhi ho...
par vivaan aur navya ki jodi superhit hai

 

[Jaguaar]

Jo bhi ho...
par vivaan aur navya ki jodi superhit hai

Ab writer sahab ne toh ek tarah se boldiya hai Navya se unka koi rishta nhi hone wala.

 

[Naina]

Ab writer sahab ne toh ek tarah se boldiya hai Navya se unka koi rishta nhi hone wala.

are writer sahab se rishta na bhi ho navya ka to kya fark pade...
rishta to tay hone wala hai vivaan aur navya ke bich

 

[Sauravb]

CHAPTER – 1

{PAST – RIGHT YA WRONG}


UPDATE – 5

PLACE :- JAHANVI MANSION (BANGLORE)

---

PLACE INFO :- 13 hazaar square feet mein faila ek hadh se zyada khubsurat bungalow… Teen floors hain iss Mansion ke jismein se pehle dono floors par respectively 7 & 8 kamre hain. Kehne ko to sirf VIVAN hi yahaan rehta hai par fir bhi wo kehte hain naa ke ghar zindagi mein sirf ek baar hi banta hai, yahi kaaran hai iss bangle ke itne bade hone ka aur doosra ye bhi ke bachpan se hi uska sapna tha kuchh aesa hi ghar banwaane ka…

Third floor par ek home theatre banwa rakha hai aur saath hi ek personalized recreation area bhi. Ab jaisi VIVAN ki condition hai ismein usse kayi baar hospital ke chakkar kaatne padte apni body ko stabilise rakhne ke liye, isiliye usne ye intezaam ghar par hi kar liya.

Ek – ek hall bhi first and second floor par maujood hai aur sabse khubsurat to iss gahr ke chaaron taraf bana foolon aur pedon se bhara garden hai. Aur ussi Garden ke beechon beech bana ek Fountain jiski details aage chalkar bhi kahani mein aayengi…

---

“What does she want from me?? Uska behaviour bahut hi ajeeb hai. Abhi kuchh din nahi huye hume mile huye par uska mere liye aesa bartaav… It’s not easy to digest this all. Mujhe to samajh nahi aa raha ke usse kaise handle karun par kuchh to karna hoga. Kyonki agar jo main soch raha hoon wo baat sach huyi to baad mein isse solve karna bahut mushkil hone waala hai.”

Ye sab chal raha tha VIVAN Babu ke mann mein jo iss samay apne mahalnuma ghar mein maujood the. Aur in sab baaton mein jo insaan centre of focus mein tha wo thi hamari NAVYA Madam. Jaisa ke aap jaante hain ke In dono ki companies ke beech ek project ke liye tie – up hua hai. To ussi silsile mein pichhle ek hafte mein Do – teen dafa inki mulaakat huyi jismein VIVAN ko NAVYA ka bartaav kaafi abnormal laga,

Ab yahi dekhlo...

FLASHBACK (YESTERDAY MORNING) :-

PLACE :- VIVAN’S CABIN (J & V GP.)

NAVYA & VIVAN yahaan baithe ussi project par charcha kar rahe the ke tabhi,

*Khonn* .. *Khonn* .. *Khonn* ..

Ye aawaz huyi thi VIVAN ko achanak hi thaska lagne se utpann huyi khansi se aur agle hi pal NAVYA uske saamne paani ka glass liye khadi thi. VIVAN ko thoda uncomfortable feel huya par usne wo glass le liya. Par agle hi pal uski aankhen chaudi ho gayi kyonki NAVYA uski peeth sehlane lagi. (Ab is line ko galat interpret mat karna, khaansi lagne par normally karte hi hain.)

Haan toh uski iss harkat se VIVAN sakte mein aa gaya. Aakhir jaan pehchaan hi kitni thi dono ki. VIVAN ne uski taraf apni aascharya se bhari padi nazron se dekha to wo bhi sakpaka gayi aur apni jagah par jaakar baith gayi. Par agle hi pal uski jhuki nazren, gulaabi huye gaal aur ek chhoti si muskaan dekh kar VIVAN ko ek aur jhatka laga. Aur achanak se hi uske zehan mein pichhli mulaakat ki ghatna aa gayi.

