THRILLING UPDATE
"thanks arjun in sab ke liye" sonam muskurate hue arjun se boli to Arjun bas dekhta raha sonam ko
Bas ek choti si mulakat wo bhi arjun ne apne liye sonam ko mana liya tha get together ke liye
"mujhe pata hai arjun mai tumhare dil me kabhi apna jagah bana nahi paungi, lekin tum jitna de rahe ho na?? Wo mere liye bohut se bhi zyada hai" sonam boli
"sonam mai...."arjun bolna chah raha tha lekin kuch Keh nahi paaya
" kuch mat bolo arjun, maine kaha na jitna tum de rahe ho wahi mere liye bohut hai.mai......"
DHADAMMMMM
Aur Saath hi arjun ki aankhen band ho gayi
" khatam kar do jald se ise Farooq "ek ladki ki awaz ke saath hi aankhen khul gayi arjun ki
Haath cheel gaye the aur sar fat gaya tha arjun ka, khoon behna ruk nahi raha tha
Usne aas Paas dekha kahin bhi sonam dikhai nahi de rahi thi
" yahan hai wo barkhurdar"ek awaz ne arjun ka dhyan apni aur kheencha
" dekh ye ladki ko jisko tu bachate a raha hai, aaj tere Saamne isko maar kar khatam kar dunga "Farooq tha ye
Maar dega?? Kya ye wahi log hai jo se sonam ko khatra hai, agar ye baat hai to ab wo bilkul laachar hai
Poora sharir Dard ke maare kaamp raha tha arjun ka, sonam behosh thi
" baaton me Waqt na barbaad karo Farooq, khatam karo ise"ek ladki ki awaz thi jo ek car ke Ander se a rahi hai
" jakar bol do sara madam ko, ladki aur uska bodyguard dono ko khatam kar raha hoon"farooq bola
"to hell with you" bol ladki car chalakar chali gayi
"hmm to barkhurdar dekhte hai ki ab tum is ladki ko bacha paate ho ya nahi" Farooq bola
Arjun poora zor lagakar uth khada hua, aur ladkhadate hue dekhne laga Farooq ko
"Bhaag ja yahan se aur teri Jaan baksh di jayegi" Farooq bola to Arjun wahan waise hi khada raha
Kis mitti ka bana hai ye ladka?? Farooq sochne laga
Chot achi khasi lagi hui thi arjun ko lekin fir bhi wo tas se mas nahi ho raha tha
"mujhe hara de aur ladki ki Jaan bacha le" Farooq bola jab dekha Arjun wahi data hua hai
Arjun ladkhadate hue hi pose lekar khada ho gaya ye bhi pata nahi tha ki wo aadmi kya sachmuch sonam ki Jaan baksh dega bhi ya nahi
Raat bohut thi aur ek sunsan sadak ke kone me ye sab ho raha tha, aaspas madad ke liye koi nahi tha, oopar se aadmi ke Paas . 5mm ki pistol thi, jis hisab se bol raha tha, magazine bhari hui hogi pistol ki. Aur uske Paas kuch bhi nahi,
Fire arms ke bina mission par Jaana tha arjun ko instruct kiya tha priya ne
"shuru karein" bol Farooq bhi pose me khada ho gaya
TAAD
Ek flying kick se Arjun ka sharir door chitak kar gira sadak par
Apne muh ka khoon saaf karte hue khada ho gaya arjun
"dekh kaise lagta hai jab kisi ki Jaan daanv par lagi hui hoti hai" bol Farooq ne apni kohni ko ghuma kar maara arjun ke kanpatti par
DHADAAk
Aur fir pet par punch
THABBB
"pffuhhhh" Arjun ke muh se khoon nikla aur wo wahi baith gaya
"dekh kaise lagta hai, dekh" Farooq bola aur baithe hue arjun ke shirt ke collar ko pakadkar bola
Yahi arjun chahta tha, uske chehre par ek muskurahat tair gayi
Farooq ko samajh me kuch nahi aaya, lekin achanak uske pocket me sarsarahat hui
Isse pehle ki wo kuch samajh paata, arjun ne Farooq ke pocket se pistol nikala aur
DHAM DHAM DHAM
Pistol unlock thi aur goliyan Farooq ke seene ko chalni karte hue chali gayi
Farooq ki Ankhen badi hoti gayi
"dhokha" bas itna bol paaya Farooq
DHAPP
bejaan sharir gir gaya zameen par Farooq ka
DHAPP
Arjun ka sharir bhi gir gaya zameen par
------------------------------------------------------------------
HOME MINISTRY
(NEW DELHI)
"ridiculous" home minister bol pade
Apna chashma nikala aur priya ko ghoorne lage
Priya chup rahi aur sar jhukaye baithi rahi
"kya explanation hai priya??" home minister ke sawal ka koi jawab nahi tha priya ke Paas lekin jawab to dena hi tha
"sir Hum logo ko koi idea nahi tha ki external influence rahega is ladki ko maarne me, tip mili thi ISI hai lekin direct terrorist involve honge ye pata nahi tha" priya boli
"isliye ek doodh peete bachhe ko bhej diya wahan, are you out of your mind priya??" home minister bole
"sir arjun puri ne akele poore terrorist camp ko udaya tha, plus recommendation tha special operations ki aur se" priya boli
"come on priya, kab se ministry of external affairs hamare kaam me recommendations dene lage?? " home minister bole
Priya ke Paas ab bhi koi idea nahi tha
"lekin sir usne ek most wanted al-badr ke wanted terrorist ko maar giraya hai, wo bhi akele" priya boli
"Haan lekin ab ye ek bada loophole ko dikha raha hai priya, ab ye news poore India me har channel wale dikha rahe honge" home Minister bola
"nahi sir, arjun ke gps tracker se hum jaldi site par pohunch gaye, media house ko bas itna pata hai ki accident hua hai, Baaki laash ko NIA waale study kar rahe hai" priya boli
"waise how's the girl??" home minister ne poocha
"wo thik hai, bas arjun ko gehri chot aayi hai, sar par taanke lage hai aur left pair me swelling hai, kamal ki baat hai ki khoon zyada behne ke bawajood wo stable hai" priya boli
"waise tumhe kya lagta hai priya, kya arjun ko continue karna chahiye ya full security deni chahiye??" home minister be poocha
"pata nahi sir, lekin arjun ko hatana is Waqt sahi nahi hoga, pata nahi mujhe aisa kyun lagta hai ki arjun se acha ye kaam koi kar nahi sakta" priya boli
"aisa kyun lagta hai tumhe??" home minister ne poocha
"kyunki aise hi ek situation me usne apne mangetar ko khoya hai, mere khayal se wo ainda kisi ko uske Saamne maarne nahi dega" priya boli
"OK priya jo karna hai karo aur deep jao aur pata karo ki conspiracy kitni gehri hai" home minister bole
"sure sir" bol uth khadi hui priya aur bahar chali gayi
Tez kadmon ke saath hospital ki aur Jaane lagi wo
