- 6,463
- 5,017
- 259
Tere ishq me sathiya
Prolouge
************
Pyaar ye shabd kano me padne par alag - alag logon ke man me alag alag khayal aate hain. Prolouge
************
Kisi ki aankhon se dard ka dariya umad - ghumad kar bahne lagta hai to kisi ke hontho par dilkash muskan tair jati hai.
In sabhi se pare aisi bhi do aankhe hain jo pyaar shabd sunkar khauf zada ho jati hain .Pyaar ka izhar ya ikarar sunte hi halat mansik rogiyon jaisi ho jati hai .
Muhabbat ke naam se itna darr kam hi dekha suna jata hai . Ye haal hai Siddharth ka ...jo Sonal ke pyaar me pagal to nhi par pagal jaisa ho gaya hai .
yah kahani ek aam aashiq ke us khas muhabbat ko dikhane ki koshish hai jo vishvash aur sirf vishwash par tiki hoti hain …… par kya vishwash tootne par dil ke rishte toot jate hain.
vaidhanik chetavani
*********************
Apne priyajano se jhooth bolana aur batein chhipana swasthya ke liye hanikarak hai .
Note
*******
kahani ke kisi patra ya ghatna ka kisi jiwit ya mrit vyakti ke jiwan se koi lena dena nahi hai.. Kahani poorntah kalpnik hai .
update 1
**********
" Please vapas aa jao jaan ………………. Kahaan ho tum yaar . Kyu aisa kar rahi ho mere sath ...please come back .plzzz
mai mar bhi nhi pa raha hoon tumhare bina . ……
Mujhe tumhari yaad aati hai ..bahut yaad aati hai ..tum gandi ho ..tum bahut gandi ho .mai tumse kabhi bat nhi karunga varna aa jao please .
sorry ……. Mujhe maf kar do na please ………….last time maaf kar do na "
ye dahade mar kar roti hui awaj Siddharth ki hai ...rota bilakhta toota hua Siddharth... Uske ma aur papa kisi tute huye makan ki tarah dhahe apne 25 Varshiya bete ko sametne ki lagatar nakam kosish kar rahe hain to bada bhai dev lagatar chillakar phone par kisi ko hospital ki location bata raha hai .
yah najara city hospital ka hai ……
jis tarike se upchar ho raha tha usko dekh kar saf jahir tha ki jis sthiti se Siddharth joojh raha tha vo aj pahli baar nhi thi .Dr. ne Injection aur drip laga di ……kariban 10 min ke bad Siddharth ki awaj ka shor thamne sa laga aur susti us par hawi ho gayi , par ma ka rona tham hi nhi raha tha ……
Icu ke bahar logo ka jamavda sa laga tha . Yun to hospital ke liye bimari aur rogi aam bat hote hain . Par Siddharth ka chillakar rona logon ka dhyan barbas hi apni ore khinch le raha tha . Isi bheed se khud ko bachati huyi do yuvatiyan andar ho rahi ghatnao ko dekh rahi thi . Dono ki ankhon me ansu bhare huye the Jo tham nhi rahe the . Inme se ek Siddharth ki bhabhi aur dev ki patni payal aur doosari Siddharth ki ladli bahan aditi hai . Aditi ko rone ki vajah se hichkiyan lag rahi hain . Payal lagatar samjha rhi hai magar shayad koi bhi bahan apne bhai ki ye dasha nhi bardasht kar payegi .
Siddharh urf siddh ke so jane ke baad Dr. aur siddh ke mammi papa bahar aa gaye . ma ka sabra ab tot gaya --
ma -- Dr sahab please kuchh kariye ..mera bachha bahut pareshan hai , ( rote huye )
Dr -- Mrs Rajput ham apni taraf se puri koshish kar rahe hain .Apko pahle bhi bataya tha ke kuchh samay lagta hai ap ( bat poori nhi ho pai thi ki Siddh ke papa beech me bol pade )
papa-- Dr plz kya iska koi ilaj nhi hai . Teen mahine me ye doosari baar hua hai ki Siddh is awastha me pahuncha hai ………
Dr-- Mr . Rajput sadma laga hai siddh ko , Usaki jine ki chahat khatam ho chuki hai . Ham apni taraf se puri koshish kar rahe hain . Mera sujhav hai ki ap kisi mansik rog visheshagya ko dikha dewe .
ma-- Mano chikitsak ko ( ghabraye huye swar me) To kya mera Siddh pagal ho gaya hai .
Siddh ki ma buri tarah bilakh kar rone lagti hai .
Apne ko pahad sa majboot kiye huye Siddh ka bada bhai dev ab apne ko nhi rok paya aur ansu ki bundo ko galo par ludhkane ki swikriti de di . payal haari si kabhi saas ko kabhi nanad ko to kabhi apne pati ko samjha rahi thi .……
Siddh ke papa ne mahol ko samhala aur sabhi ko baithne ko kaha …… kuchh samay ki khamoshi ke bad mr rajput ne chuppi todte huye kaha ……
mr Rajput -- Akhir hua kya hai achank . Achha bhala to office ja raha tha …… Akhir achanak se kya hota hai ? Kya dekhata ya sunta hai jo is sthiti me pahunch jata hai . ( Itna Kah kar apne ghar walon ko bari bari se dekhne lagte hain .)
payal-- Papa kuchh bhi to nhi hua tha . Siddh ne nashta kiya hai aur gadi ki chabhi lekar bahar nikal gaya tha ..
itna sunkar aditi ko jaise kuchh yad sa aya aur vo beech me hi bol padi ……
Aditi -- Papa ek baat mujhe yaad aa rahi hai . Kal se hi bhaiya mujhe baar baar bol rahe the ki tum ro rahi ho kya . Aur kai baar to bole the ke mujhe koi bula raha hai kya …… Jabki maine kisi ki awaj nhi suni thi aur na hi mai ro rahi thi .(aditi ne ek saans me apni baat kah daali )
Dev -- Ye kaise sambhav hai ? Jab koi nhi bulata to use kiski awaj sunai padti hai ? Akhir manjra kya hai ?
mr Rajput-- Dr ne manochikitsak ke liye bola hai beta . Pata to karo ?
Dev-- Ji papa ……
mrs Rajput -- Mujhe to lagta hai us chudail ka jadu tona chal gaya mere bachhe par . Uska saya pareshan kar raha hai mere lal ko , vo nhi chhodegi siddh ko ……
Update -- 2
Uska saya pareshan kar raha hai mere lal ko , vo nhi chhodegi siddh ko ……
************************************
ab age--
Aditi -- Maaaaaaaa………… cheekhati huyi boli aditi
mrs Rajput -- Tere chillane aur aankhe tarerne se sach nahi badal jayega . Vo dayan mere bache ko jeene nahi de rahi hai . …… uski atma mere siddh ko saanse nhi lene de rahi hai …… til til kar mar raha hai mera beta ..……Tum sab chhahe jo bhi kaho mai guru ji ko bula kar hi rahungi ..varna kahi vo mere bachche ko apne saath ……………(ghabra kar ) nahi bilkul nhi ...he vidhata ye mai kya bol rahi hoon ..
