Romance SIRF TUM!!!

[jayantaDS]

CHAPTER – 1

{PAST – RIGHT YA WRONG}


UPDATE – 8

---

FLASHBACK CONTINUES

---

THE FESTIVAL CONTINUES...


PAL.. DO PAL.. MOHLAT DE MUJHE.. BATA KE..
CHAHUN MAIN KYON NA TUJHE,
TERI NAZAR KA ASAR YUN HO RAHA HAI YAHAAN..

KHWAABON MEIN BHI MERE..
TU HI BASA.. TU HI BASA.. [×2]

AANKHEN MERI THI YAHIN..
DHOONDTE TERI ZAMEEN..
JAANE KYON YUN HI.. KHO GAYI..
YUN MILI HAI AB TO KE UNMEIN BHI..
TU HI BASA.. TU HI BASA..

SAANSEIN MERI AB MERI NA RAHI..
YE DIL BHI BEH GAYA..
TUJHMEIN HI HAI AB TO..
YE MERA AASHIAN..

DEKHA YUN ISNE JO TUJHE,
TO DIL BHI MERA RUK GAYA.. MUJHMEIN BHI AB TO..
TU HI BASA.. TU HI BASA..

NAZRON MEIN TU HI BASA.. KHWAABON MEIN.. BHI TU HI..

AB TO TU MUJHMEIN BASA.. MUJHMEIN BASA.. TU HI BASA.. [×2]

[Copyright – AV14.. C&P Nahi karne ka bhidulog..]

Ye the uss gaane ke bol jo stage par maujood VIVAN ne gaaye the. Aankhen band thi uski lekin dil mein chhapi tasveer ko dekhte huye ye gaana gaaya tha usne. Aur batane ki zaroorat to hai hi nahi ke wo tasveer kiski thi. Har ek shabd uski aatma se nikla tha aur har shabd mein nichod tha uske pyaar ka JAHANVI ke liye joki har pal badhta hi jaa raha tha.

JAHANVI ka haal bhi ajeeb tha. Wo lagaatar VIVAN ko dekhe jaa rahi thi. Usne gaane ke har bol ko apne andar tak mehsoos kiya tha. Maano ke kaano ke zariye wo shabd uske dil mein utar rahen ho.

Lekin in dono se juda bhi ek shakhs tha jisne iss gaane ko maatra suna nahi balki mehsoos kiya tha. Aur wo thi ADYA. Ji haan jab VIVAN stage par aaya to shayad sabse zyada khushi ADYA ko hi huyi thi. Uska JAHANVI ke saath dance karna haalanki ADYA ke dil par ek chot de gaya tha par uspar marham ka kaam kiya iss gaane ne. Wo to yahi samajh rahi thi ke VIVAN ne ye gaana ussike liye gaaya hai.

Aankhen band karke wo khushi se jhoom rahi thi par uski ye khushi, yahi pyaar shayad ek din uss se bahut badi keemat lene waala tha.

To bas issi performance ke saath iss Festival ki sabhi performances ka ant hua aur VIVAN ke abhivaadan mein poora Auditorium taaliyon se goonj uthaa. Kuchh der sabhi ko thoda rest karne ka mauka diya gaya aur uske baad prize distribution shuru hua. Jab VIVAN & JAHANVI ko ek saath bulaya gaya to ADYA ek baar fir mayoos ho gayi par jab VIVAN ko solo prize mila to sabse tezz taaliyon ki goonj ussi ki thi.

Idhar jiss pal se VIVAN ka gaana khatam hua tha theek ussi pal se lekar ab tak JAHANVI lagataar usse hi ek tak dekhe jaa rahi thi. Aur uske chehre par ek muskaan bani huyi thi. Aaj wo behadh Khush thi. Competition jeetne ke kaaran? Shayad Nahi.

Aaj ek naya sa ehsaas ho raha tha usse jo aage chalkar uski taqdeer badal dene waala tha. Wahin VIVAN bhi chor nazron se JAHANVI ko hi taak raha tha aur uske chehre ki wo muskaan VIVAN ko andar tak ek shaanti aur thandak ki anubhuti karwa raha tha.

Kherr, bas kuchh aupcharik kaamo ke baad iss Fest ko ek official closure diya gaya. Aur sabhi students aur participants bhi apne – apne raaste ho liye. Jitne bhi winners the unhe badhaiyaan mil rahi thi. Par in sab se alag VIVAN aur JAHANVI auditorium ke entrance ke side ek corridor mein akele khade the.

JAHANVI ke chehre par narazgi saaf jhalak rahi thi. Wahin VIVAN badi mushkil se apni hasi control kar raha tha. In teen dinon mein VIVAN ne JAHANVI se saaf keh diya tha ke wo usse aap nahi balki tum kehkar bulaaye. Aur wo bhi maan gayi thi.

JAHANVI – Tum.. Tumne mujhe bataya kyon nahi ke tum singing mein bhi participate karne waale ho.

Usne apne dono haath kamar par rakhte huye gusse se ye baat kahi thi jiske kaaran VIVAN ka control chhoot gaya aur wo thahaka lagakar hasne laga. Ispar JAHANVI ko aur bhi gussa aa gaya.

JAHANVI ( Angrily ) – You.. Jaao Main nahi kar rahi tumse baat.. Huhh..

VIVAN – Sorry.. sorry.. wo tum bol hi aese rahi thi ke main hasi control nagi kar paaya. Sorry na please.

VIVAN ne aakhir mein apne kaan hi pakad liye jispar JAHANVI ke face par bhi ek muskaan aa gayi.

VIVAN – Waise, I swear tum gusse mein badi cute lagti hai.

Is baar JAHANVI ke gaal halke pink ho gaye aur usne aankhen neeche karte huye apne chehre par aa rahi baalon ki ek latt ko kaan ke peechhe kiya. Uski iss ada par to VIVAN bilkul hi fida ho gaya.

JAHANVI – Waise mujhe bilkul bhi nahi laga tha ke tum gaate bhi hoge wo bhi itna achha. Believe me, you were just awesome.

VIVAN – Wo to main hoon hi koyi shakh nahi ismein.

JAHANVI – Huhhh… Wo to maine tumhara dil rakhne ke liye kaha tha warna Okay Okay hi tha.

VIVAN – To rakhlo naa..

JAHANVI – Kya??

VIVAN – Mera Dil..

Ek baar firse JAHANVI clean bowled ho gayi aur ek bahut hi khubsurat si sharm ne uske haseen rukhsaar par apni jagah bana li. Achanak se hi wo nishabd si ho gayi thi. Wahin VIVAN muskurate huye usse dekh raha tha. Tabhi kuchh students ka group uss taraf aa raha tha. Aur uske chalte JAHANVI ne ek Baar VIVAN ko muskurate huye dekha aur fir Bye kehkar wahaan se chali gayi.

Bas yuhin haste muskurate inke din beetne lage. Festival ko poora huye laghbhag ek maheena beet chuka tha. Ab JAHANVI aur VIVAN behadh achhe dost ban gaye the. JAHANVI ke liye ye dosti hi thi par VIVAN ke dil mein har pal JAHANVI ke liye Mohabbat badhti hi jaa rahi thi. Haalanki MEHUL ki gaadi abhi bhi station par hi band padi huyi thi. Ek do baar usne KANIKA se baat karne ki koshish bhi ki par usne MEHUL ko kuchh khaas bhaav nahi diya.

Iska kaaran ye tha ke wo VIVAN aur JAHANVI ki badhti dosti se kaafi chintit thi. Uske Chinta ka kaaran ye tha ke uski nazar mein VIVAN maatra ek dil fenk Aashiq tha jo har ladki ko ek hi nazar se dekhta tha. Iska bhi ek kaaran tha. Huaa yun ke NAKUL ke saath rehne ke kaaran College ke kuchh students ke beech VIVAN & MEHUL ki image kaafi dhoomil si ho gayi thi. Aur issi prakaar ki kuchh udti huyi afwaahein KANIKA ke kaanon tak bhi pahunchi. Jiss se uske mann mein VIVAN ki chhavi jo pehle hi kharaab thi uski bilkul hi dhajjiyaan udd gayi.

PLACE :- OUTSKIRTS OF DWARKA

Issi beech ek din JAHANVI apni scooty se jaa rahi thi. Ye shehar se halka baahar ka hissa tha. Asal mein doosri road jispar se JAHANVI usually jaaya karti thi wahaan aaj hadh se zyada traffic tha jiske kaaran JAHANVI ne ye raasta chuna. Haalanki wo bhi jaanti thi ke ye raasta sunsaan sa hi hai par usse jald se jald ghar pahunchna tha. Aakhir uske Maa – Papa ki Wedding Anniversary jo thi aaj.

Kherr, wo apni gati se jaa rahi thi ke tabhi teen bike sawaar logon ne uska raasta rok liya. JAHANVI ko bhi brakes lagane pade. Wo teenon bike se utre aur hawas bhari nazron se JAHANVI ko ghoorte huye uski taraf badhne lage. Unke chehre par besharmi aur kameengi saaf jhalak rahi thi. JAHANVI ne firse Scooty start karne ki koshish ki lekin ghabrahat ke kaaran uske haath hi fool gaye the.

Tabhi un teenon mein se ek ne JAHANVI ka haath pakad liya aur usse kheenchkar Scooty se utaar diya. JAHANVI un logon se usse chhodne ki guhaar laga rahi thi par wo teeno lagaatar ashleel comments karne mein lage the.

