UPDATE - 5
khair me mumbai me land hua or seedha gya ghar ki taraf.
Ghar pahuch kar mujhe pata chala ki yaha koi nahi hai. Bache clg gye hai or Rony ki bhi koi khabar nahi thi guards ke pass
Isliye maine rony ko call kiya.
Lekin baar baar phone karne per hi koi reply nahi aaraha tha. Vo phone utha hi nahi raha tha. Isliye mujhe hone lagi tension.
Isliye maine aadil ko call kiya.
Main- hello aadil jara rony ki location to bata mujhe kaha hai vo.
Aadil- kya hua
Main- kuch nahi vo mera phone nahi utha raha hai isliye thodi tension ho rahi hai. Tu location share kar na.
Aadil- ek min.
Aadil ne mujhe uski current location bhej di. Or maine apni car ko usi direction me mod liya.
Or thodi hi der me main baha pahuch gya. Ye to ek mall tha. Rony yaha kya kar raha hai. Sayad kuch lene aaya hoga.
Isi soch ke sath me aage bada or uski location ki taraf badne laga.
Or ab tension ye hui ki me exact jagah per khada tha lekin rony baha nahi tha. Lekin uski location bahi bata rahi thi. Tabhi meri najar dustbin per gyi to main uske pass gya or maine rony ko call kiya to uske andar se mujhe mobile vibration ki aawaj aane lagi. Or sara mamla saaf ho gya. Maine jaldi hi usme se mobile ko bahar nikala.
Maine aaju baju dekha to mujhe emergency exit dikha maine uska darwaja khola or charo taraf dekhne laga ki sayad kahi kuch dikh jaye jisse kuch andaja lag sake. Lekin me parking tak jaake Bapis aagya mere hath koi suraag nahi laga. Ab bas cctv hi ek matra rasta tha.isliye jaha mujhe mobile mila maine us jagah cctv ko dekhne laga ki kaha per cameras lage hue hai or unke angle kya hai. To mujhe ek camera dikha jo emergency exit or dustbin dono ko cover kar raha tha. Lekin tha vo thodi dur per.
Lekin mera kaam ban sakta tha. Isliye main bapis se neeche aaya or ek guard se maine cctv room ke baare me puchha. To usne mujhe batane se mana kar diya. Tab maine use bola ki mera purse chori hua hai. Or mujhe dekhna hai kisne churaya hai use. Or maine use ek 500 ka note jeb se nikaal kar de diya. Purse mere pass filhaal nahi tha. Isi baat ka fayeda maine utha liya.
To usne mujhe bata diya ki kaha per sari recording milegi mujhe.
Main bhag kar baha gya. Baha per ek guard sabhi moniter ko dekh raha tha. Or achanak mujhe baha dekh kar mujhe baha se bhagane laga. Maine usse kaha ki mujhe footage dekhni hai mera samaan chori hua hai.
Lekin vo nahi mana. Vo police ki dhamki dene laga. Yaha mera matha baise hi sanka hua tha. Maine uski garden per ek halka sa war kar diya. Jisse vo usi time behosh ho gya.
Maine use utha kar ek side ko kiya or footage ko dekhne laga. Ab mujhe exact time to pata nahi tha. Fir bhi maine karib 3 ghante pehle se footage ko fast forward me chalana start kiya. Mere lences ki bajah se mujhe sabhi samajh me aaraha tha. Khair mere yaha aane ke 1 ghante pehle ki footage me mujhe Rony dikha. To maine baha per footage ko normal speed me play kiya or Rony ko follow karne laga. Tabhi maine ek footage me dekha ki Rony ka mobile kisi ne uski jeb se nikaal liya bheed ka fayeda utha kar. Or vo baha se bhag gya bahi rony ko jab ehsas hua to vo charo taraf dekhne laga. Lekin jab use kuch samajh me nahi aaya to vo baha se ek shop per chala gya or apne liye ek naya mob. Lene laga. Bahi maine dusri footage me us chor ko pakda or use dekhne laga. Usne mob. Ko open karne ki bahut kosis ki. Lekin nahi hua. Or na hi mob. Band ho raha tha usse. Kyuki Harry ne ek bahut hi gajab ka app install kiya tha. Jiski bajah se agar mob. Ne kisi anjaan ko use upyog karne ki kosis karte dekha to vo apne aap ko self lock kar leta hai or is lock ko tod pana kisi ke bas ki baat nahi mob. On hi rehta hai taaki uski location ka pata lagaya ja sake. Bahi agar sim nikaal bhi do to bhi kyuki is phone me esim dalti hai.
Khair jab use kuch nahi sujha to usne phone ko dustbin me fel diya or bhag gya baha se.
Bahi rony bhi naya mob. Or kuch samaan leke baha se chala gya. Lekin kaha gya ye pata nahi.