( foot foot kar rona shuru kar diya Siddh ki ma ne ..)
payal -- Aditi please chup raho tum aur Ma ap jo bhi bol rahi hain use ham sab ghar jakar discuss karenge …… is tarah hospital me hamara tamasha hi ban raha hai aur kuchh nahi .
Payal ki baat sun kar sabhi chup to ho jate hain . Par Siddh ki halat ko lekar sabhi ke dimagi ghode har disha me daud rahe the …… koi bhi iss baat ko pacha nhi pa raha tha ke siddh ki life me itna bada twist aa jayega …… Office ,ghar dost sab kuchh to kar raha tha vo … kal bhi office ke liye hi nikal raha tha .
Kul teen din rakha gaya tha siddh ko hospital me uske baad aa gaya vapas apne ghar ……Thoda sa kamjori ho gai thi aur gumsum itna ke hamesha shunya me niharta rahta tha .Chehre par ajib si badhawasi dikh rahi thi .
Aditi ko siddh ka yu khamosh rahna bilkul nahi achha lagta tha . Vo siddh ki bahan se bhi jyada ek dost aur Humraj thi ..Aditi lagatar siddh ko hasane ki kosish kar rahi thi …… Par siddh ne to is baar jaise na hasne ki kasam kha li thi ...Aditi se pareshan hokar siddh bahar jane ke liye uthata hai to uski najar payal par chali jati hai …… use payal ko dekh kar kuchh ajib sa lagta hai …… payal ki aankhe achanak chhadhne si lagi aur payal ke pairon ne jaise sath dene se inkar kar diya ..Par isase pahle ki payal zameen par girti siddh ne daud laga di ...par vo chook gaya ..payal farsh par gir kar behosh ho gai ……
Poore ghar me is nayi musibat se kohram mach gaya .Siddh ne payal ko utha kar bed par lita diya aur aditi ko pani lane ko bola .
Abhi ghatit hui is ghatna ko dekh kar mrs rajput ka chahra bhay se peela padd gaya , aur vo apne pati yani mr rajput se boli…
mrs rajput -- Kya aapko abhi bhi vo sab dikhai nahi pad raha hai jo mai dekh rahi hoon . Kya ap abhi bhi yahi kahna chahenge ki guru ji ko nhi bulaun mai ??
mr rajput -- ( Kheejhte huye) Tumhara dimag poori tarah kharab ho chuka hai . Uska ilaj karane ke liye bulana ho to bula lo apne guru ji ko ……
mrs rajput -- Mujhe to lagta hai us bhootni ne apke dimag par kabu pa liya hai …… Varna jo mai dikha rahi hoon apko dikh jata ……
mr rajput-- maine kab inkar kiya hai . Mai manta hoon mera dimag bhootni ne kharab kar diya hai … Par vo bhootani mere samne hi khadi hai ……
pal bhar ko to mrs rajput ko laga ki unke dwara kahi gai baat man li gayi hai par agle hi pal unka chehra gusse se lal ho gaya ..par isase pahle ke blast hota door bell baji…
Aditi ne lagbhag daudte huye door khola …… Samne family Dr. Khadi thi …… Aditi Dr ko payal ke room me le jati hai . Mr n mrs rajput ab apni bahas bhool kar payal ke room ke bahar khade sidhh aur aditi ke ke paas aa gaye ……
mrs rajput -- Dekha siddh beta ..kaise achank payal behosh ho gayi .
Siddh -- Hmm Mom (kuchh sochte huye reply karta hai )
mrs rajput -- Siddh beta mai soch rahi thi ke kyu na hawan kara liya jaye guru ji ko bula kar……
Siddh -- (baat ko beech me hi kat kar bola) Plz mamma apko jo bhi karna hai karo par mujhe in sab se door rakho ……Na mujhe apke bhagwan me dilchaspi hai na hi aur na hi unke dalalon me ……Maine bhi sonal ke sath bahut chakkar kate the mandiron ke par Mera sab lut chuka hai aur apke bhagwan murti me se dekhte rah gaye ……
Aditi-- Mamma plz aap bhai ko pareshan karna band kar do ………aditi itna hi kah payi thi tabhi Dr Payal ke room se bahar aa gayi ……Siddh ne behad bechaini se puchha……
Siddh-- Dr kya hua hai bhabhi ko ?? Kyu vo achank behosh ho gayi??
Dr-- Dekhiye plz ap log itna pareshan na hoiye …… iske aage Dr ne jo bhi kaha use sun kar sabhi ke chehre ka rang badal gaya
Update--3
Dr-- Dekhiye plz ap log itna pareshan na hoiye …… iske aage Dr ne jo bhi kaha use sun kar sabhi ke chehre ka rang badal gaya
************************************
ab aage--
Dr-- payal ki is sthiti ke liye jimmedar person kahan hai kya mai jaan sakti hoon??
sabhi ke chehre ka rang badal gaya par sabse hairat ki baat to ye thi ke sabhi mrs rajput ki ore dekhne lage …………
mrs rajput-- " Are mujhe kyu ghoor rahe ho sab ?? Maine kya kiya ??"
( unko ghhorne ke peechhe matra ek karan tha unka saas hona )
kisi ko kuchh samajh hi nhi aa raha tha…… Siddh pareshan hokar bola
Siddh-- Dr sahab , Akhir baat kya hai ??
Hua kya hai bhabhi ko ??
Aur kaisi jimmedari ki baat kar rahi hain aap??
(Siddh ne ek hi sans me itne sawal poonchh dale )
Dr-- Siddharth mai dev ki baat kar rahi hoon……Vo papa banane wala hai ……
Siddh-- wowwwwww , gretttt , Woohoo , oh my goddd mai kitna khush hoon
( Siddh ne lagbhag uchhalte huye kaha )
Mai abhi bhaiya ko call karta hoon.
Sabhi siddh ka ye roop dekh kar bahut khush the ……achanak se uske chehre par jamane bhar ki khushiyan laut aayi thi ……
Siddh dev ko call lagata hai …… dev is samay office me hai ……
Office Gwalioar (mp) Jile ( Jahan par ye kahani chal rahi hai ) ke city center aria me sthit hai , ek bahut alishan imarat jis par sunahre dhatu ki plate par likha hua hai ……
" RAJPUT INDUSTRIES "
**************************
city center ki shan kahi jane wali ye imarat Rajput brothers Dev singh Rajput aur Siddharth singh Rajput ki mehnat ka parinam hai ……pita Raghuveer singh rajput jo sewa nivrit army officer hain , (abhi bhi patni aur bahu par front ki bigul bajaye rahte hain parntu beti Aditi ke samne Ate hi hathiyar dal kar back foot par ho jate hain .) unhone bhale hi iss office ki neev dali thi par is mukam tak dono bhai hi laye the .
Dono bhaiyon ka apsi pyar dekh kar to ek bargi to logon ko yakin nhi hota tha ke kalyug me bhi aisa pyar dekhane ko milta tha . Dev singh Rajput ( 30 Yrs) ko jahan Apne karya me dakshta hasil hai to vahi Siddharth singh Rajput ( 25 Yrs )ko marketing aur sales me maharat hasil hai .