Hua yun tha ke do din pehle inki first official meeting thi iss project se related aur usmein NAVYA bahut hi zyada frank thi VIVAN se. Uske baat karne ke dhang se lekar body language ko dekh kar yahi lag raha tha ke wo kisi aese vyakti se baat cheet kar rahi hai jisse wo saalon se jaanti ho. Par asliyat to kuchh aur hi thi. Iss baat par VIVAN ne zyada gaur nahi kiya kyonki usse laga ke wo shayad is collaboration ke betterment ke liye ye kar rahi hai. Par sabse zyada chaunka dene waali harkat to ye thi ke NAVYA ne VIVAN ko ek gift diya.

Gift dena chalo OK tha but Guess What!! usne kya diya hoga... VIVAN ki wohi tasveer jo usne pichhle dinon apne haathon se banayi thi. Tasveer hubahu VIVAN ki hi thi. Thoda bhi her fer nahi. Maano ke usse saamne baithakar hi ye banayi gayi ho. Par agle hi pal uski hairaani aur badh gayi jab usne Tasveer ke neeche Artist’s signature ki jagah par NAVYA ka naam dekha. Wo stabdh saa NAVYA ko dekh raha tha aur…

VIVAN – Ye.. ye tumne banayi hai??

NAVYA (Smiles) – Of Course!! Kyon achhi nahi bani?

VIVAN – But Why aur Kaise? Exact same chehra kaise banaya tumne?

NAVYA – Agar koyi gift de to usse Thanks bolte hain naaki itne sawaal poochhte hain. Samjhe. Btw aaj mujhe jaldi jaana hai to ab main chalti hoon. (Smiles)

Aur jaate jaate wo ek aur bomb fod gayi VIVAN par. Bomb as in, uske dwara bahut hi dheemi aawaz mein kahe gaye wo shabd jo usne baahar ki aur chalte huye budbudaye the,

“Tumhari tasveer to meri aankhon mein chhap chuki hai usse bas kaagaz par hi to utaarna tha.”

Par VIVAN ne ye achhe se sun liya tha aur isiliye uska dimaag bhannaya hua tha.

BACK TO PRESENT :-

VIVAN (Mann mein) – Mujhe ab uss se baat karni hi hogi. Yess, ek aur baar wo kuchh aesa karti hai then I’ll have to confront her. Kyonki agar wo sahi hua jo main samajh raha hoon to baad mein wo shayad khud ko sambhaal bhi naa paaye…

PLACE :- POLICE STATION (DWARKA CITY)

“KUTTE, Apni aukaat bhool gaya kya. Jaanta nahi ke hum kaun hain aur shayd tu bhool raha hai ke jisse tune andar band kiya hai wo kaun hain. Din bhar gaye lagta hai tere.”

Ye shabd Shreemaan JAGVIJAY THAKUR ke the jinhone ye madhur vaani kahi thi ACP Saahab se par uski baat sunkar jahaan ACP ko dar jaana chahiye tha joki wo normally darta bhi par filhaal wo ek dum aaram se khada tha.
Aur iska kaaran bhi agle hi pal uski zubaan par tha,

ACP – THAKUR Saahab, mujhe pata hai ye sab par mere bhi haath bandhe huye hain. CM Saahab ne khudse phone karke aapke bete ko arrest karne bola tha.

JAGVIJAY (Shocked) – CM ne kaha tha. Pagal ho gaya hai kya tu. Jaanta hai naa CM dost hai mera.

ACP – Wo sab mujhe nahi pata THAKUR Saahab par yahi hua tha.

Agle hi pal JAGVIJAY Aur uske saath hi NAKSH bhi wahaan se nikal gaye CM Saahab se milne ke liye. Wahin VIRAT lock – up mein tooti footi haalat mein baitha tha aur apne aapko hi gaaliyan de raha tha ke kyon wo JAHANVI ke peechhe gaya. Asal mein Uss Aadmi ne JAHANVI ke jaane ke baad VIRAT ko mann bharke dhoya tha aur fir wo khud hi VIRAT ko yahaan Police Station ke baahar fenk gaya tha.

Jaise hi JAGVIJAY ko ye khabar mili to vo aur NAKSH seedhe yahin pahunch gaye. Shakh to usse tha hi ke VIRAT ko andar karwaane ke peechhe kisi bade aadmi ka haath hoga par CM ke hone ki umeed usse katayi na thi. Kyonki DELHI ka CM bhale hi koyi aur ho par asli Raja JAGVIJAY hi tha. Ruling Party ke Total 28 MLA JAGVIJAY ke haath ke neeche the aur wo jab chaahe sarkaar girwaa sakta tha.