JAHANVI ne usse jisne uska haath pakda hua tha uske chehre par ek tamaacha jadd diya.
Lekin iska prabhaav ulta hua. Achanak hi teeno bahut aakraamak ho gaye. Teeenon ne JAHANVI ko pakad liya aur uske gaal par do thappad bhi laga diye. Issi beech uski kurti bhi baazoo se fatt chuki thi. JAHANVI asahaay si aansoon baha rahi thi aur bhagwaan se praarthana kar rahi thi ke uski madad karne koyi farishta aa jaye. Jaise hi wo aadmi JAHANVI ke honthon par jhukne ko hua wo udta hua do feet door jaa gira.

Kaaran ye tha ke uske pet par ek zabardast laat pad chuki thi. Jab JAHANVI ne uss laat maarne waale shakhs ki taraf dekha to uski aankhen fail gayi. Kyonki wo koyi aur nahi balki VIVAN hi tha. Wo daily issi raaste se jaata tha Kyonki uska ghar iss taraf se paas padta tha. Aaj bhi wo yahin se jaa raha tha ke usne dekha ke teen lounde ek ladki ko pareshaan kar rahen hain. Wo bike se utarkar wahaan pahuncha to ladki ka chehra dekh kar uski aankhon mein khoon utar aaya. Ye uski jaan thi jiske chehre par thappad ke nishaan the. Jiske kapde tak damage ho chuke the.

Aur ye manzar dekhne ke baad wahi hua jo hona tha. Usne ek laat jadd di uss ladke ko. Itne mein uske baaki dono Saathi taiyaar ho gaye. Dono ek saath VIVAN par jhapat pade. VIVAN ne pehle ko dodge kiya aur doosre ko chehre par ek punch jadd diya. Itne mein pehle waala usse punch maarne ko hua lekin VIVAN ne jhuk kar uske pet mein ek punch jadd diya. Iske baad to usne non stop un dono ko maara. Itna maara ke wo dono behosh hi ho gaye.

Lekin tab tak wo sabse pehle waale ladke ko bhool gaya tha. Ke tabhi usse aawaz aayi,

VIVAAAANNNNN...

Ye JAHANVI ki cheenkh thi jo nikli thi kyonki wo ladka Haath mein Chaaku liye VIVAN ki taraf badh raha tha. VIVAN ne turant react kiya aur side hua par time kam tha isiliye chaaku uske haath par ek gehra cut de gaya. Par abhi usne apna dard zabt kiya aur uss ladke ko side hokar ek round kick jadd di. Aur fir uski bhi tabadtod pitaayi shuru huyi. Ye wahi ladka tha jisne JAHANVI ki kurti kheenchi thi. Isiliye uske behosh hone ke baad bhi VIVAN usse maare jaa raha tha. Tabhi uske haath ek dam se ruk gaye kyonki JAHANVI ne uske kandhe par haath rakhte huye usse pukaara,

V.. VI.. VIVAN..

Wo ek dum se palta aur dono hi ek tak ek dooje ko dekhne lage. Par tabhi JAHANVI ne uske haath se behte khoon ko dekha. Usne apne dono haathon se VIVAN ka haath thaam liya. Aur apni bheegi aankhon se kabhi Uske haath ko, ke kabhi uske chehre ko dekh rahi thi.

JAHANVI behadh hi masoom si lag rahi thi iss pal aur tabhi usne apna rumaal VIVAN ke haath par baandh diya. Aur agle hi pal VIVAN ke haath par foonk maarne lagi.

Bilkul ek Chhoti bachi jaise behave kar rahi thi wo, VIVAN usse baar baar pukaar bhi raha tha par wo besudh si hokar VIVAN ke haath par foonk maar rahi thi. Tabhi VIVAN ne usse pakad ke hilaaya aur wo hosh mein aayi. Agle hi pal wo VIVAN ki baahon mein sama gayi aur uske seene mein apna sar chhippa liya. Ye pal VIVAN ke liye behadh hi khaas tha. Uski aankhen band thi aur usne JAHANVI ko aur bhi kas liya tha.

Idhar JAHANVI iss pal khud ko behadh surakshit mehsoos kar rahi thi. Wo VIVAN ki baahon ki kaid se kabhi nikalna hi nahi chahti thi. Kaafi der baad dono alag huye. VIVAN ne JAHANVI ke chehre ko thaama aur jahaan thappad ke nishaan the wahaan sehlaane laga. Aur badi hi narm aur pyaar bhari aawaz mein bola,

VIVAN – Dukh Raha Hai??

JAHANVI ne bhi bada hi maasoom chehra banakar apna sar haan mein hila diya. Wo iss pal kitni zyada pyaari lag rahi thi ye shadon mein likhna asambhav hai. VIVAN ko uspar itna pyaar aaya ke agle hi pal usne wo kar diya jiski JAHANVI ko katayi umeed na thi. Usne aage badhkar bade hi pyaar se JAHANVI ke gaal ko choom liya.

Aur agle hi pal JAHANVI usse apni badi badi aur masoom aankhon se dekhne lagi. Kuchh hi seconds baad uske chehre par laali chhaa gayi. Apne aap hi ek behadh pyaari muskaan uske chehre par aa gayi aur usne apni nazren sharm se jhuka li. Wo apne haathon ki ungliyon ko mod rahi thi. Agle hi pal VIVAN ne apna Jacket utaarkar JAHANVI ko pehna diya. Aur JAHANVI ne usse dekh kar aankhon hi aankhon mein Thank You kaha.

VIVAN ne uske gaal ko ek baar fir sehlaate huye kaha,

VIVAN – Chalo bahut time ho gaya hai, ab dhyaan se Scooty chalana. Main saath mein chalta hoon. Aur aage se kabhi iss raaste se mat jaana.

JAHANVI ne bas haan mein sar hila diya.
Jab ye dono chalne lage tabhi JAHANVI ne VIVAN ki shirt ke kinaare ko peechhe se pakad liya. Jab VIVAN palta to,

JAHANVI – Thank You VIVAN. Thank You so much.

VIVAN ne pyaar se uske sar par haath fera aur uske gaal ko kheench diya. Apne aap hi JAHANVI ke chehre par muskaan aa gayi.
Dono hi apni apni gaadi par sawaar huye aur aage badh gaye. Aage chalkar diversion par JAHANVI main road ki taraf badh gayi aur VIVAN doosri taraf. Par JAHANVI side view mirror mein bhi VIVAN ko jaate dekh rahi thi.

NEXT DAY :-

PLACE :- COLLEGE CANTEEN

Hua yun ke aaj JAHANVI ne College pahunchte hi kal ki poori ghatna KANIKA ko bata di thi. Sirf apne aur VIVAN ke kuchh moments ko chhodkar. KANIKA bhi ek pal ko bahut ghabra gayi. Lekin fir JAHANVI ke batane par normal huyi. Lekin abhi bhi VIVAN uske liye ek negative prospect hi tha. Wo kehte hain naa first impression is the last impression.

KANIKA – JAHANVI main kuchh kehna chahati hoon. Tu otherwise mat liyo but I think ke VIVAN sahi ladka nahi hai.

JAHANVI ( Frowns ) – Kya Matlab??

KANIKA – Dekh JAHANVI maine kayi baar usse tujhe ghoorte huye dekha hai. Aur...

Iske baad KANIKA ne wo CULTURAL OFFICE mein huyi ghatna poori bata di JAHANVI ko. Jisse sunkar JAHANVI bhi behadh hairaan huyi. Par tabhi ek vichaar uske dil mein aaya jiske kaaran uske man Mandir mein khushi ki Tarange uthne lagi. Par agle hi pal usne wo vichaar jhatak diya.

Kherr, Iske baad KANIKA ne usse VIVAN ke baare mein faili wo sabhi baatein bhi batayi jiska kaaran NAKUL tha.

Par JAHANVI ka dil ye sab maan ne ko taiyaar nahi tha. Lekin wo khamosh hi thi. Dance Competition waali baat abhi bhi uske dimaag mein ghoom rahi thi.

KANIKA – Isiliye keh rahi hoon JAHANVI ke tu uss se door reh. Main hamesha teri achhayi ke liye salaah doongi naaki tere nuksaan ke liye.

Abhi JAHANVI kuchh bolti ke tabhi usse apne peechhe kisi ki maujoodgi ka ehsaas hua. Wo palti to uski aankhen failti chali gayi. Peechhe VIVAN khada tha jiske chehre par maayoosi saaf jhalak rahi thi. Usbe ek nazar JAHANVI ko dekha aur fir palat kar wahaan se chala gaya.

JAHANVI usse aawaz lagati rahi par wo...

JAA CHUKA THA...


Aaj ke liye itna hi...


Milenge Agle Update Mein...

Kaal padhunga aankhe band ho rahi he......

 

[AV14]

Superbb Updatee

Nice and awesome update...

Nice update bhai super mind blowing update

Thnx A lot guyzz.. Be Along..

 

[AV14]

Ye Kya padhayi likhayi chhod chada gana bajana karne lag gaye
iss update mein vivaan aur jahnavi ka role bilkul boring ya to propose karo ya baat yahi khatam karo simple... ye kya mendak ki uchal rahe dono.. phir ye lo
...Ab bas yahi baaki tha...gaane ke bahane vivan kauwa ki tarah aawaz bhi nikalne laga...
best story character award to kanika ko jaata hai... aur uske krodh ko...
kanika jaake jahnavi ko bata deti ki wo vivaan kya gul khila raha tha...

Well sabhi pehlu mein sabhi arthpoorn baaton, kirdaaro bich huye vaartalaap ko aur gatividhiyo ko ek sathik gati ke sath samete huye hai update ke jariye writer sahab ne shabdon mein khoob roopantaran kiya hai. .