Siddh dev Ko call lagakar khush khabari deta hai …… Poore ghar me khushi ki lahar daud gai thi…
Thodi hi der me Dev bhi office se aa gaya… Sabse pahle daud kar siddh ne gale lag kar badhai di …… Siddh me aaye is sudden change ko dekh kar sabhi ko hairani ho rahu thi . aj bahut din ke bad sab has rahe the………
Dev aur payal ko sabhi badhaiyan de rahe the par Aditi chunki ghar me sabse chhoti aur sabki ladli thi to usaka alag hi rag chal raha tha. Payal ko lagatar chhed rahi thi..
Aditi 20 yrs ki khoobsurat yuvati hai haal hi me bcom complete kiya hai aur mba karne ja rahi hai ……par jana army me chahti hai …… Aditi apni umar se samjhdar hai …… bhaiyon ki jaan basti hai aditi me to ma ki jaban ka lagam hai aditi ……
Aditi-- Bhaiya , ab aap dekhna ..sab mujh par hukum chalate ho na …… ab mujhse bhi chhota aa raha hai sabko naani yaad dilayega
aditi chahkte huye kahti hai……
Siddh-- Oh teri ki , nani se yaad aaya . Bhabhi ke mammi papa ko to inform kar do koi …… unka haq hai . Bhabhi ke alawa ab koi aur bhi aane wala hai jo unke yaha dekhne layak hoga .
thahaka mar kar hasne lagta hai siddh …… sidhh ki baat ka matlab samajh kar sabhi hasane lagte hai ..
payal -- kya siddh , tum to un logon ke peechhe hi pade rahte ho ……
banawati gusse ke sath kahti hai payal.
Siddh -- Ji nahi , vo log mere aage koodte hain mai to seedha sada sa bachcha hoon …
itna sunte hi sabse pahle payal ki hasi chhot gai..baki sab to bad me hase
payal -- Bata diya hai aditi ne ,aa rahe hain thodi der me sabhi .. poore gwalior ko aditi radio ne suchna prasarit kar di hai
payal itna hi bol payi thi ke payal ka cell bajne lagata hai ……
payal-- Hello……
hello…… kaun bol rahi hain aap ? Ohh my god ……AAROHI ………tum…
Update--4
payal-- Hello……
hello…… kaun bol rahi hai aap ? Ohh my god ……AAROHI ………tum…
******************************
ab age
Aarohi-- Hanji mai …… kaisi ho bhabhi……
doosri taraf se behad madhur awaj aayi……
Payal-- Mai theek hi hoon yaar , Tu bata hai kidhar aaj kal ? Tere to darshan hi durlabh ho gaye hain ………… Tune gwalior kya chhoda ham sab ko chhod diya …
Aarohi-- Hmm to bhabhi ko mere darshan chahiye hai . Okk prasad taiyar kar lijiye . Aa rahi hoon mai darshan dene ……
aarohi khilkhila kar hasne lagi……
Payal-- wow aarohiiiii tu aa rahi hai …… Kab aa rahi hai ? Jaldi aa na yaar ………
Aarohi-- Aaj raat ko delhi se train hai ……4 ghante me apke paas pahuncha degi …… Agar ho sake to siddh ko bhej dijiyega lene plzz
Payal-- Maar khayegi tu…… plzz kab se bolne lagi tu ham sab se…… tere bhaiya pahunch jayenge time par tu train ki details msg kar de bas……
Aarohi-- bhaiya ko kyu bhej rahi ho bhabhi , siddh nhi hai kya??
Payal-- Siddh hai par…… uff ho chhod na tu ghar to aa sab batati hoon ……
Itna kah kar payal ne call disconnect kar di .
Aditi jo abhi tak chup chap payal aur Aarohi ki baat sun rahi thi chahak kar boli....
Aditi-- Bhabhi Aarohi aa rahi hai ??
Payal -- Haan aditi …… Aaj raat me aa jayegi ……
payal ne jawab kafi muskura kar diya tha jise aditi ne pakad liya……
Aditi-- Kya bhabhi badi ada se muskura rahi ho?
Payal-- Aditi maine kahi suna tha ki " Vakt ke dwara diye gaye jakhmo par marham bhi vakt hi lagata hai " aur aaj lag raha hai ki shayad sach hi tha ……
Aditi-- Mai kuchh samjhi nhi bhabhi ?
Payal-- Aaj aarohi 5 salon ke baad achanak se aa rahi hai aditi , In 5 saalon me shayad aarohi aur siddh ke beech 3-4 baar hi baat hui hogi . Usase jyada nahi …
aarohi aur siddh ki dosti to yaad hai na tujhe??
Aditi-- Haan bhabhi ...sab yaad hai ..siddh bhaiya aur aarohi b.tech tak saath padhe hain …… Poore college me un dono ke dosti ki kasme khai jati thi … Uske baad Aarohi India se hi bahar chali gayi ...shayad siddh bhaiya aur aarohi ko baat kiye huye bhi 2 saal se upar ho raha hai .
Payal -- Bilkul sahi kah rahi ho aditi ……
Aditi -- Par mai abhi bhi nahi samajh payi ki aap yahan vakt ka fanda kyu set kar rahi thi …………
aditi ne behad masoomiyat se poochha to payal ko hasi aa gayi ..
Payal-- Are pagali abhi chhoti hai tu…… Nahi samjhegi meri baat ko ……
Aditi …… To samjha dijiye ??
Payal-- Are yaar aditi kuchh batein kah kar nahi samjhai jati hain …… ( Kuchh sochte huye )
Achha ye batao ke jab aarohi ne ham logo ke sath apni holi manai thi btch ke dauran to kya kiya tha aarohi ne ??
Aditi-- Haye Raam bhabhi …… Yahi apne ghar par hi to tamasha hua tha …… Bhang wali thandai pikar aarohi ne sabhi ke samne cheekh cheekh kar I LOVE SIDDHARTH bola tha ……
aditi aanjhe matkate huye boli,
Payal-- Ab kuchh samjh me aaya ??
Aditi -- Par bhabhi siddh bhaiya to …
Aditi ke aankho me bahut hi gahra dard tair gaya ……
Payal--- Na aditi dukhi nahi hote plzz …… mai kah rahi hoon na 'Vakt' Ke jakhm vakt hi bharta hai …… Siddh ko dost ki bahut jarurat hai is samay .……… Ho sakta hai ke aarohi siddh ki khoi hui khushiyon ko dhoondh laye……
Payal aur aditi dono kafi sad hokar baat kar hi rahi thi ke gadiyon ke aane ki aawaj se dono ka dhyan bahar ki ore chala gaya …
Payal ke mayake wale aaye the…… Aur un sabhi ki buland awaj ka shor jahir kar raha tha ke unko sabse jyada khushi hai is shubh samachar ki . Poora ghar falon aur mithaiyo ki khushbu se bhar gaya tha ……
Siddh khada hokar sabkuchh bade gaur se dekh raha tha …… Uske chehre par koi bhav nahi the ki achanak kisi ne siddh ke peechhe se aakar haule se kano ke karib jakar joorr se chillakar kaha ……………
kya soch raha hai motu
sidhh chaunk kar peechhe palta to hairan rah gaya ……… aur bola
Kirruu tum ??
kiran -- haan motu mai?? Tujhe kya laga koi bhoot hai .
( kiran khilkhia kar has padti hai)
Update--5
Siddh-- Oye hoye kirru tu ???