PLACE :- CM’s RESIDENCE (DELHI)

JAGVIJAY – PRAKASH tera mann bhar gaya kya CM bane rehte huye jo ye sab draamebaazi kar raha hai. Saale ek Corporator ki kursi se uthakar tujhe CM maine banaya aur tu Mere hi bete ko Jail mein pahuncha raha hai.

CM – THAKUR Saahab aap bewajah mujhpar baras rahen hain mere haath mein kuchh nahi hai. Ye maine apni marzi se nahi kiya.

JAGVIJAY – Thik hai tune nahi kiya naa par ab main karunga. Ek phone aur teri sarkaar... Yaad rakh 28 MLA meri jeb mein hain aur ye Sarkaar bhi.

CM – Arre Prabhu ek to aap samajh nahi rahen hain agar main aapke bete ko andar nahi karwaata to Sarkaar to jaati hi saath hi iss party se nikaal diya jaata.

JAGVIJAY (Surprised) – Matlab!!

CM – PRADHAN Saahab ka phone aaya tha is kaam ke liye.

Aur ye baat sunkar JAGVIJAY bhi blank ho gaya. Ab usse bilkul bhi samajh nahi aa raha tha ke uske bete ne itna kitna bada panga le liya jo seedhe JAIKANT PRADHAN ka phone aaya usse andar karwaane ke liye.

(Aapko bata doon ke DELHI ki ruling party ke National President ka naam hai JAIKANT PRADHAN. Kul milaakar 14 States mein inhi ki Sarkaar hai. Haalanki ye hi iss party ke founder the par kahin bhi inhone kisi bhi mantri pad ko nahi liya. Ye baahar rehkar hi party ka maalikana hakk sambhaalte hain. Aur seedhe inka call aana matlab JAGVIJAY ke haath se baazi nikal chuki thi kyonki ab agar wo Sarkaar se apne MLA kheenchne ki koshish bhi kar leta to bhi koyi faayda nahi tha. Uske MLA usse hi dhokha de dete JAIKANT ke kehne par. Itna rutbaa tha uska.)

Isiliye JAGVIJAY ne filhaal wahaan se jaane mein hi bhalayi samjhi par uske dimaag mein kuchh aur hi baat chal rahi thi aur uss baat ki mukhya bindu JAHANVI hi thi. Ab wo sochne par majboor ho chuka tha ke ek middle class parivaar ke itne oonche connections kaise possible hain. Par ye baat to un bechaaron ko khud bhi naa maaloom thi to iss praani ko kya hi pata chalti.

PLACE :- SHUKLA SADAN (DWARKA , DELHI)

AABHA – ANVI tune kal kaha tha ke tu mujhe aaj poori baat batayegi. Yaad hai naa tujhe.

Kal kaha tha... haan yaad aaya kal raat ka terrace waala scene abhi incomplete hai.

Chaliye ek chhote se Flashback mein,

FLASHBACK (LAST NIGHT) :-

AABHA – Dhokha diya naa usne tujhe. (Uski chin ko oopar karte huye aur gaal sehlate huye) Bol ANVI dhokha diya na usne tujhe.

Ek dum se JAHANVI ke aansuon ka baandh toot gaya aur wo AABHA ke gale lagkar rone lagi. Uska rudan itna teevra tha ke ek pal ko AABHA bhi thithak gayi. Usse andaza ho raha tha ke uski behen jisse wo ab bhi ek masoom si Pari samajhti thi kitne bada dukh ko apne seene mein dabaye thi.

AABHA uski peeth sehlaane lagi aur kuchh der baad…

AABHA – Kya naam tha uska?

JAHANVI ( Sobs ) – VI... VIV… VIVAN DIXIT.

AABHA poori koshish kar rahi thi ke wo JAHANVI ko sambhaal sake par shayad wo ye bhi samajh rahi thi ke JAHANVI ka dukh bahut bada hai aur usse iss sabse nikaalna atyant kathin hone waala hai. Aur iske liye sabse pehle ye zaroori hai ke JAHANVI ke mann mein dabi huyi saari baatein... saare dard aur takleefein baahar aayen. Kaafi samay baad jab JAHANVI shaant huyi to AABHA ne usse wahin kursi par baitha diya aur khud bhi uske paas hi baith gayi. Abhi bhi uske chehre par zamane bhar ka dard saaf dikhayi de raha tha.

