Thriller THE BODYGUARD (Completed)

[Shyam Singh]

Awesome update

 

[RAAZ]

Ho gaya mission fail. Aur yah Arjun hai hi idiot ase personal aur emotional soch walo ka NDA me koi kaam nahi. Jaha desh ko sab se upar rakhna chahiye wahi yah Moron apni ashiqui ke chakkar me lag kar karwa bethay mission fail.

 

[Vikram Bhosle]

SuperB update

 

[Aryanv]

Let's see what happens

 

[Chinturocky]

Itana bewkoof kaise Ho sakta hai Arjun.

 

[Mr. Nobody]

Nice update.

 

[Black water]

Waah fabulous update bhai

 

[Raj142]

FABULOUS UPDATE BHAI
KEEP POSTING....

 

[Poojasingh69]

Bed se kood pada arjun
Damn damn damn aaj hi late hona tha use, kahan aaj wo doosre din sheela madam ko dekhta aur kahan itni der soya
Jaise taise ready hokar bike je Saath nikal pada arjun
Aaj mausam bhi acha tha, baadal ghire hye the aasmaan me aur thandi thandi hawa chal rahi thi, arjun daatve aasman me tha
Subhash ka call a chuka tha jise usne reject kar diya tha

School par apne bike ki parking karne ke baad arjun lagbhag daudte hue apne class ki aur ja raha tha ki use seediyon se sheela madam aati dikhai de rahi thi, black saree pehen kar kya lag rahi thi sheela madam
Arjun abs dekhe ja raha tha sheela ko
Aisa roop aur aisi khoobsoorti jaise inayat khadi ho uske saamne

"AHHH" achanak sheela ka pair fisla aur wo seedha seediyon se girne hi lagi ki arjun bijli ki tarah Saamne aaya aur sheela ko thaam liya kisi hero ki tarah
Sheela ne aankhen band kar rahi thi

"madam?? Madam??" Arjun ne dheere se bola to sheela ne apni aankhen kholi

"it's ok?? Aap thik hai??" Arjun ne poocha.

"h Haan arjun I think I'm fine" bol sheela ne apni nazren jhuka li aur arjun ko achanak yaad aaya wo sheela madam ko thaame hue tha
Usne jhat se apne haath hata diye aur sheela apne class chali gayi

"kya baat hai aaj akela chodkar a gaye??" sonam ki awaz ne arjun ko sheela ki yaad se bahar nikal liya

"sorry wo actually mujhe yaad nahi tha" Arjun bola

"kya baat hai arjun do din se dekh rahi hoon tum kuch khoye khoye se ho, aur sheela madam ke aas Paas ghoom rahe ho" sonam boli

"oh come on sonam sheela madam se kal hi Mike hum sab, aur aaj to unka pair fisla aur maine bacha liya, tum kahan se baat lekar baith gayi" bol arjun wahan se chala gaya lekin sonam ke dimag me kuch shaque paida kar gaya
Sonam ne Waqt na gawate hue turant subhash ko phone kiya

"pata hai didi, kal se hi calls ignore kar rahe hai wo" subhash bola

"aisa kyun kar raha hai, samajh me nahi a raha" sonam boli

"waise sonam didi hamare school me to kai teachers hai jo English padhati hai, fir ye sheela madam achanak kyun??" subhash bola

"pata nahi subhash lekin tu ye achanak kyun pooch raha hai" sonam boli

Subhash aage kuch nahi bola pata nahi kyun ye baat use ajeeb si lagi, teaching se zyada gappe maarna, students ke doubts na clear karke baat ghumana aur to aur jo studies na karmakar bas masti baazi karna
Ye koun teacher karta hai, khaaskar baar baar arjun bhaiyya ke class me jaana
Seriously kuch to hai

"sonam didi agar aaj free ho to kya arjun bhaiyya par nazar rakh paogi, meri class doosri hai mai nahi kar paunga" subhash bola, sonam par aise vishwas karna thik nahi lekin wo kare bhi to kha. Sonam ko chodkar aur koi itna close nahi hai arjun ke
Isliye ye kaam sonam ko saupna thik rahega

"ok subhash par kyun??" sonam ne poocha

"lagta hai arjun bhaiya us English teacher par lattu hai, isliye" bahana bana kar subhash bola aur ye kaam kar gaya

"done chal mai rakhti hoon aage phone karti rahungi" bol sonam ne phone Kaat diya
Aur apne class chali gayi

