Update 1
Ek ladka jo abhi 18 saal ka tha, apni school uniform main ghar ki taraf jaa raha tha. Uski aankhon par mota sa chashma tha aur chehre par kitaabon ka bojh saaf dikh raha tha. Woh apne khayalon main itna dooba hua tha ki usse samne se aate hue log tak dikh nahi rahe the
"Aah...!"
Achanak woh zor se kisi se takraya aur uskii kitabein zameen par bikhar gayin. Usne sir utha kar dekha, toh samne teen ladke khade the, jinhe poore school main har koi janta tha—Vimal, Golu, aur Ajju. Ye woh log the jinke naam se bache darrte the aur teachers bhi unse zyada ulajhte nahi the.
Vimal, sabse aage khada tha. Uske chehre par ek ajeeb si smirk thi. Uske left main Golu tha, jo hamesha khaane-peene ki baatein karta tha aur bade-bade muscles wala tha. Aur right mein Ajju tha, jo toda patla aur teekhi aankhon wala tha, aur Vimal ka sabse zyaada wafadar saathi tha.
Vimal ne halke se ladke ki taraf jhuk kar kaha,
Vimal : Kya be, kaha jaa raha hai, humse chup kar?
Uski aawaz mein ek ajeeb si aag thi, jo seedhe ladke ke dil mein darr paida kar rahi thi.
Ladka , ghabrahat main apne chashme ko adjust karte hue bola,
Ladka : Dekho... tum haato mere raste se... nahi toh main... main...
Uske shabdon mein darr saaf jhalak raha tha.
Golu zor se hasa aur kaha,
Golu : Yeh bakri ki tarah 'main main' kyun kar raha hai? Seedha-seedha bol na, kya karega tu?"
Golu ne ladke ki ek kitaab uthaayi aur uske panno ko phaadna shuru kar diya.
Vimal ne usse rokte hue kaha,
Vimal : Oye! Golu, thoda dimaag laga. Exam aa rahe hain, aur ye ladka padhaku hai." ( Phir woh ladke ki taraf mud kar bola ) "Ek kaam kar, Devansh. Hum main bhi padha de thoda. Exam ke liye taiyari karni hai."
Devansh, jo abhi bhi dar se kaanp raha tha, usne saaf mana kar diya,
Devansh : Main... main nahi padha sakta... mera homework hai."
Devansh ka jawab sunkar Vimal ko gussa aa gaya. Uski aawaz thodi aur tej ho gayi,
Vimal : Tujhe lagta hai tu hum main padhai karne se rokega? Chal, shuru ho ja!"
Lekin Devansh ne himmat karke fir se mana kiya,
Devansh : Nahi, main nahi kar sakta..."
Yeh sunkar Vimal ne Devansh ko zor se dhakka diya. Devansh, zameen par gir pada. Ajju aur Golu ne uski saari kitabein uchhal di. Vimal ne uske chashme ko uthaya aur use tod diya. Aur bola
Vimal : Ab dikhega tujhe...!" ( Vimal ne hansi main kaha ). "Aaj ke baad school main dikha na, toh samajh lena ki tumhara kya hoga."
Teeno waha se haste hue chale gaye, Devansh akela zameen par pada tha. Uski aankhon se aansu beh rahe the. Akelepan aur becharepan ka ehsaas uske dil ko tod raha tha. Uske paas us waqt bas woh toota hua chashma aur bikhri hui kitabein thi.
Devansh ne dheere-dheere uth kar apni bikhri hui kitabein ikatthi ki aur unhe apne bag main daala. Uska dil dukh se bhaari tha. Toote hue chashme ko usne jeb main rakha aur ghar ki taraf chal diya. Uski aankhon se aansu rukne ka naam nahi le rahe the, par usne unhe jaldi se pocha, kyuki woh nahi chahta tha ki uski family ko uski is haalat ke baare main pata chale.
Ghar pahunchne par, uski badi behen Sanya ne darwaza khola. Sanya Devansh se 5 saal badi thi aur ek badi multinational company main senior software engineer thi. Woh Devansh ko bohut pyaar karti thi aur uske liye ek dost se badhkar thi. Usne Devansh ke chehre par udaasi dekhi aur turant uski taraf badhi.