AABHA (Softly) – ANVI tune mujhe kabhi nahi bataya tha kisi ladke ke baare mein.

JAHANVI – Sorry Didu par mujhe kabhi bhi sahi mauka nahi mila.

JAHANVI ne ye baat hadh se zyada maasoomiyat se kahi thi jisse sunkar AABHA ka dil paseej gaya. Sachmein ek masoom si Pari hi to thi uski behen jisne kam umra mein hi bahut zyada anubhav kar liya tha. Filhaal AABHA ko uss VIVAN naam ke ladke par hadh se zyada gussa bhi aa raha tha ke usne kaise ek saaf aur masoom dil ki ladki ko cheat kiya… usse dhokha diya aur sabse badi baat uska dil toda.

AABHA – ANVI main jaanti hoon ke teri bachpan ki aadat hai apni takleef kisi ko bhi na batane ki par iss maamle mein tujhe sab kuch mujhe batana hoga. Dekh jitna tu khud ke andar ye sab bharegi utni hi teri problem badhti jaayegi. Aur isiliye tu kal hi mujhe shuru se sab kuchh batayegi.

JAHANVI – Didu.. Main kaise.. main wo sab dobara yaad nahi karna chahti.

AABHA – Meri aankhon mein dekh kar ek baar bol de ke tu wo sab kuchh bhool gayi hai.

Iss baat par JAHNVI nishabd ho gayi. Kahin naa kahin AABHA, JAHANVI ko bahut behtar samajhti thi. Shayad apne parents se bhi zyada. Kyonki dono bachpan se bahut close thi aur hamesha hi ek doosre ke liye kuchh bhi karne ko taiyaar rehti thi.

AABHA – Bas ab aur kuchh nahi. Kal hi tu sab kuchh mujhe batayegi aur haan tere chehre par udaasi achhi nahi lagti. Tu sirf haste aur muskurate rehne ke liye bani hai. Waise hi raha kar.

Itna kehkar AABHA ne uske gaal ko sehla diya aur JAHANVI Ke chehre par bhi ek chhoti si par poore 4 saal baad ek sachi muskurahat aayi. Kaafi der tak dono behne aapas mein baat karti rahi aur AABHA ne bahut hadh tak JAHANVI ko normal kar diya tha. Uska pehla kaam ho chuka tha bas ab usse JAHANVI ke dil ke gubaar ko baahar laana tha.

BACK TO PRESENT :-

JAHANVI (Sad) – Haan Didu yaad hai mujhe par aap kyon jaan na chahte ho?

AABHA – Dekh ANVI jab tak tu ye sab apne andar dabakar rakhegi tab tak khud ko takleef deti rahegi. Apni pareshaaniyan doosron ke saath share karni chahiye aur main to teri badi behen hoon. Agar mujhe nahi batayegi to fir kise batayegi.

Itna kehkar usne JAHANVI ke sar par pyaar se haath fera aur uska gaal noch diya jaisa ke wo bachpan mein kiya karti thi jab JAHANVI usse koyi baat nahi batati thi. Issi kaaran...

JAHANVI AABHA ke gale lag gayi aur dheere dheere uski aankhon ke kinaaron se aansoon behne lage aur wo dheemi aur bhari huyi aawaz mein boli,

JAHANVI – Didu bachpan kitna achha tha na. Kisi baat ki chinta thi naa hi koyi problem thi. Aur ab... Kaash ke wo bachpan ke din waapas aa jaate.

AABHA ki aankhen bhi nam thi. Aakhir wo JAHANVI se hi to sabse zyada pyaar karti thi iss duniya mein. Kuchh der baad,

JAHANVI – Ye sab mere College ke first day shuru hua tha. 6 Saal pehle…..

FLASHBACK – THE PAST (RIGHT YA WRONG)

6 YEARS BACK (6 SAAL PEHLE) :-


Aaj ke liye itna hi...


Milenge agle Update mein...

Amazing update..great combination of flashback and present..

 

[AV14]

Sandaar starting bhai...

lagta hai flashback me bahot kuch janane ko milega...
khair vivan jahnvi ki yaad kar raha hai jo 4 saal pehle hua..

vivan ne kuch galat kiya hai ya kuch galat bol diya hai is liye jahnvi nafrat karne lagi or dono alag ho gay..