Class to chali lekin arjun ne English class zyada ache se attend kiya
Aur sheela madam bhi muskura uthi kabhi kabhi arjun ko dekhkar

"Arjun chalo aaj coffee peene, waise bhi aaj agar tum na hote to seediyon se girkar to...." sheela ne arjun ko invite kar diya

"h Haan kyun nahi coffee k kab??" Arjun ko shayad yakeen hi nahi hua

"aaj shaam 9 baje" sheela boli

"9 baje??" Arjun ne poocha

"koi problem??" sheela ne palat kar poocha

"n nahi d done 9 baje" Arjun bola aur khushi khushi wapas a gaya ghar
------------------------------------------------------------------
"one of the best coffee" sheela boli to Arjun muskuraye bina na reh saka

"waise hum sirf coffee hi piyenge ya kuch aur bhi order karenge??" sheela ne poocha

"h Haan bolo kya order kare??" Arjun ne poocha

"wo tum jaano" has kar sheela boli
Apne time se pehle pohunch gaya tha arjun lekin sheela apne time se thoda late pohunchi thi
Lekin isse arjun ko koi gila shikwa nahi tha
Uski kahani tez pakad rahi thi aur bas ab use sheela ke roop me wapas inayat milne wali thi

Coffee aur khana to bas bahana tha arjun sheela ko dekhte rehna chahta tha
Baaton ka daur chala aur achanak sheela boli
"gosh kaafi late ho gayi arjun I think we should leave"

"Haan chalna chahiye" ghadi me raat ke 12.25 baje the aur is area me jagah kaafi sunsan rehta hai

"thank you for the lovely evening Arjun" bol sheela arjun ke gale lag gayi
Arjun ne aankhen band kar di shayad yahi wo pal tha jiska wo inte zar kar raha tha

"ARJUNNNNNNNNN"ek awaz sunai di arjun ko ye sonam ki hi awaz thi
Arjun peeche muda hi tha ki...

DHADAKKKK

Ek dhakke ne arjun aur sheela ko chuka kar door fenk diya
Aur usi waqt

DHAMMMMMM

goli ki awaz chali aur sonam dhadam se zameen par gir gayi

Arjun ke sochne samajhne se pehle uske charo aur kuck logo ne gher liya

"sorry arjun, nothing personal" sheela ne apni saree utaar fenki aur sports bra aur jeans me khadi ho gayi
Apne haath me ek gun lekar

bahut bada update hai 1 ghante lage padhne me

 

[Swaraj]

Arjun ghir chuka tha aur kuch sochne samajhne ki shthiti me Nahi tha
Usne dekha ki sheela ne kisi ko phone lagaya aur haskar baatein karne lagi

"so arjun marne se pehle koi khwahish??" sheela ne poocha

"kyun??" bas itna hi bol paaya arjun, awaz bharra gayi uski

"kyun?? Kyunki tere sar par paisa tha yaar, waise I liked you. Tu wo romantic type hai jise shayad mai kuch din rakh sakti thi lekin kya karun yaar ye paisa hai hi aisi cheez" sheela boli aur usne bandook taan liya arjun par

Arjun ne dekha sonam ka sharir kuch door pada hua tha
Usne aankhen band kar di, wo kuch nahi kar sakta tha

DHAM DHAM DHAM

Arjun ne apni aankhen kholi uske Saamne kuch log gir gaye

"dhoka, gear up boys" sheela boli aur cover le liya aur goliyan chalane lagi

CHYOOM CHYOOM

do log aur gir gaye

"damn, cover me guys" bol sheela wahan se bhaagne lagi aur kuch logo ne usko cover dekar tabadtod fire karna shuru kar diya

Arjun ne dekha shreya kuch logon ke saath wahan pohunch gayi
Aur usme se ek aadmi sonam ke Paas jaakar uski nabz check karne laga

"urgent hospital lekar Jaana Hai, kandhe par goli lagi lekin khoon beh raha hai zyada, late ho gaye to shayad haath zyada infected ho jayega" aadmi nabz check karte hue shreya ko dekh bola to shreya ne ishare se aisa karne ko kaha
Turant sonam ke sharir ko ek jeep me lekar kuch log chal pade, kuch wahan ki tazveerien lene lage aur kuckh wahan se sample collect karne lage

Shreya ne arjun Ka collar pakda aur uthaya.

"didi mai...."