Sanya : Devansh, kya hua? Tumhari halat aisi kyun hai?
Sanya ne chinta se poocha.
Isi waqt, unke papa, Dr. Veer Saxena, kamre se Bahar aaye. Dr. Veer Saxena ek maane-huye senior scientist the, jo apni research ke liye jaane jaate the. Par ek saal pehle unki ek lab main ajeeb si ghatna hui thi aur uske baad se woh sirf apne ghar par hi kaam kar rahe the. Unhone bhi Devansh ki taraf dekha aur unke chehre par chinta saaf dikhne lagi.
Dr veer : Beta, kya hua? Tumhare kapde itne gande kyun hain aur tumhara chashma kahan hai?
Dr. Veer ne pucha.
Devansh ne unse nazar milane se bachate hue jhoot bola
Devansh : Kuch nahi papa, main sports ke liye practice kar raha tha, isliye gir gaya tha. Chashma... chashma toot gaya, woh thoda sa slip ho gaya tha haath se.
Devansh ka jhoot sunkar Dr. Veer aur Sanya ko uski baat par poora vishwas nahi hua, par unhone us waqt Devansh par zor nahi daala. Sanya ne pyaar se Devansh ke baalon par haath phera aur kaha,
Sanya : Thek hai, abhi tum fresh ho jao. Main tumhare liye chai banati hoon.
Devansh chupchap apne kamre main chala gaya. Usne bag se kitaab nikaali aur Uske mann main ab bhi woh subah wala sapna ghoom raha tha. Woh jaanta tha ki Use pehli baar woh teeno ladke, Vimal, Golu, aur Ajju, se badla lene ka khayal aaya. Usne dil mein socha, " kass mere pass saktiya hoti toh aj main un 3no ko Nahin chodta "Uske andar ek naye jazbe ki aag jal chuki thi, ek aisi aag jo use is baat se anjaan thi ke uski yeh soch uske Kal ko puri tarha se badal ke rak dega
Raat ke khane par, Devansh, Sanya aur Dr. Veer Saxena ek saath baithe the. Devansh ab bhi chup-chup sa tha, uske chehre par udaasi saaf dikh rahi thi. Sanya chupchap apna khana kha rahi thi, lekin usne dekha ki unke papa Dr. Veer Saxena kaafi pareshan lag rahe the.
Sanya ne chinta se pucha,
Sanya : Kya hua dad, ap itne pareshan kyun lag rahe ho?
Sanya ki awaaz sunkar Devansh aur Dr. Veer dono apni gehri soch se bahar aaye. Dr. Veer ne Devansh ko dekha aur phir Sanya ki taraf mudkar jhooth bolte hue kaha,
Dr veer : Kuch nahi, aisi koi baat nahi hai.
Lekin Sanya ne unke chehre par chinta saaf dekh li thi. Usne zidd karte hue kaha
Sanya : Nahi dad, ap jhoot bol rahe ho. Boliye na, aisi konsi baat hai jiski waja se ap itne pareshan lag rahe hain?
Dr. Veer ne baat ko taalna chaha,
Dr veer : Koi baat nahi hai baba, tum aisi hi shaq kar rahi ho.
Lekin Devansh, jo abhi tak chup tha, ne bhi himmat karke kaha,
Devansh : Kya hua dad? Please, sach-sach batao na kya hua hai apko? Meri kasam, please dad.
Devansh ki kasam sunkar Dr. Veer thoda ghabra gaye. Unhone ek lambi saans li aur kaha,
Dr veer : Yeh tumne kya kiya beta... thek hai, main batane ko taiyaar hoon. Lekin tum dono ko mujhse ek wada karna hoga ki main abhi tum dono ko jo bhi batane jaa raha hoon, uske baare main kuch bhi, kabhi bhi, kisi ko nahi bataoge. Okay?
Sanya aur Devansh ne ek saath kaha,
Dono : Okay dad, promise! Hum kabhi kisi ko nahi batayenge. Ab batao.