(banawati achambha dikhate huye)
kirru -- Nahi katrina kaif ……
Ankhe nachate huye jawab deti hai kirru…
Siddh -- Hainn…… vo kya hai na kat ji ajj ap kirru si lag ri thi na to mai confuse ho gaya……
kheezte huye jawab deta hai……
Kiran --Majjak mat kar . Ye bata kaisa hai tu??
Siddh-- kaisa dikh raha hoon .
Karan -- Ohh dikh to kabad ki tarah raha hai … Di tujhe khana nhi deti kya?
kyu didi?
bolo kya halat bana di apne mere dost ki?
bolo na????
Payal -- Bolu to tab jab tu chup ho ……sabhi ki hasi ek sath chhot jati hai ……
kiran payal ki chhoti bahan hai aur siddh ki dost…… sirf dost . Kiran 24 Saal ki khoobsurat yuvati hai …… aur dil sone sa khara hai …… kisi ko bhi chutki me dost bana leti hai ……
jahan kiran rahti hai vahan ka mahaul uske ishare ka gulam ho jata hai ……
Ghar ka mahaul kafi khushnuma bana raha … payal ke ghar wale dinner kar ke wapas laut gaye…… Payal ne kirru ko roka par use jaruri kaam tha to vofir kabhi ane ka wada karke vapas chali gayi…
Mehmano ke chale jane ke bad sabhi apne apne kamre me chale gaye……Aaj ke din masti kafi kar li thi sabhi ne to thakan ki vajah se jald hi sab apne bistaron me ghus gaye……
Office se aane ke baad ab kahin jakar Dev aur Payal ko ekant ke pal mile the.
kamre me pahunch kar payal apne cell par aaye msgs ko check karne lagi …… uski peeth darwaje ki taraf thi. Dev jab aya to use payal ki peeth dikhi sabse pahale …… Dev ke chehre par khoob sara pyar umadne laga……
Dev payal ke paas dhire dhire chalte huye pahuncha… payal abhi bhi cell me busy thi… Dev ne payal ko peeche se apni bahon me samet liya … Payal ne muskura kar palke jhuka li…
Dev ne bade hi pyar se payal ke gale par ek gahra chumban jadd diya… payal ke muh se aah nikal gayi… dev ne payal ko apni taraf ghumaya … Payal ki palkein jhuki thi …hothon par muskurahat thi jo uske chehre par saj rahi thi… Palak jhapkte hi dev ne apne hothon ko payal ke hothon par saja diya ……
Dev singh Rajput ka prem vivah Aaj se 3 Saal pahle payal se hua tha. .Payal bhi gwalior ki hi rahne wali , modern yuvati hai . Sundarta bhagwan ne uspar dono hath se nyochhawar ki hai . Rang aisa ki chhoo do to maili ho jaye , hirni si kajrari ankhe un par ghani palke .. Dilkash muskan aur gaal par padne wala dimple me to ab bhi na jane kitno ke dil doobe pade hain.
Dev bhi koi kam nhi 5'11" unchai , kasrati badan aur chehre par ek akarshan . Kul mila kar dono sath me yun lagte jaise ek duje ke liye hi bane hon,
Kafi der tak dev payal ke hothon se amrit peeta raha .Dev ne haule se payal ke hontho ko apni giraft se ajad kiya aur bade pyar se payal ko dekha. Dev ke jahan me payal se pahli mulakat chalchitra ki bhanti aaj bhi ankit hai……
Jab dono college me pahli baar mile the ……Dev ka dil to payal ko dekhte hi fudak kar uske paas se payal ke paas pahunch gaya par payal bhi kam nahi thi . Football khel baithi …… Kick jadd diya . Ji haan ……Jab dev ne payal Ko (jo ki uski sahpathi thi us samay ) valentine ke pawan parva par propose kiya to payal ne jawab me dev ke gaalon par ghuma kar apne haathon ko ungliyon aur angoithe sahit chhap diya…………
Update--6
payal ke dwara mare gaye thappad ki goonj college ke har kone tak pahunch gai …… aur thappad ki chot seedhe Dev atma me lagi…… itna hi nahi us nirmohi payal ne lal taje gulab ko noch kar dev ke sir par de mara …aur pair patakti huyi dev ki najron se door nikal gayi…aur dev tab tak dekhta raha jab tak ke vo aankho se ojhal na ho gai …
college ka har kona Dev ko chidha raha tha aur sare phool pattiyan thahake lagate se lag rahe the……
college me pahli baar beijjati huyi vo bhi tabiyat se…… dev ki jindgi me jaljala aagya Tha…school - college ka good boy final yr me akar ruswa ho gaya tha,
Dosto ne santawna di aur pravachan bhi……
" Pareshan kyu hota hai be … gwalior me ladkiyon ki kami nahi hai… har type aur model ki mil jayengi , Ham tere sath hain dost."
To dushmano ne tane mare…
" Kya bhai ek ladki na pati tere se , parsadi pa gaya , Ladki patana bhi ek kala hoti hai ,mere se salah le leta bhai " …
Dev ka ek priya mitra uske dukh se kafi dukhi tha …… dev ko samhalne ki koshish karta raha … Par Dev ko to sachcha wala pahla pahla pyar hua tha … bhool hi nahi pa raha tha Dev………
kai din beet chuke the ke achanak ek din Dev ka vahi priya mitra Rohit daudta huya aaya aur lagabhag hafta huya bola…
Rohit-- Dev bhai aaj to tera ek gajab ka kaam kara hai maine…
hamfta huya bola…
Dev-- Abe pahle saans to le lo yaar …… varna teri maut ka jimmedaar bhi mai maan liya jaunga…
Rohit-- Abe bakwas na kar… teri samasya ka hal mil gaya hai……
Dev-- kya bata to sahi……
Rohit -- Abe koi hai jo payal ko teri banane me help kar sakta hai …
khush hote huye…
Dev-- kyu tu bhagwan se mil kar aa raha hai kya?
vyang se muskurate huye bola dev
Rohit-- Abe paglon si baat na kar… ek ladka hai… Idea king … use na sab love guru kahte hain …… Uske ideas solid hain boss… kai logo ki jodiya set karwa chuka hai . Plz chal na chalte hain uske paas…
Dev-- Tera dimag to nhi kharab ho gaya hai be …… mai na padta in sab ke chakkar me…… paise aur loot lega dil pahle se hi luta pada hai…
Rohit-- Par yaar vo free seva karta hai aashikon ki . Koi fees nhi leta hai …
Dev -- Maine kaha na , mai nahi jaunga …
Rohit-- Tujhe meri kasam hai chal…… maine appointment le liya hai……
Dev-- Abe saale tu normal nhi hai… Ladkiyon jaise baat baat par rona peetna aur kasam dena teri hobby ban gayi hai……
gusse se bhar kar bola dev …… Chal bata kahan chalna hai……
Dev aur Rohit bike se ek park me jate hain …
Rohit-- Ruk jao… yahi park me rakhi hai meeting…mere chote bhai ka dost lekar aayega usko … Usi ki class me padhta hai……
Dev-- To tu apne aaradhya Love guru ko pahchanta bhi nhi hai kya?
