"oye hoye kya laali hai aaj madam ki to" alisha ne anika ko dekhte hue bola
"kya yaar aisa kuch nahi hai" Anika boli
"jhoot, bluff mat maar.chehre par ek sharm ek laali, uff hamare school ke volleyball captain aur swimming champion ka dil kisne jeeta hai meri Jaan" alisha ne apne haath anika ke kandhe par rakhte hue bola
Alisha cousin hai namit ki, Australia me rehti thi, lekin India me aane ke baad namit ke gang ki jagah anika se ghul mil gaayi
Academics me awwal Rehne wali Anika sports me school ki aan Baan shaan thi
Volleyball aur swimming ke alawa board exam me poore state me third aakar school ka Naam Roshan kiya tha usne
"waise tu bada ghoor rahi hai us ladke ko??" subhash ki aur dikhate hue bola anika ne
Apne love life ke baare me chup rehna chahti thi jaisa arjun ne kaha tha
Thoda udaas ho gayi alisha ye sunkar, subhash hamesha doori banata a raha tha alisha se, pata nahi kyun. Lekin alisha ne bohut try kiya dosti karne ke liye but asafal rahi
" ek din tujhe tera pyaar zaroor milega ally" Anika ne udaas alisha se bola
Aur ye sunkar alisha muskura uthi
"hame hamara pyaar kab milega?" door se awaz aayi aur dono ne dekha wahan par Hrithik aur hemant kuch ladko ke saath comment Paas kar rahe the
Alisha aur Anika sabko ignore karte hue ja rahe the ki achanak
Hemant ne haath thaam liya anika ka
"anika I love you yaar" hemant bola
Aur ladke seetiyan maarne lage
"mera haath chodo hemant" anika apna haath chudane ki koshish karte hue boli
"Maan jao anika, shaadi kar lo raani banakar rakhunga" hemant fir bola
"agar ladki Keh rahi hai use aap me interest nahi hai to tang nahi karna chahiye" door se arjun ki awaz aayi aur sabne dekha arjun ko aate hue
"Anika mujhe thodi help chaiye will you help??" bol arjun Anika aur alisha ke Saamne a gaya
Anika arjun ko dekhte hi khil gayi aur alisha ko thodi hairaani hui, arjun kab se dost ban gaya anika ka???
"koi problem hai??" Hrithik ki aur dekhkar bola arjun ne
Hrithik ne achi khasi maar khayi thi arjun se isliye wo gusse me baakiyon ke saath chala gaya
Arjun ne ek baar hemant ko dekha jaate hue lekin kuch bola nahi
"OK alisha baad me milte hai" bol anika arjun ke saath chali gayi aur ek khaali si jagah me dono baat karne lage
"didi discharge ho gayi hai arjun,kal unhone confront kiya tha mujhe hamare relationship ko lekar" Anika ne arjun ke seene par apna sar rakhte hue kaha
"aaj school nahi aayi wo??" Arjun ne poocha
"nahi yaar" bol anika ne apni aankhen band kar di
Bada sukoon milta hai arjun ki baahon me
"Anika ek baat ka promise karo, jab bhi tumhe koi problem nazar aati hai mujhe call kar dena ya ek SMS kar dena" Arjun bola
"Baap re mera bodyguard ban jao arjun usse tum hamesha mere Paas hi rahoge" khilkhilakar haste hue anika boli
"ban to mai tabhi gaya tha jab mujhe shaque hua tha" Arjun bola
"kya samjhi nahi?" Anika ne poocha
"kuch nahi Anika, chalta hoon" Arjun bola aur charo aur dekhne laga
Nahi chahta tha ki anika ke saath usko koi dekhe
"aaj kab milenge??" Anika ne poocha
"terrace par raat ko" aankh maarte hue arjun bola aur chala gaya, anika muskurane lagi
------------------------------------------------------------------
Sara ne cigarette ka kash chodte hue apne pocket se mobile nikala aur sheela ko phone lagaya
"sara ye kya abhi tak sonam par wapas hamla kyun nahi hua??" Awaaz me gussa tha
"relax dear, aapke abba logo ne bola tha hamla na karne ke liya" sheela apne naakhun me nail polish lagate hue boli
"abba logo ne??" sara ne poocha
"Haan aapke seniors ne, aapko nahi maalum?? Chh Chh Chh poor girl, aapse chupakar kaam kiya ja raha hai ab??" sheela ki baatein hila kar rakh rahi thi sara ko
"tameez se baat karo sheela, yaad rakhna abhi tak tumhare Baaki ke paise mai hi dilwa sakti hoon" sara chillai
"baby aap na abhi bachchi ho, paisa aapke abba logo ne mujhe pohuncha diya hai, so apni geedad dhamki kisi aur ko dena, aur ainda disturb na karna please, wo kya hai mai aire gaire se baat nahi karti" bol muh par phone rakh diya sheela ne
Sara dhadam se baith gayi
Uske samajh me kuch nahi a raha tha, kya ho raha hai, kyun ho raha hai??
Sab kuch andhere me tha