Bahot dilchasp update sath hi kuch arthpoorn aur manmahok kirdaaro ki bhumika...

Navya kidhar hai
Khair let's see what happens next
Brilliant update with awesome writing skills

That's some unique update . Avi sahab se jaisi aasha rahti hai, bilkul usi mutabik likha hai..absolutely amazing.. . You always try something unique to write, and that's your specialty, hats off to that. Really glad to read something interesting after a long time. Everything was superb. Flow, Narration, Plot, Presentation. Everything was superb. You have a good grasp over the storyline right from the word go. marvellous & remarkable..

Kanika ne apna kaam kar diya...
Chalo achha hai... vivaan aur jahnavi ka pyar suru hone se pehle hi khatm

ab entry legi super heroine navya
Let's see what happens next
Brilliant update with awesome writing skills

Thnx A lot Naina Ji for such awesome response.. Mujhe kahin na kahin laga hi tha ke aapko KANIKA bahut pasand aayegi..
Thanks for the Appreciation Too..

NAVYA bhi aayegi lekin kuchh intezaar karna padega aur jab wo aayegi to apne saath ek shock bhi laayegi..

iss update mein vivaan aur jahnavi ka role bilkul boring ya to propose karo ya baat yahi khatam karo simple... ye kya mendak ki uchal rahe dono..

Kya sachmein Flashback mein ye dono boring lag rahen hain?? I thought ke agar seedhe propose karwa doon to love story kaise shuru huyi wo reader logis ko pata nahi chalega..

Thanks Again Naina Ji for the continuous support & Be Along..

 

[Naina]

. Mujhe kahin na kahin laga hi tha ke aapko KANIKA bahut pasand aayegi..

kyunki is story character mein dimag hai, jo ke us vivaan aur jahnavi mein hai nahi

Kya sachmein Flashback mein ye dono boring lag rahen hain?? I thought ke agar seedhe propose karwa doon to love story kaise shuru huyi wo reader logis ko pata nahi chalega..

kahani ki demand hai ki usko ek details flashback ki jarurat hai...
Meri demand ye hai ki gusse wali kanika ko zyada role diya jaaye
na ki un dono nibbo ko.....

Navya dekh ....tere maal pe dala daalne ki koshish kare writer us jahnavi ke sath milke

 

[AV14]

kyunki is story character mein dimag hai, jo ke us vivaan aur jahnavi mein hai nahi

kahani ki demand hai ki usko ek details flashback ki jarurat hai...
Meri demand ye hai ki gusse wali kanika ko zyada role diya jaaye
na ki un dono nibbo ko..

Both demands will be fulfilled.. agle kuchh updates mein KANIKA ka role badhega..

Navya dekh ....tere maal pe dala daalne ki koshish kare writer us jahnavi ke sath milke

Ju to antaryami nikli..

 

[Death Kiñg]

CHAPTER – 1

{PAST – RIGHT YA WRONG}


UPDATE – 8

---

FLASHBACK CONTINUES

---

THE FESTIVAL CONTINUES...


PAL.. DO PAL.. MOHLAT DE MUJHE.. BATA KE..
CHAHUN MAIN KYON NA TUJHE,
TERI NAZAR KA ASAR YUN HO RAHA HAI YAHAAN..

KHWAABON MEIN BHI MERE..
TU HI BASA.. TU HI BASA.. [×2]

AANKHEN MERI THI YAHIN..
DHOONDTE TERI ZAMEEN..
JAANE KYON YUN HI.. KHO GAYI..
YUN MILI HAI AB TO KE UNMEIN BHI..
TU HI BASA.. TU HI BASA..

SAANSEIN MERI AB MERI NA RAHI..
YE DIL BHI BEH GAYA..
TUJHMEIN HI HAI AB TO..
YE MERA AASHIAN..

DEKHA YUN ISNE JO TUJHE,
TO DIL BHI MERA RUK GAYA.. MUJHMEIN BHI AB TO..
TU HI BASA.. TU HI BASA..

NAZRON MEIN TU HI BASA.. KHWAABON MEIN.. BHI TU HI..

AB TO TU MUJHMEIN BASA.. MUJHMEIN BASA.. TU HI BASA.. [×2]

[Copyright – AV14.. C&P Nahi karne ka bhidulog..]

Ye the uss gaane ke bol jo stage par maujood VIVAN ne gaaye the. Aankhen band thi uski lekin dil mein chhapi tasveer ko dekhte huye ye gaana gaaya tha usne. Aur batane ki zaroorat to hai hi nahi ke wo tasveer kiski thi. Har ek shabd uski aatma se nikla tha aur har shabd mein nichod tha uske pyaar ka JAHANVI ke liye joki har pal badhta hi jaa raha tha.

JAHANVI ka haal bhi ajeeb tha. Wo lagaatar VIVAN ko dekhe jaa rahi thi. Usne gaane ke har bol ko apne andar tak mehsoos kiya tha. Maano ke kaano ke zariye wo shabd uske dil mein utar rahen ho.

Lekin in dono se juda bhi ek shakhs tha jisne iss gaane ko maatra suna nahi balki mehsoos kiya tha. Aur wo thi ADYA. Ji haan jab VIVAN stage par aaya to shayad sabse zyada khushi ADYA ko hi huyi thi. Uska JAHANVI ke saath dance karna haalanki ADYA ke dil par ek chot de gaya tha par uspar marham ka kaam kiya iss gaane ne. Wo to yahi samajh rahi thi ke VIVAN ne ye gaana ussike liye gaaya hai.

Aankhen band karke wo khushi se jhoom rahi thi par uski ye khushi, yahi pyaar shayad ek din uss se bahut badi keemat lene waala tha.

To bas issi performance ke saath iss Festival ki sabhi performances ka ant hua aur VIVAN ke abhivaadan mein poora Auditorium taaliyon se goonj uthaa. Kuchh der sabhi ko thoda rest karne ka mauka diya gaya aur uske baad prize distribution shuru hua. Jab VIVAN & JAHANVI ko ek saath bulaya gaya to ADYA ek baar fir mayoos ho gayi par jab VIVAN ko solo prize mila to sabse tezz taaliyon ki goonj ussi ki thi.

Idhar jiss pal se VIVAN ka gaana khatam hua tha theek ussi pal se lekar ab tak JAHANVI lagataar usse hi ek tak dekhe jaa rahi thi. Aur uske chehre par ek muskaan bani huyi thi. Aaj wo behadh Khush thi. Competition jeetne ke kaaran? Shayad Nahi.

Aaj ek naya sa ehsaas ho raha tha usse jo aage chalkar uski taqdeer badal dene waala tha. Wahin VIVAN bhi chor nazron se JAHANVI ko hi taak raha tha aur uske chehre ki wo muskaan VIVAN ko andar tak ek shaanti aur thandak ki anubhuti karwa raha tha.

Kherr, bas kuchh aupcharik kaamo ke baad iss Fest ko ek official closure diya gaya. Aur sabhi students aur participants bhi apne – apne raaste ho liye. Jitne bhi winners the unhe badhaiyaan mil rahi thi. Par in sab se alag VIVAN aur JAHANVI auditorium ke entrance ke side ek corridor mein akele khade the.

JAHANVI ke chehre par narazgi saaf jhalak rahi thi. Wahin VIVAN badi mushkil se apni hasi control kar raha tha. In teen dinon mein VIVAN ne JAHANVI se saaf keh diya tha ke wo usse aap nahi balki tum kehkar bulaaye. Aur wo bhi maan gayi thi.

JAHANVI – Tum.. Tumne mujhe bataya kyon nahi ke tum singing mein bhi participate karne waale ho.

Usne apne dono haath kamar par rakhte huye gusse se ye baat kahi thi jiske kaaran VIVAN ka control chhoot gaya aur wo thahaka lagakar hasne laga. Ispar JAHANVI ko aur bhi gussa aa gaya.

JAHANVI ( Angrily ) – You.. Jaao Main nahi kar rahi tumse baat.. Huhh..

VIVAN – Sorry.. sorry.. wo tum bol hi aese rahi thi ke main hasi control nagi kar paaya. Sorry na please.

VIVAN ne aakhir mein apne kaan hi pakad liye jispar JAHANVI ke face par bhi ek muskaan aa gayi.

VIVAN – Waise, I swear tum gusse mein badi cute lagti hai.

Is baar JAHANVI ke gaal halke pink ho gaye aur usne aankhen neeche karte huye apne chehre par aa rahi baalon ki ek latt ko kaan ke peechhe kiya. Uski iss ada par to VIVAN bilkul hi fida ho gaya.

JAHANVI – Waise mujhe bilkul bhi nahi laga tha ke tum gaate bhi hoge wo bhi itna achha. Believe me, you were just awesome.

VIVAN – Wo to main hoon hi koyi shakh nahi ismein.

JAHANVI – Huhhh… Wo to maine tumhara dil rakhne ke liye kaha tha warna Okay Okay hi tha.

VIVAN – To rakhlo naa..

JAHANVI – Kya??

VIVAN – Mera Dil..

Ek baar firse JAHANVI clean bowled ho gayi aur ek bahut hi khubsurat si sharm ne uske haseen rukhsaar par apni jagah bana li. Achanak se hi wo nishabd si ho gayi thi. Wahin VIVAN muskurate huye usse dekh raha tha. Tabhi kuchh students ka group uss taraf aa raha tha. Aur uske chalte JAHANVI ne ek Baar VIVAN ko muskurate huye dekha aur fir Bye kehkar wahaan se chali gayi.

