"hi subhash" sonam muskurate hue subhash ko apne haath se wave karte hue canteen ki aur a gayi sonam
Subhash ne tirchi aankhon se dekha sonam wahan a rahi thi, inhe kya hua?? Aur arjun bhaiyya kahan gaye. Shayad yahi kahin honge
"hi sonam didi" aupcharik hi ke saath smile karte hue bola subhash
"kya chal raha hai?? Aur arjun kahan hai??" sonam ne poocha
"Pata nahi, lekin kyun??" subhash ne poocha
"aise hi, us idiot ka chehra na dekhu to chain nahi milta" sonam idhar udhar dekhte hue boli
Subhash kuch der tak sonam ko dekhta raha
"aise kya dekh raha hai??" sonam ne poocha
"sonam didi...... Arjun bhaiyya ke liye agar dil me kuch feelings hai to use nikal do" subhash bola
"aise kyun bol raha hai subhash??" sonam ne poocha
"kyunki arjun bhaiyya ke dil me toofan aur aandhi chalta rehta hai har Waqt" subhash bola
"aise like.... Kyun bol raha hai" sonam ko halka sa dukh hua ye sunkar
"sonam didi arjun bhaiya ki gf thi, dono ek doosre se bohut pyaar karte the, lekin wo ab is duniya me nahi hai, she's gone. Dono ki mangni hone wali thi" subhash bola.
Sonam chup rahi, use laga nahi tha ki arjun ki koi gf bhi hogi ye usne nahi socha tha
"isliye Keh raha hoon, ho sake to bhool jao agar kuch feelings hai bhi to" bol subhash uthkar Jaane laga
"subhash" sonam ne dheere se bola
Subhash ne palat kar dekha, sonam ki aankhen nam thi
"mujhe nahi pata ki arjun ke life me pehle koun thi, kaisi thi, shayad arjun use duniya me sabse zyada pyaar karta hoga, lekin mere dil ki feelings ko isse koi fark nahi padta, samjha subhash" bol daudte hue sonam uthkar chali gayi
Subhash ne ek lambi Saans li
Dosti se aage ja rahi hai ye relationship aur arjun kaise ise handle kar payega pata nahi
Subhash is maamle me kuch nahi kar sakta hai, jitna karna tha usne kar diya hai, ek indirect warning de diya sonam ko lekin usse kya??
Sonam daudte hue ek sunsan si jagah par a gayi
Aur rone lagi, kya yahi uski niyati hai??
Ab tak jo kuch chaha use nahi mila, ab arjun bhi usse door ho jayega
Haan maana pehle wo ek aankh nahi bhata tha lekin ab to situation alag hai aur
BROOOMMMMMM
Ek motorcycle sonam ke ekdum nazdeek a gayi aur isse pehle wo samajh paati do mazboot kandhon ne use kas kar thaama aur jhuka diya
SWOOOOOOSH
Hawa me bike wale ka haath lehraya aur...
THAP
Sonam ko chod ek haath ne us lehrate hue haath ko thama aur....