Dr. Veer ne apni baat shuru ki
Dr veer : Beta, main pichle 10 saalon se ek secret project par kaam kar raha hoon... ek aisi ring, jis mein bahut saari magical powers hain.
Devansh ne baat kaati,
Devansh : Kya dad, ap bhi na! Aisa kuch nahi hota is duniya main.
Dr. Veer ne uski baat par dhyan na dete hue kaha,
Dr veer : Nahi beta, tum isko mazak main mat lena. Yeh sach hai. Aur woh ring kisi aur ki nahi, balke Bhagwan Shri Krishna ki hai. Usmein bahut saari shaktiyan hain.
Devansh hairani se bola,
Devansh : Accha, phir batao ki woh ring unki kaise hui aur ab kahan hai?
Dr. Veer ne ek pal ruk kar kahani shuru ki,
Dr veer : Yeh baat Mahabharat ke yuddh ke samay ki hai...
Mahabharat ke yuddh ke samay, jab kurukshetra main yuddh chal raha tha, tab Lord Krishna ne Arjun ko apna Virat roop dikhaya tha. Us dauran, Shri Krishna ke haath se unke khoon ki ek boond zameen par giri. Us pavitra khoon ki boond mein brahmand ki saari shaktiyan thi. Jab woh boond zameen se takraayi, toh usse ek roshni nikli aur ek ring ka janm hua,
Dr. Veer :
Is ring main 4 mukhya shaktiyan thi.
1st : invisibility, jo insaan ko kisi bhi buri nazar se chhupa sakti hai.
2nd : Divya Shakti, jo Bhagwan Shri Krishna ke jaisi shaktiyan deti hai, jaise weather control, healing aur mind reading.
3rd : Samay Chakra, jisse time travel kiya ja sakta hai.
Aur 4th ka Kisi ko pata nahin Hain Lekin kaha jata Hain agar 4th sakti ko jagaya jaye toh us main itni power Hain ke woh pal bar main is bramhand ko khatam kar denga
Yuddh ke baad, Shri Krishna ne is ring ko surakshit rakhne ke liye ek gupt sthan par chhupa diya tha. Lekin samay ke saath, woh ring kahin kho gayi. Main pichle 10 saalon se usi ring ko dhoondh raha hoon. Main chahta hoon ki woh ring sahi haathon mein aaye, taaki iska galat istemal na ho.
Dr. Veer ne apni baat khatam ki aur Devansh aur Sanya ko dekha. Dono ko unki baat par vishwas nahi ho raha tha, lekin unke papa ke chehre par chinta aur sachai saaf dikh rahi thi.
Dr. Veer ne ek pal saans li aur unki aankhon mein ek gehra ehsaas tha.
Dr veer : Mahabharat yuddh ke baad, jab ring ka janm hua, tab Shri Krishna ne Arjun ko bataya tha ki yeh ring uske paas tab tak rahegi jab tak usse koi yogya rakshak na mil jaye. Lekin Shri Krishna ne ek bhavishyavani bhi ki thi, jo waqt ke saath gupt ho gayi thi.
Dr. Veer ne aage kaha,
Us bhavishyavani ke anusaar, kalyug ke ek daur main, jab adharm aur burai apne charam par hogi, tab ek shudh dil ka ladka is ring ko dhoondh nikalega. Woh ladka wahi hoga jise zindagi mein galat tareeke se pareshaan kiya jayega, jiska dil dukhega aur jise na insaafi ka saamna karna padega. Uska dil toote hue sheeshe ki tarah hoga, lekin usmein sahi aur galat ki pehchan karne ki taaqat hogi."
"Woh ladka us ring ko sirf shakti ke liye nahi, balki insaaf aur badle ke liye khojega. Lekin woh badla lene ke liye shakti ka sahi istemal karna seekhega. Ring uski sabse badi shakti aur sabse badi kamzori bhi banegi. Woh rakshak, Bhagwan Shri Krishna ke adarshon par chalega aur burai ko khatam karega, aur is ring ko sirf sahi kaamon ke liye istemal karega.
~~~aj ke Liye itna hi ~~~
Pasand aye toh like aur comment lazmi dena agar koi galti hui Hain toh maaf karna
