spritemathews
Well-Known Member
- 3,375
- 7,205
- 158
S M H R
Active Member
- 696
- 1,608
- 138
Nice updateJese hi vashikaran hatta hai, Vikrant jor se ek dard bahri chikh nikalta hai aur Gauri ji ko gale lagate huve, niche beth jata hai. Wo dard aur dar ke sath aansu bahaye ja raha tha. Gauri khone ke dar me wo bas chilaye ja raha tha.
Vikrant Gauri ji ko apni god me liye betha huva tha. Gauri ji sarir se bahot hi jyada khun bahe ja rha tha. Unki sanse ab tutne lagi thi. Gauri ji tuti huvi awaz me kuch kehna chahti thi. Par Vikrant kuch bhi sun ne aur samajne ki sthiti me nahi tha. Vikrant bas zor zor se chilaye ja raha tha. Use pata tha uski sabse nazdik vyakti ab use chod ke jaane wali hai. Aur kuchi der mein Gauri ji apni aakhri saans lete huve, Vikrant ki god main hi dam tod deti hai.
Jese hi Vikrant ko pata chala ki Gauri ji ki saansein chhut gayi hain, wo pagalo ki tarah aur zor se chillata hai. Wo Gauri ji ko niche laitata hai, aur gusse me khada hota hai aur Kusum ki aur hamala karne ki kosis karta hai.
Kusum use bas apne ishare bharse rok deti hai. Vikrant vese hi pehle ki tarah lachar ban kar apne sarir se apna vash kho bethata hai. Kusum Vikrant ki aur saitani hasi haste huve bolti hai.
Kusum: Vikrant, tum abhi bhi nahi samjhe? Tum Mera mukabla nahi kar sakte.
Kusum: Tum balwan ho, par meri taqato ke samne tum kuch nahi ho.
Vikrant (Gusse me): Kusum, tum aaj bach sakti ho, par tum ek baat jan lo, jese hi muje tumhari shaktiyo ko harane ka tarika mila, us waqt mein tumhe tumare baap ki tarah mar dunga.
Kusum (kutilta se): Uske liye tumhe pehle mere is vash se chutna padega, aur wo tumhe kon chudaye ga. Is duniya me meri taqat ko harana kisi ke bas me nahi hai.
Ye kahte hi Kusum apne pure ghamand me apne hath ucha karti huvi chilati hai, aur shaitan ki tarah hasne lagti hai.
Idhar mahal mai Rani Chandralekha apne kamre me yaha se waha ghume ja rahi thi, ek sainik akar use sab kuch bata deti hai. Rani ki aankhon me dar aur dukh ke bhav saf jalak rahe the. Une ke rajya ki do hoon har vyakti ki mrityu ki khabar se aansu beh nikle the. Aur Vikrant ki bebasi se wo bhi kuch kar nahi paane se unka dar aur bhi badh gaya tha. Unhe ummid kiran ab dhundhli lagne lagi thi.
Idhar bahar Vikrant lachar Kusum ke samne khada tha, ab tak rajya ke baki log bhi ikaatha ho gaye the. Unke samne Gauri ji aur Anandita ka mrit sarir pada huva tha. Kusum ka ye saitani roop dekh koi bhi uske khilaf hone ki himmat nahi kar pa raha tha. Kusum sabki aur dekhti huvi bolti hai.
Kusum: Dekho dekho, jise tum apna rakhwala samaj rahe the kese wo mere samne lachar khada hai.
Kusum: Jo khud ke chahnewale ko apne hatho marne se nahi bacha paya, wo tumhe kese bacha payega!
Kusum: Ab tumhari rani main hu, Rani se yaad aaya bhi taq tumhari rani kaha chipi bethi hai? Apne logo ko bachane samne nahi aayegi?
Koi bhi Kusum ke sawal pe kuch nahi bolta.
Kusum: Jao Vikrant, Rani ko yaha ghasite huve lav, ab uski bari hai.
Aur ye kehte hi, Vikrant chupchap Mahal ki aur chala jata hai. Vikrant ka ab apne man par bhi kabu nahi tha. Wo chalte huve mahal ke andar pahuch jata hai. Aur mahal me Rani ko dhundte huve har kamare ke andar jakar dekhne lagta hai. Mahal ke andar ke sainik thodi der ke liye Vikrant ke mahal ke andar aane se chakkit the. Par jese hi unhe sak huva, wo Vikrant par hamla karte hai.
Vikrant unhe bade aasani se maat de raha tha. Vikrant ki taqat ke aage wo ek pal bhi nahi tik pa rahi thi. Mahal me dard ki chikhe gunj rahi thi. Ye chikhe sun rani aur bhi dar se kap jati hai. Tabhi Vikrant Rani ke kamare ko todte huve andar ghusta hai. Use dekh rani hairani se dekhne lagti hai.
Rani: Vikrant tum? Tum ye sab kya kar rhe ho?
Vikrant kuch nahi bolta, wo sidha rani ke paas aata hai, aur unka hath tham kar bahar ki aur jane lagta hai. Rani uska virodh karne ki koshish karti hai. Vikrant me hatho par marne lagti hai, par iska Vikrant par kuch asar nahi hota hai.
