"bhai ye bag tera hai??" sub inspector tomar ne arjun se bag cheen liya aur khol diya
"dekh le bhai kya kya rakha hai isne" tomar bola aur Anika ne jhaak kar dekha
Bag me pistol, binocular army knife aur kuch grenade the Saath me kuch magazine
"dekha madam, sahab terrorist the. Aaj pakad me nahi aata to pata nahi kya kar baitha" tomar ne bola
Anika ne nafrat bhari nazron se dekha arjun ko
Arjun ko pata tha ki ab uski koi nahi sunega, tomar uske peeche pad gaya hai.haan ek baat hai ki police ki wajah se kam se kam Baaki dushman se bache rahenge aur...
CHANAAAKKKK
KHACHH
CREEECHHHHHHHHHHH
Police ki jeep bekabu hokar idhar udhar Jaane lagi
"driver??" tomar ne dekha driver bejaan hokar sar ludkaye baitha raha
Uske seene me goli lagi thi, kaanch todkar goli ne apna nishana banaya tha
Sniper??? Arjun ne socha aur bina kuch soche...
DHADDD
Ek laat padi saamne baithe constable ko
Isse pehle doosra constable kuch kar paata
DHADAK
Ek laat padi use
DHADD THAKK
Bas doosra round aur dono policwale andhere ki duniya me chale gaye
Anika sabkuch darr ke dekh rahi thi
Tomar driver se control lekar jeep ko chalane mr busy tha, chahat bhi kuch nahi kar sakta tha
Arjun ne bag pakda aur Anika ka haath pakadkar jeep se jump maar diya
"ouch... Chodo mujhe terrorist kahi ke"
" Anika mai.. "
KHATTTTT
Saamne ped ke ek hisse ke parkhachhe udd gaye
Sniper abhi bhi nazar rakhe hue hai
Arjun ne Anika ko kheechkar ped ke aad me le gaya, jhatke se bag khola aur pistol nikal kar magazine check kar liya
Aur ungli ke ishare se anika ko chup karne ko kaha aur kheechkar baitha diya
DHAMMM
Ek goli chali aur jeep me baithe tomar ko lagi
"madam bas ek policewala hi hai yahan" ek aadmi ne apni bandook lehrakar bola
"well well well, police ka jungle me kya kaam hai sir ji, dekhiye jaise bin matlab Jaan ja rahi hai" sheela ki awaz thi
Aur arjun ne apne pistol par grip mazboot kar li
"koun ho tum....." apne seene par haath rakhkar bola tomar bola
"kya sahab jungle me aise nahi ghoomna chahiye policwale ko, kab kya ho jaaye" sheela ke awaz thi
Arjun ne apni grip mazboot kar li bandook par
"you....." tomar ne apni gun nikali
DHAMM DHAMM
Tomar laash ban chuka tha
"kya yaar, baat kar rahi thi aur tum logo ne maza kharab kar diya, khair ab laila majnu ko dhoondo, aas Paas hi honge" sheela boli aur uske aadmi turant fail gaye
"Arjun sweetheart kab tak chupe rahoge?? Bahar a jao, milakar ghar basayenge. Pyaar karenge" sheela boli
"ye to sheela madam ..." anika hairaani se dekhne lagi, uske samajh me kuch nahi a raha tha sab sar ke oopar se nikal raha tha
"sab bataunga anika, bas Filhal bhagwan ke liye chup raho" Arjun fusfusaya
Kaafi der baad jab arjun ko laga ki wo log chale gaye hai usne apna shirt nikal kar faadkar chote chote tukdon me kaatne laga
"Arjun tum kuch batane wale the" apna chehra doosri taraf ghumakar boli anika
"batata hoon bas ek minute...... Haan chalo" bol arjun ne bag kandhe par rakh diya aur apne shirt ke tukdon ko haath me rakh liya aur chalne laga
"ab batao, aur ye apni shirt kyun faadi tumne" anika boli
"raaste me fenkne ke liye" Arjun bola
Anika ko samajh me nahi aaya
"Anika mai koi majboor student nahi hoon" Arjun bola
Anika chup rahi
"mai Indian army ke para sf ka ek commando hoon, mujhe yahan ek mission ke liye laaya gaya tha. Jo tha tumhari badi behen ko cover karna ya kaho uska undercover bodyguard banna" Arjun bolta chala gaya
"aur uske baad tumne didi ke saath Saath Mere Saath pyaar ka khel khela" anika lagbhak roti hui boli
"nahi Anika tumse sachche dil se pyaar karta hoon, isliye tumhe khona nahi chahta. Ek baar maine aise hi ek insaan ko khoya tha, ab wo galti nahi karunga" Arjun bola
"isliye tumhe police par vishwas nahi hai, na gharwalo par vishwas hai" anika boli
"police bik chuki thi anika, rahi baat gharwalo ki to tum khud bolo, jab tumhare papa ne gandi nazar daali tum par to kya tumhari maa ne unka Saath nahi diya tha??" Arjun ne poocha
"wo isliye kyunki...." bol chup ho gayi anika
"tumhe mujh par vishwas hai ya nahi Anika??" Arjun ne achanak ruk kar poocha
Anika kya bolti, ek hi din me itne Shock mil raha tha use ki...
"pata nahi arjun, lekin ab kya plan hai??" Anika ne poocha
Arjun chup raha. Plan use bhi nahi pata tha
Bas itna pata tha anika ko bachana hai
------------------------------------------------------------------
"sir?? Aapka shaque sahi tha Mrs joshi ke phone me pakistan se call aaya that operator anjali boli
BANG
anirban ne ek muthhi maari table par
Uska shaque sahi nikla
" poora details chahiye anjali, everything "anirban bola
" sir aapko kya lagta hai Isi involve hai, ya kisi aur ki sazish hai?? "anjali ne poocha
" uske liye khud investigate karna hoga anjali, tumhe kya lagta hai poochne par wo batayenge?? "anirban ne poocha.
Anjali has padi.
"jao jao jald se jald poora details nikalo, ho sake to tap karo calls ko" anirban bola
"sir?? Privacy breach hoga, hum fas sakte hai" anjali boli hairan hokar
"anything for India" anirban muskurate hue boli aur anjali salute karke chali gayi
Anirban ne jhat se phone nikala aur shreya ko call lagaya
"bolo ani" shreya bol uthi
"Arjun ko help chahiye shreya, humara poora information galat tha, case poora u turn lekar ja rahi hai" anirban bola
"ani don't talk like a child, arjun aaj hi wapas a jayega, kahan ki help, kaisi u turn??" shreya boli
"mai kaise samjhaun shreya mai..." anirban ko samajh me nahi a raha tha ki kya bole ki shreya Maan jaaye
"sorry ani I'm a bit busy now, will talk to you later" bol Shreya ne phone rakh diya
Anirban soch me pad gaya ki kya karna chahiye
Tabhi use SMS aaya subhash ka jise padhkar uski aankhen badi ho gayi