Rohit-- nahi… par mere bhai ke dost ki bhi setting karai hai usne……
Dev bas gusse me rohit ko ghoorte huye uski baat sunta rahta hai…
Tabhi samne bike aakar rukti hai…
Rohit-- yahi to hai mere bhai ka dost ,
Rohit Peechhe baithe ladke ki ore ishara karta hai ,
Dev-- To ye helmet wala love guru hoga……
Dono ladke apas me baat karte hain … Love guru apna helmet nikal kar balo ko sahi karta hai aur kala chashma ankho par chadhata hai…
Love guru ki 6+ lambai , gora rang door se hi chamak raha tha , Dole shole bhi bana rakhe the …… Tagda badan … mahnge stylish kapde … kisi hero se kam nhi lag raha tha balki jyada hi lag raha tha……
Love guru jaise hi Dev ke pas aaya to Rohit ne dono ka parichaya karaya… parrrrrrr ye kya
Aur Dev ne apna joota utara aur lave guru ko dauda liya park me… love guru age aur Dev peechhe……
Rohit chilla chilla kar dev ko rokta rah gaya …
Achanak Love guru palta aur ghutno ke bal zameen par baith kar bola
" bhaiya plz i am sorry"
Update--7
Dev-- Ye sab kya tamasha laga rakha hai siddh……
gusse se daant peeste huye……
Siddh-- Bhaiya plzzzzz , try n understad , aap jaisa soch rahe ho vaisa kuchh bhi nhi hai ……
Dev-- Ohh jo mai soch raha hoon vo sach nahi hai to ye kya bakwas hai LOVE GURU Wali… Is behudgi par tujhe sharm nahi aati……
Siddh -- Bhaiya ye sab bas ideas ki hi vajah se to hua hsi …… Ghar par dekhiye aap kabhi kabhi mujhse idea nahi mangte kya?? Vaisa hi hai sab … koi mai ise apna profession thode na bana raha hoon……
Dev--Yaar agar aisa ho bhi raha tha to kya tu mujhse bata nhi sakta tha ? Bol……
sad hokar bola dev aur hatash hokar vahi neeche baith gaya park me ……
Siddh-- Batata to jab ye sab kisi planning ke chalte hota …Saale mere dost idea lete rahe aur mai deta raha…pata hi nahi chala ke kab love guru ban gaya … plz bhaiya apse jo bhi bol raha hoon sach bol raha hoon …… Kuchh bhi jhoont nahi hai isme……
ab siddh roansa ho gaya tha ……
siddh ko sath lekar aaya ladka bhag chuka tha . Rohit pahle wali jagah par hi stabdh khada Ye pachane ki koshish kar raha tha ki siddharth hi love guru hai……
Dev-- Ab ye rone kyu laga yaar…… na chhutku aise nahi rote … tu to bada ho gaya hai na ??
dev Siddh ko puchkarte huye bola……
Siddh -- To bolo na bhaiya … apne mujhe maaf kiya na …… plz maaf kar dijiye……
Dev-- Theek hai nautanki samrath …… Tera ek aur idea safal raha …… Kar diya maine tujhe maf…… Ab khushh……
Siddh khushi se uchhal kar Dev ke gale se lag gaya …… Dono ko yu gale lage dekh kar Rohit ki jaan me jaan aati hai …… aur vo dono ko gale lagne me join kar leta hai…… Teeno ki hasi chhot jati hai……
achank jaise siddh ko kuchh yaad asta hai …
Siddh-- Wait a minute …… bhaiya aap yahan Love guru se milne aaye the na …… kya chakkar hai……
shararti muskan ke sath bola …
Dev… hadbadate huye bola dev…… mera kya chakkar hai…… kuchh bhi to nahi……
Siddh-- To love guru ki jarurat kyu padd gai aapko ??
Dev-- Arre mai to ……vo ……Majjak………
Rohit-- Kyu jhooth bol raha hai dev …… Apne Bhai se kyu nhi bata deta hai sab sach…… Ho sakta hai siddh hi teri koi madad kar de……
Dev-- Rohit yaar vakt aur parson dekh kar baat kiya kar… tera IQ nipat chuka hai bilkul se……
Dev Rohit ke upar bigad jata hai…
Rohit-- Oh to payal ke liye teri tadap kewal ek dikhawathi ……… tab to koi baat nahi dost ……
Dev-- Rohit kya bakwas kar rahe ho tum.
Siddh-- Arre koi mujhe bhi kuchh batayega?? Bataiye na Rohit bhaiya baat kya hai …
Rohit-- Payal………
itna bolkar Rohit park ke doosre end par ishara karta hai … jahan payal ek ladki ke sath ice cream le rahi thi…
Siddh-- Haan vo payal di hain … kiran ki badi sis… dekho kiran bhi sath hai… Kiran mere sath hi btech ki coaching kar rhi hai… Par Rohit bhai ap kaise jante ho payal di ko…
chaunkte huye……
Rohit-- LOVE GURU bhai payal hi to hai jisne dev ko DEV DAS bana dala hai……
Dev ke lakh mana karne par bhi Rohit ne Dev aur payal ke beech jo kuchh bhi hua tha saara bata dala siddharth ko…… siddharth bhi bade gaur se sunta raha sari baton ko… thodi der chup rahne ke bad bola……
Siddh-- bhaiya plz ice cream la do na mere liye ………plz plz
Dev-- Tujhe khani hai to jakar le aa mai nahi jane wala udhar……
Siddh-- plz bhai ap mere liye itna nahi kar sakte kya ? Plz…
bade hi bholepan se bola siddh……
Dev beman se ice cream lene chala gaya…
uske jate hi siddh se Rohit ne kaha ……
Rohit-- Yaar siddh plz kuchh kar na……… Bawara ho gaya hai ye uske liye… Plz help yaar ……
Siddh-- Dont worry Rohit bhai…… LOVE GURU Ne apna kaam shuru bhi kar diya hai………
Update-- 8
Siddh-- Dont worry Rohit bhai…… LOVE GURU Ne apna kaam shuru bhi kar diya hai…………
*************************
Rohit-- Kya bakwas kar rahe ho ??
love guru ne kaam shuru bhi kar diya hai ?? Par tum to yahi khade ho?
Siddh-- aap mahan ho ……… charan kahan hain apke……
kheejhte huye……
Rohit-- Patakna chahte ho mujhe???
Siddh-- Nahi todna chahta hoon apke charo ko
jhallate huye … kyu ki siddh samne Dev par focus karna chata tha … but Rohit ki baton se use disturb ho raha tha ……
Rohit-- Siddh bakwas na kar , seedhe seedhe jawab de……
Siddh-- Yar Rohit bhaiya …… Dev bhai ko ice cream parler kisne bheja?
Rohit-- Arre tune hi to bheja……
siddh-- Kyu bheja maine ?
Rohit-- Ice cream khani thi tujhe ………
Siddh-- Ji nahi……… balki is liye bheja hai kyu ki Payal ji vahan par hain … ab kuchh samjhe aap??