Bas yuhin haste muskurate inke din beetne lage. Festival ko poora huye laghbhag ek maheena beet chuka tha. Ab JAHANVI aur VIVAN behadh achhe dost ban gaye the. JAHANVI ke liye ye dosti hi thi par VIVAN ke dil mein har pal JAHANVI ke liye Mohabbat badhti hi jaa rahi thi. Haalanki MEHUL ki gaadi abhi bhi station par hi band padi huyi thi. Ek do baar usne KANIKA se baat karne ki koshish bhi ki par usne MEHUL ko kuchh khaas bhaav nahi diya.

Iska kaaran ye tha ke wo VIVAN aur JAHANVI ki badhti dosti se kaafi chintit thi. Uske Chinta ka kaaran ye tha ke uski nazar mein VIVAN maatra ek dil fenk Aashiq tha jo har ladki ko ek hi nazar se dekhta tha. Iska bhi ek kaaran tha. Huaa yun ke NAKUL ke saath rehne ke kaaran College ke kuchh students ke beech VIVAN & MEHUL ki image kaafi dhoomil si ho gayi thi. Aur issi prakaar ki kuchh udti huyi afwaahein KANIKA ke kaanon tak bhi pahunchi. Jiss se uske mann mein VIVAN ki chhavi jo pehle hi kharaab thi uski bilkul hi dhajjiyaan udd gayi.

PLACE :- OUTSKIRTS OF DWARKA

Issi beech ek din JAHANVI apni scooty se jaa rahi thi. Ye shehar se halka baahar ka hissa tha. Asal mein doosri road jispar se JAHANVI usually jaaya karti thi wahaan aaj hadh se zyada traffic tha jiske kaaran JAHANVI ne ye raasta chuna. Haalanki wo bhi jaanti thi ke ye raasta sunsaan sa hi hai par usse jald se jald ghar pahunchna tha. Aakhir uske Maa – Papa ki Wedding Anniversary jo thi aaj.

Kherr, wo apni gati se jaa rahi thi ke tabhi teen bike sawaar logon ne uska raasta rok liya. JAHANVI ko bhi brakes lagane pade. Wo teenon bike se utre aur hawas bhari nazron se JAHANVI ko ghoorte huye uski taraf badhne lage. Unke chehre par besharmi aur kameengi saaf jhalak rahi thi. JAHANVI ne firse Scooty start karne ki koshish ki lekin ghabrahat ke kaaran uske haath hi fool gaye the.

Tabhi un teenon mein se ek ne JAHANVI ka haath pakad liya aur usse kheenchkar Scooty se utaar diya. JAHANVI un logon se usse chhodne ki guhaar laga rahi thi par wo teeno lagaatar ashleel comments karne mein lage the.

JAHANVI ne usse jisne uska haath pakda hua tha uske chehre par ek tamaacha jadd diya.
Lekin iska prabhaav ulta hua. Achanak hi teeno bahut aakraamak ho gaye. Teeenon ne JAHANVI ko pakad liya aur uske gaal par do thappad bhi laga diye. Issi beech uski kurti bhi baazoo se fatt chuki thi. JAHANVI asahaay si aansoon baha rahi thi aur bhagwaan se praarthana kar rahi thi ke uski madad karne koyi farishta aa jaye. Jaise hi wo aadmi JAHANVI ke honthon par jhukne ko hua wo udta hua do feet door jaa gira.

Kaaran ye tha ke uske pet par ek zabardast laat pad chuki thi. Jab JAHANVI ne uss laat maarne waale shakhs ki taraf dekha to uski aankhen fail gayi. Kyonki wo koyi aur nahi balki VIVAN hi tha. Wo daily issi raaste se jaata tha Kyonki uska ghar iss taraf se paas padta tha. Aaj bhi wo yahin se jaa raha tha ke usne dekha ke teen lounde ek ladki ko pareshaan kar rahen hain. Wo bike se utarkar wahaan pahuncha to ladki ka chehra dekh kar uski aankhon mein khoon utar aaya. Ye uski jaan thi jiske chehre par thappad ke nishaan the. Jiske kapde tak damage ho chuke the.

Aur ye manzar dekhne ke baad wahi hua jo hona tha. Usne ek laat jadd di uss ladke ko. Itne mein uske baaki dono Saathi taiyaar ho gaye. Dono ek saath VIVAN par jhapat pade. VIVAN ne pehle ko dodge kiya aur doosre ko chehre par ek punch jadd diya. Itne mein pehle waala usse punch maarne ko hua lekin VIVAN ne jhuk kar uske pet mein ek punch jadd diya. Iske baad to usne non stop un dono ko maara. Itna maara ke wo dono behosh hi ho gaye.

Lekin tab tak wo sabse pehle waale ladke ko bhool gaya tha. Ke tabhi usse aawaz aayi,

VIVAAAANNNNN...

Ye JAHANVI ki cheenkh thi jo nikli thi kyonki wo ladka Haath mein Chaaku liye VIVAN ki taraf badh raha tha. VIVAN ne turant react kiya aur side hua par time kam tha isiliye chaaku uske haath par ek gehra cut de gaya. Par abhi usne apna dard zabt kiya aur uss ladke ko side hokar ek round kick jadd di. Aur fir uski bhi tabadtod pitaayi shuru huyi. Ye wahi ladka tha jisne JAHANVI ki kurti kheenchi thi. Isiliye uske behosh hone ke baad bhi VIVAN usse maare jaa raha tha. Tabhi uske haath ek dam se ruk gaye kyonki JAHANVI ne uske kandhe par haath rakhte huye usse pukaara,

V.. VI.. VIVAN..

Wo ek dum se palta aur dono hi ek tak ek dooje ko dekhne lage. Par tabhi JAHANVI ne uske haath se behte khoon ko dekha. Usne apne dono haathon se VIVAN ka haath thaam liya. Aur apni bheegi aankhon se kabhi Uske haath ko, ke kabhi uske chehre ko dekh rahi thi.

JAHANVI behadh hi masoom si lag rahi thi iss pal aur tabhi usne apna rumaal VIVAN ke haath par baandh diya. Aur agle hi pal VIVAN ke haath par foonk maarne lagi.

Bilkul ek Chhoti bachi jaise behave kar rahi thi wo, VIVAN usse baar baar pukaar bhi raha tha par wo besudh si hokar VIVAN ke haath par foonk maar rahi thi. Tabhi VIVAN ne usse pakad ke hilaaya aur wo hosh mein aayi. Agle hi pal wo VIVAN ki baahon mein sama gayi aur uske seene mein apna sar chhippa liya. Ye pal VIVAN ke liye behadh hi khaas tha. Uski aankhen band thi aur usne JAHANVI ko aur bhi kas liya tha.

Idhar JAHANVI iss pal khud ko behadh surakshit mehsoos kar rahi thi. Wo VIVAN ki baahon ki kaid se kabhi nikalna hi nahi chahti thi. Kaafi der baad dono alag huye. VIVAN ne JAHANVI ke chehre ko thaama aur jahaan thappad ke nishaan the wahaan sehlaane laga. Aur badi hi narm aur pyaar bhari aawaz mein bola,

VIVAN – Dukh Raha Hai??

JAHANVI ne bhi bada hi maasoom chehra banakar apna sar haan mein hila diya. Wo iss pal kitni zyada pyaari lag rahi thi ye shadon mein likhna asambhav hai. VIVAN ko uspar itna pyaar aaya ke agle hi pal usne wo kar diya jiski JAHANVI ko katayi umeed na thi. Usne aage badhkar bade hi pyaar se JAHANVI ke gaal ko choom liya.

Aur agle hi pal JAHANVI usse apni badi badi aur masoom aankhon se dekhne lagi. Kuchh hi seconds baad uske chehre par laali chhaa gayi. Apne aap hi ek behadh pyaari muskaan uske chehre par aa gayi aur usne apni nazren sharm se jhuka li. Wo apne haathon ki ungliyon ko mod rahi thi. Agle hi pal VIVAN ne apna Jacket utaarkar JAHANVI ko pehna diya. Aur JAHANVI ne usse dekh kar aankhon hi aankhon mein Thank You kaha.

VIVAN ne uske gaal ko ek baar fir sehlaate huye kaha,

VIVAN – Chalo bahut time ho gaya hai, ab dhyaan se Scooty chalana. Main saath mein chalta hoon. Aur aage se kabhi iss raaste se mat jaana.

JAHANVI ne bas haan mein sar hila diya.
Jab ye dono chalne lage tabhi JAHANVI ne VIVAN ki shirt ke kinaare ko peechhe se pakad liya. Jab VIVAN palta to,

JAHANVI – Thank You VIVAN. Thank You so much.

VIVAN ne pyaar se uske sar par haath fera aur uske gaal ko kheench diya. Apne aap hi JAHANVI ke chehre par muskaan aa gayi.
Dono hi apni apni gaadi par sawaar huye aur aage badh gaye. Aage chalkar diversion par JAHANVI main road ki taraf badh gayi aur VIVAN doosri taraf. Par JAHANVI side view mirror mein bhi VIVAN ko jaate dekh rahi thi.

NEXT DAY :-

PLACE :- COLLEGE CANTEEN

Hua yun ke aaj JAHANVI ne College pahunchte hi kal ki poori ghatna KANIKA ko bata di thi. Sirf apne aur VIVAN ke kuchh moments ko chhodkar. KANIKA bhi ek pal ko bahut ghabra gayi. Lekin fir JAHANVI ke batane par normal huyi. Lekin abhi bhi VIVAN uske liye ek negative prospect hi tha. Wo kehte hain naa first impression is the last impression.

KANIKA – JAHANVI main kuchh kehna chahati hoon. Tu otherwise mat liyo but I think ke VIVAN sahi ladka nahi hai.