Vikrant rani ka hath chodta hai, Rani ko lagta hai ki sayad Vikrant use chod de raha hai, par Vikrant Rani ke balo ko pakadta hai aur use khichta huve aage badhne lagta hai. Vikrant mahal ki upri mazil ki seedhiyon se hota huva niche aa raha tha. Vikrant ke balo ko khichne ki vajah se rani ulta chal rahi thi. Jisse wo pith ke bal seedhiyon par gir jati hai. Par Vikrant ko usse kuch farq nahi padta hai. Vo Rani ko aese khi khichta huva aage badhata rehta hai.
Balo ke khichavse rani ko bahut dard ho raha tha, wo apne balo ko apne hatho de pakad leti hai. Vikrant rani ko khichta huva ja rha tha, tabhi ek sainik jo dard se niche giri huvi thi wo Vikrant ke pairo ko pakad kar usse rokne ki kosish karti hai. Vikrant ko in sab bato se kuch bhi farq nahi pad raha tha. Wo apni gatti se hi chala ja raha tha.
Vikrant rani ko ghasita huva mahal ke bahar aa jata hai. Unke sath wo sainik bhi ghasitati huvi aa rahi thi. Ye dekh Kusum Vikrant ki aur ishara karti hai. Vikrant ruk jata hai. Sainik ko lagta hai, jese uski koshish ka kuch asar huva hai. Par Vikrant apna pair upar ki aur uthata hai, aur apni puri taqat ke sath Sainik ke muh par marta hai. Sainik ke muh khoon beh nikalta hai par wo Vikrant ka pair nahi chodti hai.
Vikrant firse apna pair uthata hai, aur is bar apne pair se sainik ke pait pe lat marta hai, is war se sainik ke muh se khun ka fuvara chut padta hai, aur wo khoon sidha rani ke upar girta hai. Vikrant firse apna pair uthata hai aur fir se apni puri taqat se sainik ke sar pe marta hai, jese hi Vikrant ka pair ka war lagta hai, fattt ki awaz ke sath sainik ka sar fat jata hai, use khun ke chitto se rani naha jati hai.
Idhar jese hi sab log dur se ye manzar dekhte hai, sab logo ke muh se dar ki chikh nikal padti hai. Aur ye dekh Kusum saitan ki tarah hasne lagti hai. Vikrant fir se rani ko ghasite huve aage badhane lagta hai. Sainik ka shav sarir abhi bhi Vikrant ke pair ko pakde hue tha. Jisse wo bhi rani ke ghasite huve sath aa raha tha. Apne rajya ke sainik ki apne hi aankhon ke samne aesi dardnak maut dekh rani ke dil me Vikrant aur Kusum ka khauf aur bhi baith gya tha.
Vikrant rani ko ghasite huve, Kusum ke pass pahuchta hai, aur aake khada ho jata hai. Kuch bhi nahi bolta hai. Wo rani ke balo ko pakade hue khada tha. Kusum uske samne fir se ishara karti hai, Vikrant apne hosh me aata hai. Rani ke balo ko pakde huve khud ko pata hai, aur apne pair pe kisike hatho mo pakad ko mehsus karta hai. Wo jaise hi niche dekhta hai, dar aur dard se uski aatama kamp jati hai. Sainik ki aesi maut, aur apne pairo pr khun laga huva dekhta hai, aur wo andaza laga leta hai ki kya huva hoga.
Vikrant dar se niche bathte ke rone lagata hai, aur mrit sainik ke hatho ki pakad ke khud ke pair ko chudata hai. Vikrant apne hath jod kar sainik ke sab samne mafi ki mudra me beth jata hai, uski aankho se lagatar aansu beh rahe the. Wo rani ki aur dekh kar bhi mafi mangane lagta hai. Vikrant ke achanak badle is roop se rani bhi kuch samaj nahi pati hai. Unki aankho se bhi aansu beh rahe the.
Sab log dar aur dukh me khade huve the. Kusum ko apni jit ke ghamand me saitan ki tarah hase ja rahi thi. Vikrant lachar sa rani, aur mrit sainik ke samne apne hath jode betha huva tha. Vasundhara Anandita aur Gauri ji ke mrit sarir ke pass bethe roye ja rahi thi.
Ek mand roshanee vaale kamare ke shaant aalingan mein, ek deep ki tim-timati lau se sahalaate hue, parchhaiyan deewaron par nrity kar rahi thi. Hava mein chandan ke ras se bhini ek sugandhit shaanti thee. kamare ke madhy mein, ek safed saree pahane hue ek mahila dhyaan me baithi huvi thi. Kamara uski alaukik upasthiti ke saamane jhuka hua prateet ho raha tha, aur uske chehare se nikalane vali halki chamak usake bhitar ek divy shakti ka sanket de rahi thi. Ek halki saans ke saath, usane apani aankhen kholi.
Bhavana694
Active Member
- 1,006
- 1,329
- 144