Rohit-- Hmm thoda thoda
Doosari taraf jab dev ice cream parler pahuncha to payal ne uspar ek behad thandi najar dali aur muh aise banaya jaise karella ice cream kha rahi ho …… muh fer kar vapas ice cream khane lagi…
Dev ko ye apni insult lagi , par vo karta bhi kya…aage baddh gaya ice cream lene……par dev ke dil me hook si uthi thi is berukhi se aur ankho me halki si nami aa gayi thi… kyu ke pyar to vo sach me hi karta tha payal se…… beinteha pahla pyar… jisne bhi pahla asafal pyar kiya hoga vo ignore hone ke dard se bakhubi parichit hoga…
Dev ka pyar sachcha tha isi liye us din thappad khakar bhikhamosh tha varna aise bhi pyar karne wale hote hain jo inkar ko apni tauheen samjhte hain , aur samne wale ko is inkar ki saja dene ke liye har hadd se gujar jate hain…
Kayi nakali aashiq to sangeen ghatnaon tak ko anjam de kar muhobbat ke naam ko hi sharmshar kar dalte hain …
Itihas gawah hai ki muhabbat jab bhi cheen kar hasil karne ki koshish ki gayi hai tab ya to jaljala aya hai ya manavta sharmshar hui hai.…………
Dev bujhe man se ice cream select karne lagta hai ye sochte huye ke gusse me to payal aur bhi sundar lagti hai… jb koi ice cream select nhi kar pata to ishare se siddh ko apne paas bulata hai……
Siddh aur Rohit Palak jhapkate hi ice cream parler pahunch jate hain……Siddh aur kiran ki najren milti hai par siddh yun dikhawa karta hai jaise kiran ko bas abhi abhi dekha hai……
Siddh-- Hiii kiran … yahan kaise ??
Kiran-- Tujhse hi milne aayi hoon … aankhe nachate huye……
Kiran ke is jawab par payal sahi sab chaunk jate hain……
Siddh-- Tumko pata tha kya ke mai yahan ane wala hoon …
Kiran -- Nahi……
Siddh-- To tumne aisa kyu bola ke mujhse milne aayi ho??
confuse sa ho gaya siddh……
Kiran-- Mai kuchh bhi bolti … tera reaction same hi hona tha as if park me koi kuchh aur karne ata ho ghoomne ke alawa……
payal aur dev ki hasi chhot gayi …… Rohit ko kuchh samajh hi nhi aaya aur siddh ne agla daanv faik diya…
Siddh -- Ohh ab mujhse to mil hi li ho inse milo mere bhaya Dev singh Rajput… Doing mba from **** institute……
Kiran-- Hiii bhai…… Dono hath namskar me jod deti hai……
Dev-- Dev bhi hath jod kar jawab deta hai……
Kiran-- Meet my beautiful di payal sharma ……
Payal siddh ko to reply karti hai par Dev aur Rohit ko dekhe bina park ke main gate ki ore badhh jati hai……
kiran payal ki iss harkat par chauk jati hai…… Siddh ki taraf dekhti hai jaise poonchh rahi ho kya manjra hai……
siddh aanan fanan me jaldi jaldi kiran ko sari baat batata hai aur usase help mangta hai…… par kiran to thahri shaitano ki nani…… Bolti hai pahle mai case study karungi tabhi help karungi…
Udhar Ek bar fir Dev ke dil me dard uthta hai… Payal ko jate huye dekhta rahta hai……
achanak hi Dev ke muh se ye shabd nikal jate hain…
Tarap k dekh kisi ki chahat main...
To pata chale k intazar kya hota hai...
Youn he mil jae agar koi bina tarpe....
To kase pata chale ke pyar kya hota hai.
Update-- 9
Udhar Ek bar fir Dev ke dil me dard uthta hai… Payal ko jate huye dekhta rahta hai……
***************************
Ek baar ko to Dev ye bhi bhool gaya ki samne siddh khada hua hai… jab yaad aaya to chaunk kar siddh ki taraf dekha ……… siddh masoom chhote bachche ki tarah dekh raha tha apne udas , pareshan bade bhaiya ko …
Dev ke liye paristhitiyon ko samhalna thoda mushkil ho raha tha ki siddh aage badha aur Dev ko jadu ki jhappi de dali…… jhappi ka jadui asar hua aur Dev muskurane laga……
Rohit ko vida kar Dev aur Siddh ghar pahunche…Sab kuchh normally hi chal raha tha …
Raat ko dinner ke baad dev chhat par aya tahalne to anayas hi uski nigah chand par chali gai……
Safed seeshe sa chand syah aasman me akela chamak raha tha …Dev taktaki lagaye use dekhta raha …… shayad kafi der tak dekhta raha… Achanak use apne kandhe par ek haanth mahsoos hota hai…
Dev palat kar dekhta hai…… ma ( Mrs rajput) thi………
mrs rajput-- Dev , kya baat hai beta ? Kai dino se dekh rahi hoon , kahin khoya khoya sa rahta hai……
Dev-- Nahi mom , aisi koi baat nhi hai………
najre churate huye jawab deta hai dev……
mrs rajput-- Dev santan kitni bhi badi kyu na ho jaye … ma ke liye hamesha chhoti hi rahti hai…… Teri udasi in ankhon se nahi chhip pa rahi hai mere lal… Apni ma ko nahi batayega …… bol…
Dev-- Oh mom , Ap bhi na … aisa kuchh bhi nahi hai… Plz mera yakin kariye … Bas thoda aane wale kal ko lekar pareshan hoon…
mrs rajput -- Apne aj ko khul ke imandari ke saath jiyo …… kal man manga hoga … Vartman par hi bhaishya nirbhar karta hai……
Dev-- Haan ma aj ki hi baat se to sihar ja raha hoon kal ke liye ……
budbudate huye bolta hai…
mrs rajput -- chal jyada der tak mat jagna……
Doston duniya ki sari mao ka yahi hisab kitab hota hai …… aulad ke face par shikan aai nahi ke ma ko pata chal jata hai……aulad agar bure daur se gujar rahi hai to ant tak sath ma khadi rahti hai …
mrs rajput to chali jati hain … par nayi musibat……siddh sari batein sun raha tha khade hokar …… haanth me do coffee ke mug liye huye ……
Siddh ko dekhte huye Dev bhi ma ke peechhe bhagne lagta hai …
Siddh-- Mujhe apse baat karni hai……
Dev -- siddh mere bhai … Mujhe na jor ki nind aa rahi hai… plz subah baat karein ??
siddh -- Abhi ke abhi baat karni hai……
Dev ki ore coffee badha deta hai … dev bura sa muh bana kar coffee le leta hai…
Yun to Rohit ne sab kuchh siddh ko bata hi diya tha par phir bhi siddh ne dev ke muh se sari batein ugalwa hi li …
Siddh ne dev ko kuchh jaruri sujhav diye . Jiska palan dev ko karna hi karna tha kyu ke plan ke hisab se vishesh jasoos Rohit bhi on duty rahne wala tha …
Dusre din college ke time par Rohit aa dhamka dev ko lene … dev ko bada hi achambha hua …… puchhne par pata chala ke ye bhi Siddh the LOVE GURU ke plan ka part hai…… kyu ke siddh ko dev par poori tarah yakin nahi hai to agent Rohit abhi se on duty ……
khair Dev ka look tak change kar diya Rohit ne…… dev ke khisiyane par bola aaj kal yahi looks demand me hai…
Dev aur rohit jab College pahunchte hain to parking me hi payal aur uski dost disha mil jati hai ……
Disha-- Payal dekh Dev……
Payal-- To mai kya karu ?
