Fantasy The Secret of the past
- Thread startermrDevi
- Start date
- 3,585
Laila Queen
Laila Ali Khan
- 2,153
- 5,349
- 144
- 927
- 2,080
- 124
Nice update but concept wahin same purani story jaisa ..
Devi ji please thodi hotness, glamorous tu lani padegi na story ma .
muhje laag raha ha aapse isse bhi boht acha likh sakte ho
Thanks for feedback, comment and support
Naik
Well-Known Member
- 21,420
- 77,244
- 258
Sala ek jhatke me Vikrant ki Zindagi 15 Saal aage Chali ya fir peeche Chali gayiVijay khada hota hai, apne haath kamar par rakhta hai, aur dheere dheere darwaze ki taraf chal padta hai. Darwaza kholte waqt wo rukta hai, peeche mur kar, ek shaak bhari muskaan ke saath puchhta hai:
Vijay (slightly smiling): Waise... us raat ka date kya tha?
Vikrant (thoda sochkar, confusion mein): 4 September... 2009.
Vijay (halki si hasi ke saath): Mujhe lagta hai tum abhi bhi nashe mein ho... 2009 nahi, 2024 hai.
Vikrant ki aankhein thodi aur badi ho gayi. Uske dimag mein ek tufaan chala gaya, Vijay ke shabdon ko samajhne ki koshish karta raha. 2024? Kaise?
Ab aage...........................
Vijay ke shabd, Yeh 2009 nahi, 2024 hai, Vikrant ke dimaag me jaise ek dhamake ki awaz ki tarah ghoonj gaye. Usne apne kaanon se suna toh zarur, lekin uske andar ek ajeeb si khamoshi chha gayi. Ek pal ke liye sab kuch rukh gaya tha, jaise uski saari duniya ulat palat gayi ho. Uski aankhon ke saamne andhere ka ghera badal banne laga, aur uske man me ek hi sawaal ghoom raha tha, Yeh kaise ho sakta hai? Galti kahaan hui?
Dil dhadakna to chhod hi chuka tha, jaise waqt ne apni chaal hi badal di ho. Guru Ma ke shabdon ka ek ek tukda uske dimag me ghoom raha tha. Unhone kaha tha ki wo apne time, apne ghar 2009 ke Mumbai me lautega. Sab kuch toh theek tha, toh phir galti kahan hui? Par ab, yeh 2024 tha, ek aisi duniya jo uske liye parayi lag rahi thi, jaise wo koi anjaan jagah me aa gaya ho.
Ek aisi duniya jo uske liye bilkul anjaan hogi. Har chehra, har imarat, har raah ab ajnabi lag hogi. Usne apne haath se zameen ko choo kar dekha, jaise confirm karna chahta ho ki wo koi sapna to nahi dekh raha. Samay ke is badalte chakkar me, uska astitva hi hil gaya tha.
Vikrant ke dimag me ek tufaan uth raha tha. Har ek sawaal uske zehen me ek nayi bechaini la raha tha. Guru Ma galat kaise ho sakti thi? Agar unhone kaha tha ki main 2009 me lautunga, toh phir yeh 2024 kaise ho sakta hai? Usne yaadon ko jodne ki koshish karne laga. Guru Ma, samundar, aur 2009 ki tasveerein uske dimag me tezi se ghoomne lagi. Lekin koi tasveer puri nahi ho rahi thi. Har tukda usko usi waqt aur jagah le ja raha tha jahan wo wapas aane ki soch raha tha. Guru Ma ke shabd sach the, lekin ab yeh sach uske liye ek ghoomti paheli ban gaya tha. Par samay ka yeh khel uske liye ek ajeeb paheli ban chuka tha, jaise ek badi galti ho gayi ho, yeh samajh nahi aa raha tha. Har pal uske dil aur dimaag ko ek naye sawal me uljha raha tha.
Uski aankhon ke saamne uska purana jeevan ek pal ke liye chamak utha. Uska ghar, uski maa, uske dost sab kuch yaad aa gaya. Lekin 15 saal beet chuke the. Usne apne mann ko samjhaane ki koshish ki, lekin dard uske dil ke kone kone me phel gaya. Ek samay tha jab usne socha tha ki sab kuch waisa hi milega jaise wo chhod ke gaya tha, lekin ab uske saamne ek bilkul alag duniya thi. Ek aisi duniya jahan 15 saal me sab kuch badal chuka hoga, aur wo apni hi zindagi me ajnabi ban gaya tha.
Yeh kaise ho sakta hai? Uska dimaag is sawaal ke jawab dhoond raha tha, lekin samay ne uske haath se sab kuch chheen liya tha. Uska ghar, uske log, uska wajood—sab kuch.