Khair ab mujhe rahat thi ki koi badi gadbad nahi hui hai. Isliye me nischint ho gya.
Tabhi vo behosh guard ko hosh aagya or maine use dekh liya. Maine use 2000 ki ek kadak note di or use sorry bola or baha se bahar nikal gya. Or apni car me baith seedha clg pahucha jaha sabhi bacho ki chhuti hone wali thi.
Maine car ko park kiya or canteen ki taraf chala gya. Or clg me aate hi bahut si purani yaade taza ho gyi. Kaise hamne apna clg time bitaya tha.
Kaafi achha ehsas tha vo. Khair maine ek coffee ka order diya. Or ittefaq se vo canteen wala bahi nikla jo us waqt hame coffee deta tha. Ab vo bhi kaafi aged ho gya tha. Lekin usne mujhe dekhte hi pehchan liya lekin thodi confusion se mujhe dekhne laga.
Main- kya hua Raju pehchana nahi kya mujhe
Raju- pehchan to liya hai lekin me hairan hu. Kyuki tumhari umra to bahi ki bahi ruk gyi hai. Jaise clg time me lagte the theek baise hi lag rahe ho. Balki usse bhi jawaan.
Main- kya tu bhi. Ab buddha ho gya hu. Vo to exercise daily karta hu. Isliye tujhe lag raha hoga. Baaki tujhse 5 saal chhota aaj bhi hu main.
Raju- baise bahut achha laga tumhe yaha dekhkar. Kaha rehte ho aajkal.
Main- bahi apne gaon me. Yaha bache padte hai ab to. Unhi ko lene aaya hu
Raju- kon. Kya naam hai unke. Mujhe to iski khabar hi nahi hai.
Main- ha tum kaise pehchano ge unhe. Lekin unke naam jarur achhe se jante hoge tum. Amar, Samar, ashk or avi.
Raju- ye charo
Main- ha 2 mere bhaiyo ke hai or ashk or avi mere dono judwa hai.
Raju- kya baat hai. Are in charo ko to achhe se janta hu me. Aane do itne dino me kabhi nahi bataya ki ye tumhare bache hai.
Main- unhe bhi kaha pata hoga ki tum itne purane ho.
Raju- ha ye bhi hai.
Main- baise tum batao mujhe ye bache yaha jyada hungama to nahi karte hai na.
Raju- ab kya bole bhai. Pure aapke uper hi gye hai. Baise to sabhi shant rehte hai. Lekin agar kisi ne unhe chheda to gya kaam se. Khas kar Samar use rokna to kisi ke bas ki baat nahi. Ek baar to ek proffessor ko hi jad diya tha.
Ye sunke me bhi shok ho gya.
Main- kya lekin kyu.
Raju- are vo professor thoda teda tha. Ek din ashk bitiya se thodi badtameezi karne laga tha. Use bahut sunaya tha. Jis bajah se Samar ko gussa aagya or jad diya ek thappad. Halaki uski or kutai honi tay thi lekin amar or avi ne use rok diya.verna vo jinda nahi bachta us din.
Main- lekin usne ashk ke sath badtameezi kyu ki thi ye to batao.
Raju- darashal kya hua. Ki vo professor kisi baat per vo ashk se naraj ho gya tha vo or usi chhoti si baat per usne ashk ko bahut sunaya or ashk ke maa pita ke baare me bura bhala kehne laga. Uski yahi problem thi. Vo bina puri baat jaane gharwalo tak pahuch jata tha. Bahut saare student ne uske khilaaf complaint bhi ki thi pehle hi. Lekin koi solid action nahi liya gya. Lekin baad me us proffessor ne un bacho ko usi ke subject me fail karwa diya apna badla lene ke liye. Or is baar no. Laga ek ladki ka. Jisko usne fail karwa diya. Jab ashk ko ye pata chala to usne principal se copy ki dobara janch karwane ko kaha. Or ye baat us tak bhi pahuch gyi. Or usi baat per vo ashk ko sunane laga. Tabhi baha per Samar aagya or usne bina kuch soche samjhe jad diya usko ek. Tabhi baha bheed aagyi or principal bhi or unhe bhi pata chal gya ki ye professor theek nahi hai isliye usko usi waqt nikaal diya gya clg se. Thoda sabki tha vo. Uske baad aaj tak nahi dikha vo.
Main- hmm to ye baat hai. Baise theek hi hua uske sath. Me hota to patak patak kar maarta use.
Raju- bahi to.
Main- khair chhodo abse tum najar rakhna charo per. Or agar koi bhi badi gadbad hote dikhe to foran hi mujhe bina koi jhijhak ke phone kar dena. Ye mera no. Rakho apne pass.