Disha-- Oh my god , aj kitna handsome lag raha hai …… he just changed his looks yaar…………
Payal-- Tera to dimag kharab ho gaya hai …… yahan se kyu line maar rahi hai … ja usi ke paas……
payal ne jab ye baat kahi to disha gusse se pair patkti hui aage chal di … payal ne ek chor nigah dev par dali…… Vakai aj bahut badla sa lag raha tha Dev…… huh kah kar apne sir ko jhatka aur Disha ke peechhe ho li……
Jab dono Dev ke baju se gujri to Disha Ko dev ne hello bola … bahut pyar se…… sirf Disha ko ……Payal ki taraf dekha bhi nahi…
Update-- 10
Jab dono Dev ke baju se gujri to Disha Ko dev ne hello bola … bahut pyar se…… sirf Disha ko ……Payal ki taraf dekha bhi nahi…
***********************************
Dev ka ye vyavhaar payal ke liye thoda shocking to tha par isase payal ko koi fark nahi pada …haan par dimag ye soch jarur raha tha ki akhir dev me itna bada parivartan kaise ??
class me bhi dev badla badla sa hi raha …ab ye niyam ban chuka tha … dev college aata class karta …… hasi majjak karta par payal ki taraf dekhta bhi nhahi tha……
Haan ek baat jarur notice kar rahi thi payal ki Disha ka jhukav Dev ki ore badhta ja raha tha …aur to aur shayad dev bhi uski ore khinchne laga tha ……
Seminaars ke dauran bhi Dev ne payal ko poori tarah ignore kiya… un dino college me elections chal rahe the to achanak si sari classes suspende kar di gayi , sari class faltu … sabhi chit chat me vyast ho gaye … Tabhi Rohit ne cell Dev ko pakda diya … Dev pahle to na na karta raha lekin cell rakhne ke just pahle kheejh kar itna hi bola theek hai mere baap……
Rohit ne ghoshna kar di ki sabhi ek ek song gayene…… kisi ko bhala kya aitraj ho sakta tha …………… siva payal ke…… usne clearly bol diya ke vo kisi stupid game me part nahi legi . Itna hi nahi jakar sabse peechhe baith gayi …jab Dev ki basri ayi to payal ko bhi jigyasa ho rahi thi ke vo kya gayega ……… *****************
Ho Ho Ho
Dil Ka Aalam Main Kya Bataaun Tujhe
Dil Ka Aalam Main Kya Bataaun Tujhe
Ek Chehre Ne Bahut
Ek Chehre Ne Bahut
Pyar Se Dekha Mujhe
Woh Mere Saamne Baithi Hai Magar
Usse Kuch Baat Na Ho Paayi Hai
Main Ishaara Bhi Agar Karta Hun
Ismein Hum Donon Ki Ruswaai Hai
Ismein Hum Donon Ki Ruswaai Hai
Dil Ka Aalam Main Kya Bataaun Tujhe
Dil Ka Aalam Main Kya Bataaun Tujhe
Woh Toh Hothon Se Kuch Bhi Kehti Nahi
Uske Aankhon Mein Ek Kahani Hai
Uss Kahaani Mein Naam Hai Mera
Mujh Pe Kudrat Ki Meharbaani Hai
Mujh Pe Kudrat....Ki Meharbaani Hai
Dil Ka Aalam Main Kya Bataaun Tujhe
*************
Gane ke dauran dev najre churakar Disha ko dekh raha tha , Ye baat payal ne kai baar notice ki thi… Song khatm hone ke baad sara hall taliyon ki gadgadaht se gunj utha…
Disha ki khushi to mano thame nahi tham rahi thi… vo daud kar dev ke pahlu me sama si gayi… na jane kyu chubh gayi ye baat payal ko …… Use apne andar kuchh bikharta sa laga jab Dev ka hanth ek pal hi ke liye sahi Disha ki kamar tak gaya……
Vapas aakar Disha ne bola ----
Disha-- Yaaar payal……………
Payal -- Kya hai besharam…
Disha-- Haii kitna achhaa gata hai na vo……
Payal-- Haan jaise koi shahnaii ka gala ghont raha ho ……
Disha-- Have you gone mad .…… he is soo cute ……
Payal -- Bas bhi kar na yaar …… Tu bhi na ……
Na jane kyu … Payal Disha ke upar kheejh si gayi thi……
Aaj kai din ho gaye the , Dev aur uska Amna samna band sa ho gaya tha …… Ek bechaini payal ke andar ghar si kar gayi thi …
Doston chahe ye pyar ho ya nafrat ho …jis cheej ki adat padd bhar jaye … payal ko bhi adat ho gayi thi … Dev ke pyar bhari najron ki , jise vo aaj kal miss kar rahi thi……
Update-- 11
Doston chahe ye pyar ho ya nafrat ho …jis cheej ki adat padd bhar jaye … payal ko bhi adat ho gayi thi … Dev ke pyar bhari najron ki , jise vo aaj kal miss kar rahi thi……
********************************
Payal college me bas khud ko samhalne ki koshish karti rahi . Use har cheej se chidchidahat ho rahi thi…… Sabhi ka hasna , bolna use khal raha tha ……Achanak hi ye duniya beraunak aur badrang lagne lagi thi……Dil me kya chal raha tha vo khud samjhne me asmarth thi ……Par haan disha se chidh aur jalan dono hi ho rahi thi ……class me baki sare samay payal chup si rahi ……
Dev payal ko chhip kar dekh raha tha …… usase payal ki takleef dekhi nahi ja rahi thi…… Dil bhar aaya tha payal ke masoom chehre par udasi dekh kar…… uski hire si chamak daar aankhe jo Dev ko duniya ki kisi bhi daulat se jyada kimti thi …… un sitara aankho se chamak nadarad thi ………
Dev se payal ki udasi bardasht nahi huyi … usne khud se kaha ki iss masoom ko tadpa kar to vaise bhi haar hi hai pyar ki ……vo payal ko sab kuch batane ke dridh nishchay ke sath age badha hi tha ki haye ri kismat Rohit jasoos aa dhamka……aur Dev ko bairang vapas lautna pada…… Dev man me sochne laga ki itne ke liye is sale me buddhi aa gayi ……
Payal bujhe man se ghar aa gai …… darwaja kiran ne khola… Kiran bade dhyan se payal ke chehre par ane jane wale bhavo ko dekh rahi thi…
Kiran-- Di ……
Payal-- Haan kirru bol………
Kiran--Di , Ap kuchh pareshan lag rahi ho?
Payal-- Nahi gudiya bas thoda sir dard hai……
Kiran-- Ok di aap Rlx karo mai coffee banati hoon……
Payal bina kuchh jawab diye bhari kadmo se apne kamre ki ore badh jati hai… Kiran ko kuchh samjh nahi ata hai vo payal ke piche chal deti hai … kiran ko di ka mood aaj kuchh sahi nahi lag raha tha …Payal apne kamre me pahunch kar bag ko bed par fek deti hai aur khud dhamm se farsh par hi baith jati hai...