Awesome update

Thnx & Welcome To The Thread brother.. Flashback Update – 6 se shuru hoga..

Thanks Again & Be Along..

 

[AV14]

Tow navya madam haath dhoker peeche pad gayi h Vivan k lekin milega kia Vivan se ek dard jab Bivan use apni sachchayi batega
Jagvijay pahoch gaye aakhir apne beta ko bachane lekin kuch faida hiwa nahi or hoga bhi nahi jab isme CM or party ke mukhiya Pardhan sahab ki baat ho tow
AABHA n JAHNAVI ko mana hi lia iss baat k liye ki aakhir huwa kia tha
Dekhte h flashback m indono ki 6 saal ki ab tak kahani
Badhiya shaandaar update bhai

Thnx for your support Brother.. Be Along..

 

[AV14]

Ab ek kaam kijiye....vivan ke is ghar ko bech ke jo paise aayenge wo hum readers baant dijiye...

btw ek aur faida hai.... Na wo ghar rahega na koi yaadein aur na koi dukh
Ab iske chalte vivan bhi us jahnavi ko bhool jayega

Bilkul bas paise transfer kar hi raha hoon.. ho gaya check kijiye notification..

 

[AV14]

Is vivaan ka kuch nahi ho sakta
ek ladki uske liye itni achhi paining banake as a gift di... in fact wo tasveer khud vivaan ki hi hai.. isse hi pata chale ki kitna pyar hai vivaan ke liye... itni mohabbat ki uske halke khasne bhar pe wo tadap uthi ki kya hua vivaan ko... kaise pith sehlakar, pyar se paani pilake care kar rahi thi wo.... even indirectly bol gayi navya ko usse pyar hai....
Phir bhi jaane kyun vivaan itne soch vichaar kar raha hai ... are ushe to navya ke pyar ko accept kar lena chaahiye after all navya ne usse pyar kiya hai koi mazak nahi....

are main to kehti hun ki bhool jaao jahnavi ko aur navya se shaadi kar liyo...
bina wajah dukhi aatma banke bhatak raha ye udhar us jahnavi ki yaadon ke sahare

udhar jagvijay gaya tha police station leke cm office tak sher ki tarah lekin pradhan ka naam sun kisi gidar ki tarah bhaga udhar se....
waise wo bhi soch raha hoga ki aakhir aisa koun powerful insaan aa gaya hai jo jahnavi & family se connected hai...

dusri taraf aabha ke bahot jor dene par jahnavi atithi ke panno ko palatne wali hai...
uske aur vivaan ki mohabbat ki dastaan ko....jaha mile phir bichhad gaye doni...

Shaandar update, shaandar lekhni shaandar shabdon ka chayan aur sath hi dilkash kirdaaro ki bhumika bhi...

Let's see what happens next
Brilliant update with awesome writing skills

Thnx for The revo Naina Ji.. Jis din Navya Vivan se shaadi karne ko kahegi main dono ki shaadi waala update likh doonga.. I promise.. Tab tak..

Thnx again & Be Along..

 

[AV14]

Navya ka behaviour ajeeb lagne laga hai Vivan ko aur ho bhi kyon naa ab usse thode hi pata hai ke Navya apni family planning tak karke baithi hai... Lagta hai ke jald hi Vivan Navya se seedhe hi iss baare mein baat karega...

Idhar Jagvijay gaya to tha pehle police station aur fir CM ke paas par mila kya, thenga... Aur agar Pradhan jitne bade aadmi ka call aya tha to saaf lag raha hai ke Vivan ka hi kaam tha ye...

Jahanvi ab apne ateet ke pannon ko kholne waali hai Aabha ke saamne ... Agke update se lage ki flashback shuru hone waala hai...

Awesome Update Bhai & Waiting For Next..

Thnx for the revo Brother.. Ji bilkul next update se hi Flashback start hoga..

Thanks Again & Be Along..

 

[AV14]

Jabardast Updatee

Maza aagaya padh kee

Are baap re writer shahab kaha latka ke chale gaye ........6 saal ka thora to bata ke jaate .......ab to dimaag shant hi nehi hoga ,,,,,,,

Nice and superb update...

Superb update bro

Amazing update..great combination of flashback and present..

Thanks for your Support Guys..

Hope you will continue to encourage me in this journey.. Thanks Again & Be Along..