Is naye samay me, Vikrant apne purane jeevan ka tukda tukda dhoondhna chahta tha, par usse kya milega, yeh wo khud nahi jaanta tha.
2 din beet chuke the, aur Vikrant ab bhi apne hi sawaalon me ghira hua tha. Duniya jaise chal rahi thi, lekin uske liye toh samay ruk sa gaya tha. Uske zehen me ek hi cheez baar-baar ghoom rahi thi Ab kya? Is naye samay aur naye jagah me apni jagah kaise banayega, yeh usse samajh nahi aa raha tha. Usne jo sapna dekha tha, wapas lautne ka, wo ab uski aankhon ke saamne bikhar chuka tha. 15 saal ka safar ek pal me uske saamne tha, lekin wo toh ek hi pal me itna kuch kho chuka tha. Meri maa kaisi hogi? Kya wo ab bhi mera intezaar kar rahi hogi? Ya kahin intezaar karte-karte...
Dil me ek ajnabi sa darr tha, jo uski har soch ko daba raha tha.
Tabhi Dr. Pritesh andar aaye, bilkul routine ke hisaab se, jaise kuch bhi badla na ho. Uske haath me file thi, aur chehre par muskurahat.
Pritesh (muskurate hue): Toh, Vikrant, ab kaise ho? Kaisa feel ho raha hai?
Vikrant ne ek pal ke liye Dr. Pritesh ki taraf dekha. Uske chehre par ek ajeeb si shanti thi, lekin andar toofan tha. Andar ghoomta hua andhera uske chehre par dikhai nahi de raha tha, par uski aankhon me kuch chhupa zarur tha.
Vikrant (thodi dair ke liye chup rehkar): Acha hoon... ab sar dard nahi hai.
Lekin andar hi andar Vikrant soch raha tha, Sar ka dard toh chala gaya hai, par sawaalon ka jo dard hai, wo ab bhi apne charam par hai.
Pritesh (thoda muskurate hue): Wese ab tum theek ho, toh ghar waalon ko inform kar dein?
Vikrant ne ek pal ke liye ruk kar socha. Andar kahin kuch toota, aur ek ajeeb si khamoshi chha gayi. Phir dheere se bola, jaise sach ka bojh uske dil par baith gaya ho:
Vikrant: Sir, mera is duniya me koi nahi hai. Main akela hoon.
Pritesh ka chehra ek pal ke liye samvedna se bhar gaya, lekin wo apne professional andaaz me wapas aa gaya. Ek doctor ki tarah, jise kisi bhi patient ki emotional halat par zyada der nahi tikna hota.
Pritesh: Oh... I'm sorry, mujhe nahi pata tha.
Thoda asvavasth mehsoos karte hue, Pritesh ne apne haath me papers uthaye, apne aap ko normal karne ki koshish ki.
Pritesh: Toh, tum ab kaha jaoge?
Vikrant ne sochna chhod diya tha. Is naye samay ke baare me kuch bhi sochne ki kshamata ab usme nahi thi. Uska jawab bilkul seedha tha, jaise wo apni asli duniya me wapas jaane ki koshish kar raha ho.
Vikrant: Sir, mera ghar hai, wahi jaunga.
Pritesh: Okay, main paper work complete kar deta hoon. Tumhe kuch dawaiyaan prescribe kar raha hoon. Phir tum ja sakte ho.
Vikrant: Thanks.
Pritesh ne professional tarike se apni file band ki, aur routine me wapas aa gaya. Lekin usse ye mehsoos zarur ho raha tha ki Vikrant ke lafzon ke peeche kuch tha jo usne samjha nahi. Jese ek ajib dard me chhupa tha.
Pritesh: Okay, bye. Take care.
Pritesh jaise hi room se nikla, apne cabin me wapas gaya. Jaise hi usne discharge paper work ke liye desk par baithe, ek achanak ghanti uske dimag me baj gayi.
Pritesh: Oh, shit! Main Vijay ko inform karna bhool gaya!
Usne jaldi se apna phone uthaya aur Vijay ko call milaya. Ring jaari thi. Vijay ne call pick kiya.
Vijay: Ji, boliye.
Pritesh: Hello, Inspector Vijay? Main Vikrant ke baare me call kar raha tha.
Vijay: Ji, kahiye.
Pritesh: Wo... uski health ab theek hai, toh hum usko discharge kar rahe hain. Socha aapko inform kar doon.
Vijay: Okay, koi baat nahi. Bas ek kaam karna, uska address le lena. Us din main bhool gaya tha poochhna. Abhi main ek politician ke ghar chori ke case me busy hoon, toh waha nahi aa paunga.