Pichhle dino huyi sari ghatnao ko yaad karti hai… Uska ji bhar aaya tha … Use kabhi dev ki berukhi to kabhi Disha ki harkatein ya yun kahein ki dev me dilchaspi yaad aa rahi thi……
Kiran darwaje par khadi payal ki is udhed bun ko gaur se dekh rahi thi jaise kuchh samjhne ki koshish kar rahi ho …Kiran payal ke room se door hat jati hai aur kisi ko call lagati hai… 5 minute bat karne ke bad kiran coffee banane chali jati hai……
Payal coffee peekar so jati hai … jab ma ne dinner ke liye jagaya to sir kafi bhari tha aur bhookh bhi nahi thi…… lekin payal ko pata tha uska dinner na khana use maa ki adalat me doshi karar de dega aur maa use katghare me khada karke sawal dagegi……Payal ka mood iss vakt kisi bhi jirah ke liye kadapi taiyar nahi tha to vo chupchap dinner ke liye chali gayi………
Dinner karne ke baad tv ke samne chit chat ke dauran maa ne payal se prashn daga…
Maa -- Pallu tera agla seminar kab hai ??
Payal-- Mamma teen din ke hi baad to hai … maine apko bataya tha … iss baar delhi jana hoga … vahan par seminaar aur 2 din ka workshop dono hi hai…
payal ne sapat lahje me jawab diya
Maa-- Taiyari ho gayi hai teri ……
Payal -- ji mamma
payal janbujh kar chhote jawab de rahi thi … baat karne ka koi mood nahi tha uska……
Payal ki maa dono bahno ko vakt par sone ki hidayat dekar apne room me chali jati hai…… bachti hain kiran aur Payal…
Kiran-- Wow di ap delhi ja rahe ho ???
Payal-- Hmm gudiya …… college ka kaam hai to jana hi hoga……
Kiran-- Diiiii You are so lucky…………di apki sari class Do din ke liye jayegi……
Payal-- Haan sari class jayegi Meri gudiya…… kuchh chahiye to bata dena ……
Dono bahne apne kamron me sone chali gai … payal kiran ke dwara kahi gayi baat ko sochne lagti hai.……do din uske saath ……yahi sab batein sochte huye payal ko jane kab nind aa gayi……
Doosre din Payal jab college pahunchi to Yantra chalit si seedhe seminar and workshop list ko chk karne pahunch gai……Seminar group A ke leader ka naam
DEV SINGH RAJPUT
aur member list me pahla hi naam PAYAL SHARMA … payal khushi se uchhal paddi …… par agle hi pal khushi gayab…………
Update-- 12
aur member list me pahla hi naam PAYAL SHARMA … payal khushi se uchhal paddi …… par agle hi pal khushi gayab
******************************
kyu ki last naam tha DISHA MALHOTRA …… aur vo bhi kisi ki jagah entry ki gayi thi …… iska power sirf group leader ke paas tha … apni hi khas saheli ka naam paddh kar payal ki ghor jalan ho rahi thi…… itna tak soch dala ke group change kara legi……
Irshya se payal ka kaleja khaul raha tha……payal pair patakte huye class me gayi to na hi Disha thi na Dev…… Dono ko nadarad dekh anjani si tees se kaleja jal utha……… Dev class se kam hi gayab hota tha aur Disha se to subah hi baat hui thi …… Payal teji se class se bahar jane ko uthi to sir aa gaye …… poore time kudhhti hui class ki payal ne …… Kabhi gussa aa raha tha to kabhi rona…… Rohit sab dekh raha tha par payal ka dhyan Rohit ki ore gaya hi nahi……
man nahi laga to doosri class chhod kar ghar ke liye nikal li …… garden tak pahunchi hi thi ki samne najar gayi …… Disha aur dev par…… dono yaha baithe the …… Disha ke katil muskurahat ko dev nihar raha tha…… ab to payal ke sahan seema ke sab bahar ho gaya…… Dev ko yu dekh kar apman se payal ke aansu foot pade …… vo bina disha se mile hi bhagti huyi gate ki taraf badh gayi……
Baki ke do din samanya hi nikla……kyu ki Payal tabiyat kharab ka bahana kar ke ghar par hi ruk gayi……college hi nahi gayi…… bechain si bed par padi rahi…… Disha ki call bhi nahi li…… kiran sab dekh rahi thi…… sab samjh bhi rahi thi…… Par kuchh kar nahi sakti thi payal ke liye……
Jis din delhi jana tha us din payal pahunchi college… Safed kurti aur blue jeans…… bal ko bandh kar age ki tsraf kiya tha usne… sadgi dekhne layak thi payal ki……Delhi se gwalior ki doori jyada na hone ki vajah se luxery bus se jane ka prabandh kiya gaya tha ……
Sitting plan dekhte hi to payal ka hal dhadhakti aag par rakhe bhutte sa ho gaya……
Dev - Disha
Payal ke sath kisi ladki ka naam tha… itna to payal ko bhi pata tha ke sitting plant leader hi banata hai …… Payal ka mood subah subah kisi ka khoon pee jane jitna bhayanak ho gaya tha ………
Khair Payal apni jagah jakar bath gayi … Dev aaya Payal ne use dekha to na jane kyu gussa thoda kam ho gaya … Dev ne bas me ghuste hi bechani se Payal ki seat no ki taraf dekha… Payal aur Dev ki najre char huyi par Peechhe se Rohit ne Dev ko dhakka dekar age badhne par majboor kar diya… Dev apni seat par baithne ke bad payal ki taraf ek baar bhi nahi palta … jabki Payal Lagatar dekh rahi thi Dev ko……
Last me Disha aayi disha ko dekh kar to Payal ke hosh udd gaye .… ladko ka pata nahi kya haal hua hoga… Black mini skirt , Pink tight top … khule huye khoobsurat baal …… doodh me nahai pari si rangat…… ankho par kala chashma……Halka sa make up … yun lag raha tha ki sakshat ALIYA BHATT awtarit ho gayi hai………
Is samay agar payal ko koi dekhta to uske badan se nikalne wali aag ki lapton ko bhi dekh leta ……Par payal ko to koi bhi nahi dekh raha tha kyu ki sab Disha ko dekh rahe the……
Payal dekhti rahi aur jakar baith gayi disha Dev ke pahlu me…Skirt jo pahle hi chhoti thi aur chadhh gayi……Payal ka dil kiya disha ko bus se neeche fenk de… Par hard luck ……
Bus apni manjil ki ore chal padi……Daur chala antakshri ka …… jab payal ke bagal baithi ladki ko gana nahi soojha to usne payal ko force kiya gane ko ……… Payal ne gaya……
Soona soona lamha lamha
Meri rahein tanha tanha
Aakar mujhe tum tham lo
Manzil teri dekhe rasta
Mud ke zara ab dekh lo
Aisa milan phir ho na ho
Sab kuch mera tum hi to ho
Bapanah pyaar hai aaja
Tera intezaar hai aaja
Gana gaate samay Payal ek tak Dev ko dekh rahi thi … Par Dev window se bahar……Par Koi tha jo un dono ko dekh raha tha… Rohit .
Gane ke ant me Rohit ne dono ko apni bhigi palko ko bahaane se saf karte dekha……