JAHANVI ( Frowns ) – Kya Matlab??

KANIKA – Dekh JAHANVI maine kayi baar usse tujhe ghoorte huye dekha hai. Aur...

Iske baad KANIKA ne wo CULTURAL OFFICE mein huyi ghatna poori bata di JAHANVI ko. Jisse sunkar JAHANVI bhi behadh hairaan huyi. Par tabhi ek vichaar uske dil mein aaya jiske kaaran uske man Mandir mein khushi ki Tarange uthne lagi. Par agle hi pal usne wo vichaar jhatak diya.

Kherr, Iske baad KANIKA ne usse VIVAN ke baare mein faili wo sabhi baatein bhi batayi jiska kaaran NAKUL tha.

Par JAHANVI ka dil ye sab maan ne ko taiyaar nahi tha. Lekin wo khamosh hi thi. Dance Competition waali baat abhi bhi uske dimaag mein ghoom rahi thi.

KANIKA – Isiliye keh rahi hoon JAHANVI ke tu uss se door reh. Main hamesha teri achhayi ke liye salaah doongi naaki tere nuksaan ke liye.

Abhi JAHANVI kuchh bolti ke tabhi usse apne peechhe kisi ki maujoodgi ka ehsaas hua. Wo palti to uski aankhen failti chali gayi. Peechhe VIVAN khada tha jiske chehre par maayoosi saaf jhalak rahi thi. Usbe ek nazar JAHANVI ko dekha aur fir palat kar wahaan se chala gaya.

JAHANVI usse aawaz lagati rahi par wo...

JAA CHUKA THA...


Aaj ke liye itna hi...


Milenge Agle Update Mein...

Now that was some update... Jitni bhi tareef ki jaaye lekhak mahodaya ki wo kam hi hogi... Jahanvi aur Vivan ki Dosti ki shuruaat huyi aur dheere dheere wo gehri hoti gayi... Aur ab maamla kiss karne tak pahunch chuka hai...

Jahanvi ke oopar musibat aayi to Vivan wahaan pahuncha aur usse bacha liya... Kahin na kahin ye ghatna ek naye rishte ko janam de sakti hai... Kanika ne saari baat Jahanvi ko bata di hai par kya usse iss sabse koyi fark padega??

Ab Vivan aur Jahanvi ki agli mulaakat dekhna rochak hoga aur saath hi Adya ke pyaar ka kya anjaam hoga ye dekhna bhi interesting rahega...

This Update has Touched my heart... Jis tarah se aap har ghatna ke emotions likhte hain wo kahani mein jaan daal deta hai... I must say main aapke lekhan ka fan ban gaya hoon...Aur haan wo gaana bhi bahut khubsurat tha...

Excellent Update Bhai & Waiting For Next...

 

[AV14]

Perfect update ...... Jis tarah feelings darshaya gaya he bilkul aisa hi hota he jab pyaar ki ghanti bajti he jeise wo ek samay ho aur wo usme hi jeene lagta he...... Miss karna ye bohot eham feelings ban jaati he...... Wo kuch pal ke liye kahi gayeb ho jaye to dil me bechain hoti he kyu kaha koi sawal khade uthte he ........ Sachchi me asia hi feelings hota he jab ye funda dil pe utar jate he.... Likhawat ke liye 10 out of 10 by my side




Bechara mehul

Thnx Brother for the Appreciation.. Be Along..

 

[AV14]

Now that was some update... Jitni bhi tareef ki jaaye lekhak mahodaya ki wo kam hi hogi... Jahanvi aur Vivan ki Dosti ki shuruaat huyi aur dheere dheere wo gehri hoti gayi... Aur ab maamla kiss karne tak pahunch chuka hai...

Jahanvi ke oopar musibat aayi to Vivan wahaan pahuncha aur usse bacha liya... Kahin na kahin ye ghatna ek naye rishte ko janam de sakti hai... Kanika ne saari baat Jahanvi ko bata di hai par kya usse iss sabse koyi fark padega??

Ab Vivan aur Jahanvi ki agli mulaakat dekhna rochak hoga aur saath hi Adya ke pyaar ka kya anjaam hoga ye dekhna bhi interesting rahega...

This Update has Touched my heart... Jis tarah se aap har ghatna ke emotions likhte hain wo kahani mein jaan daal deta hai... I must say main aapke lekhan ka fan ban gaya hoon...Aur haan wo gaana bhi bahut khubsurat tha...

Excellent Update Bhai & Waiting For Next...

Thnx A Lot Brother.. Your words mean A lot to me..

Thanks Again & Be Along..

 

[AV14]

CHAPTER – 1

{PAST – RIGHT YA WRONG}


UPDATE – 9

---

FLASHBACK CONTINUES

---

VIVAN ke Canteen se nikalne ke baad JAHANVI kaafi pareshaan jo gayi. Par wo KANIKA ko kuchh na boli. Wo samajh rahi thi ke VIVAN ko bahut zyada bura laga hoga. KANIKA ki baaton ka nahi balki iss baat ka ke JAHANVI ne KANIKA ki baaton par kuchh bhi naa kaha. Aur hua bhi yahi tha. VIVAN Canteen se nikalkar seedhe College se chala gaya. Kahaan? Apne ghar aur kahaan…

Kherr, JAHANVI ne College over hone par Parking Area mein bhi VIVAN ko dhoonda par uski bike wahaan naa paakar wo bhi bujhe mann se apne ghar ki taraf nikal gayi. Idhar KANIKA bahut asmanjas mein thi. JAHANVI ke behaviour ko wo samajh nahi paa rahi thi. Ek pal ko usse khayal aaya ke kahin JAHANVI VIVAN ko pasand to nahi karti?? Par fir apne aap ko samjhaaya ke aesa nahi hona chahiye kyonki VIVAN uske laayak nahi hai.

NEXT DAY :-

EVENING TIME :-

PLACE :- RED HEARTZ CAFE

Aaj ka din JAHANVI ke liye bahut kharab raha. Aaj subah wo College iss umeed se gayi thi ke wo VIVAN se milkar sab sort out kar paayegi. Lekin uski umeed par paani tab fira jab pehle Canteen mein aur fir Parking Area mein usse VIVAN kahin nazar nahi aaya. Wo bhi bujhe mann se ghar ki taraf waapis laut gayi. Iss waqt wo iss Cafe mein maujood thi jahaan wo kabhi kabhi Coffee peene aati thi.

Tabhi ek waiter uske paas order lene aaya. JAHANVI kaafi sad thi isiliye sar neeche kiye hi baithi thi wahin wo waiter bhi iss waqt kewal apne notepad jismein wo order likhta tha ussi mein dekh raha tha. Tabhi JAHANVI ke kaano mein ek aawaz padi…

“WHAT WOULD YOU LIKE TO HAVE MA’AM?”

Aur ye aawaz wo kaise naa pehchaanti. Usne jhatke se apna sar oopar kiya aur uss waiter ko dekh kar uski aankhein fail gayi. Aur swayam hi uske muh se nikal gaya…

VIVAN...

Ji haan ye VIVAN hi tha. Usne bhi JAHANVI ki aawaz pehchaan li. Ek pal ko to wo usse dekh kar hadbadaya par wo filhaal job par tha isiliye usne khud ko normal karte huye kaha,

VIVAN – What’s your order Ma’am?

JAHANVI ne bhi condition ka andaza lagate huye bujhe mann se hi jawaab diya,

JAHANVI – One Cappuccino.

VIVAN – Right away Mam.

Aur yeh kehkar wo udhar se chala gaya. Kuchh der baad wo JAHANVI ke order ke saath uske saamne khada tha aur wo rakhne ke baad khisak gaya.

JAHANVI ne jab Mug uthakar dekha to uske neeche ek note pada tha. Note dekh kar apne aap hi uske honthon par ek chhoti si muskaan aa gayi. Usne wo note khola aur usmein likha tha –

... Meet Me In The Park Nearby After 15 Minutes. Aur haan Bill dene ki zaroorat nahi hai. Ye Coffee Meri Taraf Se ...

Usne jaldi se Apni Coffee khatam ki Aur uss Park ki taraf nikal gayi. Wahaan pahunchkar wo ek ped ke neeche baith gayi aur kuchh der ke baad usse VIVAN apni taraf aata dikhayi diya. Achanak se hi JAHANVI ki dhadkan tezz ho gayi. Jab VIVAN uske nazdeek pahuncha to dono hi ek tak ek doosre ko dekhne lage. Kuchh palon baad VIVAN JAHANVI ke side mein baith gaya. Aur fir JAHANVI ne hi bolna shuru kiya.

JAHANVI – Tum yahaan Cafe mein kaam karte ho?

VIVAN – Hmmm...

JAHANVI – Lekin tumhaare ghar mein koyi aur job nahi karta kya?

JAHANVI ke sawaal par VIVAN ke chehre par ek fiki muskaan aa gayi aur JAHANVI bhi uss nakli muskaan ke peechhe chhippe dard ko samajhkar tadap gayi. Iske baad VIVAN ne apni family ki poori kahani – Maa – Baap ki death, Chacha – Chachi ka torture aur fir Delhi aana sab bata diya. Jab VIVAN chup hua aur usne JAHANVI ki taraf dekha to uske dil mein ek tees si uthi.

Kyonki JAHANVI ki aankhon mein aansoon the. VIVAN ne ek dum se JAHANVI ke chehre ko thaamkar uske aansoon ponchhe,

VIVAN – Please tum roya mat karo. Mujhe achha nahi lagta.

JAHANVI ne kuchh pal VIVAN ko dekha fir doosri taraf dekhne lagi,

JAHANVI – Tumne meri aur KANIKA ki baatein sun li thi naa?