Pritesh: Oh, okay, koi baat nahi. Main bas aapse confirm karna chahta tha.
Vijay: Ji, theek hai. Aap address message kar dena. Zarurat lagi toh main khud hi usse mil lunga.
Pritesh: Theek hai, bye.
Call khatam hota hai, aur Pritesh ne apne desk par lagi bell bajayi. Thodi der baad ek chaprasi andar aaya.
Pritesh: Rahul ko bolo, male ward me bed no. 15 par jo Vikrant hai, uski haath se drip nikal de aur fir Vikrant ko yaha bhej de.
Chaprasi: Ji, Sir.
Chaprasi chala gaya, aur Pritesh ne apne kaam me wapas lag gaya.
Thodi hi der me Rahul Vikrant ke ward me aaya, haath me kuch medical supplies liye hue. Uska chehra hamesha ki taraf muskurahat se bhara hua tha, jaise har roz wo isi tarah patients se milta ho, unhe kuch der ke liye normal mehsoos karvane ki koshish karta ho. Uski muskurahat me ek rahat thi jo Vikrant ko thodi der ke liye sukoon deti thi, lekin uske dil ke andar ek alag hi halchal thi.
Rahul (muskurate hue): Toh, Vikrant, aaj tumhari chhutti hai yahaan se. Kaisa lag raha hai?
Vikrant ne ek halke si muskurahat di, lekin uske chehre ka thehrav abhi bhi waisa hi tha—dikhne me shant, lekin andar se prashn aur chinta se bhara hua.
Vikrant (halke se muskurata hai): Haan, acha lag raha hai.
Rahul (drip ki taraf ishara karte hue): Chalo, tumhare haath se ye drip nikaal dete hain, fir Dr. Pritesh se mil lena. Uske baad ghar ja sakte ho.
Rahul ki baat sunte hi, Vikrant ne apna haath aage badhaya. Rahul ne aram se uske haath me lagi needle ko nikaala, dheere se muskuraya, aur us jagah ek chhoti si bandage laga di. Jaise needle nikalne ke saath hi uske haath se sirf ek drip nahi, balki uska purana jeevan bhi nikal gaya ho—15 saal, jo ek pal me uske haath se phisal gaya.
Rahul (thodi masti me): Lo, nikal gaya. Aaj ke din ye bandage rakhna... yaadgari ke liye!
Vikrant (halke se hans kar): Thik hai, shukriya.
Vikrant ke chehre par ek pal ke liye halke si hansi zarur thi, lekin uske andar ek ajeeb si bechaini thi. Jaise wo har cheez ko mehsoos kar raha ho, lekin uska dard aur dar andar hi daba hua tha. Rahul ki hasi bhi us tak poori tarah nahi pahunchi thi; ek chhoti si muskurahat bhi uske mann ki gehraiyon tak nahi jaa paayi thi.
Rahul (thodi hasi me): Chalo, ab tum apne kapde badal lo. Phir chalte hain Dr. Pritesh se milne.
Vikrant ne hospital ki white uniform ko dekh kar ek pal ke liye ruk gaya. Dheere kadmon se bathroom ki taraf chal pada. Bathroom me ghuste hi, Vikrant ek pal ke liye sheeshe ke saamne khada ho gaya. Sheeshe me apni hi parchai dekh kar, usne mehsoos kiya jaise wo ek ajeeb si uljhan mein ho. Wo soch raha tha, kya hota agar wo 15 saal jeeta, Jo usne khoye hai, Uske chehare aur body me kya badlaav aata?
Kuch der baad, Vikrant apne purane kapdon me wapas aaya. Kapde jaise purane the, par ab unka matlab naya ho gaya tha, jaise ek purani zindagi ki jagah ek nayi zindagi le raha ho.
Rahul: Chalo, ready? Dr. Pritesh intezaar kar rahe honge.
Vikrant ne bas dheere se sir hilaaya. Uske kadam dheere the, Rahul ke saath wo cabin ki taraf chal pada, lekin har kadam ke saath, uske man me ek nayi uljhan aur ek nayi chhavi janam le rahi thi.
Rahul ne cabin ka darwaza khola, aur Dr. Pritesh ke saamne jaake rooka. Pritesh ne apne papers se nazar uthayi, aur muskuraya.
Sab kuch badal gaya Vikrant ka
Ab yeh guru maa ka kia chakker h
Dekhte h jab flash Back aayega tab kia pata chalta h gil haal Vikrant abhi Jayega yeh dekhte h
Behtareen shaandar update
- 927
- 2,080
- 124
Thank you very much bhai. Flashback ki jarur hi nahi, ye story ke first part me already bata diya hai, Sayad aap miss kr gye ho!!!