DHAMMMM
zameen par patak diya
Sonam ne darte hue apni aankhen kholi to dekha arjun tha saamne
Helmet pehne hue ek shaks ke haath me chaku tha aur
SWOOSH
Fir sonam ki aur lapka wo shaks
DHADDDD
Ek punch aur wo shaks door chitak kar gira, aur usi ke saath uske haath me gun a gayi
GHAI GHAI GHAI GHAI
goliyan chal padi aur arjun ne sonam ko apne bahon me liya aur ghoomkar let gaya
hatiyar bandh killer ko maarna to door handle karna mushkil ho raha tha arjun
Sonam ko chod kar nahi ja sakta tha
Tabhi us bike wale shaks ko kuch bikes Saamne aate hue dikh gaye
Wo shaks arjun ke Saamne se apni bike uthakar chala gaya wo shaks
Jaate Waqt ek baar arjun ko dekhkar chala gaya
Sonam aur arjun chipke hue the
Aur arjun ne sonam ko peeche se pakda hua tha
Uske dono haath sonam ke seene me the
Arjun ko jaise hi pata chala wo hadbadakar uth gaya
"s sorry... Chot to nahi lagi na??" Arjun ne poocha
To sonam ne kuch nahi suna, pehli baar arjun ne apne baahon me liya tha use
Aur uske haath ka wo sparsh wo bhi sonam ke seene me
"sonam??" Arjun ne fir poocha
"h Haan arjun" sonam boli
"chot to nahi lagi na??" Arjun ne fir poocha
Is baar sonam ne apna sar hilakar na me jawab diya
Tabhi kuch bikes aate dikhai diye arjun aur sonam ko
Namit apne bigdail doston ke saath a raha tha
"tum yahan kya kar rahi ho iske Saath??" namit ne poocha
Arjun kuch Kehne hi wala tha ki sonam ne rok diya
"mai jahan jaun, jiske Saath jaun. Tumhari permission ki zaroorat nahi hai mujhe" sonam boli
"sonam, mat bhulo ki tum meri gf ho" namit chilla kar bola
"Mr namit, I'm not your gf. Apni ye soch apne Paas rakho, mai sirf tumhari dost thi, aur jab mujhe pata chala Ki tumhara irada Mujhe apne bed me litane ka hai tab se tumhe avoid kar rahi hoon, tum nahi samjhe isme meri koi galti nahi hai" sonam ek Saans me sab bolti gayi
"you.." bol namit gusse se bike se utra aur apna haath uthane gaya sonam par to Arjun ne us haath ko rok liya
"enough, bohut hua. Ye tum logo ka personal matter ho sakta hai. Lekin kisi ladki ke oopar haath uthana personal nahi hai" Arjun hola
Tabhi school ke kuch teachers wahan aane lage
"tu bach gaya. Lekin tu ab gaya. Tu sachmuch gaya" bol bike lekar namit aur uske gang wale sab chale gaye
Arjun ne ek lambi Saans li
Aaj fir se bach gayi sonam
-----------------------------------------------------------------
Sabzi Kaat raha tha anirban lekin uski nazar shreya ke short ne neeche uske gore gore paanv par thi.
Doodh jaisi safed ek pair ko doosre pair ke oopar rakhkar paper padh rahi thi
"uff" apne ungli ki aur dekhkar anirban ne dekha
Cut gaya tha
"kya hua" bol shreya kitchen me ghusi to use anirban dikha jo ungli ko chupa raha tha
" pata tha, Jiska kaam usi ko saaje dooja kare to danda baaje "bol shreya ne apne baalon ko bun bana kar kitchen sambhal liya
" apne liye roti aur chicken bana rahi hoon, khaoge?? Ya fir tumhara swabhiman tumhara ego aage aayega "shreya ne poocha
Shreya ke haath me jaadu hai pata hai anirban ko
Jis hisab se wo chicken banati hai uff
" thik hai"anirban bola
"thik hai tum bas chicken le aao jo fridge me hai" bol shreya kaam karne lagi kitchen me
Jo kabhi uska hua karta tha, do saal badi hone ki wajah se shreya kaafi matured thi decision lene me
Anirban special operations me aur shreya Nia me job karte hai
Lekin dono me kabhi bani nahi shaadi ke baad
Ek saal tak sab kuch thik raha
Lekin dono is shaadi ko Maan nahi pa rahe the
Fir kyun achanak shaadi ke baad pehli baar shreya itni cute lag rahi hai
Shreya dekh rahi thi anirban ko tuk tuk dekhe ja raha tha use, ek sharm si mehsoos hui use
Jo ladki bade bade chupe terrorist ko pakadkar case banakar use court le jaati thi wahi ladki aaj itna kyun sharma rahi thi.
"a aise kya dekh rahe ho, kuch kaam karo na" shreya uneasy feel kar rahi thi.
Lekin halki si gudgudahat ho rahi thi use
"tum bohut cute lag rahi ho shreya"anirban ke muh se achanak nikla
Jaise hi use realize hua usne kya kaha wo ulte pair chala gaya kitchen se
Cute..... Cute... Anirban ne cute kaha use??
Shreya ka dil zor de dhadakne laga
Shayad ab sab kuch thik hone wala tha
Pata nahi kyun lekin sab kuch thik hone wala tha
Aur se sabkuch ho raha tha use nalayak bhai arjun ki wajah se
Award + 5000 Likes + 30 days sticky Thread (Stories)
Award + 3000 Likes + 15 day Sticky thread (Stories)
Award + 1000 Likes
200 Likes for each report