VIVAN – Hmm… Aur tum poochho uss se pehle hi bata deta hoon ke NAKUL ke kaaran hi wo sab baatein faili hain. MEHUL aur Main dono hi jaante hain ke wo ek number ka ghatiya ladka hai par fir bhi hum kuchh nahi kar sakte. MEHUL ki family mein 6 member hain aur unn sabki zimmedari uske Papa par hai. Unki job NAKUL ke Papa ke office mein lagi hai. Agar hum NAKUL ke khilaaf kuchh karenge to unki naukri chali jaayegi. Aur ye unki family ke liye achha nahi hoga. That’s why...

Kuchh pal dono ke beech ek khamoshi chhaa gayi. Fir,

JAHANVI – Aur wo CULTURAL Office waali baat???

Ye sawaal karte huye JAHANVI ke chehre par ek sharaarti muskaan thi joki VIVAN ne nahi dekhi. Kyonki wo iss sawaal ka hi intezaar kar raha tha aur uski nazren zameen par gadi thi. Usne kuchh pal ke maun ke baad kaha,

VIVAN ( Smiles ) – Wo fir kabhi bataungaa…

JAHANVI ki muskaan aur bhi gehra gayi. Dono kuchh der tak baatein karte rahe. Uske baad JAHANVI ke ghar se call aa gaya aur usse jaana pada. Par jahaan park mein aate samay uska chehra murjhaaya hua tha wahin iss waqt usne apne chehre par ek manmohak muskaan sajaayi huyi thi.

Iss din ke baad to jaise JAHANVI aur VIVAN ki “Dosti” aur bhi behtar ho gayi. Dono hi College Canteen mein saath baithne lage aur kayi baar College se baahar bhi ek doosre se mile. Dekhte hi dekhte 1 Saal beet gaya. Par iss ek saal mein kayi aesi ghatnaaye huyi jinka yahaan par zikr hona zaroori hai.

Sabse pehle to ye ki MEHUL aur KANIKA mein dosti ki shuruaat huyi. Approach to usse of course MEHUL ne hi kiya tha. KANIKA ne jab uss se poocha ke wo kyon usse har waqt ghoorta rehta tha to har baar MEHUL ne usse taal diya. Lekin kahin naa kahin KANIKA bhi ye samajh rahi thi ke MEHUL usse pasand karta hai. Par abhi bhi wo asmanjas mein thi apni MEHUL ke liye feelings ko lekar.

VIVAN ko lekar KANIKA ke mann mein vichaar katayi nahi badle ulta wo negative image aur zyada buri hoti chali gayi samay ke saath. Kayi baar KANIKA aur VIVAN le beech behas bhi huyi jiska central point JAHANVI hi hoti thi. KANIKA sada hi VIVAN ko JAHANVI se door rehne ke liye bolti thi lekin uss bewakoof ko kaun samjhaaye ke apni zindagi se bhi bhala kya koyi door reh sakta hai.

ADYA... Uski baat karen to ab tak uska pyaar VIVAN ke liye badhta hi gaya tha. Har pal wo VIVAN ke baare mein hi sochti rehti. Har baar wo koshish karti ke VIVAN ke saamne apne pyaar ka Izhaar kar de lekin har baar wo himmat naa kar paati. Wo bhi JAHANVI aur VIVAN ki badhti nazdeekiyon se wakif thi aur JAHANVI ke liye thodi naarazgi bhi uske mann mein panap chuki thi. Wo nischay kar chuki thi ke kuchh bhi ho lekin ab wo apni Mohabbat VIVAN ke saamne kubool karke rahegi.

Ek interesting cheez ye huyi ke iss 1 Saal ke dauraan NAKUL ne JAHANVI ko kayi dafa approach kiya, uski taraf dosti ka haath badhaya aur kayi baar apne paise aur power ki taakat dikhaane ki bhi koshish ki. Lekin JAHANVI hamesha usse ignore karna hi behtar samajhti thi. Jab bhi wo JAHANVI se baat karta wo wahaan se chali jaaya karti thi. Haalanki abhi tak usne VIVAN ko iss sabke baare mein kuchh nahi bataya tha.

JAHANVI & VIVAN... In dono ki zindagi mein kaafi parivartan aaya tha. VIVAN ko ek Acchhi company mein job mil gayi thi joki uske College Time ke baad hoti thi. JAHANVI ka 1 Saal College mein poora ho gaya tha aur apne shaandar performance se usne sabhi ko aascharya chakit bhi kar diya tha. In dono ke beech ek agyaat sa bandhan ban chuka tha. Dono hi ek doosre ki baat bina bole hi samajh liya karte the. VIVAN ka pyaar JAHANVI ke liye hadh se zyada badh gaya tha wahin JAHANVI ke bheetar bhi ek do baar aawaz huyi ke wo VIVAN ko dost se zyada samajhti hai. Lekin har baar Naa Jaane Kyon usne khud hi apne mann ko samjha liya ke wo bas Dost hain.

Aaj ek special day tha, Guess What, VIVAN ne JAHANVI se dinner par chalne ki request ki thi jispar ek pal ko to JAHANVI ne kuchh socha lekin fir usse haan kar diya. Bas yahi scene dekhte hain seedhe ab,

NIGHT TIME :-

PLACE :- THE RIVERFRONT HOTEL

To JAHANVI ko VIVAN ne bataya tha ke usne table lawn side mein book kiya hai. JAHANVI ne bhi aaj ek behadh khubsurat dress pehni huyi thi. Make – Up ka shounk usse shuru se hi nahi tha. To uska to sawaal hi paida nahi hota. Waise bhi wo ek natural beauty thi, usse kya hi zaroorat thi in artificial cheezon ki.

Kherr, jaise hi wo lawn ki entrance par pahunchi wahin uske naam ka ek board ek taraf ishara karte huye maujood tha. Wo surprised to huyi par saath hi aage hone waali cheezon ko lekar excited bhi ho gayi. Thodi – thodi doori par boards lage huye the. Aur aakhir mein wo ek jagah par pahunchi jiske saamne hi ek table behadh hi khubsurat tareeke se saja hua tha. Abhi tak wo samajh gayi thi ke VIVAN ne poora lawn hi book kar liya tha. Wo jaanti thi ke VIVAN ke paas koyi bahut zyada paise nahi hote ke wo in cheezon par kharch kar sake. Aur aaj uske liye hi VIVAN ne ye sab kiya tha, ye cheez JAHANVI ke dil mein ek nayi si feeling ko janam de rahi thi.

Achanak hi wahaan lights jal gayi. Abhi tak thodi dim light hi thi wahaan. Ab roshni mein jo nazara usne dekha to uska muh khula ka khula reh gaya. Chaaron taraf Lotus aur Rose flowers se decoration kiya hua tha. Ye dono hi flowers uske pasandida the. Aur jitni bhi cheezen wahaan thi sab Golden & Red colour ke combination mein thi. Red JAHANVI ka favourite colour aur Golden VIVAN ka. ( Samajh rahe ho .. Samajh rahe ho ).

Tabhi VIVAN side se aata hua dikha. Jab wo JAHANVI ke paas pahuncha to usne ek bouquet uske aage kar diya aur bola,

VIVAN – Flowers for another Flower.

JAHANVI ne bhi muskurate huye unhe thaam liya. VIVAN ne uski taraf haath badhaya to usne bhi apna haath uske haathon mein de diya. VIVAN usse table ki aur le gaya aur fir JAHANVI ki chair aage khiskaayi aur usse baithne ke liye ishara kiya. JAHANVI ko ye sab bahut achha lag raha tha. Aaj se pehle usne kabhi bhi ye sab mehsoos nahi kiya tha.
Tabhi do waiters wahaan aaye aur unhone Table par dishes ko sajaana shuru kar diya. Jab JAHANVI ne un bowls mein dekha to paaya ke wo sab uske pasand ka khaana tha. Usne VIVAN ko dekhkar ek bahut hi pyaari muskaan bikher di.

Tabhi wahaan kuchh badi hi pyaari dhun ek ke baad ek bajne lagi. VIVAN aur JAHANVI ne khaana shuru kiya. Jab unka dinner khatam hua to JAHANVI uthi aur tab bhi VIVAN ne hi uski chair peechhe kheenchi. Aur uska haath thaamkar lawn ke centre mein le aaya. Agle hi pal wahaan ek romantic track bajne laga and guess what ye gaana bhi JAHANVI ka hi favourite tha. Dono hi ek dooje ki baahon mein khoye kadam thirkaane lage.

Jab inka Dance khatam hua tab tak Waiters ne inka table saaf kar diya tha aur ab wahaan JAHNAVI ki favourite Strawberry Ice Cream rakhi thi. Dono ne uska lutf uthaaya. Jab inki ye shaam ant ki taraf pahunchi to,

JAHANVI – Thanks A lot VIVAN. Ye meri life ki best shaam thi. I’ll never forget it. Tumne aaj mujhe bahut special feel karwaaya hai.

Badle mein VIVAN ne bas smile kar diya. Kherr, jab ye Parking mein pahunche aur JAHANVI apni Scooty start karne ko huyi tabhi VIVAN ne uske haath ko pakad liya. Ek pal ko JAHANVI sihar gayi fir VIVAN ko apni sawaalon bhari nigaahon se VIVAN ko dekhne lagi.

VIVAN – JAHANVI.. JAHANVI.. Main tumse kuchh kehna chahta hoon.