Raju- bilkul bhai tension na lo. Ab un charo ka me pura dhyan rakhunga
Tabhi clg bell baj gyi or sare bache ek ek karke bahar aane lage. To main bhi canteen ke kinare per khada ho gya or un charo ko dekhne laga.
Tabhi mujhe vo aate hue dikhe unke sath unke kuch friends bhi the.
Maine ashk ko aawaj laga or meri aawaj sunkar usne yaha baha dekha. Tabhi maine use fir se aawaj lagai or uski najar mujhper padi. Or vo bhagkar mere pass aagyi. Or mere gale se lag gyi.
Kuch bhi kaho jab beti pyar se gale lagti hai to itni khushi hoti hai jitni baya kar pana mumkin nahi hai
Main- kaisi hai mere sherni.
Ashk- ek dum badiya. Baise aap kab aaye Italy se
Main- abhi aaya hu. 1-2 ghante pehle.
Tabhi vo teeno bhi aagye or unke sath unke kuch dost bhi.
Main- kaise ho sab
Avi- badiya hai
Kiran- ashk ye kon hai. Hame bhi to milwao. Kya tumhare bade bhai hai.
Ye compliment kaafi kuch baya kar raha tha. Bahi ashk or baaki ke charo hasne lage.
Kiran- kya hua tum sabhi has kyu rahe ho. Maine aisa ky bol diya
Ashk- are kiran ye mere bade bhai nahi hai balki mere or avi ke dad hai
Amar- ha or hamare pyare chachu.
Ye sunte hi Kiran ne apna hath apne muh per rakh liya.
Charu- majak mat kar. Inki or amar ki age to ek hi lag rahi hai. To kya inka baal vivah hua tha.
Avi- nahi inki age is waqt 40 ke aaspass hai.
Charu- kuch bhi. Ye kaise sambhav. Hai.
Main- ye dekho mera aadharcard isme meri real date of birth likhi hai.
Ye kehke maine jeb mess use apna aadhar card dikhaya or usme meri date of birth dekhke uske bhi hosh udd gye.
Kiran- lekin ye kaise hua. Aap to 25 se ek saal jyada nahi lagte hai. Balki kam hi lag rahe hai.
Ashk- mere dad apni fitness ka pura khayal rakhte hai. Or aaj bhi ladkiya inper dore daalti rehti hai. Inko kunwara samajh kar. Jaise tum dono laar tapka rahi thi sach janne se pehle.
Ye sunte hi Charu ne ashk ko ek chimti kaat li.or bha moujud sabhi hasne lage. Or vo dono bura feel karne lagi to maine dono ko hug diya or kaha ki koi baat nahi beta aisa to hota rehta hai.
Main- baise Samar tumhare dad ki koi khabar mujhe mile nahi hai vo.
Samar- chachu pata nahi. Ham to yaha the. Ab vo baha se kaha gye
Unke mob per call kariye na.
Main- unka mob. Mujhe ek mall me mila dustbin me. Kisi ne chura liya tha unse. Aajkal bahut carless ho gya hai.
Samar- lekin aap baha tak pahuche kaise.
Main- tumhare aadil chachu ki madad se. Khair chhodo ye sab. Chalo ghar chalte hai.
Amar- lekin ham jo car laaye hai vo kon chalayega.
Main- aadhe aadhe ho jao.
Ashk- me to dad ke sath jaungi
Samar- main bhi.
Amar- to fir theek hai main or avi us car me aate hai.
Main- badiya hai. Baise aao pehle me kisi se milwata hun tum sabko.
Ye kehke main sabhi ko canteen me le aaya.naha raju apna canteen band kar raha tha.
Main- Raju bhai
Ashk- dad unhen to ham jante hai.
Main- ha lekin ye nahi jante ki ye us samay se yaha canteen chala rahe hai jab main or tumhari mom yaha padte the. Mere kaafi achhi dosti ho gyi thi inse.
Raju- sahi kaha. Baise bacho tumne pehle kabhi bataya kyu nahi ki tum surya ke bache ho.
Avi- vo kaka kya hai na. Hame nahi pata tha ki aap dad ke achhe friend hai Verna jarur batate aapko. Or dad ne bhi nahi bataya kabhi.
Main- sach kahu to mujhe bhi pata nahi tha ki tum abhi tak yaha ho. Verna me jarur sabko bata deta
Uske baad thodi bahut or baate ki or ham baha se seedhe parking me chale gye or baha se seedhe ghar ki taraf.
Tabhi mera phone baja ek msg aaya tha usme. Maine use khola to usme ek video tha. Maine socha baad me dekhunga tabhi ek or msg aaya ki abhi dekho. To maine use play kiya. Or uske andar ki pehli footage ko dekhte hi mera matha thanak gya. Or maine ek jordar break lagai car ko……….
To be continue……………..
