"ho gaya" nurse ne haskar bola
"thanks" muskurakar arjun bola
"poore 4 taanke lage hai arjun, shukr hai zayada deep nahi gaya cut" doctor bola
"thank god, ye sab kya hai arjun koun the wo log, kya dushmani thi usse meri? " sonam boli
"nahi sonam tumhari nahi, shayad mujh par hamla kiya gaya" Arjun bola
"tum par kyun??" sonam ne Poocha
"w wo isliye kyunki..." Arjun ko samajh me nahi a raha tha kya bole wo
"wo e ek bande ka udhar chukaya nahi arjun bhaiyya ne isliye shayad hamla kar diya" subhash ne baat sambhalne ki koshish ki
"strange, kitne paise Baaki hai dene ko mai de dungi" sonam boli
"are n nahi paise de diya jayega, aap tension na lo" subhash bola
Sonam kuch bolne hi wala tha ki tabhi doctor wahan a gaya
"aap sabhi bahar jaiye, police a rahi hai yahan. Arjun se kuch sawal poochne aur uska statement lene ke liye" doctor bola
"police?" sonam ne poocha
"Haan sonam, ye ab police case ban chuka hai, protocol to kehta hai pehle police ko inform karna chahiye fir ilaaj karna chahiye, lekin maine ilaaj kiya fir police ko inform kiya" doctor bola
"lekin.." sonam kuch bolne ja rahi thi lekin doctor ne ishare me samjha diya ki just ek statement dena hai arjun ko
Aur sonam ke saath subhash bhi bahar chale gaye
"good evening arjun" muskurate hue SI Ander aaya to Arjun ne uska name batch dekha
Sudhir tomar
"ab kaise ho??" SI ne poocha
"bas thik" Arjun bola
"bhai kamal hai har musibat ki jagah tum milte ho, us din party wale jagah par. Aur aaj ye tum par hamla hona. Lagta hai musibat ke saath kuch zyada hi pakka rishta hai tumhara" bol SI hasne lage
Lekin fir serious ho gaye
"hamla kab aur kaise hua" SI ne poocha to Arjun ne sab bol diya, sirf ye baat chupayi ki sonam par hamla hua
"great, hamlawar ki koi shinakt?? Thik se chehra dekha tumne??" SI ne poocha
"nahi, bataya to hai maine ki wo auto me tha aur maine apna peeth auto ki aur kiya jab hamla hua" Arjun bola.
"yani sab milakar hamla karne wala bina apna chehra dikha kar Bhaag gaya" SI ne poocha
"ji" Arjun bola
"thik hai, apna dhyan rakho.... Aur..... Ho sake to musibato se door raho" Arjun ke ekdum Paas aakar SI bol kar chala gaya ape do constable ke saath
"kaise khoosat the, dekhne me hi dar lag raha tha" Sonam ne policewalo ki aur dekhte hue bola
"acha mai nikal raha hoon arjun bhaiyya, hostel band hone wala hoga. Bye, bye Sonam didi" bol subhash chala gaya
"ye lo" sonam ne apne bag se kuch chocolates arjun ki aur dete hue bola
"ye kya hai? " Arjun ne poocha
"aise hi, bore ho rahe hoge isliye socha ki time pass ho jayega tumhara, waise chocolates meri fav hai. Mai har kisi ke saath share nahi karti" sonam boli
Tabhi use do log aate hue dikhai diye
"Arjun.... Arjun??" Arjun ko pata tha ye uski oversmart didi ki awaz hai
"kaisa hai abhi??" shreya ne poocha
Arjun ne dekha jiju bhi aaye the uske
Yaani dono ke beech ki daraar thik ho rahi thi
Chalo acha hai
"kaise hua ye sab aur......" anirban ruk gaya bolte bolte
Usne dekha ki ek cute aur khoobsurat si ladki shreya aur usko dekhe ja rahi thi
"sonam??" shreya ne poocha
"j ji" sonam ne apna sar jhukakar bola
"to tumne mere bhai ko hospital lekar aayi aur admit karwaya" shreya ne muskurate hue poocha
"Arjun ne to introduce karwaya nahi. Khair mai kar deti hoon, mai shreya arjun ki didi aur ye mere hubby anirban" shreya haste hue boli to anirban aur arjun dono chaunk gaye
Aurat kaise palat jaati hai koi shreya se seekhe
Koun kahega ki yahi shreya anirban ke saath nahi reh rahi thi, wo to priya madam ne dono ko ek Saath kaam karne ke liye bol diya hai warna Anirban ke saath banti hi nahi hai shreya ki
"mere khayal se mai ab hospital se nikal sakta hoon" Arjun bola
"are you sure??" anirban ne poocha
"Haan jiju lekin Haan mere khayal se ab mujhe apne hisab se kaam karna hoga, mai aur aap logo par rely nahi kar paunga" bol arjun ne apne bandaged haath ko dekha aur chal pada, iske Saath sonam bhi chal padi
"apne role me dhal raha hai arjun" shreya boli arjun ko jaate hue dekhkar
"hmm lekin itna zyada na dhale ki sonam ke saath kisi bandhan me na bandh jaaye" anirban bola
"kya bola tumne??" shreya ne suna nahi thik se kyunki anirban ne dheere se bola tha ye baat
"kuch nahi chalo ghar chalte hai" anirban bola
Aur shreya chaunk padi, 2 saal baad ghar ka Naam sunkar kuch ajeeb sa lag raha tha
------------------------------------------------------------------
"do baar, do baar is doodh peete ladke ne plan fail kar diya tumhara Farooq?? " vaishali apna drink peete hue boli
"tu kuch na hi bol to acha hai, tera party wala plan bhi to fail kiya usne" Farooq bola
"hah meri baat alag hai, plan set tha, kisi ne shayad inform kiya hoga use tabhi party me a gaya tha achanak, tumhara to nishana achook tha Farooq?? Fir kal raat ko kyun nahi maar paaye apne sniper se, mat bhool ye jo 20 laakh ka sniper lekar ghoom raha hai ye pakistani paise ka hai. Samjha"dahad uthi vaishali
"apni zaban ko lagam de warna..." Farooq chilla utha
"warna kya?? Tere jaise ko apne pair ke neeche rakhti hoon re kutte" vaishali boli
"tum dono ka ho gaya to mudde ki baat karein" sara ki awaz thi ye jo phone ke loud speaker se a rahi thi
"ab kya karenge??" vaishali boli
"kya karenge matlab? Jo mission hai wahi poora karenge, Farooq tum tension na lo, mauka aata rahega. Lekin ye ladka.... Kya Naam hai iska??" sara ne. Poocha
"ji arjun. Arjun puri" vaishali boli
"hmm arjun. Is arjun ke baare me pata lagao" sara boli.
"pata lagana kya hai, apni padhai poori nahi kar pata tha, ab poori kar raha hai. Ye to poora school jaanta hai" vaishali boli
"padhai tum bhi poori nahi kar paayi thi vaishali isliye school me ho tum.us information par vishwas na karo jo sab jaante hai, khud investigate karo" sara boli
"ji" vaishali boli
"chalo take care aur next step dhyan se aage khatra badhta rahega" sara boli aur phone rakh diya
"Arjun puri.... Interesting character hai tu, tujhe maine halke me liya tha" vaishali muskurate hue apne aap se boli
Shreya bhi keisi chameleon ban gayi aur kyun?
