"chalo anika chalo chalo" Arjun ne anika ko jagakar bola
"umm.. Sone do na" bol anika arjun ke gale lag gayi
"hey bhagwan ek jagah hum zyada der nahi ruk sakte anika" Arjun bola aur bag sametne laga
"plan kya hai arjun, aise kab tak bhagenge" anika ne poocha
Iska jawab arjun ke Paas bhi nahi Tha, sheela peecha chodne wali nahi hai. Lekin ab aage kya?? Kab tak bhagenge dono??
Police par vishwas karna thik nahi hai, Haan ek raasta hai
Achanak aankhen chamak uthi arjun ki
Uske jiju, anirban jiju. Haan Haan Haan wahi sab kuch thik kar sakte hai
Arjun ne jhat se mobile nikali aur phone karne laga ki usne dekha network hai hi nahi hai
Damn, abhi ye hona tha
"Anika Filhal to is jungle se nikalna hai" Arjun ne bag kandhe par rakhte hue kaha
Anika ne arjun ko dekha bina shirt ke sirf ek best me mast handsome lag raha hai
Uske muscles anika ko madhosh kar rahe the
"kya hua??" Arjun ne poocha
"k kuch nahi chalo" bol anika chal padi arjun ke saath
Dono Jaa rahe the aur arjun compas dekhkar aage badh raha Tha tabhi ruk gaya arjun
"ruko anika, dekho" Saamne raasta bandh hai aur ek gehri khai hai
"Baap re raat me chalte to ho Jaata raam raam" anika boli
"isliye to nahi chale hum raat ko anika" Arjun bola
Tabhi kuch motorcycle ki awaz aane lagi
Arjun aur Anika dono wahi ruk kar us taraf dekhne lage
Bikes Saamne aane lage to Arjun ne dekha Hrithik, sonam, Namit, akshay aur kai ladke bikes ke saath Saamne a gaye
"wah choti behna wah, apne BF ke saath bhaagne ki taiyyar??" sonam haste hue bol uthi
Arjun aage aane laga to sonam ne ishara kiya
Namita aur Baaki sab ladkon ke haathon me bandook a gaya
Arjun chaunk pada, ye sab to illegal arms hai. Ye in ladkon ke Paas kaise aaya
" to anika, a jao yahan. Arjun kuch nahi kar sakta. Maa tumhe dekhne ke liye kab se taras rahi hai"sonam boli
Anika ne aage apna pair badhaya, lekin achanak ruk gayi aur peeche mudkar deka to Arjun ne apne sar hilakar na ja ishara kiya
" Arjun ki baat Mat sun anika, a ja" sonam boli
Anika ruk gayi aur peeche jaakar arjun ko jakadkar pakad liya
Arjun ne anika ko apne haath se apne peeche rakh liya
"oh to bodyguard sahab ko zyada trust kar rahi hai tu??" sonam ne poocha
Anika kuch nahi boli bas arjun ke peeche se dekhne lagi sonam aur Baaki sab logo ko
"hmm sorry behna, maine bohut try kiya, lekin I'm sorry tujhe marna padega ab" sonam boli to anika ne aankhen band kar li
"mujh par bharosa hai anika??" Arjun ne poocha
"apne Jaan se bhi zyada" anika boli
"guys apne guns unlock kar do" sonam boli aur Saare ladkon ne guns arjun ki aur taan li
"peeche gehri khai hai arjun darling, kaise bachoge ab??" sonam ne poocha
"mujhe kaskar pakdo anika" Arjun ke bolte hi anika ne arjun ko kaskar pakad liya
Ye dekhte hi hemant aag baboola ho gaya aur arjun ko samajh me a gaya ki kya karna chahta hai hemant
TAP TAP TAP TAP
Chaar kadam aur arjun ne anika ko baahon me lekar khai me chalang laga di
"teri maa ki..." hemant ne apna gun liya aur arjun ki aur nishana rakhkar chalane laga
Para SF ka trained arjun ne apni body ko ek disha di, ghooma aur apne pocket se gun nikali
DHAM DHAM DHAM DHAM DHAM DHAM.
AArjun ko zor se jakad rakha tha anika ne aur kas kar aankhen band kar li thi, bandook ki Awaaz use Paagal kar rahi thi
Arjun ka nishana hemant tha, lekin sonam ne Hrithik ko kheenchkar hemant ke Saamne rakh diya
KHACH KHACH KHACH KHACH KHACH KHACH
chalni ho gayi poori body Hrithik ki aur wahi dum tod diya usne
Ye dekh Baaki ladke dar ke maare peeche hat gaye.
"jaan bachayi hai hemant, ummed hai bhuloge nahi" sonam ne hemant ke kandhe par haath rakhte hue bola aur bikes ki aur badh gayi
Hemant ka dil abhi bhi dhak dhak karta ja raha tha
------------------------------------------------------------------
"menon tum aur Baaki jungle ka chappa chappa comb karo mai bas do lance Naik ke saath arjun ko dhoond ta hoon" Vikram puri bola
"sir" salute kiya menon ne
"any questions??" Vikram ne poocha
"sir shoot karna zaroori hai, matlab....." major menon bole.
"tum seriousness ko samajh nahi rahe ho, state ke HM ki beti ko lieutenant apne Saath le gaya hai, abhi tak ye public nahi hua hai, school wale ko ye pata hai ki anika aur sonam dono vacation par gaye hai. Army ke help ke liye khud CM sahab ne request kiya hai"vikram puri bole
"right sir" menon bol utha
"aur ek baat major Menon, just because he is my son. I don't want you to hold up" Vikram bol utha
"right sir" menon ne jawab diya aur vikram jeep me apne do Lance Naik ke saath chal pada apne bete ko dhoondne
Jahan vikram apne mission ke liye chal pada
Aur wahi nupur ko phone aaya
"hello??" nupur ne phone utha kar bola
Kuch der tak khamoshi chayi rahi
"hello?? Who's this??" nupur ne fir poocha.
"n nupur, mai..... Pri..ya"priya ki awaz aayi wo bhi dheemi si
" oh.... Boliye "nupur ne poocha
" Arjun..... Matlab wo ab kahan hai?? "priya ne poocha
" ha ha ha "nupur hasne lagi
" kya hua nupur tum has rahi ho?? "priya ne poocha
" Arjun ki yaad aaj achanak a agyi?? "nupur ne poocha
" kyunki arjun mera beta hai nupur, ek maa apne.... "
" shut up, beta?? Kya jaanti ho tum maa bete ke rishte ko?? "nupur ne poocha
" mujhe itna pata hai arjun ko maine janm de diya hai nupur, tum chahe jitna zor laga lo rahega wo mera beta"priya ka gussa badh raha tha
"priya tumne apne bete ke liye nahi poocha, arjun ke liye poocha, tum tab bhi practical thi, aaj bhi ho" nupur boli
"Arjun ke baare me bataogi ya nahi" priya ne is baar sakht andaaz me poocha
"mujhe pata nahi priya, aur pata hota tab bhi nahi batati" bol phone rakh diya nupur ne