CHATAAAAAKKK

Ek jhannatedar thappad pada arjun ko

CHATAAAAAAKKKK

doosre gaal par pada

Shreya ne phone lagaya usi waqt

"madam shreya here, sonam is in critical condition, use hospital shift kar rahe hai" shreya phone par boli

"aur arjun??" priya ne poocha.

"he's good for nothing madam, aaj ek bada haadsa hua hai aur uski wajah arjun hi hai. Mai apni poori report bana rahi hoon, aapko pata chal jayega" shreya boli aur priya ke kuch samajhne se pehle phone Kaat diya

"you bastard, you are neither fit for army, nor fit for anything" bol shreya wahan se chali gayi, dheere dheere sab chale gaye lekin arjun wahan baitha raha

Tap tap tap

Barish hone lagi aur arjun ko poori tarah bhigone lagi
Lekin arjun apna sar jhuka kar baitha raha

Ek bodyguard ka kaam hota hai uski raksha karna jiska wo bodyguard hai lekin aaj sonam ne arjun ko bachaya, aur bachaya tha inayat ne arjun ko us raat ko
Agar wo na hoti to Arjun ki jagah aaj inayat zinda hoti
Sheela me inayat dhoonde nikla tha arjun
Sab kuch bhoolkar ye bhi bhoolkar ki sonam ki Jaan khatre me hai

Aur aaj shayad sonam ki haalat ka zimmedari bhi arjun hi hai
Na army me use jagah mili na yahan, jaaye to jaaye kahan arjun
Rone ka man kar raha tha, lekin Kehte Hai na mard rote nahi
Shreya ne jo tevar dikhaye hai usse ye to saaf hai ki sonam ko ab se wo guard nahi karega

"Arjun bhaiyya??" subhash ki awaz sunkar chaunk pada arjun

"subhash mai..." Arjun safai kahan se de samajh nahi a raha tha use

"anirban bhaiyya ne kaha tha aapko full support doon, aur wahi maine diya, aapko mai apna inspiration maanta tha, ab nahi, sorry lekin aaj...." itna keh subhash nikal gaya
Arjun akela tha bilkul akela
------------------------------------------------------------------
" mujhe kuch nahi sunna priya, aap logo ne mujhe yakeen dilaya tha aur aaj meri beti yahan hospital me hai "Mrs joshi rote hue boli

"madam shant ho jaiyye sonam stable hai, doctors ne bola hai bas teen din ka bed rest fir wo Ekdum normal ho jayegi" priya boli

"aur wo goli ka Zakhm?? Wo bharega???" Mrs joshi baras padi priya par

Shreya sab dekh rahi thi, uska sar jhuka hua tha apne bhai ke liye
Anirban out of city gaya tha isliye usse touch me nahi the priya aur shreya
Waise bhi anirban ko lagbhag out kar diya hai home ministry ne

" I don't want that bastard to guard my baby priya, mujhe full z+ security chahiye sonam ke liye" Mrs joshi boli

"madam technically possible nahi hai, ye sirf aapke liye hai, apne family members ke liye nahi, aur sochiye kya effect hoga sonam par job wo ek Saath itne bodyguards ke saath jayegi?? Uska freedom cheen jayega" priya samhhate hue boli

"to mai kya karun??" Mrs joshi ne poocha

"dekhiye pehle sonam ko jaagne dijiye aur usse statement lene dijiye fir hum kuch decide kar lenge" priya boli

Shreya priya ki aur dekh rahi thi, agar priya chahti to jhatke me arjun ko nikal fenk sakti thi
Lekin unhone aisa nahi kiya, kyun?? Ek soft corner hamesha se priya ke dil me hai arjun ko lekar

"shreya let's move" priya boli aur shreya ke saath nikal gayi hospital se bahar
Jaate Waqt commandos ko kuch hidayat de gayi jo sonam ko guard jar rahe the US waqt

"anirban pohunch gaya??" priya ne poocha

"madam ye sab kya hai" shreya se aur nahi raha gaya

"jo bhi ho, tum dono ki jodi mast hai matlab just made for each other" priya haste hue boli

"madam please baat ko ghumaiye nahi" shreya bol padi

"tum samjhogi nahi shreya" priya boli

"samajhna chahti hoon, arjun abhi tak out kyun nahi hua?? This is not a mistake madam it is a blunder, aur aise blunders ki koi maafi nahi" shreya boli

"shreya ye sab samajhne ke liye tum choti ho, pehle sonam ka statement a jaaye fir we will decide" bol chali gayi priya apne Gaadi me

Shreya ne apna phone ghumaya anirban ko
Kuch baatein discus karna zaroori hai