Arjun apne kamre me gaya to uske dimag me anika thi bas
Dil ki bohut achi hai anika, apne didi ke liye apna pyaar apne dil me rakh baithi thi
Aaj Pehli baar anika ne apna dil khol kar arjun se baatein ki thi
Life me bohut kuch saha hai is ladki ne, uska Baap uske peeche apda hua tha, chii
Achanak arjun ke dimag me kuch aaya aur wo daudkar pen aur ek paper lekar baith gaya.
Ghar ke sabhi characters ko fir se likha usne
Agar uski maa ko ye sab pata tha jaisa ki anika ne bola to uski maa ne uske papa ke against koi step kyun nahi liya???
Sochne wali baat to ye thi ki sonam aur anika dono hi joshi family ki betiyan thi fir Mr girish kyun sirf aur sirf Anika ke peeche pade hue the???
Arjun ne bohut socha, lekin kuch set nahi ho raha hai is case me
Jo dikhta hai wo hai nahi, iska matlab kya hai
TRING TRING
Anika ka call tha, arjun ko uthana pada
"kya kar rae the??" Anika apne book ke oopar arjun ka Naam apne Saath likhte hue boli
"kuch nahi, waise abhi bhi movie ke baare me soch rahi ho tum?? aur dar lag raha hai to mera room Saamne hi hai a jaana" Arjun bola
"sorry mister mai bhoot se nahi darti waise itna pareshan kyun ho arjun?? Agar koi problem hai to mai solve kar sakti hoon" anika boli
"tumhe kaise pata mai problem me hoon??" Arjun ne poocha
"jab koi kisi se pyaar karta hai na?? To bolne batane ki zaroorat nahi padti, dil ki baatein samajh me a jaati hai" Anika boli
"hmm manna padega Anika tumhe" Arjun haste hue bola
"eh eh eh zyada haso kat, aaj mom se daant padi school bunk karne ke liye pata hai??" Anika boli
Arjun chaunk pada, jitna use pata tha ki anika school nahi gayi ye baat sirf wo aur Anika jaante hai
Waise bhi dono chupkar gaye the movie dekhne
"kisne bataya Mrs joshi ko??" Arjun ne poocha
"pata nahi yaar, she was angry aur mujhe achi khaasi daant padi, maine ye nahi bataya ki tumhare Saath thi, thik kiya na??" Anika boli
"hmm thik kiya Anika, waise...." arjun ki baat adhuri reh gayi kyunki usne dekha subhash ka call tha. Ye zyada important tha
"kya hua ruk gaye?? Kuch Keh rahe the??" Anika ne poocha
"kuch nahi sweetheart, so jao sweet dreams" Arjun bola
"goodnight arjun, muaaaahhh" ek kiss ke saath phone Kaat diya Anika ne
"bol subhash" Anika se baat hone ke baad jhat se subhash ko call lagaya tha arjun ne
"bhaiyya us phone me bas ek hi number se call a raha tha jo local number hai, lekin number ka track nahi mila shayad satellite phone se call tha" subhash bola
"yani local me se koi hai isi ke saath" Arjun bola
"lagta to aisa hi hai bhaiyya, aur ek baat bolni thi bhaiyya" subhash ne bola aur kuch aisa bola jisse arjun ke chehre par muskan tair gaya
"mujhe pata tha subhash, khair aur pata kar phone ke baare me, aur keep me updated agar kuch aur news mile is maamle me" Arjun bola aur phone rakhte hi phone lagaya Anirban ko
"bol arjun" anirban bola
"jiju kya isi ke saath koi local ka Saath hona possible hai" Arjun ne poocha
"of course ye common sense hai arjun, without local help koi foreign agency kaise kaam kar payegi doosri country me" anirban bola
"right aur ek baat aur poochni thi jiju, kya aap log kuch chupa rahe hai mujhse??" Arjun ne poocha
"aisa kyun lagta hai tujhe??" anirban ne poocha
"kyunki jo dikhta hai wo hota nahi hai jiju, khair thanks for the help, good night" bol arjun ne phone rakh diya
Ab dhund halka halka sa gayab hone lag gaya hai halki halki roshni dikh rahi hai arjun ko
Pehli baar use confident lag raha tha ki wo sahi direction me hai
Bas ek dar sata raha tha anika ko lekar
------------------------------------------------------------------
Anika apne kamre me arjun ke baare me sochkar apna teddy bear ko kaskar pakadkar muskurane lagi
Arjun ka uske kamar me haath ferna uff
Excitement me anika ne apni aankhen band kar di
Wo ghatiya movie bhi achi lagne lagi thi kal arjun ke saath
Lekin kya uski maa arjun ke saath uska rishta karengi???
Wo arjun ko nahi kho sakti, kuch bhi ho. Uske liye wo apna ghar bar, log, samaj, rishtedaro ko chod sakti hai
Tabhi phone bajne laga anika ka
"sonam di???" khush hote hue phone uthakar bole padi wo
"Anika kuch baatein karni thi" sonam boli serious hokar
"Haan boliye na" Anika boli
"ye aajkal arjun ke saath kuch zyada close nahi ho rahi hai tu??" sonam ne poocha
Ye to hona hi tha aaj ya kal sonam ko pata lagna hi tha, lekin itni jaldi?
"ye aap kya Keh rahi hai sonam didi??" Anika boli
Use achi tarah se yaad tha ki arjun ne unke relationship ko chupakar rakhne ko kaha tha
"ban mat, kal nahi gayi thi movie dekhne wo bhi class bunk maarkar??" sonam chillayi phone par
"ek dost ke saath nahi ja sakte movie dekhne??" Anika is baar baras padi
"class bunk maarkar?? Seriously??" sonam ne poocha
"aap ko problem kya hai di?? Class bunk kiya isliye ya movie dekhne gayi isliye??" Anika ne seedhe seedhe poocha
"kal mai discharge ho rahi hoon anika, fir teri chaal nahi chalne doongi" sonam boli
"mai chaal chal rahi hoon didi?? Mai??? Maine aapke liye apna dil band rakha tha aur aap??" Anika ko vishwas nahi ho raha tha wo kya sun rahi thi
Aur wo sonam ke liye apne pyaar ki qurbani de rahi thi, ye sunne ke liye??
"tujhe pata hai arjun mera sachha pyaar hai anika" sonam boli
"mera muh mat khulwao didi, rakhti hoon, bye" bol Anika ne phone rakh diya
Arjun se baat karni padegi is maamle me