Ye line sunkar achanak se hi JAHANVI ki dhadkan bulket train ke maafik ho gayi. Jaane kyon uske andar behadh hi zyada khushi ka sanchaar ho raha tha. Usne apne aap par kaaboo paaya ur bola,

JAHANVI – H.. Haan Bolo.

Par VIVAN jo kehna chahta tha wo naa keh paaya aur uske muh se kewal itna hi nikla…

VIVAN – Nahi Kuchh Nahi...

FIR KABHI...


Aaj ke liye itna hi...


Milenge Agle Update Mein...

 

[jayantaDS]

CHAPTER – 1

{PAST – RIGHT YA WRONG}


UPDATE – 8

---

FLASHBACK CONTINUES

---

THE FESTIVAL CONTINUES...


PAL.. DO PAL.. MOHLAT DE MUJHE.. BATA KE..
CHAHUN MAIN KYON NA TUJHE,
TERI NAZAR KA ASAR YUN HO RAHA HAI YAHAAN..

KHWAABON MEIN BHI MERE..
TU HI BASA.. TU HI BASA.. [×2]

AANKHEN MERI THI YAHIN..
DHOONDTE TERI ZAMEEN..
JAANE KYON YUN HI.. KHO GAYI..
YUN MILI HAI AB TO KE UNMEIN BHI..
TU HI BASA.. TU HI BASA..

SAANSEIN MERI AB MERI NA RAHI..
YE DIL BHI BEH GAYA..
TUJHMEIN HI HAI AB TO..
YE MERA AASHIAN..

DEKHA YUN ISNE JO TUJHE,
TO DIL BHI MERA RUK GAYA.. MUJHMEIN BHI AB TO..
TU HI BASA.. TU HI BASA..

NAZRON MEIN TU HI BASA.. KHWAABON MEIN.. BHI TU HI..

AB TO TU MUJHMEIN BASA.. MUJHMEIN BASA.. TU HI BASA.. [×2]

[Copyright – AV14.. C&P Nahi karne ka bhidulog..]

Ye the uss gaane ke bol jo stage par maujood VIVAN ne gaaye the. Aankhen band thi uski lekin dil mein chhapi tasveer ko dekhte huye ye gaana gaaya tha usne. Aur batane ki zaroorat to hai hi nahi ke wo tasveer kiski thi. Har ek shabd uski aatma se nikla tha aur har shabd mein nichod tha uske pyaar ka JAHANVI ke liye joki har pal badhta hi jaa raha tha.

JAHANVI ka haal bhi ajeeb tha. Wo lagaatar VIVAN ko dekhe jaa rahi thi. Usne gaane ke har bol ko apne andar tak mehsoos kiya tha. Maano ke kaano ke zariye wo shabd uske dil mein utar rahen ho.

Lekin in dono se juda bhi ek shakhs tha jisne iss gaane ko maatra suna nahi balki mehsoos kiya tha. Aur wo thi ADYA. Ji haan jab VIVAN stage par aaya to shayad sabse zyada khushi ADYA ko hi huyi thi. Uska JAHANVI ke saath dance karna haalanki ADYA ke dil par ek chot de gaya tha par uspar marham ka kaam kiya iss gaane ne. Wo to yahi samajh rahi thi ke VIVAN ne ye gaana ussike liye gaaya hai.

Aankhen band karke wo khushi se jhoom rahi thi par uski ye khushi, yahi pyaar shayad ek din uss se bahut badi keemat lene waala tha.

To bas issi performance ke saath iss Festival ki sabhi performances ka ant hua aur VIVAN ke abhivaadan mein poora Auditorium taaliyon se goonj uthaa. Kuchh der sabhi ko thoda rest karne ka mauka diya gaya aur uske baad prize distribution shuru hua. Jab VIVAN & JAHANVI ko ek saath bulaya gaya to ADYA ek baar fir mayoos ho gayi par jab VIVAN ko solo prize mila to sabse tezz taaliyon ki goonj ussi ki thi.

Idhar jiss pal se VIVAN ka gaana khatam hua tha theek ussi pal se lekar ab tak JAHANVI lagataar usse hi ek tak dekhe jaa rahi thi. Aur uske chehre par ek muskaan bani huyi thi. Aaj wo behadh Khush thi. Competition jeetne ke kaaran? Shayad Nahi.

Aaj ek naya sa ehsaas ho raha tha usse jo aage chalkar uski taqdeer badal dene waala tha. Wahin VIVAN bhi chor nazron se JAHANVI ko hi taak raha tha aur uske chehre ki wo muskaan VIVAN ko andar tak ek shaanti aur thandak ki anubhuti karwa raha tha.

Kherr, bas kuchh aupcharik kaamo ke baad iss Fest ko ek official closure diya gaya. Aur sabhi students aur participants bhi apne – apne raaste ho liye. Jitne bhi winners the unhe badhaiyaan mil rahi thi. Par in sab se alag VIVAN aur JAHANVI auditorium ke entrance ke side ek corridor mein akele khade the.

JAHANVI ke chehre par narazgi saaf jhalak rahi thi. Wahin VIVAN badi mushkil se apni hasi control kar raha tha. In teen dinon mein VIVAN ne JAHANVI se saaf keh diya tha ke wo usse aap nahi balki tum kehkar bulaaye. Aur wo bhi maan gayi thi.

JAHANVI – Tum.. Tumne mujhe bataya kyon nahi ke tum singing mein bhi participate karne waale ho.

Usne apne dono haath kamar par rakhte huye gusse se ye baat kahi thi jiske kaaran VIVAN ka control chhoot gaya aur wo thahaka lagakar hasne laga. Ispar JAHANVI ko aur bhi gussa aa gaya.

JAHANVI ( Angrily ) – You.. Jaao Main nahi kar rahi tumse baat.. Huhh..

VIVAN – Sorry.. sorry.. wo tum bol hi aese rahi thi ke main hasi control nagi kar paaya. Sorry na please.

VIVAN ne aakhir mein apne kaan hi pakad liye jispar JAHANVI ke face par bhi ek muskaan aa gayi.

VIVAN – Waise, I swear tum gusse mein badi cute lagti hai.

Is baar JAHANVI ke gaal halke pink ho gaye aur usne aankhen neeche karte huye apne chehre par aa rahi baalon ki ek latt ko kaan ke peechhe kiya. Uski iss ada par to VIVAN bilkul hi fida ho gaya.

JAHANVI – Waise mujhe bilkul bhi nahi laga tha ke tum gaate bhi hoge wo bhi itna achha. Believe me, you were just awesome.

VIVAN – Wo to main hoon hi koyi shakh nahi ismein.

JAHANVI – Huhhh… Wo to maine tumhara dil rakhne ke liye kaha tha warna Okay Okay hi tha.

VIVAN – To rakhlo naa..

JAHANVI – Kya??

VIVAN – Mera Dil..

Ek baar firse JAHANVI clean bowled ho gayi aur ek bahut hi khubsurat si sharm ne uske haseen rukhsaar par apni jagah bana li. Achanak se hi wo nishabd si ho gayi thi. Wahin VIVAN muskurate huye usse dekh raha tha. Tabhi kuchh students ka group uss taraf aa raha tha. Aur uske chalte JAHANVI ne ek Baar VIVAN ko muskurate huye dekha aur fir Bye kehkar wahaan se chali gayi.

Bas yuhin haste muskurate inke din beetne lage. Festival ko poora huye laghbhag ek maheena beet chuka tha. Ab JAHANVI aur VIVAN behadh achhe dost ban gaye the. JAHANVI ke liye ye dosti hi thi par VIVAN ke dil mein har pal JAHANVI ke liye Mohabbat badhti hi jaa rahi thi. Haalanki MEHUL ki gaadi abhi bhi station par hi band padi huyi thi. Ek do baar usne KANIKA se baat karne ki koshish bhi ki par usne MEHUL ko kuchh khaas bhaav nahi diya.

Iska kaaran ye tha ke wo VIVAN aur JAHANVI ki badhti dosti se kaafi chintit thi. Uske Chinta ka kaaran ye tha ke uski nazar mein VIVAN maatra ek dil fenk Aashiq tha jo har ladki ko ek hi nazar se dekhta tha. Iska bhi ek kaaran tha. Huaa yun ke NAKUL ke saath rehne ke kaaran College ke kuchh students ke beech VIVAN & MEHUL ki image kaafi dhoomil si ho gayi thi. Aur issi prakaar ki kuchh udti huyi afwaahein KANIKA ke kaanon tak bhi pahunchi. Jiss se uske mann mein VIVAN ki chhavi jo pehle hi kharaab thi uski bilkul hi dhajjiyaan udd gayi.

PLACE :- OUTSKIRTS OF DWARKA

Issi beech ek din JAHANVI apni scooty se jaa rahi thi. Ye shehar se halka baahar ka hissa tha. Asal mein doosri road jispar se JAHANVI usually jaaya karti thi wahaan aaj hadh se zyada traffic tha jiske kaaran JAHANVI ne ye raasta chuna. Haalanki wo bhi jaanti thi ke ye raasta sunsaan sa hi hai par usse jald se jald ghar pahunchna tha. Aakhir uske Maa – Papa ki Wedding Anniversary jo thi aaj.

Kherr, wo apni gati se jaa rahi thi ke tabhi teen bike sawaar logon ne uska raasta rok liya. JAHANVI ko bhi brakes lagane pade. Wo teenon bike se utre aur hawas bhari nazron se JAHANVI ko ghoorte huye uski taraf badhne lage. Unke chehre par besharmi aur kameengi saaf jhalak rahi thi. JAHANVI ne firse Scooty start karne ki koshish ki lekin ghabrahat ke kaaran uske haath hi fool gaye the.

Tabhi un teenon mein se ek ne JAHANVI ka haath pakad liya aur usse kheenchkar Scooty se utaar diya. JAHANVI un logon se usse chhodne ki guhaar laga rahi thi par wo teeno lagaatar ashleel comments karne mein lage the.

JAHANVI ne usse jisne uska haath pakda hua tha uske chehre par ek tamaacha jadd diya.
Lekin iska prabhaav ulta hua. Achanak hi teeno bahut aakraamak ho gaye. Teeenon ne JAHANVI ko pakad liya aur uske gaal par do thappad bhi laga diye. Issi beech uski kurti bhi baazoo se fatt chuki thi. JAHANVI asahaay si aansoon baha rahi thi aur bhagwaan se praarthana kar rahi thi ke uski madad karne koyi farishta aa jaye. Jaise hi wo aadmi JAHANVI ke honthon par jhukne ko hua wo udta hua do feet door jaa gira.

Kaaran ye tha ke uske pet par ek zabardast laat pad chuki thi. Jab JAHANVI ne uss laat maarne waale shakhs ki taraf dekha to uski aankhen fail gayi. Kyonki wo koyi aur nahi balki VIVAN hi tha. Wo daily issi raaste se jaata tha Kyonki uska ghar iss taraf se paas padta tha. Aaj bhi wo yahin se jaa raha tha ke usne dekha ke teen lounde ek ladki ko pareshaan kar rahen hain. Wo bike se utarkar wahaan pahuncha to ladki ka chehra dekh kar uski aankhon mein khoon utar aaya. Ye uski jaan thi jiske chehre par thappad ke nishaan the. Jiske kapde tak damage ho chuke the.

Aur ye manzar dekhne ke baad wahi hua jo hona tha. Usne ek laat jadd di uss ladke ko. Itne mein uske baaki dono Saathi taiyaar ho gaye. Dono ek saath VIVAN par jhapat pade. VIVAN ne pehle ko dodge kiya aur doosre ko chehre par ek punch jadd diya. Itne mein pehle waala usse punch maarne ko hua lekin VIVAN ne jhuk kar uske pet mein ek punch jadd diya. Iske baad to usne non stop un dono ko maara. Itna maara ke wo dono behosh hi ho gaye.

Lekin tab tak wo sabse pehle waale ladke ko bhool gaya tha. Ke tabhi usse aawaz aayi,

VIVAAAANNNNN...

Ye JAHANVI ki cheenkh thi jo nikli thi kyonki wo ladka Haath mein Chaaku liye VIVAN ki taraf badh raha tha. VIVAN ne turant react kiya aur side hua par time kam tha isiliye chaaku uske haath par ek gehra cut de gaya. Par abhi usne apna dard zabt kiya aur uss ladke ko side hokar ek round kick jadd di. Aur fir uski bhi tabadtod pitaayi shuru huyi. Ye wahi ladka tha jisne JAHANVI ki kurti kheenchi thi. Isiliye uske behosh hone ke baad bhi VIVAN usse maare jaa raha tha. Tabhi uske haath ek dam se ruk gaye kyonki JAHANVI ne uske kandhe par haath rakhte huye usse pukaara,

V.. VI.. VIVAN..

Wo ek dum se palta aur dono hi ek tak ek dooje ko dekhne lage. Par tabhi JAHANVI ne uske haath se behte khoon ko dekha. Usne apne dono haathon se VIVAN ka haath thaam liya. Aur apni bheegi aankhon se kabhi Uske haath ko, ke kabhi uske chehre ko dekh rahi thi.

JAHANVI behadh hi masoom si lag rahi thi iss pal aur tabhi usne apna rumaal VIVAN ke haath par baandh diya. Aur agle hi pal VIVAN ke haath par foonk maarne lagi.

Bilkul ek Chhoti bachi jaise behave kar rahi thi wo, VIVAN usse baar baar pukaar bhi raha tha par wo besudh si hokar VIVAN ke haath par foonk maar rahi thi. Tabhi VIVAN ne usse pakad ke hilaaya aur wo hosh mein aayi. Agle hi pal wo VIVAN ki baahon mein sama gayi aur uske seene mein apna sar chhippa liya. Ye pal VIVAN ke liye behadh hi khaas tha. Uski aankhen band thi aur usne JAHANVI ko aur bhi kas liya tha.

Idhar JAHANVI iss pal khud ko behadh surakshit mehsoos kar rahi thi. Wo VIVAN ki baahon ki kaid se kabhi nikalna hi nahi chahti thi. Kaafi der baad dono alag huye. VIVAN ne JAHANVI ke chehre ko thaama aur jahaan thappad ke nishaan the wahaan sehlaane laga. Aur badi hi narm aur pyaar bhari aawaz mein bola,

VIVAN – Dukh Raha Hai??

JAHANVI ne bhi bada hi maasoom chehra banakar apna sar haan mein hila diya. Wo iss pal kitni zyada pyaari lag rahi thi ye shadon mein likhna asambhav hai. VIVAN ko uspar itna pyaar aaya ke agle hi pal usne wo kar diya jiski JAHANVI ko katayi umeed na thi. Usne aage badhkar bade hi pyaar se JAHANVI ke gaal ko choom liya.

Aur agle hi pal JAHANVI usse apni badi badi aur masoom aankhon se dekhne lagi. Kuchh hi seconds baad uske chehre par laali chhaa gayi. Apne aap hi ek behadh pyaari muskaan uske chehre par aa gayi aur usne apni nazren sharm se jhuka li. Wo apne haathon ki ungliyon ko mod rahi thi. Agle hi pal VIVAN ne apna Jacket utaarkar JAHANVI ko pehna diya. Aur JAHANVI ne usse dekh kar aankhon hi aankhon mein Thank You kaha.

VIVAN ne uske gaal ko ek baar fir sehlaate huye kaha,

VIVAN – Chalo bahut time ho gaya hai, ab dhyaan se Scooty chalana. Main saath mein chalta hoon. Aur aage se kabhi iss raaste se mat jaana.

JAHANVI ne bas haan mein sar hila diya.
Jab ye dono chalne lage tabhi JAHANVI ne VIVAN ki shirt ke kinaare ko peechhe se pakad liya. Jab VIVAN palta to,

JAHANVI – Thank You VIVAN. Thank You so much.

VIVAN ne pyaar se uske sar par haath fera aur uske gaal ko kheench diya. Apne aap hi JAHANVI ke chehre par muskaan aa gayi.
Dono hi apni apni gaadi par sawaar huye aur aage badh gaye. Aage chalkar diversion par JAHANVI main road ki taraf badh gayi aur VIVAN doosri taraf. Par JAHANVI side view mirror mein bhi VIVAN ko jaate dekh rahi thi.

NEXT DAY :-

PLACE :- COLLEGE CANTEEN

Hua yun ke aaj JAHANVI ne College pahunchte hi kal ki poori ghatna KANIKA ko bata di thi. Sirf apne aur VIVAN ke kuchh moments ko chhodkar. KANIKA bhi ek pal ko bahut ghabra gayi. Lekin fir JAHANVI ke batane par normal huyi. Lekin abhi bhi VIVAN uske liye ek negative prospect hi tha. Wo kehte hain naa first impression is the last impression.

KANIKA – JAHANVI main kuchh kehna chahati hoon. Tu otherwise mat liyo but I think ke VIVAN sahi ladka nahi hai.

JAHANVI ( Frowns ) – Kya Matlab??

KANIKA – Dekh JAHANVI maine kayi baar usse tujhe ghoorte huye dekha hai. Aur...

Iske baad KANIKA ne wo CULTURAL OFFICE mein huyi ghatna poori bata di JAHANVI ko. Jisse sunkar JAHANVI bhi behadh hairaan huyi. Par tabhi ek vichaar uske dil mein aaya jiske kaaran uske man Mandir mein khushi ki Tarange uthne lagi. Par agle hi pal usne wo vichaar jhatak diya.

Kherr, Iske baad KANIKA ne usse VIVAN ke baare mein faili wo sabhi baatein bhi batayi jiska kaaran NAKUL tha.

Par JAHANVI ka dil ye sab maan ne ko taiyaar nahi tha. Lekin wo khamosh hi thi. Dance Competition waali baat abhi bhi uske dimaag mein ghoom rahi thi.

KANIKA – Isiliye keh rahi hoon JAHANVI ke tu uss se door reh. Main hamesha teri achhayi ke liye salaah doongi naaki tere nuksaan ke liye.

Abhi JAHANVI kuchh bolti ke tabhi usse apne peechhe kisi ki maujoodgi ka ehsaas hua. Wo palti to uski aankhen failti chali gayi. Peechhe VIVAN khada tha jiske chehre par maayoosi saaf jhalak rahi thi. Usbe ek nazar JAHANVI ko dekha aur fir palat kar wahaan se chala gaya.

JAHANVI usse aawaz lagati rahi par wo...

JAA CHUKA THA...


Aaj ke liye itna hi...


Milenge Agle Update Mein...

Love triangle......... Jis tarah dikh raha he us tarah se to adya ki sacrifice karne ka role he jo ek eham he pyaar ka asli matlab dikhana .......



Mahul ke bike me patrol kab dalwa rahe ho .. bechara kich mare jaa raha he lekin spark plug me patrol nehi pohoch hi nehi raha to start keise hoga bike


Mujhse lambi review nehi dena aata lekin dil se keh raha hoon । Story din ve din dil dimag me ghere jaa raha he ....... Kuch saal pehle kuch teen story padhi thi us site pe aur wo teen story yaadgaar ban ke reh gaya he mere dil dimag me aur ye chautha hone wala he ....... Har seen har ek conversation etc